உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




நலத்திட்ட உதவிகள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
நலத்திட்ட உதவிகள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், நவம்பர் 03, 2011

கடலூரில் ரூ.1.61 லட்சம் நலத்திட்ட உதவிகள்

கடலூர்:

           கடலூரில் திங்கள்கிழமை நடந்த மக்கள் குறை கேட்கும் கூட்டத்தில், ரூ. 1.61 லட்சம் மதிப்பிலான நலத்திட்ட உதவிகளை, மாவட்ட ஆட்சியர் வே.அமுதவல்லி வழங்கினார். 10 பேருக்கு தலா ரூ. 2,749 மதிப்பிலான இலவச தையல் இயந்திரங்கள், 5 பேருக்கு தலா ரூ. 2,880 மதிப்பிலான இஸ்திரிப் பெட்டிகள், மழையினால் சுவர் இடிந்து இறந்துபோன மாணவர் கிஷோர்ராஜுவின் (6) குடும்பத்தாருக்கு, முதல் அமைச்சர் நிவாரண நிதியில் இருந்து ரூ. 1 லட்சம் வழங்கப்பட்டது.













Read more »

செவ்வாய், ஜூலை 12, 2011

தமிழகத்தில் வரி விதிப்பில் மாற்றம்

         தமிழக அரசு வருவாயைப் பெருக்கும் வகையில் சில பொருட்களுக்கு விற்பனை வரி, வாட் வரி விகிதம் ரூ.3,900 கோடி அளவுக்கு மாற்றி அமைத்து தமிழக அரசு உத்தரவிட்டுள்ளது. 
 
இதுகுறித்து அரசு வெளியிட்டுள்ள செய்திக்குறிப்பில் கூறப்பட்டு இருப்பது:- 

             தமிழக அரசு பல்வேறு நலத்திட்டங்களை செயல்படுத்துவதற்கான ஆக்கப்பூர்வ நடவடிக்கைகளை எடுத்துவருகிறது. கடந்த ஆட்சியாளர்களால், ஒரு லட்சம் கோடி ரூபாய்க்கும் மேல் கடன் வைத்துவிட்டுச் செல்லப்பட்டுள்ளது. எனவே, அரசுக்கு கூடுதல் வருவாய் கிடைக்கும் வகையில் பல திட்டங்களை செயல்படுத்த வேண்டி உள்ளது.  

            இதைக்கருத்தில் கொண்டு, அரசுக்கு வருவாயை பெருக்கும் வகையில் அரசுக்கு வருவாயை ஈட்டித்தரக்கூடிய விற்பனை வரியில் ஒரு சில பொருட்களுக்கான வரி விகிதம் மாற்றி அமைத்து அதன் மூலம் வரி வருவாயை உயர்த்தும் வகையில், இன்று (செவ்வாய்க்கிழமை) முதல் அமலுக்கு கொண்டு வரும் வகையில் சில பொருட்களுக்கான மதிப்புக்கூட்டு வரி மற்றும் விற்பனை வரி மாற்றம் செய்யப்பட்டுள்ளது.

          இதன்படி, அறிவிக்கப்பட்டு பொருட்களுக்கும் பொருந்தும் வகையில், மதிப்புக்கூட்டு வரி (வாட்) 4 சதவீதம் என்பது 5 சதவீதமாக மாற்றப்படுகிறது. ஏற்கனவே கர்நாடகா, மகாராஷ்டிரா மற்றும் குஜராத் மாநிலங்களில் இந்த மதிப்புக்கூட்டு வரி உயர்த்தப்பட்டுள்ளது.

             இந்த நிலையில், வேறு வழியின்றி தமிழ்நாட்டிலும் உயர்த்த முடிவு செய்யப்பட்டுள்ளது.   விவசாயத்துக்கு முன்னுரிமை தரும் வகையில், விவசாயப்பொருட்களுக்கு அளிக்கப்பட்டிருந்த 4 சதவீத மதிப்புக்கூட்டுவரிக்கு விலக்கு அளிக்கப்பட்டுள்ளது.  உரம், பூச்சிகொல்லிமருந்து உள்ளிட்டபொருட்களுக்கு மதிப்புக்கூட்டுவரியில் இருந்து விலக்கு அளிக்கப்பட்டுள்ளது. தற்போது 121/2 சதவீத மதிப்புக்கூட்டுவரி வசூலிக்கும் பொருட்களுக்கு, இனி மதிப்புக்கூட்டுவரி 14 சதவீதமாக உயர்த்தப்படுகிறது. ஆந்திரா, கர்நாடகா, மாநிலங்களில் ஏற்கனவே மதிப்புக்கூட்டுவரி உயர்த்தப்பட்டுள்ளது.

             குஜராத்தில் 15 சதவீதம் வசூலிக்கப்பட்டு வந்த மதிப்புக்கூட்டுவரி 20 சதவீதமாக உயர்த்தப்பட்டுள்ளது. ஏற்கனவே வரிவிலக்கு அளிக்கப்பட்டு வந்த துணி வகைகளுக்கு 5 சதவீத வரிக்கு உட்படுத்தப்படுகிறது. இந்த வரிவிகிதம், ஆந்திராவில் ஏற்கனவே வரிவிதிப்புக்குள் கொண்டு வந்துவிட்டது.  கைத்தறித்துணிகளுக்கு, வழக்கம்போல் வரிவிலக்கு அமலில் இருக்கும். சமையல் எண்ணெய்க்கான வரிவிலக்கை தவறாக பயன்படுத்துவதை தடுக்கும் வகையில், ஆண்டு விற்பனை (டேர்ன் ஓவர்) 500 கோடி ரூபாய் என்பதை 5 கோடி ரூபாயாக குறைக்கப்படுகிறது.   பீடி, புகையிலைப் பொருட்களுக்கு ஏற்கனவே மதிப்புக்கூட்டு வரிக்குள் வரவில்லை.

                 இனி அது மதிப்புக்கூட்டு வரிக்குள் கொண்டுவரப்பட்டு 20 சதவீதம் மதிப்புக்கூட்டு வரி விதிக்கப்படுகிறது. புகையிலை, மூக்குப்பொடி, சுருட்டு ஆகியவற்றுக்கு அளிக்கப்பட்டுவந்த விற்பனை வரிவிலக்கு ரத்துசெய்யப்படுகிறது. இனி 20 சதவீத மதிப்புக்கூட்டு வரி விதிக்கப்படும். பீடி, பீடிக்கான புகையிலைக்கு 141/2 சதவீத மதிப்புக்கூட்டுவரி விதிக்கப்படுகிறது.  எல்.சி.டி.பேனல்ஸ், எல்.இ.டி.பேனல்ஸ், டிவிடிக்கள், சிடி, செல்போன், ஐ-பாடு, ஐ-போன்ஸ் மற்றும் அதன் உதிரிபாகங்கள், மொபைல் போன் போன்றவைகளுக்கு இப்போது 4 சதவீத வரி விதிக்கப்படுகிறது. இது 141/2 சதவீதமாக உயர்த்தப்படுகிறது. மாற்றப்பட்ட இந்த வரிவிதிப்பு இன்று (செவ்வாய்க்கிழமை) முதல் உடனடியாக அமலுக்கு வருகிறது.

