கடலூர் மாவட்டத்தில் தி.மு.க - தே.மு.தி.க கூட்டணி

 

 

குறிஞ்சிப்பாடி:

 

          குறிஞ்சிப்பாடி வட்டம் பெரியகாட்டு சாகை தி.மு.க. செயலாளர் விவேகானந்தன் சகோதரர் பாலமுருகனுக்கும், வசனாங்குப்பம் கனகசெல்வராசு மகள் சுதா ஆகியோருக்கு, கடலூர் திருப்பாதிரிப்புலியூர் ஆயிரவைசியர் திருமண மண்டபத்தில் திருமணம் அண்மையில்  நடைபெற்றது.

 

        தே.மு.தி.க. அவைதலைவரும், சட்டமன்ற எதிர்க்கட்சி துணை தலைவருமான பண்ருட்டி ராமச்சந்திரன், முன்னாள் அமைச்சரும், தி.மு.க. மாவட்ட செயலாளருமான எம்.ஆர்.கே.பன்னீர் செல்வம் உள்ளிட்ட பிரமுகர்கள் மணமக்களை வாழ்த்தி பேசினார்கள்.  

 

எம்.ஆர்.கே.பன்னீர் செல்வம் வாழ்த்தி பேசியது:-

 

         இந்த திருமணம் தே.மு.தி.க.வும், தி.மு.க.வும் சம்பந்தம் கொள்கிற திருமணம். மணமகள் தே.மு.தி.க. சட்டமன்ற துணைதலைவர், முன்னாள் அமைச்சர் பண்ருட்டி ராமச்சந்திரனின் தாய் மாமன் பேத்தி ஆவார். மணமகன் தி.மு.க. கிளை கழக செயலாளர் விவேகானந்தன் சகோதரர் ஆவார். ஆகவே, கடலூர் மாவட்டத்தில் இன்றைய தினம் தே.மு.தி.க.வும், தி.மு.க.வும் இணைகிறது.

 

         இன்றைய தினம் எதிர்க்கட்சி தலைவர் விஜயகாந்த் அவர்கள் முதல் சட்டமன்ற கூட்டத் தொடரிலேயே சட்டசபை மரபை மீறி சஸ்பெண்டு செய்து தூக்கி வீசப்பட்டுள்ளார். இந்த அவையிலே கூடியிருக்கின்ற தாய்மார்களும், பெரியோர்களும், குறிஞ்சிப்பாடி தொகுதியை சேர்ந்தவர்கள். உங்கள் முகங்களை பார்க்கும்போது சட்டமன்ற தேர்தலில் நீங்கள் செய்த தவறை உணர்ந்து வருத்தப்படுவதாக தெரிகிறது. தர்மம் வெல்லும், என்னதான் தானே தாக்கியிருந்தாலும், நம்மை நாமே காத்துகொள்ளும் காலம் வெகு விரைவில் மலரும். இவ்வாறு எம்.ஆர்.கே. பன்னீர்செல்வம் பேசினார்.

 

பண்ருட்டி ராமச்சந்திரன் பேசியது 

 

          தனக்கே உரிய பாணியில் அரசியலை தவிர்த்துவிட்டு, தனது உறவினர்களான மணமக்களை வாழ்த்தி மட்டும் பேசினார் என்பது குறிப்பிடத்தக்கது.

 

 

             மணவிழாவில் தி.மு.க. மாவட்ட அவைதலைவர் தங்கராசு, ஒன்றிய செயலாளர் சிவகுமார், மாவட்ட இலக்கிய அணி அகரம் நாராயணசாமி, நகர இளைஞரணி ராஜா, சின்னதானங்குப்பம் ஊராட்சி தலைவர் ஆறுமுகம் உள்ளிட்டவர்கள் கலந்து கொண்டனர். குள்ளஞ்சாவடி தி.மு.க. செயலாளர் ராமலிங்கம் நன்றி கூறினார்.

