உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




ஆட்சியர் அலுவலகம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
ஆட்சியர் அலுவலகம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, நவம்பர் 18, 2011

கடலூர் மாவட்டத்தில் மீண்டும் கனமழை இயல்பு வாழ்க்கை பாதிப்பு


கடலூர் ஆட்சியர் அலுவலகச் சாலையில் மழையில் நனைந்தபடி வகுப்புகளுக்குச் செல்லும் கல்லூரி மாணவிகள்.
கடலூர்:

            கடலூரில் புதன்கிழமை இரவு முதல் மீண்டும் பெய்யத் தொடங்கியுள்ள கன மழையால் மக்களின் இயல்பு வாழ்க்கை பாதிக்கப் பட்டுள்ளது.வங்கக் கடலில் காற்றழுத்த தாழ்வு மண்டலம் உருவாகியிருப்பதால் கடலூர் மாவட்டம் முழுவதும் மீண்டும் பரவலாக நல்ல மழை பெய்து வருகிறது. கடந்த இரு வாரங்களுக்கு முன் பெய்து வந்த மழை புதன்கிழமை இரவு முதல் மீண்டும் பெய்யத் தொடங்கியது. 

            வியாழக்கிழமை காலை முதல் கன மழை பெய்தது. இதனால் கடலூரில் பொதுமக்களின் இயல்பு வாழ்க்கை பாதிக்கப்பட்டது. கல்லூரி மற்றும் பள்ளி மாணவ மாணவியர் பெருதும் பாதிக்கப்பட்டனர். தெருக்கள், சாலைகள் அனைத்திலும் மழை நீர் குளம்போல் தேங்கி, போக்குவரத்துக்கு பெரிதும் பாதிப்பை ஏற்படுத்தியது. ஏற்கெனவே மோசமான நிலையில் இருந்த சாலைகள், மக்களுக்கு மீண்டும் சங்கடத்தை ஏற்படுத்தின. விவசாயிகள் இந்த மழையைப் பெரிதும் வரவேற்று உள்ளனர். 

இதுகுறித்து கடலூர் மாவட்ட உழவர் மன்றங்களின் கூட்டமைப்பு தலைவர் பி.ரவீந்திரன் கூறுகையில், 

          இப்போது விட்டு விட்டு பெய்து வரும் வடகிழக்குப் பருவமழை விவசாயிகளுக்கு பெரிதும் பயனளிப்பதாக இருக்கும். சம்பா நெற்பயிருக்கு யூரியா தட்டுப்பாடு உள்ள நிலையில் விட்டுவிட்டுப் பெய்து வரும் மழையால், பயிர்களுக்கு நைட்ரஜன் சத்து இயற்கையாகக் கிடைக்கும் வாய்ப்பு உள்ளது. கடந்த இரு வாரமாக மழை ஓய்ந்து இருந்தது. எனவே ஆழ்குழாய் கிணற்றுப் பாசனப் பகுதிகளில், மின்மோட்டார்கள் மூலம் தண்ணீர் வழங்க வேண்டிய நிலை ஏற்பட்டது. ஆனால் தொடந்து அதிகரித்து வரும் மின்வெட்டால், போதிய தண்ணீர் வழங்க முடியாமல் விவசாயிகள் கவலையுடன் இருந்தனர். இந்த நிலையில் இப்போது தொடங்கியுள்ள மழை, ஆழ்குழாய் கிணற்றுப் பாசன விவசாயிகளும் வரவேற்கத் தகுந்ததாக அமைந்து உள்ளது என்றார்.










Read more »

புதன், ஆகஸ்ட் 17, 2011

கடலூர் ஆட்சியர் அலுவலகம் முன் லோக்பால் கூட்டமைப்பினர் உண்ணாவிரதம்

 http://mmimages.mmnews.in/Articles/2011/Aug/9a60a220-a3ae-4de8-9180-42eb854e1f3c_S_secvpf.gif
 
கடலூர்

            அன்னா ஹசாரே கைது செய்யப்பட்டதை கண்டித்து கடலூரில் லோக்பால் கூட்டமைப்பினர் உண்ணாவிரதம் இருந்தனர். டெல்லியில் போலீஸ் தடையை மீறி உண்ணாவிரதம் இருக்க முயன்ற அன்னா ஹசாரே கைது செய்யப்பட்டார்.

