நெய்வேலியில் 637 மாணவிகளுக்கு இலவச சைக்கிள் வழங்கும் விழா

 

 

நெய்வேலி:

          தமிழக அரசின் சார்பில் மேல்நிலைப்பள்ளி முதலாம் ஆண்டு பயிலும் மாணவிகளுக்கு சைக்கிள் வழங்கும்விழா நெய்வேலி நிலக்கரி நிறுவன பெண்கள் மேல்நிலைப்பள்ளியில் நடைபெற்றது. இதில் நெய்வேலி தொகுதி எம்.எல்.ஏ. சிவசுப்பிரமணியன் கலந்து கொண்டு 637 மாணவிகளுக்கு சைக்கிள்களை வழங்கினார்.

           பள்ளி தலைமை ஆசிரியை மணிமொழி வரவேற்றார். நிலக்கரி நிறுவன பள்ளிகளின் முதன்மை மேலாளர் சுந்தரராஜன் வாழ்த்தி பேசினார். மேலும் மாவட்ட அளவில் முதலிடம் பெற்ற ரஞ்சிதாவிற்கு ரூ.2 ஆயிரம் பரிசு வழங்கி வாழ்த்தினார். மண்டல அளவில் நடந்த தடகள போட்டிகளில் முதல் இடம் பெற்ற டினா மற்றும் முத்தமிழ்ச்செல்விக்கு பதக்கமும், பரிசுகளையும் சிவசுப்பிரமணியன் எம்.எல்.ஏ. வழங்கினார்.

           விழாவை வேதியியல் ஆசிரியர் பாலகுருநாதன் தொகுத்தளித்தார். விழாவில் அ.தி.முக. நகர செயலாளர் ரவிச்சந்திரன், அண்ணா தொழிலாளர் ஊழியர் சங்கத்தின் செயலாளர் இராம.உதயகுமார், தலைவர் அபு. பொருளாளர் தட்சிணாமூர்த்தி, இளைஞரணி செயலாளர் அப்துல்லா, நகர அவைத்தலைவர் ராமலிங்கம், சட்மன்ற தொகுதியின் இணைச்செயலாளர் பழனிமுத்து மற்றும் ராஜகோபால், வெற்றிவேல், தமிழ்ச்செல்வன், செல்வராஜ், தர்மராஜன், பூபதி, ராஜசேகரன், சின்னசாமி, மனோகர், விஜயன், இளங்கோவன், கஞ்சமலை ஆகியோர் கலந்து கொண்டார்கள். முடிவில் உதவி தலைமை ஆசிரியை மங்கையர்கரசி நன்றி கூறினார்.

 

 

 

 

 

 

 

 

 

 

 

 

 

Read more »

நெய்வேலி மாணவி கே.சிவசங்கரி பண்ருட்டி அண்ணா பல்கலையில் பொறியியல் படிக்க உதவுங்கள்

மாணவி கே.சிவசங்கரி

நெய்வேலி:

 

         பிளஸ் 2 தேர்வில் 986 மதிப்பெண் பெற்று பண்ருட்டி அண்ணா பல்கலையில் பொறியியல் பயில வாய்ப்புக் கிடைத்தும் கட்டணம் செலுத்த முடியாமல் தவிக்கும் ஏழை மாணவி கே.சிவசங்கரி நிதியுதவியை எதிர்நோக்கியுள்ளார்.  

 

      நெய்வேலி வட்டம், 11-ல் உள்ள என்.எல்.சி. பெண்கள் மேல்நிலைப் பள்ளியில் பயின்ற மாணவி கே.சிவசங்கரி, பிளஸ் 2 தேர்வில் 986 மதிப்பெண்கள் பெற்றுள்ளார்.  என்.எல்.சி. அதிகாரி ஒருவரின் வீட்டுத் தோட்டத்தில் குடிசையில் வசித்து வரும் சிவசங்கரியின் தந்தை இறந்துவிட்டதால், தாயின் அரவணைப்பில் வளர்ந்து படித்து வருகிறார்.  