 

 

 

 

 

 

 

 

 

 

 

Read more »

முல்லை பெரியாறு அணை பிரச்சினை: கடலூர் மாவட்டத்தில் தி.மு.க.சார்பில் உண்ணாவிரதம்

கடலூர்:

 

கடலூர் மாவட்ட தி.மு.க. செயலாளரும், முன்னாள் அமைச்சருமான எம்.ஆர்.கே. பன்னீர்செல்வம் வெளியிட்டுள்ள அறிக்கையில் கூறியிருப்பது:-

               முல்லை பெரியாறு  அணை பிரச்சினையில் தமிழகத்தின் உரிமையை நிலைநாட்டிட, மத்திய மாநில அரசுகளின் கவனத்தை ஈர்க்கும் வகையில் கடலூர் மாவட்ட தி.மு.க. சார்பில் கடலூர், பண்ருட்டி, சிதம்பரம், விருத்தாசலம், நெல்லிக்குப்பம் ஆகிய 5 நகரங்களில் நாளை (12-ந் தேதி) காலை 8 மணி முதல் 5 மணிவரை உண்ணாவிரத அறப்போராட்டம் நடைபெற உள்ளது.

சிதம்பரம் பஸ்நிலையம்

 

              காந்தி சிலை அருகில் எனது (எம்.ஆர்.கே.பன்னீர் செல்வம்) தலைமையில், நகர செயலாளர் செந்தில்குமார், ஒன்றிய செயலாளர்கள் முத்துபெருமாள், பூபாலன், மாமல்லன், செயராமன் ஆகியோர் முன்னிலையில் உண்ணாவிரத போராட்டம் நடைபெறுகிறது.  

கடலூர் மஞ்சக்குப்பம் 

 

           தபால் நிலையம் அருகில் மாநில மாணவரணி செயலாளர் புகழேந்தி தலைமையில் நகர செயலாளர் தங்கராசு, ஒன்றிய செயலாளர்கள் ஜெயபால், சிவகுமார், பொதுக்குழு உறுப்பினர் ஏ.ஜி.ராஜேந்திரன், மாவட்ட பொருளாளர் பாஸ்கரன், நகர இளைஞரணி அமைப்பாளர் கே.எஸ்.ராஜா, வக்கீல் சிவராஜ் ஆகியோர் முன்னிலையில் உண்ணாவிரத போராட்டம் நடைபெறுகிறது.

நெல்லிக்குப்பம் 

 

             போலீஸ் நிலையம் எதிரில் பண்ருட்டி ஒன்றிய செயலாளரும், முன்னாள் எம்.எல்.ஏ.வுமான சபா.ராஜேந்திரன், மாநில கொள்கை பரப்பு துணை செயலாளர் நெல்லிக்குப்பம் புகழேந்தி தலைமையில் ஒன்றிய செயலாளர் வெங்கட்ராமன், நகர செயலாளர் மணிவண்ணன், பேரூர் செயலாளர்கள் கலியமூர்த்தி, சடாட்சரம் செயலாளர் அணி பழனிசாமி ஆகியோர் முன்னிலையில் உண்ணாவிரத போராட்டம் நடைபெறுகிறது.  

விருத்தாசலம் 

         

           உழவர்சந்தை எதிரில் மாவட்ட துணை செயலாளர் கணேசன், முன்னாள் எம்.எல்.ஏ. குழந்தை தமிழரசன் ஆகியோர் தலைமையில் நகர செயலாளர் தண்டபாணி, ஒன்றிய செயலாளர்கள் ராமு, ஞானமுத்து, கோவிந்தசாமி ஆகியோர் முன்னிலையில் உண்ணாவிரத போராட்டம் நடைபெறுகிறது.

