மரவள்ளிப் பயிரை பராமரிக்கும் முறைகள்

               பருவ நிலை மாற்றம் காரணமாக அதிகமான உஷ்ணம் நிலவுகிறது. விவசாயிகள் தொடர்ந்து கோடை மழை பொழியுமா என்று காத்திருக்கிறார்கள்.

           இந்நிலையில் மரவள்ளி பயிரிடும் விவசாயிகள் எத்தகைய பராமரிப்பு முறைகளை கையாள வேண்டும் என்பதை விளக்குகிறார் புதுச்சேரி பெருந்தலைவர் காமராஜர் வேளாண் அறிவியல் நிலையத்தின் பூச்சியியல் நிபுணர் என். விஜயகுமார்.

புதுச்சேரி பெருந்தலைவர் காமராஜர் வேளாண் அறிவியல் நிலையத்தின் பூச்சியியல் நிபுணர் என். விஜயகுமார் கூறியது: 

                மரவள்ளி நடும்போது நல்ல வளர்ச்சி அடைந்த குச்சியை நட வேண்டும். மரவள்ளிக் குச்சியில் டார்ச் அளவு 33 சதவீதத்துக்கு அதிகமாக இருக்கிறதா என்று பார்க்க வேண்டும். அப்படி இருந்தால் பூச்சி தாக்குதல் இருக்காது. குச்சியைப் படுக்க வைத்து நடக்கூடாது. நேராகவும் நடக்கூடாது. சாய்வாக நட வேண்டும். அப்போதான் சாறு உறிஞ்சும் பூச்சுகள் தாக்காது. வைரஸ் நோயும் வராது. விதை கரணைகளை இப்படி தேர்வு செய்து நட்டால் பூச்சி தாக்குதலைக் குறைக்க முடியும். உஷ்ணம் அதிகமாக இருப்பதால் மரவள்ளியில் சாறு உறிஞ்சும் பூச்சிகள் அதிகமாகக் காணப்படுகின்றன. 

              உஷ்ணம் அதிகமாக இருப்பதால் சாறு உறிஞ்சும் பூச்சிகளின் இனப்பெருக்கம் அதிகமாக இருக்கும். உஷ்ணம் அதிகமாக இருப்பதால் மரவள்ளி வேர்ப்பகுதியில் ஈரப்பதம் இருக்குமாறு பார்த்துக் கொள்ள வேண்டும். மரவள்ளி, கிழங்கு வகை பயிர். பணப்பயிரும்கூட. 9 மாதம் வயது உடையது. 3 முதல் 4 மாதம் உள்ள செடிகளில் சாறு உறிஞ்சும் பூச்சிகள் குறிப்பாக செஞ்சிலந்தி,மாவு பூச்சி, வெள்ளை ஈ மற்றும் செதில்பூச்சி உள்ளிட்ட பூச்சிகள் தாக்குகின்றன. இந்த எல்லா பூச்சிகளுக்கும் பற்கள் இல்லை. அதனால் மரவள்ளி இலை, தண்டு பாகத்தில் உள்ள சாற்றை உறிஞ்சி உண்ணும் பழக்கம் உடையவையாக இருக்கின்றன. 

             இதனால் இவை சாறு உறிஞ்சும் பூச்சிகள் என்று அழைக்கப்படுகின்றன. சாறு உறிஞ்சும் பூச்சிகள் சாற்றை உறிஞ்சுவதால் பச்சை நிறத்தில் உள்ள இலைகள் மஞ்சள் நிறத்துக்கு மாறுகிறது. ஒளிசேர்க்கை தடைப்பட்டு மகசூல் பாதிக்கும் நிலை ஏற்படலாம். 

பூச்சிகளை கட்டுப்படுத்தும் முறைகள்: 

              வெள்ளை ஈ என்ற பூச்சி மொசைக் வைரஸ் என்ற நச்சு உயிரி நோயைப் பரப்பும். மரவள்ளி வயலில் முதல் 4 இலைகளை மட்டும் வெள்ளை ஈ தாக்கும். கீழ் இருக்கும் எல்லா இலையையும் மாவு பூச்சி தாக்கும்.செஞ்சிலந்தி தாக்குதல் குறைந்து இருந்தால் டைகோ பால் என்ற மருந்தை 1.5 மி.லி. அளவு எடுத்து 1 லிட்டர் நீரில் கரைத்து அல்லது டெகாசஸ் என்ற மருந்தை 2.5. மி.லி. எடுத்து 1 லிட்டர் நீரில் கரைத்து இலையின் மீது படும்படி மரவள்ளி நடவு செய்த 3, 5, 7 மாதங்களில் தெளிக்க வேண்டும். செஞ்சிலந்தி தாக்குதல் அதிகமாக இருந்தால் புராபர்கைட் 1.5 மி.லி. எடுத்து 1 லிட்டர் தண்ணீரில் கரைத்து அதனுடன் 2 கிராம் பெவிஸ்டின் மருந்து 1 லிட்டர் நீரில் கலந்து தெளிக்க வேண்டும். செஞ்சிலந்தி தாக்குதல் இருந்தால் இலைகள் கீழ்ப்பக்கமாக வளைந்திருக்கும். வெள்ளை ஈயைக் கட்டுப்படுத்த மரவள்ளி வயலைச் சுற்றி மணத்தக்காளி செடி நடலாம். வெள்ளை ஈக்கு அதிகமாகப் பிடித்து மணத்தக்காளி. 