              இதன் மூலம் அரசுக்கு ஆண்டுக்கு 3 ஆயிரத்து 900 கோடி ரூபாய் வருமானம் கிடைக்கும் என எதிர்பார்க்கப்படுகிறது. சொத்துக்களுக்கான பத்திரப்பதிவு, குத்தகை (லீஸ்) பவர் ஆப் அட்டர்னி, டெபாசிட் ஆப் டைட்டில் டீட் போன்றவற்றுக்கான பதிவுக்கட்டணங்கள் மாற்றி அமைக்கப்பட்டதன் மூலம் அரசுக்கு ஆண்டுக்கு ரூ.300 கோடி வருமானம் கிடைக்கும் என்று எதிர்பார்க்கப்படுகிறது.  இவ்வாறு அரசு செய்திக்குறிப்பில் கூறப்பட்டுள்ளது
 
 
 
 

Read more »

வெள்ளி, ஜனவரி 28, 2011

கடலூரில் ரூ.48.34 லட்சம் மதிப்பிலான நலத்திட்ட உதவிகள் :குடியரசு தின விழாவில் கலெக்டர் வழங்கினார்

கடலூர் :

          கடலூரில் நடந்த குடியரசு தின விழாவில் கலெக்டர் தேசிய கொடியேற்றி 48.34 லட்சம் ரூபாய் மதிப்பிலான நலத்திட்ட உதவிகளை வழங்கினார்.

             கடலூர் அண்ணா விளையாட்டரங்கில் காலை 8 மணிக்கு கலெக்டர் சீத்தாராமன் தேசிய கொடி ஏற்றி வைத்து எஸ்.பி., அஷ்வின் கோட்னீசடன் போலீஸ் அணிவகுப்பு மரியாதையை ஏற்றுக் கொண்டார்.தீயணைப்புத் துறை, ஊர்க்காவல் படை, பள்ளி என்.சி.சி., மாணவர்களின் அணிவகுப்பு நடந்தது. நிகழ்ச்சியில் சிறப்பாக பணியாற்றிய 42 போலீசாருக்கு முதல்வரின் காவலர் பதக்கம் வழங்கி சுதந்திர போராட்ட தியாகிகள் மற்றும் அவரது குடும்பத்தாருக்கு மரியாதை செய்யப்பட்டது.

            தொடர்ந்து 48.34 லட்சம் ரூபாய் மதிப்பிலான நலத்திட்ட உதவிகளை கலெக்டர் சீத்தாராமன் வழங்கினார். விழாவில் பள்ளி மாணவ, மாணவிகள் கலை நிகழ்ச்சி நடந்தது. தீயணைப்பு துறையினர் சாகசங்கள் நிகழ்த்தினர். கூடுதல் கலெக்டர் வீரராகவராவ் (மாவட்ட வளர்ச்சி முகமை), எம்.எல்.ஏ., அய்யப்பன், சேர்மன் தங்கராசு, துணைத் தலைவர் தாமரைச்செல்வன், டி.ஆர். ஓ., ராஜேந்திரன், ஆர்.டி.ஓ., முருகேசன், தாசில்தார் அசோகன் மற்றும் அதிகாரிகள் பங்கேற்றனர்.

சிதம்பரம்: 

                ஆர்.டி.ஓ., அலுவலகத்தில் ஆர்.டி.ஓ., இந்துமதியும், நகராட்சியில் சேர்மன் பவுஜியாபேகமும் கொடியேற்றினர். தாசில்தார் காமராஜ், தில்லைகோவிந்தன் பங்கேற்றனர்.அண்ணாமலைப் பல்கலைக்கழக விளையாட்டுத் துறை மைதானத்தில் துணைவேந்தர் ராமநாதன் கொடியேற்றி என்.சி.சி., மாணவர்களின் அணிவகுப்பு மரியாதையை ஏற்றுக் கொண்டார்.
 
காட்டுமன்னார்கோவில்: 

            ஒன்றியத்தில் சேர்மன் ஜெயச்சந்திரனும், குமராட்சியில் ஒன்றிய அலுவலகத்தில் சேர்மன் மாமல்லனும், பேரூராட்சியில் தலைவர் கணேசமூர்த்தியும், லால்பேட்டை பேரூராட்சியில் தலைவர் சபியுல்லாவும் கொடியேற்றினர்.

புவனகிரி: 

                மேல்புவனகிரி ஊராட்சி ஒன்றிய அலுவலகத்தில் சேர்மன் தனலட்சுமி கலைவாணன் கொடியேற்றினார்.
 
பரங்கிப்பேட்டை: 

            ஒன்றிய அலுவலகத்தில் சேர்மன் முத்து பெருமாள், பேரூராட்சி அலுவலகத்தில் தலைவர் முகமது யூனுஸ், கிள்ளை பேரூராட்சியில் தலைவர் ரவிச்சந்திரன் கொடியேற்றினர்.

பண்ருட்டி: 

            நகராட்சியில் சேர்மன் பச்சையப்பன், துணை சேர்மன் கோதண்டபாணி தலைமையில் கமிஷனர் உமாமகேஸ்வரி கொடியேற்றினார்.
 
விருத்தாசலம்: 

             ஆர்.டி.ஓ., அலுவலகத்தில் ஆர்.டி.ஓ., முருகேசனும், நகராட்சி அலுவலகத்தில் சேர்மன் முருகனும் கொடியேற்றினர். கமிஷனர் திருவண்ணாமலை மற்றும் கவுன்சிலர்கள் பங்கேற்றனர்.
 
 நெல்லிக்குப்பம்: 

            நகராட்சியில் சேர்மன் கெய்க்வாட் பாபு கொடியேற்றினார். கமிஷனர் புவனேஸ்வரி பங்கேற்றார்.
 
சிறுபாக்கம்: 

               மங்களூர் ஒன்றிய அலுவலகத்தில் ஆணையர்கள் தமிழரசி, செல்வநாயகி முன்னிலையில் சேர்மன் சின்னசாமி கொடியேற்றினார். துணை சேர்மன் கல்யாணி பங்கேற்றார்.

Read more »

செவ்வாய், நவம்பர் 16, 2010

கடலூர் மாவட்டத்தில் விவசாயிகளுக்கு ரூ.130 கோடி வட்டியில்லா கடன்: அமைச்சர் பன்னீர்செல்வம் தகவல்

கடலூர் : 

                 கடலூர் மாவட்டத்தில் விவசாயிகளுக்கு 130 கோடி ரூபாய் வட்டியில்லா கடன் வழங்கப்பட்டுள்ளது என அமைச்சர் பன்னீர்செல்வம் கூறினார்.

                 கடலூர் சுப்ராயலு ரெட்டியார் திருமண மண்டபத்தில் 57வது அனைத்திந்திய கூட்டுறவு வார விழா நேற்று நடந்தது. கலெக்டர் சீத்தாராமன் தலைமை தாங்கினார். எம்.எல்.ஏ., அய்யப்பன், சேர்மன் தங்கராசு, டி.ஆர்.ஓ., நடராஜன் முன்னிலை வகித்தனர். கூட்டுறவு சங்கங்களின் மண்டல இணை பதிவாளர் வெங்கடேசன் வரவேற்றார். மாவட்ட மத்திய கூட்டுறவு வங்கி இணை பதிவாளர் மிருணாளினி திட்ட விளக்க உரையாற்றினார். எம்.எல்.ஏ., ரவிக்குமார், மாவட்ட ஊராட்சி துணைத் தலைவர் பிரான்சிஸ்மேரி ஞானமுத்து, நகரமன்ற துணைத் தலைவர் தாமரைச் செல்வன், மாவட்ட விற்பனைக்குழு தலைவர் கிருஷ்ணமூர்த்தி வாழ்த்திப் பேசினர்.

