உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




விடுதலைச் சிறுத்தைகள் கட்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
விடுதலைச் சிறுத்தைகள் கட்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், டிசம்பர் 21, 2011

முல்லை பெரியாறு அணை பிரச்னை: விடுதலை சிறுத்தைகள் கட்சியினர் கடலூரில் ஆர்ப்பாட்டம்

 
 http://mmimages.mmnews.in/Articles/2011/Dec/b316b2c5-6651-4209-9469-fb62c17b59a8_S_secvpf.gif
 
கடலூர்:

     முல்லை பெரியாறு அணை பிரச்சினையால் கேரளாவில் வசிக்கும் தமிழர்கள் தாக்கப்பட்டனர். அதையடுத்து தமிழகத்தில் பல இடங்களில் கேரள நிறுவனங்கள் மற்றும் கடைகள் மீது தாக்குதல் நடத்தப்பட்டது. திங்கட்கிழமை  கடலூர் லாரன்ஸ் சாலையில் கேரள மாநிலத்திற்கு சொந்தமான நகைக்கடையை சிலர் முற்றுகையிட போவதாக போலீசாருக்கு தகவல் வந்தது. உடனே அந்த பகுதியில் கடலூர் துணை போலீஸ் சூப்பிரண்டு வனிதா தலைமையில் ஏராளமான போலீசார் குவிக்கப்பட்டனர்.  

         போலீஸ் பாதுகாப்பையும் மீறி விடுதலை சிறுத்தைகள் கட்சியின் மாவட்ட துணை செயலாளர் அறிவுடைநம்பி தலைமையில் சுமார் 50 பேர் அந்த நகை கடையை முற்றுகையிட முயற்சித்தனர். போலீசார் அவர்களை தடுத்து நிறுத்தி கைது செய்து வேனில் ஏற்றினர்.  அந்த நேரத்தில், நாம் தமிழர் கட்சியினர் சுமார் 30 பேர் அந்த நகை கடையை முற்றுகையிட கோஷம் போட்டுக்கொண்டே ஓடிவந்தனர். சுதாரித்த போலீசார் அவர்களை தடுத்து நிறுத்தினர். உடனே நாம் தமிழர் கட்சியினருக்கும் போலீசாருக்கும் இடையே வாக்குவாதம் உருவானதால் பரபரப்பு ஏற்பட்டது. பின்னர் நகைக்கடை முற்றுகைக்கு முயன்ற நாம் தமிழர் கட்சியினர் 30 பேர் கைது செய்யப்பட்டனர்.
 
 
 
 
 
 
 
 
 
 
 

Read more »

வெள்ளி, மே 06, 2011

கடலூரில் விடுதலை சிறுத்தைகள் கட்சியினர் சார்பில் கண்டன ஊர்வலம்

 

ராஜபக்சே கொடும்பாவி எரிப்பு; 

விடுதலை சிறுத்தைகள் போராட்டம்

கடலூர்:

              இலங்கை அதிபர் ராஜபக்சேவை கைது செய்ய கோரி கடலூரில் விடுதலை சிறுத்தைகள் கட்சியினர் சார்பில் கண்டன ஊர்வலம் நடைபெற்றது. இதற்கு மாவட்ட செயலாளர் திருமாறன் தலைமை தாங்கினார். துணை செயலாளர்கள் அறிவுடைநம்பி, செல்லப்பன், ராஜாமுகமது, கதிரவன், பொருளாளர் அன்பழகன், செய்தி தொடர்பாளர் ஆதவன், நகர செயலாளர் பாவணன் ஆகியோர் முன்னிலை வகித்தனர்.

              இதில் இலங்கை அதிபர் ராஜபக்சேவின் படத்தினை வைத்து அவருக்கு சவப்பாடைகட்டி, தாரை தப்பட்டையுடன் ஊர்வலமாக எடுத்து வந்தனர். கடலூர் உழவர் சந்தையில் இருந்து ஊர்வலம் தொடங்கி அண்ணாபாலம், புதுநகர் காவல் நிலையம் வழியாக மாவட்ட கலெக்டர் அலுவலகம் அருகே வந்து முடிந்தது. பாரதிசாலை அருகே ராஜபக்சேவின் கொடும்பாவி எரிக்கப் பட்டது. ஊர்வலத்தில் மாநில நிர்வாகிகள் திருமார்பன், பன்னீர்செல்வம், அணிகளின் மாவட்ட செய லாளர்கள் நாகவேந்தன், அரச்செல்வன், புரட்சி வேந்தன், மருதமுத்து, செந்தமிழ்செல்வன், காத்தவராயன், அறவாழி, ரகு, மற்றும் அறிவு உட்பட பலர் கலந்து கொண்டனர். முடிவில் கடலூர் ஒன்றிய அமைப்பாளர் ஜித்தன் நன்றி கூறினார்

Read more »

வெள்ளி, ஏப்ரல் 08, 2011

கடலூர் சட்டமன்றத் தொகுதி தி.மு.க.வேட்பாளர் புகழேந்தியை ஆதரித்து திருமாவளவன் பிரச்சாரம்






கடலூர்:

              ஒரே அணியில் பா.ம.க - வி.சி., கட்சி இடம் பெற முதல்வர் கருணாநிதி வாய்ப்பு வழங்கியுள்ளார்,'' என திருமாவளவன் பேசினார்.

கடலூர் தொகுதி தி.மு.க., வேட்பாளர் புகழேந்தியை ஆதரித்து நேற்று முன்தினம் இரவு, கடலூர் மஞ்சக்குப்பத்தில் அவர் பேசியது:

             விடுதலை சிறுத்தைகள் கட்சிக்கு அங்கீகாரம், சொந்த சின்னம் கிடைக்க வேண்டும் என்பதற்காக தி.மு.க., தலைமையிலான கூட்டணியில் 10 தொகுதிகளை ஒதுக்க வேண்டுமென முதல்வரிடம் கோரிக்கை வைத்தேன். வி.சி., போட்டியிடும் தொகுதிகளில் முதல்வர் கருணாநிதி, துணை முதல்வர் ஸ்டாலின், பா.ம.க., ராமதாஸ், கனிமொழி எம்.பி., ஆகியோர் பிரசாரம் மேற்கொள்கின்றனர்.
 
              பா.ம.க., வேட்பாளருக்கு ஆதரவாக மாம்பழம் சின்னத்தில் ஓட்டளிக்க நானும், வி.சி., வேட்பாளர்களுக்கு மெழுகுவர்த்தி சின்னத்தில் ஓட்டளிக்க பா.ம.க., நிறுவனர் ராமதாசும் பிரசாரம் செய்கிறோம். பா.ம.க., - வி.சி., இணையுமா என்று 10 ஆண்டுகளுக்கு முன் நினைத்திருப்போமா. பா.ம.க., - வி.சி., ஒரே அணியில் இடம் பெற முதல்வர் கருணாநிதி வாய்ப்பு வழங்கியுள்ளார்.
 
