கடலூர் மாவட்ட செய்திகள்

திங்கள், நவம்பர் 30, 2009

சாலைகளை வீட்டு மனைகளாக விற்க உயர் நீதிமன்றம் தடை

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கடலூர், நவ. 29:

கடலூரில் அங்கீகரிக்கப்பட்ட மனைப் பிரிவில் உள்ள சாலைகளை, வீட்டு மனைகளாகப் பிரித்து விற்பனை செய்ய சென்னை உயர்நீதிமன்றம் இடைக்காலத் தடை விதித்து உள்ளது. கடலூர் அருகே நத்தப்பட்டு ஊராட்சிக்கு உள்பட்ட பெண்ணை கார்டன் என்ற மனைப் பிரிவு 15 ஆண்டுகளுக்கு முன் உருவாக்கப்பட்டது. இதில் 200க்கும் மேற்பட்ட வீட்டுமனைகள் விற்பனை செய்யப்பட்டு உள்ளன.இந்த நிலையில் 2003, 2004, 2008-ம் ஆண்டுகளில் இந்த மனைப் பிரிவில் பொதுப் பயன்பாட்டுக்கான சாலைகளாக அங்கீகரிக்கப்பட்ட இடங்கள், 4 நபர்களுக்கு வீட்டுமனைகளாக விற்பனை செய்யப்பட்டு உள்ளதாம். இதற்கு எதிர்ப்புத் தெரிவித்து பெண்ணை கார்டன் நலச் சங்கத் தலைவர் ஜி.சம்பந்தம் மாவட்ட ஆட்சியர் அலுவலகம், கோட்டாட்சியர் அலுவலகம், காவல்துறை ஆகியவற்றில் பலமுறை மனு கொடுத்தும் நடவடிக்கை எடுக்கவில்லையாம். எனவே சம்பந்தம் இதுகுறித்து சென்னை உயர் நீதிமன்றத்தில் வழக்குத் தொடர்ந்தார். சாலை களை வீட்டு மனைகளாக விற்பதற்கும், அவற்றில் கட்டுமானப் பணிகளை மேற்கொள்வதற்கும் தடைவிதிக்க மனுவில் கோரி இருந்தார். வழக்கை நீதிபதி பி.ஜோதிமணி அண்மையில் விசாரித்து இடைக்காலத் தடை விதித்தார். மேலும் இது தொடர்பாக மாவட்ட ஆட்சியர், நகர மற்றும் ஊரக திட்ட உதவி இயக்குநர், கோட்டாட்சியர், வட்டாட்சியர், வட்டார வளர்ச்சி அலுவலர், நத்தப்பட்டு ஊராட்சி மன்றத் தலைவர், ஜோதி நகர் மின்வாரிய உதவிப் பொறியாளர் ஆகியோருக்கு நோட்டீஸ் அனுப்பவும் நீதிபதி உத்தரவிட்டார்.

தமிழ், கல்வி, வேளாண்மைக்கு முன்னுரிமை

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

சிதம்பரம், நவ, 29:

தமிழ்மொழி, கல்வி, வேளாண்மை ஆகிய மூன்று துறைகளுக்கு தினமணி நாளிதழில் முன்னுரிமை அளிக்கப்படும் என ஆசிரியர் கே.வைத்தியநாதன் தெரிவித்தார். பவழ விழா கொண்டாடி வரும் தினமணி நாளிதழ், சிதம்பரம், ஹோட்டல் சாரதாராமில் ஞாயிற்றுக்கிழமை நடத்திய வாசகர் சந்திப்பு நிகழ்ச்சியில் அவர் பேசியது:

வாசகர்கள் ஆசிரியரை சந்திப்பதைக் காட்டிலும், ஆசிரியர் வாசகர்களை சந்திப்பதில் பெருமையாகக் கருதுகிறேன். எழுத்து என்பது சமுதாயத்தில் தாக்கத்தை ஏற்படுத்தக்கூடியதாகவும்,நாளைய சமுதாயத்திற்கு பயனுடையதாகவும் இருக்கவேண்டும். அப்படி இல்லையெனில் அர்த்தம் இருக்காது. பொழுதைத்தான் வீணடிக்கும். எனவே, எழுதுகின்ற எழுத்தின் உயிர்ப்பும், சிந்தனையை தட்டி எழுப்புகின்ற கருத்துகளும் இருக்கவேண்டும். அரசுக்கும் ஆட்சியாளர்களுக்கும் எதிரான கருத்துகளை பதிவுசெய்வது எங்களது நோக்கமல்ல. பத்திரிகை என்பது தவறுகளைச் சுட்டிக்காட்டுகின்ற கண்ணாடி. அப்போதுதான் சமுதாயத்திற்கு பயன் ஏற்படும். தவறை திருத்தக் கூடிய பொறுப்பில் உள்ள ஆட்சியாளர்களுக்கும், நிர்வாகத்திற்கும் பல லட்சம் சம்பளம் வழங்கப்படுகிறது. அந்த நிர்வாகத்தினர் தவறை திருத்தவேண்டும். அதன் மூலம் ஆட்சியாளர்களுக்கும், நிர்வாக இயந்திரத்திற்கும் நற்பெயர் கிடைக்கும் என கருதுவதால், சமுதாயத்திற்கு பயன்படும் கருவியாக தினமணி செயல்படுகிறது. நாளைய ஆட்சியாளர்கள் மாறினாலும், தினமணி கண்ணாடியாகத் தான் இருக்கும். சமுதா யத்தில் நடைபெறும் தவறுகள் களையப்படவேண்டும் என்ற நல்ல எண்ணத்துடன் தினமணி செயல்படுகிறது. நாளைய சமுதாயத் தலைமுறையினர் நன்மைக் கருதி அவர்களுக்கு சிந்தனைத் தாக்கத்தை ஏற்படுத்தும் பணியை தினமணி செய்கிறது.÷விவசாயம் குறைந்துவருவது அச்சத்தை ஏற்படுத்துகிறது.தன்னிறைவு தான் ஒரு நாட்டின் பாதுகாப்பு என்பது முன்னோர்கள் கண்டறிந்த விஷயம்.விவசாயம் திட்டமிட்டு அழிக்கப்பட்டுவருவதாக கருதுகிறேன். இதற்கு முன்னேற்பாடு தான் தேசிய ஊரக வேலைவாய்ப்பு உறுதித் திட்டம். இதைப்பற்றி சிந்திக்கவேண்டிய கடமை உள்ளது.÷உயர் கல்வி பயில மாணவர்களை தயார்படுத்த வேண்டும் என்பதற்காகத்தான் தினமணியில் கல்விக்கு முக்கியத்துவம் அளிக்கப்படுகிறது. முதுபெரும் தலைவர் ஜே.சி. குமரப்பாவை மத்திய, மாநில அரசுகள் மற்றும் காங்கிரஸ் கட்சி உள்ளிட்ட அனைவரும் மறந்துவிட்ட நிலையில் அவரது பொன்விழா நினைவு நாளை தினமணி சார்பில் கொண்டாடவுள்ளோம் என்றார் ஆசிரியர் வைத்தியநாதன். முன்னாள் அமைச்சர் வி.வி.சாமிநாதன், அண்ணாமலைப் பல்கலைக்கழக ஓய்வுபெற்ற தமிழ்த்துறைப் பேராசிரியர்கள் ஆனந்தநடராஜ தீட்சிதர், முன்னாள் அரசியல் அறிவியல் துறைத் தலைவர் ஏ.சண்முகம், தமிழ்தேசிய பொதுவுடைமைக் கட்சி ஒருங்கிணைப்பாளர் கி.வெங்கட்ராமன்,அண்ணாமலைப் பல்கலைக் கழக மேலாண் துறைத் தலைவர் எம்.பஞ்சநாதன், வர்த்தக சங்கத் தலைவர் எம்.ஆதிமூலம்,ஆசிரியர் வாசு, ஓய்வுபெற்ற வங்கி அதிகாரி மனோகரன்,ரோட்டரி சங்க சமுதாய இயக்குநர் மணிவண்ணன்,விவசாய சங்கத் தலைவர் ரவீந்திரன், வாசகர்கள் பாலாஜி கணேஷ், காளிதாஸ், சித்தரஞ்சன்,ராதாகிருஷ்ணன்,வழக்கறிஞர் கே.பாலசுப்ரமணியன்,தேவராஜன் உள்ளிட்டோர் பங்கேற்றனர்.

மேடைக் கலைப் போட்டி: கடலூர் மாணவி தேர்வு

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கட லூர், நவ. 29:

ஜவகர் சிறுவர் மன்றம் சார்பில் நடத்தப்பட்ட தென் மண்டல போட்டிகளில், மேடைக் கலைப் போட்டியில் கடலூர் மாணவி சஜீவன் ஆர்யா தேர்ந்து எடுக்கப்பட்டார். இதுகுறித்து கடலூர் மாவட்ட இசைப் பள்ளி தலைமை ஆசிரியர் சனிக்கிழமை வெளியிட்ட செய்திக் குறிப்பு:

க டலூரில் உள்ள மாவட்ட இசைப் பள்ளியில் ஜவகர் சிறுவர் மன்றம் இயங்கி வருகிறது. இதில் 150 குழந்தைகள் பல்வேறு கலைப் பயிற்சிகளில் ஈடுபட்டு உள்ளனர். மன்றம் வாயிலாக 9 முதல் 16 வயது வரையிலான மாணவர்களுக்கு மாவட்ட அளவில் போட்டிகள் நடத்தி தேர்வு பெற்றவர்கள் தென்மண்டல அளவிலான போட்டிக்கு அனுப்பி வைக்கப்பட்டனர். கடலூர் மாவட்டத்தில் இருந்து சென்ற 4 பேரில் மாணவி சஜீவன் ஆர்யா (செயின்ட் மேரீஸ் மேல்நிலைப் பள்ளி, கடலூர்) மேடைக் கலை போட்டியில் தேர்வு செய்யப்பட்டு உள்ளார். அவர் புதுதில்லியில் நவம்பர் 30 முதல் டிசம்பர் 5-ம் தேதி வரை நடைபெறும் தேசிய அளவிலான போட்டியில் பங்கேற்பார், இதில் வெற்றி பெறுவோருக்கு குடியரசுத் தலைவரால் "இளம்திரு விருது' வழங்கப்படும். சஜீவன் ஆர்யாவுக்கு மாவட்ட ஆட்சியர் பெ.சீதாராமன் பாராட்டுத் தெரிவித்தார் என்றும் செய்திக் குறிப்பு தெரிவிக்கிறது.

200 பேருக்கு இலவச அக்குபஞ்சர், ஆயுர்வேத சிகிச்சை

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கட லூர், நவ. 29:

கடலூரில் ஞாயிற்றுக்கிழமை நடந்த இலவச அக்குபஞ்சர் மற்றும் ஆயுர்வேத சிகிச்சை முகாமில் 200 பேருக்குச் சிகிச்சை அளிக்கப்பட்டது. கடலூர் அரிமா சங்கம், கவுன்சில் ஆப் இந்தியன் அக்குபஞ்சரிஸ்ட், கடலூர் சுசான்லி அக்குப்பஞ்சர் மற்றும் ஆயுர்வேத மருத்துவமனை மற்றும் டாபர் ஆயுர்வேதிக் இந்தியா நிறுவனம் இணைந்து இந்த மருத்துவ முகாமுக்கு ஏற்பாடு செய்து இருந்தன. நகராட்சி மேல்நிலைப் பள்ளி வளாகத்தில் இந்த முகாம் நடந்தது. ÷வலிகள் மற்றும் பெண்களுக்கான மாதவிடாய் சம்பந்தப்பட்ட நோய்களுக்காக பிரத்தியோகமாக இந்த முகாம் நடத்தப்படடது. இதில் சுசான்லி மருத்துவமனை டாக்டர்கள் ஏ.ரவி, உஷாரவி ஆகியோர் தலைமையில் அக்குபஞ்சர் மற்றும் ஆயுர்வேத மருத்துவர்கள் டி.சுந்தர்ராஜன், என்.ராதாகிருஷ்ணன், ஆர்.பானுப்பிரியா, வி.பவதாரிணி, ஆர்.சக்கரவர்த்தி உள்ளிட்ட மருத்துவர்கள் சிகிச்சை அளித்தனர். இதில் 200 பேர் பயன் அடைந்தனர். மாதவிடாய் சம்பந்தப்பட்ட நோய்களுக்காக பல பெண்கள் சிகிச்சை பெற்றதாக டாக்டர் ஏ.ரவி தெரிவித்தார். மருத்துவ முகாம் தொடக்க விழாவுக்கு, அரிமா சங்கத் தலைவர் ஏ.ஆர்.வேலவன் தலைமை வகித்தார். அக்குபஞ்சர் மருத்துவம் குறித்து டாக்டர் உஷாரவி உரை நிகழ்த்தினார். டாபர் நிறுவன விற்பனை அபிவிருத்தி அலுவலர் பாலாஜி, அரிமா சங்க நிர்வாகிகள் ஆர்.பூபாலன், எஸ்.இஸ்ரேல், கே.திருமலை உள்ளிட்டோர் பேசினர்.