நலத்திட்ட உதவிகள்,  சிறந்த கூட்டுறவு சங்கங்கள் மற்றும் கட்டுரை, ஓவியம், பேச்சுப் போட்டியில் வென்ற  மாணவ, மாணவிகளுக்கு அமைச்சர் பன்னீர் செல்வம் பரிசு வழங்கி பேசியது: 

                   கடலூர் மாவட்டத்தில் நான்கு ஆண்டுகளில் 24 ஆயிரத்து 772 மகளிர் சுய உதவிக்குழுக்களுக்கு 196 கோடியே 46 லட்சத்து 40 ஆயிரம் ரூபாய் கடன் வழங்கப்பட்டுள்ளது. விவசாயிகளுக்கு வட்டியில்லா கடன் 190 கோடி ரூபாய் வழங்க உத்தரவிடப்பட்டு 130 கோடி ரூபாய் வழங்கப்பட்டுள்ளது. 

                   கடலூர், பண்ருட்டி கூட்டுறவு சங்கங்கள் மூலம் மருந்து விற்பனை நிலையங்கள் துவங்கப்பட்டுள்ளது. இது படிப்படியாக மாவட்டம் முழுவதும் துவங்கப்படும். 60 பகுதி நேர ரேஷன் கடைகள் திறக்கப்பட்டுள்ளது. கான்கிரீட் வீடு கட்டும் திட்டத்தின் கீழ் கடலூர் மாவட்டத்தில் 30 ஆயிரம் வீடுகள் கட்டுவதற்காக முதற்கட்டமாக 45 கோடி ரூபாய் ஒதுக்கீடு செய்யப்பட்டுள்ளது. இவ்வாறு அமைச்சர் பன்னீர்செல்வம் பேசினார். கடலூர் சரக துணை பதிவாளர் ஜெயமணி நன்றி கூறினார்.

Read more »

செவ்வாய், நவம்பர் 02, 2010

கடலூரில் 22 லட்சத்தில் நலத்திட்ட உதவிகள்: ஆட்சியர் வழங்கினார்

கடலூர்:

                 கடலூரில் திங்கள்கிழமை நடந்த மக்கள் குறைகேட்கும் கூட்டத்தில், 22.80 லட்சம் மதிப்பிலான நலத்திட்ட உதவிகளை மாவட்ட ஆட்சியர் பெ.சீதாராமன் வழங்கினார்.

                    மக்கள் குறைகேட்கும் கூட்டத்தில் பொதுமக்களிடம் இருந்து 210 மனுக்கள் பெறப்பட்டன. அவை மீது உரிய நடவடிக்கை எடுக்குமாறு, சம்பந்தப்பட்ட துறை அலுவலர்களுக்கு மாவட்ட ஆட்சியர் உத்தரவிட்டார். 

                 தாட்கோ மூலம் துப்புரவுப் பணியாளர் நலவாரியத் திட்டத்தில் 11 பேருக்கு கல்வி உதவித்தொகை மற்றும் திருமண உதவித் தொகை 14,200, ஆதிதிராவிடர் நலத்துறை மூலம் 2 பேருக்கு வீட்டுமனைப் பட்டா, ராமாமிர்தம் அம்மையார் திருமண உதவித் திட்டத்தில் 74 பேருக்கு 18 லட்சம் உதவித் தொகை உள்ளிட்ட 22.80 லட்சம் மதிப்பிலான பல்வேறு நலத்திட்ட உதவிகளை மாவட்ட ஆட்சியர் வழங்கினார்.  கூட்டத்தில் மாவட்ட வருவாய் அலுவலர் எஸ்.நடராஜன் உள்ளிட்ட அதிகாரிகள் கலந்துகொண்டனர்.

Read more »

சனி, அக்டோபர் 30, 2010

பண்ருட்டி அடுத்த அவியனூரில் மனுநீதி நாள் முகாம் ரூ.19 லட்சம் மதிப்பில் நலத்திட்ட உதவி

பண்ருடடி: 

                  பண்ருட்டி அடுத்த அவியனூர் ஊராட்சியில் நடந்த மனுநீதி நாள் முகாமில்  19 லட்சம் ரூபாய் மதிப்பிலான நலத்திட்ட உதவிகளை கலெக்டர் சீத்தாராமன்  வழங்கினார். பண்ருட்டி அடுத்த அவியனூரில் மனுநீதிநாள் முகாம் நடந்தது.  ஊராட்சி மன்ற தலைவர் பத்மாவதி தலைமை தாங் கினார். ஆர்.டி.ஓ., முருகேசன் முன்னிலை வகித்தார். முன்னாள் ஊராட்சி மன்ற தலைவர் பூவராகவன் வரவேற்றார். 

                     கலெக்டர் சீத்தாராமன் மனுக்களை பெற்று 19.26 லட்சம் மதிப்பில் 58 நபர்களுக்கு வீட்டுமனைபட்டா உள்ளிட்ட நலத்திட்ட உதவிகள் வழங்கி பேசியதாவது: பசுமை, வளமை, நிறைந்த இப்பகுதி தொடர்ந்து பசுமையாகவும், வளமாகவும் இருக்க வேண்டும். தமிழக அரசு உயிர்காக்கும் காப்பீடு திட் டம், வரும்முன் காப் போம் உள்ளிட்ட பல் வேறு திட்டங்கள் செயல்படுத்தி வருகிறது. மாற்று திறனாளிகளுக்கு அரசு முன்னுரிமை அளித்து வருகிறது. ஊரக வளர்ச்சித்துறை சார்பில் வேளாண் களம் மற்றும் சாலை அமைத்து தரப்படும். போக்குவரத்து துறை சார்பில் பண்ருட்டி-அவியனூர்-விழுப்புரம் சாலையில் ஒரு மாதத்தில் கூடுதல் பஸ்வசதி செய்து தரப்படும். அவியனூர்- எனதிரிமங்கலம் சாலைக்கு தனியார் நிலம் தானமாக வழங்கியதால் 55 லட்சத் தில் ஊரக சாலை அமைக்கும் பணி விரைவில் துவங்கும் என்றார்.

                    இந்நிகழ்ச்சியில் எம்.எல்.ஏ., சபா ராஜேந்திரன், தாசில்தார் பன்னீர் செல்வம், துயர்துடைப்பு தாசில்தார் மங்கலம்,  தோட்டக்கலைத்துறை உதவி இயக்குனர்கள் ராமலிங்கம், பிரேமாவதி, மாற்று திறனாளி நல அலுவலர் சீனுவாசன்,போக்குவரத்து துறை பாஸ்கர், பஷீர்அகமது, கைலாசம், முன்னாள் ஒன்றிய தி.மு.க., செயலளர் பலராமன் உள் ளிட்டோர் பங்கேற்றனர்.

Read more »

திங்கள், ஆகஸ்ட் 16, 2010

கடலூரில் சுதந்திர தின விழா கொண்டாட்டம்

கடலூர் : 

           சுதந்திர தின விழாவையொட்டி கடலூர் மாவட்டத்தில் 293 பேருக்கு 38 லட்சத்து 88 ஆயிரம் ரூபாய் மதிப்பிலான நலத்திட்ட உதவிகளை கலெக்டர் வழங்கினார்.
 
