உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




வியாழன், டிசம்பர் 20, 2012

திட்டக்குடியில்அரசு கலைக் கல்லூரி அமைக்கக் கோரிக்கை

திட்டக்குடி:


திட்டக்குடியில் அரசு கலைக் கல்லூரி அமைக்கக் கோரி மாவட்ட கவுன்சிலர் எழிலரசன் தமிழக முதல்வருக்கு மனு அனுப்பினார்.

மனு விவரம்:

கடலூர் மாவட்டத்தில் மங்களூர் ஒன்றியம் மிகவும் பின்தங்கிய ஒன்றியமாக உள்ளது. மாவட்டத்தின் கடைகோடியில் உள்ள மங்களூர் ஒன்றியத்திலுள்ள 66 ஊராட்சிகளும் அடிப்படை வசதிகளில் தன்னிறைவு பெறாமல் உள்ளது.மேலும் ஏழை மாணவ, மாணவியர்கள் பட்டப்படிப்பு பயில கல்லூரிகள் திட்டக்குடி பகுதியில் இல்லாததால் மாணவர்கள் தொலைவிலுள்ள விருத்தாசலம் அரசு கல்லூரி, அரியலூர், மயிலாடுதுறை கல்லூரிகளுக்குச் செல்ல வேண்டிய நிலை உள்ளது.மாணவர்கள் அப்பகுதிகளுக்குச் சென்று தங்கிக் கல்வி பயில அதிகம் செலவாகிறது. இதனால் ஏழை மாணவர்களின் பட்டப்படிப்பு கனவாய் போகும் அவலம் உள்ளது. எனவே, மாவட்டத்தின் மிகவும் பின்தங்கிய ஒன்றியமான மங்களூர் ஒன்றியத்திலுள்ள ஏழை, எளிய மாணவ, மாணவியர்கள் எதிர்காலத்தை கருத்தில் கொண்டு திட்டக்குடி பகுதியில் அரசு கலைக்கல்லூரி துவங்க அரசு நடவடிக்கை எடுக்க வேண்டும். இவ்வாறு மனுவில் கூறப்பட்டுள்ளது. .

Read more »

கொளஞ்சியப்பர் கலைக் கல்லூரி மாணவர்களுக்கு நிலவேம்பு கஷாயம் வழங்கல்

விருத்தாசலம்:

           விருத்தாசலம் கொளஞ்சியப்பர் அரசு கல்லூரியில், என்.எஸ்.எஸ்., திட்டம், அரசு மருத்துவமனை சித்த மருத்துவப் பிரிவு சார்பில் மாணவர்களுக்கு நிலவேம்பு கஷாயம் வழங்கும் நிகழ்ச்சி நடந்தது. கல்லூரி முதல்வர் கோவிந்தன் தலைமை தாங்கினார். நகர் மன்ற தலைவர் (பொறுப்பு) சந்திரகுமார், கமிஷனர் (பொறுப்பு) மணிவண்ணன், தாசில்தார் காந்தி, சித்த மருத்துவர் தவமணி முன்னிலை வகித்தனர். திட்ட அலுவலர் ராஜசேகர் வரவேற்றார். ஆர்.டி.ஓ., ஆனந்தகுமார், மாணவ, மாணவிகளுக்கு நிலவேம்பு கஷாயம் வழங்கினார்.நிகழ்ச்சியில், சித்த மருத்துவர் செல்லையா, திட்ட அலுவலர் சிவக்குமார், கல்லூரி பேராசிரியர்கள், விரிவுரையாளர்கள், மாணவர்கள் பங்கேற்றனர்.

Read more »

புதன், டிசம்பர் 12, 2012

Tamil Nadu has decided to go in for teakwood plantation drive in Cuddalore District

Chennai:

 Tamil Nadu has decided to go in for teakwood plantation drive in eight districts.  The drive would be launched in 6,475 hectares in Cuddalore, Karur, Tiruchi, Thanjavur, Nagapattinam, Tiruvarur, Perambalur and Tirunelveli in the current year and over Rs 6.8 crore has been earmarked for the purpose, an official release said.