அரசு மதுக்கடை பணியாளர்கள் ஊர்வலம், ஆர்ப்பாட்டம்

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கட லூர், நவ. 29:

தமிழ்நாடு அரசு டாஸ்மாக் பணியாளர்கள் சங்கத்தினர் கடலூரில் ஞாயிற்றுக்கிழமை ஊர்வலம் மற்றும் ஆர்ப்பாட்டம் நடத்தினர். அரசு மதுக்கடைப் பணியாளர்களை நிரந்தரம் செய்ய வேண்டும். கல்வித் தகுதிக்கு ஏற்ப மாற்றுப் பணி வழங்க வேண்டும். காலமுறை ஊதியம் வழங்க வேண்டும். மது விற்பனையில் 1 சதம் ஊக்கத் தொகை வழங்க வேண்டும். நீதிமன்றத் தீர்ப்பின்படி அனைத்துப் பணியாளர்களுக்கும் நிலுவைத் தொகை வழங்க வேண்டும். வார விடுமுறை மற்றும் அரசு விடுமுறை வழங்க வேண்டும். 8 மணி நேர வேலைத்திட்டத்தை அமுல்படுத்த வேண்டும் என்பவை உள்ளிட்ட கோரிக்கைகளுக்காக இந்த ஊர்வலம் மற்றும் ஆர்ப்பாட்டம் நடத்தப்பட்டது. ஊர்வலம் திருப்பாப்புலியூர் உழவர் சந்தை அருகில் இருந்து புறப்பட்டு மாவட்ட ஆட்சியர் அலுவலகத்தை அடைந்தது. ஊர்வலத்தை அரசுப் பணியாளர் சங்க மாநில பொதுச் செயலாளர் கோ.சீனுவாசன் தொடங்கி வைத்தார். ஆர்ப்பாட்டத்துக்கு மாவட்டச் செயலாளர் ஆர்.கார்த்திகேயன் தலைமை வகித்தார். மாநில துணைத் தலைவர் கே.சரவணன் முன்னிலை வகித்தார். மாவட்டத் தலைவர் கோவிந்தராஜன் வரவேற்றார். அரசு தொழில் நுட்பப் பணியாளர் சங்க மாநிலத் தலைவர் சுந்தரராஜா, அரசுப் பணியாளர் சங்க மாவட்டப் பொருளாளர் ராஜாமணி ஆகியோர் வாழ்த்திப் பேசினர். அரசுப் பணியாளர் சங்க மாவட்டத் தலைவர் பி.நல்லதம்பி நிறைவு உரை நிகழ்த்தினார்.

கடலூர் சீர்திருத்த பள்ளியிலிருந்து 4 சிறுவர்கள் தப்பி ஓட்டம்

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கட லூர், நவ. 29:

கடலூர் அரசு சிறுவர் சீர்திருத்தப் பள்ளியில் இருந்து இளம் குற்றவாளிகளான 4 சிறுவர்கள், ஞாயிற்றுக்கிழமை தப்பி ஓடிவிட்டனர். கடலூர் கடற்கரைச் சாலையில் அரசு கூர்நோக்கு இல்லம் என்ற சிறுவர் சீர்திருத்தப் பள்ளி செயல்பட்டு வருகிறது. இதில் இளம் குற்றவாளிகள் அடைக்கப்பட்டு உள்ளனர். இவர்களில் 4 பேர் ஞாயிற்றுக்கிழமை தப்பி ஓடிவிட்டனர். விக் கிரவாண்டியைச் சேர்ந்த ராஜா (16), வடலூர் கருங்குழியைச் சேர்ந்த ரமேஷ் (15), கடலூர் முதுநகரைச் சேர்ந்த விக்னேஷ் (15), நாராயணன் (15) ஆகிய அந்த 4 பேரும் பல்வேறு குற்றச் செயல்களில் ஈடுபட்டதற்காக கூர்நோக்கு இல்லத்தில் சேர்க்கப்பட்டு இருந்தனர். ஞாயிற்றுக்கிழமை காலை அவர்கள் 4 பேரும் கூர்நோக்கு இல்லத்தின் பின்பக்கச் சுவர் வழியாக ஏறிக்குதித்து தப்பி விட்டனர். இதுகுறித்து கடலூர் புதுநகர் போலீஸôர் வழக்குப் பதிவு செய்து தப்பி ஓடிய சிறுவர்களைத் தேடி வருகிறார்கள்.

தேமுதிக சார்பில் பக்ரீத் பண்டிகை

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

சிதம்பரம், நவ. 29:

சிதம்பரம் நகர தேசிய முற்போக்கு திராவிட கழகம் சார்பில் பக்ரீத் பண்டிகையை முன்னிட்டு உணவு மற்றும் இனிப்பு வழங்கும் நிகழ்ச்சி சனிக்கிழமை நடைபெற்றது. நகரச் செயலாளர் சி.க.விஜயகுமார் தலைமை வகித்தார். நகர அவைத் தலைவர் டி.கே.பி.ராமர் முன்னிலை வகித்தார். மாவட்டச் செயலாளர் ஆர்.உமாநாத், மாநில பட்டதாரி அணி துணைச் செயலாளர் பேராசிரியர் பூ.ராஜமன்னன், மாவட்ட துணைச் செயலாளர் ஆர்.பாலு, மாவட்ட அவைத் தலைவர் ஆர்.ஞானப்பிரகாசம் ஆகியோர் பங்கேற்று ஏழை இஸ்லாமிய மக்களுக்கு உணவு மற்றும் இனிப்பு வழங்கினார்கள். நகர பொருளாளர் ப.கணேசன் நன்றி கூறினார்.

பண்ருட்டியில் விதை மணிலா உற்பத்தி மும்முரம்

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

பண்ருட்டி, நவ.29:

மணிலா விதைப்பு பருவம் தொடங்கியுள்ளதால், பண்ருட்டி பகுதியில் உள்ள மணிலா உடைப்பு ஆலைகளில் விதை மணிலா உற்பத்தி மும்முரமாக நடைபெற்று வருகிறது. கடலூர் மாவட்டத்தில் விவசாய விளைப் பொருள்களில் நெல், கரும்புக்கு அடுத்தப்படியாக எண்ணெய் வித்துக்களில் மணிலா அதிக அளவு நிலப்பரப்பில் பயிரிடப்படுகிறது.

கார்த்திகை, மார்கழி மாதத்தில் மணிலா விதைப்பு செய்யப்படும். இருப்பினும் மழையால் சேதம் ஏற்படும் என்ற அச்சத்தால் அனேக விவசாயிகள் கார்த்திகை தீபம் முடிவடைந்ததும் மணிலா விதைப்பை தீவிரப்படுத்துவர். பண்ருட்டி வட்டத்தில் பண்ருட்டி, மாளிகம்பட்டு, தாழம்பட்டு, பிள்ளையார்குப்பம் உள்ளிட்ட கிராமங்களில் சுமார் 20-க்கும் மேற்பட்ட மணிலா உடைப்பு ஆலைகள் இயங்கி வருகின்றன. இவர்கள் திருவண்ணாமலை, ஆந்திரம், குஜராத், கர்நாடகம் போன்ற பகுதிகளில் இருந்து மணிலாவை இறக்குமதி செய்கின்றனர். பெரும்பாலும் ஆந்திரம், குஜராத் ஆகிய பகுதிகளில் மணிலா குறைந்த விலையில் கிடைப்பதால் அங்கிருந்து இறக்குமதி செய்கின்றனர். இறக்குமதி செய்யும் மணிலாவை இயந்திரத்தின் மூலம் உடைந்து பயிர்களை தனியாக பிரித்து எடுக்கின்றனர்.

இது குறித்து மணிலா வியாபாரி ஒருவர் கூறியது: மணிலாவை இயந்திரத்தின் மூலம் உடைத்து பயிர்களை தனியாக எடுப்போம். இதில் விதை, உணவு, எண்ணெய்க்காக என தரம் பிரித்து எடுத்து விடுவோம். விதை மணிலாவை விவசாயிகள் நேரிடையாக ஆலைக்கே வந்து வாங்கி செல்வர், மேலும் வெளியூரில் உள்ள கடைகளுக்கு விற்பனைக்காக அனுப்பி வைப்போம். இரண்டாம் நிலையில் உள்ள மணிலாவை கேக் கம்பெனி, பட்டாணிக் கடைகளுக்கு விற்பனை செய்வோம். மூன்றாம் நிலையில் உள்ள மணிலா எண்ணெய் எடுக்கப் பயன்படுத்தப்படும். தற்போது விதை மணிலா விற்பனை மந்தமாக உள்ளது. கார்த்திகை தீபம் முடிந்தவுடன் தான் சந்தை நிலவரத்தை கூறமுடியும். தினந்தோறும் சுமார் 5 மணி நேரம் மின்வெட்டு செய்யப்படுவதால் உற்பத்தி பாதிக்கப்படுகிறது. இதனால் வேலை ஆட்களும் வேலை செய்யாத நிலையில் முழு கூலியும் கொடுக்க வேண்டியுள்ளது என வேதனையுடன் கூறினார்.

8-ம் வகுப்பு பொதுத் தேர்வு நாளை தொடக்கம்

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கடலூர், நவ. 29:

பள்ளிகளில் சேராமல் தனியாக படிக்கும் மாணவர்களுக்கான 8-ம் வகுப்பு பொதுத் தேர்வு கடலூர் மாவட்டத்தில் செவ்வாய்க்கிழமை (1-12-2009) தொடங்கும் என்று அரசுத் தேர்வுகள் துறை கடலூர் மண்டல துணை இயக்குநர் தே.ராமச்சந்திரன் அறிவித்து உள்ளார். அவர் வெளியிட்ட செய்திக் குறிப்பு:

8-ம் வகுப்புப் பொதுத் தேர்வு 1-12-2009 தொடங்கி 5-12-2009 வரை நடைபெற உள்ளது. விழுப்புரம் மாவட்டத்தில் கீழபெரும்பாக்கம் அரசு மேல்நிலைப் பள்ளி, கடலூர் மாவட்டத்தில் திருப்பாப்புலியூர் அரசு பெண்கள் மேல்நிலைப் பள்ளி, திருப்பாப்புலியூர் புனித வளனார் மேல்நிலைப் பள்ளி ஆகியவை தேர்வு மையங்களாக அமைக்கப்பட்டு உள்ளன. தேர்வுககான நுழைவுச் சீட்டுகள் தேர்வர்களின் முகவரிக்கு அனுப்பட்டு உள்ளன. நுழைவுச் சீட்டுகள் கிடைக்காதவர்கள் அரசுத் தேர்வுகள் மண்டலத் துணை இயக்குநர் அலுவலகத்தைத் தொடர்பு கொள்ளலாம். அரசு தொழில் நுட்பத் தேர்வுகள் 2009 - விவசாயம், கைத்தறி நெசவு, மற்றும் அச்சுக்கலைப் பிரிவு முதலிய தேர்வுகள் 4-12-2009 முதல் 12-12-2009 வரை நடைபெற உள்ளன. இத்தேர்வுகளை எழுத விண்ணப்பித்து உள்ள மாணவர்கள், தங்களது விண்ணப்பத்தில் குறிப்பிட்டுள்ள தேர்வு மைத்துக்குச் சென்று 30-11-2009 முதல் நுழைவுச் சீட்டை பெற்றுக் கொள்ளலாம் என்று தெரிவிக்கப்பட்டுள்ளது.

