உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




சிதம்பரம் தாலுகா லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
சிதம்பரம் தாலுகா லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், பிப்ரவரி 28, 2011

சிதம்பரம் அருகே போலி பல்பொடி தயாரிப்பு

 சிதம்பரம்:

               மதுரையில் உள்ள பிரபல பல்பொடி கம்பெனி பெயரில் சிதம்பரம் பகுதியில் போலி பல்பொடி விற்கப்படுவதாக அந்த கம்பெனிக்கு தகவல் கிடைத்தது. இதையடுத்து அந்த பல்பொடி கம்பெனி நிர்வாகத்தினர் இது குறித்து சிதம்பரம் தாலுகா போலீசில் புகார் செய்தனர்.

             இதைத்தொடர்ந்து போலீசார் விசாரணை மேற்கொண்டனர். அப்போது சிதம்பரம் அருகே வயலூரில் அரசு போக்குவரத்து பணியாளர் குடியிருப்பில் ஒரு வாடகை வீட்டில் போலி பல்பொடி தயாரிக்கப்படுது தெரியவந்தது. இதையடுத்து போலீஸ் படையினர் சம்பவ இடத்துக்கு சென்று அதிரடி சோதனை நடத்தினர். அப்போது பிரபல கம்பெனி பெயரில் போலி பல்பொடி தயாரித்த சிதம்பரம் அருகே புவனகிரி சின்ன தேவாங்க தெருவை சேர்ந்த நீலகண்டன் மகன் மகேஸ்வரன் (44) என்பவரை கைது செய்தனர்.

               மேலும் பல்பொடி தயாரிக்க வைக்கப்பட்டிருந்த 10 மூட்டை மூல பொருட்கள், எசன்சுகள், 44 பெட்டிகளில் 500 பாக்கெட்டுகள் வீதம் தயாரித்து அடைக்கப்பட்டிருந்த போலி பல்பொடிகள், பேக்கிங் எந்திரம் ஆகியவற்றை பறிமுதல் செய்தனர். இதன் மதிப்பு ரூ.1 லட்சமாகும். பிரபல கம்பெனி பெயரில் போலி பல்பொ தயாரித்து விற்கப்பட்ட சம்பவம் சிதம்பரம் பகுதியில் பெரும் பரபரப்பை ஏற்படுத்தி உள்ளது.

Read more »

புதன், அக்டோபர் 27, 2010

கடலூரில் இலவச நோட்டுகள் வழங்குவதில் அதிகாரிகள் அலட்சியம்! காலதாமதத்தால் மாணவர்களுக்கு பயனில்லை

சிதம்பரம் : 

               சிதம்பரம், காட்டுமன்னார்கோவில் தாலுகா பள்ளிகளில் படிக்கும் ஆதிதிராவிட மாணவ, மாணவிகளுக்கு காலாண்டு தேர்வு முடிந்து தற்போதுதான் இலவச நோட்டுகள் வழங்கப்படுகிறது. இதுவரை மூன்றில் ஒரு பகுதி பள்ளிக்கு கூட நோட்டுகள் கிடைக்கவில்லை.

                 மத்திய மற்றும் மாநில அரசுகள் கல்விக்காக பல கோடி ரூபாய் நிதி ஒதுக்கீடு செய்து கல்வியில் முன் னேற வேண்டும் என முழு வீச்சில் செயல்படுகிறது. இதற்காக மதிய உணவு, மாணவ, மாணவிகளுக்கு இலவச புத்தகங்கள், பஸ் பாஸ், சைக்கிள்கள் என வரிசையாக பல்வேறு உதவிகளை அரசு செய்து வருகிறது. ஆனால் அதிகாரிகள் அலட்சியத்தால் ஒதுக்கீடு செய்யப்படும் நிதி முறையாக பயன்படாமல் சம்பந் தப்பட்டவர்களுக்கு உரிய நேரத்தில் சென்றடையாமல் வீணடிக்கப்படுகிறது.