           இதை கண்டித்து கடலூர் கலெக்டர் அலுவலகம் முன்பு தமிழ்நாடு லோக்பால்களின் கூட்டமைப்பினர் நேற்று  உண்ணாவிரதம் இருந்தனர். உண்ணாவிரதத்திற்கு சுப்புராயன் தலைமை தாங்கினார். ராமைய்யா முன்னிலை வகித்தார். அப்பாஜி வரவேற்றார். நிர்வாகிகள் குழந்தைசாமி, வசந்தகோகிலம், கதிர், மணிவண்ணன், மருதவாணன் ஆகியோர் பேசினார்கள். அன்னாஹசாரே கைது செய்யப்பட்டதற்கு கூட்டத்தில் கண்டனம் தெரிவிக்கப்பட்டது.
 
 
 
 
 
 

Read more »

திங்கள், ஜூன் 13, 2011

கடலூர் மாவட்டத்தை புறக்கணிக்கும் நெடுஞ்சாலைத்துறை

கடலூர் :

                    தமிழகத்தில் மிக மோசமான சாலைகளை உடைய மாவட்டமாக கடலூர் மாவட்டம் திகழ்கிறது.

                      கடலூர் மாவட்டதிலிருந்து பிற மாவட்டங்களை இணைக்கும் அனைத்து சாலைகளும் போக்குவரத்துக்கு தகுதியற்றதாக உள்ளதால் இம்மாவட்ட மக்கள் மட்டுமின்றி, இம்மாவட்டதிற்கு வந்து செல்லும் பிற மாவட்டத்தினரும் இன்னலுக்கு ஆளாகின்றனர். ஆங்கிலேயர் ஆட்சிக் காலத்தில் தமிழகத்தின் தலைநகராக கடலூர் விளங்கியது. அதன் பிரதிபலிப்பு மாறாமல் இன்னும் அதன் சுவடுகளுடன் கடலூர் மாவட்டம் காட்சியளிக்கிறது. 

                  அதற்கு சான்றாக மாவட்ட ஆட்சியர் அலுவலகம் மற்றும் மாவட்ட காவல்துறை கண்காணிப்பாளர் அலுவலகங்களை காணலாம்.  அத்தகைய பழமைவாய்ந்த கடலூர் மாவட்டத்தில், சாலை வசதி ஏனோ இன்னும் தரம் உயர்த்தப்படாமலும்,  அகலமாக்கப்படாமலும், குறுகிய மற்றும் குண்டும் குழியுமான சாலைகளாகவே காட்சியளிக்கின்றன. தமிழகத்தில் உள்ள சாலைகளின் சாலைகளின் நீளம் மொத்தம் 199040 கி.மீ. இதில் 61640 கி.மீ. சாலைகள் மாநில நெடுஞ்சாலைத் துறையினரால் பராமரிக்கப்படுகிறது. தேசிய நெடுஞ்சாலைகளின் நீளம் 4873 கி.மீ. மாநில நெடுஞ்சாலைகளின் நீளம் 9384 கி.மீ. மாவட்ட முக்கிய சாலைகளின் நீளம் 11288 கி.மீ., மாவட்ட இதர சாலைகளின் நீளம் 63096 கி.மீ. ஆகும். 

