பத்தாம் வகுப்பு மாணவர்களுக்கு ஆன்லைனில் வேலைவாய்ப்பு பதிவு: மே 4 கடைசி

கடலூர்: பத்தாம் வகுப்புத் தேர்வு எழுதியுள்ள (ஏப்ரல் 2012) மாணவ, மாணவிகளின் வேலைவாய்ப்புப் பதிவை ஆன்லைனில் மேற்கொள்ள வசதிகள் செய்யப்பட்டுள்ளன. சென்னை பள்ளிக் கல்வி இயக்குநரின் செயல்முறைகளுக்கிணங்க ஏப்ரல் 2012 பத்தாம் வகுப்பு பொதுத் தேர்வு எழுதியுள்ள மாணவ, மாணவியர்களின் வேலைவாய்ப்புப் பதிவை ஆன்லைனில் மே 4-ம் தேதிக்குள் பதிவு செய்ய வேண்டும் என அனைத்துப் பள்ளி தலைமையாசிரியர்களுக்கும் அறிவித்துள்ளது. வேலைவாய்ப்புப் பதிவை செய்ய மாணவர்கள் ஜாதிச் சான்று, விலாசம் (ரேஷன் கார்டு), ரேஷன் கார்டு எண், ஜாதிச் சான்று எண் உள்ளிட்ட விவரங்களை அந்தந்தப் பள்ளியில் அளித்து மாணவர்கள் தங்கள் வேலைவாய்ப்புப் பதிவை செய்துக் கொள்ள அறிவுறுத்தப்படுகின்றனர்

http://tnvelaivaaippu.gov.in/Empower/  

Read more »

தமிழ்நாடு ஆசிரியர் தேர்வு வாரியம் பதிவு மூப்பு அடிப்படையில் ஆசிரியர்கள் தேர்வு செய்ய முடிவு

கடலூர் :

 

       தமிழ்நாடு ஆசிரியர் தேர்வு வாரியம் மாநில பதிவு மூப்பு அடிப்படையில் ஆசிரியர்கள் தேர்வு செய்ய முடிவு செய்துள்ளது.
 

கடலூர் மாவட்ட வேலைவாய்ப்பு அலுவலர் விடுத்துள்ள செய்திக்குறிப்பு:
 

 

        தமிழ்நாடு ஆசிரியர் தேர்வு வாரியம் மாநில பதிவு மூப்பு அடிப்படையில் உடற்கல்வி ஆசிரியர், ஓவிய ஆசிரியர், தையல் ஆசிரியர், இசை ஆசிரியர் பணியிடங்களை நிரப்ப உள்ளது. மாநில உத்தேச பதிவு மூப்பு பட்டியல் மாவட்ட வேலைவாய்ப்பு அலுவலகத்தில் வெளியிடப்பட்டுள்ளது. மனுதாரர்கள் தங்கள் விவரங்களை சரிபார்த்துக் கொள்ளுமாறு கேட்டுக் கொள்ளப்படுகிறார்கள். பதிவு மூப்பில் திருத்தம் அல்லது விடுபட்டு இருந்தால் தங்களின் வேலைவாய்ப்பு அடையாள அட்டை மற்றும் அசல் கல்வி சான்றுகளுடன் வேலைவாய்ப்பு அலுவலகத்தை 10.2.2012க்குள் அணுக வேண்டும். 10ம் தேதிக்கு பின் வரும் கோரிக்கைகள் ஏற்கப்படமாட்டாது. இவ்வாறு செய்திக்குறிப்பில் கூறப்பட்டுள்ளது.

 

 

 

 

 

 

Read more »

வேலைவாய்ப்பு அலுவலகத்தில் பதிவு செய்து அரசு வேலைக்காக காத்திருப்போர் 68 லட்சம் பேர்

              வேலைவாய்ப்பு அலுவலகத்தில் பதிவு செய்து, அரசு வேலைக்காக காத்திருப்போரின் எண்ணிக்கை 68 லட்சத்து 5 ஆயிரம் பேர் ஆகும்.

            இந்தத் தகவல், வேலைவாய்ப்பு மற்றும் பயிற்சித் துறையின் கொள்கை விளக்கக் குறிப்பில் தெரிவிக்கப்பட்டுள்ளது.

அதுகுறித்த விவரம்

             வேலைவாய்ப்பு அலுவலகங்களில் பதிவு செய்தல், புதுப்பித்தல், பதிவு அடையாள அட்டை வழங்குதல் உள்ளிட்ட முக்கியப் பணிகள் அனைத்தும் கம்ப்யூட்டர் வாயிலாக மேற்கொள்ளப்படுகின்றன.