                    ஆண்டுதோறும் ஆதிதிராவிடர் நலத்துறை பள்ளிகள் மற்றும் பொது பள்ளிகளில் 3ம் வகுப்பு முதல் 8ம் வகுப்பு வரை படிக்கும் ஆதிதிராவிட மாணவ, மாணவிகளுக்கு அரசு இலவச நோட்டுகள் வழங்கி வருகிறது. 3ம் வகுப்பு முதல் 5ம் வகுப்பு வரை ஐந்து ரூல்டு நோட்டு, இரண்டு அன்ரூல்டு நோட்டு, 6ம் வகுப்பு முதல் 8 வரை நான்கு ரூல்டு நோட்டும், ஒரு கணிதம் நோட்டு, ஒரு அன்ரூல்டு நோட்டு, இரண்டு பெரிய நோட்டுகள் வழங்கப்பட்டு வருகிறது.

                  இந்த ஆண்டு ஜூன் மாதம் பள்ளி திறந்தது முதல் ஆதிதிராவிட நலத்துறை மூலம் முன்னுரிமை அடிப்படையில் முதலில் ஆதிதிராவிட நலத்துறை பள்ளிகளுக்கும், அதன் பிறகு பொது பள்ளிகளில் படிக்கும் ஆதிதிராவிட மாணவர்களுக்கும் இலவச நோட்டுகள் வழங்கப்பட்டு வருகிறது. வழக்கம் போல் ஜூன் மாதம் பள்ளி துவங்கியதும் ஆதிதிராவிட நலத்துறை பள்ளிகளுக்கு நோட்டுகள் வழங்கப்பட்டு விட்டது. ஆனால் பொதுப் பள்ளிகளில் படிக்கும் மாணவர்களுக்கு வழங்கப் படாமல், காலம் தாழ்த்தி காலாண்டு தேர்வுகள் முடிந்த நிலையில் தற்போதுதான் நோட்டுகள் வழங் கும் பணி துவங்கியுள்ளது.

                     சிதம்பரம், காட்டுமன்னார்கோவில் தாலுகா பகுதிகளில் மூன்றில் ஒரு பங்கு பள்ளிகளுக்குக் கூட இதுவரை நோட்டுகள் சரியாக சென்று சேரவில்லை. பெரும்பாலான பொது பள்ளிகளில் ஆதிதிராவிட மாணவர்கள் எண்ணிக்கை குறித்து விவரங்கள் கூட தற்போதுதான் கேட்கப்படுகிறது. அனைத்து பள்ளிகளுக்கும் முழுமையாக வினியோகிக்க எப்படியும் இன்னும் ஒருமாத காலம் ஆகும். பயன்கள் ஏழை, எளியோருக்கு சென்றடைய வேண்டும் என்ற நல்ல நோக்கத்தில் திட்டங்களை உருவாக்கினாலும் அதனை மக்களிடையே கொண்டு செல்வது அதிகாரிகளின் கைகளில்தான் உள்ளது. அவர்களின் அலட்சியத்தால் தற்போது வழங்கப்படும் நோட்டுகளால் எந்த பயனும் இல்லை. இனி வரும் காலங்களிலாவது உரிய நேரத்தில் உதவிகள் சென்றடைய அதிகாரிகள் பாடுபட வேண்டும்.

Read more »

புதன், ஜூலை 14, 2010

மேட்டூர் அணை திறக்காததால் காட்டுமன்னார் கோவில், சிதம்பரம் தாலுகாக்களைச் சேர்ந்த விவசாயிகள் ஏமாற்றம்

கடலூர்:

              பாசனத்திற்காக மேட் டூர் அணை திறக்கப்படாததால் காட்டுமன்னார் கோவில், சிதம்பரம் தாலுகாக்களைச் சேர்ந்த விவசாயிகள் சம்பா சாகுபடி செய்ய முடியாமல் ஏமாற்றத்திற்குள்ளாகியுள்ளனர். காவிரி டெல்டாவின் கடைமடை பகுதியான காட்டுமன்னார்கோவில் தாலுகாக்களில் உள்ள ஒரு லட்சத்து 46 ஆயிரம் ஏக்கர் விளை நிலங்கள் மேட்டூர் அணை திறப்பதன் மூலம் பாசன வசதி பெற்று வந்தன. காவிரி டெல்டா பகுதி விவசாயத்திற்காக ஆண்டு தோறும் ஜூன் 12ம் தேதி மேட்டூர் அணை திறக்கப்படும்.