 

            இவரது தாய் பார்வதி வீடுகளில் சமையல் பாத்திரம் கழுவும் வேலை செய்து வருகிறார். சிவசங்கரிக்கு 2 சகோதரர்கள் உள்ளனர். அவர்கள் என்.எல்.சி. ஆண்கள் மேல்நிலைப் பள்ளியில் 10-ம் வகுப்பு பயின்று வருகின்றனர்.  இந்நிலையில் மாணவி அண்ணா பல்கலைக்கழக கலந்தாய்வில் கலந்து கொண்டு, பண்ருட்டியில் உள்ள அண்ணா பல்கலை பிரிவில் பொறியியல் பயிலும் வாய்ப்பைப் பெற்றுள்ளார்.  

 

              இந்நிலையில் சிறந்த கல்லூரியில் பயிலும் வாய்ப்பைப் பெற்ற மாணவிக்கு கல்லூரியில் ஆண்டுக் கட்டணத்தை செலுத்த போதிய வசதியில்லாமல் தவித்து வருகிறார். இதற்காக பல்வேறு தொண்டு நிறுவனங்களை அணுகியும் இதுவரை நிதி கிடைக்கவில்லை.  இந்நிலையில் மாணவி சிவசங்கரி தனது பொறியியல் படிப்பைப் படிக்க ஆர்வமாக உள்ளதால் கொடையுள்ளம் கொண்டவர்களின் உதவியை எதிர்நோக்கியுள்ளார்.  

 

                  மாணவியின் எதிர்காலம் பிரகாசிக்க உதவிபுரிய முன்வருவோர், மாணவியின் விவரத்தை அறிந்து அவர் பயின்ற என்.எல்.சி. பெண்கள் மேல்நிலைப் பள்ளித் தலைமையாசிரியை தொலைபேசி வாயிலாகவோ அல்லது நேரிலோ தொடர்பு கொண்டு உதவலாம். 

 

தொலைபேசி எண்:

 

 

04142-255972

 

 

 

 

Read more »

நெய்வேலி மாணவியின் மேற்படிப்பிற்கு ரூ.50 ஆயிரம் உதவித் தொகை

 

நெய்வேலி:

           உயர்கல்வி பயில வாய்ப்புக் கிடைத்து, கட்டணம் செலுத்த முடியாமல் தவிக்கும் ஏழை மாணவியின் நிலைக் குறித்து தினமணியில் ஜூலை 14-ம் தேதி வெளியிட்ட செய்தியை பார்த்து, தினமணி வாசகர்கள் ரூ.50 ஆயிரம் உதவியாக வழங்கியுள்ளனர்.

               நெய்வேலி வட்டம் 11-ல் உள்ள என்.எல்.சி. பெண்கள் மேல்நிலைப் பள்ளியில் பயின்று 12-ம் வகுப்பு பொதுத்தேர்வில் ட்ராஃப்ட்ஸ்மேன் பிரிவில் 1,131 மதிப்பெண்கள் பெற்று, மாநில அளவில் 2-ம் இடம்பிடித்தவர் மாணவி ஆர்.அனிதா.தற்போது சென்னை ஜேப்பியார் கல்லூரியில் கட்டடப் பொறியியல் பட்டப் படிப்பு பயிலும் வாய்ப்பைப் பெற்றுள்ளார். மாணவியின் தந்தை பெயிண்ட் அடிக்கும் வேலை செய்துவரும் தொழிலாளி. மாணவியின் நிலை குறித்து தினமணியில் செய்தி வெளியிடப்பட்டதை அடுத்து அவரது உயர்கல்விக்கு உதவ முன்வருபவர்கள், மாணவி பயின்ற என்.எல்.சி. பெண்கள் மேல்நிலைப் பள்ளியின் தொலைபேசி வாயிலாக தலைமை ஆசிரியையை தொடர்பு கொண்டு உதவி செய்யலாம் என செய்தியில் குறிப்பிடப்பட்டிருந்தது.

