உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




ஆராய்ச்சி கட்டுரைகள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
ஆராய்ச்சி கட்டுரைகள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, ஜூலை 01, 2011

அண்ணாமலைப் பல்கலை ஆராய்ச்சி திட்டத்திற்கு அமெரிக்கக் குழுவினர் நிதியுதவி


துணை வேந்தர் எம்.ராமநாதனை (வலதுகோடி) சந்தித்த அமெரிக்காவின் மெக்சிகன் பல்கலைக்கழக குழுவினர்.
 
சிதம்பரம்:
 
           பெண் சிசுக்கொலை தடுப்பு தொடர்பான ஆராய்ச்சி திட்டத்துக்கு நிதியுதவி அளிக்க அமெரிக்காவின் மெக்சிகன் பல்கலைக்கழகக் குழுவினர் வியாழக்கிழமை அண்ணாமலைப் பல்கலைக்கழகம் வந்தனர்.
 
             மெக்சிகன் பல்கலைக்கழக அயல்நாட்டு மாணவர்கள் மற்றும் தொழில்துறை தொடர்பு அதிகாரி டான் டட்கிவிக்ஸ் தலைமையிலான குழுவினர் அண்ணாமலைப் பல்கலைக்கழக துணை வேந்தர் எம்.ராமநாதன், பதிவாளர் எம்.ராமநாதன், வேளாண்புல முதல்வர் ஜே.வசந்தகுமார் ஆகியோரை சந்தித்து ஆலோசனை நடத்தினர்.இதற்கான ஏற்பாடுகளை அண்ணாமலைப் பல்கலைக்கழக வேளாண் பொருளாதாரத் துறை தலைவர் பேராசிரியர் கே.ஆர்.சுந்தரவரதராஜன் செய்திருந்தார்.
 
           கடந்த ஆண்டு மீனவர் பென்களுக்கான தொழில் முனைவோர் திறன் மேம்பாட்டுக்கான பயிற்சி திட்டத்தை செயல்படுத்த அண்ணாமலைப் பல்கலைக்கழகத்துக்கு மெக்சிகன் பல்கலைக்கழகம் நிதியுதவி அளித்தது. இதில் சுனாமியால் பாதிக்கப்பட்ட மீனவர் பெண்கள் பங்கேற்று பயன்பெற்றனர். இதை பாராட்டிய மெக்சிகன் பல்கலைக்கழக குழுவினர், தற்போது இந்த ஆண்டு பெண் சிசுக்கொலை தடுப்பு குறித்து ஆராய்ச்சி மேற்கொள்ள நிதி வழங்க முன்வந்துள்ளது என பேராசிரியர் கே.ஆர்.சுந்தரவரதராஜன் தெரிவித்தார்.
 
 
 
 

Read more »

திங்கள், ஜூன் 20, 2011

ஆராய்ச்சி கட்டுரைகளை இணையதளத்தில் இலவசமாக பதிவிறக்கம் செய்ய புதிய திட்டம்

        உலகளவில் ஆராய்ச்சி கட்டுரைகளை மின்னணு வசதி மூலம் கல்லூரிகளிலேயே மாணவர்கள் இலவசமாக பெறும் திட்டம் அறிமுகம் செய்யப்பட்டுள்ளது. 

        முதுகலை பட்ட மேற்படிப்பு, அறிவியல் ஆராய்ச்சி மாணவர்கள், தங்கள் ஆய்வுக்கு தேவையான ஆராய்ச்சி கட்டுரைகளை பல்வேறு புத்தகங்களில் இருந்து திரட்டுகின்றனர். இதில் முக்கிய புத்தகங்கள், ஒரு சில நூலகங்களில் மட்டுமே கிடைக்கிறது. 30 ஆண்டுகளுக்கு முந்தைய ஆராய்ச்சி புத்தகங்கள் கிடைக்காமல் சிலர் சிரமப்படுகின்றனர். அப்படியே கிடைத்தாலும் இந்த புத்தகத்தை பல ஆயிரம் ரூபாய்க்கு விலைக்கு வாங்கும் நிலை ஏற்படுகிறது.

       இதைத் தொடர்ந்து மாணவர்களின் சிரமத்தை போக்கும் வகையில், மத்திய அரசின் மனித வளமேம்பாட்டு துறை சார்பில், பல்கலைக் கழக மானிய குழு, ஐ.ஐ.டி., - ஏ.ஐ.சி.டி.இ., இணைந்து, "என். லிஸ்ட்' என்ற இணையதளத்தை உருவாக்கி உள்ளது. இந்த இணையதளத்தில், 2,500க்கும் மேற்பட்ட ஆராய்ச்சி கட்டுரைகள் சேர்க்கப்பட்டுள்ளன. இவ்வசதியை பல்கலைக்கழக மானியம் பெறும் கல்லூரி மாணவர்கள் பெறும் வகையில், மின்னணு தகவல்கள் வசதி செய்யப்பட்டுள்ளது. 

        இங்குள்ள முதுகலை, ஆராய்ச்சி மாணவர்கள் ஒவ்வொருவருக்கும் தனித்தனியாக, "யூசர்நேம், பாஸ்வேர்டு' வழங்கப்படும். இணையதள வசதியை பயன்படுத்தி மாணவர்கள் இலவசமாக ஆராய்ச்சி கட்டுரைகளை பெறலாம். இத் திட்டத்தில் இந்தியா முழுவதும், 600 கல்லூரிகளை இணைக்க திட்டமிட்டு, இதுவரை, 1,500 கல்லூரிகள் இணைக்கப்பட்டுள்ளன. விருதுநகர் மாவட்டம் சிவகாசி அய்ய நாடார் ஜானகி அம்மாள் கல்லூரியிலும் இவ்வசதி அறிமுகப்படுத்தப்பட்டுள்ளது.





Read more »

நண்பர்களோடு பகிர்ந்து கொள்ள

Country wise Vistior