               சுதந்திரம் அடைந்து 63 ஆண்டுகள் நிறைவடைந்ததையொட்டி நாடங்கிலும் சுதந்திர தினவிழா கொண்டாட்டம் கோலாகலமாக நடந்தது. நேற்று கடலூர் அண்ணா விளையாட்டரங்கில் சுதந்திரதின விழாவையொட்டி காலை 8.25 மணிக்கு எஸ்.பி., அஷ்வின் கோட் னீஸ் அரங்கத்திற்கு வந்து போலீஸ் அணி வகுப்பை தயார் படுத்தினார். 8.27 மணிக்கு கலெக்டர் சீத்தாராமன் வருகை தந்தார். அவரை எஸ்.பி., வரவேற்று கொடி மேடைக்கு அழைத்து வந்தார். 

                    காலை 8.30 மணிக்கு கலெக்டர் சீத்தாராமன் தேசிய கொடி ஏற்றினார். பின்னர், காவல் துறையினரின் அணிவகுப்பு மரியாதையை ஏற்றுக்கொண்டார். அதிர் வேட்டுகள் மூலம் பாராசூட்டில் இணைக்கப்பட்டிருந்த மூவர்ணக்கொடி வானத்தில் பறந்தன. மாவட்டத்தில் உள்ள 65 சுதந்திர போராட்டத் தியாகிகளுக்கு கலெக்டர் பொன்னாடை போர்த்தி கவுரவித்தார்.மேலும், சிறப்பாக பணிபுரிந்த 7 சப் இன்ஸ்பெக்டர்கள், 16 ஏட்டுகள், 2 அமைச்சுப்பணியாளர்களுக்கு கலெக்டர் சான்றிதழ்கள் வழங்கினார்.  தொடர்ந்து 39 லட்சம் மதிப்பிலான நலத்திட்ட உதவிகளை கலெக்டர் வழங்கினார். 

               சமூக நலத்துறை சார்பில் 87 பேருக்கு 17.4 லட்சம் ரூபாய், ஆதி திராவிடர் மற்றும் பழங்குடியினர் நலத்துறை சார்பில் 49 பேருக்கு 4.89 லட்ச ரூபாய், வருவாய்த்துறை சார்பில் 41 பேருக்கு 7.3 லட்சம் ரூபாய் என மொத்தம் 293 பேருக்கு 38 லட்சத்து 88 ஆயிரம் ரூபாய் மதிப்பிலான நலத்திட்ட உதவிகள் வழங்கப்பட்டன.பின்னர் போலீஸ் மோப்ப நாய்களின் சாகச நிகழ்ச்சி, பள்ளி மாணவ மாணவியர்களின் கலை நிகழ்ச்சி, தீயணைப்புத் துறையினரின் விழிப்புணர்வு நிகழ்ச்சி நடந்தது.விழாவில் டி.ஆர்.ஓ., நடராஜன், திட்ட அலுவலர் ராஜஸ்ரீ, ஊர்க்காவல் படை உதவி தளபதி ராஜேந்திரன், துணை வட்டார தளபதி ஜெயந்தி ரவிச்சந்திரன் பங்கேற்றனர்.

Read more »

செவ்வாய், ஜூலை 27, 2010

மக்கள் குறைகேட்பு நாள் கூட்டத்தில்386 பேருக்கு நலத்திட்ட உதவிகள்

கடலூர்:

             கடலூர் மாவட்ட கலெக்டர் முகாம் அலுவலகத்தில் நடந்த மக்கள் குறைகேட்பு நாள் கூட்டத்தில் 386 பேருக்கு கலெக்டர் நலத்திட்ட உதவிகளை வழங்கினார்.

                கலெக்டர் முகாம் அலுவலகத்தில் நேற்று பொது மக்கள் குறைகேட்புக் கூட்டம் நடந்தது. கலெக்டர் சீத்தாராமன் தலைமை தாங்கினார். குடிநீர், சாலை வசதி, பட்டா கோருதல் உள்ளிட்ட பல்வேறு கோரிக்கைகள் வலியுறுத்தி பொதுமக்களிடமிருந்து 355 மனுக்களை பெற்று உடனடியாக விடுவிக்குமாறு சம்பந்தப்பட்ட அலுவலர்களுக்கு உத்தரவிட்டார். இக் கூட்டதில் "கான்கிரீட்' வீட்டு வசதித் திட்டத்தின் கீழ் பண்ருட்டி, சிதம்பரம், விருத்தாசலம் ஆகிய வட்டங்களைச் சேர்ந்த 386 பேருக்கு இலவச வீட்டுமனைப் பட்டாக்களையும், தாட்கோ திட்டத்தின் கீழ் 18 பேருக்கு கடனுதவிகளையும், ஆதி திராவிடர் நலத்துறை மூலம் 38 பேருக்கு இலவச பட்டாவும் வழங்கினார்.

பின்னர் கலெக்டர் கூறுகையில், 

                  "நெய்வேலி குறவன்குப்பத்தில் இயங்கி வரும் டிவின் கிராஸ் மிஷன் மனவளர்ச்சி குன்றிய பள்ளிக்கு கூடுதல் பள்ளிக் கட்டடம் கட்டுவதற்கு நிதி ஒதுக்கீடு செய்யப்பட்டு இன்று 2 லட்சம் ரூபாய் வழங்கப்பட்டுள்ளது. இதே போன்று "கான்கிரீட்' வீட்டு வசதித் திட்டத்தின் கீழ் மாவட்டத்தில் அரசு புறம்போக்கு நிலத்தில் குடியிருக்கும் 1,354 பேருக்கு இலவச வீட்டு மனைப் பட்டா வழங்க குறியீடு நிர்ணயிக்கப்பட்டு கடந்த வாரம் 536 பேருக்கு பட்டா வழங்கப்பட்டது' என்றார். நிகழ்ச்சியில் டி.ஆர்.ஓ., நடராஜன், ஆதி திராவிடர் நல அலுவலர் திருவேங்கடம், ஆர்.டி.ஓ., முருகேசன் பங்கேற்றனர்.

Read more »

வியாழன், ஜூலை 22, 2010

கடலூர் மாவட்டத்தில் மத வன்முறையால் பாதிக்கப்பட்டவர்கள்பயன்பெற விண்ணப்பிக்கலாம்: கலெக்டர்

கடலூர் : 

        தீவிரவாதம் மற்றும் மத வன்முறையால் பாதிக்கப்பட்டவர்கள் மத்திய திட்டத்தில் பயன்பெற விண்ணப்பித்து பயன்பெறலாம்.

இது குறித்து கலெக்டர் அலுவலகம் வெளியிட்டுள்ள செய்திக்குறிப்பு: 

             மத்திய அரசு தீவிரவாதம் மற்றும் மத வன்முறையால் பாதிக்கப்பட்டவர்களுக்கு உதவி செய்வதற் காக மத்திய திட்டம் ஒன்றை வகுத்துள்ளது. இத் திட்டத்தின் கீழ் கிடைக்கும் பயன்களை தீவிரவாத மற்றும் மத வன்முறையால் பாதிக்கப்பட்டவர்களுக்குக் கிடைக்கச் செய்யும் பொருட்டு கடலூர் மாவட்டத்தில் நலத்திட்டங்கள் செயல்படுத்தப் பட உள்ளது.

