கடலூர் மாவட்டத்தில் பொது இடங்களில் பேனர்கள் வைக்க கட்டுப்பாடு

தமிழக அரசின் உத்தரவை பின்பற்றி மாவட்டத்தில் பொது இடங்களில் விளம்பர பேனர்கள் வைக்க கட்டுப்பாடுவிதிக்க உள்ளாட்சி அமைப்புகளில் தீர்மானம் நிறைவேற்றப்பட உள்ளது. அங்கொன்றும், இங்கொன்றுமாக இருந்த டிஜிட்டல் பேனர் கலாசாரம், தற்போது பட்டி தொட்டி எங்கும் பரவி விட்டது. தனி நபர் பிறந்த நாள் விழா முதல் மரண அறிவிப்பு மற்றும் நினைவஞ்சலி உள்ளிட்ட குடும்ப நிகழ்ச்சிகள் அனைத்திற்கும் பொது இடங்களில் டிஜிட்டல் பேனர் வைப்பது பேஷனாகி விட்டது. இதனை முறைப்படுத்த தமிழக அரசு கடந்த நவம்பர் 16ம் தேதி நகராட்சி நிர்வாகம் மற்றும் குடிநீர் வழங்கல் துறை சார்பில் அரசாணை வெளியிடப்பட்டது.

முன்னோடி நகராட்சி

தமிழக அரசின் இந்த உத்தரவை செயல்படுத்த கடலூர் நகராட்சி முன்வந்துள்ளது. அதனையொட்டி பொது இடங்களில் பேனர்கள் வைப்பதை முறைப்படுத்த தமிழக அரசு பிறப்பித்துள்ள விதிமுறைகளை பின்பற்றி, அதனை செயல்படுத்திட நகர மன்றத்தின் ஒப்புதல் பெற்றிட தீர்மானம் கொண்டு வந்துள்ளது.

விண்ணப்பம்

பொது இடங்களில் பேனர் வைப்பதற்கு 15 நாட்களுக்கு முன்பாக கலெக்டர் மற்றும் சம்பந்தப்பட்ட போலீஸ் ஸ்டேஷனில் அனுமதி கோரி விண்ணப்பிக்க வேண்டும். இந்த மனுவுடன், பேனர் வைக்கப்பட உள்ள இடத்தின் உரிமையாளர் அல்லது அரசாங்க இடம் எனில் சம்பந்தப்பட்ட துறை அதிகாரியின் தடையில்லாச் சான்று. போக்குவரத்திற்கு இடையூறு ஏதும் இல்லை என அந்தப்பகுதி போலீஸ் ஸ்டேஷனின் தடையில்லாச் சான்று. பேனர் வைக்கப்பட உள்ள இடத்தை சுற்றியுள்ள சாலைகள், தெருக்கள் உள்ளிட்ட இதர விவரங்கள் அடங்கிய சார்பு வரைபடம். அனுமதி கட்டணமாக 100 ரூபாய் மற்றும் வைப்புத் தொகை (ஒருபேனருக்கு) 50 ரூபாய் நகராட்சி கருவூலகத்தில் செலுத்தி அதன் ரசீது ஆகியவற்றை விண்ணப்பத்துடன் இணைக்க வேண்டும்.

அனுமதி

மனுவை கலெக்டர் பரிசீலனை செய்து, முழு விவரம் இருப்பின் 6 நாட்களுக்கு (பேனர் வைக்கும் நாள் முதல் அகற்றப்படும் நாட்கள் உட்பட) அனுமதி வழங்கப்படும். விவரம் இல்லாத மனுக்கள் நிராகரிக்கப்படும். அனுமதி பெற்ற நபர் வைக்கும் பேனர்களின் கீழ் பகுதியில் ஒரு அங்குலம் அளவில் கலெக்டரின் அனுமதி எண் மற்றும் காலக்கெடு, அனுமதிக்கப்பட்ட பேனர்களின் எண்ணிக்கையை குறிப்பிட வேண்டும்.

பேனர் அளவுகள்

நூறடிக்கு மேல் உள்ள சாலையில் 15 அடி உயரம், 24 அகலம்; 60 முதல் 100 அடி சாலையில் 12 அடி உயரம், 20 அடி அகலம்; 40 முதல் 60 அடி சாலையில் 10 அடி உயரம், 16 அடி அகலம்; 20 முதல் 40 அடி சாலையில் 8 அடி உயரம், 5 அடி அகலம்; 10 முதல் 20 அடி சாலையில் 3 அடி உயரம், இரண்டரை அடி அகலம்; சாலை மையத் தடுப்புகளில் 4 அடி உயரம் இரண்டரை அடி அகலம். சாலையோரம் அல்லது மையத் தடுப்புகளில் ஏதேனும் ஒன்றில் மட்டுமே பேனர் வைக்க அனுமதி வழங்கப்படும். 10 முதல் 40 அடி சாலைகளில் ஒருபுறமும், 40 அடிக்கு மேற்பட்ட சாலைகளில் இருபுறமும் பேனர்களை சாலையின் வாட்டத்திற்கே அமைக்க வேண்டும். ஒவ்வொரு பேனருக்கும் குறைந்தது 10 மீட்டர்இடைவெளி இருக்க வேண்டும்.

தடை செய்யப்பட்ட பகுதிகள்

கல்வி நிறுவனங்கள், மத சார்பான இடங்கள், உள் நோயாளிகள் தங்கி சிகிச்சை பெறும் மருத்துவமனைகள், புராதான சின்னங்கள், சுற்றுலா முக்கியத்துவம் வாய்ந்த இடங்கள், சாலை - தெரு சந்திப்பின் 100 மீட்டருக்குள் பேனர் வைக்கக் கூடாது.