அரசு பள்ளிகளில் மாணவர்களின் கல்வித் தரத்தை உயர்த்த நடவடிக்கை

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கடலூர், நவ. 28:

கடலூர் மாவட்டத்தில் உள்ள அரசு மற்றும் அரசு உதவிபெறும் பள்ளிகளில் மாணவர்களின் கல்வித் தரத்தை உயர்த்த, நடவடிக்கை எடுக்கப்பட்டு வருகிறது. அதன் ஓர் அங்கமாக பிளஸ்-2 மற்றும் 10-ம் வகுப்பில் சிறப்பாகப் பயிலும் மாணவ மாணவியருக்கு வியாழக்கிழமை சிறப்பு பயிற்சி வகுப்புகள் நடத்தப்பட்டன. கல்வித் தரத்தில் கடந்த ஆண்டு கடலூர் மாவட்டம் தமிழகத்தில் பிளஸ்-2 பிரிவில் 26-வது இடத்திலும் எஸ்.எஸ்.எல்.சி. பிரிவில் 27-வது இடத்திலும் இருந்தது. கடலூர் மாவட்டத்தின் கல்வித் தரத்தை உயர்த்த மாவட்ட முதன்மைக் கல்வி அலுவலர் அமுதவல்லி சிறப்பு நடவடிக்கைகளை மேற்கொண்டு வருகிறார். கடந்த ஆண்டு பொதுத் தேர்வு முடிவுகள் வெளியானதைத் தொடர்ந்து அனைத்து பள்ளித் தலைமை ஆசிரியர்களையும் அழைத்து, ஆய்வுக்கூட்டம் நடத்தப்பட்டது. பள்ளிகளில் நல்ல மதிப்பெண்கள் எடுத்ததற்கும் மோசமான மதிப்பெண்கள் எடுத்ததற்கும் காரணங்கள் ஆராயப்பட்டது. கடலூர் மாவட்டத்தில் காலாண்டுத் தேர்வுகள் முடிவுற்றதும், பள்ளி வாரியாக மாணவர்களின் மதிப்பெண்கள் கேட்கப்பட்டு, அதன் அடிப்படையில் தலைமை ஆசிரியர்களிடம் விளக்கம் கேட்கும் கூட்டம் முதன்மைக் கல்வி அலுவலரால் நடத்தப்பட்டது. அதிக மாணவர்கள் தேர்ச்சி பெறவும் கூடுதல் மதிப்பெண்கள் பெறவும் ஆலோசனைகள் பெறப்பட்டு அறிவுரைகளும் வழங்கப்பட்டன. அரையாண்டுத் தேர்வுகள் முடிவுற்றதும் இதேபோல் ஆய்வுக் கூட்டம் நடைபெற இருக்கிறது. மேலும் பிளஸ்-2, எஸ்.எஸ்.எல்.சி. பொதுத் தேர்வுகளில் அதிக மாணவர்களைத் தேர்ச்சி பெறச் செய்யவும் நடவடிக்கைகள் மேற்கொள்ளப்பட்டு வருகிறது. பொதுத் தேர்வுகளில் மாணவர்கள் குறைந்த பட்ச மதிப்பெண் பெற்றாவது வெற்றிபெறும் வகையில் அனைத்துப் பாடங்களுக்கும் கையேடுகள் வழங்கப்பட இருக்கின்றன. இந்தக் கையேட்டில் உள்ள பாடங்களை ஒழுங்காகப் படித்தாலே போதும், 40 மதிப்பெண் பெற முடியும் என்ற நிலையை உருவாக்கும் முயற்சியும் எடுக்கப்பட்டு வருகிறது. ÷அடுத்த கட்டமாக சிறப்பாகப் ப.யிலும் மாணவர்களை, மேலும் அதிக மதிப்பெண்களை பெறச் செய்யவும் முயற்சி மேற்கொள்ளப்பட்டு வருகிறது. கடந்த பிளஸ்-2 பொதுத் தேர்வில் இயற்பியல் பாடத்தில் 3 மாணவர்கள் மட்டும் 200க்கு 200 மதிப்பெண் பெற்றனர். ஆனால் 199 மதிப்பெண் பெற்றவர்கள் 68 பேர். வேதியியல் பாடத்தில் 200 மதிபெண் பெற்றவர்கள் 11 பேர். ஆனால் 199 மதிப்பெண் பெற்றவர்கள் 33 பேர். உயிரியல் பாடத்தில் 200 மதிப்பெண் பெற்றவர்கள் 3. ஆனால் 199 மதிப்பெண் பெற்றவர்கள் 29 பேர். கணிதத்தில் 200 மதிப்பெண் பெற்றவர்கள் 109 பேர். ஆனால் 199 மதிப்பெண் பெற்றவர்கள் 340 பேர். 199 மதிப்பெண் பெற்றவர்கள் ஏன் 200 மதிப்பெண் பெறமுடியாமல் போயிற்று? என்ற அடிப்படையில் சிறப்புப் பயிற்சிகள் அளிக்க இந்த ஆண்டு நடவடிக்கை எடுக்கப்பட்டு வருகிறது. இதற்காக அனைத்து அரசு மற்றும் அரசு உதவி பெறும் பள்ளிகளில், காலாண்டுத் தேர்வில் முதல் 3 இடங்களைப் பெற்று இருக்கும் மாணவ மாணவிகளுக்கு சிறப்பு பயிற்சி வியாழக்கிழமை அளிக்கப்பட்டது. எஸ்.எஸ்.எல்.சி மாணவர்களுக்கு புனித அன்னாள் மேல்நிலைப் பள்ளியிலும், பிளஸ்-2 மாணவர்களுக்கு திருப்பாப்புலியூர் புனித வளனார் மேல்நிலைப் பள்ளியிலும் அனுபவம் மிக்க ஆசிரியர்களைக் கொண்டு சிறப்புப் பயிற்சி அளிக்கப்பட்டது. பிளஸ்-2 வகுப்பு மாணவர்களுக்கான சிறப்புப் பயிற்சிக்கு கடலூர் முதுநகர் அரசு மகளிர் மேல்நிலைப் பள்ளி தலைமை ஆசிரியர் எம்.ராஜேந்திரன் பொறுப்பு ஏற்று நடத்தினார். சிறப்புப் பயிற்சி வகுப்புகளை மாவட்ட முதன்மைக் கல்வி அலுவலர் அமுதவல்லி பார்வையிட்டு, மாணவ மாணவியருக்கு ஆலோசனைகளை வழங்கினார்.

ஒன்றிய அலுவலர்களுடன் எம்எல்ஏ ஆலோசனை

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

பண்ருட்டி, நவ.28:

பண்ருட்டி ஊராட்சி ஒன்றிய அலுவலர்களுடன் எம்எல்ஏ தி.வேல்முருகன் வெள்ளிக்கிழமை ஆலோசனை நடத்தினார். ஒன்றிய அலுவலக வளாகத்தில் உணவு இடைவேளையின் போது நடைபெற்ற இக் கூட்டத்தில் எம்எல்ஏ தி.வேல்முருகன் பேசியது: கடந்த நான்கு ஆண்டுகளுக்கு முன்பு இருந்த வட்டார வளர்ச்சி அலுவலர்கள் திட்டப் பணி நடைபெறும் இடத்திற்கு சென்று பணிகளை ஆய்வு செய்து வந்தனர். தற்போது உள்ளவர்கள் திட்டப் பணிகள் நடைபெறும் இடத்திற்கு சென்று ஆய்வு ஏதும் செய்வதில்லை என தெரிய வருகிறது. அனேக ஊராட்சிகளில் மேல்நிலை நீர்த் தேக்கத் தொட்டிகள் சுத்தம் செய்து வருடக் கணக்காகிறது.÷சத்துணவுக் கூடத்தையும் ஆய்வு செய்யவில்லை. பண்ருட்டி ஒன்றியத்தில் அதிகாரிகளை அடிக்கடி மாற்றம் செய்வதால் பிரசனையாக உள்ளது. தமிழகத்திலே சமத்துவபுரம் பயனாளிகளுக்கு வீடு ஒதுக்குவதில் பிரச்னை ஏற்பட்ட இடம் காடாம்புலியூர் சமத்துவபுரம் ஒன்று தான். வசதி படைத்தவர்களுக்கு வீடு ஒதுக்கப்பட்டுள்ளது. இப்பிரச்னை குறித்து உயர் அதிகாரிகள் வந்து ஆய்வு செய்ததை வட்டார வளர்ச்சி அலுவலர்கள் என் கவனத்துக்கு கொண்டு வரவில்லை. சமத்துவபுரம் பயனாளிகள் தேர்வு குறித்து சட்டமன்றத்தில் பிரச்னையை எழுப்பவுள்ளேன். அதிகாரிகள் என்னுடன் தொகுதியை பற்றி ஆலோசனை செய்வதுவுமில்லை, ஒருங்கிணைந்து செயல்படுவதுவும் இல்லை. அரசின் நலத் திட்டங்கள் மக்களுக்கு விரைந்து சென்று சேர வேண்டும். நெய்வேலி நிலக்கரி நிறுவனம் அளித்த சுற்று வட்டார மேம்பாட்டு நிதி ரூ.2 கோடியை ரூ.3 கோடியாக பெற்று தந்துள்ளேன்.÷கிராமத்தில் இருந்து அதிகாரிகளை நாடி வரும் மக்கள் பிரதிநிதிகளை மரியாதையுடன் நடத்துங்கள். அவர்கள் உங்களை மனம் புண்படும்படியோ, மன உலைச்சல் அடையும் படி நடந்துக் கொண்டால் உரிய நடவடிக்கை எடுக்க நானும் முன்னிருப்பேன் என தி.வேல்முருகன் பேசினார். கூட்டத்தில் ஒன்றியப் பெருந்தலைவர் எழிலரசிரவிச்சந்திரன், வட்டார வளர்ச்சி அலுவலர்கள் மனோகரன், ரீட்டா உள்ளிட்ட பணியாளர்கள் கலந்து கொண்டனர்.

டிரான்ஸ்பார்மர் தீப்பற்றி மின் இணைப்பு துண்டிப்பு

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கடலூர், நவ.28:

கடலூரில் சனிக்கிழமை மின்சார டிரான்ஸ்ஃபார்மரில் தீப்பற்றி மின் இணைப்பு துண்டிக்கப்பட்டது. கடலூரில் இருந்து கண்டக்காடு செல்லும் வழியில் உப்பளவாடி அருகே உள்ள மின்சார டிரான்ஸ்ஃபார்மரில் திடீரென தீ விபத்து ஏற்பட்டது. அதில் இருந்த எண்ணெய் கீழே கொட்டத் தொடங்கியது. கடலூர் தீயணைப்புப் படையினர் விரைந்து வந்து தண்ணீரைப் பீய்ச்சி அடித்து தீயை அணைத்தனர். இதன் காரணமாக பெருமாள் நகர், என்.ஜி.ஓ.நகர், அழகப்பா நகர், ஓம்சக்தி நகர், நேருநகர், குண்டுஉப்பளவாடி சின்ராஜ் நகர் உள்ளிட்ட 10 நகர்களில் மின் இணைப்பு துண்டிக்கப்பட்டது. டிரான்ஸ்ஃபார்மரைப் பழுது பார்ககும் பணி நடந்து கொண்டு இருக்கிறது.

லிட்டில் ஸ்டார்ஸ் விழா

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

சிதம்பரம், நவ.28:

சிதம்பரம் காமராஜ் மெட்ரிக் மேல்நிலைப் பள்ளியில் லிட்டில் ஸ்டார்ஸ் மற்றும் பிரைம் ரோஸ் ஷோ நிகழ்ச்சி வெள்ளிக்கிழமை மாலை நடைபெற்றது. இந்நிகழ்ச்சியில் கே.ஜி. முதல் 5-ம் வகுப்பு வரையிலான மாணவ, மாணவிகள் கலை நிகழ்ச்சிகள் நடத்தினர். அண்ணாமலைப் பல்கலை. உடற்கல்வித்துறை இயக்குநர் எஸ்.மங்கையர்கரசி சிறப்பு விருந்தினராக பங்கேற்று மாணவ, மாணவிகளுக்கு பரிசுகளை வழங்கினர். நிகழ்ச்சியில் துணைச் செயலர் எஸ்.கஸ்தூரி, சீனியர் முதல்வர் எஸ்.மீனாட்சி, முதல்வர் ஜி.சக்தி, துணை முதல்வர் ஜி.ஷீலா உள்ளிட்டோர் பங்கேற்றனர்.

மாநில அளவிலான போட்டிக்கு சிதம்பரம் மாணவர்கள் தேர்வு

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

சிதம்பரம், நவ.28:

சிதம்பரம் ஸ்ரீ ராமகிருஷ்ணா மேல்நிலைப்பள்ளி வித்யாசாலா மேல்நிலைப்பள்ளி மாணவர்கள் மாநில அளவிலான பூப்பந்தாட்டப் போட்டியில் விளையாடத் தேர்வு பெற்றுள்ளனர். இப் பள்ளி மாணவர்கள் எஸ்.துளசிராமன், எஸ்.விஷ்ணு, எஸ்.சுந்தர், ஆர்.ஹரிகிருஷ்ணன், ஜெ.ஜஸ்டின்ராஜா, எஸ்.கோபாலகிருஷ்ணன், ஜெ.ஜெகதலாபிரதாப், சண்முகசுந்தரம் ஆகியோர் அண்மையில் கடலூரில் நடைபெற்ற மண்டல அளவிலான பூப்பந்தாட்டப் போட்டியில் வெற்றி பெற்று மாநில அளவிலான போட்டியில் விளையாட தேர்ச்சி பெற்றுள்ளனர்.தேர்ச்சி பெற்ற மாணவர்களையும், பயிற்சி அளித்த உடற்கல்வி ஆசிரியர்கள் எஸ்.சீனுவாசன், ஆர்.வெங்கடேஷ் ஆகியோரை பள்ளி நிர்வாகி எஸ்.ஆர்.பாலசுப்பிரமணியன், தலைமை ஆசிரியர் ஆர்.ரவிசங்கர் ஆகியோர் பாராட்டினர்.

