உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




இலவசப் பயிற்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
இலவசப் பயிற்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, மே 25, 2012

விருத்தாசலம் நகராட்சியில் வேலை வாய்ப்பு பயிற்சி முகாம்

விருத்தாசலம்:

விருத்தாசலம் நகராட்சி சார்பில் நடந்த வேலை வாய்ப்பு மேம்பாட்டு பயிற்சி முகாமில் 329 விண்ணப்பங்கள் பெறப்பட்டன.

விருத்தாசலம் நகராட்சி பொன்விழா ஆண்டை முன்னிட்டு நகர்ப்புற வேலை வாய்ப்பு திட்டத்தில் நகர்ப்புற ஏழைகளுக்கு வேலை வாய்ப்புடன் கூடிய திறன் மேம்பாட்டு பயிற்சி முகாம் அரசு ஆண்கள் மேல்நிலைப் பள்ளியில்இரு தினங்கள் நடந்தது. சேர்மன் அரங்கநாதன் தலைமை தாங்கி, பூர்த்திசெய்த வேலை வாய்ப்பு விண்ணப்பங்களை பெற்றார். துணை சேர்மன் சந்திரகுமார் முன்னிலை வகித்தார். கமிஷனர் (பொறுப்பு) மணிவண்ணன் வரவேற்றார்.முத்துக்குமார் எம்.எல்.ஏ., வேலை வாய்ப்பு முகாமை பார்வையிட்டு, பங்கேற்ற நிறுவனங்களின்விவரம் கேட்டறிந்தார். சி.எஸ்.சி., பிரைமெண்டஸ், ஏசிடி இன்டர்நேஷனல் கம்ப்யூட்டர் நிறுவனங் கள், அபிராமி மற்றும் விருத்தாம்பிகை ஐ.டி.ஐ., ஆகிய நிறுவனங்கள் பங்கு பெற் றன. இரண்டு நாள் முகாமில் 329 விண்ணப்பங்கள் பெறப்பட்டன.






Read more »

செவ்வாய், மே 31, 2011

கடலூர் மாவட்ட வேலைவாய்ப்பு அலுவலகத்தில் சார்நிலை பணி தேர்வுக்கு இலவச பயிற்சி வகுப்பு

கடலூர் : 

           சார்நிலை பணிக்கு விண்ணப்பித்தவர்களுக்கு மாவட்ட வேலைவாய்ப்பு அலுவலகத்தில் இலவச பயிற்சி வகுப்பு நடக்கிறது. 

இதுகுறித்து மாவட்ட வேலைவாய்ப்பு அலுவலகத்திலிருந்து விடுத்துள்ள செய்திக்குறிப்பு: 

           தமிழ்நாடு அரசு பணியாளர் தேர்வாணையம் மூலம் நடைபெறவுள்ள ஒருங்கிணைந்த சார்நிலை பணிகள் தேர்வு 1 மற்றும் தொகுதி 1 முதன்மை தேர்வுக்கு விண்ணப்பித்தவர்களுக்கு கடலூர் மாவட்ட வேலைவாய்ப்பு அலுவலகத்தில் இலவச பயிற்சி நடைபெற்று வருகிறது. விருப்பம் உள்ளவர்கள் மாவட்ட வேலைவாய்ப்பு அலுவலகத்தை நேரில் அணுகலாம் என தெரிவிக்கப்படுகிறது. மாவட்ட வேலைவாய்ப்பு அலுவலகம் மற்றும் ஊராட்சி ஒன்றிய அலுவலகங்களில் இயங்கும் தன்னார்வ பயிலும் வட்டங்களில் உள்ள புத்தகங்களை படித்து பயனடையலாம். இவ்வாறு செய்திக்குறிப்பில் கூறப்பட்டுள்ளது. 



