கடலூர் மாவட்டத்தில் லோக் ஜனசக்தி கட்சி 2 தொகுதிகளில் போட்டி

சிதம்பரம்:

              கடலூர் மாவட்டத்தில் உள்ள 9 சட்டப்பேரவைத் தொகுதிகளில் சிதம்பரம், புவனகிரி தொகுதிகளில் தமிழக லோக்ஜனசக்தி தனித்துப் போட்டியிடுவதாக அக்கட்சி மாநில செயலாளர் ஆர்.பன்னீர்  அறிவித்துள்ளார்.

இதுகுறித்து லோக் ஜனசக்தி கட்சிமாநில செயலாளர் ஆர்.பன்னீர்   வெளியிட்டுள்ள அறிக்கை: 

          தேசிய லோக் ஜனசக்தி கட்சி தலைவர் ராம்விலாஸ்பாஸ்வான் எம்பி, தமிழக மாநிலத் தலைவர் சி.வித்யாதரன் ஒப்புதலுடன் கடலூர் மாவட்டத்தில் மாநிலச் செயலாளர் ஆர்.பன்னீர் ஆகிய நான் சிதம்பரம் தொகுதியிலும், இளைஞரணி மாவட்டத் தலைவர் ஆர்.கமலக்கண்ணன் புவனகிரி தொகுதியிலும் வேட்பாளராக நிறுத்தப்பட்டு தனித்து போட்டியிடுவார்கள் என ஆர்.பன்னீர் தெரிவித்துள்ளார்.

Read more »

தமிழ்நாட்டில் சிறந்த மருத்துவமனையாக கடலூர் அரசு மருத்துவமனை தேர்வு

கடலூர் : 

         சிறந்த மருத்துவமனைக்கான விருது கடலூர் அரசு பொது மருத்துவமனைக்கு வழங்கப்பட்டுள்ளது. தமிழக சுகாதாரத்துறை மற்றும் இந்திய தொழில், வர்த்தக சபை சார்பில் சுகாதாரம் குறித்த மாநாடு மற்றும் கண்காட்சி சென்னையில் நடந்தது. மாநாட்டில் தமிழ்நாட்டில் சிறப்பாக செயல்பட்டு வரும் மருத்துவமனைகளை ஆய்வு செய்து விருது வழங்கப்பட்டது. இதில் தமிழ்நாட்டில் சிறந்த மருத்துவமனையாக கடலூர் அரசு மருத்துவமனை தேர்வு செய்யப்பட்டது. இதற்கான விருதை கடலூர் மாவட்ட மருத்துவத்துறை இணை இயக்குனர் கமலக்கண்ணன் பெற்றுக் கொண்டார்.

Read more »

கடலூர் சோதனை சாவடியில் காரில் ரூ.2 லட்சம் சிக்கியது

கடலூர்

            சட்டசபை தேர்தலையொட்டி தமிழகத்தில் தேர்தல் விதிகள் அமல்படுத்தப்பட்டு தேர்தல் அதிகாரிகள் தீவிர நடவடிக்கைகளில் ஈடுபட்டு வருகின்றனர். பல இடங்களில் அதிரடி வாகன சோதனை நடத்தப்பட்டதில் ஏராளமான பணம் சிக்கியது.

              அதேபோல் நேற்று மாலை கடலூர் ஆல்பேட்டை சோதனை சாவடியில் தொகுதி தேர்தல் உதவி அதிகாரி அசோகன், அலுவலர்கள் பழனி, சிவா மற்றும் போலீசார் வாகனங்களை சோதனையிட்டனர். இதில், திண்டிவனத்தில் உள்ள டிராவல்ஸ் உரிமையாளர் தனவேந்தன் (வயது 40), டிரைவர் செங்குட்டுவன் (28) ஆகியோர் சேர்ந்து வந்த காரில் ரூ.2 லட்சம் சிக்கியது.

              இதுபற்றி அதிகாரிகள் விசாரணை செய்தபோது, கடலூரில் புதிய கார் வாங்குவதற்காக புதுவையில் உள்ள ஒரு நண்பரிடம் இருந்து அந்த பணத்தை வாங்கி வந்ததாக 2 பேரும் தெரிவித்தனர். அதிகாரிகள் தொடர்ந்து விசாரணை நடத்தி வருகின்றனர்.

Read more »