உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




சொரத்தூர் ராஜேந்திரன் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
சொரத்தூர் ராஜேந்திரன் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், ஜூலை 25, 2011

கடலூர் சிப்காட் தொழிற்பேட்டையில் புதிய தொழிற்சாலைகள் வருவதற்கு ஊக்குவிக்க வேண்டும்: சிப்காட் கூட்டமைப்பு கோரிக்கை

 http://mmimages.mmnews.in/Articles/2011/Jul/4ab06ee5-0b94-4cad-9c55-9c95fd47f962_S_secvpf.gif



கடலூர்:

        கடலூர் முதுநகரை அடுத்து சிப்காட் வளாகத்தில் 20-க்கும் மேற்பட்ட பல்வேறு தொழிற்சாலைகள் இயங்கி வருகின்றது. இங்கு தொழிற்சாலைகளுக்கு வெளிமாநிலங்களில் இருந்து லாரிகள் மூலம் ரசாயனம் வந்து செல்கிறது.

           இந்தநிலையில் நேற்று சிப்காட் கூட்டமைப்பு சார்பில் ஆலோசனை கூட்டம் சிப்காட் தொழிற்சாலை வளாகத்தில் நடந்தது. இதில் சிறப்பு விருந்தினராக குறிஞ்சிப்பாடி தொகுதி எம்.எல்.ஏ சொரத்தூர் ராஜேந்திரன் கலந்து கொண்டார். அப்போது சிப்காட் தொழிற்சாலை கூட்டமைப்பு சார்பில் தரமான சாலைவசதி, தொழிற்சாலைகளை மேம்படுத்த உதவிகள், கடலூருக்கு புறவழிச்சாலை வேண்டும் உள்ளிட்ட பல்வேறு கோரிக்கைகள் சொரத்தூர் ராஜேந்திரன் எம்.எல்.ஏவிடம் விடுக்கப்பட்டது.

           அதற்கு அவர் அனைத்து கோரிக்கைகள் மீதும் உரிய நடவடிக்கை எடுக்கப்படும் என்று தெரிவித்தார். மேலும் சிப்காட் கூட்டமைப்பு சார்பில் புதிய தொழிற்சாலைகள் வருவதற்கு ஊக்குவிக்க வேண்டும் என்றும் கோரிக்கை விடுக்கப்பட்டது. முன்னதாக சிப்காட் கூட்டமைப்பின் உதவி தலைவர் இந்திரகுமார் அனைவரையும் வரவேற்றார். தலைவர் விஜயகுமார் சிறப்புரையாற்றினார். உதவி தலைவர் ஆனந்தகுமார் ஜோதி நன்றி கூறினார். இதில் அண்ணா தொழிற்சங்க மாவட்ட செயலாளர் பாலகிருஷ்ணன் மற்றும் பலர் கலந்து கொண்டனர்.
 
 
 
 
 
 
 

Read more »

புதன், ஜூலை 13, 2011

குறிஞ்சிப்பாடி அருகே தீ விபத்து: எம்.எல்.ஏ. சொரத்தூர் ராஜேந்திரன் நிவாரண உதவி

  http://mmimages.mmnews.in/Articles/2011/Jul/a9ba3f76-4d36-4db2-8c94-af5ad01200e4_S_secvpf.gif


 
 
கடலூர்:

            குறிஞ்சிப்பாடி தொகுதியில் உள்ள கொடுக்கன்பாளையம் கிராமத்தை சேர்ந்த ராமஜெயம், சதானந்தம் ஆகியோர் வீடுகள் தீ விபத்தில் சேதம் அடைந்தன. இதில் வீட்டில் இருந்த அனைத்து பொருட்களும் எரிந்து சாம்பலானது.

               இந்த தீ விபத்தில் பாதிக்கப்பட்டவர்களை குறிஞ்சிப்பாடி சட்டமன்ற உறுப்பினர் சொரத்தூர் ராஜேந்திரன் நேரில் சென்று பார்த்து ஆறுதல் தெரிவித்து நிவாரண உதவி வழங்கினார். இவருடன் கடலூர் தெற்கு ஒன்றிய செயலாளர் பழனிசாமி, மாவட்ட விவசாய பிரிவு செயலாளர் காசிநாதன், ஊராட்சி செயலாளர் மாயவேல், வெள்ளகரை நாகப்பன், மாவட்ட பிரதிநிதி வேல்முருகன், கிளை கழக செயலாளர்கள் மோகன், சடகோபன், அசோகன் உள்பட பலர் கலந்து கொண்டனர். 
 
