தமிழகத்தில் 82 லட்சம் வீடுகளுக்கு இலவச சி.எப்.எல். பல்புகள்: சிதம்பரத்தில் சோதனை முயற்சி

             மின் சேமிப்பு திட்டப்படி, தமிழகத்திலுள்ள 82 லட்சம் வீடுகளில், குண்டு பல்புகளை மாற்றி, சி.எப்.எல்., பல்புகளை இலவசமாக வழங்க, மின் வாரியம் முடிவு செய்துள்ளது.

             முதற்கட்டமாக, ஐந்து நகராட்சிகளில் அமலுக்கு வந்துள்ளது. மின் சேமிப்பு நடவடிக்கைகளில் ஒன்றாக, மாநிலம் முழுவதும் அனைத்து வீடுகளிலும், குண்டு பல்புகளை மாற்றி, சி.எப்.எல்., பல்புகளை இலவசமாக வழங்க, மின் வாரியம் திட்டமிட்டுள்ளது. ஒவ்வொரு வீட்டிலும், குண்டு பல்புகளை மாற்றி, இலவசமாக 11 வாட் சி.எப்.எல்., பல்புகள் வழங்கப்படும். குண்டு பல்புகள் இல்லாத வீடுகளுக்கு குறைந்த விலையில், 15 ரூபாய்க்கு சி.எப்.எல்., பல்பு தரப்படும். 

                முதற்கட்டமாக இத்திட்டம், விழுப்புரம் மின் மண்டலத்தில், கடலூர், சிதம்பரம், பண்ருட்டி, விருத்தாசலம் மற்றும் நெல்லிக்குப்பம் ஆகிய நகராட்சிகளில் அமலுக்கு வந்துள்ளது. 

                  சோதனை முயற்சியாக, சிதம்பரத்திற்குட்பட்ட முட்டம் ஊரில், 296 வீடுகளுக்கு இலவச சி.எப்.எல்., பல்புகள் தரப்பட்டு, தினமும் 29 வாட் மின் சேமிப்பு கண்டறியப்பட்டுள்ளது. பல்புகள் சப்ளை செய்ய, உத்தரப்பிரதேசம் நொய்டாவைச் சேர்ந்த "சில்வர் பேர் அட்வைசர்' என்ற நிறுவனம் டெண்டர் எடுத்துள்ளது.

இதுகுறித்து, மின் வாரிய உயரதிகாரி கூறியது: 

              குண்டு பல்புகளின் 60 வாட்ஸ் ஒளிக்கு நிகராக, 11 வாட்ஸ் சி.எப்.எல்., பல்பும் ஒளி தரும்; இதனால், ஒரு பல்புக்கு 49 வாட்ஸ் சேமிக்கப்படும். இதே போல், 40 வாட்ஸ் டியூப் லைட்டுக்கு ஈடாக, 11 வாட்ஸ் சி.எப்.எல்., ஒளி தரும்; இதில், 29 வாட்ஸ் சேமிக்கப்படுகிறது. அதனால், குண்டு பல்புகள் மற்றும் டியூப் லைட்களை மாற்றி, சி.எப்.எல்., பல்புகளாக்கும், "பச்சத் லேம்ப் யோஜனா' திட்டம் துவக்கப்பட்டுள்ளது. 

                தமிழகத்தில், 1.4 கோடி வீடுகளில், முதற்கட்டமாக 84 லட்சம் வீடுகளுக்கு அமலாகும். இதன் மூலம், தினமும் 500 முதல் 600 மெகாவாட் மின் பயன்பாடு சேமிக்கப்படும். மத்திய மின்துறை அமைச்சகத்தின், எரிசக்தி திறனூக்க செயலக (பி.இ.இ.,) உதவியுடன் அமலாகிறது. கடைகளில், 60 ரூபாய் முதல் 90 ரூபாய் வரை விற்கும் தரமான சி.எப்.எல்., பல்புகளை, 15 ரூபாய்க்கு மின் வாரியம் வழங்க முடிவெடுத்துள்ளது. இவ்வாறு அவர் கூறினார்.