கிராமிய ஆயுள் காப்பீடு பயனளிப்பு விழா

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

சிதம்பரம், நவ.28:

கிராமிய அஞ்சலக ஆயுள் காப்பீடுத் திட்டத்தின் நிதியளிப்பு விழா கீழமூங்கிலடி கிராமத்தில் வெள்ளிக்கிழமை நடைபெற்றது. பஞ்சாயத்து தலைவர் கே.மாயாவதி குப்புசாமி தலைமை வகித்தார். முன்னாள் பஞ்சாயத்து தலைவர் கே.குமரன், சுந்தரமூர்த்தி ஆகியோர் முன்னிலை வகித்தனர். அஞ்சலகத் தலைவர் ஆர்.கோபாலகிருஷ்ணன் வரவேற்றார். அஞ்சலகங்களின் கோட்ட கண்காணிப்பாளர் மணி காப்பீட்டுத் திட்டம் வைத்திருந்த இறந்த கலாராணியின் கணவர் கணபதியிடம் ஆயுள் காப்பீட்டு நிதியை வழங்கினார். கே.ஜனகன் நன்றி கூறினார்.

இன்று ஆயுர்வேத சிகிச்சை முகாம்

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கடலூர், நவ. 28:

கடலூர் நகராட்சி மேல்நிலைப் பள்ளி வளாகத்தில் இன்று (ஞாயிற்றுக்கிழமை) அக்குபஞ்சர் மற்றும் ஆயுர்வேத மருத்துவ சிகிச்சை முகாம் நடத்தப்படுகிறது. கடலூர் அரிமா சங்கம், கவுன்சில் ஆப் இந்தியன் அக்குபஞ்ரிஸ்ட், கடலூர் சுசான்லி அக்குபஞ்சர் மற்றும் ஆயுர்வேத மருத்துவமனை சார்பில் இந்த மருத்துவ முகாம் நடத்தப்படுகிறது. காலை 9 மணி முதல் பகல் ஒரு மணி வரை முகாம் நடைபெறும். அக்குபஞ்சர் மற்றும் மூலிகை மருத்துவ தம்பதிகள் டாக்டர்கள் ஏ.ரவி, உஷா ரவி மற்றும் 16 மருத்துவர்கள் முகாமில் சிகிச்சை அளிகக இருக்கிறார்கள். மூட்டுவலி, கழுத்துவலி, முதுகுவலி உள்ளிட்ட பல்வேறு வலிகள், பெண்களுக்கான மாதவிடாய் பிரச்னைகள் உள்ளிட்டவற்றுக்கு சிறப்பாக சிகிச்சை அளிக்கப்படும் என்றும் அறிவிக்கப்பட்டு உள்ளது.

நவீன அறிவியல் விவசாயம்: எம்.பி. வலியுறுத்தல்

நேரம் திங்கள், நவம்பர் 30, 2009

இடுகையிட்டது கடலூர் ரா.கார்த்திகேயன்

கடலூர், நவ.28:

இந்தியாவின் இப்போதைய தேவை நவீன அறிவியல் விவசாயம் என்று கடலூர் எம்.பி. கே.எஸ்.அழகிரி வலியுறுத்தினார்.

த மிழ்நாடு மற்றும் புதுவை நுகர்வோர் குழுக்களின் கூட்டமைப்பு (ஃபெட்காட்) சார்பில் 6-வது மாநில நுகர்வோர் மாநாடு கடலூரில் சனிக்கிழமை நடந்தது. ÷பருவநிலை மாற்றமும் உணவுப் பாதுகாப்பும் என்ற தலைப்பை மையமாகக் கொண்டு இந்த மாநாடு நடத்தப்பட்டது. மாநாட்டில் கே.எஸ்.அழகிரி பேசியது:

÷மனி தர்களிடையே விழிப்புணர்வை ஏற்படுத்துவது மெத்த சிரமம். எங்கும் பிளாஸ்டிக் நிறைந்து வருகிறது. வயல்கள் பிளாஸ்டிக் குப்பைகளாக மாறிவிட்டன. விவசாயம் பாதிக்கப்படுகிறது.

÷பூ மியில் எங்கு தோண்டினாலும் பிளாஸ்டிக் குப்பைதான் கிடைக்கும். மழைநீர் நிலத்தடியில் செல்ல வாய்ப்பு இல்லை. இது குறித்து நுகர்வோர் அமைப்புகள்தான் விழிப்புணர்வை ஏற்படுத்த வேண்டும்.

÷களி மண்ணில் இருந்து போலி உளுந்து தயாரிக்கும் ஆலைக் கூட உளளது. தவறு செய்யாமல் லாபம் சம்பாதிக்க முடியாது எனற எண்ணம் வியாபாரிகள் மனதில் பதிந்து விட்டது.

÷அதற்கு எதிராக நுகர்வோர் அமைப்புகள் செயல்பட வேண்டும். எதிர்ப்பு வரத்தான் செய்யும். வம்புக்காரன் என்று பேச்சு வரும். சீனாவில் ஒரு ஏக்கரில் 150 முதல் 200 மூட்டை (60 கிலோ) வரை உணவு தானியங்களை உற்பத்தி செய்கிறார்கள்.

÷நமது நாட்டில் உணவு தானிங்கள் பலவழிகளில் விரயம் ஆகிறது. உணவு உற்பத்தியைப் பெருக்காமல் உணவுப் பாதுகாப்பை ஏழை மக்களுக்குப் பெற்றுத் தர முடியாது.

ந மது நாட்டில் 60 சதவீதம் மக்கள் விவசாயிகள் வடமாநிலங்களில் பல கிராமங்களில் வசிக்க வீடுகள் இல்லை. மின்சாரம் இல்லை. அவர்களுக்காகக் கொண்டு வரப்பட்டதுதான் கிராமப்புற வேலை உறுதித் திட்டம்.

விவசாயம் அறிவியல் மயமாக வேண்டும். நுகர்வோர் இயக்கங்கள் விழிப்புணர்வை ஏற்படுத்த வேண்டும் என்றார் அழகிரி.

மா நாட்டில் உணவுத் துறை செயலர் கே.சண்முகம் பேசுகையில், போலி நுகர்வோர் அமைப்புகளைக் கட்டுப்படுத்தும் பொறுப்பு அரசுக்கு உள்ளது. அவர்களின் செயல்களைக் கண்காணிக்க, இனம் கண்டுகொள்ள அரசு யோசித்து வருகிறது. உற்பத்தி பெருகாவிட்டால் உணவுப் பாதுகாப்பு இல்லை. துவரம்பருப்பு நமது தேவை 3.4 மில்லியன் டன். ஆனால் உற்புத்தி 2.3 மில்லியன் டன்தான். நாம் வெளிநாட்டில் ஒரு பொருளை கொள்முதல் செய்ய முற்பட்டால் விலை உயர்ந்து விடுகிறது. பருவமழையை உரிய நேரத்தில் பெய்வதில்லை. எனவே நமது விவசாயத்தில் ஆராய்ச்சி மிகவும் தேவை. மாற்றம் தேவை. உற்பத்தி பெருகவேண்டும். உணவு வீணாக்கப்படுகிறது. இது தடுக்கப்பட வேண்டும் என்றார்.

மாநாட்டில் உணவுத் துறை இயக்குநர் க.ராஜாராம், கடலூர் மாவட்ட ஆட்சியர் பெ.சீதாராமன், கடலூர் நகராட்சி துணைத் தலைவர் தாமரைச்செல்வன், ஃபெட்காட் நிறுவனத் தலைவர் தேசிகன், நிறுவன பொதுச் செயலாளர் ஹென்றி திபேன், பெருந்தலைவர் ஜி.ராஜாராம், பொதுச் செயலர் புதுராஜா, முன்னாள் பொதுச் செயலர் நிஜாமுதின் உள்ளிட்டோர் பேசினர்.

ஆட்டோ ஓட்டுநர்கள் ஸ்டிரைக்

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

கட லூர், நவ.27:

கடலூரில் ஆட்டோ ஓட்டுநர்கள் வெள்ளிக்கிழமை வேலை நிறுத்தம் செய்தனர். கோரிக்கைகளை வலியுறுத்தி ஊர்வலம் மற்றும் ஆர்ப்பாட்டம் நடத்தினர். வேலை நிறுத்தம் காரணமாக பள்ளி மாணவர்கள் பெரிதும் பாதிக்கப் பட்டனர். ÷நகரில் பாதாளச் சாக்கடைத் திட்டப் பணிகளை விரைந்து முடிக்க வேண்டும், திருப்பாப்புலியூர் பஸ் நிலையத்தில் ஆட்டோக்கள் நிறுத்த அனுமதிக்க வேண்டும்.
உடல் ஊனமுற்றவர்கள், நோயாளிகள் போன்றவர்களை பஸ்நிலையத்துக்குள் ஆட்டோக்களில் கொண்டுவிட அனுமதிக்க வேண்டும். வட்டாரப் போக்குவரத்து அலுவலகத்தில் ஆட்டோக்களுக்கு அதிக அளவில் பெர்மிட் கொடுப்பதை நிறுத்த வேண்டும் என்ற கோரிக்கைளை வலியுறுத்தி வெள்ளிக்கிழமை காலை 6 மணி முதல் மாலை 6 மணி வரை ஆட்டோ ரிக்ஷாக்கள் வேலைநிறுத்தம் அறிவிக்கப்பட்டு இருந்தது. இதனால் கடலூரில் 2 ஆயிரத்துக்கும் மேற்பட்ட ஆட்டோக்கள் இயங்க வில்லை. வேலைநிறுத்தம் செய்த ஆட்டோ ஓட்டுநர்கள், உழவர் சந்தை அருகில் இருந்து ஊர்வலமாகப் புறப்பட்டு மாவட்ட ஆட்சியர் அலுவலகத்தை அடைந்தனர். அங்கு ஆர்பாபட்டம் நடத்தினர். கடலூரில் ஆட்டோக்கள் ஓடாததால் பள்ளிகளுக்குச் செல்லும் மாணவர்கள் பெரிதும் அவதிப்பட்டனர். வாகன வசதி உள்ள பெற்றோர் பலர் தங்கள் குழந்தைகளை இரு சக்கர வாகனங்களில் அழைத்துச் சென்றனர். பஸ்களில் கூட்டம் அதிகமாகக் காணப்பட்து. சில பஸ்களில் கூரை மீதும் பயணம் செய்தனர்.

மாவீரர்கள் தினம் அனுசரிப்பு

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

கட லூர், நவ.27:

கடலூரில் வெள்ளிக்கிழமை விடுதலைச் சிறுத்தைகள் கட்சி சார்பில் மாவீரர்கள் தினம் அனுசரிக்கப்பட்டது.விடுத லைச் சிறுத்கைள் கட்சி அலுவலகத்தில் நடந்த இந்த நிகழ்ச்சியில் இலங்கையில் ஈழத்தமிழர் போராட்டத்தில் இறந்தவர்களின் படங்களை வைத்து மெழுகுவர்த்தி ஏற்றி அஞ்சலி செலுத்தினர். நிகழ்ச் சிக்கு, விடுதலைச் சிறுத்தைகள் கட்சியின் மாவட்ட துணைச் செயலாளர் அறிவுடைநம்பி தலைமை வகித்தார். மாவட்டத் துணைச் செலாளர் திருமேனி முன்னிலை வகித்தார்.மறைந்த வீரர்களுக்கு நகராட்சி துணைத் தலைவர் தாமரைச் செல்வன், மெழுகுவர்த்தி ஏற்றி வைத்து அஞ்சலி செலுத்தினார்.

மருத்துவ சமூகத்தின் முப்பெரும் விழா

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

பண் ருட்டி, நவ.27:

தமிழ்நாடு மருத்துவர் சமூக நல சங்கத்தின் கடலூர் மாவட்டம் வடக்கு மாநில பொதுக் குழு தீர்மான விளக்கக் கூட்டம், செயற்குழு கூட்டம், முதலாம் ஆண்டு கொடியேற்று விழா ஆகிய முப்பெரும் விழா காடாம்புலியூரில் செவ்வாய்க்கிழமை நடைபெற்றது. மாநில துணைத் தலைவர் என்.ராஜமாணிக்கம் தலைமையில் நடைபெற்ற கூட்டத்தில், மாவட்டச் செயலர் கே.முருகதாஸ், பொருளாளர் எஸ்.சுந்தரபாலு வரவேற்றனர். மாநிலத் தலைவர் எம்.நடேசனார், பொது செயலர் எம்.ஜி.பாக்யநாதனார், ஆகியோர் பேசினர்.