Read more »

திங்கள், ஜனவரி 31, 2011

கடலூர் மாவட்டத்தை சேர்ந்த மாற்றுத் திறனாளிகளுக்கு செல்போன் பழுதுபார்க்கும் பயிற்சி

கடலூர்:
         கடலூர் மாவட்டத்தை சேர்ந்த மாற்றுத் திறனாளிகளுக்கு செல்போன் பழுது பார்க்கும் பயிற்சி அளிக்கப்படுகிறது.

இது தொடர்பாக கடலூர் மாவட்ட கலெக்டர் சீத்தாராமன் விடுத்துள்ள செய்தி குறிப்பு:

             கடலூர் மாவட்டத்தை சேர்ந்த மாற்றுத் திறனாளிகளுக்கு செல்போன் பழுது பார்த்தல் மற்றும் பராமரிப்பு பயிற்சி அளிக்கப்பட உள்ளது. கடலூர் மாவட்டத்தை சேர்ந்தே கை, கால் ஊன முற்றவர்கள் மட்டும் இப்பயிற்சிக்கு விண்ணப்பிக்கலாம்.

            ஊனத்தின் அளவு குறைந்த பட்சம் 40 சதவீதத்துக்கு குறையாமல் பாதிக்கப்பட்டிருக்க வேண்டும். குறைந்தபட்சம் 8-ம் வகுப்பு தேர்ச்சி மற்றும் தோல்வியடைந்தவர்களாக இருக்க வேண்டும். 18 வயது முதல் 30 வயதுக்குள் இருக்க வேண்டும். பயிற்சி 3 மாத காலத்திற்கு அளிக்கப்படுகிறது. பயிற்சியின் போது மாதம் ரூ.300 உதவித் தொகையாக வழங்கப்படும்.  இந்த பயிற்சி பெற விரும்பும் ஊனமுற்றவர்கள் கடலூர் புதுபாளையத்தில் உள்ள மாவட்ட ஊனமுற்ற மறுவாழ்வு அலுவலகத்திற்கு நேரில் வந்து தேசிய அடையாள அட்டை நகல், கல்விச் சான்று ஆகியவற்றுடன் விண்ணப்பிக்கலாம்.

               விண்ணப்பத்தினை மாவட்ட ஊனமுற்றோர் மறுவாழ்வு அலுவலரிடம் விண்ணப்பக்காலத்துக்குள் சமர்ப்பிக்க வேண்டும். கடலூர் மாவட்டத்தில் உள்ள செல்போன் பழுதுநீக்கப் பயிற்சி பெற விரும்பும் தகுதியுள்ள ஊனமுற்றவர்கள் இந்த வாய்ப்பை பயன்படுத்திக் கொள்ளலாம். இவ்வாறு அதில் கூறப்பட்டுள்ளது.

Read more »

புதன், டிசம்பர் 15, 2010

கடலூரில் பா. ம. க. , பயிற்சி பாசறையில் மாணவ, மாணவியர்களுக்கு இலவச பயிற்சி

கடலூர் : 

                   கடலூரில் பா. ம. க. , பயிற்சி பாசறை சார்பில் துவங்கவுள்ள இலவச பயிற்சி வகுப்பில் மாணவ, மாணவியர்கள் சேர்ந்து பயன்பெற எம்.எல்.ஏ. , வேல்முருகன் கேட்டுக் கொண்டார்.

கடலூரில்  நேற்று  எம். எல். ஏ. , வேல்முருகன் கூறியது:

                  பொருளாதாரத்தில் பின் தங்கிய அனைத்து சமுதாயத்தைச் சேர்ந்த ஏழை எளிய மாணவர்களின் முன்னேற்றத்திற்காக பயிற்சி பாசறை கடலூரில் கடந்த ஆகஸ்ட் 5ம் தேதி திறந்து வைக்கப்பட்டது. இப்பயிற்சி பாசறையில் ஐ. ஏ. எஸ். , - ஐ. பி. எஸ். , -  டி. என். பி. எஸ். சி. , குரூப் 1, 2, வி. ஏ. ஓ. , வங்கி, ரயில்வே காவலர் மற்றும் சப் இன்ஸ்பெக்டர் தேர்வுகளுக்கான இலவச பயிற்சிகள் அளிக்கப்படுகின்றன. இப்பயிற்சியில் பயின்ற 8 பேர் சப் இன்ஸ்பெக்டர் தேர்விலும், 48 மாணவர்கள் காவலர்களாகவும் தேர்வு செய்யப்பட்டு பணி நியமன ஆணைக்காக காத்திருக்கின்றனர்.  