       

               சி.எப்.எல்., பல்புகளை மாற்றிய வீடுகளில், குண்டு மற்றும் டியூப் லைட்களுக்கு தடை விதிக்கப்படும். புதிய இணைப்புகள் பெறுவோர், சி.எப்.எல்., பல்புகளை பயன்படுத்த, நிபந்தனை விதிக்கவும் மின் வாரியம் முடிவு செய்துள்ளது.

 

 

 

 

Read more »

முட்டம் பால இணைப்பு சாலைக்கு நில ஆர்ஜிதம்: டி.ஆர்.ஓ., சர்வே

சிதம்பரம்: 

                   முட்டம் பாலம் இணைப்பு சாலை அகலப்படுத்தும் பணிக்கு நில ஆர்ஜிதம் செய்ய சர்வே பணி டி.ஆர். ஓ., நடராஜன் முன்னிலையில் நேற்று நடந்தது. கடலூர் - நாகை மாவட்டத்தை இணைக்கும் வகையில் கடலூர் மாவட்ட எல்லையான காட்டுமன்னார்கோவில் அருகே முட்டம் - மணல் மேடு இடையே நபார்டு உதவியுடன் 48.85 கோடி ரூபாய் செலவில் உயர் மட்ட பாலம் கட்டும் பணி துவங்கியுள்ளது. மண் பரிசோதனை செய்யப்பட்டு கடந்த பிப்ரவரி மாதம் 27ம் தேதி பாலம் கட்ட பூமி பூஜை மற்றும் தளவாட பொருட்கள் கொண்டு செல்ல தற்காலிக சாலைகள் அமைக்கப்பட்டது. அதையடுத்து காட்டுமன்னார்கோவிலில் கடந்த மார்ச் மாதம் 6ம் தேதி நடந்த விழாவில் முட்டம் பாலத்திற்கு உள்ளாட்சித் துறை அமைச்சரும், துணை முதல்வருமான ஸ்டாலின் அடிக்கல் நாட்டினார். பாலம் பணி 12 மாதத்திற்குள் முடிக்க திட்டமிடப்பட்டதையடுத்து தற்போது பணிகள் துரிதமாக நடந்து வருகிறது. முதற்கட்டமாக பில்லர் அமைப்பதற்காக பைல் போடும் பணி நடக்கிறது. இந்நிலையில் பாலத்தையொட்டி முட்டம் கிராமத்தில் இணைப்பு சாலை அகலப்படுத்த கையகப்படுத்தப்பட்ட இடத்தை டி.ஆர்.ஒ., நடராஜன் முன்னிலையில் நேற்று சர்வே பணி நடந்தது. ஆர்.டி.ஓ., ராமராஜ், தாசில்தார் வீரபாண்டியன் உள்ளிட்ட அதிகாரிகள் உடன் இருந்தனர்.

பி.டி.எப் கோப்பாக பதிவிறக்கம் செய்ய

Read more »

சுட்டெரிக்கும் கோடை வெயில்: மர்ம நோய் தாக்கி ஆடுகள் சாவு

கடலூர்:

 

                   சுட்டெரிக்கும் கோடை வெயில் மனிதனை மட்டுமன்றி, ஆடு மாடுகளையும் தாக்குகிறது. இதனால் கடலூர் மாவட்டத்தில் கணிசமான அளவுக்கு ஆடுகள் இறந்துள்ளதாக விவசாயிகள் தெரிவிக்கிறார்கள்.கடலூர் மாவட்டத்தில் சுமார் 32 ஆயிரம் மாடுகள், 80 ஆயிரம் வெள்ளாடுகள், 52 ஆயிரம் செம்மரி ஆடுகள் உள்ளன. ஆடு, மாடுகளுக்கு கோடைக்காலம் வந்துவிட்டால், கோமாரி நோய், அடைப்பான் நோய் மற்றும் குட்டைகளில் தேங்கிக் கிடக்கும் தண்ணீரைக் குடிப்பதால் குடல் புழுக்கள் உருவாகி அதனால் நோய்களும் வருகின்றன. இதற்காக கடந்த 3 ஆண்டுகளாக கால்நடை மருத்துவ முகாம்கள் நடத்தப்பட்டுதடுப்பு ஊசிகள் போடப்பட்டு வருகின்றன. குடல் புழுக்களும் அகற்றப்பட்டு வருகின்றன. இதனால் கோமாரி, அடைப்பான் போன்ற நோய்கள் பெருமளவுக்குக் கட்டுப்படுத்தப்பட்டு உள்ளதாக கால்நடை மருத்துவ அதிகாரிகள் தெரிவிக்கின்றனர். மேலும் அதிக வெப்பம் காரணமாக ஆடுகளுக்கு தோல் சம்பந்தப்பட்ட வியாதிகளும் வருகின்றன. இதனால் ஆடுகள் இறப்பதற்கு அதிக வாய்ப்பு இல்லை என்று தெரிவிக்கிறார்கள்.இந்த ஆண்டு கோடை வெயில் தொடங்கும் போதே வெப்பம் தகிக்கத் தொடங்கி விட்டது. இதனால் ஆடுகளுக்கு தோல் நோய் வேகமாகப் பரவி வருவதாக விவசாயிகள் தெரிவிக்கிறார்கள்.