அபராதம்

அனுமதியின்றி வைக்கப்படும் பேனர் அகற்றப்படுவதுடன் அதற்குரிய அபராதம் வசூலிக்கப்படும். அதேப்போன்று அனுமதி பெற்று வைக்கப்படும் பேனர்கள் அரசுக்கு எதிராக இருந்தால் அந்த பேனருக்கு வழங்கிய அனுமதி ரத்து செய்வதோடு, அவை உடனடியாக அகற்றப்படும். பேனர் வைப்பவர்கள் விதிகளை மீறினாலோ, காலக்கெடுவிற்குள் அகற்றாவிட்டாலோ, பேனர் அமைக்க சாலை உள்ளிட்ட பொதுச் சொத்துக்களை சேதப்படுத்தினால் வைப்புத் தொகை பறிமுதல் செய்யப்படும்.

விதிவிலக்கு

வர்த்தக நிறுவனங்கள் தங்களது விளம்பர பலகைகளை கட்டடத்தின் முகப்பில் அல்லது கட்டடத்தின் மேலும், அதேபோன்று விழா நடைபெறும் கட்டடத்தின் முகப்பு அல்லது கட்டடத்தின் மேலே வைத்துக் கொள்ளலாம். பேனர் கலாசாரத்தை முறைப்படுத்த மாவட்டத்தில் முன்னோடியாக கடலூர் நகராட்சி மேற்கொண்டுள்ள இந்த நடவடிக்கையை பிற நகராட்சிகளும் பின்பற்ற முன் வர வேண்டும் என்பதே பொதுமக்களின் கோரிக்கையாக உள்ளது.

Read more »

கடலூர் மாவட்டத்தில் 4,801 பேனர்கள் அகற்றம்: மாவட்ட ஆட்சியர் பெ.சீதாராமன்

பெ.சீதாராமன்

கடலூர்:

 

      தேர்தல் ஆணையத்தின் விதிகளின்படி, கடலூர் மாவட்டத்தில் அரசியல் கட்சிகளின் சுவர் விளம்பரங்கள், டிஜிட்டல் பேனர்கள் அகற்றப்பட்டு இருப்பதாக மாவட்ட ஆட்சியர் பெ.சீதாராமன் வெள்ளிக்கிழமை தெரிவித்தார்.

 

கடலூர் மாவட்ட ஆட்சியர் வெளியிட்ட செய்திக் குறிப்பு: 

 

             தேர்தல் ஆணையத்தின் விதிகளின்படி, தேர்தல் அலுவலர்களுக்கான பயிற்சி முகாம் மாவட்ட வளர்ச்சி மன்றக் கூடத்தில் ஆட்சியர் தலைமையில் வெள்ளிக்கிழமை நடந்தது. 

 

கூட்டம் முடிந்ததும் ஆட்சியர் கூறியது: 

 

                கடலூர் மாவட்டத்தில் தேர்தல் பணிகளில் ஈடுபடும் 11 ஆயிரம் அலுவலர்களுக்கு பயிற்சி நடைபெற்று வருகிறது. 

 

             எஸ்.எஸ்.எல்.சி. மற்றும் மேல்நிலைப் பள்ளி ஆசிரியர்கள் 3 ஆயிரம் பேர், தேர்தல் பணிகளில் இருந்து விடுவிக்கப்பட்டு, 9,954 நபர்களுக்கான பட்டியல் இறுதி செய்யப்பட்டு உள்ளது.9 சட்டப்பேரவைத் தொகுதிகளில் உள்ள 1,945 வாக்குச் சாவடிகளுக்கான பணியாளர்கள் நியமிக்கப்பட்டு உள்ளனர்.நாகாலாந்து மாநிலத்தைச் சேர்ந்த காமே என்பவர் கடலூர், குறிஞ்சிப்பாடி, புவனகிரி, சிதம்பரம், காட்டுமன்னார்கோவில் ஆகிய தொகுதிகளுக்கு தேர்தல் செலவினப் பார்வையாளராக நியமிக்கப்பட்டு உள்ளார்.

 

              மற்ற தேர்தல் பார்வையாளர்கள் விரைவில் நியமிக்கப்பட்டு, 17-3-2011 அன்று பொறுப்பு ஏற்பர் என்று எதிர்பார்க்கப்படுகிறது.தேர்தல் நடத்தை விதிமுறைகள், முழுமையாக செயல்படுத்துவது குறித்து, விடியோ பார்வைக் குழு, கணக்குக் குழு, விடியோ கூர்ந்தாய்வுக் குழு, பறக்கும் படை, ஊடகச் சான்று மற்றும் மேற்பார்வைக் குழு ஆகிய குழுக்களுக்கு வெள்ளிக்கிழமை பயிற்சி அளிக்கப்பட்டது.கடலூர் மாவட்டத்தில் தேர்தல் நடத்தை விதிமுறைகளை மீறி வைக்கப்பட்டு இருந்த 4,801 விளம்பர பேனர்கள், சுவர் விளம்பரங்கள் ஆகியன இதுவரை அகற்றபட்டு உள்ளன. 

 

                மகளிர் சுயஉதவிக் குழுக்களுக்கு அனைத்து நிதிஉதவிகளும் நிறுத்தப்பட்டு விட்டன. தனியார் தொண்டு நிறுவனங்கள் மூலம் இயங்கும் மகளிர் சுயழுதவிக் குழுக்களுக்கும் எவ்வித நிதி உதவியும் வழங்கக் கூடாது என்று தெரிவிக்கப்பட்டு உள்ளது. ஊரக வளர்ச்சித் துறை மூலம் கடலூர் மாவட்டத்தில் உள்ள 683 ஊராட்சிகளிலும் எவ்வித புதிய பணிகளும் தொடங்கக் கூடாது என்றும், தேர்தல் அறிவிப்புக்கு முன்னர் தொடங்கிய பணிகளை மட்டுமே செயல்படுத்தலாம் என்றும் தெரிவிக்கப்பட்டு உள்ளது.