               அந்தச் செட்டியில் ஒட்டிக் கொள்ளும். இது எளிதான வழி. துத்தியும் நடலாம். வெள்ளை ஈ தாக்காத ஒரு மரவள்ளி ரகம் இப்போது வந்துவிட்டது. கோ டிபி4 என்பது அந்த ரகத்தின் பெயர். இது வெள்ளை ஈக்கு எதிர்ப்புத் தன்மை உள்ள ரகம். புதுச்சேரி பகுதியில் கேரளம், ரோஸ் மரவள்ளி பயிர்கள்தான் அதிகம் சாகுபடி செய்யப்படுகின்றன. மஞ்சள் வண்ண ஒட்டுப் பொறி 1 ஏக்கருக்கு 40 வரப்பு ஓரங்களில் வைப்பதால் வெள்ளை ஈ கவரப்பட்டு அதில் ஒட்டிக் கொள்ளும்.வெள்ளை ஈ தாக்குதல் அதிகமாக இருக்கும் வயல்களில் டைமீதோஏத் என்ற மருந்தை 2 மி.லி. எடுத்து 1 லிட்டர் நீரில் கரைத்து தெளிக்க வேண்டும். பயிரில் களைகளை அப்புறப்படுத்த வேண்டும். 

              மாவு பூச்சியை அழிக்க மீன் எண்ணெய் சோப்பு 40 கிராம் எடுத்து 1 லிட்டர் நீரில் கரைத்து கைத்தெளிப்பான் கொண்டு தெளிக்க வேண்டும். அந்த மாவு பூச்சியின் வெண்மை நிற படலம் கீழே கொட்டிக் கொள்ளும். முசுக்கொட்டை செடி அல்லது பப்பாளி, நெய்வேலி காட்டாமணக்கு வரப்பு ஓரங்களில் வளர்க்க வேண்டும். அதில் மாவு பூச்சி ஒட்டிக் கொள்ளும். தாக்குதல் நிறைய இருந்தால் புரோபனோபாஸ் 2 மி.லி. எடுத்து 1 லிட்டர் நீரில் கலந்து தெளிக்க வேண்டும். செதில் பூச்சியைக் கட்டுப்படுத்த காஸ்டிக் சோடா 150 கிராம், மரபிசின் 500 கிராம், தண்ணீர் 4 லிட்டர் கலந்து தெளிப்பதால் இதை அழிக்கலாம். செயற்கை தன்மையுள்ள பைரித்திராய்டு மருந்துகளை எந்தக் காரணம் கொண்டும் பயன்படுத்தக் கூடாது. 

            ஏனென்றால் அவை சாறு உறிஞ்சும் பூச்சுகளை மறு உற்பத்தி செய்யும் திறன் படைத்தவை என்கிறார் விஜயகுமார்.

Read more »

கடலூர் மாவட்டத்தில் கன மழையால் மானாவாரிப் பயிர்கள் பாதிப்பு

கன மழை காரணமாக கடலூர் வண்டிப்பாளையத்தில் பாதிக்கப்பட்ட நட்டு 2 மாதம் ஆன சம்பா நெல் வயல்.

கடலூர்:

             கடலூர் மாவட்டத்தில் பலத்த மழை காரணமாக, மானாவாரிப் பயிர்களும் கடுமையாகப் பாதிக்கப்பட்டு உள்ளன.

                 கடலூர் மாவட்டத்தில் 15 நாள்களுக்கும் மேலாகப் பெய்து வரும் கன மழை காரணமாக, சம்பா நெல் பயிர்கள் 1.42 லட்சம் ஏக்கரில் தண்ணீரில் மூழ்கின. வெள்ளம் வடிந்த பிறகுதான் நெல் பயிர் சேதம் குறித்து முழு விவரம் கிடைக்கும் என்று வேளாண் அலுவலர்கள் தெரிவிக்கிறார்கள்.