             எனவே, முதல்வர் கருணாநிதியை மீண்டும் ஆட்சியில் அமர்த்த வேண்டும். தி.மு.க., ஆட்சியில் குடிசை வீடுகள் கான்கிரீட் வீடுகளாக மாற்றும் திட்டம் நடைமுறையில் உள்ளது. கருணாநிதி மீண்டும் முதல்வரானால், கூரை வீடுகள் கான்கிரீட் வீடுகளாக மாற்றப்படும். இவ்வாறு திருமாவளவன் பேசினார். 

Read more »

வியாழன், ஏப்ரல் 07, 2011

காட்டுமன்னார்கோவில் சட்டமன்றத் தொகுதியில் யாருக்கு வெற்றி வாய்ப்பு

           வீராணம் ஏரி பாசனத்தின் மூலம் விவசாயத்தையே நம்பி வாழும் அதிக மக்கள் கொண்ட தொகுதி காட்டுமன்னார்கோவில். 

              இத் தொகுதியில் விடுதலைச் சிறுத்தைகள் கட்சி சார்பில் அக் கட்சியின் பொதுச் செயலாளரும், எழுத்தாளரும், பேச்சாற்றல் மிக்கவரும், தற்போதைய எம்.எல்.ஏ.வுமான துரை.ரவிக்குமார் போட்டியிடுகிறார். அவரை எதிர்த்து அரசு பணியில் இருக்கும் உள்ளூர் வேட்பாளரான அதிமுக வேட்பாளர் நாக.முருகுமாறனுக்கும் இடையேதான் போட்டி நிலவுகிறது. தமிழக முதல்வரிடம் துரை.ரவிக்குமார் நெருக்கமாக இருந்த காரணத்தால் 5 ஆண்டுகளில் தொகுதிக்கு பல நூறு கோடி மதிப்பிலான பல்வேறு நல திட்டப் பணிகள் கொண்டு வந்தாலும் மக்களை சந்திக்கவில்லை என்ற புகார் எழுந்துள்ளது. 

               கட்சியினரை சந்திக்கவில்லை என்ற அதிருப்தியுடன் தேர்தல் களத்தில் இறங்கி அதை தற்போது சரிசெய்து தீவிரமாக பிரசாரத்தில் ஈடுபட்டுள்ளார். ரவிக்குமாருக்காக பாமக நிறுவனர் ராமதாஸ், திருமாவளவன், வன்னியர் சங்கத் தலைவர் காடுவெட்டி குரு, மாநிலங்களவை உறுப்பினர் கனிமொழி ஆகியோர் பிரசாரம் செய்துள்ளனர். துரை.ரவிக்குமார் மீதான அதிருப்தியை பயன்படுத்தியும், மக்களிடம் ஆட்சி மாற்றம் தேவை என்ற எண்ணத்தை கொண்டும் அதிமுக வேட்பாளர் நாக.முருகுமாறன் தீவிரமாக தேர்தல் பணியாற்றி வருவதால் இருவருக்கும் இடையே கடும் போட்டி நிலவுகிறது. 

             இத்தொகுதியில் ஆதிதிராவிடர் மக்களால் பெரிதும் மதிக்கப்பட்ட மறைந்த சமுதாயத் தலைவர் எல். இளையபெருமாளின் மகன் மருத்துவர் எல்.இ.நந்தகுமார், விடுதலைச் சிறுத்தைகள் கட்சியில் தனக்கு சீட் கொடுக்கப்படாததால் சுயேச்சையாக இத் தொகுதியில் போட்டியிடுகிறார். இவர் யாருடைய வாக்குகளை பிரிப்பார் என்பதை பொறுத்தே மற்ற இருவரில் யார் வெற்றி பெறுவார் என்பதை கணிக்க முடியும் என அரசியல் பார்வையாளர்கள் கருத்து தெரிவிக்கின்றனர்.

Read more »

வெள்ளி, ஜனவரி 07, 2011

கடலூர் மாவட்டத்தில் 60 கிராமங்களில் கலவரம் ஏற்படும் அபாயம் : வி.சிறுத்தைகள் மனு

கடலூர்:
  
கடலூர் மாவட்ட விடுதலை சிறுத்தைகள் கட்சியின் செயலாளர் திருமாறன் கலெக்டர் மற்றும் போலீஸ் சூப்பிரண்டிடம் கொடுத்து உள்ள மனுவில் கூறி இருப்பது:-

            கடலூர் மாவட்ட குறிப்பிட்ட பகுதிகளில் தொடர்ந்து பல வருடங்களாக பண்டிகை காலங்களில் சிறு சிறு பிரச்சினைகள் ஏற்பட்டு தொடர்ச்சியாக கலவரங்கள், ஜாதி மோதல்கள் நிகழ்ந்து வருகிறது. அத்தகைய நிகழ்வுகள் ஏற்படாத வண்ணம் பண்டிகை. திருவிழா நிகழ்ச்சிகள் அமைதியாக முறையில் அமைய வேண்டும் என்பது விடுதலை சிறுத்தைகள் கட்சியின் எதிர்பார்ப்பாக இருந்து வருகிறது.

           தமிழர்களின் முக்கிய பண்டிகையும், தமிழர் திருநாளாக கொண்டாடப்பட்டு வரும் புத்தாண்டு தினமாக தைப்பொங்கல், உழவர் திருநாள், திருவள்ளுவர் தினம் மற்றும் காணும் பொங்கல் ஆகிய விழா நாட்கள் கொண்டாடப்பட இருக்கின்றது.   மேற்கண்ட நாட்களில் கடலூர் மாவட்டத்தில் 60 கிராமங்களில் கலவரம், ஜாதி மோதல்கள் ஏற்படும் நிலை உள்ளது. 
 
                 அதாவது விருத்தாசலம் ஒன்றியம் விளாங்காட்டூர், படுகளாநத்தம், தொரவள்ளூர், கோ.மங்கலம், ராஜேந்திரபட்டினம், இருளக்குறிச்சி, பழையபட்டினம், கார்மாங்குடி, தர்மநல்லூர், கார்கூடல், கோ.ஆதனூர், நல்லூர், கல்லூர், ( ஆவட்டி குறுக்குசாலை) புவனகிரி ஒன்றியம் வத்தராயன் தெத்து, முகந்தெரியான் குப்பம், வடக்குதிட்டை, சி.முட்லூர், மேலமூங்கிலடி, மஞ்சக்கொல்லை உள்ளிட்ட 60 கிராமங்களில் இந்த நிலை ஏற்படும்.

                எனவே தாங்கள் இந்த முறை மிகுந்த கவனத்துடன் தக்க நடவடிக்கை எடுத்து பாதுகாப்பை பலப்படுத்த வேண்டும். பொங்கல் திருவிழா மற்றும் அதனை தொடர்ந்து வருகின்ற விழா நாட்கள் அனைத்தும் எந்த வித பிரச்சினையும் இன்றி சுமூகமாகவும், அமைதியாகவும், சமூக நல்லிணக்கத்துடனும் கொண்டாடப்படுவதை உறுதிபடுத்த வேண்டுகிறேன். 
இவ்வாறு அந்த கோரிக்கை மனுவில் கூறி உள்ளார்.

