உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




செவ்வாய், மார்ச் 06, 2012

வீராணம் ஏரியில் தேசிய மீன் அபிவிருத்தி திட்டத்தின் கீழ் 22 லட்சம் மீன்குஞ்சுகள்

ஏரியில் மீன்குஞ்சுகளை விடும் சட்டப்பேரவை உறுப்பினர் நாக.முருகுமாறன் (இடமிருந்து 3-வது).
சிதம்பரம்,:: 

          கடலூர் மாவட்டத்தில் உள்ள வீராணம் ஏரியில் தேசிய மீன் அபிவிருத்தி திட்டத்தின் கீழ் இவ்வாண்டு 22 லட்சம் மீன்குஞ்சுகளை விட, தமிழக மீன்வளத் துறை முடிவு செய்துள்ளது.  

        ஏற்கெனவே கடலூர் மாவட்டத்தில் வெலிங்டன் ஏரியில் 5 லட்சம் மீன்குஞ்சுகள் விடப்பட்டுள்ளன.  வீராணம் ஏரியில் முதல் கட்டமாக மீன்குஞ்சுகள் விடும் நிகழ்ச்சி திங்கள்கிழமை நடைபெற்றது. இந்நிகழ்ச்சிக்கு தமிழக மீன்வளத் துறை இணை இயக்குநர் ஆறுமுகம் தலைமை வகித்தார். காட்டுமன்னார்கோவில் சட்டப்பேரவை உறுப்பினர் நாக.முருகமாறன் நிகழ்ச்சியில் பங்கேற்று 8 செ.மீ. அளவுள்ள 1.50 லட்சம் மீன்குஞ்சுகளை வீராணம் ஏரியில் விட்டு நிகழ்ச்சியை தொடங்கி வைத்தார்.  

          ரோகு, கட்லா, மிர்ஜா, சாதா கெண்டை உள்ளிட்ட மீன்குஞ்சுகள் விடப்பட்டன. சில தினங்களில் 22 லட்சம் மீன்குஞ்சுகள் முழுமையாக ஏரியில் விடப்படும்.  இந்த மீன்குஞ்சுகள் 2 மாதத்துக்குள் அரை கிலோ முதல் 2 கிலோ வரை வளர்ந்துவிடும் என இணை இயக்குநர் ஆறுமுகம் தெரிவித்தார். இந்நிகழ்ச்சியில் சிதம்பரம் மீன்வளத் துறை உதவி இயக்குநர் கலியமூர்த்தி, ஊராட்சி மன்றத் தலைவர்கள் கமலக்கண்ணன், செந்தில்குமார் உள்ளிட்டோர் பங்கேற்றனர்.    

விவசாயிகள் வேதனை  

       தமிழக அரசு மீன்வளத் துறையினரால் ஆண்டுதோறும் வீராணம் ஏரியில் பெயரளவுக்கே மீன்குஞ்சுகள் விடப்படுகின்றன.  ÷கோடைக்காலம் தொடங்குவதற்கு முன்னதாகவே குறிப்பிட்ட காலங்களில் மீன்குஞ்சுகளை விட வேண்டும்.  ஆனால் இந்த ஆண்டு மீன்குஞ்சுகள் கோடை காலம் நெருங்கிய பிறகு காலதாமதமாக விடப்பட்டுள்ளன.  ÷இதனால் கோடைக் காலத்தில் ஏரியில் நீர்குறைந்து, மீன்கள் வளருவதற்குள் இறந்துவிடும். கடந்த ஆண்டு விடப்பட்ட மீன்குஞ்சுகள் அனைத்தும் இறந்து மிதந்தது என அப்பகுதி விவசாயிகள் வேதனையுடன் தெரிவித்தனர்.     







Read more »

மாநில வாலிபால் போட்டியில் கடலூர் புனித வளனார் கல்லூரி அணிக்கு 3ம் இடம்

கடலூர்:

         மாநில வாலிபால் போட்டியில் வெற்றி பெற்றவர்களுக்கு தமிழ்நாடு வாலிபால் சங்க மாநில பொதுச் செயலர் மார்ட்டீன் சுதாகர் பரிசு வழங்கினார்
 
        கல்லூரி மாணவர் அணிகளுக்கு இடையேயான 3 நாள் மாநில கைப்பந்துப் போட்டி, கடலூர் புனித வளனார் கலைக் கல்லூரியில் நடந்தது.இதில் 18 அணிகள் கலந்து கொண்டு விளையாடின. இறுதிப் போட்டியில் சத்யபாமா பல்கலைக்கழக அணி முதல் இடத்தையும், வேல்ஸ் பல்கலைக்கழக அணி 2-வது இடத்தையும், கடலூர் புனித வளனார் கல்லூரி அணி 3-வது இடத்தையும், அண்ணாமலைப் பல்கலைக்கழக அணி 4-வது இடத்தையும் பெற்றது.பரிசளிப்பு விழா, மாவட்ட வாலிபால் சங்கத் தலைவர் முன்னாள் எம்.எல்.சி.ஜெயச்சந்திரன், புனித வளனார் மேல்நிலைப் பள்ளி முதல்வர் ஆக்னல் அடிகள் ஆகியோர் முன்னிலை வகித்தனர். 
 
       சிறப்பு விருந்தினராக கடலூர் புனித வளனார் கல்லூரி முதல்வர் ஐ.ரட்சகர்அடிகள் கலந்து கொண்டார்.வெற்றி பெற்ற அணிகளுக்குப் பரிசுகளை, தமிழ்நாடு வாலிபால் சங்க பொதுச் செயலர் மார்ட்டீன் சுதாகர் வழங்கினார். திருவள்ளுவர் பல்கலைக்கழக உடற்கல்வி இயக்குநர் அ.அமல்தாஸ், துணை முதல்வர் எம்.அருமைச்செல்வம், மாவட்ட வாலிபால் சங்க செயலர் ஏ.முரளிதாஸ் ஆகியோர் வாழ்த்தினர்.போட்டிக்கான ஏற்பாடுகளை, வளனார் கல்லூரி உடற்கல்வி இயக்குநர் ராஜமாணிக்கம், பேராசிரியை ஜெயந்தி ரவிச்சந்திரன் உள்ளிட்ட அமைப்புக் குழுவினர் செய்து இருந்தனர்.
 
 
 
 
 
 
 
 
 
 
 
 

Read more »

நண்பர்களோடு பகிர்ந்து கொள்ள

Country wise Vistior