கீழ்ச்செருவாய் வெள்ளாற்றில் மணல் குவாரி பணி நிறுத்தம்

திரைப்படம்

திட்டக்குடி:
 

           திட்டக்குடியை அடுத்துள்ள கீழ்ச்செருவாய் வெள்ளாற்றில் பொதுப்பணித்துறை மூலம் கடந்த 10 ஆண்டுகளாக தொடர்ந்து மணல் குவாரி நடந்து வருகிறது. இதனால் இப்பகுதி பள்ளமாகியது. மேலும் இப்பகுதியில் 60 கிராமங்களுக்கு கூட்டு குடிநீர் திட்டம் மூலம் குடிநீர் வழங்கும் திட்டத்தில் உள்ள அனைத்து பைப்புகளும் வெள்ளத்தில் அடித்து செல்லப்பட்டுள்ளன.

             கீழ்ச்செருவாய் ஊராட்சிக்கு குடிநீர் வழங்கும் மின் மோட்டாரும் பாழாகி குடிநீர் சப்ளை பாதிப்பு ஏற்பட்டது. ஊராட்சி நிர்வாகம் சுமார் 1 லட்சம் ரூபாய் வரை செலவு செய்து இப்பணிகளை சீரமைத்தது. மேலும் அதிக அளவில் டிராக்டர்கள் வருவதால் விபத்துகளின் எண்ணிக்கை அதிகரித்தது.

           மயான பாதையை குவாரிக்கு செல்லும் டிராக்டர்கள் பயன்படுத்தியதால் மயானபாதை முழுமையாக சேதமடைந்தது. இந்த சூழ்நிலையில் புதியதாக பொறுப்பேற்றுள்ள ஊராட்சி நிர்வாகம் மணல் குவாரியை தடை செய்யவேண்டும் என வலியுறுத்தி தீர்மானம் நிறைவேற்றி அரசுக்கு அனுப்பியது. இருப்பினும் பொதுப்பணித்துறையினர். 3-வது தடவையாக தொடர்ந்து குவாரியை நடத்துகிறோம் என அறிவித்து குவாரிபணிகள் தொடங்கின. ஆத்தூர், சேலம் உட்பட பல்வேறு பகுதிகளில் இருந்து 100க்கும் மேற்பட்ட டிராக்டர்கள் மணல் எடுக்க செல்லும் மயான பாதையிலும் நெடுஞ்சாலையிலும் நீண்ட தூரம் நிறுத்திவைக்கப்பட்டிருந்தன.

            இதை பார்த்து ஆத்திரமடைந்த கிராமமக்கள் திரண்டுவந்து டிராக்டர்களை மணல் எடுக்க அனுமதிக்கமாட்டோம் என கோஷமிட்டு வழிமறித்து தடுத்து நிறுத்தினர். தகவலின் பேரில் திட்டக்குடி போலீஸ் சப்-இன்ஸ்பெக்டர் ரவிச்சந்திரன், பொதுப்பணித்துறை அலுவலர் கலியமூர்த்தி, சம்பவ இடத்திற்கு விரைந்து சென்று குழுமிருந்த கிராமமக்களிடம் பேச்சுவார்த்தை நடத்தினர்.

            எந்த சூழ்நிலையிலும் மணல் குவாரியை அனுமதிக்கமாட்டோம். என்று பொதுமக்கள் விவாதித்தனர். இதுகுறித்து பொதுப்பணித்துறை உயர்மட்ட அதிகாரிகளிடம் தெரிவித்தபொது உள்ளூர் மக்கள் எதிர்ப்பு தெரிவிக்கும் நிலையில் குவாரியை நிறுத்தி விடலாம் என தெரிவித்தனர்.  அதன்படி மணல் குவாரி பணி நிறுத்திவைக்கப்பட்டது. தொடர்ந்து குழுமிருந்த கிராம மக்கள் கலைந்து சென்றனர்.

மன்னிக்கவும், நீங்கள் தேடிய கட்டுரை எங்கள் இணையத்தளத்தில் புழக்கத்தில் இல்லை.

Read more »

விருத்தாசலம் வெள்ளாற்றில் ரூ.3 கோடி செலவில் கட்டப்பட்ட தடுப்பணை உடைந்து விழுந்தது

 

 

விருத்தாசலம்:

            விருத்தாசலம் வெள்ளாற்றில் கடந்த 3 மாதத்துக்கு முன்பு ரூ.3 கோடி செலவில் தடுப்பணை கட்டப்பட்டது. தற்போது கடந்த சில நாட்களாக விருத்தாசலம் பகுதியில் தொடர் கனமழை பெய்து வருகிறது.  இந்த நிலையில் கனமழை காரணமாக நேற்று மாலை வெள்ளாற்று தடுப்பணை இடிந்து விழுந்தது.   இதனால் அணையில் இருந்து தண்ணீர் வெளியேறி வெள்ளாற்றையொட்டி உள்ள மருங்கூர், காவனூர், கீரமங்கலம், பவழங்குடி உள்ளிட்ட 10 கிராம வயல்களில் புகுந்தது. நெற்பயிற்கள் அனைத்தும் நீரில் மூழ்கி உள்ளன. 

 

 

 

 

 

Read more »

கடலூர் மாவட்டம் திட்டக்குடி பகுதியில் பலத்த மழை : பலியானவர் எண்ணிக்கை 4 ஆக உயர்வு

கடலூர்:
 

           தமிழகத்தில் வடகிழக்கு பருவமழை தீவிரமடைந்துள்ளது. குறிப்பாக, கடலூர் மாவட்டத்தில் கடந்த 2 வார காலமாக பரவலாக மழை பெய்து வருகிறது. தொடர் மழையால் கடலூர் மாவட்டத்தில் பலியானோரின் எண்ணிக்கை 4 ஆக உயர்ந்துள்ளது. 

 

             கடந்த 25-ந் தேதி கனக்கரப்பட்டு கிராமத்தை சேர்ந்த ராஜ்குமார் (வயது 35) மின்னல் தாக்கி பலியானார். நவம்பர் 1-ந் தேதி கடலூரை அடுத்த நாணமேடு கிராமத்தில் வீட்டுசுவர் இடிந்து விழுந்து தையல் நாயகி (43) என்ற பெண் பலியானார். நேற்று முன்தினம் (3-ந் தேதி) கடலூரை அடுத்த ஏ. வடுகபாளையத்தை சேர்ந்த ரங்கநாதனின் மனைவி ஜிவா (26) மின்சாரம் தாக்கி இறந்தார்.

          இந்த நிலையில் நேற்று வெள்ளாற்றை கடக்க முயன்ற திட்டக்குடியை சேர்ந்த பெருமாள் (60) ஆற்று நீரில் அடித்து செல்லப்பட்டு இறந்தார். வசிஷ்டபுரம் அருகே கரை ஒதுங்கிய அவரது உடலை மீட்க முயற்சித்தபோது மீண்டும் ஆற்றில் அடித்து செல்லப்பட்டது. 

 

 

 

 

 

 

 

 

 

 

 

 

Read more »

கொள்ளிடக் கரை சீரமைப்பு: டெல்டா விவசாயிகள் ஏமாற்றம்

கொள்ளிடக்கரையை பலப்படுத்த ஏரிகளில் மண் எடுக்காமல், வெள்ளூர் கிராமத்தில் தனியார் வயலில் மீன் பண்ணை அமைக்க குளம் வெட்டிக்கொடுத்து அதிலிருந்து மண் எடுக்க வலியுறுத்தி மனு அளித்தனர்

கடலூர்:

            ரூ. 108 கோடி கொள்ளிடக் கரை சீரமைப்புத் திட்டத்தில், கடலூர் மாவட்ட டெல்டா விவசாயிகளின் கோரிக்கை நிறைவேறாததால் ஏமாற்றம் அடைந்து உள்ளனர்.  எனவே இப்பணி குறித்து விசாரணை நடத்த வேண்டும் என்று விவசாயிகள் தமிழக அரசை வற்புறுத்தி உள்ளனர். 

               தமிழகத்தின் பிற மாவட்டங்களில் உற்பத்தியாகி கிழக்கு நோக்கிப் பாயும் கொள்ளிடம், பெண்ணையாறு, வெள்ளாறு, கெடிலம் ஆறு, மணிமுத்தாறு ஆகியவை கடலூர் மாவட்டம் வழியாக ஓடி வங்கக் கடலில் கலப்பதால், ஆண்டுதோறும் வடகிழக்குப் பருவமழை காலத்தில் இம்மாவட்டம் பெரும் வெள்ளச் சேதங்களைச் சந்திக்கிறது.  

               இது குறித்து தொடர்ந்து பல ஆண்டுகளாக கடலூர் மாவட்ட விவசாயிகள் குரல் கொடுத்ததன் விளைவாக, மேற்கண்ட ஆறுகளின் கரைகளைப் பலப்படுத்த அண்மையில் மத்திய அரசு பெரும் தொகை ஒதுக்கியது.  மாநில அரசின் 25 சதவீதம் நிதியையும் சேர்த்து, ரூ.624 கோடியில் ஆறுகளைப் பலப்படுத்தும் திட்டம், தமிழகப் பொதுப்பணித் துறையால் நிறைவேற்றப்பட்டு வருகிறது. இதில் ரூ. 108 கோடியில் கொள்ளிடத்தின் வடக்குக் கரை பலப்படுத்தும் பணி பிப்ரவரி 18-ம் தேதி தொடங்கப்பட்டது.  

