சிதம் பரம், நவ. 22:
கடலூர் மாவட்டம் காட்டுமன்னார்கோவில் அருகே கீழக்கடம்பூரில் உள்ள ருத்ர கோடீஸ்வரர் கோயில் சிதைந்த நிலையில் உள்ளது. 9-ம் நூற்றாண்டில் கட்டப்பட்ட பழமை வாய்ந்த இந்த கோயிலை மத்திய அரசின் தொல்லியல்துறை ஆய்வு செய்து ரூ.60 லட்சம் செலவில் ஆலயத்தை புதுப்பிக்கும் பணி தொடங்கப்பட்டுள்ளது. ஆலய புதுப்பிக்கும் பணியை கனிமொழி எம்.பி., பள்ளிக்கல்வித்துறை அமைச்சர் தங்கம் தென்னரசு ஆகியோர் சனிக்கிழமை பார்வையிட்டனர். இந்த ஆலயம் குறித்து தொல்லியல்துறை கல்வெட்டு ஆராய்ச்சியாளர் சீனுவாசன் தெரிவித்தது: இந்த கோயில் 9-ம் நூற்றாண்டில் கட்டப்பட்ட பழமை வாய்ந்த ஆலயமாகும். இந்த கோயிலில் தெற்கு வடக்காக 4 அடி அகலத்துக்கு படிகளுடன் அமைந்துள்ள சுரங்கம் ஒன்று உள்ளது. இச்சுரங்கத்தின் மூலம் அருகில் உள்ள மேலக்கடம்பூர் அமிர்தகடேஸ்வரர் ஆலய பணிக்கு தொழிலாளர்கள் சென்றிருக்கலாம் எனக்கூறப்படுகிறது. ஆலயத்தை சுற்றி சைவம் வளர்த்த பெரியோர்களின் 10க்கும் மேற்பட்ட சிலைகள் உள்ளன. கருவறையின் பின் சூரியன் சிலை வடிவில் காட்சியளிக்கிறார். மேலக்கடம்பூர் அமிர்தகடேஸ்வர் ஆலயத்துக்கான சிலைகள் இங்கு செய்யப்பட்டுள்ளன. சிலைகளைச் செய்யும் போது அனைத்து சிலைகளும் உடைந்ததுள்ளது. அந்த சிலைகள் வெளிப் பிரகாரத்தில் தற்போதும் உள்ளன. திருமணம் ஆகாதவர்கள் இந்த கோயிலுக்குச் சென்று வழிபட்டால் திருமணம் நடைபெறும் என்பது ஆலயத்தின் ஐதீகமாகும். மேலக்கடம்பூர் அமிர்தகடேஸ்வரர் ஆலயம் கட்டுவதற்கு வந்த சிற்பிகள் மற்றும் தொழிலாளர்கள் வழிபடுவதற்காக இந்த ஆலயம் நிறுவப்பட்டிருக்கலாம் என ஆராய்ச்சியாளர் சீனுவாசன் தெரிவித்தார். சிறப்புவாய்ந்த இந்த ஆலயம் சிதலமடைந்துள்ளதால் தனியார் ஒப்பந்தக்காரர்கள் மூலம் தொல்லியல்துறை ரூ.60 லட்சம் செலவில் புதுப்பிக்கும் பணியை தொடங்கியுள்ளது. இந்த சீரமைப்பு பணி முடிவுற 6 மாதங்கள் ஆகும் எனக் கூறப்படுகிறது. ஆலயத்தின் அடித்தளம் வரை அப்புறப்படுத்தப்பட்டு மீண்டும் அதே இடத்தில் தொல்லியல் துறையால் வழங்கப்பட்டுள்ள மாதிரி வரைபடத்தைக் கொண்டு புதிய ஆலயம் கட்டப்பட உள்ளது என ஊராட்சி மன்றத் தலைவர் ஜோதி தெரிவித்தார்.
கடலூர் மாவட்டம் காட்டுமன்னார்கோவில் அருகே கீழக்கடம்பூரில் உள்ள ருத்ர கோடீஸ்வரர் கோயில் சிதைந்த நிலையில் உள்ளது. 9-ம் நூற்றாண்டில் கட்டப்பட்ட பழமை வாய்ந்த இந்த கோயிலை மத்திய அரசின் தொல்லியல்துறை ஆய்வு செய்து ரூ.60 லட்சம் செலவில் ஆலயத்தை புதுப்பிக்கும் பணி தொடங்கப்பட்டுள்ளது. ஆலய புதுப்பிக்கும் பணியை கனிமொழி எம்.பி., பள்ளிக்கல்வித்துறை அமைச்சர் தங்கம் தென்னரசு ஆகியோர் சனிக்கிழமை பார்வையிட்டனர். இந்த ஆலயம் குறித்து தொல்லியல்துறை கல்வெட்டு ஆராய்ச்சியாளர் சீனுவாசன் தெரிவித்தது: இந்த கோயில் 9-ம் நூற்றாண்டில் கட்டப்பட்ட பழமை வாய்ந்த ஆலயமாகும். இந்த கோயிலில் தெற்கு வடக்காக 4 அடி அகலத்துக்கு படிகளுடன் அமைந்துள்ள சுரங்கம் ஒன்று உள்ளது. இச்சுரங்கத்தின் மூலம் அருகில் உள்ள மேலக்கடம்பூர் அமிர்தகடேஸ்வரர் ஆலய பணிக்கு தொழிலாளர்கள் சென்றிருக்கலாம் எனக்கூறப்படுகிறது. ஆலயத்தை சுற்றி சைவம் வளர்த்த பெரியோர்களின் 10க்கும் மேற்பட்ட சிலைகள் உள்ளன. கருவறையின் பின் சூரியன் சிலை வடிவில் காட்சியளிக்கிறார். மேலக்கடம்பூர் அமிர்தகடேஸ்வர் ஆலயத்துக்கான சிலைகள் இங்கு செய்யப்பட்டுள்ளன. சிலைகளைச் செய்யும் போது அனைத்து சிலைகளும் உடைந்ததுள்ளது. அந்த சிலைகள் வெளிப் பிரகாரத்தில் தற்போதும் உள்ளன. திருமணம் ஆகாதவர்கள் இந்த கோயிலுக்குச் சென்று வழிபட்டால் திருமணம் நடைபெறும் என்பது ஆலயத்தின் ஐதீகமாகும். மேலக்கடம்பூர் அமிர்தகடேஸ்வரர் ஆலயம் கட்டுவதற்கு வந்த சிற்பிகள் மற்றும் தொழிலாளர்கள் வழிபடுவதற்காக இந்த ஆலயம் நிறுவப்பட்டிருக்கலாம் என ஆராய்ச்சியாளர் சீனுவாசன் தெரிவித்தார். சிறப்புவாய்ந்த இந்த ஆலயம் சிதலமடைந்துள்ளதால் தனியார் ஒப்பந்தக்காரர்கள் மூலம் தொல்லியல்துறை ரூ.60 லட்சம் செலவில் புதுப்பிக்கும் பணியை தொடங்கியுள்ளது. இந்த சீரமைப்பு பணி முடிவுற 6 மாதங்கள் ஆகும் எனக் கூறப்படுகிறது. ஆலயத்தின் அடித்தளம் வரை அப்புறப்படுத்தப்பட்டு மீண்டும் அதே இடத்தில் தொல்லியல் துறையால் வழங்கப்பட்டுள்ள மாதிரி வரைபடத்தைக் கொண்டு புதிய ஆலயம் கட்டப்பட உள்ளது என ஊராட்சி மன்றத் தலைவர் ஜோதி தெரிவித்தார்.