                 இதில் கடலூர் மாவட்டத்தில் உள்ள நெடுஞ்சாலைகளின் நீளம் 1898 கி.மீ. இதில் தேசிய நெடுஞ்சாலைகளின் நீளம் 94.98 கி.மீ. மாநில நெடுஞ்சாலைகளின் நீளம் 308.96 கி.மீ, மாவட்ட முக்கிய சாலைகளின் நீளம் 395.64 கி.மீ. மாவட்டத்தின் இதர சாலைகளின் நீளம் 1204.85 கி.மீ ஆகும்.  இதில் தங்க நாற்கர சாலைத் திட்டத்தின் கீழ் மாவட்டத்தில் 93 கி.மீ நீள சாலைகள் தரம் உயர்த்தப்படவுள்ளது. மற்ற மாவட்ட சாலை வசதிகளைக் காட்டிலும் கடலூர் மாவட்டத்தில் சாலை வசதிகள் மிகக் குறைவாகவே உள்ளது.  

                 குறிப்பாக கடலூர் மற்றும் சிதம்பரத்திலிருந்து சேலம் செல்லும் சாலை, விருத்தாசலம்-வேப்பூர் வரையிலான சாலை, கடலூர் மற்றும் சிதம்பரத்திலிருந்து திருச்சி செல்லும் சாலை, விருத்தாசலம் - தொழுதூர் சாலை ஆகியவை போக்குவரத்துக்கு தகுதியற்றதாக உள்ளன. கார் வைத்திருப்பவர்கள் பண்ருட்டி மார்க்கமாக சென்று கள்ளக்குறிச்சி வழியாக சேலம் சென்றுவிடுகின்றனர். சரக்கு ஏற்றிவரும் லாரிகள் மேற்கண்ட சாலையில் லாரியை பழுது இல்லாமல் ஓட்டிவந்தால் அதுவே ஒரு பெரும் சாதனை என்றே குறிப்பிடலாம். 

               பண்ருட்டியிலிருந்து - விக்கிரவாண்டி இடையிலான சாலையும் இதே நிலையில்தான் உள்ளது. இதனால் சென்னை செல்வோர் கடலூர் வழியாக பதுச்சேரி சென்று கடற்கரை சாலை வழியாக சென்னை செல்கின்றனர். பண்ருட்டியிலிருந்து திருவண்ணாமலை செல்லும் சாலையும் படுமோசமான நிலையில் உள்ளது. தங்கநாற்கர சாலைத்திட்டத்தின் கீழ் மேம்படுத்தபடவிருப்பதாக அறிவிக்கப்பட்டுள்ள விக்கிரவாண்டி - தஞ்சை சாலை மார்க்கத்தில் இம்மாவட்டத்தில் இடம்பெற்றுள்ள கண்டரக்கோட்டை- மீன்சுருட்டி வரையிலான 65 கி.மீ. சாலை கடந்த 5 ஆண்டுகளுக்கு மேலாகியும் கிடப்பில் போடப்பட்டுள்ளது. 

              தஞ்சை, கும்பகோணத்தைச் சேர்ந்தவர்கள் இந்த வழியாகத்தான் சென்னை செல்லவேண்டும். இந்தசாலை ஒவ்வொரு ஆண்டு மழைக்காலத்திலும் மழைநீரால் அரித்துச் செல்லப்பட்டு ஆங்காங்கே குண்டும் குழியுமாக மாறிவிடுகிறது. இதை சீரமைக்கவே ஒவ்வொரு ஆண்டும் ரூ. 17 கோடியை தேசிய நெடுஞ்சாலைத்துறை ஒதுக்கிய போதிலும் இதுவரை முழுமை பெறவில்லை. இந்த சாலையில் வடலூருக்கு 2 கிலோ மீட்டருக்கு முன் அமைந்துள்ள, 100 ஆண்டுகளை கடந்த குறுகிய பாலம் இதுவரை சீரமைக்கப்படாமல், குறுகிய பாலமாகவே இருப்பதால் இந்த பாலத்தில் 10 தினங்களுக்கு ஒரு விபத்து நடந்தேறியவண்ணம் உள்ளது. 