சாலை விபத்தில் வியாபாரி சாவு

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

கடலூர், நவ.27:

கடலூர் அருகே வெள்ளிக்கிழமை நிகழ்ந்த சாலை விபத்தில் சவுக்கு வியாபாரி ஆறுமுகம் (49) இறந்தார். க டலூரை அடுத்த குடிகாடு கிராமத்தைச் சேர்ந்தவர் ஆறுமுகம். சவுககுத் தோப்பில் மரங்களை வாங்கி விற்பனை செய்து வந்தார். வெள் ளிக்கிழமை காலை அவர் தனது மகன் தமிழரசனுடன் (19) மோட்டார் சைக்கிளில் கடலூரை அடுத்த கன்னிகோயிலில் பெட்ரோல் நிரப்பச் சென்றார். பெட்ரோல் நிரப்பிவிட்டு கடலூர் திரும்புகையில் மோட்டார் சைக்கிள் வேனுடன் மோதி விபத்துக்கு உள்ளானது. இதில ஆறுமுகமும், தமிழரசனும் பலத்தக் காயம் அடைந்தனர். இருவரையும் கடலூர் அரசு மருத்துவமனைக்குக் கொண்டு வந்தனர். ம ருத்துவர்கள் சோதித்துப் பார்த்து ஆறுமுகம் இறந்துவிட்டதாக தெரிவித்தனர். தமிழரசன் மருத்துவமனையில் சிகிச்சை பெற்று வருகிறார்.

லாரி மோதி மாணவன் சாவு

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

சிதம் பரம், நவ.27:

சிதம்பரம் அருகே லாரி மோதிய விபத்தில் பள்ளி மாணவர் இறந்தார். படுகாயமடைந்த மற்றொரு மாணவர் மருத்துவமனையில் சிகிச்சை பெற்று வருகிறார். சிதம்பரத்தை அடுத்த புவனகிரி அருகே உள்ள கீழமணக்குடி கிராமத்தைச் சேர்ந்த சின்னசாமியின் மகன் சிவபாலன் (16), இவரும் புவனகிரியைச் சேர்ந்த சந்திரநாத் (16) ஆகிய இருவரும் அரசு ஆண்கள் மேல்நிலைப் பள்ளியில் படித்து வருகின்றனர். வியாழக்கிழமை மதியம் பெருமாத்தூரில் உள்ள ஹோட்டல் ஒன்றில் சாப்பிடுவதற்காக சைக்கிளில் சென்றுக் கொண்டிருந்தனர், அப்போது சிதம்பரம் நோக்கி வந்த லாரி ஒன்று அவர்களது சைக்கிள் மீது மோதியது.÷இவ் விபத்தில் படுகாயமடைந்த மாணவர் சிவபாலன் மருத்துவமனைக்கு செல்லும் வழியிலேயே இறந்தார். சந்திரநாத் சிதம்பரம் அரசு மருத்துவமனையில் சேர்க்கப்பட்டு தீவிர சிகிச்சை பெற்று வருகிறார். இது குறித்து புவனகிரி போலீஸôர் வழக்குப் பதிந்து விசாரணை மேற்கொண்டுள்ளனர்.

கடலூர் மாவட்ட விவசாயிகள் கவனத்திற்கு

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

நெய்வேலி, நவ. 27:

விருத்தாசலம் வட்டாரத்தில் தற்போது வடகிழக்குப் பருவமழை காரணமாக கனத்த மழை பெய்துள்ளது.

இந்த கனமழையால் சம்பா நெற்பயிர்கள் வெவ்வேறு நிலையில் பாதிக்கப்பட வாய்ப்புள்ளது. ம ழைநீர் வடிந்த பின் பயிர்கள் பாதிக்கப்படும் நிலையில் கீழ்கண்ட பரிந்துரைகளை கடைபிடிக்கவேண்டுமென விருத்தாசலம் வேளாண் உதவ இயக்குநர் இ.அன்பழகன் கேட்டுக் கொண்டுள்ளார்.÷அதன்படி சில பகுதிகளில் மழையால் சம்பா இளநடவு பாதிக்கப்பட்டு பயிர்கள் கரைந்து ஆங்காங்கே திட்டுத் திட்டாகக் காலியாக காணப்படும். நாற்றுகள் கைவசம் இருப்பின் அதே ரகத்தைக் கொண்டு, பயிரைக் கலைத்து நடவு செய்து பயிர் எண்ணிக்கையைப் பராமரிக்க வேண்டும். நீர் தேங்கியுள்ள வயல்களில் உடனடியாக நீரை வடிக்க வாய்ப்பில்லாமல் பயிர் பாதியளவு நீரில் மூழ்கியிருக்கும் நிலையில் துத்தநாகம், தழைச்சத்து இல்லாமல் பயிர் மஞ்சள் மற்றும் பழுப்பு நிறமாக வாய்ப்புள்ளது. ஏக்கருக்கு 2 கிலோ யூரியா, 1 கி.சிங்க்சல்பேட், 200 லிட்டர் நீரில் கலந்து கைத் தெளிப்பான் உதவியுடன் பயிர்களின் இலையின் மீது உடனடியாக தெளிக்கவேண்டும் என்பன உள்ளிட்ட பல்வேறு ஆலோசனைகளை அன்பழன் தெரிவித்துள்ளார்.

6 மாதமாக ஊதியம் இல்லை: பள்ளி துப்புரவு ஊழியர்கள் வருத்தம்

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

கடலூர், நவ.27:

கடலூர் மாவட்டத்தில் அரசு மற்றும் அரசு உதவிபெறும் பள்ளிகளில் பணிபுரியும் துப்புரவு ஊழியர்களுக்கு கடந்த 6 மாதமாக ஊதியம் கிடைக்கவில்லை. தமிழகம் முழுவதும் அரசு மற்றும் அரசு உதவி பெறும் உ.யர்நிலை, மேல்நிலைப் பள்ளிகளில் துப்புரவு ஊழியர்கள் பகுதிநேரம் மற்றும் முழுநேரப் பணியில் நியமிக்கப்பட்டு பணிபுரிகிறார்கள். நிரந்த ஊழியர்களுக்கு தடையின்றி ஊதியம் வழங்கப்பட்டு விடுகிறது. ஆனால் தாற்காலிக ஊழியர்களாகப் பணியில் இருப்பவர்களுக்கு மாத ஊதியம் ரூ. 450தான். இநத ஊதியமும் இவர்களுக்கு உரிய நேரத்தில் கிடைப்பது இல்லை என்று புகார் தெரிவிக்கிறார்கள். கடலூர் மாவட்டத்தில் 500-க்கும் மேற்பட்ட துப்புரவு ஊழியர்கள் பள்ளிகளில் பணிபுரிகிறார்கள். இவர்களுக்கு கடந்த 6 மாதமாக ஊதியம் வழங்கப்பட வில்லை. இது குறித்து கடலூர் மாவட்டக் கல்வித் துறையில் விசாரித்தபோது கிடைத்த தகவல்: தாற் காலிக துப்புரவு ஊழியர்களுக்கு சில்லறைச் செலவினங்கள் என்ற தலைப்பில் நிதி ஒதுக்கப்படுகிறது. மாநில வரவு செலவுத் திட்டத்தில் இதற்கான நிதி ஒதுக்கப்படுகிறது. அந்த நிதி மாவட்டங்களுக்கு இன்னமும் வந்து சேரவில்லை. நிதி வந்ததும் மொத்தமாக ஊதியம் வழங்கப்படும். தாற்காலிகமாகப் பணிபுரியும் துப்புரவு ஊழியர்களுக்கு அரசு வழங்கும் மாத ஊதியம் ரூ. 450 கட்டுபடியாகாது. இந்த ஊதியத்துக்கு யாரும் வேலைக்கு வரமாட்டார்கள். எனினும் பல பள்ளிகளில் பெற்றோர் ஆசிரியர் சங்க நிதியில் இருந்து கூடுதலாக ஒரு தொகையை மாதாமாதம் வழங்கி வருகிறார்கள். அரசு நிதி ஒதுக்கீடு வரும்போது அரசு சம்பளம் வழங்கப்பட்டு விடும். பெற்றோர் ஆசிரியர் சங்கத்தில் நிதி இல்லாவிட்டால் ஊதியம் வழங்குவது சிரமம். ஆனால் ஆண்டுதோறும் இதே நிலைதான் இருந்து வருகிறது என்றும் தெரிவித்தனர்.

ஜனநாயக வாலிபர் சங்கத்தினர் சவப்பாடை ஊர்வலம்

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

கட லூர், நவ.27:

கடலூரில் பழுதடைந்து கிடக்கும் சாலைகளை சீரமைக்க வலியுறுத்தி இந்திய ஜனநாயக வாலிபர் சங்கத்தினர், வெள்ளிக்கிழமை சவப்பாடை ஊர்வலமும், ஆர்ப்பாட்டமும் நடத்தினர்.

ரூ. 44 கோடியில் தொடங்கப்பட்ட பாதாளச் சாக்கடைத் திட்டம் 18 மாதங்களில் முடிக்கப்பட வேண்டும். ஆனால் 30 மாதங்களுக்கு மேல் ஆகியும் முடிவடைய வில்லை.

60 சதம் பணிகள்கூட நிறைவடைய வில்லை. இத் திட்டத்துக்காக தோண்டப்பட்ட பள்ளங்களால் வாகனப் போக்குவரத்து பெரிதும் சிரமமாக இருக்கிறது. சாலைகள் குண்டும் குழியுமாக மாறி நடந்து செல்வதற்கும் லாயக்கற்றதாக மாறிவிட்டது. இதனால் விபத்துகள் ஏற்படாத நாளே இல்லை. ÷எனவே பாதாளச் சாக்கடைத் திட்டத்தை துரிதமாக நிறைவேற்ற நடவடிக்கை எடுக்காத கடலூர் நகராட்சியைக் கண்டித்து இந்திய ஜனநாயக வாலிபர் சங்கத்தினர் வெள்ளிக்கிழமை சவப்பாடை ஊர்வலமும் நகராட்சி அலுவலகம் முன் ஆர்ப்பாட்டமும் அறிவித்து இருந்தனர். சவப்பாடை ஊர்வலத்துக்கு போலீஸ் அனுமதி மறுக்கப்பட்டது. எனவே கோரிக்கைகளை வலியுறுத்தி வாலிபர் சங்கத்தினர், நகராட்சி அலுவலகம் முன் ஆர்பாபட்டம் நடத்தினர்.÷அதே நேர்த்தில் யாரும் எதிர்பாராத விதமாக, ஜனநாயக வாலிபர் சங்கத்தைச் சேர்ந்த இளைஞர்கள் சிலர் எங்கிருந்தோ சவப்பாடை ஒன்றை தயாரித்து எடுத்துக் கொண்டு தப்பட்டைகள் முழங்க நகராட்சி அலுவலகத்துக்கு வந்துவிட்டனர். அவர்களை போலீஸôர் பலர் தடுத்து நிறுத்த முன்றும் முடியவில்லை. சவப்பாடையில் நகராட்சி அலுவலகத்தின் மாதிரி, தெர்மாகோல் அட்டை மூலம் செய்யப்பட்டு வைக்கப்பட்டு இருந்தது. சவப்பாடையைக் கொண்டுவர போலீஸ் எதிர்ப்பு தெரிவித்ததை தொடர்ந்து, ஆர்ப்பாட்டம் நடத்தியவர்களுக்கும் போலீஸôருக்கும் இடையே தள்ளுமுள்ளு ஏற்பட்டது.÷நகராட்சி அலுவலக வாயிலுக்கு வந்ததும் சவப்பாடையை போலீஸôர் பிய்த்து எறிந்தனர்.÷அ தைத் தொடர்ந்து ஆர்ப்பாட்டம் மீண்டும் தொடர்ந்தது. ஆர்ப்பாட்டத்துக்கு இந்திய ஜனநாயக வாலிபர் சங்க கடலூர் நகரச் செயலாளர் ஆர்.அமர்நாத் தலைமை தாங்கினார். நகர நிர்வாகிகள் ஆர்.மணிவண்ணன், கே.பி.பாலு செந்தில்குமார், ரஜினிஆனந்த், தென்னசன், கார்த்திகேயன் ஆகியோர் முன்னிலை வகித்தனர். மாவட்டச் செயலாளர் ராஜேஷ் கண்ணன், தலைவர் எஸ்.அசோகன், மார்க்சிஸ்ட் கம்யூனிஸ்ட் நகரச் செயலாளர் சுப்புராயன் உள்ளிட்ட பலர் கலந்து கொண்டனர்.

தனியார் ஆலைக்கு கோயில் நிலத்தை ஆர்ஜிதம் செய்வதாக புகார்

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

கட லூர், நவ.27:

கடலூர் எண்ணெய் சுத்திகரிப்பு ஆலைக்கு கோயில் நிலத்தை ஆர்ஜிதம் செய்ய முயன்ற அதிகாரிகளை ஊர் பொதுமக்கள் தடுத்து நிறுத்தினர்.

