உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




யோகா பயிற்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
யோகா பயிற்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், மே 25, 2011

கடலூர் அண்ணா விளையாட்டு அரங்கத்தில் நடைபெற்று வந்த கோடைகால இலவச விளையாட்டு பயிற்சி முகாம் நிறைவு விழா




நிறைவு விழாவில், யோகா பயிற்சி செய்து காண்பிக்கும் சிறுவர்கள். தமிழ்நாடு விளையாட்டு மேம்பாட்டு ஆணையம் சார்பில் கடலூரில் 20 நாள்கள் நடந்த கோடைகால இலவச விளையாட்டு பயிற்சி முகாம் நிறைவு விழா
கடலூர்:
 
        தமிழ்நாடு விளையாட்டு மேம்பாட்டு ஆணையம் சார்பில், கடலூர் அண்ணா விளையாட்டு அரங்கத்தில் நடைபெற்று வந்த, கோடைகால இலவச விளையாட்டு பயிற்சி முகாம் நிறைவு விழா ஞாயிற்றுக்கிழமை நடந்தது.  
 
              கடந்த 2-ம் தேதி முதல் நடைபெற்ற பயிற்சி முகாமில் சிறுவர் சிறுமியர் 160 பேர் கலந்து கொண்டனர். இதுதவிர கடலூர் மாவட்டத்தில் நடந்த பல்வேறு விளையாட்டுப் போட்டிகளில் முதல் 3 இடங்களைப் பெற்ற வீரர்கள் வீராங்கனைகள் 120 பேர் உணவு மற்றும் தங்கும் வசதியுடன் அண்ணா விளையாட்டு அரங்கத்தில் தங்கி சிறப்புப் பயிற்சி பெற்றனர்.  மாவட்ட விளையாட்டு அலுவலர் கோ.திருமுகம் தலைமையில் சிறந்த பயிற்சியாளர்கள் இந்தப் பயிற்சிகளை அளித்தனர்.  பயிற்சி முகாமில் பங்கேற்றவர்களுக்கு முட்டை, பால் வழங்கப்பட்டது.  
 
             பயிற்சி முகாம்கள் நிறைவு விழா ஞாயிற்றுக்கிழமை அண்ணா விளையாட்டு அரங்கத்தில் நடந்தது. விழாவுக்கு மாவட்ட சமூகநல அலுவலர் ஆர். புவனேஸ்வரி தலைமை தாங்கி பயிற்சிகளில் பங்கேற்றவர்களுக்குச் சான்றிதழ்களையும் சீருடைகளையும் வழங்கினார்.  மேலும் மாநிலங்களுக்கு இடையேயான விளையாட்டுப் போட்டிகளில் வெற்றி பெற்ற கடலூர் மாவட்ட மாணவ, மாணவியருக்குத் தலா ரூ. 5 ஆயிரம் மற்றும் பல்கலைக்கழகங்களுக்கு இடையேயான போட்டிகளில் வெற்றி பெற்ற கடலூர் மாவட்ட மாணவ, மாணவியருக்குத் தலா 6500 வீதம் 22 பேருக்கு ரொக்கப் பரிசுகளையும் புவனேஸ்வரி வழங்கினார்.  யோகா பயிற்சி பெற்றவர்கள் யோகாசனங்கள் செய்து காண்பித்தனர். விளையாட்டுப் பயிற்சியாளர்கள் பலரும் கலந்து கொண்டனர்.
 
 
 

Read more »

சனி, ஏப்ரல் 30, 2011

புதிய தலைமுறை அறக்கட்டளை சார்பில் நெய்வேலியில் யோகா பயிற்சி முகாம்

புதிய தலைமுறை அறக்கட்டளை மற்றும்  புதிய  தலைமுறை  மாத  இதழ் சார்பில் நெய்வேலியில் 5 நாள்  யோகா பயிற்சி முகாம் நடைபெற உள்ளது.

