கடலூர் பாடலீஸ்வரர் கோவிலில் இன்று மகா சிவராத்திரி உற்சவம்

கடலூர்:

                      கடலூர் பாடலீஸ்வரர் கோவிலில் இன்று (13ம் தேதி) மகா சிவராத்திரி விழா நடக்கிறது. விழாக்களில் முதன்மையும், பெருமையும் கொண் டது மகா சிவராத்திரி விழா. பிரம்மா, விஷ்ணு இருவருக்கும் அருள்பாலிக்கும் பொருட்டு சிவபெருமான் சிவலிங்கமேனி கொண்ட காலமே மகா சிவராத்திரி என்றும், அன்று இரவு நான்கு ஜாமத் திலும் சிவபெருமானை உமா தேவி வழிபட்டதாகவும் புராணங்களில் கூறப்படுகிறது.சிவராத்திரி என்பது துக் கங்களை போக்கி சுகம் கொடுப்பதாகும். அன்று இரவு முழுவதும் விழித்திருந்து சிவபெருமானை வழிபட்டால் நற்பலன் கிடைக்கும் என்பது ஐதீகம்.சிவராத்திரி விழாவை முன்னிட்டு கடலூர் பாடலீஸ்வரர் கோவிலில் இன்று காலை 10 மணிக்கு சிறப்பு அபிஷேகமும், இரவு பெரியநாயகி உடனுறை பாடலீஸ்வரருக்கு நான்கு கால சிறப்பு பூஜை நடக்கிறது.ஏற்பாடுகளை இந்து அறநிலைய ஆட்சித்துறை உதவி ஆணையர் ஜெகன் னாதன், செயல் அலுவலர் மேனகா மற்றும் கோவில் அர்ச்சகர்கள், பணியாளர் கள் செய்து வருகின்றனர். 

 

திருவதிகை:

                    வீரட்டானேஸ்வரர் கோவிலில் இன்று (13ம்தேதி) காலை 6 மணிக்கு அம்பாள் பெரியநாயகி, வீரட்டானேஸ்வர் சுவாமிக்கு சிறப்பு அபிஷேகம், அர்ச்சனைகள் நடக்கிறது.விழாவை முன்னிட்டு மாலை 6 மணிக்கு சரக் கொன்றைநாதர் சுவாமிக்கு பஞ்ச தீர்த்தங்களால் பக்தர் களே நேரடியாக அபிஷேகம் செய்வதற்கு ஏற்பாடு செய் யப்பட் டுள்ளது. மூலவர் வீரட்டானேஸ்வரர், பெரியநாயகி அம்பாள் சுவாமிக்கு இரவு 8 மணிக்கு முதற்கால பூஜையும், 11மணிக்கு 2ம் கால பூஜையும், 2 மணிக்கு 3ம் கால பூஜையும், 4மணிக்கு 4ம் கால பூஜையும், நாளை விடியற்காலை தீபாராதனை நடக்கிறது.

Read more »

மாற்று திறன் படைத்தோருக்கு உதவி தொகைகலெக்டர் தலைமையில் கலந்தாய்வு கூட்டம்

விருத்தாசலம்: 

             விருத்தாசலம் தாலுகா அலுவலகத்தில் மாற்று திறன் படைத்தோருக்கு உதவி தொகை வழங்குவது குறித்து அதிகாரிகள் கலந்தாய்வு கூட்டம் நடந்தது.

               மாவட்ட வருவாய் அதிகாரி நடராஜன் முன்னிலை வகித்தார். தாசில் தார் ஜெயராமன், வாழ்ந்து காட்டுவோம் திட்ட அலுவலர் நித்தியானந் தம், பி.டி.ஓ., க்கள், ஆர்.ஐ.,கள் வாழ்ந்து காட்டுவோம் திட்ட அதிகாரிகள், அரசு டாக்டர்கள் பங்கேற்றனர். 

கூட்டத்திற்கு தலைமை தாங்கி கலெக்டர் சீத்தாராமன் பேசுகையில், 

மாற்று திறன் படைத்தோர் 18 வயதில் இருந்து 64 வயதிற்குள்ளும், ஊனம் 80 சதவீதம் இருக்க வேண் டும். வயதிற்கான ஆதாரம், ஊனத் திற்காக மாவட்ட ஊனமுற்றோர் மறுவாழ்வு அலுவலரிடமிருந்து பெறப் பட்ட அடையாள அட்டை, வறுமைக்கோடு பட்டியல் நகல் இருக்க வேண்டும்.