கடலூர் அருகே சிப்காட் பகுதியில் தனியார் எண்ணெய் சுத்திகரிப்பு ஆலை தொடங்கப்பட இருக்கிறது. இதற்காக சுமார் 1,000 ஏக்கர் நிலம் ஏற்கெனவே ஆர்ஜிதம் செய்ப்பட்டு இருக்கிறது. மேற்கொண்டும் நிலம் கையகப்படுத்தப்பட்டு வருகிறது. ÷இந்நிலையில் இயற்கை எழில் மிகுந்த, மணல் குன்றுகள் நிறைந்த திருச்சோபுரம் பகுதியில் நிலம் கையகப்படுத்தும் முயற்சியில் நில அளவைத்துறை அதிகாரிகள் வெள்ளிக்கிழமை ஈடுபட்டனர்.÷நி லத்தை அளந்து பல இடங்களில் கொடி நட்டு இருந்தனர். இதற்கு அப் பகுதியில் வசிக்கும் மக்கள் கடும் எதிர்ப்பு தெரிவித்தனர். இதனால் நில அளவைத் துறை அலுவலர்களுக்கும் பொதுமக்களுக்கும் இடையே கடும் வாக்குவாதமும் தள்ளுமுள்ளும் ஏற்பட்டது.

மக்கள் எதிர்ப்பு காரணமாக நிலஅளவைத்துறை அதிகாரிகள் அங்கிருந்து திரும்பிச் சென்று விட்டனர்.

நிலம் கொடுத்து மறுப்பு தெரிவித்தது குறித்து திருச்சோபுரம் பிரமுகர் பாலு கூறியது: ÷த னியார் எண்ணெய் சுத்திகரிப்பு ஆலைக்கு திருச்சோபுரம் கிராமத்தில் நிலம் ஆர்ஜிதம் செய்ய நில அளவைத்துறை அதிகாரிகள் முயன்றனர்.÷திருச்சோபுரநாதர் கோயிலுக்குச் சொந்தமான 30 ஏக்கர் நிலத்தை அதிகாரிகள் எண்ணெய் சுத்திகரிப்பு ஆலைக்கு வழங்கும் முயற்சியில் இறங்கி உள்ளனர்.÷இந்த நிலத்தில் சுமார் 10 ஏக்கரில் 200-க்கும் மேற்பட்ட குடும்பங்கள் வீடுகட்டி வசிக்கின்றனர். நாங்கள் வீடுகளை காலி செய்ய மாட்டோம் என்று தெரிவித்து விட்டோம்.

வீடுகள் கட்டி இருக்கும் 10 ஏக்கர் உள்ளிட்ட 30 ஏக்கர் கோயில் நிலத்தையும் தொழிற்சாலைக்கு ஆர்ஜிதம் செய்து கொடுக்கும் முயற்சியில் அதிகாரிகள் ஈடுபட்டு இருப்பது கண்டிக்கத்தக்கது. கோயில் நிலத்தை தனியார் நிறுவனத்துக்கு அதிகாரிகள் எப்படி வழங்க முடியும்? என்றார் பாலு.

நடராஜர் கோயில் வழக்கு விசாரணை 6 வாரத்துக்கு ஒத்திவைப்பு

நேரம் சனி, நவம்பர் 28, 2009

இடுகையிட்டது கடலூர் ரா.கார்த்திகேயன்

சிதம்பரம், நவ.27:

சிதம்பரம் நடராஜர் கோயிலை அரசு கையக்கப்படுத்தியது தொடர்பாக புதுதில்லி உச்ச நீதிமன்றத்தில் பொது தீட்சிதர்கள் சார்பில் மேல்முறையீடு மனு தாக்கல் செய்யப்பட்டது.

அம் மனு மீதான விசாரணை உச்ச நீதிமன்றத்தில் அல்டாமஸ்கபீர், சிரியாஸ்ஜோசப் ஆகிய நீதிபதிகள் கொண்ட பெஞ்சு முன்னிலையில் வெள்ளிக்கிழமை விசாரணைக்கு வந்தது.÷தமிழக அரசு அறநிலையத்துறை சார்பில் சிறப்பு வழக்கறிஞர் அசோக்தேசாய், மூத்த வழக்கறிஞர் மரியசுந்தரம், அரசு வழக்கறிஞர் நெடுமாறன் ஆகியோர் ஆஜராயினர். அரசு தரப்பில் இந்து அறநிலையத்துறை ஆணையர் சம்பத், செயலர் முத்துசாமி ஆகியோர் ஆஜராயினர்.÷பொது தீட்சிதர்கள் சார்பில் வழக்கறிஞர் கே.கே.வேணுகோபால், சி.எஸ்.வைத்தியநாதஐயர், குருகிருஷ்ணகுமார், சுப்பிரமணியசாமி ஆகியோர் ஆஜரானார்கள். சிவனடியார் உ.ஆறுமுகசாமி, ஆலய மீட்புக் குழு வி.எம்.எஸ்.சந்திரபாண்டியன் ஆகியோர் சார்பில் வழக்கறிஞர்கள் காலின்கன்சால்வ்ஸ், பி.ஆர்.கோவிலன்பூங்குன்றம், சி.ராஜூ ஆகியோர் ஆஜரானார்கள். மேலும் இவ் வழக்கில் ஆலய பாதுகாப்பு குழுவைச் சேர்ந்த டி.சிவராமன், குஞ்சிதபாதம், கீதா உள்ளிட்ட 5 பேர் தங்களையும் விசாரிக்க வேண்டும் என மனு தாக்கல் செய்தனர். வழக்கை விசாரித்த நீதிபதிகள் அரசு தரப்பு, சிவனடியார் ஆறுமுகசாமி தரப்பு மனுவை பொதுதீட்சிதர்கள், சுப்பிரமணியசாமி ஆகியோர் அடுத்த 2 வாரத்துக்குள் நீதிமன்றத்தில் அளிக்க வேண்டும்.÷அது வரை எந்த உத்திரவின்றி இவ்வழக்கு விசாரணை 6 வாரத்திற்கு ஒத்தி வைப்பதாக நீதிபதிகள் உத்தரவு பிறப்பித்தனர்.

பஸ் நிறுத்தத்துக்காக போராடும் பொதுமக்கள்

நேரம் வெள்ளி, நவம்பர் 27, 2009

இடுகையிட்டது கடலூர் ரா.கார்த்திகேயன்

கட லூர், நவ. 26:

50 ஆண்டுகளாக இருந்து வந்த பஸ் நிறுத்தம் அகற்றப் பட்டதால், அதை மீண்டும் பெறுவதற்காக நெல்லிக்குப்பம் மக்கள் நீண்ட போராட்டத்தை நடத்தி வருகிறார்கள்.

பண்ருட்டி-கடலூர் மார்க்கத்தில் நெல்லிக்குப்பத்தில் போலீஸ் லைன், பிள்ளையார் கோயில், அஞ்சல் நிலையம், ஜானகிராமன் நகர் ஆகிய பஸ் நிறுத்தங்களும், கடலூர்- பண்ருட்டி மார்க்கத்தில், ஜானகிராமன் நகர், அஞ்சல் நிலையம், கடைத்தெரு, காவல்நிலையம், போலீஸ் லைன் ஆகிய பஸ் நிறுத்தங்களும் 50 ஆண்டுகளுக்கும் மேலாக இருந்து வந்துள்ளன. ஓராண்டுக்கு முன் ரூ.1 கோடி செலவில் நெல்லிக்குப்பத்தில் பஸ் நிலையம் கட்டப்பட்டு, துணை முதல்வர் மு.க.ஸ்டாலின் திறந்து வைத்தார். ஆனால் கடந்த ஓராண்டாக பஸ் நிலையத்துக்குள் எந்த பஸ்சும் வந்துபோவது இல்லை. இந்த நிலையில் செப்டம்பர் மாதக் கடைசியில், நெல்லிக்குப்பம் பஸ் நிலையத்தை மாவட்ட ஆட்சியர் பெ.சீதாராமன் பார்வையிட்டு பஸ் நிலையத்துக்குள் அனைத்து பஸ்களும் வந்து போக நடவடிக்கை மேற்கொண்டார். அக்டோபர் 1-ம் தேதி முதல் அனைத்து பஸ்களும் பஸ் நிலையத்துக்குள் வந்துபோகின்றன. பஸ் நிலையத்துக்கு உள்ளே செல்லும் வழியும், வெளியேறும் வழியும் ஒரே இடத்தில் இருப்பதாலும், பஸ் நிலைய வாயிலில் எப்போதும் பஸ்கள் நிற்கும் சூழ்நிலை ஏற்படுவதாலும் பண்ருட்டி- கடலூர் நெடுஞ்சாலையில் வாகனப் போக்குவரத்து நெரிசல் தொடர்ந்து ஏற்படுகிறது. இந்த நிலையில் பஸ் நிலையத்தில் இருந்து, 500 மீட்டர் தொலைவில் உள்ள அஞ்சல் நிலையம், கடைத் தெரு ஆகிய இரு பஸ் நிறுத்தங்களிலும் பஸ்கள் நிற்கக் கூடாது என்று போலீஸôர் அண்மையில் உத்தரவிட்டு உள்ளனர். அஞ்சல் நிலைய பஸ் நிறுத்தத்தில் இறங்கித்தான் 3 பள்ளிகள், வங்கிகள், எம்.எல்.ஏ. அலுவலகம் உள்ளிட்டவற்றுக்கு பொது மக்கள், மாணவ, மாணவியர் செல்ல வேண்டியது இருக்கிறது. பஸ் நிறுத்தத்தை எடுத்து விட்டதால் பொது மக்கள் பஸ் நிலையத்தில் இறங்கி நீண்டதூரம் நடந்தோ, ரூ.30க்கு மேல் செலவிட்டு ஆட்டோ ரிக்ஷாக்களிலோதான் செல்ல வேண்டிய கட்டாயம் இருப்பதாக பொதுமக்கள் தெரிவிக்கிறார்கள். பஸ் நிலையத்துக்குள் பஸ்களும் பொது மக்களும் செல்ல வேண்டும் என்ற கட்டாயத்துக்காக 50 ஆண்டுகளாக அனுபவித்த வந்த, மக்களுக்கு வசதியாக இருந்த பஸ் நிறுத்தங்களை ஏன் அகற்ற வேண்டும் என்று கேட்கிறார்கள் நெல்லிக்குப்பம் பொது மக்கள். மேலும் இரவு 10 மணிக்கு மேல் பஸ் நிலையத்துக்குள் பஸ்கள் செல்வதில்லை. எனவே பாதுகாப்பற்ற நிலை ஏற்பட்டு உள்ளது என்றும் பொது மக்கள் கூறுகின்றனர். பஸ் நிறுத்தங்கள் அகற்றப்பட்டதைக் கண்டித்து நெல்லிக்குப்பம் நகர மக்கள் இணைந்து உண்ணாவிரதம், 3 ஆயிரம் வீடுகளில் கருப்புக் கொடி என பல போராட்டங்களை நடத்தி உள்ளனர். மேலும் தொடர் போராட்டங்களை நடத்தவும் திட்டமிட்டு உள்ளனர். மக்கள் பிரதிநிதிகளுடன் மாவட்ட நிர்வாகம் பேச்சு நடத்தி, பறிக்கப்பட்ட உரிமையை மீண்டும் வழங்க வேண்டும் என்று பொதுமக்கள் எதிர்பார்க்கிறார்கள்.

உரிமை பறிப்பு

இதுகுறிதது மார்க்சிஸ்ட் கம்யூனிஸ்ட் கட்சியின் மாவட்ட செயற்குழு உறுப்பினர் வி.உதயகுமார் கூறுகையில், "பஸ் நிலையம் செயல்பட வேண்டும் என்பதில் கருத்து வேறுபாடு இல்லை. ஆனால், போஸ்ட் ஆபீஸ் ஸ்டாப்பை எடுத்து விட்டதால் 6 நகராட்சி வார்டுகளைச் சேர்ந்த 20 ஆயிரம் மக்கள் பெரிதும் பாதிக்கப்பட்டு உள்ளனர். 3 பள்ளிகள், பாரத ஸ்டேட் வங்கி, கோயில்கள் திருமண மண்டபங்கள், எம்.எல்.ஏ. அலுவலகம் ஆகியவற்றுக்குச் செல்வோர் பஸ் நிலையம் சென்று வர வேண்டிய நிலை இருப்பதால் பெரிதும் அவதிப்படுகிறார்கள். 1000 மக்கள் தொகை கொண்ட கிராமத்துக்கு பஸ் வசதி செய்து கொடுக்கும் அரசு, 20 ஆயிரம் மக்கள் வசிக்கும் பகுதிக்கு, 60 ஆண்டுகளாக பயன்படுத்தி வந்த பஸ் நிறுத்தத்தை அகற்ற வேண்டிய கட்டாயம் என்ன. போஸ்ட் ஆபீஸ் ஸ்டாப்பை எடுக்கப்பட்டதால், பஸ் நிலையத்துக்குள் வணிக வளர்ச்சி எதுவும் ஏற்படப் போவதில்லை. பஸ் நிறுத்தத்தை அகற்றியது மக்களின் அடிப்படை உரிமையைப் பறிப்பதாகும்' என்றார் உதயகுமார்.