                மீண்டும் அதே வகுப்புகள் கல்லூரி மாணவர்களின் வசதிக்கேற்ப காலை 11 மணி முதல் பிற்பகல் 1 மணி வரையும், மாலை 3 மணி முதல் 6 மணி வரையிலும் நடத்தப்படுகின்றன. இவ்வகுப்புகளில் கம்ப்யூட்டரில் வீடியோ ஆடியோ காட்சிகள் மூலமும் வகுப்புகள் நடத்தப்படுகின்றன.  இதற்காக பிரத்யேக நூலகம் அமைக்கப்பட்டுள்ளது.  

                தற்போது டி. என். பி. எஸ். சி. , சுகாதார புள்ளியியல் ஆய்வாளர், வனத்துறை உதவி ஆய்வாளர் தேர்வுகளுக்கான வகுப்புகள், பி. எஸ்சி. , அறிவியல், கணிதம், கணிப்பொறியியல், மண்ணியல், புள்ளியியல் மற்றும் பொறியியல் பட்டதாரிகளுக்கான பயிற்சி வகுப்புகள் வரும் 19ம் தேதி துவங்க உள்ளது. இந்த வகுப்புகளில் சேர விரும்பும் மாணவ, மணவியர்கள் கடலூர் பா.ம க. , அலுவலக செயலரிடம் விண்ணப்பித்து பயன் பெறலாம். இவ்வாறு வேல்முருகன் கூறினார்.

Read more »

புதன், நவம்பர் 10, 2010

மதிப்பூட்டப்பட்ட உணவுகள் தயாரித்தல் பயிற்சிமுன் பதிவு செய்ய வேளாண் அதிகாரி வேண்டுகோள்

விருத்தாசலம்:

                   விருத்தாசலம் வேளாண்மை அறிவியல் நிலையத்தில் நடைபெற உள்ள மீன் வகைகளில் இருந்து மதிப்பூட்டப்பட்ட உணவுகள் தயாரித்தல் பயிற்சியில் கலந்து கொள்ள ஆர்வம் உள்ளவர் கள் பெயரை பதிவு செய்து கொள்ளலாம்.

விருத்தாசலம் வேளாண்மை அறிவியல் நிலைய தலைவர் சுப்ரமணியன் விடுத்துள்ள செய் திக்குறிப்பு:
 
               விருத்தாசலம் வேளாண்மை அறிவியல் நிலையத்தில் சி.ஐ.எப்.டி., கொச்சின் உதவியுடன் மீன் வகைகளில் இருந்து மதிப் பூட்டப்பட்ட உணவு தயாரித்தல் பயிற்சி வழங்கப்பட உள்ளது. வரும் டிசம்பர் 8, 9 தேதிகளில் நடைபெற உள்ள இப்பயிற்சியில் பண்ணை மகளிர், மகளிர் சுய உதவி குழுக்கள், கிராமப்புற இளைஞர்கள், வேலையில்லா பட்டதாரிகள், பள்ளி படிப்பை பாதியில் விட்டவர்கள், தொழில் முனைவோர் பயிற்சி பெறலாம்.

