உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




சனி, ஜூலை 02, 2011

தமிழ்நாடு சுற்றுலா வளர்ச்சி கழகம் சார்பில் 108 அம்மன் கோயில் தரிசனம்

         ஆடி மாதத்தில் 108 அம்மன் கோயில்களை தரிசிப்பதற்கான சிறப்பு ஆன்மிகச் சுற்றுலா வசதியை தமிழ்நாடு சுற்றுலா வளர்ச்சி கழகம் செய்துள்ளது.

                ஜூலை 18-ம் தேதி இச்சுற்றுலா தொடங்கப்படுகிறது. திங்கள் மற்றும் வியாழக்கிழமைகளில் காலை 6 மணிக்கு தொடங்கி வெள்ளி மற்றும் திங்கள்கிழமை இரவு சென்னை வந்தடையும் வகையில் 108 அம்மன் கோயில் சுற்றுலா ஏற்பாடு செய்யப்பட்டுள்ளது.

            பெரியவர்களுக்கான கட்டணம் ரூ. 3,250 என்றும், குழந்தைகளுக்கு ரூ. 2,500 என்றும் நிர்ணயிக்கப்பட்டுள்ளது. 

            போக்குவரத்து, தங்கும் வசதி, வழிகாட்டி சேவை ஆகியவை இக்கட்டணத்தில் அடங்கும்.இதுபோல், சென்னையைச் சுற்றியுள்ள அம்மன் கோயில்களுக்கும் ஒருநாள் ஆன்மிகச் சுற்றுலா ஏற்பாடு செய்யப்பட்டுள்ளது. இதற்கான கட்டணம் ரூ. 250.தமிழ்நாடு சுற்றுலா வளர்ச்சி கழகம் வெளியிட்டுள்ள செய்திக்குறிப்பில் இத்தகவல் தெரிவிக்கப்பட்டுள்ளது.


Read more »

மதுரை காமராஜர் பல்கலைக்கழகத்தில் எம்.ஏ. நிர்வாகவியல் பட்டப் படிப்பு அறிமுகம்

            மதுரை காமராஜர் பல்கலைக்கழகத்தில் எம்.ஏ. நிர்வாகவியல் (சி.பி.எஸ்.சி.) பட்டப் படிப்பு நடப்புக் கல்வியாண்டில் அறிமுகப்படுத்தப்பட்டுள்ளது என பல்கலைக்கழகப் பதிவாளர் (பொறுப்பு) எம். ராஜியக்கொடி தெரிவித்துள்ளார்.

              இதில் சேர விரும்பும் மாணவர்கள் பல்கலைக்கழகத்தால் அங்கீகரிக்கப்பட்ட ஏதாவது ஒரு இளநிலை படிப்பில் தேர்ச்சி பெற்றிருக்க வேண்டும். நுழைவுத் தேர்வு, குழு விவாதம் மற்றும் நேர்முகத் தேர்வு அடிப்படையில், விண்ணப்பதாரர்கள் இப்படிப்பில் சேர அனுமதிக்கப்படுவர். 

           இதற்கான விண்ணப்பத்தை இளைஞர்நல படிப்பியல் துறை, மதுரை காமராஜர் பல்கலைக்கழகத்திலிருந்து 15.7.2011 வரை பெற்றுக் கொள்ளலாம். 21.7.2011-ல் இதற்கான நுழைவுத் தேர்வும், 26.7.2011-ல் குழு விவாதம் மற்றும் நேர்முகத் தேர்வும் நடைபெறும். வகுப்புகள் ஆகஸ்ட் மாதம் இரண்டாம் வாரம் முதல் தொடங்கும். 

மேலும் தகவல்களுக்கு 

0452-2458231,

செல்போன் 9443047400 


ஆகிய எண்களில் தொடர்பு கொள்ளலாம் என்று தெரிவிக்கப்பட்டுள்ளது.







Read more »

விருத்தாசலம் கொளஞ்சியப்பர் கலைக் கல்லூரி மாணவிகள் விடுதிக்கு இடம் தேர்வு செய்ய ஆய்வு

விருத்தாசலம்:

           விருத்தாசலம் அரசு கலைக் கல்லூரி மாணவிகள் விடுதி கட்டுவதற்கான இடத்தை வருவாய்த் துறையினர் வியாழக்கிழமை ஆய்வு செய்தனர். 
   
              விருத்தாசலம் திரு கொளஞ்சியப்பர் கலைக் கல்லூரியில் பயின்று வரும் பிற்படுத்தப்பட்ட மாணவிகளுக்கான விடுதி அமைப்பதற்கு அரசு ஒப்புதல் வழங்கியுள்ளது. அதன்படி பிற்படுத்தப்பட்ட மாணவிகளுக்கான விடுதி கட்டுவது குறித்து வருவாய்த் துறையினர் ஆலோசித்து, கல்லூரி பின்புறமுள்ள கல்லூரிக்கு சொந்தமான இடத்தில் அமைப்பது பற்றி ஆய்வு செய்தனர். அப்போது விடுதிக்கு தேவையான பாதுகாப்பு வசதிகள் உள்ளதா? என்பது குறித்தும் ஆலோசித்தனர். வட்டாட்சியர் சரவணன், நகர காவல் உதவி ஆய்வாளர் பாஸ்கரன், வருவாய் ஆய்வாளர் பிரபாகரன், கல்லூரி முதல்வர் (பொறுப்பு) சுப்பிரமணியன், கிராம நிர்வாக அலுவலர் ராஜேஷ்வரன் உள்ளிட்டோர் இருந்தனர்.




Read more »

நண்பர்களோடு பகிர்ந்து கொள்ள

Country wise Vistior