Read more »

புதன், டிசம்பர் 29, 2010

சிதம்பரம் அருகே விடுதலை சிறுத்தைகள் பேனர்கள் கிழிப்பு


சிதம்பரம் அருகே பேனர்கள் கிழிப்பு;

 

 விடுதலை சிறுத்தைகள் சாலை மறியல்;

 

 கடைகள் அடைப்பு

சிதம்பரம்:

             சிதம்பரத்தை அடுத்த புதுசத்திரம் அருகே உள்ள பெரியபட்டு கிராமத்தில் விடுதலை சிறுத்தைகள் கட்சி சார்பில் பேனர்கள் வைக்கப்பட்டிருந்தன.

              நேற்று இரவு மர்ம கும்பல் விடுதலை சிறுத்தைகளின் 4 பேனர்களை கிழித்து சேதப்படுத்திவிட்டு தப்பியது. இன்று காலையில் அதனையறிந்த அந்த கட்சியினர் ஆத்திரமடைந்தனர்.   உடனே அவர்கள் சிதம்பரம் சாலையில் மறியலில் ஈடுபட்டனர். இதனால் அந்த பகுதியில் போக்குவரத்து பாதிக்கப்பட்டது. கடைகளும் அடைக்கப்பட்டன.

                இது குறித்து தகவல் அறிந்தவுடன் புதுசத்திரம் போலீசார் அப்பகுதிக்கு விரைந்தனர். போராட்டத்தில் ஈடுபட்ட விடுதலை சிறுத்தைகள் கட்சியினரிடம் சமாதான பேச்சு வார்த்தை நடத்தி மறியலை கைவிட செய்தனர். சிதம்பரத்தை அடுத்த புதுசத்திரம் அருகே உள்ள பெரியபட்டு கிராமத்தில் விடுதலை சிறுத்தைகள் கட்சி சார்பில் பேனர்கள் வைக்கப்பட்டிருந்தன.  நேற்று இரவு மர்ம கும்பல் விடுதலை சிறுத்தைகளின் 4 பேனர்களை கிழித்து சேதப்படுத்திவிட்டு தப்பியது. இன்று காலையில் அதனையறிந்த அந்த கட்சியினர் ஆத்திரமடைந்தனர்.

Read more »

புதன், டிசம்பர் 22, 2010

வெள்ள நிவாரணம் வழங்காவிட்டால் கலெக்டர் அலுவலகம் முன்பு போராட்டம்; விடுதலை சிறுத்தைகள் அறிவிப்பு

நெய்வேலி:

             நெய்வேலி புதுநகர் 27-வது வட்டம் தொழிலாளர் விடுதலை முன்னணி அலுவலகத்தில் விடுதலை சிறுத்தைகள் கட்சியின் நகர செயற்குழு கூட்டம் நடந்தது.

            நகர அமைப்பாளர் முருகன் தலைமை தாங்கினார். கிழக்கு நகர செயலாளர் அன்பழகன், தெற்கு நகர செயலாளர் பாண்டியன், மேற்கு நகர செயலாளர் தணிகாசலம் ஆகியோர் முன்னிலை வகித்தனர். மாவட்ட செயலாளர் திருமாறன், மாவட்ட பொருளாளர் அன்பழகன், சமூக நல்லிணக்க பேரவை மாவட்ட செயலாளர் துரை.மருதமுத்து, நகர துணை செயலாளர்கள் சுரேஷ், பாட்ஷாபன்னீர், முருகன், ரமேஷ், பூசைமணி, புரட்சிபாலா மற்றும் பலர் கலந்து கொண்டனர். 
 
கூட்டத்தில் கீழ்கண்ட தீர்மானங்கள் நிறைவேற்றப்படன.

*வருகிற 26-ந் தேதி சென்னையில் நடைபெறும் தமிழர் இறையாண்மை மாநில மாநாட்டில் சுமார் 1000-க்கும் அதிகமான வாகனங்களில் பங்கெடுப்பது.

*இலங்கை குடியிருப்பு பகுதி மக்களுக்கு வெள்ள நிவாரணத்தொகை அளிக்காவிட்டால் மாவட்ட கலெக்டர் அலுவலகம் முன்பு போராட்டம் நடத்துவது.

*கட்சி உறுப்பினர்கள் சேர்ப்பது ஆகிய தீர்மானங்கள் நிறைவேற்றப்பட்டன.
 
முடிவில் ராசா நன்றி கூறினார்.

Read more »

சனி, டிசம்பர் 04, 2010

சட்டசபை தேர்தலில் தி.மு.க. கூட்டணி அமோக வெற்றிபெறும்; திருமாவளவன் பேட்டி

  சட்டசபை தேர்தலில் தி.மு.க. கூட்டணி அமோக வெற்றிபெறும்;
 
 திருமாவளவன் பேட்டி

 
சிதம்பரம்:

விடுதலை சிறுத்தை கட்சி தலைவர் திருமாவளவன் சிதம்பரத்தில்  அளித்த. அப்போது
பேட்டி:

தொடர்ந்து 3 வார காலமாக பாரதிய ஜனதா, அ.தி.மு.க. உள்ளிட்ட எதிர்க் கட்சிகள் பாராளுமன்றத்தை முடக்கி உள்ளன. முன்னாள் மத்திய மந்திரி ராசா பதவி விலகிய பிறகும் வழக்கு விசாரணை உச்சநீதிமன்றத்தில் இருக்கும் போதும், சி.பி.ஐ. விசாரித்து வரும் நிலையிலும், நாடாளுமன்றத்தை நடத்த விடாமல் முடக்குவது மக்கள் விரோத செயலாகும்.

               நாடாளுமன்ற கூட்டுக் குழு விசாரணை குறித்து நாடாளுமன்றத்தில் இரு அவையில் விவாதிக்கலாம் என்று கூறியபோதும் அவையை எதிர்க்கட்சிகள் முடக்கி இருப்பது ஜனநாயக விரோத செயல். மத்திய மந்திரிகள் பிரமோத் மகாஜன், அருண் ஜோரி ஆகியோர் என்ன நடவடிக்கையை பின்பற்றினார்களோ, அதையே ராசாவும் பின்பற்றியதாக அரசு தரப்பில் நீதிமன்றத்தில் கூறப்பட்டுள்ளது.

                 பாரதிய ஜனதா ஆட்சியில் நடந்த முறைகேடுகள் குறித்து எதிர்க்கட்சிகள் வாய் திறக்காதது ஏன்? பாரதிய ஜனதா, ஜெயலலிதா, சுப்பிர மணியசாமி ஆகியோர் ராசாவை தனிமைப்படுத்தி பழிவாங்க துடிக்கின்றனர். ஊழல் செய்தவர்கள் யாராக இருந்தாலும் தண்டிக்கப்பட வேண்டும் என்பது விடுதலை சிறுத்தைகள் கட்சியின் கருத்து. ஆனால் அருண்ஜோரிக்கு ஒரு நீதி, ராசாவுக்கு ஒரு நீதியா? இவர்களின் போக்கு தலித் விரோத போக்கு.