Read more »

கடலூர் மாவட்டத்தில் பசுமை வீடுகளில் சோலார் விளக்குகள் பொருத்தும் பணி

கடலூர்:


         கடலூர் மாவட்டத்தில் கடந்தாண்டு ஒதுக்கீட்டில் கட்டப்பட்ட முதல்வரின் பசுமை வீடுகளில் சோலார் விளக்குகள் பொருத்தும் பணி நேற்று முதல் துவங்கியது. தமிழகத்தை குடிசைகள் இல்லாத மாநிலமாக மாற்றும் பொருட்டு கடந்த ஆட்சியில் இலவச வீடு வழங்கும் திட்டம் செயல்படுத்தப்பட்டது. அதில், வறுமைக் கோட்டிற்கு கீழ் உள்ளவர்களுக்கு ஒரு லட்சம் ரூபாய் மதிப்பில் 200 சதுர அடியில் வீடு கட்டிக் கொடுக்கப்பட்டது. தொடர்ந்து கடந்தாண்டு முதல்வராக பொறுப்பேற்ற ஜெ., பசுமை வீடு திட்டம் அறிவித்தார். அதில், 300 சதுர அடி பரப்பளவில் வீடு கட்ட ஒரு லட்சத்து 50 ஆயிரம் ரூபாயும், சூரிய மின் சக்தி வசதி ஏற்படுத்த 30 ஆயிரம் ரூபாய் என ஒவ்வொரு வீட்டிற்கும் ஒரு லட்சத்து 80 ஆயிரம் ரூபாய் நிதி ஒதுக்கப்படுகிறது. இத்திட்டத்தில், தானே புயல் பாதித்த கடலூர்மாவட்டத்திற்கு முன்னுரிமை அளித்து கடந்த 2011-12 நிதியாண்டில் 2,723 வீடுகளும், 2012-13ம் நிதியாண்டிற்கு 2,713 வீடுகள் ஒதுக்கீடு செய்யப்பட்டது.

அதில், கடந்த நிதியாண்டிற்கு ஒதுக்கீடு செய்யப்பட்ட 2,723 பசுமை வீடுகளில்

கடலூர் ஒன்றியத்தில் 321;
அண்ணாகிராமம் 201;
பண்ருட்டி 238;
குறிஞ்சிப்பாடி 281;
காட்டுமன்னார்கோவில் 169;
குமராட்சி 188;
கீரப்பாளையம் 182;
மேல்புவனகிரி 139;
பரங்கிப்பேட்டை 168;
விருத்தாசலம் 174;
கம்மாபுரம் 225;
நல்லூர் 212;
மங்களூர் 225

வீடுகள் ஊரக வளர்ச்சி முகமை மேற்பார்வையில் கட்டி முடிக்கப்பட்டது.

             இந்த வீடுகளுக்கு தமிழ்நாடு எரிசக்தி வளர்ச்சி முகமை மூலம் சூரிய மின் சக்தி வசதி ஏற்படுத்தும் பணி மேற்கொள்ளப்பட்டு வருகிறது. அதில் ஒவ்வொரு வீட்டிலும் 9 வாட்ஸ் சி.எல்.எப்.,ஐந்து பல்புகளுக்கு பிரத்யேகமான ஒயரிங் செய்யப்பட்டு வருகிறது. அதன்படி, கடலூர் மாவட்டத்தில் கடந்த நிதியாண்டிற்கு கட்டி முடிக்கப்பட்ட 2,723 வீடுகளுக்கு சூரிய மின் சக்தி வசதி ஏற்படுத்தும் பணி கடந்த நவம்பர் மாத இறுதியில் துவங்கியது.

           அதில், நேற்றுவரை 872 வீடுகளில் (காட்டுமன்னார்கோவில் 155, அண்ணாகிராமம் 141, பரங்கிப்பேட்டை 129, புவனகிரி 109, நல்லூர் 100, விருத்தாசலம் 100, குறிஞ்சிப்பாடி 60, கம்மாபுரம் 50,கடலூர் 28 ) பேனல் பிரேம் பொருத்தி, கேபிள் புதைக்கப்பட்டுள்ளது. அவற்றில் 120 வீடுகளில் 250 வாட்ஸ் திறன் கொண்ட பேனலில் ( சூரிய சக்தியை கிரகித்து மின்சாரமாக மாற்றும் பலகை),உற்பத்தியாகும் மின்சாரத்தை சேமித்து வைக்க பேட்டரி பொருத்தப்பட்டுள்ளது. இந்த 120 வீடுகளில் நேற்று முதல் கட்டமாக கடலூர் ஒன்றியம், பாதிரிக்குப்பம் மற்றும் திருவந்திபுரம் ஊராட்சிகளில் 9 வீடுகளிலும், அண்ணாகிராமம் ஒன்றியத்தில் 8 வீடுகளிலும்இன்வெர்ட்டர் பொருத்தி சோலார் விளக்குகளை ஒளிரச் செய்தனர். கடந்த நிதியாண்டில் கட்டிய 2,723 பசுமை வீடுகளுக்கும் வரும் ஜனவரிக்குள் முடிக்க திட்டமிடப்பட்டுள்ளது.