              இத்திட்டப்படி அணைக்கரை முதல் கடற்கரை வரை 62 கி.மீ. தூரம் கொள்ளிடக் கரை பலப்படுத்தும் பணி, 7 பிரிவுகளாக ஒப்பந்ததாரர்கள் மூலம் நடைபெற்று வருகிறது. விவசாயிகளின் கோரிக்கை அடிப்படையில், கரையைப் பலப்படுத்தத் தேவையான மண், வீராணம் ஏரியில் இருந்து 21.25 லட்சம் கன மீட்டர், அரியலூர் பொன்னேரியில் இருந்து 5.87 லட்சம் கன மீட்டர், சிதம்பரம் பொன்னேரியில் இருந்து 7.12 லட்சம் கன மீட்டர், நாரைக்கால் ஏரியில் இருந்து 13.56 லட்சம் கனமீட்டர் எடுக்க வேண்டும் என்று ஒப்பந்தத்தில் உள்ளது.  ஏரிகளில் இவ்வாறு மண் எடுப்பதால் 0.18 டி.எம்.சி. நீர் கொள்ளளவு அதிகரிக்கும் என்றும் விவசாயிகளுக்குத் தெரிவிக்கப்பட்டு இருந்தது.

              இதனால் விவசாயிகள் பலரும், தங்கள் ஏரிகள் தூர்வாரப்பட்டு, நீர்ப்பிடிப்புத் திறன் அதிகரிக்கும் என்ற நம்பிக்கையில் இருந்தனர்.  ஆனால் ஒப்பந்தத்தில் குறிப்பிட்டபடி மேற்கண்ட ஏரிகளில் மண் எடுக்கவில்லை என்றும், அக்கம் பக்கத்தில், தனியார் வயல்களில் மண் எடுத்து, திட்டத்தை முடிக்கப் பார்க்கிறார்கள் என்றும் விவசாயிகள் குற்றம்சாட்டுகிறார்கள்.  2012 மார்ச் மாதத்துக்குள் இப்பணி முடிக்கப்பட வேண்டும் என்றாலும், கரை பலப்படுத்தும் பணி 60 சதவீதம் முடிந்து விட்டதாகக் கூறப்படுகிறது. 

            இந்த நிலையில் வீராணம் ஏரியில் இருந்து மிகக் குறைந்த அளவே மண் எடுக்கப்பட்டு உள்ளதாக விவசாயிகள் தெரிவிக்கிறார்கள்.  21.25 லட்சம் கன மீட்டர் மண் வீராணத்தில் இருந்து எடுக்க வேண்டுமானால், 150 நாள்கள் தினமும் 100 லாரிகள், 5 நடை மண் எடுத்தால் மட்டுமே சாத்தியம் என்கிறார் பொதுப்பணித்துறை பொறியாளர் ஒருவர்.

 இது குறித்து பாசமுத்தான் ஓடை விவசாயிகள் சங்கத் தலைவர் பி.ரவீந்திரன் கூறுகையில், 

                 "வீராணத்தில் இருந்து 5 லட்சம் கன மீட்டர் மண் மட்டுமே எடுக்கப்பட்டு உள்ளது. அரியலூர் பொன்னேரியில் இருந்து மண் எடுக்க அந்த மாவட்டத்தினர் எதிர்ப்பு தெரிவித்ததால் அங்கு மண் எடுக்க முடிய வில்லை. அதை ஈடுகட்ட வீராணத்தில் இருந்து கூடுதல் மண் எடுத்து இருக்கலாம். ஆனால் எடுக்க வில்லை. மற்ற ஏரிகளிலும் மண் எடுக்கவில்லை.  பிப்ரவரி மாதம் முதல் வீராணம் ஏரியில் இருந்து தண்ணீர் முழுவதும் வெளியேற்றப்பட்டு காலியாக வைக்கப்பட்டு இருந்தது. ஆனால் விவசாயிகள் எதிர்பார்த்தபடி மண் எடுக்க வில்லை. அக்கம்பக்கத்தில் எங்கோ மண் எடுத்து ஒப்பேற்றி இருக்கிறார்கள். இனி காவிரி நீர், வீராணத்துக்கு வந்தபின் மண் எடுக்க முடியாது.  இதனால் விவசாயிகள் பெரிதும் ஏமாற்றம் அடைந்து உள்ளனர்.  இது குறித்து அதிகாரிகள், விவசாயிகள் அடங்கிய குழுவை நியமித்து ஆய்வு செய்ய வேண்டும்' என்றார். 

 கொள்ளிடம் கீழணை பாசன விவசாயிகள் சங்கச் செயலர் விநாயகமூர்த்தி கூறுகையில், 

             "ஒப்பந்தத்தில் குறிப்பிட்டபடி ஏரிகளில் மண் எடுக்கவில்லை. வெள்ளூர் கிராமத்தில் தனியார் நிலத்தில் மீன்குளம் அமைக்க மண் எடுத்து, மண்ணை கொள்ளிடக்கரைக்குக் கொண்டு சென்றுள்ளனர்.  ஒப்பந்தத்தில் இல்லாத புங்கனேரியில் மண் எடுத்து உள்ளனர். எனவே இது குறித்து அதிகாரிகள் குழுவை அமைத்து விசாரணை நடத்த வேண்டும். ஒப்பந்தத்தில் உள்ளபடி, ஏரிகளில் எடுக்கப்பட்ட மண் அளவை கணக்கிட்டு, அதற்கு மட்டுமே பணம் கொடுக்க வேண்டும்' என்றார். 

 இது குறித்து பொதுப்பணித்துறை அதிகாரிகள் கூறியது , 

            "ஒப்பந்தத்தில் உள்ளபடி ஏரிகளில் மண் எடுக்கப்படுகிறது. 2012 மார்ச்சுக்குள் ஏரிகளில் மண் எடுக்கப்படும்' என்று தெரிவித்தனர்.   

Read more »

திட்டக்குடி பகுதியில் மேம்பால கட்டுமான பணி: அதிகாரிகள் ஆய்வு

திட்டக்குடி : 

           திட்டக்குடி பகுதியில் நடந்து வரும் மேம்பால கட்டுமான பணிகளை நெடுஞ்சாலை துறை அதிகாரிகள் ஆய்வு செய்தனர். திட்டக்குடி வெள்ளாறு தரை பாலத்திலும், முருகன்குடி தரை பாலத்திலும் மேம்பாலம் கட்டுமான பணிகள் நடந்து வருகின்றன. 

               கடந்த மழையின் போது கட்டுமான பணிகள் பாதிக்கப்பட்டதால் தற்காலிகமாக நிறுத்தி வைக்கப்பட்டன. தற்போது, பணி தொடங்கி நடந்து வருகிறது. இந்த பணிகளை நெடுஞ்சாலை துறை கண்காணிப்பு பொறியாளர் இளங்கோவன் தலைமையில் அதிகாரிகள் ஆய்வு செய்து பணிகளின் நிலை குறித்து கேட்டறிந்தனர். அதேபோல், ராமநத்தம்- பெண்ணாடம் சாலை அமைக்கும் பணிகளையும் பார்வையிட்டனர். கோட்ட பொறியாளர் உத்ராபதி, உதவி கோட்ட பொறியாளர் பன்னீர்செல்வம், உதவி பொறியாளர் ஆன்டி ஆகியோர் உடனிருந்தனர்.

Read more »

வெள்ளாற்று தரைப்பாலத்தில் வெள்ளம்: பொதுமக்கள் கடந்து செல்ல சிறப்பு ஏற்பாடு

திரைப்படம்

திட்டக்குடி:

             திட்டக்குடி வெள்ளாற்றில் வெள்ள பெருக்கு ஏற்பட்டுள்ளது. இதனால் தரைப்பாலம் மூழ்கியுள்ளது. இதையொட்டி திட்டக்குடியில் இருந்து அரியலூர், பெரம்பலூர் மாவட்டங்களுக்கு அரசு, தனியார் பேருந்துகள் போக்குவரத்து பாதிப்பு ஏற்பட்டது. அத்தியாவசிய தேவைக்கு ஆபத்தையும் உணராமல் பொது மக்கள் தங்கள் குழந்தைகளுடன் பாலத்தை கடந்து சென்றனர். இதில் பலர் தண்ணீரில் அடித்து செல்லப்பட்டனர். அவர்களை இளைஞர்கள் காப்பாற்றினார்கள்.