பண்ருட்டி 

 

             பஸ் நிலையம் எதிரில் முன்னாள் எம்.எல்.ஏ. நந்தகோபால கிருஷ்ணன் தலைமையில் நகர செயலாளர்கள் ராஜேந்திரன், புகழேந்தி, மாவட்ட இளைஞரணி அமைப்பாளர் தணிகைசெல்வம், ஜெயராமன் ஆகியோர் முன்னிலையில் உண்ணாவிரத போராட்டம் நடைபெறுகிறது. 

 

           இந்த உண்ணாவிரத போராட்டத்தில் மாவட்ட, ஒன்றிய, நகர, பேரூர், கிளை, முன்னாள் எம்.எல்.ஏ., எம்.பி. மாணவரணி, மகளிரணி உள்பட அனைத்து நிர்வாகிகளும் பெருந்திரளாக கலந்து கொள்ள வேண்டும்.  இவ்வாறு முன்னாள் அமைச்சர் எம்.ஆர்.கே.பன்னீர்செல்வம் தெரிவித்தார். 

 

 

 

 

 

 

 

 

 

 

 

 

 

 

 

Read more »

மக்கள் நலப்பணியாளர் 13 ஆயிரம் பேரை பணி நீக்கம்: கடலூரில் திமுகவினர் ஆர்ப்பாட்டம்

          மக்கள் நலப்பணியாளர் 13 ஆயிரம் பேரை பணி நீக்கம் செய்ததை கண்டித்து தமிழகம் முழுவதும் மாவட்ட தலைநகரங்களில் நேற்று ஆர்ப்பாட்டம் நடைபெற்றது. கடலூரில் மாவட்ட இளைஞர் அணி செயலாளர் பண்ருட்டி தணிகை செல்வன் தலைமையில், மாவட்டச் செயலாளரும், முன்னாள் அமைச்சருமான எம்.ஆர்.கே.பன்னீர்செல்வம், முன்னாள் எம்பி கணேசன், சபா.ராஜேந்திரன் உள்பட ஆயிரக்கணக்கானோர் மாவட்ட ஆட்சியர் அலுவலகம் முன்பு ஆர்ப்பாட்டம் நடத்தினர்.

Read more »

எம்.ஆர்.கே. பன்னீர் செல்வத்தின் வீடுகளில் ஊழல் தடுப்பு மற்றும் கண்காணிப்பு போலீசார் அதிரடி சோதனை

               முன்னாள் அமைச்சர் எம்.ஆர்.கே. பன்னீர் செல்வத்தின் வீடு மற்றும் உறவினர் வீடுகள் உள்பட 11 இடங்களில் ஊழல் தடுப்பு மற்றும் கண்காணிப்பு போலீசார் செவ்வாய்க்கிழமை அதிரடி சோதனை நடத்தினர். திமுக முன்னாள் அமைச்சர் எம்.ஆர்.கே. பன்னீர்செல்வத்தின் மீது வருமானத்துக்குப் பொருந்தாத வகையில் சொத்து குவித்ததாக ஊழல் மற்றும் கண்காணிப்பு பிரிவு போலீசாருக்கு புகார்கள் வந்தன.

             இதையடுத்து அவர்மீது வழக்குப் பதிவு செய்த ஊழல் தடுப்பு பிரிவு போலீசார் அவரது சொந்த மாவட்டமான கடலூர் மாவட்டத்தில் முட்டம் கிராமத்தில் உள்ள அவர் வீடு, நாட்டார்மங்கலத்தில் உள்ள இரண்டு கல்லூரிகள், பழஞ்சாநல்லூரில் உள்ள மூன்று கல்லூரிகள் மற்றும் முட்டம் கிராமத்திலுள்ள அவரது உறவினர் தெய்வசிகாமணி, காட்டுமன்னார்கோயிலில் உள்ள சந்தரவதனம் துணிக்கடை, சிதம்பரத்தில் உள்ள எம்.ஆர்.கே. பன்னீர்செல்வத்தின் மூத்த சகோதரி மங்கையர்க்கரசியின் வீடு, சிதம்பரம் கனகசபை நகரிலுள்ள அவரது இளைய சகோதரி மணிமேகலையின் வீடு, வடலூரிலுள்ள உறவினர் வீடு, திருமுட்டத்திலுள்ள உறவினர் தங்க ஆனந்தன் என்பவரது வீடு, மயிலாடுதுறை கூரைநாட்டிலுள்ள எம்.ஆர்.கே.பன்னீர்செல்வத்தின் மற்றொரு சகோதரி மஞ்சுளா என்பவரது வீடு ஆகிய இடங்களில் ஊழல் தடுப்பு மற்றும் கண்காணிப்பு போலீசார் செவ்வாய்க்கிழமை காலை முதல் அதிரடி சோதனை நடத்தினர்.