                    வருகிற சட்டசபை தேர்தலில் தி.மு.க. கூட்டணி மகத்தான வெற்றி பெறும். விடுதலை சிறுத்தை கட்சி தேர்தல் ஆணையத்தின் அங்கீகாரத்தை பெறும் வகையில் தேர்தலில் வெற்றி பெறும். தி.மு.க. கூட்டணிக்கு எந்த கட்சிகள் வந்தாலும் வரவேற்கிறோம். கூட்டணியில் எந்த கட்சியை சேர்ப்பது என்பது குறித்து முதல்-அமைச்சர் தான் முடிவு செய்வார். கடலூர் மாவட்டத்தில் 9 தொகுதிகளில் தி.மு.க. கூட்டணி வெற்றி பெறும்.

             விடுதலை சிறுத்தை கட்சியில் 42 லட்சம் உறுப்பினர்கள் சேர்ந்துள்ளனர். இதில் 10 சதவீதம் பேர் மாற்று சமுதாயத்தை சேர்ந்தவர்கள் ஆவார்கள். தமிழ் இறையாண்மை மாநாடு சென்னையில் டிசம்பர் 26-ந்தேதி நடைபெறுகிறது. தமிழுக்கு என தனி தாயகம், தமிழ் இனம் தேசிய இனமாக அறிவிக்கப்பட வேண்டும். தமிழர்களுக்கு தன்னாட்சி வழங்க வேண்டும் என்று வலியுறுத்தி இந்த மாநாடு நடைபெறும்.  இவ்வாறு அவர் கூறினார்.

             பேட்டியின் போது ரவிக்குமார் எம்.எல்.ஏ., கடலூர் நகரசபை துணைத்தலைவர் தாமரைச்செல்வன், விடுதலை சிறுத்தை கட்சி மாவட்ட செயலாளர் திருமாறன், துணைச் செயலாளர் செல்லப்பன், பசுமைவளவன் ஆகியோர் உடனிருந்தனர்.

Read more »

செவ்வாய், நவம்பர் 02, 2010

கடலூரில் விடுதலைச் சிறுத்தைகள் கட்சியினர் ஊர்வலம்

கடலூர்:

               விடுதலைச் சிறுத்தைகள் கட்சியினர் கடலூரில் திங்கள்கிழமை, கோரிக்கை ஊர்வலம்  நடத்தினர். 

                   குள்ளஞ்சாவடி அருகே புலியூர் காலனியில் இரவு நேரங்களில் குடிசைகளைக் கொளுத்துவோரைத் கண்டறிந்து நடவடிக்கை எடுக்க வேண்டும். புலியூர், வசனாங்குப்பம், மக்களுக்கு மாற்று இடம் தேர்வு செய்து, குடியமர்த்த வேண்டும் அல்லது தீப் பிடிக்காத வீடுகளைக் கட்டிக் கொடுக்க வேண்டும். புலியூர் வசனாங்குப்பம் காலனி மக்களுக்கு தெருவிளக்கு, சாலைவசதி, குடிநீர் உள்ளிட்ட அடிப்படை வசதிகளைச் செய்துகொடுக்க வேண்டும் என்ற கோரிக்கைகளை வலியுறுத்தி இந்த ஊர்வலம் நடந்தது.

                      திருப்பாப்புலியூர் உழவர் சந்தை அருகில் இருந்து ஊர்வலம் புறப்பட்டு, மாவட்ட ஆட்சியர் அலுவலகத்தை அடைந்தது. ஊர்வலத்துக்கு விடுதலைச் சிறுத்தைகள் கட்சியின் மாவட்டச் செயலாளர் சு.திருமாறன் தலைமை வகித்தார். மாநில நிர்வாகி திருமார்பன், துணைச் செயலாளர்கள் அறிவுடைநம்பி, செல்லப்பன், முல்லைவேந்தன், திருமேனி வழக்கறிஞரணி செயலாளர் காத்தவராயன், குறிஞ்சிப்பாடி ஒன்றியச் செயலாளர் சுந்தர், கடலூர் நகரச் செயலாளர் பாவாணன் உள்ளிட்டோர் கலந்து கொண்டனர். ஊர்வலத்தின் முடிவில் மாவட்ட ஆட்சியரிடம் கோரிக்கை மனு அளிக்கப்பட்டது.


Read more »

வெள்ளி, அக்டோபர் 22, 2010

எம்.பி. பதவியை திருமாவளவன் ராஜிநாமா செய்ய வேண்டும்: கார்த்தி ப.சிதம்பரம்

சிதம்பரம்:

                 காங்கிரஸ் தலைமையிலான ஐக்கிய முற்போக்கு கூட்டணியில் போட்டியிட்டு வெற்றி பெற்று காங்கிரஸ்  விமர்சித்து வரும் விடுதலைச் சிறுத்தைகள் கட்சித் தலைவர் தொல்.திருமாவளவன் தனது எம்.பி. பதவியை ராஜிநாமா செய்ய வேண்டும் என அகில இந்திய காங்கிரஸ் கமிட்டி உறுப்பினர் கார்த்தி ப.சிதம்பரம் கூறினார்.  

முன்னாள் எம்பி ப.வள்ளல்பெருமானின் இல்லத் திருமண நிகழ்ச்சியில் பங்கேற்க சிதம்பரம் வந்த கார்த்தி சிதம்பரம் செய்தியாளர்களுக்கு அளித்த பேட்டி:  

                    விடுதலைச் சிறுத்தைகள் கட்சித் தலைவர் தொல்.திருமாவளவன் வாரப்பத்திரிகை ஒன்றில் காங்கிரஸ் கட்சித் தலைவர்களை விமர்சித்தும், தமிழக முதல்வருக்கு பல ஆலோசனைகளையும் தெரிவித்துள்ளார்.  காங்கிரஸ் கட்சியின் வாக்கு வங்கி உதவியுடன் நாடாளுமன்ற உறுப்பினராக வெற்றி பெற்ற அவர், இது போல கூறியது என்னாலும், எந்த ஒரு காங்கிரஸ் தொண்டனாலும் ஏற்றுக் கொள்ள முடியாது.  

                  எனவே உடனே அவர் தனது எம்பி பதவியை ராஜிநாமா செய்ய வேண்டும். 125 ஆண்டு கால காங்கிரஸ் கட்சியை குறை சொல்ல அவருக்கு தகுதி கிடையாது.  காங்கிரஸ் கட்சிக்கென்று ஒரு தனித்துவம் உண்டு. தமிழகத்தில் கூட்டணி குறித்து சோனியாகாந்திதான் முடிவு செய்வார்.  மாநில அரசு திட்டங்கள் அனைத்துக்கும் மத்திய அரசுக்கு பங்கு உண்டு. மத்திய அரசால் எந்த திட்டங்களையும் மாநிலத்தில் நேரடியாக செயல்படுத்த இயலாது. தமிழகத்தில் தற்போது ஜேஎன்என் திட்டத்தின் கீழ் மத்திய அரசு நிதிஉதவியுடன் 600 புதிய பஸ்கள் விடப்பட்டுள்ளன.  