              இதனை தகுதியுள்ளவர்கள் பயன்படுத்திக் கொள்ள கேட்டுக் கொள்ளப்படுகிறது. இத்திட்டத்தின்படி பயங்கரவாத வன்முறையில் ஒரு குடும்பத்தில் மரணமடைந்த நபர்களின் எண்ணிக்கை எதுவாக இருப்பின் பாதிக்கப்பட்ட குடும்பத்தினருக்கு 3 லட்ச ரூபாய் வழங்கப்படும். இருப்பினும் குடும்பத்தில் சம்பாதிப்பவர், குடும்பத் தலைவர் ஒருவர் தனித்தனியான சம்பவங்களில் சந்தர்ப்பங்களில் மரணமடைந்தால் நிரந்தரமாக இயலாமையுற்றால் அக்குடும்பத்தினர் ஒவ்வொரு சந்தர்ப்பத்தின் போதும் நிதியுதவி பெறுவதற்கு உரிமையுடையவர். நிதியுதவித் தொகையானது வங்கியில் குறித்த கால இட்டு வைப்பில் குடும்ப உறுப்பினர் பெயரில் இணை அல்லது ஒற்றைக் கணக்கில் வைக்கப்படும்.

                இத்திட்டத்தில் நிதியுதவி பெறுவதற்கான தகுதியை சரிபார்க்க, மாவட் டக்குழு பரிந்துரைகளை மத்திய அரசின் இணை செயலாளர் உள் விவகாரங்கள் அமைச்சகம் தொகுதி, டில்லி என்ற முகவரிக்கு வரையறுக்கப் பட்ட படிவத்திலும், அதன் நகல் ஒன்றை மாநில அரசின் உள் துறைக்கும் அனுப்பி தகுந்த நியாயத்துடன் இத்திட்டத்தின் கீழ் நிதியுதவி பெறுவதற்கு பரிந்துரைக்கலாம். விண்ணப்பப் படிவங் கள் கலெக்டர் அலுவலகத்திலும் சம்பந்தப்பட்ட மாவட்ட அளவிலான குழு உறுப்பினர்கள் அலுவலகத்திலும் பெற்றுக்கொள்ளலாம். இவ்வாறு செய்திக்குறிப்பில் கூறப்பட்டுள்ளது.

Read more »

செவ்வாய், ஜூலை 13, 2010

கடலூரில் நடந்த பொதுமக்கள் குறை கேட்பு கூட்டம் 39 பயனாளிகளுக்கு நலத்திட்ட உதவி

கடலூர்: 

             கடலூரில் நடந்த பொதுமக்கள் குறைகேட்பு கூட்டத்தில் 39 பயனாளிகளுக்கு நலத்திட்ட உதவிகளை கலெக்டர் வழங்கினார். 

             கடலூரில் கலெக்டர் முகாம் அலுவலகத்தில் நேற்று வாராந்திர பொதுமக்கள் குறை கேட்புக் கூட்டம் நடந்தது. கலெக்டர் சீத்தாராமன் தலைமையில் நடந்த இந்த கூட்டத்தில் பல்வேறு துறை அதிகாரிகள் பங்கேற்றனர். கூட்டத்தில் குடிநீர், சாலை, முதியோர் உதவித் தொகை, பட்டா கோருதல் உள்ளிட்ட கோரிக்கைகளை வலியுறுத்தி 335 பேர் மனுக்கள் கொடுத்தனர். மனுக்கள் மீது விரைந்து நடவடிக்கை எடுக்க சம்மந்தப்பட்ட துறை அதிகாரிகளுக்கு கலெக்டர் உத்தரவிட்டார். அதனைத் தொடர்ந்து மாற்றுத் திறனாளிகள் நலத்துறை சார்பில் ஒருவருக்கு மூன்று சக்கர சைக்கிள், ஆதிதிராவிடர் நலத் துறை சார்பில் 14 பேருக்கு இலவச மனைப்பட்டா, பிற்பட்டோர் நலத்துறை சார்பில் இருவருக்கு தையல் இயந்திரம், பார்வை இழப்பு தடுப்பு சங்கம் சார்பில் 12 பேருக்கு கண் கண்ணாடி, வருவாய் துறை சார்பில் மூவருக்கு முதியோர் உதவித் தொகை பெறுவதற்கான உத்தரவுகளை கலெக்டர் சீத்தாராமன் வழங்கினார்.

Read more »

வியாழன், ஜூன் 24, 2010

விருத்தாசலம் ஆர்.டி.ஓ., அலுவலகத்தில் கலெக்டர் சீத்தாராமன் ஆய்வு

விருத்தாசலம் : 

                 விருத்தாசலம் ஆர்.டி.ஓ., அலுவலகத்தில் கலெக்டர் ஆண்டு ஆய்வு செய்து நலதிட்ட உதவிகள் வழங்கினார்.

                  ஆய்வின் போது அலுவலகத்தில் ஆவணங்கள் பராமரிப்பு, பதிவேடுகள், அலுவலக செயல்பாடு குறித்து ஆய்வு செய்தார். பின்னர் 18 பேருக்கு முதியோர் உதவி தொகை, 2 பேருக்கு திருமண உதவித் தொகை, விபத்தில் இறந்தவர்கள் குடும்பத்திற்கு நிவாரண உதவி உள்ளிட்ட நலத்திட்ட உதவிகள் வழங்கினார். பின்னர் அலுவலக வளாகத்தில் மரக்கன்றுகளை நட்டார். ஆர்.டி.ஓ., முருகேசன், தாசில்தார் ஜெயராமன், திட்டக்குடி தாசில்தார் கண்ணன், ஆர்.டி.ஓ., நேர்முக உதவியாளர் விஸ்வநாதன், சமூக நல திட்ட தாசில்தார்கள் பத்மாவதி, சையத் ஜாபர், ஆர்.ஐ., ராஜ்குமார், வி.ஏ.ஓ., ராஜேஸ்வரன் உடனிருந்தனர்.

Read more »

வியாழன், ஜூன் 17, 2010

எல்லோரும் உழைத்தால்தான் மீண்டும் ஆட்சியை பிடிக்க முடியும் : அமைச்சர் பன்னீர்செல்வம்பேச்சு

குறிஞ்சிப்பாடி: 

                   அரசின் நலத்திட்டங்கள் உள்ளது என இருமாப்புடன் இருந்து விடாமல் எல்லோரும் சேர்ந்து உழைத்தால் தான் மீண் டும் ஆட்சியை பிடிக்க முடியும் என அமைச்சர் பன்னீர்செல்வம் பேசினார்.

                       கடலூர் மாவட்ட தி.மு.க., செயற்குழு கூட்டம் குறிஞ்சிப்பாடி தொகுதி எம்.எல்.ஏ., அலுவலகத்தில் நடந்தது. மாவட்ட அவைத் தலைவர் தங்கராசு, தலைமை தாங்கினார். மாவட்ட துணை செயலாளர் கணேசன் முன் னிலை வகித்தார். பொருளாளர் பாஸ்கரன், தலைமை செயற்குழு உறுப்பினர்கள் ஜெயபால், ஜெயராமன், ராசவன்னியன், பூவராகசாமி எம். எல்.ஏ., அய்யப்பன், ஒன் றிய செயலாளர்கள் முத்துசாமி, சிவக்குமார், ஞானமுத்து, வெங்கட்ராமன், ராமு, ஜெயராமன், பண்ருட்டி சேர்மன் பச்சையப்பன் உட்பட பலர் பங்கேற்றனர். கூட்டத்தில் கோவையில் உலகத்தமிழ் செம் மொழி மாநாட்டினை நடத்தும் முதல்வர் கருணாநிதிக்கு பாராட்டுக்களையும், வாழ்த்துக்களையும் தெரிவிப்பது. அவரது 87வது பிறந்தநாளை முன்னிட்டு மக்கள் நலத் திட் டங்களை எடுத்துச் செல் லும் வகையில் தெருமுனை பிரசாரம் நடத்துவது. உலகத் தமிழ் செம் மொழி மாநாட்டுக்கு பெருந்திரளாக கலந்து கொள்வது என்பது உட் பட பல தீர்மானங்கள் நிறைவேற் றப்பட்டன.

