உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




புதன், ஆகஸ்ட் 24, 2011

கடலூரில் சூறாவளி காற்றுடன் மழை

 
 
http://mmimages.mmnews.in/Articles/2011/Aug/5101597f-cd0d-48d8-964e-77e0f763ebf8_S_secvpf.gif
 
               கடலூரில் கடந்த 3 நாட்களாக வெயில் கொளுத்தி வந்த நிலையில் திங்கட்கிழமை  மாலை 5 மணி அளவில் திடீரென சூறைக்காற்று வீசியது. சிறிது நேரத்தில் மழையும் பெய்தது. சுமார் 15 நிமிடமே இந்த மழை நீடித்தது. முன்னதாக சூறாவளி காற்றால் சாலையோரங்களில் வைக்கப்பட்டிருந்த விளம்பர போர்டுகள் மற்றும் பேனர்கள் கீழே விழுந்து சேதமடைந்தன.

                சாலைகள் புழுதி மண்டலமானதால் வாகன ஓட்டிகள், பொது மக்கள் பெரிதும் சிரமம் அடைந்தனர். சூறாவளி காற்றால் நகர் முழுவதும் சுமார் 1/2 மணி நேரம் மின்சாரம் துண்டிக்கப்பட்டது. நெல்லிக்குப்பம் நடுவீரப் பட்டு, திருமாணிக்குழி மற்றும் சுற்றுப்பகுதிகளிலும் சூறாவளி காற்று வீசியது. இதனால் அந்த பகுதிகளில் ஒரு சில மரங்கள் சாய்ந்தன.

              பல இடங்களில் மரக்கிளைகள் முறிந்து விழுந்தன. திருமாணிக்குழியில் பெரிய புளியமரம் வேரோடு சாய்ந்ததால் அந்த பகுதியில் போக்குவரத்து பாதிக் கப்பட்டது. பல இடங்களில் மின் கம்பிகள் அறுந்து விழுந்ததால் 10-க்கும் மேற்பட்ட கிராமங்களில் மின்தடை ஏற்பட்டது. மின் ஊழியர்கள் விரைந்து வந்து சீரமைப்பு பணிகளை செய்தனர். இரவு 9 மணி அளவில் அந்த பகுதிகளில் மீண்டும் மின் வினியோகம் தொடங்கியது.
 
 
 

Read more »

செவ்வாய், ஆகஸ்ட் 23, 2011

தமிழகத்தில் பள்ளி மாணவர்களுக்கு ஸ்மார்ட் கார்டு

             மாணவர்களின் முழு விவரங்கள் பதிவுசெய்யப்பட்ட ஸ்மார்ட் கார்டு வழங்கப்படும் என்று தமிழக அரசு அறிவித்துள்ளது. 

 பேரவையில் திங்கள்கிழமை நடைபெற்ற பள்ளிக் கல்வித் துறை மானியக் கோரிக்கை மீதான விவாதத்துக்குப் பதிலளிக்கும்போது அமைச்சர் சி.வி. சண்முகம் வெளியிட்ட அறிவிப்புகள்:  

         மாணவர்களுக்கான ஸ்மார்ட் கார்டில் ஒவ்வொரு மாணவரின் பெயர், முகவரி, பிறப்பு, பள்ளிச் சேர்க்கை, தேர்ச்சி, நடத்தை, பெற்றோர் பெயர், பெற்றோர் வருமானம் போன்ற அனைத்து விவரங்களும் பதிவு செய்யப்படும். இதன்மூலம் மாணவர்கள் குடும்பச் சூழ்நிலை காரணமாக இடம்பெயர நேரும்போது இதில் பதிவு செய்துள்ள விவரங்களின் அடிப்படையில் எந்தப் பள்ளியிலும் சேர முடியும்.  இதன் மூலம் மாணவர்களின் இடைநிற்றல் துல்லியமாகக் கண்டறியப்பட்டு பள்ளிகளில் சேர்க்க வழிவகை செய்யப்படும். 

 ஸ்மார்ட் வகுப்புகள்:

               முதல்கட்டமாக, 5 அரசுப் பள்ளிகளில் ரூ.1.25 கோடி மதிப்பீட்டில் ஸ்மார்ட் வகுப்புகள் தொடங்கப்படும். வகுப்பறையில் கணினி முறையில் பாடம் நடத்தப்படும். இதயம் குறித்து பாடம் நடத்தும்போது, ஒலி, ஒளி அமைப்பில் வெண் திரையில் இதயம் தோன்றும். இதன்மூலம், பாடங்கள் மாணவர்கள் மனதில் நீண்ட நாள்கள் நிற்கும். 

