கடலூர் நகராட்சி மேல்நிலைப் பள்ளி . 750 மாணவர்களுக்கு இலவச திருக்குறள் நூல்கள்

கடலூர்:

            மாணவர்களுக்கு இலவசமாக திருக்குறள் நூல்கள் வழங்கும் விழா கடலூரில் வியாழக்கிழமை நடந்தது.  கடலூர் நகராட்சி மேல்நிலைப் பள்ளி வளாகத்தில் நடந்த இந்த விழாவுக்கு குவைத் பொங்குதமிழ் மன்றம், கடலூர் மாவட்ட உலகத் திருக்குறள் பேரவை ஆகியன ஏற்பாடு செய்திருந்தன. 750 மாணவர்களுக்கு இலவச திருக்குறள் நூல்கள் வழங்கப்பட்டன.  நிகழ்ச்சிக்கு கடலூர் தமிழ்ச் சங்கத் தலைவரும் உலக திருக்குறள் பேரவை கடலூர் மாவட்டச் செயலாளருமான ராம.சனார்த்தனன் தலைமை தாங்கி, மாணவர்களுக்கு திருக்குறள் புத்தகங்களை வழங்கினார். சேதுமாதவன் வரவேற்றார். முனைவர் இளங்கோவன் விளக்க உரை நிகழ்த்தினார். பள்ளி தலைமை ஆசிரியர் உதயகுமார் சாம் நன்றி கூறினார்.

Read more »

பரங்கிப்பேட்டை முத்துக்குமரசாமி கோவிலில் திருத்தேர் வெள்ளோட்டம்: 3 அமைச்சர்கள் பங்கேற்பு

பரங்கிப்பேட்டை: 

            பரங்கிப்பேட்டை முத்துக்குமரசாமி  கோவிலில் வரும் 13ம் தேதி திருத்தேர் வெள்ளோட்டத்தில் மூன்று அமைச்சர்கள் பங்கேற்கின்றனர். பரங்கிப்பேட்டையில் பழமை வாய்ந்த முத்துக்குமரசாமி கோவில் உள்ளது. ஆண்டுதோறும் தைப்பூசம், கந்தசஷ்டி திருவிழா மற்றும் ஒவ்வொரு வாரமும் செவ்வாய் கிழமைகளில் சத்ரு சம்ஹரா திருசதி வழிப்பாடு நடந்து வருகிறது. வள்ளி தேவசேனா சமேத முத்துக்குமரசாமிக்கு சத்ருசம்ஹரா த்ரிசதி வழிப்பாட்டு குழு சார்பில் சுமார் 20 லட்சம் மதிப்பில் நூதன திருத்தேர் செய்யப்பட்டது. 

        திருத்தேர் வெள்ளோட்டம் வரும் 13ம் தேதி நடக்கிறது. இந்த விழாவில் சத்துணவுத்துறை அமைச்சர் சம்பத், சமூக நலத்துறை அமைச்சர் செல்வி ராமஜெயம், இந்து சமய அறநிலையத்துறை அமைச்சர் பரஞ்ஜோதி பங்கேற்று திருத்தேர் வெள்ளோட்டத்தை துவக்கி வைக்கின்றனர். ஏற்பாடுகளை சத்ருசம்ஹரா த்ரிசதி வழிப்பாட்டு குழுவினர் செய்து வருகின்றனர்.

Read more »

இந்திய ரெயில்வே உணவு மற்றும் சுற்றுலா கழகத்தின் சார்பில் சபரிமலை சுற்றுலா ரெயில் திட்டம்

           இந்தியன் ரெயில்வே உணவு மற்றும் சுற்றுலா கழகம் (ஐ.ஆர்.சி.டி.சி.) ஆண்டுதோறும் பல்வேறு சுற்றுலா திட்டங்களை செயல்படுத்தி வருகிறது.  கோடை வாசஸ்தலங்கள், புனித யாத்திரை மையங்களுக்கு சுற்றுலா “பேக்கேஜ்” அறிமுகப்படுத்தி பாதுகாப்பான ரெயில் பயணத்தை அளித்து வருகிறது.  

 சபரிமலை பக்தர்கள் வசதிக்காக சபரிமலைக்கு சிறப்பு பேக்கேஜ் ஒன்றை ஐ.ஆர்.சி.டி.சி. அறிவித்துள்ளது. இது தொடர்பாக ஐ.ஆர்.சி.டி.சி. மண்டல மேலாளர் கே. ரவிக்குமார் கூறியது:-

             ஐ.ஆர்.சி.டி.சி. கடந்த ஆண்டுகளை போலவே இந்த ஆண்டும் சபரிமலை அய்யப்பன் தரிசனத்துக்காக சிறப்பு யாத்திரைகளை நவம்பர், டிசம்பர், ஜனவரி மாதம் நடத்த முடிவு செய்துள்ளது. அய்யப்ப பக்தர்களின் வசதிக்காகவும் கூட்ட நெரிசலை தவிர்க்கவும் உறுதி செய்யப்பட்ட இரண்டாம் வகுப்பு ரெயில் டிக்கெட்டுகளுடன் இந்த சபரிமலை யாத்திரை ரெயில் பயணம் மேற்கொள்ளப்படுகிறது.    இந்த மாதம் 21, 24, டிசம்பர் 1, 5, 15, 19, 22 மற்றும் ஜனவரி 5 ஆகிய தேதிகளில் சபரிமலை ரெயில் பயணத் திட்டம் வகுக்கப்பட்டுள்ளது. ஒருவர் சென்னையில் இருந்து செல்லவும், தரிசனம் முடித்து விட்டு மீண்டும் சென்னை திரும்பவும் என 4 நாட்கள் பயணத்துக்கு ரூ.1,890 கட்டணம் வசூலிக்கப்படுகிறது.

            இந்த கட்டணத்தில் உறுதி செய்யப்பட்ட 2-ம் வகுப்பு படுக்கை வசதி மற்றும் கோட்டயம்-நிலக்கல்-கோட்டயம் சென்றுவர வாகன வசதி உட்பட்டது. குறைந்த நாட்களில் சிரமம் இல்லாமல் சபரிமலை சென்று அய்யப்பனை தரிசனம் செய்து உடனடியாக சென்னை திரும்புவதற்கு வசதியாக இந்த பயணத்திட்டம் அமைக்கப்பட்டுள்ளது.    சபரிமலை யாத்திரை பயணம் செய்ய விரும்புபவர்கள் சென்ட்ரல் ரெயில் நிலையத்தில் உள்ள இந்தியன் ரெயில்வே உணவு மற்றும் சுற்றுலா கழக மையத்தில் முன்பதிவு செய்து கொள்ளலாம். 

 

மேலும் விவரங்களுக்கு 

 

044-64594959, 90031-40681 

 

 

என்ற எண்ணில் தொடர்பு கொள்ளலாம். இவ்வாறு அவர் கூறினார். 

 

 

 

 

 

 

 More  details 

 

 

http://www.railtourismindia.com/TourPackages/RailTour/Online-Booking-Of-Chennai-Sabrimala.html?bannercode=SABRIMALA 

 

 

 

 

 

 

 

 

 

Read more »