 
 
 
 
 

Read more »

திங்கள், மே 16, 2011

கடலூர் மாவட்டத்தில் 9 எம்.எல்.ஏ.க்களில் 7 பேர் புதுமுகங்கள்

கடலூர்:

              கடலூர் மாவட்டத்தில் உள்ள 9 தொகுதிகளில், எம்.எல்.ஏ.க்களாகத் தேர்ந்து எடுக்கப்பட்டுள்ள 7 பேர், சட்டப்பேரவைக்கு புதுமுகங்கள் ஆகும். 

            கடலூர் மாவட்டத்தில் கடலூர் தொகுதியில் முன்னாள் அமைச்சர் எம்.சி. சம்பத் (அ.தி.மு.க.), குறிஞ்சிப்பாடி தொகுதியில் சொரத்தூர் ராஜேந்திரன் (அ.தி.மு.க.), நெய்வேலி தொகுதியில் சிவசுப்பிரமணியன் (அ.தி.மு.க.), காட்டுமன்னார்கோவில் (தனி) தொகுதியில் முருகுமாறன் (அ.தி.மு.க.), புவனகிரி தொகுதியில் செல்வி ராமஜெயம் (அ.தி.மு.க.), சிதம்பரம் தொகுதியில் கே.பாலகிருஷ்ணன் (மார்க்சிஸ்ட் கம்யூனிஸ்ட்), பண்ருட்டி தொகுதியில் சிவக்கொழுந்து (தே.மு.தி.க.), விருத்தாசலம் தொகுதியில் முத்துக்குமார் (தே.மு.தி.க.), திட்டக்குடி தொகுதியில் தமிழழகன் (தே.மு.தி.க.) ஆகியோர் எம்.எல்.ஏ.க்களாகத் தேர்ந்து எடுக்கப்பட்டு உள்ளனர்.

             இவர்களில் அ.தி.மு.க. எம்.எல்.ஏ.க்களான எம்.சி. சம்பத், செல்வி ராமஜெயம் ஆகியோர் மட்டுமே ஏற்கெனவே எம்.எல்.ஏ.க்களாக இருந்தவர்கள். சொரத்தூர் ராஜேந்திரன், சிவசுப்பிரமணியன், முருகுமாறன், தமிழழகன், முத்துக்குமார், சிவக்கொழுந்து, கே.பாலகிருஷ்ணன், ஆகிய 7 பேரும் முதல் முறையாக எம்.எல்.ஏ.க்களாகத் தேர்ந்து எடுக்கப்பட்டு சட்டப் பேரவைக்குச் செல்கிறார்கள். இவர்களில் நிறைந்த அரசியல் அனுபவம் பெற்றவர்களாக கே.பாலகிருஷ்ணனும், சொரத்தூர் ராஜேந்திரனும் உள்ளனர். 

                தற்போது அ.தி.மு.க. எம்.ஜி.ஆர்.மன்றத் துணைத் தலைவராக இருக்கும் சொரத்தூர் ராஜேந்திரன், அ.தி.மு.க. மாவட்டச் செயலராகவும் இருந்தவர். மார்க்சிஸ்ட் கம்யூனிஸ்ட் கட்சியின் மாநில செயற்குழு உறுப்பினராவும் தமிழ்நாடு விவசாயிகள் சங்க மாநிலத் தலைவராகவும் இருக்கிறார். இருவரும் சட்டப்பேரவை செல்வது தொகுதி மக்களுக்கு மிகுந்த நன்மை பயக்கும் என்பது அவர்களது தொகுதி மக்களின் நம்பிக்கையாக உள்ளது. கடலூர் வறட்சி, மழை, வெள்ளம், சேதம் எனப் பல்வேறு பிரச்னைகளைக் கொண்ட, விவசாய மாவட்டமாக இருந்த போதிலும், விவசாயிகளின் பல்வேறு பிரச்னைகள் சட்டப் பேரவைக் கூட்டங்களில் பேசப்பட்டது இல்லை என்பது கடலூர் மாவட்ட விவசாயிகளின் மனக்குறை. 