                ரூ.  1-க்கு 1 கிலோ அரிசி, 100 நாள் வேலை திட்டம், மகளிர் சுயஉதவிக் குழுக்களுக்கு கடனுதவி உள்ளிட்ட அனைத்து திட்டங்களும் மத்திய அரசின் நிதிஉதவி பெற்றுதான் செயல்படுத்தப்படுகிறது.  திமுகவின் நிர்வாக பலம், அதிகார பலம் எங்களது கட்சிக்கு இல்லாவிட்டாலும், தமிழகத்தில் 45 ஆண்டுகளாக ஆட்சியில் இல்லாத காங்கிரஸ் கட்சி, ராகுல்காந்தியின் நேரடி மேற்பார்வையில் 13 லட்சம் இளைஞர்களை உறுப்பினர்களாக சேர்த்துள்ளது.  காங்கிரஸ் கட்சி திமுகவுடன்தான் கூட்டணியில் உள்ளது. புதிய கட்சிகள் கூட்டணியில் சேர்ப்பது குறித்து காங்கிரஸ் கட்சியுடன் ஆலோசித்துதான் முடிவு எடுக்கப்படும் என கருணாநிதி கூறியுள்ளார்.  

                         கடலூர் நாடாளுமன்ற உறுப்பினர் கே.எஸ்.அழகிரி, முன்னாள் எம்.பி. டாக்டர் ப.வள்ளல்பெருமான், காரைக்குடி எம்எல்ஏ என்.சுந்தரம் உள்ளிட்டோர் உடனிருந்தனர்.  பின்னர் பஸ்நிலையம் அருகே புதுப்பிக்கப்பட்ட ராஜீவ்காந்தி சிலையை கார்த்தி சிதம்பரம் திறந்து வைத்துப் பேசினார்.

Read more »

வியாழன், அக்டோபர் 21, 2010

கடலூர் பெரியார் கலைக் கல்லூரி விடுதி மாணவர்களுக்கு விளையாட்டு உபகரணங்கள்

கடலூர்:

                  கடலூர் பெரியார் அரசுக் கலைக் கல்லூரி மாணவர்களுக்கு, விளையாட்டு உபகரணங்களை, நெல்லிக்குப்பம் நகராட்சித் தலைவர் கெய்க்வாட் பாபு புதன்கிழமை வழங்கினார்.  

                  பெரியார் கல்லூரி தாழ்த்தப்பட்ட மாணவர்கள் விடுதியில் 80 மாணவர்கள் தங்கிப் படிக்கிறார்கள். அவர்கள் மாலை நேரங்களில் விளையாட, விளையாட்டு உபகரணங்கள் வழங்க வேண்டும் என்று கோரிக்கைவிடுத்து இருந்தனர்.மாணவர்களின் கோரிக்கையை ஏற்று கெய்க்வாட் பாபு, கிரிக்கெட் மட்டை, பந்து, வாலிபால் நெட், பந்து, கேரம் போர்டு, செஸ் இறகுப் பந்து, வலை உள்ளிட்ட விளையாட்டு உபகரணங்களை, விடுதிக்குச் சென்று வழங்கினார். நிகழ்ச்சியில் விடுதலைச் சிறுத்தைகள் கட்சி மாவட்ட செயற்குழு உறுப்பினர் அறிவுக்கரசு உள்ளிட்டோர் கலந்து கொண்டனர்.

Read more »

செவ்வாய், ஆகஸ்ட் 17, 2010

மக்கள் குறைகேட்கும் கூட்டத்தில் மனுக்களுக்குப் பதில் இனிப்பு வழங்கிய விடுதலைச் சிறுத்தைகள்

கடலூர்:

            எப்போதும் கோரிக்கை மனுக்களையே வழங்கி வந்த விடுதலைச் சிறுத்தைகள்  கட்சியினர், கடலூரில் திங்கள்கிழமை நடைபெற்ற மக்கள் குறைகேட்டும் கூட்டத்தில் மகிழ்ச்சியுடன் இனிப்பு வழங்கி அனைவரையும் வியப்பில் ஆழ்த்தினர்.

              வழக்கறிஞர் சு.திருமாறன் விடுதலைச் சிறுத்தைகள் கட்சியின் மாவட்டச் செயலராக பொறுப்பு ஏற்றபின், தாழ்த்தப்பட்ட மக்களின் பல்வேறு பிரச்னைகள், மாவட்ட ஆட்சியரின் கவனத்துக்குக் கொண்டு வரப்பட்டு உள்ளன.திங்கள்கிழமைகளில் கடலூரில் மாவட்ட ஆட்சியர் தலைமையில் நடைபெறும் மக்கள் குறைகேட்கும் கூட்டங்களுக்கு, யார் வருகிறார்களோ இல்லையோ, திருமாறனும் அவரது கட்சி நிர்வாகிகளும் கண்டிப்பாக ஏதேனும் ஒரு கோரிக்கை மனுவுடன், தாழ்த்தப்பட்ட மக்களைத் திரட்டிக் கொண்டு வருவது வழக்கமான நிகழ்வாகும்.

              ஆனால் இந்த திங்கள்கிழமை நடைபெற்ற மக்கள் குறைகேட்கும் கூட்டத்துக்கு சு.திருமாறனும் கட்சியின் ஏனைய தலைவர்களும், தொண்டர்களும் பெட்டி பெட்டியாக லட்டுகளுடன் வந்தனர். முதலாவதாக அலுவலர்கள் இருந்த அரங்கத்துக்குள் சென்று லட்டுகளை விநியோகித்தனர். எப்போதும் மனுக்களுடன் வரும் திருமாறன், லட்டுகளுடன் வந்தது அதிகாரிகளை வியக்க வைத்தது. அங்கிருந்து வெளியே வந்த விடுதலைச் சிறுத்தைகள் கட்சியினர், பொதுமக்களுக்கும் இனிப்பு வழங்கி மகிழ்ச்சி தெரிவித்தனர். செவ்வாய்க்கிழமை விடுதலைச் சிறுத்தைகள் கட்சித் தலைவர் திருமாவளவனின் பிறந்த நாள் கொண்டாடப்பட இருப்பதை முன்னிட்டு, முன்னரே இனிப்பு வழங்கியதாக திருமாறன் தெரிவித்தார்.

Read more »

செவ்வாய், ஆகஸ்ட் 03, 2010

கடலூர் மாவட்டத்தில் முழுமையாகத் தூர் வாராததால் 20 கிராமங்கள் பாதிப்பு

கடலூர்:

            மூன்று கி.மீ. தூரம் உள்ள முரட்டு வாய்க்காலை, முழுமையாகத் தூர் வாராததால் 20 கிராமங்களில் மழைக் காலங்களில் வெள்ளம் வடியாமல், பாதிப்பு ஏற்படும் நிலை உருவாகி இருப்பதாக, மாவட்ட ஆட்சியரிடம் திங்கள்கிழமை புகார் தெரிவிக்கப்பட்டு உள்ளது. 

