தமிழகத்தில் பி.எட். படிப்பில் சேர விண்ணப்பம்

             அரசு மற்றும் அரசு உதவி பெறும் கல்வியியல் கல்லூரிகளில் நடப்பு கல்வி ஆண்டில் பி.எட். படிப்பில் சேருவதற்கான விண்ணப்ப படிவங்கள் 4ந் தேதி முதல் 13ந் தேதி வரை வழங்கப்பட உள்ளன.

          சனி, ஞாயிறு உள்பட தினமும் காலை 10 மணி முதல் பிற்பகல் 3 மணி வரை விண்ணப்பங்களை பெற்றுக்கொள்ளலாம். ஒற்றைச்சாளர முறையிலான கவுன்சிலிங் பற்றிய விவரங்கள் அறிவிக்கப்படும் என்று தமிழ்நாடு பி.எட். மாணவர் சேர்க்கை செயலாளர் பேராசிரியை ஜி.பரமேஸ்வரி தெரிவித்து உள்ளார்.பி.எட். மாணவர் சேர்க்கைக்காக 16 ஆயிரம் விண்ணப்ப படிவங்கள் அச்சடிக்கப்பட்டு தயார் நிலையில் உள்ளன.

 MORE DETAILS

http://www.tnteu.in/

Read more »

2011-2012-ம் கல்வி ஆண்டில் ஆசிரியர் பயிற்சியில் சேர இன்று முதல் விண்ணப்பம்

           2011-2012-ம் கல்வி ஆண்டில் அரசு ஆசிரியர் பயிற்சி நிறுவனங்கள், அரசு உதவி பெறும் ஆசிரியர் பயிற்சி நிறுவனங்கள், தனியார் நிறுவனங்களில் அரசு ஒதுக்கீட்டு இடங்கள் ஆகியவற்றில் சேருவதற்கான விண்ணப்ப படிவங்கள் இன்று (புதன்கிழமை) முதல் வழங்கப்படுகின்றன.

           விண்ணப்ப படிவங்களை அனைத்து மாவட்ட ஆசிரியர் கல்வி மற்றும் பயிற்சி நிறுவனங்களிலும் (டயட்), அரசு ஆசிரியர் பயிற்சி நிறுவனங்களிலும் அலுவலக நாட்களில் காலை 10 மணி முதல் மாலை 5.45 மணி வரை பெற்றுக்கொள்ளலாம். பூர்த்தி செய்த விண்ணப்பங்களை மாவட்ட ஆசிரியர் கல்வி மற்றும் பயிற்சி நிறுவனத்திற்கு ஜுன் மாதம் 3-ந்தேதி மாலை 5 மணிக்குள் அனுப்ப வேண்டும் என்று ஆசிரியர் கல்வி ஆராய்ச்சி மற்றும் பயிற்சி இயக்குனர் இளங்கோவன் தெரிவித்துள்ளார்.

Read more »

பி.எட்.எம்.எட்.மாணவர்களுக்கு மே 27ல் தேர்வுகள் தொடக்கம்

           பி.எட்., எம்.எட்., பயிலும் மாணவர்களுக்கு மே 27 தேதி முதல் ஜூன் 13ம் தேதி வரை தேர்வுகள் நடைபெற உள்ளதாக தமிழ்நாடு ஆசிரியர் கல்வியியல் பல்கலைக்கழக பதிவாளர் ஏ.ஆர்.வீரமணி தெரிவித்தார்.

பண்ருட்டி வட்டம் கீழக்கொல்லையில் உள்ள கல்லூரியில் நடந்த விழாவில் பங்கேற்ற தமிழ்நாடு ஆசிரியர் கல்வியியல் பல்கலைக்கழக பதிவாளர் ஏ.ஆர்.வீரமணி  பேசுகையில்,

            பி.எட்., எம்.எட். பாடத் தேர்வுகளுக்கு பிறகு செய்முறைத் தேர்வுகள் நடத்தப்படும். முதல்முறையாக விடைத்தாள் திருத்தும் ஆசிரியர்களுக்கு ஒரு நாள் பயிற்சி அளிக்க உள்ளோம்.இப்பயிற்சி சென்னை, திருச்சி, மதுரை, திருநெல்வேலி, கோவை ஆகிய 5 மையத்தில் நடக்கவுள்ளது. இதில் கருத்தியல், செய்முறை விடைத்தாள்களை எப்படி திருத்துவது, மதிப்பெண் அளிப்பது குறித்து பயிற்சி அளிக்க உள்ளதாகவும், குறைபாடு இல்லாமல் இருக்கவே இதுபோன்ற நடவடிக்கை எடுத்திருப்பதாகவும் குறிப்பிட்டார்.

Read more »

தமிழ்நாடு முழுவதும் வரும் கல்வி ஆண்டு முதல் பி.எட். படிப்பில் ஒரே பாடத்திட்டம்

           தமிழ்நாடு முழுவதும் அடுத்த கல்வி ஆண்டு முதல் பி.எட்.படிப்பில் ஒரே பாடத்திட்டம் கொண்டுவரப்படும் என்று தமிழ்நாடு ஆசிரியர் கல்வியியல் பல்கலைக்கழக துணைவேந்தர் பேராசிரியர் பத்மநாபன் தெரிவித்தார்.