              இதை அறிந்த திட்டக்குடி தாசில்தார் கண்ணன் பொது மக்கள் பாலத்தை பாதுகாப்புடன் கடந்து செல்ல தீயணைப்பு துறையினரிடம் உரிய நடவடிக்கை எடுக்கும்படி உத்தரவிட்டார். தொடர்ந்து திட்டக்குடி தீயணைப்பு நிலைய அலுவலர் கருணாநிதி தலைமையில் தீயணைப்பு படை வீரர்கள் வெள்ளாற்றில் கயிறு மூலம் பொது மக்களை பாதுகாப்புடன் அழைத்து வர ஏற்பாடு செய்தார்.

             கடும் மழையில் சொந்த ஊர் செல்ல பல கிலோ மீட்டர் சுற்றி சென்ற பொதுமக்கள் தீயணைப்பு துறையினர் எடுத்த நடவடிக்கையால் வெள்ளாற்றை கடந்து செல்லுவது எளிதாகியதால் தீயணைப்பு துறையினரை பொதுமக்கள் பாராட்டி சென்றனர்.

Read more »

வெள்ளநீர் மேலாண்மை திட்டத்தின் கீழ் ரூ. 15 கோடி செலவில் வெள்ளத் தடுப்புப் பணிகள்

சிதம்பரம்:

               ரூ. 15 கோடி செலவில் சேத்தியாத்தோப்பு அணைக்கட்டிலிருந்து வெள்ளாற்றின் கரையை பலப்படுத்தி வெள்ளத் தடுப்புப் பணிகள் மேற்கொள்ளப்படவுள்ளது என பொதுப்பணித்துறை கொள்ளிட வடிநில கோட்ட செயற் பொறியாளர் எஸ்.செல்வராஜ் தெரிவித்தார்.

இதுகுறித்து பொதுப்பணித்துறை கொள்ளிட வடிநில கோட்ட செயற் பொறியாளர் எஸ்.செல்வராஜ் தெரிவித்தது:

              வெள்ளநீர் மேலாண்மை திட்டத்தின்கீழ் ரூ. 6.8 கோடி செலவில் சேத்தியாத்தோப்பு அணைக்கட்டிலிருந்து தாதம்பேட்டை வரை வெள்ளாற்றின் இடதுகரையும், சேத்தியாத்தோப்பு அணைக்கட்டிலிருந்து சக்திவிளாகம் வரை வலதுகரை பலப்படுத்தப்படுகிறது. மேலும் சாக்காங்குடி பகுதியில் வெள்ளாற்றில் குறுக்கே 6 தடுப்புச் சுவர்களும்,  மேல்புவனகிரி பகுதியில் 5 தடுப்புச் சுவர்களும், தீர்த்தம்பாளையத்தில் 4 சுவர்களும், மடுவங்கரையில் 4 தடுப்புச் சுவர்களும் ஆக மொத்தம் வெள்ளாற்றின் 27 தடுப்புச் சுவர்கள் ரூ. 4.96 கோடி செலவில் அமைக்கப்படுகிறது.     

                    மேலும் ரூ. 1.3 கோடி செலவில் சேத்தியாத்தோப்பு அணைக்கட்டில் மண் அரிப்பை தடுக்க 130 மீட்டர் தூரத்துக்கு தடுப்புச் சுவரும், புவனகிரி வலதுகரையில் ரூ. 66 லட்சம் செலவில் 70 மீட்டர் தூரத்துக்கு தடுப்புச் சுவரும் அமைக்கப்படுகிறது. சேத்தியாத்தோப்பு அணைக்கட்டின்கீழ் வெள்ளாறு பகுதியில் ரூ. 59 லட்சம் செலவில் 9 வடிகால் மதகுகள் அமைக்கப்படவுள்ளது. ஆக மொத்தம் வெள்ளாற்றில் வெள்ளப்பெருக்கை தடுக்க ரூ. 15 கோடி செலவில் திட்டப் பணிகள் தொடங்க ஜனவரி மாதம் ஒப்பந்தம் கோரப்பட்டு பணிகள் மார்ச் 2012-ல் முடிவுறும் என செயற்பொறியாளர் எஸ்.செல்வராஜ் தெரிவித்தார்.

                  இவையல்லமால் ரூ. 6.8 கோடி செலவில் வாலாஜா ஏரியிலிருந்து பொன்னேரி வரை வெள்ளப் பெருக்கில் உடைப்பெடுத்த மத்திய பரவனாறு கரையை 9.4 கி.மீ. தூரத்துக்கு  15 அடி அகலத்துக்கும், 16 அடி உயரத்துக்கு பலப்படுத்தி தூர்வாரி 180 அடியாக அகலப்படுத்துவது. 24 மதகுகள் கட்டவும் திட்டப் பணிகள் தொடங்கப்படவுள்ளது.  இதன் மூலம் இதுவரை 15 ஆயிரம் கனஅடி கொள்ளளவு 25 ஆயிரம் கனஅடி கொள்ளளவாக உயர்ரத்தப்படும் என செயற்பொறியாளர் எஸ்.செல்வராஜ் தெரிவித்தார்.

Read more »

கடலூர் மாவட்டத்தில் 200 கிராமங்களுக்கு வெள்ள அபாய எச்சரிக்கை

கடலூர் : 

                   கடலூர் மாவட்டத்தில் நீடித்து வரும் கன மழை காரணமாக வீராணம் உள்ளிட்ட நீர் நிலைகள் நிரம்பி வழிவதால், 200க்கும் மேற்பட்ட கிராமங்களுக்கு வெள்ள அபாய எச்சரிக்கை விடுக்கப்பட்டுள்ளது. 

                 கடலூர் மாவட்டத்தில் கடந்த வாரம் வடகிழக்கு பருவ மழை காரணமாக வீராணம், பெருமாள், வெலிங்டன் ஏரிகள் உள்ளிட்ட அனைத்து நீர் நிலைகளும், கடந்த 26ம் தேதி நிரம்பின. உபரி நீர் வெளியேற்றப்பட்டதால் வெள்ளாறு, பரவனாறு, கெடிலம் மற்றும் பெண்ணையாறுகளில் வெள்ளப் பெருக்கு ஏற்பட்டது. கடந்த 27ம் தேதி முதல் மழையின் தீவிரம் குறைந்து, நீர் நிலைகளுக்கு தண்ணீர் வரத்து குறைந்ததால், கிராமங்களில் சூழ்ந்திருந்த மழைநீர் வடிய துவங்கியது. இந்நிலையில் வங்கக் கடலில் மீண்டும் உருவான புதிய புயல் சின்னத்தால் மீண்டும் மழை தீவிரமடைந்தது.

                  கடந்த 30ம் தேதி தமிழகத்திலேயே அதிகபட்சமாக பரங்கிப்பேட்டையில் 22 செ.மீ., அளவு மழை கொட்டியது. ஏற்கனவே நீர் நிலைகள் நிரம்பி வழிந்த நிலையில், கன மழையால் நீர் வடிய வழியின்றி கிராமங்களிலும், வயல்வெளிகளிலும் புகுந்ததால் மாவட்டத்தின் பெரும் பகுதி வெள்ளக்காடானது. குறிப்பாக காவிரி ஆற்றின் வடிகால் பகுதியான காட்டுமன்னார்கோவில், சிதம்பரம் தாலுகாக்கள் பெரும் பாதிப்பிற்குள்ளானது. 

                வெள்ளாற்றின் குறுக்கே உள்ள சேத்தியாத்தோப்பு அணைக்கட்டு ஏற்கனவே முழு கொள்ளளவை எட்டிய நிலையில், கூடுதலாக வரும் நீர் தொடர்ந்து வெளியேற்றப்படுகிறது. நேற்று முன்தினம் மதியம் 12 மணிக்கு 22 ஆயிரம் கன அடி நீர், படிப்படியாக நேற்று காலை 10 மணிக்கு 86 ஆயிரத்து 675 கன அடியாக அதிகரித்து, வெள்ளாற்றில் வெள்ளம் பெருக்கெடுத்ததில் பல இடங்களில் கரை உடைந்து கிராமங்களில் புகுந்துள்ளது.

                      இதனால் புவனகிரி - சேத்தியாத்தோப்பு, கீரப்பாளையம் - சேத்தியாத்தோப்பு போக்குவரத்து முற்றிலும் துண்டிக்கப்பட்டது. வெள்ளாறு கரையோரத்தில் உள்ள 200க்கும் மேற்பட்ட கிராமங்களில் வெள்ளம் சூழ்ந்தது. ஏற்கனவே பரவானாறில் உடைப்பு ஏற்பட்டு பாதித்த பகுதிகளில், மீண்டும் தண்ணீர் உட்புகுந்ததால், அப்பகுதி மக்கள் அருகில் உள்ள பள்ளிகள், கோவில்கள், சமுதாய நலக்கூடங்களில் தஞ்சமடைந்துள்ளனர். 

                 வயல்வெளிகள் முழுமையாக மூழ்கி கடல் போல் காட்சியளிக்கிறது. வெள்ளாற்றில் ஏற்பட்ட வெள்ளப் பெருக்கு மற்றும் வீராணம், பெருமாள் ஏரிகள் நிரம்பி வழிவதை பார்வையிட்ட கலெக்டர் சீத்தாராமன், சிதம்பரம் மற்றும் காட்டுமன்னார் கோவில் தாலுகாக்களுக்கு வெள்ள அபாய எச்சரிக்கை விடுத்துள்ளார்.