           இச் செய்தியைப் படித்த பலர், மறுநாளே பள்ளித் தலைமை ஆசிரியையை தொடர்பு கொண்டு, பணம் எவ்வாறு அனுப்புவது, யார் பெயருக்கு அனுப்புவது என விவரம் கேட்டறிந்தனர். இதில் சில வெளிநாடு இந்தியர்களும் அடங்குவர். இதையடுத்து பள்ளித் தலைமை ஆசிரியை விளக்கிய பின்னர், ஒவ்வொருவராக பள்ளியின் முகவரிக்கு காசோலைகளை அனுப்பினர், இவ்வாறு தினமணி செய்தியின் வாயிலாக கிடைத்த பணம் ரூ.50 ஆயிரத்து 500. இத் தொகையை மாணவி ஆர்.அனிதாவிடம், பள்ளித் தலைமை ஆசிரியை ஆர்.எஸ். மணிமொழி புதன்கிழமை வழங்கினார்.

              தினமணி வாசகர்கள் வழங்கிய தொகையை தவிர்த்து,குறிஞ்சிப்பாடி எம்.எல்.ஏ. சொரத்தூர் ராஜேந்திரன் ரூ.5 ஆயிரமும், பள்ளித் தலைமை ஆசிரியை ரூ.15 ஆயிரமும் கூடுதலாக வழங்கியுள்ளனர் என்பது குறிப்பிடத்தக்கது.மாணவியின் உயர்கல்விக்கு உதவிய தினமணி வாசகர்களுக்கும், தினமணி நாளிதழின் நிர்வாகத்துக்கும் பள்ளித் தலைமை ஆசிரியை ஆர்.எஸ்.மணிமொழி நன்றியைத் தெரிவித்துக் கொண்டார். இதுபோன்று உமா என்ற மாணவிக்கும் 2009-ம் ஆண்டு தினமணி நாளிதழ் உதவி புரிந்ததையும் தலைமை ஆசிரியை நினைவுகூர்ந்தார். 

நன்றி: 

               தினமணி நாளிதழ் வாயிலாக எனது கல்விக்கு உதவிய அனைத்து நல் உள்ளங்களுக்கும் தனது நெஞ்சார்ந்த நன்றியை தெரிவித்துக் கொள்வதாகவும், இது என் வாழநாளில் மறக்க முடியாத ஒரு உதவி எனவும் ஆர்.அனிதா தெரிவித்தார்.

இந்த செய்தியை நாமும் வெளியிட்டோம்ல 

 ஜூலை 15ல்

நெய்வேலி மாணவியின் மேற்படிப்பிற்கு உதவுங்கள்

 

 

 

Read more »

நெய்வேலி மாணவியின் மேற்படிப்பிற்கு உதவுங்கள்

                 பிளஸ் டூ தேர்வில் மாநில அளவில் 2-ம் இடம் பிடித்து, ஜேப்பியார் கல்லூரியில் பயில இடம் கிடைத்தும், கல்லூரிக் கட்டணமே செலுத்த முடியாமல் தவிக்கும் மாணவிக்கு நெய்வேலி அதிமுக தொழிற்சங்கம் சார்பில் ரூ.5 ஆயிரம் நிதியுதவி அளிக்கப்பட்டது. 

               நெய்வேலி என்எல்சி பெண்கள் மேல்நிலைப்பள்ளியில் பயின்றவர் மாணவி ஆர்.அனிதா. பிளஸ் டூ தேர்வில் டிராப்ஃட்ஸ் பிரிவில் 1131 மதிப்பெண்கள் பெற்று மாநில அளவில் 2-ம் இடமும், பள்ளி அளவில் முதலிடத்தையும் பிடித்தார். இவரது தந்தை பெயிண்ட் அடிக்கும் வேலைசெய்துவரும் கூலித் தொழிலாளி. இந்நிலையில் மாணவி அண்ணா பல்கலைக் கழக கலந்தாய்வில் கலந்துகொண்டு, சென்னை ஜேப்பியார் கல்லூரியில் கட்டுமான பொறியியல் பயிலும் வாய்ப்பைப் பெற்றுள்ளார்.  