 

                       இந்த நோய்த் தாக்குதலுக்கு உள்ளாகும் ஆடுகளுக்கு ரோமம் உதிர்ந்து விடுகிறது. வெயில் கடுமை காரணமாக இந்த நோய் தாக்குதலுக்கு உள்ளாகும் ஆடுகளில் நூற்றுக்கு ஒரு ஆடு வீதம் மேய்ச்சலின்போது சுருண்டு விழுந்து, இறந்து விடுவதாக, கடலூர் மாவட்ட ஆடு வளர்க்கும் விவசாயிகள் கூறுகிறார்கள். வெயிலின் கடுமை அதிகரிக்கும்போது இறப்பு விகிதம் மேலும் அதிகரிக்கும் என்றும் விவசாயிகள் அச்சம் தெரிவிக்கிறார்கள். கடலூர் மாவட்டத்தில் முட்டம், பரங்கிப்பேட்டை, முட்லூர், திட்டக்குடி, வெள்ளப்பாக்கம் பகுதிகளில் 25-க்கும் மேற்பட்ட ஆடுகள், பெரும்பாலும் குட்டிகள் தோல்நோய் தாக்கி இறந்து இருப்பதாக விவசாயிகள் கூறுகின்றனர். தேவை தடுப்பூசி 

 

இதுபற்றி மாவட்ட விவசாயிகள் சங்கக் கூட்டமைப்பின் மாவட்ட அமைப்புச் செயலாளர் பி.ரவீந்திரன் கூறுகையில், 

 

                      கோடை வெயில் கடுமையாக இருக்கிறது. மேய்ச்சலுக்குச் செல்லும் ஆடு, மாடுகளுக்குக் குடிக்கத் தண்ணீர் கிடைக்கவில்லை. வாய்க்கால்களில் தண்ணீர் இல்லை. குளம், குட்டைகளில் சிறிதளவு தேங்கிக் கிடக்கும் பாசிபடர்ந்த நீரைக்குடிக்கும் கால்நடைகளுக்கு பல்வேறு வியாதிகள் வருகின்றன. கிராமங்களில் அங்கொன்றும் இங்கொன்றுமாக சில கால்நடைகள் இறந்து இருப்பதாக உழவர் மன்றத் தலைவர்கள் தெரிவிக்கிறார்கள். எனவே கால்நடைகளுக்கு விரைவில் தடுப்பு ஊசிபோட அரசு நடவடிக்கை எடுக்க வேண்டும் என்றார்.

 

இதுகுறித்து கால்நடைத்துறை இணை இயக்குநர் இளங்கோ கூறுகையில்

 

                  ""வெயில் கடுமை தாங்காமல் இத்தகைய தோல் நோய்கள் ஆடுகளுக்கு வருவது உண்டு. ஆனால், இயற்கையாகவே நோய் குணாகி விடும். இறப்பு ஏற்பட வாய்ப்பு இல்லை. எனினும் இதுகுறித்து நோய் புலனாய்வுப் பிரிவு மூலம் ஆய்வு செய்து, தகுந்த நடவடிக்கை எடுக்கப்படும்'' என்றார்.