              கடலூர் மாவட்டத்தில் பிரதானப் பயிர்களாக 2.5 லட்சம் ஏக்கரில் சம்பா நெல், 80 ஆயிரம் ஏக்கரில் கரும்பு பயிரிடப்பட்டு உள்ளது. அதே நேரத்தில் கடலூர் மாவட்டத்தில் பயிரிடப்பட்டு உள்ள, மானாவாரிப் பயிர்களும் பலத்த சேதத்துக்கு உள்ளாகி இருப்பதாக விவசாயிகள் தெரிவிக்கிறார்கள்.

              விருத்தாசலம், திட்டக்குடி தாலுகாக்களில் பெரும்பாலும் மானாவாரிப் பயிர்கள் பயிரிடப்படுகின்றன. 10 ஆயிரம் ஏக்கரில் மரவள்ளிக் கிழங்கு, 12 ஆயிரம் ஏக்கரில் மானாவாரிப் பருத்தி, 32 ஆயிரம் ஏக்கரில் மக்காச் சோளம் பயிரிடப்பட்டு உள்ளது. திட்டக்குடி, விருத்தாசலம் வட்டங்களில் ஆடிப்பட்டத்தில் பயிரிடப்பட்டு உள்ள பருத்தி, மரவள்ளிக்கிழங்கு, மக்காச் சோளம் ஆகியவை, தொடர் மழையால் பெரிதும் பாதிக்கப்பட்டு இருப்பதாக விவசாயிகள் கூறுகிறார்கள்.

இதுகுறித்து உழவர் மன்றங்களின் கூட்டமைப்பின் திட்டக்குடி வட்டாரத் தலைவர் வேணுகோபால் கூறுகையில், 

                   தற்போது காய் உற்பத்தி ஆகும் நிலையில் இருந்த மானாவாரி பருத்திச் செடிகள், தொடர் மழையால் அழுகி கருகிப் போகும் நிலை ஏற்பட்டு உள்ளது. பருத்தியில் பெரும்பாலான பகுதி வீணாகி விடும். மரவள்ளிக் கிழங்கு தற்போது வேர்விட்டு, கிழங்கு உற்பத்தி தொடங்கும் நிலையில் இருந்தன. வாரம் ஒரு முறை தண்ணீர் பாய்ச்சி நிலத்தை காயவிட வேண்டும். ஆனால் தொடர்ந்து பெய்த மழையால், பயிர்கள் அழுகி விட்டன. 

             இனி அவற்றில் கிழங்கு வைக்க வாய்ப்பில்லை. மொத்தத்தில் விருத்தாசலம், திட்டக்குடி வட்டங்களில் பயிரிடப்பட்டு உள்ள பருத்தி, மரவள்ளிக் கிழங்கு, மக்காச் சோளம் ஆகியவற்றில் 50 சதவீதம்கூட மகசூல் தேறுவது கடினம் என்றார்.

இதுகுறித்து மாவட்ட விவசாய சங்கங்களின் கூட்டமைப்பின் பொதுச் செயலாளர் கார்மாங்குடி வெங்கடேசன் கூறுகையில், 

                கடலூர் மாவட்டத்தில் மூழ்கி இருக்கும் சம்பா பயிரைப் பற்றி அதிகாரிகள் அதிகம் கவலைப்படும் நேரத்தில், வறண்ட பகுதிகளான விருத்தாசலம், திட்டக்குடி தாலுகாக்களில் நட்டு 2 மாதங்களுக்கு மேல் ஆன பயிர்களின் நிலையையும் கருத்தில் கொள்ள வேண்டும். நட்டு 20 நாள்களுக்குள் ஆன பயிர்களைவிட, 2 மாதத்துக்கு மேலான பயிர்களுக்குச் செலவிட்ட தொகை மிக அதிகம். அதனால் நஷ்டமும் அதிகம்.

                விருத்தாசலத்துக்கு மேற்கில் உள்ள மணலூர், மளவாளநல்லூர், தொரவளூர், பரவளூர் உள்ளிட்ட 20 கிராமங்கள், விருத்தாசலம் - சிதம்பரம் சாலையில் மணிமுத்தா நதிக்கு வடக்கே கார்குடல், ஆதனூர், குமாரமங்கலம், கோபாலபுரம், கீழனூர், பெரவரப்பூர், புத்தூர் உள்ளிட்ட 16 கிராமங்கள், வெள்ளாற்றுக்கும் மணிமுத்தா நதிக்கும் இடைப்பட்ட கார்மாங்குடி, வல்லியம், கீரனூர், தேவங்குடி, தொழூர், பெருமானூர், சக்கரமங்கலம் உள்ளிட்ட 14 கிராமங்களில் மொத்தம் 20 ஆயிரம் ஏக்கர் நெல் பயிர்கள் மழையினால் சேதம் அடைந்து உள்ளன.