                அந்தக் குறையை பாலகிருஷ்ணன் போக்குவார் என்ற நம்பிக்கை மாவட்ட விவசாயிகளுக்கு தற்போது ஏற்பட்டு உள்ளது. பண்ருட்டி தொகுதி எம்.எல்.ஏ. சிவக்கொழுந்து தே.மு.தி.க. கடலூர் மாவட்டச் செயலராக இருக்கிறார். மற்ற 4 எம்.எல்.ஏ.க்களும் தங்கள் கட்சிகளில் சிறிய பொறுப்புகளில் இருப்பவர்கள்.புதிய எம்.எல்.ஏ.க்கள் தங்கள் தொகுதிகளின் பிரச்னைகளை, சட்டப் பேரவையில் எடுத்துரைக்கும், மாண்பை, அத்தொகுதிகளைச் சேர்ந்த மக்கள் மிகுந்த ஆவலுடன் எதிர்நோக்கி இருக்கிறார்கள். கடந்த பல தேர்தல்களில் கடலூர் மாவட்டத்தில் உள்ள 9 தொகுதிகளிலும், அனைவரும் ஒரே கட்சியைச் சேர்ந்தவர்கள், ஒரே அணியைச் சேர்ந்தவர்கள் என்ற நிலை இருந்தது இல்லை. 

             ஆனால் இந்தத் தேர்தலில் 9 பேரும் ஒரே அணியைச் சேர்ந்தவர்களாக இருப்பது, கடலூர் மாவட்ட வளர்ச்சிக்கு பெரிதும் உதவியாய் இருக்கும் என்று கடலூர் மாவட்ட மக்கள் எதிர்பார்க்கிறார்கள். மக்களின் எதிர்பார்ப்பை நிறைவேற்றுவார்களா 9 எம்.எல்.ஏ. க்களும்.

Read more »

22 ஆண்டுகளுக்குப் பின் வெற்றி பெற்றிருக்கும் அதிமுக வேட்பாளர் சொரத்தூர் ராஜேந்திரன்

நெய்வேலி:

          குறிஞ்சிப்பாடித் தொகுதியில் வெற்றி பெற்றிருக்கும் அதிமுக வேட்பாளர் சொரத்தூர் ராஜேந்திரன்  அரசியல் களத்தில் 22 ஆண்டுகால போராட்டத்துக்கு பின் சட்டமன்ற உறுப்பினர் என்ற நிலையை எட்டியிருப்பதால் அவரது குடும்பம் மட்டுமின்றி அவரது பெயரோடு சேர்ந்திருக்கும் சொரத்தூர் கிராம மக்களும் கட்சி பேதமின்றி மிகுந்த சந்தோஷத்தில் காணப்படுகின்றனர்.

               கடந்த 1989-ம் ஆண்டு முதன்முதலாக குறிஞ்சிப்பாடித் தொகுதியில் அதிமுக ஜெ. அணி சார்பில் களமிறங்கிய சொரத்தூர் ராஜேந்திரன், திமுக வேட்பாளர் கணேசமூர்த்தியிடம் தோல்வியுற்றார். அதைத் தொடர்ந்து 1996-ல் பண்ருட்டியில் போட்டியில் திமுக வேட்பாளர் ராமசாமியிடமும், 2006-ம் ஆண்டு அதே பண்ருட்டியில் பாமக வேட்பாளர் வேல்முருகனிடம் 145 வாக்குகள் வித்தியாசத்திலும் தோல்வியை தழுவினார். இதோடு நில்லாமல் 2004-ம் ஆண்டு நடந்த நாடாளுமன்றத் தேர்தலில் திமுக வேட்பாளர் வேங்கடபதியிடம் தோல்வியுற்றார். 