           மாநிலத்திலுள்ள 37 வேலைவாய்ப்பு அலுவலகங்களும் கம்ப்யூட்டர் மூலம் ஒருங்கிணைக்கப்பட்டுள்ளன. 

           

2010-ம் ஆண்டில், 11 லட்சத்து 54 ஆயிரத்து 121 பேர் வேலைவாய்ப்பு அலுவலகங்களில் பெயர்களைப் பதிவு செய்துள்ளனர். 

             கடந்த மார்ச் நிலவரப்படி, வேலைவாய்ப்பு அலுவலகங்களில் பதிவு செய்து காத்திருப்போரின் எண்ணிக்கை 68 லட்சத்து 5 ஆயிரத்து 248 ஆகும்.

                நடப்பாண்டு பிளஸ் 2 மற்றும் 10-ம் வகுப்பு தேர்ச்சி பெற்ற மாணவர்கள் தாங்கள் படித்த பள்ளிகளின் மூலமாகவே வேலைவாய்ப்பு பதிவினை ஆன்-லைன் வசதியைப் பயன்படுத்தி இணையதளத்தில் பதிந்து கொண்டனர்.

                   இத்தகைய முறையால், பிளஸ் 2 மாணவர்கள் 4 லட்சத்து 78 ஆயிரத்து 717 பேரும், 10-ம் வகுப்பு மாணவர்கள் 7 லட்சத்து 2 ஆயிரத்து 962 பேரும் தங்களது பதிவினை ஆன்-லைன் மூலம் செய்துள்ளதாக தெரிவிக்கப்பட்டுள்ளது.

Read more »

இந்திய கடற்படையில் பணி

  

          இந்திய கடற்படைக்கு ஸ்டுவர்டு, சமையலர், டோப்பாஸஸ் பணிக்கு 17 முதல் 21 வயதிற்குட்பட்டோரிடமிருந்து விண்ணப்பம் வரவேற்கப்படுகிறது. 

          இது குறித்த விபரங்களை http://www.nausena-bharti.nic.in/ என்ற இணையதளத்தில் பார்க்கலாம். விண்ணப்பங்கள் வந்து சேர கடைசி நாள் ஜூன் 22 மற்றும் ஜூலை 8. வேலைவாய்ப்பு அற்ற இளைஞர்கள் இந்த வாய்ப்பை பயன்படுத்திக்கொள்ளவும்,'' என தெரிவிக்கப்பட்டுள்ளது.

Read more »

மத்தியப் பணியாளர் தேர்வாணையம் 1 லட்சம் பணி வாய்ப்புகள் வழங்க இலக்கு: என்.கே.ரகுபதி

                  நடப்பு நிதியாண்டில் (2011-2012) ஒரு லட்சம் பணியிடங்களை நிரப்புவதை இலக்காகக் கொண்டு செயல்படுவதாக மத்திய பணியாளர் தேர்வாணையத்தின் தலைவர் என்.கே.ரகுபதி கூறினார். 

 இது குறித்து என்.கே.ரகுபதி சென்னையில் திங்கள்கிழமை கூறியது: 

         மத்திய பணியாளர் தேர்வாணையமானது வேலையில்லாத இளைஞர்களுக்கு வேலை வாய்ப்பை வழங்க வேண்டும் என்ற நோக்கத்தில் ஆண்டு தோறும் அதிக எண்ணிக்கையில் பணியிடங்களை நிரப்பி வருகிறது.  கடந்த ஆண்டு நாடு முழுவதும் 68 லட்சம் விண்ணப்பங்கள் பெறப்பட்டு, 23 ஆயிரத்து 178 பேருக்கு பணிவாய்ப்புகள் வழங்கப்பட்டன. தென் மண்டலத்தில் அதாவது தமிழகம், ஆந்திர மாநிலத்தைப் பொருத்தவரை கடந்த ஆண்டு 3.8 லட்சம் விண்ணப்பங்கள் பெறப்பட்டன. அதில் 1,191 பேருக்கு பணி வாய்ப்புகள் கிடைத்துள்ளன.  இந்த ஆண்டு பணியிடங்களின் எண்ணிக்கை 1 லட்சமாக உயர்த்தப்பட்டுள்ளன. 

                எனவே இந்த ஆண்டு சுமார் 80 லட்சம் பேரிடம் இருந்து விண்ணப்பங்கள் பெற வாய்ப்புள்ளது. அகில இந்திய அளவில் சுமார் 15 லட்சம் பணியிடங்கள் உள்ளன. எனவே அடுத்த நிதியாண்டில் அதிகப்படியான பணியிடங்கள் நிரப்பப்படவுள்ளன. 

 10 ஆயிரம்...