Read more »

சிதம்பரம் அருகே சி.முட்லூர் வெள்ளாறு பாலத்தில் விளக்கு வசதி: முதல்வருக்கு மனு

கிள்ளை : 

            சிதம்பரம் அருகே சி.முட்லூர் வெள்ளாற்றுப் பாலத்தில் மின்  விளக்கு அமைக்கக் கோரி முதல்வருக்கு  பொது நல அமைப்பு சார்பில் கோரிக்கை வைக்கப்பட்டுள்ளது.  

இது குறித்து பொது நல அமைப்பின் ஒருங்கிணைப்பாளர் முருகையன் முதல்வர் கருணாநிதிக்கு அனுப்பியுள்ள மனு:  

                  சிதம்பரம் அருகே சி.முட்லூர் - பி.முட்லூரை இணைக்கும் வகையில் வெள்ளாற்றில் புதியதாக கட்டப்பட்டுள்ள பாலத்தில் விளக்கு வசதி அமைக்கவில்லை. இதனால் பாலத்தில் சிலர் இரவு நேரத்தில் மது அருந்தி விட்டு பாட்டில்களை வீசிச் செல்கின்றனர். சைக்கிள், பைக் மற்றும் கார் டயரில் குத்தி பஞ்சராவதால் வாகன ஓட்டிகள் பாதிக்கப்படுகின்றனர். அத்துடன் அதிகளவில் விபத்தும் ஏற்படுகிறது. எனவே இப்பகுதியில் விபத்தை தடுக்க புதிய பாலத்தில் மின் விளக்கு வசதி அமைக்க போர்க்கால அடிப்படையில் நடவடிக்கை எடுக்க வேண்டும்.  இவ்வாறு மனுவில் கூறப்பட்டுள்ளது.

Read more »

கடலூர் மாவட்டத்தில் நிலத்தடி நீரை செறிவூட்ட ரூ.1.55 கோடி ஒதுக்கீடு

திட்டக்குடி : 

                நிலத்தடி நீரை செயற்கையாக செறிவூட்ட 1.55 கோடி ரூபாய் ஒதுக்கீடு செய்யப்பட்டுள்ளதாக கண்காணிப்பு பொறியாளர் நஞ்சன் தெரிவித்தார். கடலூர் மாவட்டம் திட்டக்குடி அடுத்த கீழ்ச்செருவாய் வெலிங்டன் ஏரி 29.71 கோடி ரூபாய் மதிப்பீட்டில் கரை சீரமைப்பு பணி நடந்து முடிந்தது. 

                 தற்போது பெய்து வரும் பருவமழை நீர் வெள் ளாற்று வழியாக தொழுதூர் அணைக்கட்டிலிருந்து வெலிங்டன் ஏரிக்கு திருப்பி விடப்பட்டு நீர்ப்பிடிப்பு செய்யப்படுகிறது. நேற்று தொழுதூர் அணைக்கட்டிலிருந்து வினாடிக்கு 1,060 கன அடி வீதம் திறந்து விடப்பட்டது. மதியம் 12 வரை வெலிங்டன் ஏரியில் 1,038.38 மில்லியன் கன அடி நீர்ப்பிடிப்பு செய்யப்பட்டுள்ளது. இதனை வெள்ளாறு வடிநில கோட்ட கண்காணிப்பு பொறியாளர் நஞ்சன் நேரில் பார்வையிட்டு ஆய்வு செய்தார். 

அப்போது வெள்ளாறு வடிநில கோட்ட கண்காணிப்பு பொறியாளர் நஞ்சன் கூறியது: 

                    வெலிங்டன் ஏரி கரை சீரமைப்பு பணி நிறைவு பெற்று நீர்ப்பிடிப்புடன் காண்பதால் மனநிறைவு ஏற்பட்டுள்ளது. இன்னும் 10 நாட்களில் ஏரியின் முழு உயரத்தில் 24 அடி நீர்ப்பிடிப்பு செய்யலாம் என்ற நம்பிக்கை இருக்கிறது. அதன்பின் கலெக்டரிடம் அனுமதி பெற்று தண்ணீர் திறந்து விடப்படும். ஷட்டர்கள், வாய்க்கால்களை பழுது நீக்கவும், தேவைப்படின் புதுப்பிக்கவும் 70 லட்சம் ரூபாய் கூடுதல் நிதி பெறப்பட்டுள்ளது.
 

               கடலூர் மாவட்டத்தில் வெள்ள பாதிப்புகள் ஏதும் இல்லை. மொத்தமுள்ள 420 ஏரிகளில் 97 ஏரிகளில் மட்டுமே முழுமையாக தண்ணீர் நிறைந்துள்ளது. 105 ஏரிகளில் 75 சதவீதமும் மீதமுள்ள ஏரிகளில் 50 சதவீதத்திற்கும் குறைவாக தண்ணீர் நிறைந்துள்ளது. வெள்ளாறு, கெடிலம் ஆற்றுப்பகுதிகளில் வெள்ளத்தடுப்பு சுவர் அமைக்க 233 கோடி ரூபாய்க்கு நாளை டெண்டர் அறிவித்து, டிசம்பர் 30ல் தெரிவிக்கப்பட்டு பணிகள் விரைவில் துவங்கும். நீர்வளம், நில வள திட்டத்தில் பணிகளை மேற்கொள்ள அரசாணை பெறப்பட்டுள்ளது. 

              உலக வங்கி நிதியுதவியுடன் 40 லட்சம் ரூபாயில் கள்ளக்குறிச்சி, உளுந்தூர்பேட்டை, பண்ருட்டி, வடலூர் மற்றும் விருத்தாசலம் பகுதிகளில் இப்பணிகள் நடைபெற உள்ளது. இதற்கு விவசாயிகளின் பங்களிப்பு அவசியம் தேவை. நிலத்தடி நீரை செயற்கையாக செறிவூட்ட பண்ருட்டி அடுத்த கீழிருப்புக்கு  40 லட்சமும், சங்கராபுரம் அடுத்த புதுப்பாலப்பட்டு பகுதிக்கு 1 கோடியே 15 லட்சமும் நிதி பெறப்பட்டுள்ளது. இவ்வாறு நஞ்சன் தெரிவித்தார்.

Read more »

ரயில்பாதை அரிப்பை தடுக்க ரூ. 92 லட்சத்தில் வெள்ளாற்றில் தாற்காலிக பனமரத் தடுப்பு

 

சிதம்பரம்:

                  விழுப்புரம்-மயிலாடுதுறை இடையேயான ரயில்பாதையில் சிதம்பரத்தை அடுத்த கிள்ளை-பரங்கிப்பேட்டை இடையே வெள்ளாறு அரிப்பெடுத்து ரயில்பாதையை நெருங்கியுள்ளது.

 

                 இதனால் ரயில்பாதை பாதிக்கும் நிலை உருவானது. இதைத் தடுக்க தாற்காலிகமாக பொதுப்பணித் துறை சார்பில் ரூ. 92 லட்சம் செலவில் வெள்ளாற்றில் ரயில்பாதை ஓரம் பனமரங்களாலான தடுப்பு அமைக்கும் பணி நடைபெற்று வருகிறது என பொதுப்பணித்துறை செயற்பொறியாளர் எஸ்.செல்வராஜ் தெரிவித்தார்.

 

இது குறித்து பொதுப்பணித்துறை செயற்பொறியாளர் எஸ்.செல்வராஜ் தெரிவித்தது: 

 

                        சிதம்பரத்தை அடுத்த கிள்ளை-பரங்கிப்பேட்டை இடையே ரயில்பாதையிலிருந்து 1915-ல் 1400 மீட்டர் தூரம் வெள்ளாறு இருந்தது. அதன் பின்னர் 1930-ல் 600 மீட்டரும், 1970-ல் 30 மீட்டரும், 2005-ல் 3.5 மீட்டரும் தூரமும் வெள்ளாறு அரிப்பெடுத்து ரயில்பாதையை நெருங்கியது. இதை தடுக்காவிடில் மயிலாடுதுறை-விழுப்புரம் இடையேயான ரயில் போக்குவரத்து பாதிக்கும் நிலை உருவாகும். 

 

                   வெள்ளாறு அரிப்பெடுத்து ரயில்பாதையை நெருங்கியதால் தலைமைச் செயலர் தலைமையில் சென்னையில் தென்னக ரயில்வே முதன்மைப் பொறியாளர், பொதுப்பணித்துறை உயரதிகாரிகள் பங்கேற்ற ஆலோசனைக் கூட்டம் அண்மையில் நடத்தப்பட்டு தாற்காலிகமாக வெள்ளாற்றில் 360 மீ. தூரத்துக்கு ரூ. 92 லட்சம் செலவில் பனமரத்தடுப்பு மற்றும் மணல் மூட்டைகள் அமைத்து தடுப்பு அமைக்க நிதி ஒதுக்கப்பட்டு தற்போது பணி நடைபெற்று வருகிறது.