 

                 கிராமங்களில் உள்ள நூலகக் கட்டடங்கள், ஊராட்சி மன்றக் கட்டங்கள் மற்றும் ஏனையக் கட்டடங்களில் விளம்பரம் செய்யக்கூடாது.அரசு அலுவலகக் கட்டடங்களை அரசியல் கட்சிகள் பயன்படுத்தக் கூடாது. மகாத்மா காந்தி தேசிய வேலை உறுதித் திட்டத்தில் தேர்தல் அறிவிக்கப்படுவதற்கு முன்னர் தொடங்கப்பட்ட பணிகளை மட்டுமே தொடர வேண்டும்.புதிதாக எந்தப் பணிகளும் எடுத்துக் கொள்ளக் கூடாது என்று உத்தரவிடப்பட்டு உள்ளது. இத்திட்டத்தில் அனுமதிக்கப்பட்ட தொகையை வேலைக்கு ஏற்றார்போல் வழங்க வேண்டும்.

 

                கூடுதலாக தொகை வழங்கக் கூடாது என்று, ஊராட்சி மன்றத் தலைவர்கள் அறிவுறுத்தப்பட்டு உள்ளனர்.புதிய ஒப்பந்தப் புள்ளிகள் மற்றும் ஏலங்கள் கோரக் கூடாது. ஏற்கெனவே ஒப்பந்தப் புள்ளிகள் கோரப்பட்டு இருந்தால், அவற்றை ஆய்வு செய்து வைக்க வேண்டுமே தவிர, பணி ஆணைகள் வழங்கக் கூடாது.தேர்தல் நடத்தை விதிமுறைகளை மீறும் உள்ளாட்சிப் பிரதிநிதிகள் மீது கடும் நடவடிக்கை எடுக்கப்படும் என்றார் ஆட்சியர்.

Read more »

கடலூரில் அரசியல் கட்சியினரின் 100 பேனர்கள் அகற்றம்

கடலூர்:

             கடலூரில் போக்குவரத்துக்கு இடையூறாக பேனர்கள் வைக்கப்பட்டிருப்பதாக புகார்கள் வந்தன. இதையொட்டி அவைகளை அகற்றும்படி மாவட்ட போலீஸ் சூப்பிரண்டு அஸ்வின் கோட்னீஷ் உத்தரவிட்டார்.

            இதைத்தொடர்ந்து கடலூர் புதுநகர், முதுநகர், திருப்பாபுலியூர், ரெட்டிச்சாவடி ஆகிய பகுதிகளில் ரோட்டின் ஓரத்தில் அரசியல் கட்சியினர் மற்றும் பல்வேறு அமைப்பினர் வைத்திருந்த பேனர்களை  போலீசார் அகற்றினார்கள். 100-க்கும் மேற்பட்ட பேனர்கள் அகற்றப்பட்டன. தொடர்ந்து பல்வேறு பகுதிகளிலும் பேனர்கள் அகற்றப்படுகின்றன.

Read more »

சிதம்பரம் அருகே விடுதலை சிறுத்தைகள் பேனர்கள் கிழிப்பு

சிதம்பரம்:

             சிதம்பரத்தை அடுத்த புதுசத்திரம் அருகே உள்ள பெரியபட்டு கிராமத்தில் விடுதலை சிறுத்தைகள் கட்சி சார்பில் பேனர்கள் வைக்கப்பட்டிருந்தன.

              நேற்று இரவு மர்ம கும்பல் விடுதலை சிறுத்தைகளின் 4 பேனர்களை கிழித்து சேதப்படுத்திவிட்டு தப்பியது. இன்று காலையில் அதனையறிந்த அந்த கட்சியினர் ஆத்திரமடைந்தனர்.   உடனே அவர்கள் சிதம்பரம் சாலையில் மறியலில் ஈடுபட்டனர். இதனால் அந்த பகுதியில் போக்குவரத்து பாதிக்கப்பட்டது. கடைகளும் அடைக்கப்பட்டன.

                இது குறித்து தகவல் அறிந்தவுடன் புதுசத்திரம் போலீசார் அப்பகுதிக்கு விரைந்தனர். போராட்டத்தில் ஈடுபட்ட விடுதலை சிறுத்தைகள் கட்சியினரிடம் சமாதான பேச்சு வார்த்தை நடத்தி மறியலை கைவிட செய்தனர். சிதம்பரத்தை அடுத்த புதுசத்திரம் அருகே உள்ள பெரியபட்டு கிராமத்தில் விடுதலை சிறுத்தைகள் கட்சி சார்பில் பேனர்கள் வைக்கப்பட்டிருந்தன.  நேற்று இரவு மர்ம கும்பல் விடுதலை சிறுத்தைகளின் 4 பேனர்களை கிழித்து சேதப்படுத்திவிட்டு தப்பியது. இன்று காலையில் அதனையறிந்த அந்த கட்சியினர் ஆத்திரமடைந்தனர்.

Read more »

கடலூரில்பிரபாகரன் படத்துடன் பேனர் வைத்த 3 பேர் மீது வழக்கு

கடலூர்:


           கடலூரில் பிரபாகரன் படத்துடன் பேனர் வைத்த நாம் தமிழர் கட்சியை சேர்ந்த 3 பேர் மீது வழக்குப்பதிவு செய்யப்பட்டுள்ளது.