               காலை 10 மணி முதல் மாலை 4 மணி வரை நடைபெறும் பயிற்சியில் கலந்து கொள்பவர்களுக்கு மதிய உணவு, தேனீர் மற்றும் பயிற்சி கையேடு இலவசமாக வழங்கப்படும்.பயிற்சிக்கு முதலில் வரும் 30 பேர் மட்டுமே தேர்வு செய்யப்படுவதால் பயிற்சியில் கலந்து கொள்ள ஆர்வம் உள்ளவர் கள் முன்கூட்டியே தங்களது பெயரினை வரும் 30ம் தேதிக்குள் பதிவு செய்து கொள்ள வேண்டும். 

இணைபேராசிரியர் மற்றும் தலைவர், 
வேளாண்மை அறிவியல் நிலையம், 
தமிழ்நாடு வேளாண்மை பல்கலைக்கழகம், 
விருத்தாசலம்,
கடலூர் மாவட்டம் 

                        என்ற முகவரிக்கு கடிதம் மூலமாகவோ அல்லது 04143- 238353 என்ற எண்ணிற்கு தொலைபேசி மூலமாகவோ தங்கள் பெயரை பதிவு செய்யலாம். நேரில் வந்தும் பதிவு செய்யலாம் என செய்திக்குறிப்பில் கூறப்பட்டுள்ளது.

Read more »

செவ்வாய், அக்டோபர் 19, 2010

மதுரை காமராஜர் பல்கலைக்கழகம் சார்பில் ஐஏஎஸ், ஐபிஎஸ் தேர்வு: இலவசப் பயிற்சி

              மதுரை காமராஜர் பல்கலைக்கழகம் சார்பில் நடத்தப்பட உள்ள ஐஏஎஸ், ஐபிஎஸ் இலவச பயிற்சியில் சேருவதற்கு விண்ணப்பிக்கலாம். 

 இது தொடர்பாக காமராஜர் பல்கலைக்கழக இளைஞர் நலத்துறை இயக்குநர் பி.செல்லத்துரை வெளியிட்டுள்ள செய்திக்குறிப்பு: 

                    2011-ம் ஆண்டுக்கான ஐஏஎஸ் மற்றும் ஐபிஎஸ் தேர்வில் கலந்துகொள்ள இருக்கும், அனைத்துத் தரப்பு மாணவ, மாணவியருக்கும் தமிழக அரசு சார்பில் இலவசப் பயிற்சி தரப்பட உள்ளது.  பயிற்சியில் சேர விரும்பும் மாணவ, மாணவியர் நுழைவுத் தேர்வு மூலம் தேர்வு செய்யப்படுவர்.  மாணவ,மாணவியர் தங்களது பெயர்,கல்வித்தகுதி, வயது, பிறந்த தேதி, சாதிச் சான்றிதழ் மற்றும் வருமானவரிச் சான்றிதழ் ஆகிய விவரங்களை வெள்ளைத் தாளில் பூர்த்திசெய்து அதனுடன் மதிப்பெண் பட்டியல் மற்றும் பட்டச் சான்றிதழ் ஆகியவற்றின் நகல்கள் மற்றும் சுயவிலாசமிட்ட 10-க்கான அஞ்சல்தலை ஒட்டிய 2 அஞ்சல் உறைகளை இணைத்து 

முனைவர் பொ. செல்லத்துரை, 
இயக்குநர் மற்றும் ஐஏஎஸ், 
ஐபிஎஸ் தேர்வு பயிற்சி ஒருங்கிணைப்பாளர், 
இளைஞர் நலத் துறை, 
மதுரை காமராஜர் பல்கலைக்கழகம், 
பல்கலை. நகர், 
மதுரை-21 

என்ற முகவரிக்கு அனுப்ப வேண்டும். விண்ணப்பங்கள் வந்து சேரவேண்டிய கடைசிநாள் 25.10.2010. நுழைவுத்தேர்வு நாள் 29.10.2010 என அதில் தெரிவிக்கப்பட்டுள்ளது.

Read more »

நண்பர்களோடு பகிர்ந்து கொள்ள

Country wise Vistior