மண்டல அளவிலான கபடி போட்டியில் கடலூர் கிருஷ்ணசாமி கல்லூரி மாணவர்கள் வெற்றி

கடலூர்:

மண்டல அளவிலான கபடி போட்டியில் கடலூர் கிருஷ்ணசாமி கல்லூரி மாணவர்கள் வெற்றி  பெற்றனர். நாகப்பட்டினம் மற்றும் புதுச்சேரி மண்டல தொழில் நுட்பக்  கல்லூரிகளுக்கு இடையேயான கபடி போட்டி, நாகப்பட்டினம் ஹாஜி ஷேக் இஸ்மாயில்  பாலிடெக்னிக் கல்லூரி வளாகத்தில் நடந்தது. இதில் 16 பாலிடெக்னிக் கல்லூரிகள் பங்கேற்றன. போட்டியில் கடலூர் கிருஷ்ணசாமி நினைவு பாலிடெக்னிக் கல்லூரி முதல் இடத்தை பெற்றது. வெற்றி பெற்ற விளையாட்டு வீரர்களை கல்லூரி தாளாளர் டாக்டர் ராஜேந்திரன், முதல்வர் சுந்தரமூர்த்தி, துணை முதல்வர் வாசுதேவன்,  உடற்கல்வி இயக்குனர் அருணகிரி பாராட்டினர்.

.

Read more »

அண்ணா பல்கலைக்கழக செமஸ்டர் தேர்வில் கடலூர் கிருஷ்ணசாமி பொறியியல் கல்லூரி மாணவி முதல் ரேங்க்

.கடலூர் :

கடலூர் கிருஷ்ணசாமி இன்ஜினியரிங் மற்றும் தொழில் நுட்பக் கல்லூரி மாணவி பல்கலைக்கழக அளவில் முதல் ரேங்க்கில் தேர்ச்சி பெற்றுள்ளார். கடலூர்  கிருஷ்ணசாமி இன்ஜினியரிங் மற்றும் தொழில் நுட்பக் கல்லூரியில் எம்.சி.ஏ.,  படிக்கும் மாணவ, மாணவிகள் அண்மையில் திருச்சி அண்ணா பல்கலைக்கழகம் நடத்திய  செமஸ்டர் தேர்வுகளை எழுதினர். தேர்வு முடிவுகள் தற்போது  வெளியிடப்பட்டுள்ளது. இதில் மாணவி சகிகலா பல்கலைக்கழக அளவில் முதல்  ரேங்கில் தேர்ச்சி பெற்றுள்ளார். இதேப்பேன்றுபத்மபிரியா, ஸ்ரீலலிதா,  தமிழ்ச்செல்வி,பிரதிபா மற்றும் ராஜிராணி ஆகியோர் தரவரிசையில் முறையே 13,  20, 34, 34, 45வது ரேங்க்கில் தேர்ச்சி பெற்றுள்ளனர். வெற்றி பெற்ற மாணவிகளை கல்லூரி தாளாளர்முதன்மைச் செயலர் அலுவலர் கல்லூரியின் முதல்வர், துணை முதல்வர் மற்றும் பேராசிரியர்கள் வாழ்த்தினர்.

.

Read more »

கடலூர் கிருஷ்ணசாமி மகளிர் கல்வியியல் கல்லூரியில் தேசிய கருத்தரங்கம்

புதுச்சேரி, மணப்பட்டு கிருஷ்ணசாமி மகளிர் கல்வியியல் கல்லூரியில் தேசிய கருத்தரங்கம் நடந்தது. கல்லூரி நிறுவனர் டாக்டர் ராஜேந்திரன் தலைமை தாங்கினார். முதல்வர் ஞானகுரு வரவேற்றார். கிருஷ்ணசாமி பொறியியல் மற்றும் தொழில்நுட்பக் கல்லூரி இயக்குனர் எத்திராஜூலு, புதுச்சேரி பல்கலைக் கழக இணை பேராசிரியர் மும்தாஜ் பேகம் ஆகியோர் வாழ்த்திப் பேசினார். கருத்தரங்கில் ஆய்வுக் கட்டுரைகள் சமர்ப்பிக்கப்பட்டது.கிருஷ்ணசாமி கல்வி நிறுவனங்களின் செயலர் விஜயகுமார்,

Read more »

கடலூர்கிருஷ்ணசாமி கல்லூரி பஸ் மீது அரசு பஸ் மோதல் : 24 மாணவியர் உட்பட 30 பேர் காயம்

பண்ருட்டி :

      பண்ருட்டி அருகே, தனியார் கல்லூரி பஸ் மீது, அரசு டவுன் பஸ் மோதியதில், 24 மாணவியர் உள்ளிட்ட, 30 பேர் படுகாயமடைந்தனர்.