             கடலூரில் காமராஜர் பூங்கா அருகே விடுதலை புலிகள் தலைவர் பிரபாகரன் படத்துடன் இன்று காலை பேனர் ஒன்று வைக்கப்பட்டிருந்தது. அதில் தமிழின விடுதலைக்காக உயிர்நீத்த மாவீரர்கள் அனைவருக்கும் வீரவணக்கம், வீரவணக்கம் என்று குறிப்பிடப் பட்டிருந்தது. இதுகுறித்து கடலூர் புதுநகர் போலீசில் புகார் செய்யப்பட்டது. போலீஸ் இன்ஸ்பெக்டர் ஆரோக்கியராஜ் அங்கு விரைந்து சென்று விசாரணை நடத்தினார்.

               நாம் தமிழர் கட்சியை சேர்ந்தவர்கள் இந்த பேனரை வைத்ததாக தெரியவந்தது. இதையொட்டி தடை செய்யப்பட்ட விடுதலைபுலிகள் இயக்கத்துக்கு ஆதரவாக பேனர் வைத்ததாக நாம் தமிழர் இயக்கத்தை சேர்ந்த கடலூர் முதுநகரில் உள்ள ஜலதீபன் உள்பட 3 பேர் மீது போலீசார் வழக்குப்பதிவு செய்தனர். பிரபாகரன் படத்துடன் இருந்த பேனர் உடனடியாக அகற்றப்பட்டது. இந்த சம்பவம் அந்த பகுதியில் பரபரப்பை ஏற்படுத்தியது.

Read more »

விருத்தாசலத்தில் சினிமா பேனர்களுக்கு கட்டுப்பாடு வருமா?

 

விருத்தாசலம்:

 

             விருத்தாசலத்தின் முக்கியப் பகுதியான பஸ் நிலையம் அருகில் திரைப்பட பேனர்கள் அதிக அளவில் வைக்கப்பட்டுள்ளதால் போக்குவரத்து மற்றும் வணிகர்கள் அதிகளவில் பாதிக்கப்படும் சூழ்நிலை ஏற்பட்டுள்ளது.  

 

                விருத்தாசலம் பஸ் நிலையம் நகரின் மையப் பகுதியில் அமைந்துள்ளது. இந்த வழியாகத்தான் விருத்தாசலம் ரயில்வே ஜங்சனுக்குச் செல்ல முடியும். மேலும் பஸ் நிலையம் அருகில் அரசு கலைக் கல்லூரி, தனியார் மெட்ரிக் பள்ளிகள் மற்றும் திரையரங்குகள் உள்ளன. இதனால் பஸ் நிலையம் அருகில் அடிக்கடி போக்குவரத்து நெரிசல் ஏற்பட்டு வந்தது. இதைக் கருத்தில் கொண்டும், விருத்தாசலம் நகரை அழகுபடுத்தும் வகையில் சாலையோர ஆக்கிரமிப்புகள் அகற்றப்பட்டன.  

 

              இந்நிலையில் பஸ் நிலையம் அருகிலேயே உள்ள திரையரங்கத்தில் அக்டோபர் 1-ம் தேதி வெளியிடப்பட்ட திரைப்படத்துக்காக செப்டம்பர் 27-ம் தேதி முதல் பெரியபெரிய சாரங்கள் அமைத்து பிரம்மாண்டமான டிஜிட்டல் பேனர்கள் வைக்கப்பட்டுள்ளன. இவை தற்போது 200 மீட்டர் நீளத்துக்கும் மேல் நகரின் பிரதான சாலையான ஜங்சன் சாலையில் வைக்கப்பட்டுள்ளன.  இவ்வாறு மிகப்பெரிய அளவில் விளம்பரத்துக்காக வைக்கப்பட்டுள்ள பேனர்களால் வணிகர்கள் பெருமளவில் பாதிப்புக்கு உள்ளாகி வருகின்றனர். 

 

                இதோடு மட்டுமல்லாமல் விருத்தாசலம், சேலம் சாலையில் மேம்பாலம் கட்டும் பணி நடந்து வருவதால், இச்சாலையில் கனரக வாகனங்கள், பஸ் போக்குவரத்து நிறுத்தப்பட்டு, விருத்தாசலம் ஜங்சன் சாலை, எருமனூர் வழியாக இயக்கப்படுகின்றன.  இதனால் ஜங்சன் சாலை எப்போதும் போக்குவரத்து நெரிசல் மிகுந்த பகுதியாக காணப்படும். நிலைமை இவ்வாறு இருக்கும்போது இதே சாலையில் சாரங்கள் அமைத்து அதிக அளவில் டிஜிட்டல் பேனர்கள் வைத்திருப்பது போக்குவரத்துக்கு பெருமளவில் பாதிப்பை ஏற்படுத்துவதாக அமைந்துள்ளது.  

 

இதுகுறித்து ஜங்சன் சாலையில் கடை வைத்திருக்கும் வியாபாரி கூறியது:  

 

                 ஜங்சன் ரோட்டில் தற்போது காலை மற்றும் மாலை நேரங்களில் அதிக போக்குவரத்து பாதிப்பு உண்டாகிறது. இதனால் சிறுசிறு விபத்துகளும் உண்டாகின்றன. இந்நிலையில் இதுபோன்று பெரியபெரிய பேனர்கள் வைத்திருப்பதால் அதிகமான விபத்துகளும், விற்பனை பாதிப்பும் ஏற்படும் என தெரிவித்தார்.  

 

இதுகுறித்து சுற்றுச்சூழல் ஆர்வலரான ஈரநிலம் அமைப்பின் தலைவர் ஓவியர் தமிழரசன் தெரிவித்தது:  

 

               தற்போது எல்லா நிகழ்ச்சிகளிலும் டிஜிட்டல் பேனர்கள் வைப்பது கலாசாரமாக மாறி வருகிறது. இது முற்றிலும் கண்டிக்கத்தக்கது. இதுபோன்று மெகா சைஸ் பேனர்கள் வைப்பதால் சுற்றுச்சூழல் அதிக பாதிப்புள்ளாகும் என்பதில் மாற்றுக் கருத்து இல்லை. ஏனெனில் பேனர்களை மிக அதிக நீளத்துக்கு வைக்கும்போது காற்று ஒரு பகுதியிலிருந்து மற்ற பகுதிக்குச் செல்வது தடைபடுகிறது. மேலும் இவை மறுசுழற்சிக்கும் உள்படுத்தப்படுவதில்லை. 