          இவ்வாறு தகுதி வாய்ந்த மாற்று திறன் படைத்தோர் உதவி தொகை வேண்டி மனுக்களை எழுதி தங்கள் பகுதிக்குட்பட்ட ஊராட்சி தலைவர்கள், வி.ஏ.ஓ., ஆர்.ஐ., பி.டி.ஓ., அலுவலகம், தாலுகா அலுவலகம், சமூக பாதுகாப்பு அலுவலகம் ஆகிய இடங்களில் கொடுக்கலாம்.  மனுக்களை பரிசீலித்து உதவி தொகை வழங்கப்படும் என பேசினார்.

பின்னர் அவர்  கூறியதாவது:

                    மாற்று திறன் படைத்தோருக்கு உதவி தொகை வழங்கும் வாரம் வரும் 15 ம் தேதி முதல் 20 ம் தேதி வரை நடக்கிறது. வாழ்ந்து காட்டுவோம் திட்டம் விருத்தாசலம், காட்டுமன்னார்குடி, நல்லூர், மங்களூர் ஒன்றியங்களில் செயல்படுகிறது.

             இதில் 8,207 பேர் மாற்று திறன் படைத்தோர் என பட்டியலிடப்பட் டுள்ளது. கம்மாபுரம் ஒன்றியத்தை சேர்த்தால் 10 ஆயிரம் பேர் பட்டியலில் இடம் பெறுவர். இவர்களில் தகுதி வாய்ந்தவர்களுக்கு உதவி தொகை வழங்கப்படும். மேலும் அவர்களுக்கு மருத்துவ காப்பீடு திட்டத்தின் கீழ் சிகிச்சை அளிக்க நடவடிக்கை எடுக்கப்படும் என கூறினார்.

Read more »

சிதம்பரத்தில் இன்று நாட்டியாஞ்சலி துவக்கம் : பிரபல கலைஞர்கள் குவிந்தனர்

சிதம்பரம்:

                  சிதம்பரம் நடராஜர் கோவிலில் 29வது ஆண்டு நாட்டியாஞ்சலி விழா இன்று (13ம் தேதி) துவங்குகிறது. பிரபல நாட்டிய கலைஞர் பத்மா சுப்ரமணியன் பரதம் ஆடுகிறார். நாட்டியாஞ் சலியில் பங்கேற்க பல்வேறு நாடுகளில் இருந்து கலைஞர்கள் சிதம்பரம் வந்துள்ளனர். நடராஜ பெருமான் நாட்டி யமாடிய சிதம்பரத்தில், 1981ம் ஆண்டு அறக்கட்டளை துவங்கி, கடந்த 28 ஆண்டுகளாக நாட்டியாஞ்சலி விழா நடத்தப்பட்டு வருகிறது.

                       இந்தியாவின் பல்வேறு மாநிலங்கள் மற்றும் ஆஸ்திரேலியா, சிங்கப்பூர், மலேசியா, அமெரிக்கா, இலங்கை உள்ளிட்ட பல்வேறு நாடுகளில் இருந்தும் நாட்டிய கலைஞர்கள் நாட்டியாஞ்சலி நிகழ்ச்சியில் பங்கேற்று வருகின்றனர். மகா சிவராத்திரியான இன்று (13ம் தேதி) 29வது நாட்டியாஞ்சலி விழா துவங்கி, 17ம் தேதி வரை ஐந்து நாட்கள் நடக்கிறது. அண்ணாமலை பல்கலை துணைவேந்தர் ராமநாதன், என்.எல்.சி., சேர்மன் அன்சாரி ஆகியோர் விழாவை துவக்கி வைக்கின்றனர். முதல் நாள் நிகழ்ச்சியான இன்று சிவராத்திரி என்பதால், மாலை 5.30 மணிக்கு துவங்கி, மறுநாள் 14ம் தேதி காலை 5 மணி வரை தொடர்ந்து நடக்கிறது. நாட்டியாஞ்சலி இன்று துவங்குவதையொட்டி, கோவில் வெளிப்பிரகாரத்தில் மேடை அமைக்கப்பட்டுள்ளது.

Read more »