      கடலூர், கிருஷ்ணசாமி கல்லூரியில் இருந்து, மாணவியரை ஏற்றிக் கொண்டு, பண்ருட்டி நோக்கி பஸ் நேற்று வந்து கொண்டிருந்தது.  மேல்கவரப்பட்டு பஸ் நிறுத்தத்தில், மாணவி ஒருவரை இறக்கியபோது, பின்னால் வேகமாக வந்த அரசு டவுன் பஸ், தனியார் கல்லூரி பஸ் மீது மோதியது. இதில், கல்லூரி பஸ்சில் வந்த, 24 மாணவியர் காயமடைந்தனர். அரசு டவுன் பஸ்சில் வந்த பயணிகள் 6 பேர், பலத்த காயமடைந்தனர். அனைவரும், பண்ருட்டி அரசு மருத்துவமனையில் சிகிச்சை பெற்றனர். இவர்களில், மூன்று மாணவியர், கடலூர் அரசு மருத்துவமனையில் மேல் சிகிச்சைக்கு அனுப்பப்பட்டனர். பண்ருட்டி போலீசார், வழக்குப் பதிந்து விசாரணை நடத்தி வருகின்றனர்.

Read more »

அகில இந்திய அளவில் வடிவமைப்புத் திறன் போட்டி: கடலூர் கிருஷ்ணசாமி பொறியியல் கல்லூரி மாணவர்கள் சாதனை

கடலூர்:

            அகில இந்திய அளவில் நடைபெற்ற பொறியியல் கல்லூரி மாணவர்களுக்கான, வடிவமைப்புத் திறன் போட்டியில், கடலூர் சி.கே. பொறியியல் கல்லூரி மாணவர்கள் சாதனை படைத்துள்ளனர். 

            பர்கூர் அரசினர் பொறியியல் கல்லூரி இயந்திரவியல் துறை சார்பில், தேசிய அளவிலான பொறியியல் கல்லூரி மாணவர்களுக்கான வடிவமைப்புத் திறன் போட்டி, கடந்த 13, 14 தேதிகளில் நடைபெற்றது. இப்போட்டியில் இந்தியா முழுவதிலும் இருந்து, பல்வேறு அரசு மற்றும் தனியார் பொறியியல் கல்லூரி மாணவர்கள் கலந்து கொண்டு தங்கள் படைப்புகளை சமர்ப்பித்து செயல் விளக்கம் அளித்தனர். 

          இப்போட்டியில் கடலூர் சி.கே.பொறியியல் கல்லூரி மாணவர்கள் எம்.ஜெகதீஷ், ஏ.பிரவீன் குமார், சமாத் அப்பாஸ் அஞ்சும், ஆர்.சேதுராமன் ஆகியோர் வடிவமைத்த  சமக் புரோ 2.0 மெகானிகல் வாஷிங் மெஷின் முதல் பரிசைப் பெற்றது.  வெற்றி பெற்ற மாணவர்களை சி.கே.பொறியியல் கல்லூரி மேலாண் இயக்குநர் சி.கே. ரங்கநாதன், இயக்குநர் டி.சந்திரசேகரன், முதல்வர் டாக்டர் ஆனந்த், சிறப்பு அலுவலர்  ராஜா ஆகியோர் பாராட்டினர்.

Read more »

கடலூர் கிருஷ்ணசாமி பொறியியல் கல்லூரியில் முதலாண்டு வகுப்புகள் தொடக்கம்

கடலூர்:

              

          கடலூர் கிருஷ்ணசாமி பொறியியல் கல்லூரியில் முதலாம் ஆண்டு வகுப்புகள் தொடக்க விழா, புதன்கிழமை நடந்தது.  

               அண்ணா பல்கலைக்கழக கவுன்சலிங் மூலமாகவும், நேரடியாகவும் தேர்வு செய்யப்பட்ட, பி.இ., பி.டெக். மற்றும் எம்.சி.ஏ. மாணவர்களுக்கு வகுப்புகள் புதன்கிழமை தொடங்கப் பட்டன. தொடக்க விழாவுக்கு பொறியியல் கல்லூரித் தலைவர் டாக்டர் கே.ராஜேந்திரன் தலைமை வகித்தார்.  சிறப்பு விருந்தினராக கடலூர் நாகர்ஜுனா எண்ணெய் சுத்திகரிப்பு நிறுவன நிர்வாக இயக்குநர் ஜி.எஸ். மனேகரன் கலந்துகொண்டு தொடக்க உரை நிகழ்த்தினார். 

               கல்லூரி சார்பில் மாணவர்களுக்கு அவர், மடிக் கணினிகளை வழங்கினார்.  கிருஷ்ணசாமி கல்வி நிறுவனங்களின் செயலாளர் என்.விஜயகுமார், பொறியியல் கல்லூரி முதன்மை நிர்வாக அலுவலர் ஆனந்த் ராஜேந்திரன், நிர்வாக அலுவலர் புவனேஸ்வரி, கல்லூரி இயக்குநர் டாக்டர் கே.எத்திராஜுலு, முதல்வர் டாக்டர் பி. சிவஞானம் உள்ளிட்டோர் பேசினர்.

Read more »