 

                 இதனால் அவை தேக்கம் அடைந்து மண்ணின் தன்மையை பாதிக்கும் என்பதே உண்மை. மேலும் நகராட்சி மற்றும் காவல்துறை அதிகாரிகளிடம் முறையாக அனுமதி பெற்று பேனர்கள் வைக்கப்பட்டதா என்பதும் கேள்விக்குறியதே என தெரிவித்தார்.  உள்ளாட்சி நிர்வாகம், காவல்துறை ஆகியவற்றின் முறையான அனுமதி இருந்தாலும், 5 நாள்கள் மட்டுமே பேனர்களை வைக்கவேண்டும் என்று தமிழக அரசு உத்தரவிட்டுள்ளது. ஆனால், இவை கடைப்பிடிக்கப்படுவதாகத் தெரியவில்லை.  

 

                 எனவே விதியை மீறி வைக்கப்பட்டுள்ள பேனர்கள் அகற்றப்பட வேண்டும் என்பதும், வரும் சட்டப்பேரவைக் கூட்டத் தொடரில் டிஜிட்டல் பேனர்களை தடைசெய்வது குறித்து விவாதித்து முற்றுப்புள்ளி வைக்க வேண்டும் என்பதும் சமூக ஆர்வலர்களின் விருப்பமாகும். அரசு இதற்கு செவிசாய்க்குமா?

Read more »

கடலூரில் பேனருக்கு கட்டுப்பாடு சாரத்துக்கு இல்லையா?

 

கடலூர்:  

 

                 டிஜிட்டல் பேனர்களுக்கு விதிக்கப்படும் கட்டுப்பாடுகள், பேனர்களைக் கட்டுவதற்கான கழிகளால் அமைக்கப்படும் சாரத்துக்கு இல்லையா? என்ற கேள்வி கடலூரில் எழுந்துள்ளது. மேலும் போலீஸ் கட்டுப்பாட்டையும் மீறிய செயலாகவே, பேனர் பிரச்னை உருவெடுத்து இருக்கிறது.

 

                   அமைச்சர்கள், அரசியல் கட்சித் தலைவர்கள் பங்கேற்கும் விழாக்கள், திருமணங்கள் போன்ற நிகழ்ச்சிகளுக்கு, சாலை நெடுகிலும் பெரும் பொருள் செலவில் டிஜிட்டல் பேனர்கள் வைப்பது, நகரங்களில் புதிய கலாசாரமாக மாறி வருகிறது.ஏற்கெனவே தமிழகம் முழுவதும் மிகப் பெரிய விளம்பர பேனர்கள் வைத்ததால், ஏற்பட்ட பாதிப்புகள் குறித்து, நீதிமன்றத்தில் முறையிட்டபோது, அந்த விளம்பரங்களுக்கு உயர் நீதிமன்றம் தடைவிதித்து, கட்டுப்பாடுகளும் விதிக்கப்பட்டன.ஆனால் அந்த விளம்பரங்களையும் மிஞ்சும் வகையில் பன்மடங்கு பிரமாண்டமான  டிஜிட்டல் பேனர்களை அரசியில் கட்சிகளைச் சேர்ந்தோர், சாலை நெடுகிலும் வைக்கத் தொடங்கி இருப்பது, நகரங்களில் பெரும் போக்குவரத்துப் பிரச்னைகளைத் தோற்றுவித்து வருகிறது.நிகழ்ச்சிக்கு, 2 நாள்களுக்கு முன்பு வைத்து, நிகழ்ச்சி முடிந்த மறுநாள் அகற்றிவிட வேண்டும் என்று பேனர்களுக்குக் கட்டுப்பாடு உள்ளது. 

 

                    இந்தக் கட்டுப்பாடுகள் மீறப்படுவது குறித்து அண்மையில், மக்கள் நல்வாழ்வுத்துறை அமைச்சர் எம்.ஆர்.கே. பன்னீர்செல்வம் கோபம் அடைந்து, உரிய நேரத்தில் பேனர்களை அகற்றிவிடுமாறு அதிகாரிகளுக்கும் உத்தரவிட்டார்.அதைத் தொடர்ந்து சில நிகழ்ச்சிகளில் விதிகள் கடைபிடிக்கப்பட்டு வருகின்றன. ஆனாலும் கடலூரில் டிஜிட்டல் பேனர்களுக்காக சவுக்குக் கழிகளால் கட்டப்பட்ட சாரம், பேனர்கள் அகற்றப்பட்ட பிறகும் கடந்த 15 நாள்களாகப் பிரிக்கப்படாமலும் அகற்றப் படாமலும் இருப்பது, தொடர்ந்து பாதிப்பை ஏற்படுத்தி வருவதாக பொதுமக்கள் தெரிவிக்கிறார்கள். டிஜிட்டல் பேனர்களை வைத்த அரசியல் கட்சியினர், ஏனைய பிரமுகர்கள் விதிகளுக்குக் கட்டுப்பட்டு, மறுநாளே அகற்றிவிட்டனர். ஆனால் சாரம் கட்டியவர்கள் இன்னமும் அகற்றாமல் இருப்பது, அவர்களுக்கு என்று தனியாக விதிகள் ஏதும் உள்ளனவோ என்ற ஐயத்தைப் பொதுமக்கள் மனதில் தோற்றுவித்துள்ளது. 