விடுதலைச் சிறுத்தைகள் கட்சியின் இளம்சிறுத்தைகள் எழுச்சிப் பாசறை மாவட்ட துணைச் செயலாளர் இரா.தமிழ்வளவன் மாவட்ட ஆட்சியரிடம் அளித்த மனுவில் கூறியிருப்பது:  

              வயலாமூர் முரட்டு வாய்க்கால் எனும் பாசன, வடிகால் வாய்க்கால் 2004-ம் ஆண்டு வேலைக்கு உணவுத் திட்டத்தில் தூர்வாரப்பட்டது. அதனால் வாய்க்காலில் தொடர்ந்து தண்ணீர் இருப்பதால், 50க்கும் மேற்பட்ட விவசாயிகள் ஆயில் என்ஜின் வைத்து வாய்க்காலில் இருந்து நீரை இறைத்துப் பாசனம் செய்து வந்தனர். 7 ஆண்டுகளுக்குப் பின், தற்போது 10 நாள்களுக்கு முன், வயலாமூர் முரட்டு வாய்க்கால் தூர்வாரப்பட்டது. ஆனால் வடிகால் முழுவதும் தூர்வாரப்படவில்லை. 3 கி.மீ. தூரத்தில் ஒரு கி.மீ. தூரம் மட்டுமே தூர்வாரப்பட்டு உள்ளது. 

              இதனால் மழைக் காலத்தில் வெள்ளம் வடியாமல், வயலாமூர், பூவாலை, சித்தேரி, தெற்குத்திட்டை, வடக்குத் திட்டை, கீழமணக்குடி, சாத்திப்பட்டு, குரியாமங்கலம் உள்ளிட்ட 20 கிராமங்கள் வெள்ளத்தால் பாதிக்கப்படும் நிலை உருவாகி இருக்கிறது. அரசு நிதி ஒதுக்கியும், விவசாயிகளைக் கலந்து ஆலோசிக்காமல் மேற்கொள்ளப்பட்ட இப்பணியால், முரட்டு வாய்க்கால் பாசனத்துக்கும் வடிகாலாகவும் பயன்படுத்த முடியாத நிலை உள்ளது. இவ்வாய்க்காலை முழுமையாகத் தூர்வாரி இருந்தால், விவசாயிகள் பரவனாற்று நீரைப் பயன்படுத்தி, ஆயில் என்ஜின் மூலம் நீர் இறைத்து நெல் விதைவிட்டு இருப்பார்கள். வடிகால் முழுமையாகத் தூர்வார நடவடிக்கை எடுக்க வேண்டும் என்றும் மனுவில் கூறப்பட்டு உள்ளது.

Read more »

சனி, ஜூன் 26, 2010

காட்டுமன்னார்கோவில் அருகே 19 வீடுகள் எரிந்து சாம்பல்

சிதம்பரம்:

                 காட்டுமன்னார்கோவில் அருகே வியாழக்கிழமை நள்ளிரவு ஏற்பட்ட தீவிபத்தில் 19 குடிசை வீடுகள் எரிந்து சாம்பலாயின.காட்டுமன்னார்கோவிலை அடுத்த தண்டேஸ்வரநல்லூர் ஆர்சி தெருவில் உள்ள தன்ராஜ் என்பவரது பூட்டியிருந்த வீட்டிலிருந்து வியாழக்கிழமை நள்ளிரவு தீப்பிடித்தது. காற்றில் அடுத்தடுத்த வீடுகளுக்கும் தீ வேகமாகப் பரவியது.

                தகவல் அறிந்து காட்டுமன்னார்கோவில், ஸ்ரீமுஷ்ணம், சேத்தியாத்தோப்பு பகுதியிலிருந்து தீயணைப்புபடையினர் விரைந்து வந்தனர். அவர்கள் 3 மணி நேரம் போராடி தீயை அணைத்தனர். எனினும் 19 வீடுகள் மற்றும் அவற்றில் இருந்த பொருள்கள் எரிந்து நாசமடைந்தன. தீயை அணைக்க முயன்ற அடைக்கலசாமி என்பவர் காயமுற்று சிதம்பரம் அரசு மருத்துவமனையில் சேர்க்கப்பட்டார். தன்ராஜ் என்பவரது வீட்டில் மின் கசிவினால் தீப்பிடித்து அங்கிருந்த மோட்டார் சைக்கிள் பெட்ரோல் டேங்க் வெடித்து தீப் பரவியதாகக் கூறப்படுகிறது. சம்பவ இடத்தை கோட்டாட்சியர் அ.ராமராஜூ, வட்டாட்சியர் விஜயலட்சுமி, டிஎஸ்பி ராமச்சந்திரன் ஆகியோர் பார்வையிட்டு நிவாரணப் பணிகளை மேற்கொண்டனர். 

                      கடலூர் மாவட்ட வருவாய் அதிகாரி எஸ்.நடராஜன் பாதிக்கப்பட்ட குடும்பங்களுக்கு தலா ரூ. 2 ஆயிரம் ரொக்கம், வேட்டி சேலை, அரிசி மற்றும் மண்ணெண்ணெய் வழங்கினார். விடுதலைச் சிறுத்தைகள் கட்சி சார்பில் மாவட்டச் செயலாளர் திருமாறன் பாதிக்கப்பட்ட குடும்பங்களுக்கு நிவாரணப் பொருள்கள் வழங்கினார்.

Read more »

புதன், ஜூன் 09, 2010

விடுதலைச் சிறுத்தைகள் கட்சியினர் 44 பேர் கைது

கடலூர்: 

                     கடலூரில் செவ்வாய்க்கிழமை சாலை மறியலில் ஈடுபட்ட விடுதலைச் சிறுத்தைகள் கட்சியினர் 44 பேர் கைது செய்யப்பட்டனர். சென்னையில் விடுதலைச் சிறுத்தைகள் கட்சித் தலைவர் திருமாவளவன் கைது செய்யப்பட்டதைக் கண்டித்து கடலூரில் அக்கட்சியினர் சாலை மறியலில் ஈடுபட்டனர். கடலூர் டவுன்ஹால் அருகில் நடந்த சாலை மறியல் போராட்டத்துக்கு கட்சியின் இளம்சிறுத்தைகள் எழுச்சிப் பாசறை மாநில துணைச் செயலாளரும் நகராட்சி துணைத் தலைவருமான தாமரைச் செல்வன் தலைமை வகித்தார். கட்சியின் மாவட்டத் துணைச் செயலாளர்கள் முல்லைவேந்தன், அறிவுடை நம்பி, திருமேனி, தமிழ் தேசிய விடுதலை இயக்க மாநில துணைச் செயலாளர் திருமார்பன், கடலூர் நகரச் செயலாளர் பாவாணன், மாவட்ட செயற்குழு உறுப்பினர் அறிவுக்கரசு மற்றும் நிர்வாகிகள் கோபால், பாலகிருஷ்ணன், செந்தில், முரளி, பிரபு, ஆதவன், சுபாஷ் உள்ளிட்ட பலர் கலந்துகொண்டனர். மறியலில் ஈடுபட்ட 44 பேரைப் போலீஸôர் கைது செய்தனர். மாலையில் அனைவரும் விடுதலை செய்யப்பட்டனர்.