 

                          இன்னும் 10 தினங்களில் பணி முடிவுறும். மேலும் வெள்ளாற்றின் அரிப்பைத் தடுக்க ஆற்றின் நீரை திருப்பிவிட நிரந்திரத் தீர்வு காண நீர்வளஆதாரத் துறை தலைமைப் பொறியாளர் குமரேசன் தலைமையில் தற்போது ஆய்வு மேற்கொள்ளப்பட்டு திட்ட மதிப்பீடு தயார் செய்யப்பட்டு வருகிறது என செயற்பொறியாளர் எஸ்.செல்வராஜ் தெரிவித்தார்.

Read more »

பரங்கிப்பேட்டை புறவழிச்சாலையில் அடிக்கடி விபத்து "சென்டர் மீடியா' அமைக்கப்படுமா?

பரங்கிப்பேட்டை : 

                  பு.முட்லூர் புறவழிச்சாலையில் அடிக்கடி விபத்துகள் நடப்பதைத் தவிர்க்க சாலையின் நடுவில் "சென்டர் மீடியா' அமைக்க வேண்டும். பு.முட்லூரில் இருந்து சிதம்பரத்திற்கு வெள்ளாற்று பாலம் வழியாக புறவழிச்சாலை செல்கிறது. 

                 இவ்வழியாக இதுவரை போக்குவரத்து துவங்கப்படாத நிலையில் பஸ்கள், கனரக வாகனங்கள் என தினமும் ஆயிரத்திற்கும் மேற்பட்ட வாகனங்கள் செல்கின்றன. பு.முட்லூரில் புறவழிச்சாலை துவங்கும் இடத்தில் சாலையை பிரிக் கும் வகையில் "சென்டர் மீடியா' அமைக்காததால் கடலூர், புவனகிரி மற் றும் புறவழிச்சாலையில் வரும் வாகனங்கள் மோதி அடிக்கடி விபத்துக்குள்ளாகின்றன. 

                     கடந்த நான்கு மாதங்களில் பு.முட்லூர் புறவழிச்சாலை பிரியும் இடத் தில் 10க்கும் மேற்பட்ட விபத்துகளில் பலர் படுகாயமடைந்துள்ளனர். தேசிய நெடுஞ்சாலைத் துறை அதிகாரிகள் அலட்சியம் காட்டாமல் பு.முட்லூர் புறவழிச் சாலை சாலை துவங்கும் இடத்தில் ரவுண்டானாவுடன் கூடிய "சென்டர் மீடியா' அமைக்க வேண்டும்.

Read more »

வெள்ளாற்று வடிகாலில் மண் அரிப்பை தடுக்க ரூ.92 லட்சம் செலவில் தடுப்பணை

கிள்ளை : 

             சிதம்பரம் அருகே நவாப்பேட்டை வெள்ளாற்று வடிகாலில் மண் அரிப்பை தடுக்கும் வகையில் பொதுப்பணித்துறை மூலம் 92 லட் சம் ரூபாய் செலவில் தற்காலிக தடுப் பணை அமைக்கும் பணி துவங்கியது. நவாப்பேட்டை அருகில் உப்பனாற்றுப் பகுதியில் மண் அரிப்பு ஏற் பட்டு ரயில் சாலை வரை பாதிப்பு ஏற்படும் நிலையில் இருந்தது.

                     ரயில்வே அதிகாரிகள் பார்வையிட்டு இப்பகுதியில் தடுப்பணைக் கட்டாவிட்டால் மிகுந்த பாதிப்பு ஏற்படும் என்பதை உணர்ந்தனர். மாவட்ட நிர்வாகத்தின் மூலம் தற் காலிக தடுப்பு அமைக்க திட்ட மதிப் பீடு அனுப்புமாறு அறிவுறுத்தப்பட்டது. இது குறித்து கலெக் டர் சீத் தாராமன், டி.ஆர்.ஓ., நடராஜன் உள்ளிட்ட அதிகாரிகள் நேரில் செய்து அரசுக்கு அறிக்கை அனுப்பினர்.

                 அதனைத் தொடர்ந்து 92 லட்சம் ரூபாய் செலவில் தற்காலிக தடுப்பணைக் கட்ட திட்டமிட்டனர். தற்போது 40 அடி ஆழம் உள்ள வெள்ளாற்றில் 600 மீட்டர் தொலைவில் பனைமரத்தை நட்டு மண் மூட்டை கொண்டு தற்காலிக தடுப்பணை அமைக்கும் பணி துவங்கியுள்ளது. இதற்காக சுற்றுப்பகுதியில் இருந்து 6 ஆயிரம் பனைமரம் வாங்கி கிள்ளை ரயில் நிலையத் தில் அடுக்கும் பணி நடந்து வருகிறது. இப்பணி மழைகாலத்திற்குள் முடிக்க திட்டமிட்டுள்ளனர்.

Read more »

பாலம் என்றாலே முதல்வர் கருணாநிதி தான் : அமைச்சர் பன்னீர்செல்வம் பெருமி

பரங்கிப்பேட்டை : 

                 தமிழகத்தில் புதிதாக பாலம் கட்டுவது தான் முதல்வர் கருணாநிதியின் சாதனையாக உள்ளது என சுகாதாரத்துறை அமைச்சர் பன்னீர் செல்வம் பேசினார். கடலூர் மாவட்டம் பரங்கிப்பேட்டையில் இருந்து கிள்ளையை இணைக்கும் வகையில் வெள்ளாற்றில் 24 கோடி ரூபாய் செலவில் புதிய பாலம் கட்டப்பட்டு நேற்று அதற்கான திறப்பு விழா நடந்தது. 

                   நெடுஞ்சாலை மற்றும் சிறு துறைமுகங்கள் துறை அமைச்சர் வெள்ளக்கோயில் சாமிநாதன் தலைமை தாங்கினார். நெடுஞ்சாலை மற்றும் சிறு துறைமுகங்கள் துறை செயலாளர் சந்தானம், சேர்மன் முத்துபெருமாள், பேரூராட்சி தலைவர்கள் ரவிச்சந்திரன், முகமது யூனுஸ் முன்னிலை வகித்தனர். கலெக்டர் சீத்தாராமன் வரவேற்றார்.

புதிய பாலத்தை திறந்து வைத்து அமைச்சர் பன்னீர்செல்வம் பேசியதாவது:

                   இங்கு பாலம் கட்டப்பட்டதன் மூலம் பரங்கிப்பேட்டை, கிள்ளை, பொன்னந்திட்டு உட்பட 50க்கும் மேற்பட்ட கிராம மக்கள் பயனடைவர். தமிழகத்தில் புதிய பாலங்கள் கட்டுவது தான் முதல் வர் கருணாநிதியின் சாதனையாக உள்ளது.இந்த விழாவிற்கு தொகுதி எம்.எல்.ஏ., வைக் காணவில்லை. ஆனால் அழைப்பிதழில் பெயர் போடவில்லை என சட்டசபையில் பேசுகிறார்கள். பரங்கிப்பேட் டையில் இருந்து கிள்ளைக்கு செல்ல புவனகிரி வழியாக  22 கி.மீ., சுற்றிச் செல்ல வேண்டிய நிலை இருந்தது. ஆனால் தற்போது 3 கி.மீ., தூரத்தில் கிள்ளைக்கு சென்று விடலாம்.கடலூரில் இருந்து பிச்சாவரம் சுற்றுலா மையத்திற்கு கடற்கரை கிராமங்கள் வழியாகவே இந்த பாலம் வழியாக பிச்சாவரம் சுற் றுலா மையத்திற்கு 30 நிமிடத்தில் சென்று விடலாம். கடந்த சுனாமியின் போது இந்த பாலம் இருந்திருந்தால் அதிகளவில் உயிர் சேதம் ஏற்பட்டு இருக்காது.

                  கடலூர் மாவட்டத்தில் 743 கோடி ரூபாய் மதிப்பில் புதிய பாலம், சாலை வசதி செய்து கொடுக்கப்பட்டுள்ளது.தமிழகத்தில் சாலை வசதிகள் உள்ளதால் தான் அதிகளவில் தொழிற்சாலைகள் இங்கு வருகிறது. இதனால் பொருளாதாரம் மேம்படுவதுடன் படித்த இளைஞர்களுக்கு வேலை வாய்ப்பு கிடைக்கிறது. கடலூரில் இருந்து பிச்சாவரம் சுற்றுலா மையத்திற்கு செல்ல அரசு விரைவு பஸ் இயக்க உடனடியாக நடவடிக்கை எடுக் கப்படும். இவ்வாறு அமைச்சர் பன்னீர்செல்வம் பேசினார்.