               அங்கிருந்து கல்லணை மற்றும் கீழணை, வடவாறு வழியாக காட்டுமன்னார்கோவில் வீராணம் ஏரிக்கு ஜூலை 12ம் தேதி வந்தடையும். அதன் பிறகு பாசன வாய்க்கால்கள் மூலம் கட்டுமன்னார்கோவில் மற்றும் சிதம்பரம் தாலுகா பகுதி விளை நிலங்களுக்கு தண்ணீர் திறந்து விடப்படும்.இவ்வாறு திறந்து விடப்படும் தண்ணீரைக் கொண்டு இரண்டு தாலுகாக்களைச் சேர்ந்த விவசாயிகள் சம்பா சாகுபடிக்காக ஆடிப் பெருக்கு ( ஆடி மாதம் 18ம் தேதி) அன்று விதை விதைப்பார்கள். அதே நேரத்தில் நிலங் களை ஏர் ஓட்டி பதப்படுத்தி தயாராக வைத்திருப் பார்கள். விதை விதைத்த 30ம் நாளில் நாற்றை பிடுங்கி பதப்படுத்திய நிலங்களில் நடவு செய் வார்கள்.

                 நாற்று பச்சை பிடித்து செழிப்பாக வளர்ந்த நிலையில் அக்டோபர் இரண் டாம் வாரத்தில் வடகிழக்கு பருவமழை பெய் யும். அதிகமாக மழை பெய்தாலும், பயிர்களுக்கு எந்த பாதிப்பும் ஏற்படாது. மாறாக பயிர்கள் மேலும் செழிப்பாக வளர்ந்து கூடுதல் மகசூல் தரும். நன்கு விளைந்த பயிர்களை டிசம்பர் மாத இறுதியில் அல்லது ஜனவரி முதல் வாரத்தில் அறுவடை செய்வார்கள். இந்த முறையில் ஏக்கருக்கு 45 மூட்டை நெல் மகசூல் கிடைத்தது. விவசாயிகள் மகிழ்ச்சி அடைந்தனர்.

                இந்த நடைமுறை கடந்த சில ஆண்டாக பின்பற்றப்படுவதில்லை. மேட்டூர் அணையிலிருந்து பாசனத்திற்கான தண்ணீர் காலம் தவறி திறக்கப்படுகிறது. ஆகஸ்ட் மாதத்தில் அணை திறப்பதால் செப்டம்பர் மாதத்தில் விதை விதைத்து அக்டோபர் மாதத்தில் நாற்று நடுகின்றனர்.இவ்வாறு நாற்று நட்ட ஓரிரு நாட்களில் வடகிழக்கு பருவமழை தீவிரமடைந்து விளை நிலங்களில் தண்ணீர் தேங்கி நாற்றுகள் சேதமடைகின்றன. மழை நீர் வடிந்ததும் எஞ்சிய நாற்றுகளை காப்பாற்ற விவசாயிகள் கூடுதல் உரங்கள் தெளிக்க வேண்டியுள்ளது. அப்படியே உரங்கள் தெளித்தாலும் போதிய விளைச்சல் இருப்பதில்லை. விளைந்த நெல் லும் தரமில்லாததால் விலை போகாத நிலை உள்ளது.

