உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




அஷ்வின் கோட்னீஸ் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
அஷ்வின் கோட்னீஸ் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

சனி, மே 21, 2011

கடலூர் மாவட்ட புதிய எஸ்.பியாக பி.பகலவன் நியமனம்

தமிழகத்தில் எட்டு மாவட்டங்களுக்கு புதிய எஸ்.பி.க்கள் நியமிக்கப்பட்டுள்ளனர். இதுதொடர்பாக, உள்துறை முதன்மைச் செயலர் ஷீலா ராணிசுங்கத் வெள்ளிக்கிழமை வெளியிட்ட உத்தரவின் படி கடலூர் மாவட்ட புதிய எஸ்.பியாக பி.பகலவன் நியமிக்கப்பட்டுள்ளார்.  

 இதற்கு முன்   கடலூர் மாவட்ட காவல்துறை கண் காணிப்பாளராக இருந்த அஷ்வின் கோட்னீஸ் அவர்களுக்கு எமது பாராட்டுக்கள். மாவட்டத்தில் சட்டம் மற்றும் ஒழுங்கை பாதுகாத்ததில் சிறப்பாக பணியாற்றியவர் அஷ்வின் கோட்னீஸ் மேலும் நாவரசு கொலை வழக்கில் ஜான் டேவிட் கைது செய்ததில் தீவிரமாக பணியாற்றி தமிழகத்தையே கடலூர் மீது திரும்பி பார்க்க வைத்தவர். 

 

Read more »

புதன், ஜனவரி 05, 2011

கடலூர் சில்வர் பீச் புதுப்பிக்கப்பட்ட புறக்காவல் நிலையம் திறப்பு

கடலூர்:

             புதுப்பிக்கப்பட்ட கடலூர் சில்வர் பீச் புறக்காவல் நிலையத்தை, கடலூர் மாவட்டக் காவல் கண்காணிப்பாளர் அஸ்வின் கோட்னீஸ் அண்மையில் திறந்து வைத்தார். 

              கடலூர் சில்வர் பீச் புறக்காவல் நிலையம், தரைத்தளத்திலும் முதல் தளத்தில் ஹோட்டலும் இருந்தது. சுனாமியின்போது புறக்காவல் நிலையம் பலத்த சேதமடைந்தது. அதன்பிறகு புதுப்பிக்கப்பட்டது. முதல் தளம் பயன்படுத்தப்படாமல் இருந்தது.  இந்த முதல் தளம் தற்போது நவீனப்படுத்தப்பட்டு, போலீஸ் அதிகாரிகள் தங்கும் விடுதியாக மாற்றி அமைக்கப்பட்டு உள்ளது.

                புறக்காவல் நிலையம் முன் அழகிய  புல்வெளி அமைக்கப்பட்டு உள்ளது. தங்கும் விடுதியுடன் கூடிய புதுப்பிக்கப்பட்ட சில்வர் பீச் புறக்காவல் நிலையத்தை, மாவட்டக் காவல் கண்காணிப்பாளர் வெள்ளிக்கிழமை திறந்து வைத்தார்.  நிகழ்ச்சியில் கடலூர் போலீஸ் துணைக் கண்காணிப்பாளர் பாண்டியன் உள்ளிட்டோர் கலந்துகொண்டனர்.

Read more »

வியாழன், செப்டம்பர் 16, 2010

நெல்லிக்குப்பம் புதிய போலீஸ் ஸ்டேஷன் கட்டடம் 22ம் தேதி திறப்பு

நெல்லிக்குப்பம்: 

                நெல்லிக்குப்பம் போலீஸ் ஸ்டேஷன் புதிய கட்டட  திறப்பு விழா  22ம் தேதி நடைபெறும் என எஸ்.பி., தெரிவித்தார். நெல்லிக்குப்பத்தில் 28 லட்சம் ரூபாய் செலவில் புதிய போலீஸ் ஸ்டேஷன் கட்டடம் கட்டி முடிக்கப்பட்டு ஆறு மாதமாகியும் திறக்கப்படாமல் இருந்தது.  இந்நிலையில் நேற்று முன்தினம் இரவு நெல்லிக்குப்பம் வந்த எஸ்.பி., அஷ்வின் கோட்னீஸ் போலீஸ் ஸ்டேஷன் புதிய கட்டடத்தை பார்வையிட்டார். 

பின்னர் எஸ்.பி., அஷ்வின் கோட்னீஸ் கூறுகையில்,

        "வரும் 22ம் தேதி டி.ஐ.ஜி., மாசானமுத்து புதிய கட்டடத்தை திறந்து வைக்கிறார்' என தெரிவித்தார். இன்ஸ்பெக்டர் பாண் டியன், சப் இன்ஸ்பெக்டர் அன்பரசு உடன்  இருந்தனர்.