இதனைத் தொடர்ந்து மாவட்ட செயலாளர் அமைச்சர் எம். ஆர்.கே. பன்னீர்செல்வம் பேசியதாவது: 

                     தேர்தல் வரும் இந்த நேரத்தில் நாம் கடுமையாக உழைக்க வேண்டும். தற்போது, அ.தி.மு.க., எதற்கெடுத்தாலும் போராட்டங் களை நடத்தி வருகிறது. உலகத் தமிழ் செம்மொழி மாநாட்டிற்க்கு முதல்வர் கருணாநிதி தொண்டர்களை அழைத்துள்ளார். அதனை செயல்படுத்த வேண்டியது உங்கள் கடமை. கட்சித் தொண்டர்கள் கடுமையாக உழைக்க வேண்டும். யாராக இருந்தாலும் உழைக்கிறவர்களுக்கு கட்சியில் பதவி கிடைக்கும். அரசின் நலத்திட்டங்கள் உள்ளது என இருமாப்புடன் இருந்து விடாமல் எல்லோரும் சேர்ந்து உழைத்தால் தான் மீண்டும் ஆட்சியை பிடிக்க முடியும். கட்சியில் கருத்து வேறுபாடுகளை மறந்து பணியாற்றி முதல்வர் கருணாநிதியின் கரத்தையும், கட்சியையும் பலப்படுத்த வேண்டும். இவ்வாறு அமைச்சர் பன்னீர்செல்வம் பேசினார்.

Read more »

புதன், ஜூன் 09, 2010

மாற்றுத்திறனாளிகளுக்கு கலெக்டர் நலத்திட்ட உதவி

கடலூர் : 

               கடலூரில் நடந்த பொதுமக்கள் குறை தீர்க்கும் நாள் கூட்டத்தில் 63 ஆயிரம் ரூபாய் மதிப்புள்ள நலத்திட்ட உதவிகளை கலெக்டர் வழங்கினார். கலெக்டர் முகாம் அலுவலகத்தில் பொதுமக்கள் குறைதீர்க்கும் நாள் கூட்டத்தில் பல்வேறு கோரிக்கை அடங்கிய 217 மனுக்கள் பெறப்பட்டது. மனுக்களை பரிசீலனை செய்த கலெக்டர் தகுதியான மனுக்கள் மீது நடவடிக்கை எடுக்க அதிகாரிகளுக்கு உத்தரவிட்டார். நிகழ்ச்சியில் மாற்றுத் திறனாளிகள் நலத்துறை சார்பில் பார்வையற்ற 30 பேருக்கு 63 ஆயிரம் மதிப்புள்ள நலத்திட்ட உதவிகள் வழங்கினார்.

Read more »

ஜமாபந்தியில் பெறப்பட்ட மனுக்கள் கம்ப்யூட்டரில் பதிவு: டி.ஆர்.ஓ., தகவல்

சிதம்பரம் : 

                         சிதம்பரம் ஜமாபந்தி நிறைவு நாளில் 396 பயனாளிகளுக்கு 15 லட்சத்து 31 ஆயிரத்து 726 ரூபாய் மதிப் பில் நலத்திட்ட உதவிகளை டி.ஆர்.ஓ., நடராஜன் வழங்கினார். சிதம்பரம் தாலுகா அலுவலகத்தில் சிதம்பரம், பரங்கிப்பேட்டை, புவனகிரி, திருவக்குளம், சேத்தியாத்தோப்பு, ஒரத்தூர் ஆகிய 6 குறுவட்டங்களுக் கான ஜமாபந்தி கடந்த மாதம் 19ம் தேதி துவங்கியது. பொதுமக்களிடமிருந்து மனுக்கள் பெறப்பட்டு துறைவாரியாக நடவடிக்கை மேற்கொள்ளப் பட்டது. ஜமாபந்தி இறுதி நாளான நேற்று முன்தினம் வரை 2,309 மனுக்கள் பெறப்பட்டது. அதில் 396 மனுக்கள் ஏற்கப்பட்டு தீர்வு காணப்பட்டது. 1,824 மனுக்கள் விசாரணையில் உள்ளது. 89 மனுக்கள் தள் ளுபடி செய்யப்பட்டது.நிறைவு விழாவிற்கு தாசில்தார் காமராஜ் தலைமை தாங்கினார். ஆர்.டி.ஓ., ராமராஜ் முன் னிலை வகித்தார். விழாவில் 396 பயனாளிகளுக்கு 15 லட்சத்து 31 ஆயிரத்து 726 ரூபாய் மதிப்பில் நலத்திட்ட உதவிகள் வழங்கி டி.ஆர்.ஓ., நடராஜன் பேசுகையில், "பொதுமக்களிடம் பெறப்பட்ட மனுக்கள் விவரம் முதல் முறையாக கம்ப்யூட்டரில் பதிவு செய்யப்பட்டுள்ளது. அனைத்து மனுக்கள் மீதும் விசாரணை நடத்தி தீர்வு காணப்பட்டு வரும் 22ம் தேதி பயனாளிகளுக்கு வழங்கப்படும்' என தெரிவித்தார்.

Read more »

செவ்வாய், மே 18, 2010

விருத்தாசலத்தில் நலத்திட்ட உதவிகள் வழங்கும் விழா

விருத்தாசலம்: 

                மாற்றுத் திறனாளிகளுக்கு உதவித் தொகை மற்றும் நலத்திட்ட உதவிகள் வழங்கும் விழா விருத்தாசலம் ஜி.என்., திருமண மண்டபத்தில் நடந்தது. கலெக்டர் சீத்தாராமன் தலைமை தாங்கினார். டி.ஆர்.ஓ., நடராஜன், ஆர்.டி.ஓ., முருகேசன் முன்னிலை வகித் தனர். நிகழ்ச்சியில் அமைச்சர் பன்னீர் செல்வம் மாற்றுத் திறனாளிகளுக்கு உதவித் தொகை, திருநங்கைகளுக்கு இலவச மனைப் பட்டா, அங்கன்வாடி மையங்களுக்கு எரிவாயு அடுப்புகள் என 1 கோடியே 57 லட்சம் ரூபாய்க்கான நலதிட்ட உதவிகளை வழங்கி பேசினார். விழாவில், மத்திய கூட்டுறவு வங்கி தனி அலுவலர் மிருளாளினி, மருத்துவ இணை இயக்குனர் ஜெயவீரகுமார், தாசில்தார் ஜெயராமன், மாவட்ட துணை சேர்மன் பிரான்சிஸ் மேரி, ஒன்றிய சேர்மன் செல்வராசு, நகர சேர்மன் முருகன், முன்னாள் எம்.பி., கணேசன், குழந்தைகள் வளர்ச்சி திட்ட இயக்குனர் அன்பழகி, சமூக நல அலுவலர் புவனேஸ்வரி, மாவட்ட திட்ட மேலாளர் நித்தியானந்தம், மாற்று திறனாளிகள் நல அலுவலர் சீனிவாசன் உட்பட பலர் கலந்து கொண்டனர்.

