உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




உலக புகையிலை ஒழிப்பு தினம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
உலக புகையிலை ஒழிப்பு தினம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், ஜூன் 01, 2011

கடலூரில் உலக புகையிலை ஒழிப்பு தின கண்காட்சி

கடலூர் : 

         கடலூரில் உலக புகையிலை ஒழிப்பு தினத்தையெட்டி கடலூரில் நேற்று பிரஜாபிதா பிரம்மா குமாரிகள் சங்கம் சார்பில் விழிப்புணர்வு கண்காட்சி நடந்தது. 

              உலகம் முழுவதும் மே மாதம் 31ம் தேதி புகையிலை ஒழிப்பு தினமாக கடைபிடிக்கப்படுகிறது. இதனையெட்டி கடலூர் பிரஜாபிதா பிரம்மா குமாரிகள் சங்கம் சார்பில் கடலூர் கலெக்டர் அலுவலகம் எதிரே விழிப்புணர்வு பிரசார இயக்கம் நடந்தது. இதில் புகைப்பதினால் ஏற்படும் பாதிப்புகள் குறித்த குறிப்புகள் அடங்கிய விளக்கப் படங்கள் அடங்கிய கண்காட்சி வைக்கப்பட்டிருந்தது. இக் கண்காட்சியை மாவட்ட மருத்துவப் பணிகள் துணை இயக்குனர் டாக்டர் மீரா திறந்து வைத்தார். 

          மேலும் சிகரெட் புகைப்பதன் மூலம் அதில் உள்ள 48 வகையான விஷ பொருட்கள் புற்றுநோயை உண்டாக்கக் கூடியவை. மற்றும் ஹைட்ரஜன் சயனைடு, நைட்ரஸ் ஆக்ஸைடு, நிக்கோடின், கார்ப்பன் மோனாக்ஸைடு, அம்மோனியம் பென்சின், நேப்தலீன், அமினோ பை பினைல் போன்ற கொடிய விஷங்கள் சிகரெட்டில் உள்ளது என எச்சரிக்கைகள் அடங்கிய துண்டு பிரசுரங்களை சங்கத்தின் தொண்டர்கள் வினியோகம் செய்தனர்.




Read more »

வியாழன், ஜூன் 03, 2010

சிதம்பரத்தில் புகையிலை ஒழிப்பு விழிப்புணர்வு ஊர்வலம்

சிதம்பரம் : 
                    
                   புகையிலை ஒழிப்பு தினத்தையொட்டி சிதம்பரத்தில் பசுமை தாயகம் சார்பில் புகையிலை ஒழிப்பு விழிப்புணர்வு ஊர்வலம் நடந்தது. சிதம்பரம் பஸ் நிலையம் அருகே துவங்கிய ஊர் வலத்தை பா.ம.க., மாநில துணைத்தலைவர் சந்திரபாண்டியன் துவக்கி வைத்தார். நகர தலைவர் அருள், பால்ஸ் ரவிக்குமார் முன்னிலை வகித்தனர். பா.ம.க., மாவட்ட செயலாளர் சிட்டிபாபு, நகர செயலாளர் முத்துக்குமார் உள்ளிட்டவர்கள் பங்கேற்றனர். பசுமை தாயக மாவட்ட அமைப்பாளர் அன்புச்செழியன் தலைமையில் சிதம்பரம், புவனகிரி, சேத்தியாத்தோப்பு, ஸ்ரீமுஷ்ணம், காட்டுமன்னார்கோவில், குமராட்சி, லால்பேட்டை பகுதிகளில் பிரசாரம் மேற் கொள்ளப்பட்டது. பசுமை தாயக நகர அமைப்பாளர் கலியபெருமாள் நன்றி கூறினார்.

Read more »

செவ்வாய், ஜூன் 01, 2010

புகைப்பழக்கம் ஆனந்தமாக இருந்தாலும் ஆபத்தில் முடியும்: இணை இயக்குனர் பேச்சு

கடலூர் : 

                        புகைப்பழக்கம் ஆரம்பத்தில் ஆனந்தமாக இருந்தாலும் பின்னர் ஆபத்தில் முடியும் என இணை இயக்குனர் ஜெயவீரக்குமார் பேசினார். உலக புகையிலை ஒழிப்பு தினத்தையொட்டி பிரஜா பிதா பிரம்மகுமாரிகள் ஈஸ்வரிய விஷ்வ வித்யாலயா சார்பில் கடலூரில் புகையிலை ஒழிப்பு விழிப்புணர்வு கண்காட்சிக்கு மாவட்ட பொறுப்பாளர் ரவி தலைமை தாங்கினார்.


இணை இயக்குனர் ஜெயவீரக்குமார் விழிப்புணர்வு கையேட்டை வெளியிட்டு பேசிய தாவது: 

                 புகை பிடிப்பதால் நுரையீரல் பாதிப்பு ஏற்படுகிறது. சிகரெட்டில் 501 நச்சு பொருட்கள் உள்ளன. இது ஆக்ஸிஜனுடன் கலந்து திசுக்களை மாற்றமடைய செய்து நுரையீரல் புற்றுநோயை ஏற்படுத்துகிறது. புகைப்பிடிப்பதால் ஏற்படும் புற்றுநோயை குணப்படுத்த முடியாது.நோய் பாதிப்பு ஏற்பட் டவர்கள் 5 அல்லது 6 மாதங்களில் இறந்து விடுவார்கள். முதலில் சிகரெட் பிடிப்பது ஆனந்தமாகத்தான் இருக்கும். பின்னர் அது ஆபத்தாக முடியும். அமெரிக்க உள்ளிட்ட நாடுகளில் அதிகம் பேர் புகைப்பிடிப்பதால் மரணமடைகின்றனர். மேலும் கை, கால், சக்தி இழந்துவிடும், மூலையில் ரத்தகசிவு, மாரடைப்பு போன்றவை ஏற்படும். புகைப்பதனால் உலகம் முழுவதும் ஒரு நாளைக்கு 2,200 பேர் இறக்கின்றனர். ஆண்டிற்கு மூன்று மில்லியன் இறப்புகள் ஏற்படுகிறது என உலக சுகாதார நிறுவனம் தெரிவித்துள்ளது. விழிப்புணர்வு முகாம்கள் மூலம் புகையிலை பழக்கத்தை கட்டுப்படுத்தலாம். இவ்வாறு இணை இயக்குனர் பேசினார்.

Read more »

நண்பர்களோடு பகிர்ந்து கொள்ள

Country wise Vistior