சென்னை அருகே சோதனை: 

          இதேபோன்று, சென்னையை அடுத்த பாலவாக்கத்தில், 5-வது குறுக்கு தெருவில் உள்ள அவரின் சொந்த வீட்டிலும் செவ்வாய்க்கிழமை காலை ஊழல் தடுப்பு மற்றும் கண்காணிப்புத் துறை துணை கண்காணிப்பாளர் அலி பாட்ஷா தலைமையில் போலீசார் சோதனை நடத்தினர். இந்தச் சோதனையின் போது பல்வேறு ஆவணங்கள் சிக்கியதாக கூறப்படுகிறது. இதைத் தொடர்ந்து, ஊழல் தடுப்பு போலீசார் சோதனையை மேற்கொண்டனர்.

Read more »

Former DMK minister M.R.K. Panneerselvam's residences raided

         Officials of the Directorate of Vigilance and Anti Corruption today searched the residences of former DMK minister M R K Panneerselvam and his relatives in Cuddalore, Chidambaram and Chennai. The searches at the residences of Pannerselvam and his relatives come a few days after DVAC  officials conducted searches at former labour minister T M Anbarasan's house in Kundrathur here, police said.

         Panneerselvam handled the backward communities and health portfolios during the previous DMK regime and is the party's strongman in Cuddalore district. He unsuccessfully contested the April 13 state Assembly polls against Sorathur Rajendran of AIADMK in Kurinchipadi constituency in Cuddalore district. DVAC had on September 31 arrested former higher education minister K Ponmudi in Chennai in connection with a land grabbing case. Former ministers Veerapandi S Arumugam, K N Nehru and N K K P Raja were also arrested on charges of land grabbing in the crackdown launched by the Jayalalithaa government on land grabbing. 

Read more »

கடலூர் மாவட்டத்தில் சிறை சென்ற திமுகவினர் வீடு திரும்பினர்

 

 

கடலூர்:

             தமிழகத்தில் சமச்சீர்கல்வியை அமல்படுத்த கோரி கடந்த 29-ந் தேதி மாநிலம் முழுவதும் தி.மு.க. சார்பில் ஆர்ப்பாட்டம் நடந்தது. 

                கடலூர் மாவட்டத்தில் ஆர்ப்பாட்டத்தில் கலந்து கொண்டு கைதான மாணவர் அணியை சேர்ந்த அகஸ்டின் பிரபாகரன், தலைமை கழக பேச்சாளர் வாஞ்சிநாதன் உள்ளிட்ட 42 பேரில் நேற்று 40 பேர் கடலூர் ஜெயிலில் இருந்து ஜாமீனில் விடுதலை செய்யப்பட்டனர். முன்னதாக இவர்களை கடலூர் மாவட்ட தி.மு.க. செயலாளரும், முன்னாள் அமைச்சருமான எம்.ஆர்.கே.பன்னீர்செல்வம் தலைமையில் தி.மு.க.வினர் சந்தித்து பழங்களை வழங்கினார்கள். 

 

 

 

 

 

 

Read more »