Read more »

செவ்வாய், ஆகஸ்ட் 24, 2010

டிஜிட்டல் பேனர்கள் அகற்றப்படும் எஸ்.பி., அஷ்வின் கோட்னீஸ் உறுதி

பண்ருட்டி : 

              போக்குவரத்துக்கு இடையூறாக உள்ள  டிஜிட்டல் போர்டுகள் அகற்றப்படும் என எஸ்.பி., அஷ்வின் கோட்னீஸ்  கூறினார். பண்ருட்டி அனைத்து மகளிர் போலீஸ் நிலையத்தில் நேற்று எஸ்.பி., அஷ்வின் கோட்னீஸ் ஆய்வு மேற்கொண்டார்.

பின்னர் எஸ்.பி., அஷ்வின் கோட்னீஸ்  கூறியது :- 

            பண்ருட்டி சப் டிவிஷனில் 7 சதவீதம் அளவில் தான் போலீசார் எண்ணிக்கை குறைவாக உள்ளனர். மற்ற சப் டிவிஷன்களில் 20 சதவீதம் அளவில் பற்றாக்குறை உள்ளது. பஸ் நிலையத்தில் புறக்காவல் நிலையம்  செயல்பட போலீசார் நியமிக்கப் படுவர். போக்குவரத்து பிரிவில்  தற்போது சிதம்பரம், விருத்தாசலம், வடலூர் பகுதியில் ஆக்கிரமிப்புகள் அகற்றப்பட்டு சீரமைக்கப்பட்டுள்ளது.
 
               விரைவில் பண்ருட்டியிலும் போக்குவரத்து சீரமைக்கப்படும். போக்குவரத்து சீரமைக்கும் பணியில் ஈடுபடாத அதிகாரிகள் மீது நடவடிக்கை எடுக்கப்படும். டிஜிட்டல் பேனர்களால் விபத்துகள் ஏற்படுகிறது. போக்குவரத்திற்கு இடையூறாக உள்ள டிஜிட்டல் போர்டுகள் அகற்ற மாவட்ட நிர்வாகம் முடிவு செய்துள்ளது. விரைவில் அகற்றப்படும். உடன் டி.எஸ்.பி., பிரசன்னகுமார், மகளிர் இன்ஸ்பெக்டர் ஆலீஸ் மேரி, சப் இன்ஸ்பெக்டர் பவானி உள்ளிட்டோர் இருந்தனர்.

Read more »

வியாழன், ஆகஸ்ட் 19, 2010

கடலூரில் பயிற்சிக் காவலர்களுக்கு உயிர் காக்கும் உதவிப் பயிற்சி

கடலூர் : 

            கடலூரில் பயிற்சிக் காவலர்களுக்கு அடிப் படை உயிர் காக்கும் உதவிப் பயிற்சி நடந்தது. 

               கடலூர் எஸ்.பி., அலுவலக வளாகத்தில் உள்ள கவாத்து மைதானத்தில் 151 பயிற்சிக் காவலர்களுககான பயிற்சி முகாம் கடந்த ஐந்து மாதங்களாக நடந்து வருகிறது. தற்காலிக காவலர் பயிற்சிப் பள்ளியில் நேற்று புதிய காவலர்களுக்கு "அடிப்படை உயிர் காக்கும் உதவிப் பயிற்சி' முகாம் நடந்தது. எஸ்.பி., அஷ்வின் கோட்னீஸ் தலைமை தாங்கி, பயிற்சி வகுப்பை துவக்கி வைத்தார். பயிற்சிப் பள்ளி ஆய்வாளர் மணவாளன் வரவேற்றார். அறுபடை வீடு மருத்துவக் கல்லூரி டாக்டர் கார்த்திகேயன், அவசர சிகிச்சைப் பிரிவு துறைத் தலைவர் நித்தியானந்தன் ஆகியோர் பயிற்சியளித்தனர்.

Read more »

வெள்ளி, ஆகஸ்ட் 06, 2010

கடலூர் புதுநகர் ஸ்டேஷனில் எஸ்.பி., திடீர் ஆய்வு

கடலூர் : 

             கடலூர் புதுநகர் போலீஸ் ஸ்டேஷனில் எஸ்.பி.,  ஆய்வு மேற் கொண்டார். 

                 கடலூர் புதுநகர் போலீஸ் ஸ்டேஷனில் எஸ்.பி., அஷ்வின் கோட்னீஸ் நேற்று வருடாந்திர ஆய்வு மேற்கொண்டார். அப்போது ஸ்டேஷனில் பராமரிக்கப்படும் வருகை மற்றும் வழக்குப் பதிவேடு உள்ளிட்ட கோப்புகளை பார்வையிட்டார். மேலும், நிலுவையில் உள்ள வழக்குகள், தேடப்பட்டு வரும் தலைமறைவு குற்றவாளிகளின் விவரங்கள் குறித்து போலீசாரிடம் கேட்டறிந்தவர் கிடப்பில் உள்ள வழக்குகளை விரைந்து முடிக்க அறிவுறுத்தினார். ஆய்வின்போது டி.எஸ்.பி., மகேஸ்வரன், இன்ஸ்பெக்டர் ஆரோக்கியராஜ் ஆகியோர் உடனிருந்தனர்.

Read more »

நண்பர்களோடு பகிர்ந்து கொள்ள

Country wise Vistior