Read more »

கிள்ளை-பரங்கிப்பேட்டை குறுக்கே ரூ. 24 கோடியில் கட்டப்பட்ட பாலம் 14-ல் திறப்பு

சிதம்பரம்:

                           கடலூர் மாவட்டம் சிதம்பரம் அருகே கிள்ளை-பரங்கிப்பேட்டை இடையே வெள்ளாற்றின் குறுக்கே ரூ.23 கோடியே 67 லட்சம் செலவில் புதிதாக கட்டப்பட்டுள்ள உயர்மட்ட பாலம் திறப்பு விழா வருகிற செவ்வாய்க்கிழமை (செப்டம்பர் 14) காலை 10 மணிக்கு பரங்கிப்பேட்டையில் நடைபெறுகிறது. 

                    நெடுஞ்சாலைத்துறை அமைச்சர் வெள்ளக்கோவில் மு.பெ.சாமிநாதன் தலைமை வகிக்கிறார். உயர்மட்ட பாலத்தை மக்கள் நல்வாழ்வுத்துறை அமைச்சர் எம்.ஆர்.கே.பன்னீர்செல்வம் திறந்து வைத்துப் பேசுகிறார். மாவட்ட ஆட்சியர் பெ.சீதாராமன் வரவேற்கிறார். சென்னை நபார்டு மற்றும் கிராமச் சாலைகள் தலைமைப் பொறியாளர் வி.அ.சண்முகநாதன் திட்ட விளக்கவுரையாற்றுகிறார். நெடுஞ்சாலைத்துறை மற்றும் சிறுமுகங்கள் துறை செயலாளர் கோ.சந்தானம் முன்னிலை வகிக்கிறார். பாலம் கட்டும் பணி 2007-ம் ஆண்டு ஜூலை 26-ம் தேதி நபார்டு மற்றும் கிராமச்சாலைகள் சீரமைக்கும் திட்டத்தின் கீழ் தொடங்கப்பட்டது. தற்போது கட்டிமுடிக்கப்பட்டு பொதுமக்கள் பயன்பாட்டுக்கு திறக்கப்படவுள்ளது. 

                      இதுவரை பரங்கிப்பேட்டை பகுதி மக்கள் சிதம்பரத்துக்கு வருவதற்கு பி.முட்லூர், புவனகிரி வழியாக சுற்றி சிதம்பரம் வந்து கொண்டிருந்தனர். தற்போது பரங்கிப்பேட்டையிலிருந்து நேரடியாக கிள்ளை வழியாக சிதம்பரத்துக்கு வந்துவிடலாம். இதனால் பரங்கிப்பேட்டை-சிதம்பரம் நகருக்கு வர்த்தகம் பெருக வாய்ப்புள்ளது. மேலும் அண்ணாமலைப் பல்கலையின் கடல்வாழ் உயிரின உயராய்வு மையம் பரங்கிப்பேட்டையில் உள்ளது. சிதம்பரத்திலிருந்து அம்மையத்துக்கு இதுவரை புவனகிரி, பி.முட்லூர் வழியாக மாணவர்கள், ஆசிரியர்கள், அலுவலர்கள் சென்று வந்தனர். தற்போது அவர்களும் குறைந்த நேரத்தில் செல்ல முடியும் என்பதால் பொதுமக்களும், மாணவர்களும், மீனவர்களும் பெரும் மகிழ்ச்சி அடைந்துள்ளனர்.

Read more »

கடலூர் - பரங்கிப்பேட்டை கடற்கரை சாலை பணி முடங்கியது : 750 மீ., தூர நிலத்தால் 3 ஆண்டுகளாக கிடப்பில் உள்ளது.

கடலூர் : 

                   கடலூர் - பரங்கிப்பேட்டை சாலையில் தனியாரிடம் உள்ள 750 மீட்டர் தூர நிலத்தை அரசு கையகப்படுத்தி கொடுத்தால் பணி முடிவடைந்து 50 கிராம மக்கள் பயனடைவார்கள்.

               கடலூர் - பரங்கிப்பேட்டை கடற்கரை சாலையில் பரங்கிப்பேட்டை வெள்ளாற்றின் முகத்துவாரத்தில் மீன்பிடி துறைமுகம், அண்ணாமலைப் பல்கலைக் கழகத்தின் கடல் வாழ் உயிரின ஆராச்சி மையம் உள்ளன. சாமியார்பேட்டை - வேலங்கிராயன்பேட்டை இடையில் சிறிய துறைமுகமும், கப்பல் புனரமைப்பு தளம், குமாரப் பேட்டை - மடவாப்பள்ளம் இடையே மிகப் பெரிய "ஜவுளி பூங்கா' உள்ளிட்ட நிறுவனங்களின் கட்டுமானப் பணிகள் நடந்து வருகிறது. 

                  மேலும் அய்யம்பேட்டை முதல் பேட்டோடை, பெரியகுப்பம் வரை நகார்ஜூனா எண்ணெய் சுத்திகரிப்பு நிலையம் அமைக்கும் பணி நடக்கிறது. அன்னப் பன்பேட்டை- அய்யம் பேட்டை இடையில் நாகார் ஜூனா எண்ணெய் சுத்திகரிப்பு நிலைய அதிகாரிகள், தொழிலாளர்கள் குடியிருப்பு அமைக்கப்பட இருக்கிறது. நஞ்சலிங்கம்பேட்டை - தம்மனாம்பேட்டை இடையே 800 ஏக்கரில் இ.ஐ.டி., பாரி உட்பட பல்வேறு நிறுவனங்களும் அமைந்துள்ளது. பல புதிய நிறுவனங்களும் அமைய உள்ளது. இதன் மூலம் இப்பகுதி வருங்காலத்தில் மிகப்பெரிய தொழிற் பேட்டையாக மாறும்.

                   இப்பகுதியில் உள்ள 50க்கும் மேற்பட்ட கிராமத்தினர் 10 முதல் 20 கி.மீ., தூரம் வரை சுற்றித் தான் கடலூர் - சிதம்பரம் சாலையை அடைய வேண்டும். கடலூர் - பரங்கிப்பேட்டை வரை சாலை அமைக்க வேண்டும் என பொது மக்கள் விடுத்த கோரிக்கையைத் தொடர்ந்து கடற் கரை சாலை அமைக்கும் பணி துரிதமாக நடந்தது. இச்சாலையில் சொத்திக்குப்பம் - ராசாபேட்டை இடையே உப்பனாற்றில் 24 கோடி ரூபாயில் பாலம் கட்டி முடிக்கப்பட்டது. 

                 மேலும் பரங்கிப்பேட்டை வெள்ளாறின் குறுக்கே 20 கோடி ரூபாயில் பாலம் கட்டும் பணி முடிவடையும் தருவாயில் உள்ளது. இதற்கிடையே சாலை அமையும் இடத்தில் நிலம் வைத்திருப்போர் நிலங்களை வழங்க தயக்கம் காட்டினர். இதனையடுத்து மாவட்ட அமைச்சர், எம்.பி., மாவட்ட நிர்வாகத்தினர் கடந்த மூன்று ஆண்டுகளாக மேற் கொண்ட முயற்சியால் அப்பகுதியில் வசிக்கும் 50க்கும் மேற்பட்டோர் தாங்களாகவே முன் வந்து நிலங்களை கொடுத்ததால் சாலை அமைக்கும் பணி தீவிரமாக நடந்து வந்தது.

                 இந்நிலையில் தம்மனாம்பேட்டை - சித்திரைப் பேட்டை இடையே உள்ள இ.ஐ.டி., பாரி நிறுவனத்திற் கும், தனியார் ஒருவருக்கும் சொந்தமான நிலத்தை வழங்காததால் தம்மனாம்பேட்டை - சித்திரைப்பேட்டை வரை 750 மீ., சாலை நிறுத்தி வைக்கப் பட்டுள்ளது. மிகவும் பயனுள்ள திட்டமான இச்சாலையில் கடலூர் - சிதம்பரம் சாலை மூலம் போக்குவரத்து நெரிசல் கட்டுப்படுத்துவதுடன், 50 கிராம மக்கள், தொழில் நிறுவனத்தினர் பயனடைவர். 

                      50 கோடி ரூபாய் மதிப்பில் இரண்டு பாலம் கட்டப்பட்டு வெறும் 750 மீ., தூர நிலத்தால் சாலை மூன்று ஆண்டுகளாக கிடப்பில் உள்ளது. சாலை முழுமையடைந்தால் 50 கிராமத்தினர் பயனடையவர். தொழில் நிறுவனங்களுக்குத் தேவையான உபகரணங்களைக் கொண்டு வரவும், கடலூர் துறைமுகத்தில் இருந்து கப்பல் மூலம் வரும் பொருட்களை வெளியூர்களுக்கு ஏற்றிச் செல்லவும் வசதியாக இருக்கும்.

                     மேலும் ஆண்டு தோறும் மழைக் காலங்களில் வெள்ளப்பெருக்கு காரணமாக கடலூர் - சிதம்பரம் சாலை துண்டிக் கப்பட்டு 10 நாட்கள் வரை போக்குவரத்து தடைபடும். இதுபோன்ற காலங்களில் இச்சாலை மாற்று வழியாகவும் அமையும். மேலும் சுற்றுலாத் தலமான பிச்சாவரத்திற்கு கடலூர் உட்பட பல பகுதிகளில் இருந்து எளிதாக சென்று வரலாம். இ.ஐ.டி., பாரி நிறுவனமும் பயனடையும். எதிர் காலத்தில் பல்வேறு புதிய தொழில் நிறுவனங்களும் அமைய வாய்ப்புள்ளது. எனவே அரசு இந்த இடங்களை கையகப்படுத்தி சாலை அமைக்க நடவடிக்கை எடுக்க வேண்டும்.