 

                 பஸ் நிறுத்தங்கள், வர்த்தக நிறுவனங்கள் உள்ளிட்டவற்றை மறைத்தும் தேசிய நெடுஞ்சாலையை ஆக்கிரமித்தும், பல இடங்களில் குழித் தோண்டியும் கட்டப்பட்டு இருக்கும் இந்தச் சாரங்களால், பொதுமக்கள் பெரிதும் பாதிக்கப்படுகிறார்கள்.இன்னொரு நிகழ்ச்சிக்கு, பேனர் வைக்க யாராவது வரமாட்டார்களா என்ற எதிர்பார்ப்புடன் சாரத்தைக் கட்டியவர்கள் விட்டு வைத்து இருக்கிறார்களோ என்ற ஐயமும் எழுகிறது.இது குறித்து கடலூர் காவல்துறை துணைக் கண்காணிப்பாளர் அலுவலகத்தில் கேட்டற்கு, "பேனர்களையும் சாரங்களையும் உடனே அகற்றிவிடுமாறு கூறிவிட்டோம். எனினும் அவர்கள் ஏன் அகற்றாமல் இருக்கிறார்கள் என்று தெரியவில்லை' என்று வியப்பு தெரிவித்தனர்.நடவடிக்கை எடுக்க வேண்டிய காவல்துறையே கைவிரித்தால், யார்தான் நடவடிக்கை எடுப்பது என்று கேள்வி எழுப்புகிறார்கள் விவரம் அறிந்த பொதுமக்கள்.

Read more »

கடலூரில் அமைச்சர் உத்தரவிட்டும் அகற்றப்படாத பேனர்கள்

கடலூர்:

            மக்கள் நல்வாழ்வுத் துறை அமைச்சர் எம்.ஆர்.கே.பன்னீர்செல்வம் உத்தரவிட்டும் கடலூரில் டிஜிட்டல் பேனர்கள் அகற்றப்படவில்லை.

              தலைவர்கள் பிறந்த நாள், நன்றி அறிவிப்பு, திருமணம், காதுகுத்து போன்ற பல்வேறு நிகழ்ச்சிகளுக்கு மிகப்பெரிய அளவில் டிஜிட்டல் பேனர்கள் வைப்பது கடலூரில் இப்போது புதிய கலாசாரமாகிவிட்டது. நிகழ்ச்சிக்குப் பல நாள்களுக்கு முன்னரே பேனர்கள் வைப்பதும், நிகழ்ச்சி முடிந்து பல நாள்கள் ஆனாலும் அவற்றை அகற்றாததும் பொதுமக்களுக்கு பெரிதும் இடையூறையும் எரிச்சலையும் ஏற்படுத்துகிறது.

              இந்த பேனர்கள் சாலைகளில் செல்வோரின் கவனத்தை திசை திருப்பி, விபத்துகளுக்குக் காரணமாகவும் அமைந்துவிடுகின்றன. மேலும் வர்த்தக நிறுவனங்கள் முன்னால் வைக்கப்படும் பெயர்ப் பலகைகளை மறைத்தும், அவர்களது நிறுவனத்தின் முகப்பே மறைந்து போகும் அளவுக்கும், பிரச்னைகளை ஏற்படுத்தி விடுகின்றன. போக்குவரத்துக்கு இடையூறாகவும் உள்ளதாக போலீசார்  தெரிவிக்கிறார்கள். பொதுமக்கள் பலரும் இந்த பேனர்களால் முகம் சுழித்துக் கொண்டு இருந்த நிலையில், அண்மையில் கடலூரில் நடந்த அரசு விழா ஒன்றில் பேசிய அமைச்சர் எம்.ஆர்.கே. பன்னீர்செல்வம், இந்த டிஜிட்டல் பேனர்கள் குறித்து தனது கவலையைத் தெரிவித்தார்.

                    டிஜிட்டல் போனர்களை போலீஸôர் ஒழுங்குபடுத்த வேண்டும் என்று தெரிவித்த அமைச்சர், நிகழ்ச்சிக்கு ஒரு நாள் முன்பு பேனர்களை வைக்கவும் நிகழ்ச்சி முடிந்த மறுநாள் அகற்றிவிடவும் அதிகாரிகளுக்கு உத்தரவிட்டார். அமைச்சரே உத்தரவிட்டதால் மக்கள் பெரிதும் மகிழ்ச்சி அடைந்தனர். ஆனால் அமைச்சரின் உத்தரவு வியாழக்கிழமை மாலை வரை கடைபிடிக்கப்படாதது, கடலூர் மக்களை பெரிதும் வியப்பில் ஆழ்த்தி இருக்கிறது. இந்த மாவட்ட அமைச்சரின் உத்தரவுக்கு இவ்வளவுதான் மரியாதையா என்றும் மக்கள் கேள்வி எழுப்புகிறார்கள். பல தலைவர்கள் சம்பந்தப்பட்ட நிகழ்ச்சிகள் முடிவடைந்து பல நாள்கள் ஆகியும், இந்த டிஜிட்டல் பேனர்கள் அகற்றப்படவில்லை என்பது குறிப்பிடத்தகுந்தது.

Read more »

டிஜிட்டல் பேனர்கள் அகற்றப்படும் எஸ்.பி., அஷ்வின் கோட்னீஸ் உறுதி

பண்ருட்டி : 

              போக்குவரத்துக்கு இடையூறாக உள்ள  டிஜிட்டல் போர்டுகள் அகற்றப்படும் என எஸ்.பி., அஷ்வின் கோட்னீஸ்  கூறினார். பண்ருட்டி அனைத்து மகளிர் போலீஸ் நிலையத்தில் நேற்று எஸ்.பி., அஷ்வின் கோட்னீஸ் ஆய்வு மேற்கொண்டார்.