 பயற்சி  நடைபெறும்  நாள் :

மே 6, 2011 முதல் மே 10, 2011வரை 

இடம் : 

Seventh Day Matriculation School, 
A .K .S Nagar,
Kangaikondan, 
Neyveli - 2

நேரம் :

  காலை நேர பயிற்சி  - 6.00 மணியில் இருந்து 7.00 மணிவரை 
  மாலை நேர பயிற்சி - 5.00 மணியில் இருந்து 6.30 மணிவரை

பயிற்சி கட்டணம் :

ரூபாய் 200 /- மட்டும் ( ஒரு நபருக்கு )

முன்பதிவு செய்ய கடைசி நாள் :

மே 4, 2011

விதிமுறைகள் :

சரியான நேரத்திற்கு பயிற்சிக்கு வரவேண்டும் 
தொடர்ச்சியாக பயிற்சிக்கு வரவேண்டும் 
முறையான உடை அணிந்து வரவேண்டும் 

யோகா பயிற்சியின் பலன்கள்

ஞாபக சக்தி அதிகரிக்கும்
கற்றல் திறன் அதிகரிக்கும்
மனதை ஒருமுகப்படுத்தும் 
கவலை மற்றும் மன அழுத்தம் குறையும் 
கவனிக்கும் ஆற்றல் அதிகரிக்கும் 
உடல் மற்றும் மனம் பலம் பெரும்

முன்பதிவிற்கு தொடர்பு கொள்ள 


இரா. பாரதிதாசன் 
நிகழ்ச்சி ஒருங்கிணைப்பாளர் 
கடலூர் மாவட்டம் 
புதிய தலைமுறை அறக்கட்டளை
கைபேசி எண்: 8754417304

கவனிக்க :


****முதலில் முன்பதிவு செய்யும் 120 நபர்களுக்கு முன்னுரிமை வழங்கப்படும், அவற்றில் காலை வகுப்பில் 60 நபருக்கும் மாலை வகுப்பில் 60 நபருக்கும் அனுமதி அளிக்கப்படும். 











Read more »

சனி, ஜூலை 03, 2010

சிதம்பரம் அண்ணாமலைநகர் ராணி சீதை ஆச்சி மேல்நிலைப் பள்ளியில் மாணவர்களுக்கு யோகா பயிற்சி


சிதம்பரம்:
 
              சிதம்பரம் அண்ணாமலைநகர் ராணி சீதை ஆச்சி மேல்நிலைப் பள்ளியில் 6,7,8ம் வகுப்புகளில் பயிலும் மாணவர்களுக்கு யோகா பயிற்சி வழங்கப்படுகிறது. இதற்கான தொடக்க விழா வெள்ளிக்கிழமை நடைபெற்றது. தலைமை ஆசிரியர் ஆர்.தர்பாரண்யன் பயிற்சியைத் தொடங்கி வைத்துப் பேசினார். அண்ணாமலைப் பல்கலைக்கழக யோகா ஆய்வு மைய ஆசிரியை டி.சுடர்விழி மாணவ, மாணவியர்களுக்கு பயிற்சி அளித்தார். உடற்கல்வி இயக்குநர் எஸ்.பிரபாகர் முன்னிலை வகித்தார். ஆசிரியர் வி.முருகையன் நன்றி கூறினார்.

Read more »

திங்கள், மார்ச் 08, 2010

கடலூர் ரோட்டரி அரங்கில் டாக்டர்களுக்கு யோகா பயிற்சி

கடலூர்;

           இந்திய மருத்துவச் சங்கம் சார்பில் டாக்டர்களுக்கான ஒருநாள் யோகா பயிற்சி முகாம் கடலூர் ரோட்டரி அரங்கில் நடந்தது. இந்திய மருத்துவச் சங்கம் சார்பில் டாக்டர்களுக்கான ஒருநாள் யோகா பயிற்சி முகாம், கடலூர் பீச் ரோட்டில் உள்ள ரோட் டரி அரங்கில் நடந்தது. நிகழ்ச்சிக்கு இந்திய மருத்துவச் சங்க தலைவர் டாக்டர் சந்திரன், செயலாளர் டாக்டர் சீனுவாசன், ரோட்டரி சங்க தலைவர் டாக்டர் கோவிந்தராஜ் முன்னிலை வகித்தனர்.

                 நிகழ்ச்சிக்கு பேராசிரியை ஜெயந்தி ரவிச்சந்திரன் தலைமை தாங்கி குத்துவிளக்கேற்றி யோகா பயிற்சியை துவக்கி வைத்தார். சென்னை சத்தியாநந்தா யோகா மையத்தை சேர்ந்த ஜெயகோபால் பயிற்சி அளித்தார். அதில் ஆசனா, பிரமாயாமா, யோகநித்ரா ஆகிய பயிற்சிகள் அளிக் கப்பட்டது. முகாமில் 30 டாக்டர்கள் பங்கேற்றனர்.

Read more »

நண்பர்களோடு பகிர்ந்து கொள்ள

Country wise Vistior