தமிழ்நாடு ஆசிரியர் கல்வியியல் பல்கலைக்கழக துணை வேந்தர் பேராசிரியர் பத்மநாபன்  கூறியது:-

           தமிழ்நாட்டில் அரசு பி.எட். (கல்வியியல் கல்லூரிகள்) கல்லூரிகள், அரசு உதவி பெறும் பி.எட். கல்லூரிகள், சுயநிதி பி.எட். கல்லூரிகள் உள்ளன. இவற்றுக்கும் மேலாக தமிழ்நாடு திறந்தநிலை பல்கலைக்கழகம் உள்ளிட்ட பல பல்கலைக்கழகங்களில் தபால் வழியில் பி.எட். படிப்பு உள்ளன.. ஆனால் பாடத்திட்டத்தில் மாற்றம் உள்ளது. இதை சரியாக ஒரே பாடத்திட்டமாக கொண்டு வர தமிழ்நாடு ஆசிரியர் கல்வியியல் பல்கலைக்கழகம் முடிவு செய்துள்ளது.

            அதன்படி வருகிற கல்வி ஆண்டு முதல் அனைத்து பி.எட். படிப்பிலும் ஒரே கல்விதிட்டம் கொண்டுவரப்படுகிறது மேலும் பிளஸ்-2 படித்துவிட்டு அந்த மாணவர்கள் பட்டப்படிப்புடன் பி.எட். படிப்பும் சேர்த்து படிக்கும் ஒருங்கிணைந்த பி.ஏ.பி.எட்., பி.எஸ்சி.பி.எட். படிப்புகள் தொடங்க ஏற்பாடு நடந்து வருகிறது. இந்த படிப்பு கல்லூரிகளில் தான் தொடங்கப்பட இருக்கிறது.

இந்த படிப்பு 4 வருட படிப்பாகும். நல்ல கட்டமைப்பு வசதி உள்ள கல்லூரிகளில் தான் இந்த படிப்புக்கு அனுமதி கொடுக்கப்படும். இதற்கான அனுமதி இன்னும் கிடைக்கவில்லை. ஆனால் அதற்கான பாடத்திட்டம் தயாராக உள்ளது. முதல் மற்றும் 2-வது செமஸ்டர் படிப்புக்கு பாடத்திட்டம் எழுதப்பட்டு தயார் நிலையில் வைத்துள்ளோம். அனுமதி கிடைத்த உடன் படிப்பு தொடங்கப்படும்.

            பி.எட். படிக்கும் மாணவர்களுக்கான தேர்வு தேதியில் எந்த வித மாற்றமும் இல்லை. ஏற்கனவே அறிவித்தபடி மே மாதம் 25-ந்தேதி தேர்வு தொடங்குகிறது. இந்த பல்கலைக்கழகம் தொடங்கிய பின்பு தேர்வுகள் திட்டமிட்டபடி நடத்தப்பட்டு குறிப்பிட்ட தேதிக்குள் முடிவுகள் அறிவிக்கப்படுவது குறிப்பிடத்தக்கது. இவ்வாறு துணைவேந்தர் பத்மநாபன் தெரிவித்தார். 

Read more »

இன்று பி.எட். தேர்வு முடிவு வெளியீடு

               தமிழ்நாடு ஆசிரியர் கல்வியியல் பல்கலைக்கழகத்தின் தேர்வு முடிவுகள் சனிக்கிழமை (ஆகஸ்ட் 21) வெளியிடப்படுகிறது.

 இது குறித்து பல்கலைக்கழகத்தின் பதிவாளர் ஏ.ஆர். வீரமணி வெளியிட்டுள்ள செய்திக் குறிப்பு: 

                    பல்கலைக்கழகத்தின் கீழ் உள்ள 631 கல்வியியல் கல்லூரிகளுக்கான பி.எட். மற்றும் எம்.எட். தேர்வு முடிவுகள் ​www.tnteu.in​​  என்ற பல்கலைக்கழக இணையதளத்தில் வெளியிடப்படும். தேர்வு முடிவின் தொகுப்பு பட்டியல் கல்லூரிகளுக்கு அனுப்பி வைக்கப்படும். மதிப்பெண் பட்டியல் செப்டம்பர் இரண்டாம் வாரத்தில் கல்லூரிகளுக்கு விரைவுத் தபால் மூலம் அனுப்பி வைக்கப்படும்.

Read more »

வரும் கல்வியாண்டு முதல் 4 ஆண்டு பி.எட். படிப்பு அறிமுகம்

             தமிழகத்தில் வரும் கல்வியாண்டு முதல் 4 ஆண்டு பி.எட். படிப்பு அறிமுகப்படுத்தப்படும் என தமிழ்நாடு ஆசிரியர் கல்வி பல்கலைக்கழக துணைவேந்தர் பத்மநாபன் கூறினார். தமிழ்நாட்டில் ஆசிரியர் கல்வி பல்கலைக்கழகத்தின் மூலம் வரும் கல்வியாண்டில் இருந்து 4 ஆண்டு பி.எட். பட்டப் படிப்பு அறிமுகப்படுத்தப்பட உள்ளது. இது பி.ஏ, பி.எட் அல்லது பி.எஸ்.சி., பி.எட் என வழங்கப்படும்.  3 ஆண்டு படித்தவுடன் பி.ஏ. அல்லது பி.எஸ்.சி. பட்டம் மட்டும் கொடுக்க முடியாது. 4 ஆண்டும் கல்வியியல் பாடங்கள் இடம்பெறும் வகையில் இப்படிப்பு உருவாக்கப்பட்டுள்ளது. இந்த 4 ஆண்டு பி.எட் வந்தாலும், ஒரு ஆண்டு பி.எட். படிப்பும் தொடரும் என்றார் அவர்.

Read more »