              அரசியல் களமிறங்கி சட்டமன்ற உறுப்பினராகவோ அல்லது நாடாளுமன்ற உறுப்பினராகவோ ஆகவேண்டும் என்ற முனைப்புடன் செயல்பட்ட ராஜேந்திரனுக்கு தொடர் தோல்வியே. இதனால் கட்சியினர் மட்டுமின்றி மாற்றுக் கட்சியினர் மத்தியிலும் ராஜேந்திரனுக்கு அனுதாபம் நிலவியது.ராஜேந்திரன் போட்டியிடும் போதெல்லாம் அதிமுகவும் தோற்கும், அவரும் தோற்றுப் போவார் என்ற சென்டிமென்டான விஷயம் கடலூர் அரசியல் பிரமுகர்களிடையே பரவலாக பேசப்படும். அதற்கேற்றவாறு அவர் போட்டியிட்ட போதெல்லாம் அதிமுக தோல்வியடைந்தது என்னவோ உண்மை தான். 

              ஆனால் அவரது விசுவாசிகளோ கட்சி ஜெயிக்கும் என்ற நிலை இருக்கும் போது ராஜேந்திரனுக்கு சீட் தரமாட்டார்கள், தோற்கின்ற சமயத்தில் சீட் வழங்குவார்கள் என்று கூறி வந்தனர்.பல்வேறு சென்டிமென்ட் விஷயங்களுக்கு அதிமுக தலைமை முக்கியத்துவம் தரும் என்ற கருத்து நிலவிவரும் வேளையில் அதிமுக தலைமை 5-ம் முறையாக தேர்தலில் போட்டியிடும் வாய்ப்பை ராஜேந்திரனுக்கும் வழங்கியது. அதுவும் குறிஞ்சிப்பாடியிலேயே வழங்கியது. 

                     குறிஞ்சிப்பாடியில் தொடர்ந்து 3 முறையாக போட்டியிட்டு பல்வேறு நலத் திட்டப் பணிகளை செய்து தொகுதி வாசிகளை வளைத்து வைத்திருக்கும் அமைச்சர் எம்.ஆர்.கே.பன்னீர்செல்வத்தை, ராஜேந்திரன் வெல்வது கடினம் தான் என பல்வேறு தரப்பினரும் கூறி வந்தனர்.இந்நிலையில் சொரத்தூர் ராஜேந்திரன் தன்னை எதிர்த்து போட்டியிட்டு திமுக வேட்பாளர் எம்.ஆர்.கே.பன்னீர்செல்வத்தை 23 ஆயிரத்து 848 வாக்குகள் வித்தியாசத்தில் வென்றிருக்கிறார். 

              அரசியல் களத்தில் முதன்முதலாக குறிஞ்சிப்பாடித் தொகுதியில் சோதனையை தொடங்கி அதில் சறுக்கிய ராஜேந்திரன், தொடர்ந்த போராடி 22 ஆண்டுகளுக்குப் பின் அதே குறிஞ்சிப்பாடியில் வெற்றிக்கனியை பறித்திருப்பது சாதாரணமானது அல்ல என்பதை அவர் உணர்ந்திருக்கக் கூடும்.எனவே தொகுதியை தக்க வைத்துக் கொள்ள இனி தான் அவர் கடுமையாக உழைக்க வேண்டியிருக்கும். எதுவாக இருந்தாலும் அதை தனது நேரடிக் கட்டுப்பாட்டில் வைத்துக் கையாண்டால் தான் அவரது எதிர்காலம் பிரகாசமாக இருக்கும் என்பது தொகுதியில் உள்ள மூத்த வாக்காளர்களின் கருத்து.

Read more »

சனி, மே 14, 2011

குறிஞ்சிப்பாடி சட்டமன்றத் தொகுதியில் அ.தி.மு.க. வேட்பாளர் சொரத்தூர் ராஜேந்திரன் வெற்றி: அமைச்சர் எம்.ஆர்.கே. பன்னீர்செல்வம் தோல்வி



http://www.maalaimalar.com/ElectionImages/Candidate%5CLarge%5C051a85e9-7dc6-4114-9879-2e33fa9aade5-Sorathur-rajendran--s.jpg






 சொரத்தூர் ராஜேந்திரன்

கடலூர்:

