மறைந்து போனதும் மறந்து போனதும் - அம்மி

 மறைந்து போனதும் மறந்து போனதும் - பகுதி- 1 

அம்மி

தொல் பழங்காலத்திலிருந்து பயன்பாட்டில் இருந்து வரும் ஒரு கற்கருவி ஆகும். அம்மி என்பது கருங்கள்ளினால் செய்யப்பட்ட சமதளமாக அமைந்த ஒரு கருவி. அம்மி கல்லில் பொருளை இட்டு அரைக்க உருளை வடிவில் குழவி என்ற ஒரு கருங்கல் பயன்படும். ஒரு அம்மிகல்லின் எடை குழவி நீங்கலாக ஏறக்குறைய  40 கிலோ வரை வரை இருக்கும். முன்பெல்லாம் தமிழக கிராமங்களில் ஊருக்கு பொதுவான இடத்தில ஒரு அம்மியும், ஒரு ஆடுகல்லும் வைக்கப்படும், தேவையானவர்கள் அவற்றை பயன்படுத்தி கொள்ளலாம். 

பயன்பாடு:  

மருந்து மற்றும் சமையலில் பயன்படும் பொருட்களை அரைப்பதற்கு  உதவுகிறது. சமையலுக்கு தேவையா மஞ்சள், சீரகம் உள்ளிட்ட பொருட்களை அரைக்கலாம். இந்து சமயத் திருமணச் சடங்குளில் அம்மி மிதித்தல் அருந்ததி பார்த்தல் என்ற சடங்கு உள்ளது. 

அம்மிப் பொளிதல்

அம்மியும் குழவியும் பயன்பட  பயன்பட மழு மழுப்பாகி போகும். இதனால் பொருட்கள் சரியாக அரைபடாது. ஆகையால் கல் தச்சர் கொண்டு உளியால் பொள்ளி நுண்ணிய சிறு சிறு குழிகள் உருவாக்கலாம். இதற்கு அம்மி பொலிதல் என்று பெயர்.

பெரம்பலூர் மாவட்டத்தில் எசனை கிராமத்தில் வடிவமைக்கப்பட்ட அம்மி வெளிநாடுகளில் அதிக வரவேற்ப்பை பெற்றுள்ளது.

இன்றைய நிலை

அறிவியல் வளர்ச்சியால் மிக்ஸ்சி போன்ற மின் சாதனப் பொருட்களின் வருகையால் அம்மி என்ற பொருள் மறந்து அல்லது மறைந்து போய்விட்டது. கிராமங்களில் கூட அம்மியை பார்ப்பது அரிதாகி விட்டது. 

வருங்கால சந்தியினர் திருமணங்களில்   மட்டுமே அம்மியை பார்க்கும் அவல நிலை ஏற்பட்டு விட்டது. இருந்த போதிலும் தொடர் மின் வெட்டு காரணமாக  மீண்டும் அம்மியை பயன்படுத்தும் நிலையும் உருவாகி வருகிறது. 

அம்மியை  பற்றி  உங்களுக்கு தெரிந்த  தகவல்களையும்  தெரிவியுங்கள்.

 

Read more »

மறைந்து போனதும் மறந்து போனதும் புதிய தொடர்

          

            தினசரி வாழ்க்கையில் நம் முன்னோர்களின்  பழக்க வழக்கங்கள், பயன்பாட்டு   முறைகள்   இவற்றில்  எதாவது ஒன்றை மறக்கிறோம் அல்லது பயன்பாட்டில் இருந்து மறைந்து விடுகிறது. உதாரணமாக தமிழர் கலாச்சாரம், நாகரீகம் என்ற பெயரில் உடை, உணவு, பழக்க வழக்கங்கள் எல்லாம் மாறுகிறது அல்லது மாற்றபடுகிறது, ஒரு தலை முறையினர் பயன்படுத்தியவை அடுத்த தலை    முறையினரால் ஏற்றுகொள்ள முடியாத  அல்லது வாழ்க்கைக்கு ஒத்து வராத ஒன்றாக  இருக்கிறது.

            இந்தமாற்றத்தினை  தவிர்க்க முடியாது அல்லது  மாற்ற முடியாது. ஒரு காலத்தில் சென்னை வானொலி அலைவரிசையைத்தான் நாம் கேட்டு இருப்போம்.  அனால் காலத்தின் மாற்றம் அல்லது அறிவியல் வளர்ச்சியின்  காரணமாக    இன்று பண்பலை அலைவரிசை மக்களால் பயன்படுத்தபட்டு வருகிறது. அனால் இவற்றின் அடிப்படை மக்களின் தேவையே.

                  இது தொடர்பாக வரும் நாட்களில் மறைந்து போனதும் மறந்து போனதும் புதிய தொடர் எழுத உள்ளேன். உங்களது வாழ்கையில் நீங்கள் பயன்படுத்திய ஒன்று இன்று மாற்றம் பெற்று இருக்கலாம் அல்லது   மறைந்து இருக்கலாம் , அவற்றையும் பகிர்ந்து கொள்ளலாம், உங்களது கருத்துக்கள் எதிர்பார்த்து  மறைந்து போனதும் மறந்து போனதும் இளமைக்கால  நினைவுகளோடு.............. 

Read more »