 

3 லட்சம் டோஸ் நோய் புலனாய்வுப் பிரிவு உதவி இயக்குநர் நடேசன் கூறுகையில், 

 

                   ""கோடை வெயில் அதிகரித்து ஆடு, மாடுகள் குட்டைகளில் தேங்கிக் கிடக்கும் நீரைக் குடிக்க நேரிடுவதால் பல நோய்கள் வருகின்றன. தோல் நோய் பெரும்பாலும் தானாகவே குணமாகிவிடும். கோடைக் காலத்தில் கால்நடைகளுக்கு வரும் நோய்களைக் கட்டுப்படுத்த, கடலூர் மாவட்டத்துக்கு 3 லட்சம் டோஸ் தடுப்பு ஊசி மருந்து வர இருக்கிறது. விரைவில் முகாம்கள் நடத்தி தடுப்பூசி போடப்படும்'' என்றார்.

பி.டி.எப் கோப்பாக பதிவிறக்கம் செய்ய

Read more »

முட்டம் கொள்ளிடம் ஆற்றில் பாலம் கட்டும் பணி துவங்கியது

சிதம்பரம் : 

                      காட்டுமன்னார்கோவில் அருகே முட்டம் - மணல்மேடு இடையே கொள்ளிடம் ஆற்றில் 48.88 கோடி ரூபாய் மதிப்பில் உயர்மட்ட பாலம் கட்ட பில்லர் அமைக்கும் பணி துவங்கியது. கடலூர் - நாகை மாவட்டத்தை இணைக்கும் வகையில் கடலூர் மாவட்ட எல்லையான காட்டுமன்னார்கோவில் அருகே முட்டம் - மணல்மேடு இடையே நபார்டு உதவியுடன் 48.85 கோடி ரூபாய் செலவில் பாலம் கட்ட நிதி ஒதுக்கீடு செய்யப்பட்டது.பாலம் அமைய உள்ள ஆற்றின் இரு பகுதியிலும் இணைப்பு சாலைக்காக தனியாரிடமிருந்து நிலம் ஆர்ஜிதம் செய்யப்பட்டது. பாலம் கட்டும் இடத்தில் மண் பரிசோதனை செய்யப்பட்டு கடந்த பிப். 27ம் தேதி பூமி பூஜை மற்றும் தளவாட பொருட்கள் கொண்டு செல்ல தற்காலிக சாலைகள் அமைக்கப்பட்டது.

                காட்டுமன்னார்கோவிலில் கடந்த மாதம் 6ம் தேதி நடந்த விழாவில் முட்டம் பாலத்திற்கு துணை முதல்வர் ஸ்டாலின் அடிக்கல் நாட்டினார். பாலம் பணி 12 மாதத்திற்குள் முடிக்க திட்டமிடப்பட்டதையடுத்து தற்போது பணிகள் துரிதமாக நடந்து வருகிறது. முதல் கட்டமாக ஆற்றின் கரை பகுதியில் பில்லர் அமைப்பதற்காக பைல் போடப்பட்டு வருகிறது.

downlaod this page as pdf

Read more »

பெண்ணாடம் மேம்பாலம் மாற்றுப் பாதையில் கனரக வாகனங்கள் செல்ல அனுமதி இல்லை

திட்டக்குடி : 

                 பெண்ணாடம் மேம்பாலம் கட்டுமான பணிக்காக அமைக்கப்படும் மாற்றுப் பாதையில் ஆலைகளின் கனரக வாகனங்கள் செல்ல அனுமதி இல்லை என கோட்டப்பொறியாளர் தெரிவித்தார்.

                   கடலூர் மாவட்டம் பெண்ணாடம் அடுத்த இறையூர் ரயில்வே கேட் டில் 18 கோடி மதிப் பீட்டில் மேம்பாலம் அமைக்கும் பணி துவங்கி, நடந்து வருகின்றது. இப்பணியினை கடலூர், விழுப்புரம், திருவண்ணாமலை மாவட்டங்களில் மேம்பால கட்டுமான பணிகளின் (திட்டம்) கோட்ட பொறியாளர் செல்வம் நேற்று காலை நேரில் ஆய்வு மேற்கொண்டார்.