                இந்த ஆண்டு தென்மண்டலத்தில் 10 ஆயிரம் பணியிடங்கள் நிரப்பப்பட உள்ளன. அதில் 8,500 காவலர் பணியிடங்கள், மீதம் 1,500 பணியிடங்களில் கீழ்நிலை எழுத்தாளர்கள், வருமான வரி ஆய்வாளர்கள், சுங்க ஆய்வாளர்கள் உள்ளிட்டப் பணிகள் அடங்கும். 

 குறைவான விண்ணப்பங்கள்: 

               மத்திய பணியாளர் தேர்வாணையத்தின் பணிகளுக்கு உத்தரப் பிரதேசம், பிகார், ராஜஸ்தான், மத்தியப் பிரதேசம் உள்ளிட்ட வட  மாநிலங்களில் இருந்துதான் அதிக இளைஞர்கள் விண்ணப்பிக்கின்றனர். சுமார் 70 சதவீதம் விண்ணப்பங்கள் வட மாநில இளைஞர்களிடம் இருந்துதான் பெறப்படுகின்றன. தென் மண்டலத்திலிருந்து குறைவான விண்ணப்பங்களே பெறப்படுகின்றன. எனவே அதிகமான அளவில் இளைஞர்கள் விண்ணப்பிக்க முன் வர வேண்டும். அதிகமானோர் விண்ணப்பித்தால்தான் அதிக பேருக்கு வேலைவாய்ப்பு கிடைக்கும்.  

தமிழில் விளம்பரம்... 

                  தென் மண்டலத்திலிருந்து அதிக அளவில் விண்ணப்பங்களைப் பெற தமிழ் மற்றும் ஆந்திர நாளிதழ்களில் அந்தந்த மொழிகளில் விளம்பரப்படுத்தத் திட்டமிடப்பட்டுள்ளது.  

இணையதளம் மூலம்... 

             இணையதளம் மூலம் விண்ணப்பிக்கும் முறை 2010 ஜனவரி மாதத்திலிருந்து நடைமுறையில் உள்ளது. நாடு முழுவதும் இதுவரை 20 லட்சம் பேர் இணையதளத்தில் விண்ணப்பித்துள்ளனர். தென் மண்டலத்தைப் பொருத்தவரை, 1.22 லட்சம் பேர் இணையதளத்தில் விண்ணப்பித்துள்ளனர். இணையதளம் மூலம் விண்ணப்பிக்கும் முறைக்கு இளைஞர்களிடம் நல்ல வரவேற்பு உள்ளது.  மத்திய பணியாளர் தேர்வாணையத்தின் மூலம் நடைபெறும் தேர்வுகள், முடிவுகள் உள்ளிட்ட விவரங்களையும் இணையதளத்தில் தெரிந்து கொள்ளலாம். தேர்வு முடிவுகள், தனி நபர் பெற்ற மதிப்பெண் உள்ளிட்ட முழுத் தகவல்களும் இணையதளத்தில் வெளியிடப்படும் என்றார் அவர்.  

Read more »

தமிழ்நாடு அரசுப் பணியாளர் தேர்வாணைய தேர்விற்கான இலவச பயிற்சி வகுப்பு கடலூரில் 25ம் தேதி துவங்குகிறது

கடலூர் : 

         அரசு பணியாளர் தேர்வாணைய தேர்விற்கான இலவச பயிற்சி வகுப்பு வரும் 25ம் தேதி முதல் துவங்குகிறது.
 

இதுகுறித்து மாவட்ட வேலைவாய்ப்பு அலுவலர் விடுத்துள்ள செய்திக்குறிப்பு: 

         தமிழ்நாடு அரசுப் பணியாளர் தேர்வாணையம் மூலம் ஒருங்கிணைந்த சார்நிலை பணிகளுக்கு விண்ணப்பித்தவர்களுக்கு கடலூரில் உள்ள மாவட்ட வேலை வாய்ப்பு அலுவலகத்தில் இயங்கி வரும் தன்னார்வப் பயிலும் வட்டம் மூலம் வரும் 25ம் தேதி முதல் இலவச பயிற்சி வகுப்பு நடத்தப்பட உள்ளது. 

               இப்பயிற்சி வகுப்பில் சேர விரும்புபவர்கள் மாவட்ட வேலை வாய்ப்பு அலுவலகத்தில் நேரில் அணுகி விவரங்களை தெரிந்து கொள்ளலாம். மேலும், தேர்விற்கு விண்ணப்பித்தவர்கள் மாவட்ட வேலை வாய்ப்பு அலுவலகம் மற்றும் ஒன்றிய அலுவலகங்களில் இயங்கும் தன்னார்வப் பயிலும் வட்டங்களில் உள்ள புத்தகங்களை படித்து தேர்விற்கு தயார் படித்துக் கொள்ளலாம். இவ்வாறு செய்திக்குறிப்பில் கூறப்பட்டது.

Read more »