Read more »

கடலூர் கலெக்டர் உத்தரவை மீறி வெள்ளாற்றில் மணல் எடுப்பு ; ஷட்டர்களின் அடித்தளம் பலவீனமாகும்.

சேத்தியாத்தோப்பு: 

          கலெக்டர் உத்தரவை காற்றில் பறக்கவிட்டு சேத்தியாத்தோப்பு வெள்ளாற்றில் வேறு இடத்தில் மணல் எடுப்பதன் மூலம் வெள்ள அபாயத்தை பொதுப்பணித் துறையினரே ஏற்படுத்தி வருகின்றனர். 

            சேத்தியாத்தோப்பு வெள்ளாற்றில் மணல் குவாரி அமைக்கப்பட்டு நாள் ஒன்றுக்கு 400க்கும் மேற்பட்ட லாரிகளில் மணல் அள்ளுகின்றனர். சென்னைக்கு குடிநீர் கொண்டு செல்லும் புதிய வீராணம் திட்ட பாலத்தின் அருகில் மணல் எடுத்து வந்தனர். இதனால், வீராணம் திட்ட பாலம் பலவீனமாகும் நிலை உருவானது. இதுபற்றி கடந்த மாதம் (ஜூலை 12) தினமலரில் படத்துடன் செய்தி வெளியிடப்பட்டது. இதனைத் தொடர்ந்து வீராணம் திட்ட பாலத்தின் பில்லர் பகுதியில் தோண்டப்பட்ட பள்ளங்களை மூடி சமப்படுத்தும் பணியினை பொதுப்பணித் துறையினர் மேற்கொண்டனர். இதுகுறித்தும் ஜூலை 16ம் தேதி படத்துடன் செய்தி வெளியானது. 

             மேலும் அச்செய்தியில் 35 ஆயிரம் கன அடிக்கு மேல் தண்ணீர் வந்தால் மட்டுமே மூழ்கக் கூடிய மணல் மேட்டை கரைக்க வேண்டி அங்கு மணல் எடுக்க மாவட்ட நிர்வாகம் உத்தரவு பிறப்பித்துள்ளதும் சுட்டிக் காட்டப்பட்டது. ஆனால், பொதுப்பணித் துறையினரோ வீராணம் திட்ட பாலத்தின் பில்லர் பகுதியை மட்டும் மணல் கொட்டி மேடாக்கி விட்டு பாலத்தையொட்டி 300 மீட்டர் தூரத்தில் சமப்படுத்தப்பட்ட பகுதியில் மீண்டும் மணல் எடுத்து வருகின்றனர். 

              மணல் எடுப்பதிலும் கூட அரசு விதிகள் அப்பட்டமாக மீறப்படுவதும் கூடுதல் கட்டணம் வசூலிப்பதும் தொடர்ந்து வருகிறது. மேலும் வெள்ள அபாயத்தை தடுக்க வேண்டி மணல் எடுக்க கலெக்டர் உத்தரவிட்ட பகுதிகளை அப்படியே விட்டு விட்டு வெவ்வேறு இடங்களில் மணல் எடுத்து வருகின்றனர். வெள்ளம் வந்தால் விரைவாக தண்ணீர் சூழும் பகுதியிலேயே மீண்டும் பள்ளங்கள் உருவாக்கி மணல் எடுப்பதன் மூலம் வெள்ளாற்றில் உள்ள நீர் தேக்க அணையின் ஷட்டர்களின் அடித்தளம் பலவீனமாகும். இதனை தவிர்க்க மணல் எடுக்கும் பகுதியை கலெக்டர் நேரிடையாக பார்வையிட்டு நடவடிக்கை எடுக்க வேண்டும்.

Read more »

பரங்கிப்பேட்டை- கிள்ளை பாலம் பணி முடிந்து சாலை அமைக்கும் பணி துரிதம்

பரங்கிப்பேட்டை:

             பரங்கிப்பேட்டையில் இருந்து கிள்ளையை இணைக்கும் வகையில் வெள்ளாற்றில் 20 கோடி மதிப்பில் பாலம் கட்டும் பணி முடிந்து பாலத்தை இணைக்கும் வகையில் இரண்டு பக்கமும் சாலை அமைக்கும் பணி துரிதமாக நடந்து வருகிறது.

                பரங்கிப்பேட்டையிலிருந்து கிள்ளைக்கு செல்வதற்கு பொதுமக்கள், வியாபாரிகள் பஸ்சில் புவனகிரி வழியாக சிதம்பரம் சென்று அங்கிருந்து கிள்ளைக்கு வரவேண்டும். இதனால் கால விரயம் ஏற்படுவதுடன், பொருட்செலவும் ஏற்பட்டது. மேலும் பரங்கிப்பேட்டையைச் சுற்றியுள்ள மாணவர்கள் கிள்ளை அரசு பள்ளிகளுக்குச் செல்ல வெள்ளாற்றில் படகு மூலம் சென்று வந்தனர். இதனால் பரங்கிப்பேட்டையைச் சுற்றியுள்ள மீனவர்கள், கிள்ளையை சுற்றியுள்ள கிராமங்களைச் சேர்ந்த விவசாயிகள் என அனைத்து தரப்பினரும் பரங்கிப் பேட்டையில் இருந்து கிள்ளையை இணைக்கும் வகையில் வெள் ளாற்றில் பாலம் அமைக்க வேண்டும் என 50 ஆண்டு கால கனவாக இருந்தது.

                  அதன்பேரில் நெடுஞ்சாலைத் துறை சார்பில் ஆசியா வளர்ச்சி வங்கி நிதி உதவியுடன் 20 கோடி மதிப்பில் புதிய பாலம் கட்ட டெண்டர் விடப்பட்டு கடந்த 2007ம் ஆண்டு ஜூலை மாதம் 26ம் தேதி பணி துவங்கப்பட்டது. 2008ம் ஆண்டு அக்டோபர் மாதத்திற்குள் முடிக்க ஒப்பந்தம் செய்யப்பட்டது.பாலம் கட்டும் பணி ஆமை வேகத்தில் நடந்ததாலும் மழை, வெள்ள காரணமாக இரண்டு ஆண்டுகளாக ஜவ்வாக இழுத்துச் சென்றது. தற்போது பாலம் கட்டும் பணி முழுவதும் முடிந்து பாலத்தினை இணைக்கும் வகையில் கிள்ளை, பரங்கிப்பேட்டை பகுதிகளில் சாலை போடப்பட்டு வருகிறது.

                 கிள்ளை பகுதி முடிந்து கடந்த இரண்டு நாட்களாக பரங்கிப் பேட்டை பகுதியில் சாலை அமைக்கும் பணி துரிதமாக நடந்து வருகிறது.மேலும் பாலத்தின் நான்கு பக்கங்களில் 3 லட்சம் மதிப்பில் 6 அடி உயரத்தில் திருவாரூர் தேர் அமைக்கும் பணி நடக்கிறது.இந்த மாத இறுதிக்குள் அனைத்து பணிகளும் முடிந்துவிடும் என அதிகாரிகள் கூறுகின்றனர். நேற்று முதல் பாலத்தின் வழியாக பைக், சைக்கிளில் செல்பவர்கள் சென்று வருகின்றனர். வெள்ளாற்றில் பாலம் கட்டப்பட்டு இறுதிக் கட்டத்தை நெருங்கியுள் ளதால் பரங்கிப்பேட்டை, கிள்ளை பகுதி மக்கள் மகிழ்ச்சியடைந்துள்ளனர்.

Read more »

திட்டக்குடி வெள்ளாறு, கெடிலம் ஆறுகளில் வெள்ள தடுப்பணைக்கு ரூ.233 கோடி அனுமதி

திட்டக்குடி : 

            வெள்ளாறு, கெடிலம் ஆறுகளில் வெள்ளத் தடுப்பணை அமைத்திட 233 கோடி ரூபாய், உலக வங்கி நிதியிலிருந்து அனுமதி பெறப்பட்டுள்ளதாக கண்காணிப்பு பொறியாளர் நஞ்சன் தெரிவித்தார். கடலூர் மாவட்டம் திட்டக்குடி அடுத்த கீழ்செருவாய் வெலிங்டன் ஏரி மூலம் திட்டக்குடி, விருத்தாசலம் தாலுகாவைச் சேர்ந்த 25 ஆயிரம் ஏக்கர் விளைநிலங்கள் பாசன வசதி பெற்று வந்தன. இதில், வலுவிழந்த கரைப் பகுதியான 1,700 முதல் 2,500 மீட்டர் வரையிலான 800 மீட்டர் கரைப் பகுதியை சீரமைத்து, பணிகள் நிறைவடையும் நிலையில் உள்ளன.