Read more »

செவ்வாய், ஏப்ரல் 06, 2010

மக்கள் குறைகேட்பு கூட்டம் 190 பேருக்கு நலத்திட்ட உதவிகள்

 கடலூர்:

                 கடலூரில் திங்கள்கிழமை நடந்த மக்கள் குறைகேட்கும் கூட்டத்தில், பல்வேறு அரசு நலத்திட்ட உதவிகளை மாவட்ட ஆட்சியர் பெ.சீதாராமன் வழங்கினார். மக்கள் குறைகேட்கும் கூட்டம் மாவட்ட ஆட்சியர் முகாம் அலுவலகத்தில் உள்ள மக்கள் சேவை மையத்தில் மாவட்ட ஆட்சியர் தலைமையில் நடந்தது. குடிநீர் வசதி, சாலை வசதி, வீட்டுமனைப் பட்டா, பட்டா மாற்றம் உள்ளிட்ட பல்வேறு கோரிக்கைகள் அடங்கிய 296 மனுக்கள் பொதுமக்களிடம் இருந்து பெறப்பட்டன. மனுக்கள் மீது உடனடியாக நடவடிக்கை எடுக்குமாறு சம்பந்தப்பட்ட துறை அலுவலர்களுக்கு மாவட்ட ஆட்சியர் உத்தரவிட்டார். மாற்றுத் திறனாளிகள் துறை சார்பில் 15 பேருக்கு மூக்குக் கண்ணாடிகள் மற்றும் ஊன்று கோல்கள், 128 பேருக்கு இலவச பயண அட்டைகள் ஆகியவற்றை மாவட்ட ஆட்சியர் வழங்கினார். தாட்கோ திட்டத்தில் 38 பேருக்கு தலா ரூ.10 ஆயிரம் கடன் உதவிக்கான காசோலைகள், பிற்பட்டோர் நலத்துறை மூலம் 5 பேருக்கு ரூ.13,230 மதிப்பிலான தையல் இயந்திரங்கள், மாவட்ட பார்வை இழப்பு தடுப்புச் சங்கம் சார்பில் 4 பேருக்கு மூக்குக் கண்ணாடிகள் ஆகியவற்றையும் மாவட்ட ஆட்சியர் வழங்கினார். நிகழ்ச்சியில் மாவட்ட வருவாய் அலுவலர் எஸ்.நடராஜன், தாட்கோ நிறுவன மாவட்ட மேலாளர் துளசிதாசன், மாவட்ட மாற்றுத் திறனாளிகள் துறை அலுவலர் சீனிவாசன், மாவட்ட செய்தி மக்கள் தொடர்பு அலுவலர் பொ.முத்தையா உள்ளிட்டோர் கலந்து கொண்டனர்.

downlaod this page as pdf

Read more »

வறுமைக் கோட்டிற்கு கீழ் உள்ளோர் பட்டியலில் குளறுபடி!: அரசின் நலத்திட்ட உதவிகள் பெற முடியாமல் அவதி


கடலூர்: 

                    வறுமை கோட்டிற்கு கீழ் உள்ளோர் பட்டியல் தயாரிப்பில் ஏற்பட்டுள்ள குளறுபடியால் ஏழ்மை நிலையில் உள்ளவர்கள் அரசின் நலத்திட்ட உதவிகளை பெற முடியாமல் அல்லல்படும் நிலை ஏற்பட்டுள்ளது.

                  வறுமையில் உள்ளவர்களின் வாழ்க்கைத் தரத்தை உயர்த்திடும் பொருட்டு அரசு பல்வேறு நலத்திட்ட உதவிகளை அமல்படுத்தி வருகிறது. இந்த திட்டங்கள் வாழ்க்கையின் அடித் தட்டில் உள்ளவர்களை சென்றடைய வேண்டும் என்பதற்காக மத்திய அரசு கடந்த 2002ம் ஆண்டு வறுமைக் கோட்டிற்கு கீழ் உள் ளோர் பட்டியலை தயாரித்தது. ஒரு குடும்பத்தின் வாழ் நிலையை கண்டறிய நிலம், வீட்டின் தன்மை, உடுக்கும் உடை, உணவு முறை, கழிவறை, வீட்டில் உள்ள ('டிவி', மின்விசிறி, சமையல் சாதனம், ரேடி யோ, குக்கர்) பொருட்கள், குடும்ப உறுப்பினர்களின் கல்வித் தகுதி, குடும்ப உழைப்பு நிலை, வருமானத்தின் தன்மை, குழந்தைகளின் நிலை, கடன் தன்மை, இடம் பெயர்ந்ததற்கான காரணம், அரசு உதவி தேவைப்படும் தன்மை என 13 இனங்களில் ஒவ்வொரு கேள் விக்கும் ஐந்து பிரிவுகளில் தகவலை சேகரித்து படிவத்தை பூர்த்தி செய்து மதிப்பெண் வழங்க மத் திய அரசு அறிவுறுத்தியது.

                     ஒவ்வொரு பிரிவிற்கும் ஜீரோ முதல் நான்கு மதிப்பெண் என மொத்தம் 13 கேள்விகளுக்கும் 52 மதிப்பெண் வழங்கப்படும். அதில் 17 மதிப் பெண்ணுக்கு குறைவாக உள்ளவர்கள் வறுமைக் கோட்டிற்கு (பி.பி.எல்.,) கீழ் உள்ளவர்களுக்கு அரசின் நலத்திட்ட உதவிகள் வழங்குவதில் முன்னுரிமை அளிக்க வேண்டும். இதன்படி கடந்த 2002 மற்றும் 2005ம் ஆண்டுகளில் கடலூர் மாவட்டத்தில் எடுக்கப்பட்ட கணக் கெடுப்பில் மொத்தம் மூன்று லட்சத்து 7ஆயிரத்து 685 குடும்பங்கள் வறுமைக் கோட்டில் உள்ளதாகவும், அதில் ஒரு லட்சத்து 45 ஆயிரத்து 583 குடும் பங்கள் (17 மதிப்பெண் ணுக்கு குறைவாக) வறுமை கோட்டிற்கு கீழ் உள்ளதாக புள்ளி விபரங்கள் தெரிவிக்கின்றன. இந்த பட்டியலின் அடிப் படையிலேயே அரசின் நலத்திட்டங்களுக்கு முன் னுரிமை அளிக்கப்படுகிறது.

                     குறிப்பாக மத்திய அரசின் இந்திரா காந்தி தேசிய முதியோர் ஓய்வூதியத் திட்டம் மற்றும் மத்திய, மாநில அரசுகள் இணைந்து வழங்கும் ஆதரவற்ற உடல் ஊனமுற்றோர், ஆதரவற்ற விதவை, ஆதரவற்ற விவசாய தொழிலாளர், கணவனால் கைவிடப்பட்ட அல் லது ஆதரவற்ற பெண்கள், 50 வயதை கடந்த திருமணமாகாத ஏழைப் பெண்களுக்கான ஓய்வூதியம் மற்றும் இந்திரா நினைவு குடியிருப்பு திட்டம் பயனாளிகள் வறுமைக் கோட் டிற்கு கீழ் உள்ளோர் பட்டியலில் உள்ளவர்களுக்கு மட்டுமே வழங்கப்பட்டு வருகிறது. ஆனால், கடலூர் மாவட்டத்தில் இந்த கணக் கெடுப்பு பணி முறையாக வீடு, வீடாக சென்று நடத்தாமல், ஊழியர்களாகவே தயார் செய்துள்ளனர். இதனால் வசதி படைத்தவர்கள் பலர் வறுமைக் கோட்டிற்கு (17 மதிப் பெண்ணிற்கு ) கீழ் உள்ளவர்களாகவும், உண்மையில் சொந்த வீடின்றி சாலையோரத்தில் வசிப்பவர்கள் வறுமைக் கோட் டிற்கு மேல் உள்ளவர் களாக குறிப்பிடப்பட் டுள்ளனர்.