Read more »

ராஜபட்சவைக் கண்டித்து விருத்தாசலத்தில் நாம் தமிழர் கட்சியினர் ஆர்ப்பாட்டம்

விருத்தாசலம்: 

                   ராஜபட்சவைக் கண்டித்து விருத்தாசலத்தில் நாம் தமிழர் கட்சி சார்பில் செவ்வாய்க்கிழமை கண்டன ஆர்ப்பாட்டம் நடைபெற்றது. விருத்தாசலம் பாலக்கரையில் நாம் தமிழர் கட்சி சார்பில், இந்தியாவுக்கு வந்த இலங்கை அதிபர் ராஜபட்சவை கண்டித்து கண்டன ஆர்ப்பாட்டம் ராஜசேகரன் தலைமையில் நடைபெற்றது. ஆர்ப்பாட்டம் செய்தவர்களில் 10 பேரை விருத்தாசலம் போலீசார் கைது செய்தனர்.விருத்தாசலத்தில் விடுதலைச் சிறுத்தைகள் கட்சி சார்பில் செவ்வாய்க்கிழமை ஆர்ப்பாட்டம் நடைபெற்றது. ராஜபட்சவின் இந்திய வருகையைக் கண்டித்து ஆர்ப்பாட்டம் செய்த விடுதலைச் சிறுத்தைகள் கட்சியின் தலைவர் திருமாவளவன் கைது செய்யப்பட்டார். இதனையடுத்து திருமாவளவனை உடனடியாக விடுதலை செய்ய வேண்டும் என்று வலியுறுத்தியும், இலங்கை அதிபர் ராஜபட்சவின் இந்திய வருகையைக் கண்டித்தும், விருத்தாசலம் பாலக்கரையில் விடுதலைச் சிறுத்தைகள் கட்சி சார்பில், ஆர்ப்பாட்டம் நடைபெற்றது. ஆர்ப்பாட்டத்தில் விடுதலைச் சிறுத்தைகள் கட்சியின் மாவட்ட துணைச் செயலர் ராசாமுகமது உள்பட 30-க்கும் மேற்பட்டோர் கலந்துகொண்டனர்.

Read more »

சனி, ஜூன் 05, 2010

விடுதலைச் சிறுத்தைகள் கட்சியினரை அநாகரிகமாகப் பேசியதாக பா.ம.க.வினர் மீது புகார்



கடலூர்:

              விடுதலைச் சிறுத்தைகள் கட்சியினரை அநாகரிகமாகப் பேசியதாக பா.ம.க.வினர் மீது, காவல் நிலையத்தில் வெள்ளிக்கிழமை புகார் கொடுக்கப்பட்டது. 

                 கடலூர் முதுநகரில் உள்ள திருமண மண்டபம் ஒன்றில் வெள்ளிக்கிழமை நடைபெற்ற திருமணத்துக்கு, பண்ருட்டி எம்.எல்.ஏ.வும், பா.ம.க. அமைப்புச் செயலாளருமான தி.வேல்முருகன் வந்தார். அவரை வரவேற்க காலை 8 மணி அளவில் பா.மக.வினர் திருமண மண்டபம் எதிரில் திரளாக நின்று இருந்தனர். 

               குள்ளஞ்சாவடியில் நடைபெற்ற திருமண மண்டபம் ஒன்றில் பங்கேற்பதற்காக, கடலூர் நகராட்சி துணைத் தலைவரும், விடுதலைச் சிறுத்தைகள் கட்சியின் இளம் சிறுத்தை எழுச்சிப் பாசறை மாநில துணைச் செயலாளருமான தாமரைச்செல்வன், காரில் அந்த வழியாகச் சென்றார். அவருடன் விடுதலைச் சிறுத்தைகள் கட்சி நிர்வாகிகள், தொண்டர்கள் பலரும் சென்றனர். காரை விட்டு இறங்கிய தாமரைச்செல்வன், அங்கிருந்த நகராட்சி பா.ம.க. உறுப்பினர் உள்ளிட்டோருக்கு வணக்கம் செலுத்திவிட்டு புறப்படத் தயாரானார். 

               அப்போது பா.ம.க.வைச் சேர்ந்த சிலர் விடுதலைச் சிறுத்தைகள் கட்சியினரை கேலி செய்து, அநாகரிகமான வார்த்தைகளைப் பேசினராம். எனினும் தாமரைச்செல்வன் அங்கிருந்து சென்றுவிட்டார். இப்பிரச்சினை தொடர்பாக விடுதலைச் சிறுத்தைகள் கட்சினர் கடலூர் முதுநகர் காவல் நிலையத்தை முற்றுகையிட்டனர். சம்பவம் தொடர்பாக அக்கட்சியின் மாவட்டத் துணைத் தலைவர் சொக்கு என்ற புகழேந்தி, முதுநகர் காவல் நிலையத்தில் புகார் செய்தார். புகாரைப் பெற்றுக் கொண்ட போலீஸôர், சி.எஸ்.ஆர். ரசீது கொடுத்தனர். விசாரணை நடந்து வருகிறது.

Read more »

செவ்வாய், ஜூன் 01, 2010

தாழ்த்தப்பட்டோர் பகுதியில் சாலையை ஆக்கிரமித்ததாக புகார்


மாவட்ட ஆட்சியரிடம் மனு அளிக்க வந்த விடுதலைச் சிறுத்தைகள் கட்சியினர்
கடலூர்:

             தாழ்த்தப்பட்ட மக்கள் வசிக்கும் பகுதிக்கு மாவட்ட ஆட்சியர் அமைத்துக் கொடுத்த சாலையை, தனிநபர்கள் சிலர் ஆக்கிரமித்துக் கொண்டதாக விடுதலைச் சிறுத்தைகள் கட்சியினர் திங்கள்கிழமை புகார் தெரிவித்தனர். 

அக்கட்சியின் கடலூர் மாவட்டச் செயலாளர் சு.திருமாறன் மற்றும் கட்சி நிர்வாகிகள் பாதிக்கப்பட்ட மக்களுடன் வந்து மாவட்ட ஆட்சியரிடம் அளித்த புகார் மனு:

             சிதம்பரம் வட்டம் திட்டுக்காட்டூரில் தாழ்த்தப்பட்ட மக்கள் வசிக்கும் பகுதிக்குச் செல்ல நீண்டகாலமாகப் பாதை இல்லாமல் இருந்தது. அப்பகுதி மக்களின் கோரிக்கையை ஏற்று  மாவட்ட ஆட்சியர் மேற்கொண்ட நடவடிக்கை காரணமாக அங்கு அவர்களுக்குச் சாலை வசதி செய்து கொடுக்கப்பட்டது. ஆனால் தனிநபர்கள் சிலர் இப்பாதையை சட்ட விரோமாக ஆக்கிரமித்து விட்டனர். இதனால் சாதிய மோதல் ஏற்படும் அபாயம் உள்ளது. தொண்டு நிறுவனம் ஒன்று, இப்பகுதி மக்களுக்கு வீடு கட்டித்தர இருக்கும் திட்டமும் இதனால் தடைபட்டு வருகிறது. ஆக்கிரமிப்புகளை அகற்றி இப்பிரச்னைக்கு நிரந்தரத் தீர்வு காண வேண்டும். இல்லையேல் சாலை மறியல் போராட்டம் நடத்துவோம் என்று தெரிவித்துள்ளார்.