             இந்நிலையில் சிறந்த கல்லூரியில் பயிலும் வாய்ப்பைப் பெற்ற மாணவிக்கு கல்லூரியில் ஆண்டுக் கட்டணத்தை செலுத்த போதிய வசதியில்லாமல் தவித்து வருகிறார். இதனிடையே, நெய்வேலி அதிமுக தொழிற்சங்கம் சார்பில் மாணவியின் கல்லூரிப் படிப்புக்கு உதவிடும் வகையில் ரூ.5 ஆயிரம் வழங்க முடிவு செய்யப்பட்டது. இத்தொகையை நெய்வேலி எம்எல்ஏ எம்.பி.எஸ்.சிவசுப்பிரமணியனும், குறிஞ்சிப்பாடி எம்எல்ஏ சொரத்தூர் ராஜேந்திரனும் மாணவியிடம் வழங்கினர்.

             கொடையுள்ளம் கொண்ட எவரேனும் உதவிட முன்வருவார்களேயானால் ஏழை மாணவியின் எதிர்காலம் பிரகாசிக்க வாய்ப்புண்டு. 

மாணவியின் விவரத்தை அறிய விரும்புவோர் மாணவி பயின்ற என்எல்சி பெண்கள் மேல்நிலைப்பள்ளி தலைமை ஆசிரியரை அணுகலாம். 

தொடர்புக்கு:

04142-255972.

Read more »

கடலூர் மாவட்டத்தில் பத்தாம் வகுப்புத் தேர்வில் என்.எல்.சி. பெண்கள் மேல்நிலைப் பள்ளி மாணவி எஸ்.ரஞ்சிதா முதலிடம்

மாணவி எஸ்.ரஞ்சிதாவை பாராட்டும் பள்ளித் தலைமை ஆசிரியை ஆர்.எஸ்.மணிமொழி. உடன், மாணவியின் பெற்றோர்.

 

நெய்வேலி:

           பத்தாம் வகுப்புத் தேர்வில் நெய்வேலி வட்டம் 11-ல் உள்ள என்.எல்.சி. பெண்கள் மேல்நிலைப் பள்ளியைச் சேர்ந்த மாணவி எஸ்.ரஞ்சிதா 493 மதிப்பெண் பெற்று மாவட்ட அளவில் முதலிடம் பிடித்துள்ளார்.

                 10-ம் வகுப்புத் தேர்வு முடிவுகள் வெள்ளிக்கிழமை வெளியாயின. இதில் என்.எல்.சி. பெண்கள் மேல்நிலைப் பள்ளியைச் சேர்ந்த மாணவி எஸ்.ரஞ்சிதா முதலிடம் பிடித்தார். இதே பள்ளியைச் சேர்ந்த மாணவி ஆர்.பிரியங்கா 489 மதிப்பெண் பெற்று பள்ளி அளவில் 2-ம் இடத்தையும், எஸ்.ஆனந்தி 486 மதிப்பெண் பெற்று பள்ளி அளவில் 3-ம் இடத்தையும் பிடித்தனர். இப் பள்ளியில் இந்த ஆண்டு 97 சதவீத மாணவிகள் தேர்ச்சி பெற்றுள்ளனர். பள்ளியின் தேர்ச்சி விழுக்காட்டுக் காரணமான பள்ளித் தலைமை ஆசிரியை ஆர்.எஸ்.மணிமொழி, ஆசிரியர்களை என்.எல்.சி. தலைவர் ஏ.ஆர்.அன்சாரி மற்றும் இயக்குநர்கள் பாராட்டினர்.

Read more »