பின்னர் எஸ்.பி., அஷ்வின் கோட்னீஸ்  கூறியது :- 

            பண்ருட்டி சப் டிவிஷனில் 7 சதவீதம் அளவில் தான் போலீசார் எண்ணிக்கை குறைவாக உள்ளனர். மற்ற சப் டிவிஷன்களில் 20 சதவீதம் அளவில் பற்றாக்குறை உள்ளது. பஸ் நிலையத்தில் புறக்காவல் நிலையம்  செயல்பட போலீசார் நியமிக்கப் படுவர். போக்குவரத்து பிரிவில்  தற்போது சிதம்பரம், விருத்தாசலம், வடலூர் பகுதியில் ஆக்கிரமிப்புகள் அகற்றப்பட்டு சீரமைக்கப்பட்டுள்ளது.
 

               விரைவில் பண்ருட்டியிலும் போக்குவரத்து சீரமைக்கப்படும். போக்குவரத்து சீரமைக்கும் பணியில் ஈடுபடாத அதிகாரிகள் மீது நடவடிக்கை எடுக்கப்படும். டிஜிட்டல் பேனர்களால் விபத்துகள் ஏற்படுகிறது. போக்குவரத்திற்கு இடையூறாக உள்ள டிஜிட்டல் போர்டுகள் அகற்ற மாவட்ட நிர்வாகம் முடிவு செய்துள்ளது. விரைவில் அகற்றப்படும். உடன் டி.எஸ்.பி., பிரசன்னகுமார், மகளிர் இன்ஸ்பெக்டர் ஆலீஸ் மேரி, சப் இன்ஸ்பெக்டர் பவானி உள்ளிட்டோர் இருந்தனர்.

Read more »

டிஜிட்டல் பேனர் கலாசாரம்: பன்னீர்செல்வம் வேதனை

கடலூர் :

                 கடலூர் மாவட்டத்தில் டிஜிட்டல் பேனர் கலாசாரம் அதிகரித்துள்ளது என அமைச்சர் பன்னீர் செல்வம் வேதனையுடன் பேசினார். கடலூர் தேவனாம்பட்டினம், துறைமுகம் போலீஸ் ஸ்டேஷன்களில் பணிபுரியும் போலீசாருக்கு குடியிருப்பு திறப்பு விழா நேற்று கடலூரில் நடந்தது. டி.ஐ.ஜி., மாசானமுத்து தலைமை தாங்கினார். எஸ்.பி., அஷ்வின் கோட்னீஸ் வரவேற்றார். எம்.எல்.ஏ., அய்யப்பன், சேர்மன் தங்கராசு முன் னிலை வகித்தனர். டி.ஆர்.ஓ., நடராஜன், டி. எஸ்.பி., மகேஸ்வரன் உள் ளிட்ட பலர் பங்கேற்றனர். விழாவில் கலெக்டர் சீத்தாராமன் பங்கேற்று பேசினார்.

அமைச்சர் பன்னீர்செல்வம் புதிய கட்டடத்தை திறந்து வைத்து பேசியது:

                 கடலூரில் போலீசாருக்கான குடியிருப்பை திறந்துவைப்பதில் மகிழ்ச்சியடைகிறேன். கடலூர் மாவட்டத் திற்கு எந்த போலீஸ் அதிகாரியும் வருவதற்கு விரும் புவதில்லை. அந்த அள விற்கு இங்கே பிரச்னைகள் இருந்தது. அப்படியே வந்தாலும் 6 மாதம் அல் லது ஓராண்டிலேயே சென்று விடுகின்றனர். இதனால் எஸ்.பி., யை தேடிப்பிடித்து அழைத்து வரவேண்டியிருந்தது.

                 மாவட்டத்தில் கடந்த ஏழு மாதத்தில் 201 பேர் இறந்துள்ளனர். விபத்துகளை தடுக்க சாலையோரம் உள்ள ஆக்கிரமிப்புகளை அகற்றி,சாலையை அகலப்படுத்தவேண்டும். ஆக்கிரமிப்புகளை அகற் றும் நடவடிக்கைக்கும் பொதுமக்கள்மற்றும் அரசியல் வாதிகள் ஒத்துழைப்பு கொடுக்க வேண்டும். தற்போது டிஜிட்டல் பேனர் அதிகளவில் வைக் கும் கலாசாரம் ஏற்பட்டுள்ளது.

                              இதனால் வர்த்தக நிறுவனங்கள் பாதிக்கப்படுகின்றன. மேலும் போக்குவரத்திற்கு இடையூராக இருக்கிறது. இதை தடுக்க எஸ்.பி., கடுமையாக நடவடிக்கை எடுக்க வேண்டும். நிகழ்ச்சி முடிந்த அடுத்த நாளில் பேனர்களை அப்புறப்படுத்த நடவடிக்கை எடுக்கவேண்டும். மக்கள் நலன் கருதி அனைத்து கட்சியினரும்,சமுகத்தினரும் போலீசாரின் நடவடிக்கைக்கு ஒத்துழைப்பு தரவேண்டும் எனப் பேசினார்.

Read more »

விதிகளை மீறும் சினிமா பேனர்கள்

விருத்தாசலம் ஜங்ஷன் சாலையில் நீண்டதூரம் வைக்கப்பட்டுள்ள சினிமா விளம்பர டிஜிட்டல் பேனர்கள்.

