விருத்தாசலம்:
விருத்தாசலம் கொளஞ்சியப்பர் அரசு கல்லூரியில், விலங்கியல் மன்றம் துவக்க விழா மற்றும் முன்னாள் மாணவ, மாணவிகள் சந்திப்பு நிகழ்ச்சி நடந்தது. விலங்கியல் மன்ற துவக்க விழாவிற்கு, கல்லூரி முதல்வர் டாக்டர் கோவிந்தன் தலைமை தாங்கினார். விலங்கியல்துறைத் தலைவர் முனைவர் சாந்திஜெயரதி முன்னிலை வகித்தார். வேதியியல் துறை உதவி பேராசிரியர் சுந்தரசெல்வன் வரவேற்றார்.
கல்லூரியில் 92ம் ஆண்டு படித்த முன்னாள் மாணவ, மாணவிகள் சந்திப்பு நிகழ்ச்சியில் சாட்டை சினிமாஇயக்குனர் அன்பழகன் உட்பட ஏராளமானோர் பங்கேற்றனர். நிகழ்ச்சியில் முன்னாள் மாணவர்கள் சார்பில் கல்லூரிமுதல்வர் கோவிந்தனுக்கு நினைவு பரிசு வழங்கப்பட்டது. விலங்கியல் துறை இரண்டாமாண்டு மாணவி துர்கா நன்றி கூறினார்.