                பயிர்கள் பாதிக்காததுபோல் காணப்படும் இப்பயிர்களில், சூல் பிடிக்கும் நேரத்தில் தொடர்ந்து மழை பெய்ததால், மகசூல் பெரிதும் பாதிக்கும். நெல் கருப்பு நிறமாக மாறிவிடும். எனவே திட்டக்குடி, விருத்தாசலம் தாலுகாக்களில் முறையாக ஆய்வு நடத்தி, இதுவரை நடவுக்கான செலவைக் கணக்கிட்டு, இழப்பீட்டை வழங்க வேண்டும் என்றார்.

                 கரும்பும் நாசம் கம்மாபுரம், நல்லூர், விருத்தாசலம் வட்டாரங்களில் ஜனவரியில் அறுவடைக்குத் தயாராக இருந்த 15 ஆயிரம் ஏக்கர் கரும்பில், பெருமளவு சாய்ந்து கிடக்கின்றன. கணுக்களில் முளை தோன்றிவிட்டன. இதனால் மகசூல் பெருமளவு குறையும் என்றும் வெங்கடேசன் தெரிவித்தார்.  மழையினால் 673 ஹெக்டேர் மரவள்ளிக் கிழங்கு, 2,200 ஹெக்டேர் பருத்தி பயிர்கள் சேதம் அடைந்து இருப்பதாகவும், மக்காச் சோளம் சேதம் குறித்து விவரம் தேகரிக்கப் படுவதாகவும் வேளாண் துறை அதிகாரி ஒருவர் தெரிவித்தார்.

Read more »

மரவள்ளி கிழங்கு விற்பனை செய்ய

பெயர் தெரியாத திருப்பூர் நண்பரின் வேண்டுகோளின் படி மரவள்ளிக் கிழங்கு வாங்கும் சில தொழிற்சாலைகளின் முகவரிகள் சில :

தகவல் தேவைப்படும் நண்பர்கள் தங்களது பெயர் மற்றும் மின்னஞ்சல் முகவரி வெளியிட்டால் நன்றாக இருக்கும். 

M/s. JAGUARPAW EXPORTS

26-D/40, Chinna Suppanan Street

K.K.Pudur, coimbatore

Tamilnadu, India 641038.

Email: jaguarpawexports@gmail.com

M/s. Grove Snacks Pvt Ltd

45A,develpoment plot,kalamassery,cochin, cochin

Kerala - 682319

M/s. SITHARA EXPORTS

CHANDIROOR PO,

ALLEPPEY DIST.,

Alappuzha - 688547, Kerala,

Ph: 0478-2872045 F: 0478-2872214 

M/s. Thomas International

NEW NO. 306, 

LINGHI CHETTY STREET, 

Chennai - 600001, Tamil Nadu

Ph: 44-25352812		Fax: 91-44-25352812

Read more »

மரவள்ளியில் பூச்சி தாக்குதல்

பண்ருட்டி:

             மரவள்ளிப் பயிர் பாதுகாப்பு நடவடிக்கை குறித்து குறிஞ்சிப்பாடி  தோட்டக்கலை உதவி இயக்குநர் ஜெ.மல்லிகா விளக்கியுள்ளார்.

குறிஞ்சிப்பாடி  தோட்டக்கலை உதவி இயக்குநர் ஜெ.மல்லிகா  வெளியிட்டுள்ள செய்திக் குறிப்பு:

           அண்ணாகிராமம் வட்டார பகுதியில் மரவள்ளி சாகுபடி செய்யப்பட்டுள்ளது. தற்போது இதில் மாவுப்பூச்சி, வெள்ளை ஈ தாக்குதல் காரணமாக இலைகள் மஞ்சள் நிறமாகி பழுத்து காய்ந்து விடுகிறது. இது போன்ற அறிகுறி அதிக இடத்தில் தென்படுகிறது. இதனைக் கட்டுப்படுத்த டிரை அசோபாஸ் (2 மிலி), பாசலோன் (2 மிலி), புரேபினோபாஸ் 50 இசி (2 மிலி), டைமெத்தோயேட் 30 இசி (2 மிலி), குளோர்பைரிபாஸ் 20 இசி (4 மிலி) (அடைப்பு குறியில் உள்ளது ஒரு லிட்டர் தண்ணீருக்கு) இதில் ஏதேனும் ஒரு மருத்துடன், வேப்ப எண்ணெய் (5 மிலி) கலந்து இலையின் அடிப்பாகம் நனையும் வரை 10 நாள்கள் இடைவெளியில் இரு முறை தெளிக்க வேண்டும். மாவுப்பூச்சி மட்டும் தென்பட்டால் ஒரு லிட்டர் தண்ணீரில் வேப்ப எண்ணெய் 20 மிலி மற்றும் 5 மிலி சோப்பு கரைசல் கலந்து இலையின் அடிப்பாகம் நனையும்படி தெளிக்க வேண்டும்.

Read more »