               பாலத்தின் பக்கவாட்டுச் சுவர் இடிந்த நிலையிலும், பாலத்தின் நிலை குறித்து எச்சரிக்கை பதாகைகளோ அல்லது சிவப்பு விளக்குகளோ இதுவரை பொருத்தாதது நெடுஞ்சாலைத்துறையினரின் அலட்சியத்தை வெளிப்படுத்துகிறது. ஒரு மாவட்டதில் சாலை வசதிகள் சிறப்பாக இருக்கும்பட்சத்தில், அதிக வருவாய் கிடைக்க வாய்ப்புண்டு. மேலும் தொழில் நிறுவனங்களும் தங்களது நிறுவனங்களை அமைக்க முன்வருவார்கள். 

           கடலூர் மாவட்டத்தில் மிகப்பெரிய பொதுத்துறை நிறுவனமாக என்எல்சி விளங்குகிறது.  கடலூர் சிப்காட் பகுதியில் ஏராளமான தொழில் நிறுவனங்கள் உள்ளன. கடலூரில் சிறிய துறைமும் உள்ளது. இத்தகைய சிறப்பு வாய்ந்த கடலூர் மாவட்டத்தில் சாலை வசதிகளை மேம்படுத்த நெடுஞ்சாலைத்துறையினர் முன்வராதது வருத்தமளிக்கிறது. தற்போது இரு அமைச்சர்கள் இந்த மாவட்டத்தைச் சேர்ந்தவர்களாக உள்ளனர். இவர்களாவது மாவட்டத்தின் நிலையை உணர்ந்து சாலைகள் மேம்பட உதவி புரிவார்களா என்ற எதிர்பாப்ப்பு மக்களிடம் எழுந்துள்ளது.






Read more »

செவ்வாய், மே 31, 2011

கடலூர் மாவட்ட ஆட்சியர் உட்பட 21 மாவட்டங்களின் ஆட்சியர்கள் மாற்றம்: தமிழக அரசு

            21 மாவட்டங்களின் ஆட்சியர்கள் திங்கள்கிழமை மாற்றம் செய்யப்பட்டுள்ளனர். 

இதுகுறித்து, தலைமைச் செயலாளர் தேவேந்திரநாத் சாரங்கி திங்கள்கிழமை இரவு வெளியிட்ட உத்தரவு

(ஆட்சியர்கள் முன்பு வகித்த பதவி அடைப்புக்குறிக்குள்)

        பி.உமாநாத்-நிதித் துறை இணைச் செயலாளர் (கோவை மாவட்ட ஆட்சியர்).

பி.சீதாராமன்-சுனாமி திட்ட இயக்குநர் (கடலூர் மாவட்ட ஆட்சியர்).

எம்.வள்ளலார்-தொழில் மற்றும் வணிகத் துறை கூடுதல் ஆணையாளர் (திண்டுக்கல் மாவட்ட ஆட்சியர்).

சி.காமராஜ்-போக்குவரத்துத் துறை துணைச் செயலாளர் (ஈரோடு மாவட்ட ஆட்சியர்).

ராஜேந்திர ரத்னு-சிறப்பு திட்டங்கள் அமலாக்கத் துறை இணைச் செயலாளர் (கன்னியாகுமரி மாவட்ட ஆட்சியர்).

ஜெ. உமா மகேஸ்வரி-உயர்கல்வித் துறை இணைச் செயலாளர் (கரூர் மாவட்ட ஆட்சியர்).

ஆர்.பழனிச்சாமி-நகராட்சி நிர்வாகங்களின் இணை ஆணையாளர் (விழுப்புரம் மாவட்ட ஆட்சியர்).

எம்.விஜயகுமார்-சுகாதாரம் மற்றும் குடும்பநலத் துறை துணைச் செயலாளர் (பெரம்பலூர் மாவட்ட ஆட்சியர்).

ஏ.சுகந்தி-சமூக நலத்துறை மற்றும் சத்துணவுத் திட்ட துணைச் செயலாளர் (புதுக்கோட்டை மாவட்ட ஆட்சியர்)

.டி.என்.ஹரிஹரன்-ஊரக வளர்ச்சி மற்றும் பஞ்சாயத்து ராஜ் துணைச் செயலாளர் (ராமநாதபுரம் மாவட்ட ஆட்சியர்).