விருத்தாசலம்:

 

            விருத்தாசலத்தில் முக்கிய சாலையில் வைக்கப்பட்டுள்ள சினிமா பேனர்களால் பாதசாரிகள், வாகன ஓட்டிகள் மற்றும் வியாபாரிகள் பெரும் சிரமத்துக்கு ஆளாகி வருகின்றனர்.அரசியல் நிகழ்ச்சிகள், கோயில் விழாக்கள், திருமணம் உள்ளிட்ட குடும்ப நிகழ்வுகள், புதிய திரைப்படங்கள் வெளியீடு என அனைத்துக்கும் டிஜிட்டல் பேனர் வைப்பது  தற்போது வாடிக்கையாக உள்ளது. இந்நிலையில் பிரபல நடிகர் ஒருவரின் திரைப்படம் அண்மையில் தமிழகம் முழுவதும் திரையிடப்பட்டது. விருத்தாசலத்தில் அப்படம் வெளியான திரையரங்கத்துக்கு முன் சாலையின் இரண்டு புறங்களிலும் சுமார் 200 அடி நீளத்துக்கு டிஜிட்டல் பேனர்கள் ரசிகர்களால் வைக்கப்பட்டுள்ளது.பஸ் நிலையத்தின் அருகில் இந்த திரையரங்கம் அமைந்துள்ளது. மேலும் அது நகரத்தின் முக்கிய சாலை ஆகும். இச் சாலையின் ஓரத்தில் இரண்டு பக்கங்களிலும் பேனர்களை கட்டுவதற்கு கழிகளால் சாரம் போன்று அமைத்துள்ளனர். 

 

              இதனால் அப்பகுதியில் உள்ள கடைகளுக்கு செல்வோர்,  கழிகள் வரிசையாக நடப்பட்டுள்ளதால் தங்கள் வாகனங்களை கடையின் அருகில் நிறுத்த முடியாமல் சாலையிலேயே நிறுத்திச் செல்கின்றனர். இதனால் அப் பகுதியில் தொடர்ந்து போக்குவரத்து நெரிசல் ஏற்படுகிறது. 

இதுகுறித்து அப்பகுதியில் கடை வைத்துள்ள ஒருவர்  கூறியது :

 

          கடையை மறைத்து வைக்கப்பட்டுள்ள பேனர்களால் கடந்த ஐந்து நாள்களாக வியாபாரம் பெருமளவில் பாதிக்கப்பட்டுள்ளது. கடையை அடையாளங் காண முடியாமல் மக்கள் தவிக்கும் நிலை உள்ளது.படம் வெளியிடப்பட்டு 5 நாள்களுக்கு மேலாகியும் பேனர்கள் அகற்றப்படவில்லை. இவர்கள் முறையாக அனுமதிபெற்று பேனர் வைத்துள்ளார்களா என்றும் தெரியவில்லை. ஒவ்வொரு ரசிகர் மன்றத்தினரும் இவ்வாறு பேனர்கள் வைக்கத் தொடங்கினால் இச் சாலையில் எப்போதும் பேனர்கள் இருந்துகொண்டே இருக்கும். இதனால் எங்களுக்கு வியாபாரம் பாதிக்கப்படுவதோடு, நிரந்தரப் போக்குவரத்து பிரச்னையும் ஏற்படும் என்றார்.தமிழகத்தில் பொது இடங்களில் டிஜிட்டல் பேனர் வைக்க விதிமுறைகள் உள்ளன. போக்குவரத்துக்கு இடையூறு ஏற்படக் கூடாது, காவல்துறையினரிடம் முன்அனுமதி பெறு வேண்டும், நிகழ்ச்சி முடிந்த ஓரிரு நாள்களில் அவற்றை அகற்ற வேண்டும் என்றெல்லாம் விதிகள் உள்ளன. ஆனால் இந்த விதிகளை அமல்படுத்துவதில் உள்ளாட்சி நிர்வாகமோ, காவல் துறையோ அக்கறை செலுத்துவதில்லை என்பதே உண்மை.

 

 

Read more »

அனுமதி பெறாத டிஜிட்டல் பேனர்களுக்கு பாதுகாப்பு தர முடியாது: டி.எஸ்.பி.,

நெய்வேலி : 

                 அனுமதி பெறாமல் வைக்கப்படும் டிஜிட்டல் பேனர்களுக்கு பாதுகாப்பு அளிக்க முடியாது என நெய்வேலி டி.எஸ்.பி., தெரிவித்துள்ளார்.
 

               நெய்வேலி போலீஸ் சரகத்திற்குட் பட்ட பகுதிகளில் டிஜிட்டல் பேனர் களால் ஏற்படும் பிரச்னைகள் குறித்தும் இது தொடர்பாக எடுக்க வேண்டிய நடவடிக்கைகள் குறித்து அனைத்து கட்சி ஆலோசனைக் கூட்டம் நேற்று டி.எஸ்.பி., அலுவலகத்தில் நடந்தது. கூட்டத்திற்கு தலைமை தாங்கிய டி.எஸ்.பி, மணி பேசுகையில், இனி வரும் காலங்களில் டிஜிட்டல் பேனர் வைக்க விரும்புபவர்கள் போலீஸ் அனுமதி பெற்று, அவர்களுக்கு ஒதுக்கப்பட்ட இடத்தில் மட்டுமே வைக்க வேண்டும். நிகழ்ச்சிக்கு முன் மூன்று நாளும், நிகழ்ச்சிக்கு பின் 2 நாட்களுக்கு மட்டுமே அனுமதி கொடுக்கப்படும். அனுமதி பெற்று வைக்கப்படும் பேனர்களுக்கு மட்டுமே பாதுகாப்பு வழங்கப்படும்.  நிகழ்ச்சி முடிந்த 2 நாளில் பேனர் அகற்றாமல், சேதமடைந்தால் போலீஸ் பொறுப்பேற்காது. பேனர்களை போக்குவரத்திற்கு இடையூறாக இல்லாமலும், கடைகளுக்கு பாதிப்பு இல்லாதவாறு வைக்க வேண் டும். தலைவர்களின் சிலைகளை மறைத்து வைக்கக் கூடாது. சினிமாக்கள் ரீலிசாகும் போது ரசிகர்கள் வைக்கும் பேனர்களுக்கும் இந்த ஐந்து நாள் விதிமுறை பொருந்தும் என்றார்.

Read more »