கல்வித் தகவல் மேலாண்மை: 

            கல்வித் தகவல் மேலாண்மைத் திட்டத்தின் மூலம் தொடக்கப் பள்ளிகள், நடுநிலைப் பள்ளிகள், உயர்நிலை, மேல்நிலைப் பள்ளிகளின் அமைப்பு, அமைவிடம், கட்டட வசதி போன்றவை பதிவு செய்யப்படும். அந்தப் பள்ளிகளில் பணியாற்றும் தலைமையாசிரியர், ஆசிரியர்கள், ஆசிரியரல்லாத பணியாளர்களின் பெயர், பணி, பணியில் சேர்ந்த நாள், வயது, ஓய்வு பெறும் நாள் போன்ற எல்லா விவரங்களும் முழுமையாகப் பதிவு செய்யப்படும்.  இந்த முறையில் பள்ளிக் கல்வித் துறையில் பயிலும் மாணவர்கள் எண்ணிக்கை, இடைநிற்றல், தேர்வுகள், தேர்ச்சி போன்றவை பதிவு செய்யப்படும். இதில் பள்ளியில் பயிலும் மாணவர் ஒவ்வொருவருக்கும் தர எண் அளிக்கப்பட்டு ஆண்டுதோறும் அந்த மாணவரின் நிலை கண்காணிக்கப்படும்.








Read more »

வடலூரில் பள்ளிச் சிறுமி கடத்தல்


நெய்வேலி:
 
          வடலூரை அடுத்த தென்குத்து கிராமத்தைச் சேர்ந்த ரவிச்சந்திரன் என்பவரது மகளை மர்ம நபர்கள் புதன்கிழமை கடத்திச்சென்றதாகத் தெரிகிறது.  இது குறித்து போலீசார்  தீவிர விசாரணை நடத்திவருகின்றனர். 
 
                 வடலூரை அடுத்த வானதிராயபுரத்தைச் சேர்ந்த ரவிச்சந்திரன் என்பவரது மகள் ஆர். கனிதா(10). இச்சிறுமி வடலூர் ஆபத்ராணபுரத்தில் உள்ள திரிபுரணேனி மெட்ரிக்குலேசன் பள்ளியில் 5-ம் வகுப்பு படித்துவருகிறார்.  இந்நிலையில் சிறுமி புதன்கிழமை பள்ளிக்குச் சென்றுவிட்டு மாலை வீடு திரும்புவதற்காக பள்ளி வாயிலில் நின்றிருந்ததாகக் கூறப்படுகிறது. அப்போது அங்கு வந்த மர்ம நபர் ஒருவர் சிறுமியை அழைத்துச் சென்றதாகக் கூறப்படுகிறது. நெடுநேரம் ஆகியும் சிறுமி வீடு வந்த சேராததால், அதிர்ச்சியடைந்த பெற்றோர், பள்ளிக்குச் சென்று பார்த்துள்ளனர். 
 
                 ஆனால் அங்கிருந்து சிறுமி சென்றுவிட்டதாக பள்ளி நிர்வாகத்தினர் கூறியுள்ளனர்.  இதையடுத்து பெற்றோர் மற்றும் உறவினர்கள் சிறுமியை பல இடங்களில் தேடியும் கிடைக்காததால், வியாழக்கிழமை நெய்வேலி டவுன்ஷிப் காவல்நிலையத்தில் புகார் அளித்தனர்.  இப்புகாரை அடுத்து நெய்வேலி இன்ஸ்பெக்டர் ராஜேந்திரன், சிறுமியை கண்டுபிடிக்க தனிப்படை அமைத்து தீவிர விசாரணை நடத்திவருகிறார். இருப்பினும் சிறுமி குறித்து இதுவரை எந்த தகவலும் கிடைக்கவில்லை. தற்போது நெய்வேலி டிஎஸ்பி மணி, இன்ஸ்பெக்டர் ராஜேந்திரன் ஆகியோர் சிறுமியை கடத்தியது கடத்தல் கும்பலா அல்லது உறவினர்களா என்பது குறித்து விசாரணை நடத்திவருகின்றனர்.
 
 
 
 
 

Read more »

நண்பர்களோடு பகிர்ந்து கொள்ள

Country wise Vistior