ஜெ.சந்திரகுமார்-வருவாய்த் துறை இணைச் செயலாளர் (சேலம் மாவட்ட ஆட்சியர்).

எம்.எஸ்.சண்முகம்-தொழில் துறை இணைச் செயலாளர் (தஞ்சாவூர் மாவட்ட ஆட்சியர்).

எம்.ஜெயராமன்-தொழிலாளர் மற்றும் வேலை வாய்ப்புத் துறை இணைச் செயலாளர் (திருநெல்வேலி மாவட்ட ஆட்சியர்).

டி.பி.ராஜேஷ்-தமிழ் வளர்ச்சித் துறை, அறநிலையங்கள், செய்தித் துறை துணைச் செயலாளர் (திருவள்ளூர் மாவட்ட ஆட்சியர்).

சி.சமயமூர்த்தி-பொதுத் துறை இணைச் செயலாளர் (திருப்பூர் மாவட்ட ஆட்சியர்).

வி.கே.சண்முகம்-வேளாண்மைத் துறை இணைச் செயலாளர் (விருதுநகர் மாவட்ட ஆட்சியர்).

டி.கே.பொன்னுசாமி-எரிசக்தித் துறை இணைச் செயலாளர்  (அரியலூர் மாவட்ட ஆட்சியர்).

வி.பழனிகுமார்-தமிழ்நாடு எய்ட்ஸ் கட்டுப்பாட்டுச் சங்க திட்ட இயக்குநர் (வேலூர் மாவட்ட ஆட்சியர்).

எஸ்.மதுமதி-சென்னை மாநகராட்சி துணை ஆணையாளர் (சுகாதாரம்)-(நாமக்கல் மாவட்ட ஆட்சியர்).

வி.சம்பத்-தமிழ்நாடு வெடிபொருட்கள் நிறுவன மேலாண் இயக்குநர்-(சிவகங்கை மாவட்ட ஆட்சியர்).

மகேசன் காசிராஜன்-தமிழ்நாடு நீர்ப்பாசன மேம்பாட்டு முகமையின் செயல் இயக்குநர்-(திருச்சி மாவட்ட ஆட்சியர்).

Read more »

திங்கள், ஜூலை 26, 2010

வாகன நிறுத்துமிடமாக மாறிய கடலூர் ஆட்சியர் அலுவலக நுழைவாயில்


வாகனங்கள் நிறுத்தும் இடமாக மாறிய ஆட்சியர் அலுவலக முகப்பு வாயில்.
கடலூர்,:
 
          கடலூர் ஆட்சியர் அலுவலக பிரதான நுழைவுவாயில், தற்போது வாகனங்களை நிறுத்தும் இடமாக மாறியிருக்கிறது.
 
               கடலூர் மாவட்ட ஆட்சியர் அலுவலகக் கட்டடம் 100 ஆண்டுகளுக்கு மேல் பழமை வாய்ந்தது. இது ஆங்கிலேயர் ஆட்சிக் காலத்தில் கிழக்கிந்தியக் கம்பெனியின் அலுவலகமாகத் திகழ்ந்தது. மின் விசிறிகள் பிற்காலத்தில் பொருத்தப்பட்ட போதிலும், அலுவலகத்தில் எந்த அறையிலும் மின்விசிறி இல்லாமலே கோடைக் காலத்தில் நல்ல காற்றோட்டத்துடன் திகழும் வகையில், சிறந்த கட்டடக்கலை அமைப்புடன் கட்டப்பட்டு இருப்பது வியப்பை அளிக்கிறது.இந்த ஆட்சியர் அலுவலகத்தில், பணிபுரிவது பெருமைக்கு உரியது என்று, பல மாவட்ட ஆட்சியர்கள் தெரிவித்து இருக்கிறார்கள். இத்தகைய பெருமை வாய்ந்த, ஆட்சியர் அலுவலகக் கட்டடத்தின் பிரதான வாயிலில், சில ஆண்டுகளுக்கு முன் பல லட்சம் செலவில் அழகுற முகப்பு மண்டபம் கட்டப்பட்டது.
 