                        பட்டியலில் உள்ள குளறுபடியால் மத்திய, மாநில அரசுகள் வழங்கும் ஓய்வூதியம் மற்றும் இந் திரா நினைவு குடியிருப்பு திட்டங்களில் பயன்பெற முடியாமல் அல்லல்பட்டு வருகின்றனர். அதிகாரிகள் மற்றும் ஊழியர்கள் செய்த தவறால் ஏழை மக்களுக்காக இரு அரசுகளும் செயல்படுத்தி வரும் திட் டங்கள் பெருமளவு செல் வந்தர்களையே சென்றடையும் நிலை உள்ளது. இந்த நிலையை மாற்ற வறுமைக் கோட்டிற்கு கீழ் உள்ளோர் பட்டியலை மறு ஆய்வு செய்து, தகுதி உள்ளவர்களை மட்டுமே அந்த பட்டியலில் இடம் பெற செய்ய வேண்டும்.


downlaod this page as pdf

Read more »

வெள்ளி, ஏப்ரல் 02, 2010

சேத்தியாதோப்பில் மனுநீதி நாள் ரூ.1.20 லட்சம் மதிப்பில் உதவிகள்


சேத்தியாத்தோப்பு : 

              சேத்தியாத்தோப்பை அடுத்த அழிச்சிக்குடியில் நடந்த மனுநீதி நாள் முகாமில் 1 லட்சத்து 20 ஆயிரம் ரூபாய் மதிப்பிலான நலத் திட்ட உதவிகளை மாவட்ட வழங்கல் அலுவலர் வழங்கினார்.

              புவனகிரி ஒன்றியம் அழிச்சிக்குடி கிராமத்திலுள்ள உதவி பெறும் துவக்கப் பள்ளியில் மனுநீதி நாள் முகாம் நடந்தது. ஊராட்சி மன்ற தலைவர் ராமச்சந்திரன் தலைமை தாங்கினார். துணைக் கலெக்டர் (பயிற்சி) அழகுமீனா, சிதம்பரம் தாசில் தார் காமராஜ், சமூகநல தாசில்தார் ராமாமிர்தம்  முன்னிலை வகித்தனர். வி.ஏ.ஓ. பழனிச்சாமி வரவேற்றார்.முகாமில் கர்ப்பிணி பெண்களுக்கான உதவிதொகை, திருமண உதவி தொகை உள்ளிட்ட ஒரு லட்சத்து 20 ஆயிரத்து 500 ரூபாய்க்கான நலத்திட்ட உதவிகளை வழங்கி மாவட்ட வழங்கல் அலுவலர் தேவராஜன் பேசினார். முகாமில் மண்டல துணை தாசில்தார் ரங்கநாதன், ஊராட்சி மன்ற துணைத் தலைவர் சாரங்கபாணி, வி.ஏ.ஓ., க்கள் பாண்டியத்துறை, பழனிவேல், சட்டநாதன் உட்பட பலர் கலந்து கொண்டனர். வருவாய் ஆய்வாளர் ஜெயகுமார் நன்றி கூறினார்.

downlaod this page as pdf

Read more »

சனி, மார்ச் 06, 2010

நலத்திட்ட உதவிகள் வழங்க கடலூர் நகர தி.மு.க., முடிவு

கடலூர் : 

              கடலூர் நகர தி.மு.க., சார்பில் துணை முதல்வர் ஸ்டாலின் பிறந்தநாளை முன்னிட்டு நலத்திட்ட உதவிகள் வழங்க தீர்மானிக்கப்பட்டுள்ளது. 

                       கடலூர் நகர தி.மு.க., நிர்வாகிகள் கூட்டம் நேற்று நடந்தது.  நகர தலைவர் நாராயணன் தலைமை தாங்கினார். எம்.எல்.ஏ., அய்யப்பன், நகர செயலாளர் தங்கராசு, முன்னாள் சேர்மன் ராஜேந் திரன்,  பழனி, நகர துணை அமைப்பாளர் வசந்தா, அண்ணாதுரை, தட்சிணாமூர்த்தி, கவுன்சிலர்கள் கோவலன், ரவிச் சந்திரன், ஆதிபெருமாள், ராமு, கோவிந்தசாமி உள் பட பலர் பங்கேற்றனர். கூட்டத்தில் விழுப்புரத்தில் முதல்வர் பங்கேற்கும் விழாவில் திரளாக பங்கேற்பது, துணை முதல்வர் ஸ்டாலின் பிறந்த நாளையொட்டி நகரில் உள்ள 45 வார்டுகளிலும் நலத்திட்ட உதவிகள் வழங்கி கொண்டாடுவது உள்ளிட்ட தீர்மானங்கள் நிறைவேற்றப்பட்டன.

Read more »

வெள்ளி, மார்ச் 05, 2010

முட்டம் உயர்மட்ட பாலம் ஸ்டாலின் அடிக்கல் நாட்டுகிறார்

கடலூர் : 

                முட்டம்-மணல்மேடு கிராமங்களை இணைக்கும் உயர்மட்ட பாலத்திற்கு துணை முதல்வர் ஸ்டாலின் நாளை அடிக்கல் நாட்டுகிறார். கடலூர் மாவட்டத்தில் நாளை (6ம் தேதி) நடக்கும் பல்வேறு நலத்திட்ட உதவிகள் வழங்கும் விழாவிற்கு துணை முதல்வர் ஸ்டாலின் இன்று  (5ம் தேதி) மாலை சென்னையிலிருந்து புறப்பட்டு இரவு நெய்வேலி  என்.எல்.சி., விருந்தினர் மாளிகையில் தங்குகிறார்.நாளை (6ம் தேதி) காலை 9.30 மணிக்கு குறிஞ்சிப்பாடி மற்றும் வடலூரில் நடக்கும் பல்வேறு நிகழ்ச்சிகளில் கலந்து கொள்கிறார்.

                       பின் காலை 11 மணிக்கு காட்டுமன்னார்கோவில் பொறியியல் கல்லூரி வளாகத்தில் நடக்கும் கொள்ளிடம் ஆற்றின் குறுக்கே முட்டம்-மணல் மேடு கிராமங்களை இணைக்கும் உயர் மட்ட பாலத்திற்கு அடிக்கல் நாட்டி, பிச்சாவரம்-கொடியம்பாளையம் சாலையில் உப்பனாற்றின் குறுக்கே கட்டப்பட்டுள்ள உயர் மட்ட பாலத்தை திறந்து வைக்கிறார். பின்னர் சுய உதவிக்குழுக்களுக்கு சுழல்நிதி மற்றும் நலத்திட்ட உதவிகள் வழங்கி பேசுகிறார். அமைச்சர் பன்னீர்செல்வம் தலைமை தாங்குகிறார். நெடுஞ்சாலைத்துறை அமைச்சர் வெள்ளக்கோவில் சுவாமிநாதன் முன்னிலை வகிக்கிறார்.  கலெக்டர் சீத்தாராமன் வரவேற்கிறார்.

Read more »

நண்பர்களோடு பகிர்ந்து கொள்ள

Country wise Vistior