இப்பணிகளை நேற்று மதியம் நேரில் பார்வையிட்ட வெள்ளாறு வடிநில கோட்ட கண்காணிப்பு பொறியாளர் நஞ்சன், கூறியதாவது: 

                   வெலிங்டன் ஏரி கரை சீரமைப்பு பணிகள் 95 சதவீதம் நிறைவடைந்துள்ளன. வடகிழக்கு பருவமழை நீரை வீணடிக்காமல் இந்த ஆண்டு நீர்ப்பிடிப்பு செய்யப்படும். வெள்ளாறு, கெடிலம் ஆறுகளில் வெள்ள தடுப்புச்சுவர் அமைத்திட 233 கோடி ரூபாய், உலக வங்கி நிதியிலிருந்து அனுமதி கிடைத்துள்ளது. இப்பணிகள் விரைவில் துவங்கி, 2012 மார்ச் மாதத்திற்குள் நிறைவடையும். இவ்வாறு நஞ்சன் கூறினார்.

Read more »

கடலூர் மாவட்டத்தில் பல நூறு கோடியில் திட்டங்கள் அறிவிக்கப்பட்டும் வெள்ளத்தால் பரிதவிக்கும் 50 கிராமங்கள்

கொள்ளிடம் ஆறு (கோப்புபடம்).

கடலூர்:

 

             கடலூர் மாவட்டத்தில் மத்திய அரசின் நிதி உதவியுடன் ஆறுகளின் கரைகளை பலப்படுத்துதல், வடிகால் வாய்க்கால்களை சீரமைத்தல் உள்ளிட்ட பல பணிகள் ரூ.200 கோடியில் நிறைவேற்றப்பட இருக்கின்றன. 

 

            பிற மாவட்டங்களில் உற்பத்தியாகி கடலூர் மாவட்டத்தில் பாயும் கொள்ளிடம் ஆறு, பெண்ணையாறு, வெள்ளாறு, பரவனாறு, கெடிலம் ஆறு ஆகியவற்றால், கடலூர் மாவட்ட வேளாண்மைக்கு பெரிதாகப் பயன்கள் இல்லை. இவைகள் வடிகாலாகச் செல்வதால், மழைக்காலங்களில் ஏற்படும் வெள்ளப் பெருக்கால் கடலூர் மாவட்டத்தில் 200 கிராமங்கள் மற்றும் கடலூர், சிதம்பரம் ஆகிய நகரங்கள் பாதிக்கப்படுகின்றன.ஒரு லட்சத்துக்கும் மேற்பட்ட விளைநிலங்கள் வெள்ளத்தில் மூழ்கி விவசாயிகளின் வாழ்வாதாரங்களை ஆண்டுதோறும் அழித்து வருகின்றன.

 

             எனவே கடலூர் மாவட்டத்தில் ஒருங்கிணைந்த நிரந்தர வெள்ளத் தடுப்பு நடவடிக்கைகள் தேவை என்ற கோரிக்கை நீண்டகாலமாக இருந்து வருகிறது. இந்தக் கோரிக்கைகளை ஏற்று, மத்திய மாநில அரசுகள், தற்போது பல்வேறு திட்டங்களை நிறைவேற்ற முன்வந்து இருக்கிறது.ரூ. 109 கோடியில் கொள்ளிடம் ஆற்றின் வடகரையைப் பலப்படுத்துதல், ரூ. 68 கோடியில் வெள்ளாற்றின் கரையைப் பலப்படுத்துதல், மத்திய பரவனாற்றை ரூ. 7 கோடியில் சீரமைத்தல், ரூ. 23 கோடியில் வீராணம் ஏரியை மராமத்து செய்தல் என்பன உள்ளிட்ட பல்வேறு திட்டங்கள் அறிவிக்கப்பட்டு உள்ளன. 

 

    

 

 

             நிதி ஒதுக்கீடும் செய்யப்பட்டு இருப்பதாக பொதுப்பணித்துறை தெரிவிக்கிறது.இத்தனை கோடிகளில் திட்டங்கள் அறிவிக்கப்பட்டும், உண்மையான வெள்ளப் பாதுகாப்புக்கு இத்திட்டங்களால் தீர்வு கிடைக்குமா என்ற கேள்வி எழுந்துள்ளது. வீராணத்தின் வடிகால் வெள்ளியங்கால் ஓடையில் வடகிழக்குப் பருவமழை காலத்தில் வெளியேற்றப்படும் அபரிமிதமான நீரால் (வினாடிக்கு 15 ஆயிரம் கன அடிக்கு மேல்) திருநாரையூர், எடையார், பிள்ளையார்தாங்கல் உள்ளிட்ட 10-க்கும் மேற்பட்ட கிராமங்கள், ஆயிரத்துக்கும் மேற்பட்ட ஏக்கர் விளைநிலங்கள் வெள்ளத்தில் மூழ்கி பாதிக்கப்படுகின்றன. 

 

            இதேபோல் வீராணத்துக்கு காவிரி நீரை விநியோகிக்கும் வடவாறில் இருந்து பிரிந்து பாசன வாய்க்காலாகவும், வடிகால் வாய்க்காலாகவும் விளங்கும் மணவாய்க்காலில், ஆண்டுதோறும் ஏற்படும் வெள்ளப் பெருக்கால், காட்டுமன்னார்கோவில் கருப்பூர், ஆலங்காத்தான் உள்ளிட்ட 10-க்கும் மேற்பட்ட கிராமங்களும், 1000 ஆயிரம் ஏக்கருக்கு மேல் விளைநிலங்களும் அடித்துச் செல்லப்படுகின்றன.பழைய கொள்ளிடத்தில் ஏற்படும் வெள்ளப் பெருக்கால், வல்லம்படுகை, பேராம்பட்டு உள்ளிட்ட 15 கிராமங்களும், 2 ஆயிரம் ஏக்கர் விளைநிலங்களும் பாதிக்கப்படுகின்றன. 

 

            பாசிமுத்தான் ஓடையில் ஏற்படும் வெள்ளப் பெருக்கால் சிதம்பரம் நகரம் மற்றும் 10 கிராமங்கள் ஆண்டுதோறும் பல நாள்கள், தண்ணீரில் தத்தளிக்க நேரிடுகிறது.வீராணம் ஏரி முழுக் கொள்ளளவுக்கும் நீர்மட்டம் உயரும்போது எதிர்கரையில் உள்ள சித்தமல்லி, அறந்தாங்கி உள்ளிட்ட 10 கிராமங்களில் பயிரிடப்படும் 1000 ஏக்கர் நெல், வாழை, கரும்புப் பயிர்கள் ஆண்டுதோறும் நீரில் மூழ்கி சேதம் அடைகின்றன. ஆனால் இந்த பாதிப்புகளுக்குத் தீர்வு காண, தற்போது அறிவிக்கப்பட்டு இருக்கும் திட்டங்களில் வழிகாணப்படவில்லை என்கிறார்கள் அப்பகுதி விவசாயிகள்.

 

இது குறித்து பாசிமுத்தான் ஓடை விவசாயிகள் சங்கத் தலைவர் பி.ரவீந்திரன் கூறுகையில், 

 

           "ஆண்டுதோறும் கிராமத்து ஏழை, எளிய மக்களுக்கும், 50 ஆயிரம் ஏக்கர் விளைநிலங்களுக்கும் வெள்ளப்பாதிப்பை ஏற்படுத்தும், வெள்ளியங்கால் ஓடை, மணவாய்க்கால், பழையகொள்ளிடம், பாசிமுத்தான் ஓடை, கருவாட்டு ஓடை ஆகியவற்றில் வெள்ளத் தடுப்பு நடவடிக்கைகளுக்காக, மேற்கண்ட திட்டங்களில் அறிவிப்பு ஏதும் இல்லாதது வருத்தம் அளிக்கிறது.மேற்கண்ட பணிகளைச் செய்தால்தான் வெள்ளத் தடுப்பு நடவடிக்கை முழுமையாகப் பலன் தரும். அதற்கு ஏதாவது திட்டத்தில் நிதி ஒதுக்கீடு செய்ய வேண்டும்' என்றார்.

 

இது குறித்து பொதுப்பணித் துறை செயற்பொறியாளர் செல்வராஜி கூறுகையில்

 

              "தற்போது அறிவிக்கப்பட்டு இருக்கும் திட்டங்களில் மேற்கண்ட பணிகள் எடுத்துக் கொள்ளப்படவில்லை. எனினும் அப்பணிகளைச் செய்தால்தான் மக்கள் பாதுகாப்புடன் இருக்க முடியும்.பயிர்கள் சேதத்தையும் தவிர்க்கலாம். வீராணம் எதிர்கரை பலப்படுத்தும் பணிக்கு திட்டம் தயாரிக்கப்பட்டு உள்ளது. மெட்ரோ வாட்டர் திட்டத்தில் அப்பணி மேற்கொள்ளப்படும்  என்று தெரிகிறது என்றார்.

Read more »