             அழகுக்கு அழகு சேர்க்கும் என்று எதிர்பார்க்கப்பட்ட இந்த முகப்பு மண்டபம், தற்போது இக்கட்டடத்தில் பல்வேறு அலுவலகங்களில் பணிபுரிவோரால், இருசக்கர வாகன நிறுத்தும் இடமாக, அண்மைக் காலமாக மாற்றப்பட்டு இருப்பது, பொதுமக்களை பெரிதும் வேதனையில் ஆழ்த்தி வருகிறது. அதுமட்டுமன்றி பிரதான வாயில் வழியாக ஆட்சியர் அலுவலகத்துக்குள் செல்வதும் சிரமமாக உள்ளது என்றும் பொதுமக்கள் புகார் தெரிவிக்கிறார்கள். இக்கட்டடத்தின் பின்பகுதியில், ஊழியர்களின் வாகனங்களை நிறுத்துவதற்கு போதிய இடவசதி செய்து கொடுக்கப்பட்டு உள்ளது. எனினும் ஆட்சியர் அலுவலக நுழை வாயில் வாகனங்கள் நிறுத்தும் இடமாக மாற்றி இருப்பது ஆட்சியர் அலுவலகத்துக்கு, பெருமை சேர்ப்பதாக இல்லை என்று பொதுமக்கள் கருதுகின்றனர்.

Read more »

சனி, ஜூலை 24, 2010

கடலூர் கலெக்டர் அலுவலகம் சாலையில் ஸ்டேட் பாங்க் ஏ.டி.எம்., மையம் திறப்பு

கடலூர் : 

           கடலூர் கலெக்டர் அலுவலகம் சாலையில் செஷ ன்ஸ் கோர்ட் வளாகத்தில் ஸ்டேட் பாங்க் ஏ.டி.எம்., மையம் திறப்பு விழா நடந்தது.

            கடலூர் மாவட்டத்தில் ஸ்டேட் பாங்க் ஏ.டி.எம்., 31 மையங்கள் உள்ளன. கடலூர் நகரில் 6வது மையமாக செஷன்ஸ் கோர்ட் வளாகத்தில் திறக் கப்பட்டது. திருச்சி மண் டல உதவி பொது மேலா ளர் பாண்டியராஜ் தலைமை தாங்கினார். கடலூர் கிளை முதன்மை பொது மேலாளர் கோவிந்தராஜ் வரவேற்றார். மாவட்ட முதன்மை நீதிபதி ராமபத்ரன் ஏ.டி.எம்., மையத்தை திறந்து வைத்து பேசினார். புதுச்சேரி மண்டல உதவி பொது மேலாளர் ஜெயராம்மூர்த்தி, கடலூர் மகளிர் கோர்ட் நீதிபதி அசோகன், மாவட்ட குற்றவியல் நடுவர் நீதிமன்ற நீதிபதி சண்முகநாதன், பொதுப்பணித் துறை செயற்பொறியாளர் மனோகர், வக்கீல் சங்கத் தலைவர் வேதநாயகம், அரிமா மாவட்ட தலைவர் திருமலை உட்பட பலர் பங்கேற்றனர்.