                 இந்நிலையில் இந்தாண்டு சம்பா சாகுபடிக்கு இதுவரை மேட்டூர் அணை திறக்கப்படாததால், வரும் ஆகஸ்ட் 3ம் தேதி (ஆடிப் பெருக்கு) அன்று விதை விதைக்க முடியாத நிலை ஏற்பட்டுள்ளது. மேட்டூர் அணை தற்போது 79.77 அடி அளவிற்கே தண்ணீர் உள்ளதால் பாசனத்திற்கு திறந்து விட ஒரு மாதத் திற்கு மேலாகும் எனக் கூறப்படுகிறது.அதிகாரிகள் கூறுவது போல் ஆகஸ்ட் மாதம் பாசனத்திற்கு தண்ணீர் திறந்து விடுவதால் காவிரி டெல்டா பகுதி விவசாயிகளுக்கு எந்த வித பயனும் இல்லை. மாறாக அதிக இழப்புதான் ஏற்படும் நிலை உள்ளது.

                இதனை தவிர்த்திட அணையில் தற்போது உள்ள 79.77 அடி தண்ணீரில் 10 ஆயிரம் கனஅடி தண்ணீரை திறந்து விட்டால் ஆகஸ்ட் இரண்டாம் வாரத்தில் வீராணத் திற்கு தண்ணீர் வந்து சேரும். அதனைக் கொண்டு விதை விதைக் கும் பணியை துவங்க முடியும். பின்னர் செப்டம்பர் முதல் வாரத்தில் 26 ஆயிரம் கன அடி தண்ணீர் திறந்து விட்டால் நாற்று நடவு பணி எளிதாக செய்ய முடியும்.அதன் பிறகு அக்டோபர் மாதத்தில் வடகிழக்கு பருவமழை துவங்கி விடும் என்பதால் தண்ணீர் தேவைப்படாது. ஆகவே மேட்டூர் அணையில் தற் போது உள்ள நீரில் இருந்து உடனடியாக 10 ஆயிரம் கன அடி தண்ணீரை திறந்து விட தமிழக அரசு நடவடிக்கை எடுக்க வேண்டும் என காவிரி டெல்டா கடைமடை பகுதி விவசாயிகள் எதிர்பார்க்கின்றனர்.

Read more »

வெள்ளி, ஜூன் 11, 2010

சிதம்பரம் தாலுகாவில் பிற்பட்டோர் பேரவையின் புதியஉறுப்பினர்களுக்கு அடையாள அட்டை

சிதம்பரம் : 

                      பிற்பட்டோர் பேரவையின் புதிய உறுப்பினர்களுக்கு அடையாள அட்டைகளை அகில இந்திய பிற்பட்டோர் பேரவை பொதுச் செயலாளர் வீரவன்னியராஜா வழங்கினார். சிதம்பரம் தாலுகாவில் பிற்பட்டோர் பேரவையின் புதிய உறுப்பினர் சேர்க்கை தீரவிரமாக நடந்து வருகிறது. புதிதாக சேர்க்கப்பட்ட சிதம்பரம், பரங்கிப் பேட்டை, புவனகிரி ஒன்றியங்கள், சிதம்பரம் நகரம், அண்ணா மலை நகர் பேரூராட்சிப் பகுதியில் உள்ள புதிய உறுப்பினர்களுக்கு அகில இந்திய பிற் பட்டோர் பேரவை பொதுச் செயலாளர் வீரவன்னியராஜா புதிய உறுப்பினர்களுக்கு அடையாள அட்டை வழங்கினார்.

                  நிகழ்ச்சியில் மாவட்ட இணை செயலாளர் பாஸ்கர், தொழிற்சங்க செயலாளர் கோதண்ட பாணி, ரவி, சிவக்குமார், பாலு, ரமேஷ், சந்தோஷ்குமார், ராஜா, சரவணன், அப்துல் லத்தீப், ராமு உள்ளிட்ட பலர் பங்கேற் றனர். ஜூலை 31ம் தேதி உறுப்பினர்கள் சேர்க்கையை முடித்துக் கொண்டு ஆகஸ்ட்10ம் தேதி மாநில தேர்தல் நடத்துவது உள்ளிட்ட தீர்மானம் நிறைவேற்றப்பட்டன.

Read more »

வியாழன், ஏப்ரல் 29, 2010

சிதம்பரத்தில் தனித்தனி விபத்து மூன்று பேர் பலி: இருவர் காயம்

 சிதம்பரம் : 

                சிதம்பரத்தில் அடுத்தடுத்து நடந்த விபத்துகளில் மூன்று பேர் இறந்தனர். இருவர் காயமடைந்தனர்.
 