Read more »

திங்கள், மே 17, 2010

சாதிக் கல​வ​ரத்தால் பாதிக்கப்பட்ட ​தாழ்த்​தப்​பட்ட மக்களுக்கு நிவா​ர​ணம்​: ஆட்​சி​ய​ரி​டம் கோரிக்கை

கட​லூர்:

               கட​லூர் அருகே சாதிக் கல​வ​ரத்​தில் பாதிக்​கப்​பட்ட தாழ்த்​தப்​பட்ட மக்​க​ளுக்கு நிவா​ர​ணம் வழங்க வேண்​டும் என்று,​​ விடு​த​லைச் சிறுத்​தை​கள் கட்சி சார்​பில்,​​ அண்​மை​யில் மாவட்ட ஆட்​சி​ய​ரி​டம் மனு அளிக்​கப்​பட்​டது.​

விடு​த​லைச் சிறுத்​தை​கள் கட்சியின் கட​லூர் மாவட்​டச் செய​லா​ளர் சு.திரு​மா​றன் உள்​ளிட்ட நிர்​வா​கி​கள் பாதிக்​கப்​பட்ட மக்​க​ளு​டன் வந்து,​​ ஆட்​சி​ய​ரி​டம் அளித்த மனு:​ 

                   ​க​ட​லூர் அருகே நாயக்​கர் நத்​தம் கால​னி​யைச் சேர்ந்த செஞ்​சி​வேல்,​​ சாதிக் கல​வ​ரத்​தால் பாதிக்​கப்​பட்​டார்.​ சுமார் ரூ.2.5 லட்​சம் மதிப்​புள்ள பொருள்​களை அவர் இழந்​துள்​ளார்.​ ஆனால் அவ​ருக்கு இது​வரை எந்த நிவா​ர​ண​மும் கிடைக்​க​வில்லை.​மே​லும் இந்​தக் கால​னி​யில் சாதிக் கல​வ​ரத்​தில் பாதிக்​கப்பட்ட இதர 8 குடும்​பத்​தி​ன​ருக்​கும் நிவா​ர​ணம் வழங்​கப்​ப​ட​வில்லை.​ பாதிக்​கப்பட்ட மக்​க​ளுக்கு விரை​வில் நிவா​ர​ணம் வழங்க வேண்​டும்.​கு​றிஞ்​சிப்​பாடி வட்​டம் கண்​ணாடி ஊராட்​சிக்கு உள்​பட்ட அண்ணா நக​ரில் 12 குடும்​பங்​க​ளுக்கு வீட்​டு​ம​னைப் பட்டா 1985-ம் ஆண்டு வழங்​கப்​பட்​டது.​ ஆனால் இது​வரை அவர்​க​ளுக்கு நிலம் ஒப்​ப​டைக்​கப்​ப​ட​வில்லை.​ அவர்​க​ளுக்கு வீட்​டு​மனை வழங்க வேண்​டும்.​ ​சிப்​காட் பகு​தி​யில் இயங்கி வரும் டாஸ்​மாக் கிடங்​கில் அப்​ப​கு​தி​யைச் சேர்ந்த தாழ்த்​தப்​பட்ட உள்​ளூர் மக்​க​ளுக்கு,​​ சுமை​தூக்​கும் வேலை வழங்க வேண்​டும்.​ சாதிய அடிப்​ப​டை​யில் அங்கு பணி மறுக்​கப்​ப​டு​கி​றது.​ தாழ்த்​தப்​பட்ட மக்​க​ளுக்கு அங்கு முன்​னு​ரிமை அளிக்க வேண்​டும்.​க​ட​லூர் அருகே எம்.பி.​ அக​ரம் ஊராட்சி மேல்​நிலை நீர்த் தேக்​கத் தொட்டி இயக்​கு​ந​ருக்கு 2007 முதல் ஊதி​யம் வழங்​கப்​ப​ட​வில்லை.​ அர​சி​யல் உள்​நோக்​கு​டன் பழி​வாங்​கும் நட​வ​டிக்​கை​யில் அவர் பாதிக்​கப்​பட்டு உள்​ளார்.​ முறைப்​படி பணி நிய​ம​னம் செய்​யப்​பட்ட அவ​ருக்கு ஊதி​யம் வழங்க வேண்​டும் என்​றும் மனு​வில் கோரப்​பட்டு உள்​ளது.

Read more »

சனி, மே 15, 2010

விடு​தலைச் சிறுத்​தை​கள் ஆர்ப்​பாட்​டம்

கட​லூர்:

                 விடு​த​லைச் சிறுத்​தை​கள் கட்​சி​யி​னர் கட​லூ​ரில் வெள்​ளிக்​கி​ழமை ஆர்ப்​பாட்​டம் நடத்​தி​னர்.​ சத்து​ண​வுப் பணி​யா​ளர்​கள் மற்​றும் அங்​கன்​வா​டிப் பணி​யா​ளர்​கள் பணி நிய​ம​னத்​தில்,​​ உச்ச நீதி​மன்ற ஆணைப்​படி,​​ தாழ்த்​தப்​பட்​டோ​ருக்​கான இட​ஒ​துக்​கீட்டை நிறை​வேற்ற வலி​யு​றுத்தி இந்த ஆர்ப்​பாட்​டம் நடை​பெற்​றது.​

                    வி​டு​த​லைச் சிறுத்​தை​கள் கட்​சி​யின் மாவட்​டச் செய​லா​ளர் சு.திரு​மாறன் தலைமை வகித்​தார்.​     மாவட்​டத் துணைச் செய​லா​ளர்​கள் அறி​வு​டை​நம்பி,​​ செல்​லப்​பன்,​​ கதி​ர​வன்,​​ முத்​த​மிழ் மாறன் ஆகி​யோர் முன்​னிலை வகித்தனர்.​     நக​ரச் செய​லா​ளர் பாவா​ணன் வர​வேற்​றார்.​ தமிழ் தேசிய விடுதலைப் பேரவை மாநில துணைச் செய​லா​ளர் திரு​மார்​பன்,​​ ஓவி​ய​ரணி மாநில துணைச் செய​லா​ளர் பேர​றி​வா​ளன்,​​ மக​ளிர் விடு​தலை இயக்க மாநில துணைச் செய​லா​ளர் குடி​ய​ரசி ​உள்​ளிட்ட பலர் பேசி​னர்.

Read more »

நண்பர்களோடு பகிர்ந்து கொள்ள

Country wise Vistior