Read more »

புதன், ஏப்ரல் 21, 2010

நீர்}மோர் பந்தலை திறந்த மாற்றுத் திறனாளிகள்

 கடலூர்:

              மாற்றுத் திறனாளிகள் கடலூரில் மாவட்ட ஆட்சியர் அலுவலகம் எதிரில் திங்கள்கிழமை பொதுமக்களுக்காக நீர் மோர் பந்தல் திறந்தனர் மாற்றுத் திறனாளிகள் பலர் வாரம்தோறும் திங்கள்கிழமைகளில் கடலூர் மாவட்ட ஆட்சியரைச் சந்தித்து மனுஅளிக்க வருகிறார்கள். இவர்களுக்குக் குடிக்கத் தண்ணீர் கிடைப்பதுகூட சிரமமாக உள்ளது. மற்றவர்களுக்கும் குடிநீர் கிடைப்பது கஷ்டமாக உள்ளது. கோரிக்கை மனு அளிக்க வரும் ஏழை எளிய மக்கள் பலர் விலைகொடுத்து குடிநீர் வாங்கும் நிலையில் இல்லை. எனவே கடலூர் மாவட்ட மாற்றுத் திறனாளிகள் நலச் சங்கத் தலைவர் சந்தோஷ் உள்ளிட்ட நிர்வாகிகள் சிலர் சேர்ந்து, தங்கள் சொந்த செலவில், கடலூர் மாவட்ட ஆட்சியர் அலுவலகம் முன் திங்கள்கிழமை நீர் மோர் பந்தல் திறந்தனர். நீர் மோர் பந்தலை கடலூர் நகராட்சித் தலைவர் து.தங்கராசு திறந்து வைத்தார். இதனை முன்மாதிரியாக் கொண்டு, மேலும் பலர் இத்தகைய நீர் மோர் பந்தலை மக்களுக்காகத் திறக்க வேண்டும் என்று மாற்றுத் திறனாளிகள் கேட்டுக் கொண்டனர்.

பிடிஎப் கோப்பாக பதிவிறக்கம் செய்ய

Read more »

வெள்ளி, பிப்ரவரி 26, 2010

சென்னை கல்லூரி ஆசிரியர்கள் ஆர்ப்பாட்டம்

கடலூர்:
 
               தமிழ்நாடு அரசு கல்லூரி ஆசிரியர்கள் கழகத்தினர் கடலூர் மாவட்ட ஆட்சியர் அலுவலகம் முன் வியாழக்கிழமை ஆர்ப்பாட்டம் நடத்தினர்.அரசு கல்லூரிகளை ஒருமைவகை பல்கலைக் கழகங்களாக மாற்ற தமிழக அரசு முயற்சி செய்து வருவதாகக் கூறப்படுகிறது. இதற்கு கல்லூரி ஆசிரியர்கள் எதிர்ப்பு தெரிவித்து வருகிறார்கள். தங்கள் எதிர்ப்பைத் தெரிவிக்கும் வகையில், தமிழ்நாடு அரசு கல்லூரி ஆசிரியர்கள் கழகத்தினர் ஏற்கெனவே 2 கட்ட போராட்டங்களை நடத்தி உள்ளனர். வியாழக்கிழமை மாவட்ட ஆட்சியர் அலவலகம் முன் ஆர்ப்பாட்டம் நடத்தினர். ஆர்ப்பாட்டத்துக்கு வட்டாரத் தலைவர் கவாஸ்கர் தலைமை தாங்கினார். செயலர் ரியாஸ் முன்னிலை வகித்தார். மாநில இணைச் செயலர் உஷா மற்றும் நிர்வாகிகள் பாஸ்கர், மனோகரன், கருணாநிதி, நாராயணசாமி, சாந்தி, வணங்காமுடி உள்ளிட்டோர் கலந்து கொண்டனர். அடுத்த கட்டமாக மார்ச் 16-ம் தேதி 22 மாவட்ட மையங்களில் உண்ணாவிரதம்,  மார்ச் 24-ம் தேதி 8 மையங்களிóல் பேரணியும், ஏப்ரலில் தேர்வு புறக்கணிப்பு, மறியல், வேலைநிறுத்தம் உள்ளிட்ட போராட்டங்களை நடத்த இருப்பதாகவும் அறிவித்தனர்.

Read more »

நண்பர்களோடு பகிர்ந்து கொள்ள

Country wise Vistior