                  சென்னை புளியந்தோப்பு பிக்காஸ் சாலையைச் சேர்ந்த ஆட்டோ டிரைவர் மோகன் (45). சீர்காழி தாண்டவன்குளத்தில் உள்ள உறவினர் வீட்டிற்கு செல்ல நேற்று முன் தினம் மாலை வந்தார். சிதம்பரம் பஸ் நிலையத்தில் சீர்காழி வழியாக செல்லும் தனியார் பஸ்சில் ஏறும்போது தவறி கீழே விழுந்தார். பலத்த காயமடைந்த அவரை சிதம்பரம் அரசு மருத்துவமனையில் சேர்க்கப்பட்டு அங்கு இறந்தார்.
 
மற்றொரு விபத்து: 

                       பு.உடையூரைச் சேர்ந்தவர் சந்தானம். இவரது மகன் மனோகர் (26), நண்பர் ராமச்சந்திரனுடன் மோட்டார் பைக்கில் சிதம்பரம் நோக்கி வந்தார். வடக்கு மெயின்ரோட்டில் எதிரில் சென்ற பஸ்சை முந்தி செல்ல முயன்றார். அப்போது எதிரே வந்த ஆட்டோ மீது மோதி இருவரும் கீழே விழுந்தனர். பலத்த காயமடைந்த மனோகர் அதே இடத்தில் இறந்தார். ராமச்சந்திரன் சிதம்பரம் அரசு மருத்துவமனையில் சிகிச்சை பெற்று வருகிறார். இந்த இரு விபத்து குறித்தும் சிதம்பரம் நகர போலீசார் வழக்குப்பதிந்து விசாரணை நடத்தி வருகின்றனர்.
 
மேலும் ஒரு விபத்து: 

                    தெற்கிருப்பு வெங்கடேசன் மகன் விஜய் (29). இவர் ராஜேஷ் என்பவருடன் சிதம்பரத்தில் இருந்து தெற்கிருப்பு நோக்கி மோட்டார் பைக்கில் சென்றார். பூலாமேடு அருகே சென்றபோது கார் மோதி இருவரும் தூக்கி எறியப்பட்டனர். இருவரையும் சிதம்பரம் மருத்துவமனைக்கு அழைத்து செல்லும்போது வழியில் விஜய் இறந்தார். ராஜேஷ் சிகிச்சை பெற்று வருகிறார்.  இது குறித்து சிதம்பரம் தாலுகா போலீசார் வழக்குப் பதிந்து விசாரித்து வருகின்றனர்.

பி.டி.எப் கோப்பாக பதிவிறக்கம் செய்ய

Read more »

தீப்பிடித்து பெண் சாவு


சிதம்பரம் : 

                 சிதம்பரம் அருகே சமையல் செய்யும்போது சேலையில் தீப்பிடித்து பெண் இறந்தார்.
 
                சிதம்பரம் கூடுவெளியைச் சேர்ந்தவர் கல்யாணசுந்தரம். இவரது மனைவி இன்பஒளி (36). கணவரிடமிருந்து பிரிந்து தாய்வீடான இளநாங்கூரில் வசித்து வந்தார். இந்நிலையில் கடந்த 27ம் தேதி சமையல் செய்யும் போது இன்பஒளியின் சேலையில் தீப்பிடித்தது. பலத்த காயமடைந்த அவர் சிதம்பரம் அரசு மருத்துவமனையில் சேர்க்கப்பட்டார். பின்னர் மேல் சிகிச்சைக்காக புதுச்சேரி கொண்டு செல்லப்பட்டு நேற்று இறந்தார். இதுகுறித்து சிதம்பரம் தாலுகா போலீசார் வழக்குப்பதிந்து விசாரணை நடத்தி வருகின்றனர்.

பி.டி.எப் கோப்பாக பதிவிறக்கம் செய்ய

Read more »

நண்பர்களோடு பகிர்ந்து கொள்ள

Country wise Vistior