சிதம்பரம் நடராஜர் கோயில் பிரசாதக் கடை ரூ.7.56 லட்சத்துக்கு ஏலம்

நேரம் வெள்ளி, நவம்பர் 27, 2009

இடுகையிட்டது கடலூர் ரா.கார்த்திகேயன்

சிதம்பரம், நவ. 26:

சிதம்பரம் நடராஜர் திருக்கோயில் 3-ம் பிரகாரத்தில் கிழக்கு மற்றும் மேற்கு நுழைவு வாயில்களில் பிரசாதக் கடை அமைத்து நடத்தவும், கிழக்கு நுழைவு வாயிலில் தேங்காய் பழக்கடை, மேற்கு நுழைவு வாயிலில் தேங்காய், பழக்கடை வைத்து நடத்தவும் வியாழக்கிழமை ஏலம் நடைபெற்றது.÷அறநிலையத்துறை இணை ஆணையர் ந.திருமகள் முன்னிலையில் உதவி ஆணையர் ஆர்.ஜெகந்நாதன், செயல் அலுவலர்கள் கிருஷ்ணகுமார், கே.சிவக்குமார் ஆகியோர் ஏலத்தை நடத்தினர்.÷பிரசாதக் கடை ஏலம் எடுக்க 12 பேர் டெபாசிட் கட்டி வந்தனர். தேங்காய் பழக்கடை ஏலம் எடுக்க 2 பேர் வந்திருந்தனர்.÷பிரசாதக் கடைக்கு தேவஸ்தானத்தின் குறைந்தபட்ச மதிப்பான ரூ.5 லட்சம் கேள்வியிலிருந்து ஏலம் தொடங்கப்பட்டது. ஆனால் இத்தொகையை உயர்த்தி கேட்க யாரும் முன்வரவில்லை. இதனால் ஏலத்தொகை படிப்படியாக குறைக்கப்பட்டது. அப்போதும் ஏலத்தொகை ரூ.2 லட்சம் வரை ஏலம் கேட்க யாரும் முன்வரவில்லை. அதேபோன்று கிழக்கு நுழைவுவாயில் மற்றும் மேற்கு நுழைவு வாயிலில் தேங்காய் பழக்கடைகள் 2-க்கும் தேவஸ்தான மதிப்பு ரூ.50 ஆயிரத்திலிருந்து கேள்வி தொடங்கப்பட்டது. ரூ.20 ஆயிரம் வரை ஏலம் மதிப்பு குறைக்கப்பட்டு ஏலம் எடுக்க யாரும் முன்வரவில்லை.

பின்னர் டெண்டர் பெட்டியை திறந்ததில் ஆலயத்தின் கிழக்கு மற்றும் மேற்கு நுழைவு வாயிலில் பிரசாதக் கடைகள் நடத்த ரூ.7.56 லட்சத்துக்கு புவனகிரி வடக்கு திட்டையைச் சேர்ந்த கோதண்டராமன் என்பவர் டெண்டர் போட்டிருந்தார். அதிகபட்ச தொகையாக அவர் டெண்டர் கோரியதால் அவருக்கு ஏலம் உறுதி செய்யப்பட்டது. இதையடுத்து தேங்காய் பழக்கடைகளுக்கான ஏலம் ஒத்திவைக்கப்பட்டது.

சிதம்பரம் நடராஜர் திருக்கோயிலில் விரைவில் கட்டண முறை அமல்படுத்தப்படும்

நேரம் வெள்ளி, நவம்பர் 27, 2009

இடுகையிட்டது கடலூர் ரா.கார்த்திகேயன்

சிதம்பரம், நவ. 26:

சிதம்பரம் நடராஜர் திருக்கோயிலில் விரைவில் அர்ச்சனை, சிறப்பு தரிசனம் மற்றும் அபிஷேகம் உள்ளிட்டவற்றிற்கு கட்டணம் விதிப்பது குறித்தும், பூஜை செய்பவர்களுக்கு எவ்வளவு பங்கு உள்ளிட்டவை குறித்து அறநிலையத்துறை அலுவலர்களால் திட்டம் தயாரிக்கப்பட்டுள்ளது. இந்த கட்டண விதிப்பு முறை வருகிற மார்கழி ஆருத்ரா தரிசனத் திருவிழா முதல் அமல்படுத்துவதற்கான முயற்சிகள் மேற்கொள்ளப்பட்டுள்ளது என இந்து அறநிலையத்துறை இணை ஆணையர் ந.திருமகள் தெரிவித்தார்.சிதம்பரம் நடராஜர் கோயிலில் வியாழக்கிழமை செய்தியாளர்களுக்கு அவர் அளித்த பேட்டி:

கோயிலில் வியாழக்கிழமை மேலும் 5 உண்டியல்கள் வைக்கப்படவிருந்தது ஒத்திவைக்கப்பட்டுள்ளது. திருவண்ணாமலை தீபத்துக்குப் பிறகு நடராஜர் கோயிலில் மேலும் 5 உண்டியல்கள் வைக்கப்படும். தேங்காய் பழக்கடைகள் ஏலம் போகாததால் அறநிலையத் துறை சார்பில் அக்கடைகள் நடத்துவதற்கான முயற்சிகள் மேற்கொள்ளப்படும். ஆலயத்தில் பூஜை செய்யும் பொது தீட்சிதர்கள் ஆலய செயல் அலுவலர் அலுவலகத்தில் தங்களது பெயர் விவரங்களை பதிவு செய்து கொள்ள வேண்டும் என ந.திருமகள் தெரிவித்தார்

இருந்தும் பயனில்லாத சிக்னல்: வாகன ஓட்டிகள் அவதி

நேரம் வெள்ளி, நவம்பர் 27, 2009

இடுகையிட்டது கடலூர் ரா.கார்த்திகேயன்

பண்ருட்டி, நவ. 26:

பண்ருட்டி நான்கு முனை சந்திப்பில் இரு சிக்னல்கள் இருந்தும், ஒன்று கூட எரியாததால் கடந்த இரு நாள்களாக வாகன ஓட்டிகளும், பாதசாரிகளும், போக்குவரத்து போலீஸரும் அவதி அடைந்துள்ளனர்.

பண்ருட்டிக்கு வியாபாரம் மற்றும் பணி நிமித்தமாக நாள்தோறும் ஆயிரக்கணக்கானோர் வந்து செல்கின்றனர். மேலும் நகரின் மையப் பகுதியான காந்திசாலை, ராஜாஜி சாலை, சென்னை-கும்பகோணம் சாலை மற்றும் கடலூர் சாலையில் மளிகை, பாத்திரம், தங்க நகை உள்ளிட்ட பல வியாபார நிறுவனங்கள் அமைந்துள்ளதால், நான்கு முனை சந்திப்பு எப்போதும் மக்கள் கூட்டம் அதிகரித்து பரபரப்பாக காணப்படும்.÷மேலும் சென்னை-கும்பகோணம், கடலூர்-சித்தூர் நெடுஞ்சாலைகள் நான்கு முனை சந்திப்பில் சந்திக்கின்றன. இதனால் இச்சாலையில் வரும் வாகனங்கள் நான்கு முனை சந்திப்பைக் கடந்து செல்வதால் போக்குவரத்து நெரிசல் அதிகரித்து காணப்படும்.÷இத்தகைய போக்குவரத்து முக்கியத்துவம் வாய்ந்த நான்கு முனை சந்திப்பில் கடந்த சில ஆண்டுகளுக்கு முன் பொறுத்தப்பட்ட சிக்னல் பயன்பாட்டில் இருந்து வந்தது. பின்னர் கடந்த ஒரு வருடத்துக்கு முன்பு புதிதாக ஒரு சிக்னல் பொருத்தப்பட்டு அது பயன்பாட்டுக்கு வந்தது. இதனால் பழைய சிக்னல் பராமரிப்பின்றி கை விடப்பட்டது.

இந்நிலையில் புதிய சிக்னல் இம்மாதம் 18-ம் தேதி திடீர் என செயல்படாமல் போனது. இதனால் போக்குவரத்து நெரிசல் ஏற்பட்டது. அதன் பின்னர் சரி செய்யப்பட்ட புதிய சிக்னல் கடந்த இரு நாள்களாக மீண்டும் எரியவில்லை. இதனால் வாகன ஓட்டிகளும், பாதசாரிகளும் பாதிக்கப்பட்டனர். போக்குவரத்து போலீஸôர் வாகனங்களை முறைப்படுத்தி அனுப்ப படாத பாடுபடுகின்றனர்.

300 படகுகள் மீன்பிடிக்கச் செல்லவில்லை

நேரம் வெள்ளி, நவம்பர் 27, 2009

இடுகையிட்டது கடலூர் ரா.கார்த்திகேயன்

கட லூர், நவ. 26:

கடலூர் அருகே தாழங்குடாவைச் சேர்ந்த 50-க்கும் மேற்பட்ட மீனவர்கள், இந்திய கடற்படையினரால் தாக்கப்பட்ட சம்பவம் தொடர்பாக, வியாழக்கிழமை மாவட்ட ஆட்சியர் பெ.சீதாராமன், சட்டப் பேரவை உறுப்பினர் கோ.அய்யப்பன் ஆகியோர் சம்பந்தப்பட்ட கிராமத்துக்குச் சென்று சமாதானப் பேச்சு நடத்தினர்.÷தாழங்குடாவைச் சேர்ந்த மீனவர்கள் 100 பேர் 20 படகுகளில், செவ்வாய்க்கிழமை, வங்கக் கடலில் வழக்கமாக மீன்பிடிக்கும் பாறைப் பகுதியில் வஞ்சரம் மீன்பிடித்துக் கொண்டு இருந்தனர். காலை 10 மணி அளவில் இந்திய கடற்படையினர் ஒரு கப்பலில் அங்கு வந்தனர். அதில் இருந்து இறங்கி படகுகளுக்கு வந்த சிப்பாய்கள், மீனவர்களை அணுகி அடையாள அட்டை இருக்கிறதா படகுகள் பதிவு செய்யப்பட்டு இருக்கிறதா 12 மைல் தூரத்துக்கு அப்பால் ஏன் வந்தீர்கள் என்று கேட்டு மிரட்டி, தடியால் சரமாரியாகத் தாக்கினர். இதில் 50க்கும் மேற்பட்ட மீனவர்கள் காயம் அடைந்தனர். ÷பு தன்கிழமையும் அதே பகுதியில் மீன்பிடிக்கச் சென்ற மீனவர்கள் இந்தியக் கடற்படையினரால் விரட்டியடிக்கப்பட்டனர். இதனால் பாதிக்கப்பட்ட மீனவர்கள் ரூ. 10 லட்சத்துக்கும் மேற்பட்ட மதிப்புள்ள வலைகளை அப்படியே போட்டுவிட்டு கரை திரும்பி உள்ளனர். மீன் வலைகள் கடற்படையினரால் சேதப்படுத்தப்பட்டு இருக்கலாம் என்ற அச்சம் மீனவர்கள் மத்தியில் உள்ளது. 3 நாள்களாக தாழங்குடா மீனவர்களுக்கு தொழில் தடைபட்டது. ÷இச்சம்பவம் கடலூர் மாவட்ட மீனவர்களிடையே கடும் அச்சத்தை ஏற்படுத்தி இருக்கிறது. இதனால் வியாழக்கிழமை தாழங்குடாவைச் சேர்ந்த 300 படகுகளில் 250 படகுகள் மீன்பிடிக்கச் செல்லவில்லை. இந்தியக் கடற்படையின் செயலுக்குக் கண்டனம் தெரிவித்து சில வீடுகளில் கருப்புக் கொடி ஏற்றப்பட்டு இருந்தது. கடலூர் நகரில் சுவர்களிலும் பஸ்களிலும் கண்டனச் சுவரொட்டிகள் ஒட்டப்பட்டு இருந்தன. மீனவக் கிராமங்கள் ஒன்றுகூடி வியாழக்கிழமை கூட்டம் நடத்தி நடவடிக்கை எடுக்கத் திட்டமிட்டு இருந்தனர். ÷இந்த நிலையில் மாவட்ட ஆட்சியர் பெ.சீதாராமன், கடலூர் எம்.எல்.ஏ. கோ.அய்யப்பன், மாவட்டக் காவல் கண்காணிப்பாளர் அஸ்வின் கோட்னீஸ் ஆகியோர் தாழங்குடா கிராமத்துக்குச் சென்றனர். அங்குள்ள மீனவர்களைச் சந்தித்துப் பேசினர். நடந்த சம்பவத்துக்கு கடற்படை அதிகாரிகள் வருத்தம் தெரிவித்ததாகக் கூறினர். எனினும் மீனவர்கள் சமாதானம் அடையவில்லை. மீனவர்களுக்குக் கடலில் மீன்பிடிக்க எல்லை வகுப்பதை ஏற்க முடியாது என்று தெரிவித்தனர். மேலும் மீனவர்களுக்கு அடையாள அட்டைகளை அரசுதான் வழங்க வேண்டும் என்றும் வலியுறுத்தினர். இந்திய கடற்படையே எங்களை அன்னியர்கள்போல் தாக்குவதை ஏற்க முடியாது என்றும் கூறினர்.