பின்னர் மேம்பால கட்டுமான பணிகளின் (திட்டம்) கோட்ட பொறியாளர் செல்வம்   கூறியதாவது: 

           கடலூர் ரயில்வே கேட் அருகில் 7.8 கோடி ரூபாயில் சுரங்கப் பாதை, பச்சையாங்குப்பத்தில் 9.8 கோடியில் மேம்பாலம், விருத்தாசலத்தில் ஜங்ஷன் சாலையில் 14 கோடியிலும், உளுந்தூர்பேட்டை சாலையில் 24 கோடியிலும் மேம்பாலம், உளுந்தூர் பேட்டை ரயில்வே கேட்டில் 21 கோடியிலும், திண்டிவனத்தில் 7.8 கோடியிலும், முட்டம் உயர் மட்ட பாலம் அமைக்கும் பணி 49 கோடி என மொத்தமாக 151.4 கோடி மதிப்பீட்டில் நடைபெறும் பணிகளை பார்வையிட்டு வருகிறேன்.

                    பெண்ணாடம் அடுத்த இறையூர் ரயில்வே கேட் மேம்பாலம் ஆயிரத்து 79 மீட்டர் தூரத்தில் பொன்னேரி தோமையார் சர்ச் முதல் இறையூர் மத்திய கூட்டுறவு வங்கி வரை அமைய உள்ளது. மாட்டு வண்டிகள் செல்வதற்காக பிரத்யே கமாக சாலை அமைக்கப்பட மாட்டாது. ரயில்வே கேட்டின் நான்கு புறமும் சர்வீஸ் ரோடு அமைக்கப்படும். வாகனங்கள் மேம்பாலத்தில் ஏறி, இறங்கி செல்ல முடியுமே தவிர ரயில்வே கேட்டை கடக்க முடியாது. வாகனங்கள் எளிதாக செல்லும் வசதியுடன் மேம்பாலம் அமைக் கப்படும்.இப்பணிகளுக்காக ஒரு மாதத்திற்குள் விருத்தாசலம் - தொழுதூர் நெடுஞ் சாலையில் போக்குவரத்து மாற்றம் செய்யப்படும். பாலத்திற்கு அருகாமையில் ஒரு தற்காலிக சாலையும், கிராமப்புறங்களின் வழியாக ஒரு சாலை என ஒருவழிப்பாதையாக மாற்றம் செய்யப்பட உள்ளது. இவ்வழியாக சிமெண்ட் ஆலைகளுக்கு செல்லும் கனரக வாகனங்கள் செல்ல அனுமதி கிடையாது. பணிகளின் விபரம் குறித்து கட்டுமான நிர்வாகம் உடனடியாக போர்டு வைத்திட உத்தரவிட் டுள்ளேன். இவ்வாறு தெரிவித்தார்.

downlaod this page as pdf

Read more »

காட்டுமன்னார்கோவிலில் இன்று மின் நிறுத்தம்

சிதம்பரம்: 

                   காட்டுமன்னார்கோவில் பகுதிகளில் இன்று (25ம் தேதி) மின் நிறுத்தம் செய்யப்படுகிறது.காட்டுமன்னார்கோவில் துணை மின் நிலையத்தில் இன்று பராமரிப்பு பணி நடக்கிறது. இதன் காரணமாக இன்று காலை 9 மணி முதல் மாலை 6 மணிவரை காட்டுமன்னார்கோவில், லால் பேட்டை, பழஞ்சநல்லூர், குருங்குடி, கண்டமங்கலம், வீரானந்தபுரம், நாட்டார்மங்கலம், மோவூர், ஆயங்குடி, கஞ்சங்கொல்லை, முட்டம், டி.புத்தூர், டி.நெடுஞ்சேரி, விளாகம், விருதாங்கநல்லூர், கந்தகுமரன், மதுராந்தகநல்லூர், குமராட்சி, பருத்திக்குடி, அரசூர், வெள்ளூர், வெண்ணையூர் மற்றும் அதனை சுற்றியுள்ள பகுதியில் மின்சாரம் நிறுத்தப்படுகிறது. இத்தகவலை சிதம்பரம் கோட்ட மின்வாரிய செயற்பொறியாளர் செல்வசேகர் தெரிவித்துள்ளார்.

Read more »