           குறிஞ்சிப்பாடி தொகுதியில் 23,848 வாக்குகள் வித்தியாசத்தில் அ.தி.மு.க. வேட்பாளர் சொரத்தூர் ராஜேந்திரன் வெற்றி பெற்றார். இவரை எதிர்த்து போட்டியிட்ட அமைச்சர் எம்.ஆர்.கே. பன்னீர்செல்வம் தோல்வியை தழுவினார்.





 http://www.dinamani.com/Images/article/2011/4/10/mrkpsorajen.jpg



            


  எம்.ஆர்.கே. பன்னீர்செல்வம் மற்றும் சொரத்தூர் ராஜேந்திரன்

          வெள்ளிக்கிழமை இரவு 10-30 மணி நிலவரப்படி இறுதிச் சுற்றில், சொரத்தூர் ராஜேந்திரன் (அ.தி.மு.க.) 88,345 வாக்குகளும், எம்.ஆர்.கே. பன்னீர்செல்வம் (தி.மு.க.) 64,497 வாக்குகளும் பெற்றனர். இருவருக்கும் உள்ள வாக்கு வித்தியாசம் 23,848 ஆகும். 

            இந்நிலையில் இத்தொகுதியில் 10 வாக்குப் பதிவு இயந்திரங்களில் கோளாறு ஏற்பட்டது. இதனால் சிறிது நேரம் வாக்கு எண்ணிக்கை பணி தடைபட்டது. இதைத் தொடர்ந்து பழுதான வாக்குப் பதிவு இயந்திரங்களைச் சரி செய்து, அவற்றில் உள்ள வாக்குகளையும் சேர்த்து எண்ணப்பட்ட பிறகு முடிவு அறிவிக்கப்பட்டது.



Read more »

சனி, ஏப்ரல் 02, 2011

குறிஞ்சிப்பாடி நெசவாளர்கள் பிரச்னைக்கு நிரந்தரத் தீர்வு: சொரத்தூர் ராஜேந்திரன்

நெய்வேலி:

             கடலூர் மாவட்டம் குறிஞ்சிப்பாடித் தொகுதியில் உள்ள நெசவாளர்களின் பிரச்னை தீர நிரந்தரத் திட்டம் உருவாக்கப்படும் என குறிஞ்சிப்பாடித் தொகுதி அ.தி.மு.க. வேட்பாளர் சொரத்தூர் ராஜேந்திரன் கூறினார்.  

                 கடலூர் மாவட்டம் குறிஞ்சிப்பாடித் தொகுதியில் அதிமுக சார்பில் போட்டியிடும் சொரத்தூர் ராஜேந்திரன், தொகுதிக்குட்பட்ட விருப்பாட்சி, பெத்தநாயக்கன்குப்பம், தம்பிப்பேட்டை, கஞ்சமாநாதன்பேட்டை உள்ளிட்ட கிராமங்களில் வெள்ளிக்கிழமை வாக்குச் சேகரித்தார்.  அப்போது குறிஞ்சிப்பாடியில் உள்ள நெசவாளர்கள் நெய்யும் ஆடைகளுக்கு வெளிநாடுகளில் நல்ல வரவேற்பு கிட்டியது. ஆனால் நெசவாளர்களின் தேவையறிந்து செயல்படக் கூடிய மக்கள் பிரதிநிதி இல்லாததால், இப்பகுதி நெசவாளர்கள், மிகவும் நலிவடைந்துள்ளனர்.  

              நெசவுத் தொழிலில் ஈடுபட்டிருந்த ஆயிரத்துக்கும் மேற்பட்ட குடும்பங்கள் இன்று வேறுதொழில் தெரியாமல், அல்லல்பட்டு வருகின்றனர். மேலும் இத்தொழிலை ஊக்குவிக்கும் வகையில் யாரும் செயல்படவில்லை.  எனவே இப்பகுதி நெசவாளர்களின் பிரச்னைக்கு நிரந்தரத் தீர்வு ஏற்பட பாடுபடுவேன் எனவும், அதற்கு இரட்டை இலை சின்னத்துக்கு வாக்களிக்க வேண்டும் எனவும் ராஜேந்திரன் கேட்டுக் கொண்டார்.

Read more »

நண்பர்களோடு பகிர்ந்து கொள்ள

Country wise Vistior