இப்பிரச்சினை தொடர்பாக அனைத்து மீனவர் அமைப்புகளின் பிரதிநிதிகளுடன் பேசுவதாக மாவட்ட ஆட்சியர் தெரிவித்து விட்டு கடலூர் திரும்பினார்.

ஆட்சியர் அறிவுரை

நேரம் வெள்ளி, நவம்பர் 27, 2009

இடுகையிட்டது கடலூர் ரா.கார்த்திகேயன்

கடலூர், நவ. 26:

மீனவர்கள் வாக்காளர் அடையாள அட்டைகளுடன் மீன்பிடிக்கச் செல்லுமாறு, கடலூர் மாவட்ட ஆட்சியர் பெ.சீதாராமன் வியாழக்கிழமை அறிவுரை வழங்கினார்.

24-ம் தேதி கடலூர் தாழங்குடா மீனவர்கள் 100 பேர் வங்கக் கடலில் வழக்கமான இடத்தில் மீன்பிடித்துக் கொண்டு இருந்தபோது இந்தியக் கடற்படையினரால் தாக்கப்பட்டனர். இதனால் மீனவ மக்களிடையே கொந்தழிப்பு ஏற்பட்டது. எனவே வியாழக்கிழமை மாலை மீனவர் அமைப்புகளின் பிரதிநிதிகளை அழைத்து மாவட்ட ஆட்சியர் பேசினார். பின்னர் அவர் செய்தியாளர்களிடம் கூறியது: ÷கடற்படையினர் மீனவர்களைத் தாக்கக்கூடாது என்று மீனவர்கள் கேட்டுக் கொண்டனர். சந்தேகப்பட்டால் மீனவர்களைப் பிடித்து, கடலூர் காவல் துறையினரிடம் ஒப்படைக்கலாம் என்றும் கூறினர். கடற்படையினரிடம் இருந்து தங்களுக்குப் பாதுகாப்பு வேண்டும் என்றும் கோரினர்.÷இந்திய இறையாண்மைக்கு அச்சுறுத்தல் ஏற்பட்டு இருப்பதாலேயே நாட்டு நலன் கருதி கடற்படையினர் ரோந்துப் பணியில் ஈடுபட்டு இருக்கிறார்கள் என்று மீனவர்களிடம் எடுத்துக் கூறப்பட்டது. அவர்களும் ஏற்றுக் கொண்டனர். அனைத்து மீனவர்களுக்கும் விரைவில் அடையாள அட்டை வழங்க மீன்வளத் துறைக்கு உத்தரவிடப்பட்டு இருக்கிறது.÷மீனவர் அடையாள அட்டை வழங்கும் வரை, வாக்காளர் அடையாள அட்டைகளை மீனவர்கள் எடுத்துச் செல்லுமாறு அறிவுறுத்தப்பட்டு இருக்கிறது. மீனவர்கள் அச்சமின்றி மீன் பிடிக்கச் செல்லலாம் என்றார் ஆட்சியர்.÷கூட் டத்தில் சட்டப் பேரவை உறுப்பினர் கோ.அய்யப்பன், கடலூர் நகராட்சித் தலைவர் து.தங்கராசு, மாவட்ட வருவாய் அலுவலர் எஸ்.நடராஜன், மீன் வளத்துறை உதவி இயக்குநர் அறிவுமதி, மீனவர் அமைப்புகளின் பிரதிநிதிகள் சுப்புராயன், ஏகாம்பரம், குப்புராஜ் உள்ளிட்ட பலர் கலந்துகொண்டனர்.

மார்க்சிஸ்ட் கண்டனம்

நேரம் வெள்ளி, நவம்பர் 27, 2009

இடுகையிட்டது கடலூர் ரா.கார்த்திகேயன்

கடலூர், நவ. 26:

கடலூர் மீனவர்களை இந்தியக் கடற்படை தாக்கியதற்கு மார்க்சிஸ்ட் கம்யூனிஸ்ட் கட்சி கண்டனம் தெரிவித்து உள்ளது.

அக்கட்சியின் கடலூர் மாவட்டச் செயலாளர் டி.ஆறுமுகம் வியாழக்கிழமை வெளியிட்ட செய்திக் குறிப்பு: கடலில் மீன்பிடிக்கச் சென்ற தாழங்குடா மீனவர்கள் 50க்கும் மேற்பட்டவர்களை இந்திய கடற்படையினர் தாக்கி உள்ளனர். மீன்களையும் வலைகளையும் விட்டுவிட்டு தப்பிப் பிழைத்துக் கரை சேர்ந்து உள்ளனர். இத் தாக்குதலை மார்க்சிஸ்ட் கம்யூனிஸ்ட் கட்சி வன்மையாகக் கண்டிக்கிறது. மத்திய அரசு உடனே தலையிட்டு மீனவர்களின் வாழ்வாதாரங்களையும், உரிமைகளையும், பாதுகாக்க நடவடிக்கை எடுக்க வேண்டும். ÷மத்திய அரசு கொண்டுவர இருக்கும் கடல் மீன் தொழில் ஒழுங்குமுறைச் சட்டத்தில் மீனவர்களின் உரிமைகளைக் கடுமையாகப் பாதிக்கும் பல்வேறு சரத்துகள் இடம்பெற்று உள்ளன. இச்சட்டம் நடைமுறைக்கு வரும் முன்பே கடலோரக் காவல் படையினர் அத்துமீறி முறையான விசாரணையின்றி, மீனவர்களைத் தாக்கி இருப்பது வேதனை அளிக்கிறது.

கடல் வளத்தையும், மீனவ மக்களின் உரிமைகளையும் வாழ்வாதாரத்தையும் பாதிக்கும் கடல் மீன் தொழில் ஒழுங்குமுறைச் சட்டத்தை எதிர்த்துக் குரல் கொடுக்க அனைத்துப் பகுதி மக்களும் அணி திரள வேண்டும் என்று கேட்டுக் கொள்கிறோம் என்றும் செய்திக் குறிப்பு தெரிவிக்கிறது.

ரூ.500 லஞ்சம்: அரசுப் பள்ளி ஆசிரியர் கைது

நேரம் வெள்ளி, நவம்பர் 27, 2009

இடுகையிட்டது கடலூர் ரா.கார்த்திகேயன்

கடலூர், நவ. 26:

ரேஷன் கார்டை ஆய்வு செய்வதற்கு ரூ.500 லஞ்சம் வாங்கியதாக, அரசுப் பள்ளி ஆசிரியர் மணிரத்தினம் என்ற சூசை (49) வியாழக்கிழமை கைது செய்யப்பட்டார்.

கடலூர் மாவட்டத்தில் உரிய முகவரியில் இல்லாத குடும்ப அட்டைதாரர்களின் கார்டுகள் போலிக் கார்டுகள் என்று கண்டறியப்பட்டு, விசாரணையில் வைக்கப்பட்டு உள்ளன. இந்தக் கார்டுகளின் உண்மைத் தன்மை கண்டறிய ஆய்வு நடத்தப்பட்டு வருகிறது. இப்பணியில் ஆசிரியர்களும் ஈடுபடுத்தப்பட்டு உள்ளனர், கடலூர் திருப்பாப்புலியூர் அரசினர் மகளிர் மேல்நிலைப் பள்ளி ஆசிரியர் மணிரத்தினம் என்ற சூசையும் இப்பணியில் அமர்த்தப்பட்டு இருந்தார்.÷அ வர் கடலூர் திருப்பாப்புலியூர் சின்னவாணியர் தெருவில் கடை வைத்து இருக்கும், நேமிசந்த் ஜெயின் ரேஷன் என்பவரின் ரேஷன் கார்டை புதுப்பிக்க ரூ.500 லஞ்சம் கேட்டாராம். மேலும் அவரது கடையில் உள்ள ஸ்டேஷனரி பொருள்களையும் இலவசமாகப் பெற்றுச் சென்றாராம்.

இ துகுறித்து நேமிசந்த் ஜெயின் கடலூர் மாவட்ட லஞ்ச ஒழிப்புப் போலீஸரிடம் புகார் செய்தார். லஞ்ச ஒழிப்புப் போலீஸ் துணைக் கண்காணிப்பாளர் வேதரத்தினம் வழக்குப் பதிவு செய்து, ஆசிரியர் மணிரத்தினம் என்ற சூசையைக் கையும் களவுமாகப் பிடிக்க உத்தரவிட்டார். வியாழக்கிழமை ஆசிரியர் மணிரத்தினம் தனது வீட்டில் இருந்தார் அவரிடம் நேமிசந்த் ஜெயின் ரூ.500 லஞ்சம் கொடுக்கும்போது, மறைந்து இருந்த லஞ்ச ஒழிப்புப் போலீஸôர் விரைந்து சென்று கைது செய்தனர்.

குடும்ப வன்முறை வழக்குகளில் விரைவில் தீர்வு

நேரம் வெள்ளி, நவம்பர் 27, 2009

இடுகையிட்டது கடலூர் ரா.கார்த்திகேயன்

கட லூர், நவ. 26:

குடும்ப வன்முறை தொடர்பான வழக்குகளில், விரைவில் தீர்வு காண வேண்டும் என்று கடலூரில் நடந்த பெண்களுக்கு எதிரான வன்முறை எதிர்ப்பு மாநாட்டில் கோரிக்கை விடப்பட்டது.÷

அனைத் திந்திய ஜனநாய மாதர் சங்கம் சார்பில் இந்த மாநாடு கடலூரில் புதன்கிழமை நடந்தது. மாநாட்டில் நிறைவேற்றப்பட்ட தீர்மானங்கள்:÷

கு டும்ப வன்முறை சட்டம் 2005-ல் அமலுக்கு வந்தது. 2007 முதல் இதுவரை தொடரப்பட்ட வழக்குகளில் இன்னமும் தீர்வு காணப்படவில்லை. எனவே குடும்ப வன்முறை தொடர்பான வழக்குகளில் விரைவில் தீர்வு காண நடவடிக்கை எடுக்க வேண்டும்.

விருத்தாசலம் வட்டம் ஆவட்டியில் இளம் பெண் கலைச்செல்வி, குடும்ப வன்முறையால் எரித்துக் கொல்லப்பட்டார். இதுவரை குற்றவாளி கைது செய்யப்படாதது கணடிக்கத் தக்கது. விரைவில் குற்றவாளியைக் கைது செய்ய வேண்டும். கடலூர் மாவட்டத்தில் சிறுமியர் மீதான பாலியல் பலாத்கார சம்பவங்கள் அதிகரித்து வருவது கவலை அளிக்கிறது. இதுகுறித்து போலீஸôர் கடுமையான நடவடிக்கை எடுக்க வேண்டும். சிறுவர் மீதான வன்கொடுமை தடுப்புச் சட்டம் குறித்து மக்களிடையே விழிப்புணர்வை ஏற்படுத்த வேண்டும் என்று கோரும் தீர்மானங்கள் நிறைவேற்றப் பட்டன.÷மா நாட்டுக்கு அனைத்திந்திய ஜனநாய மாதர் சங்க கடலூர் மாவட்டச் செயலாளர் வி.மேரி தலைமை தாங்கினார்., மாவட்ட நிர்வாகிகள் எம்.மனோரஞ்சிதம், பி.சிவகாமி, எஸ்.லட்சுமி எஸ்.சந்திரா உள்ளிட்டோர் முன்னிலை வகித்தனர்.

மாவட்ட ஊராட்சித் தலைவி இரா.சிலம்புச்செல்வி தொடங்கி வைத்துப் பேசினார். குடும்ப வன்முறை தொடர்பான வழக்குகளைத் தொகுத்து மாவட்டத் தலைவர் எஸ்.வாலண்டீனா பேசினார். மாநிலச் செயலாளர் ஜோதிலட்சுமி, சக்கி குடும்ப நல ஆலோசனை மைய நிர்வாகி கோடீஸ்வரன், சிதம்பரம் நகராட்சித் தலைவர் பெüஜியாபேகம், கோண்டூர் ஊராட்சி மன்றத் தலைவர் சுஜாதா ராமச்சந்திரன் உள்ளிட்ட பலர் பேசினர்.

தேதி வாரியாக படிக்க

Blog Archive

உங்கள் கருத்துக்களை இங்கே

திங்கள், நவம்பர் 30, 2009

சனி, நவம்பர் 28, 2009

வெள்ளி, நவம்பர் 27, 2009

நண்பர்களோடு பகிர்ந்து கொள்ள

Country wise Vistior

வந்தவங்க (08.10.2009)

செய்திகளை மின்னஞ்சலில் பெற

FeedBurner FeedCount