             பசுமை வீடுகளில் மின் இணைப்புகளும் வழங்கப்பட்டுள்ளது. மழைக் காலங்களில் சோலார் சிஸ்டம் செயலிழந்தாலோ, அல்லது பிற மின்சாதனங்கள் பயன்படுத்திட மின் இணைப்புகளும் வழங்கப்பட்டுள்ளது. சோலார் பேனல்கள் காலை 10 மணி முதல் மாலை 6 மணிவரை மட்டுமே சார்ஜ் ஆகும் வகையிலும்,கடும் மழை மற்றும் மேக மூட்டம் நிறைந்திருந்து போதிய ஒளி கிடைக்காமல் பேட்டரி சார்ஜ் ஆகவில்லை எனில், தானாகவே மின்சாரத்தில் விளக்குகள் எரியும் வகையில் வடிவமைக்கப்பட்டுள்ளது.சோலார் விளக்குகளை பொருத்தும் நிறுவனமே ஐந்தாண்டிற்கு பராமரிக்கும். இதற்காக ஒவ்வொரு வீட்டிற்கும் பிரத்யேக குறியீடு எண் வழங்கப்பட்டுள்ளது.நுகர்வோர்கள் ஏதேனும் பிரச்னை என்றால், நிறுவனத்திற்கு கட்டணமில்லா தொலைபேசி எண்ணில் (1800 102 1224) தொடர்பு கொண்டு தெரிவித்தால், 48 மணி நேரத்தில் நிறுவன ஆட்கள் நேரில் வந்து பழுது நீக்கி சரி செய்வார்கள். மேலும், நிறுவனத்தைச் சேர்ந்த நபர்கள் மாதம் ஒருமுறை ஒவ்வொரு வீட்டிற்கும் நேரடியாகச் சென்று பேனல் அமைப்பு, பேட்டரி, இன்வெர்ட்டர் போன்றவற்றை பரிசோதித்து அதற்குரிய அட்டையில் குறிப்பிட அறிவுறுத்தப்பட்டுள்ளது.

Read more »

வியாழன், நவம்பர் 08, 2012

விருத்தாசலம் கொளஞ்சியப்பர் அரசு கல்லூரியில்விலங்கியல் மன்றம் துவக்க விழா

விருத்தாசலம்:

       விருத்தாசலம் கொளஞ்சியப்பர் அரசு கல்லூரியில், விலங்கியல் மன்றம் துவக்க விழா மற்றும் முன்னாள் மாணவ, மாணவிகள் சந்திப்பு நிகழ்ச்சி நடந்தது. விலங்கியல் மன்ற துவக்க விழாவிற்கு, கல்லூரி முதல்வர் டாக்டர் கோவிந்தன் தலைமை தாங்கினார். விலங்கியல்துறைத் தலைவர் முனைவர் சாந்திஜெயரதி முன்னிலை வகித்தார். வேதியியல் துறை உதவி பேராசிரியர் சுந்தரசெல்வன் வரவேற்றார்.

       கல்லூரியில் 92ம் ஆண்டு படித்த முன்னாள் மாணவ, மாணவிகள் சந்திப்பு நிகழ்ச்சியில் சாட்டை சினிமாஇயக்குனர் அன்பழகன் உட்பட ஏராளமானோர் பங்கேற்றனர். நிகழ்ச்சியில் முன்னாள் மாணவர்கள் சார்பில் கல்லூரிமுதல்வர் கோவிந்தனுக்கு நினைவு பரிசு வழங்கப்பட்டது.  விலங்கியல் துறை இரண்டாமாண்டு மாணவி துர்கா நன்றி கூறினார்.

Read more »

சனி, நவம்பர் 03, 2012

கடலூர் மாவட்டத்தில் நீலம்' புயலில் 500 ஏக்கர் வாழை சேதம்

கடலூர்:

         நீலம் புயல் காரணமாக கடலூர் மாவட்டத்தில் நேற்று முன்தினம் (30/10/2012) வீசிய சூறைக் காற்றில் 500 ஏக்கர் வாழை மரங்கள் முறிந்து விழுந்தன.

             கனமழை காரணமாக 10 ஆயிரம் ஏக்கர் நெற்பயிர்கள் தண்ணீரில் மூழ்கியுள்ளன. கடலூர் அருகே வங்கக் கடலில் மையம் கொண்டிருந்த நீலம் புயல் காரணமாக மாவட்டத்தில் கடந்த 28ம் தேதி முதல் தொடர்ந்து மழை பெய்து வந்ததால் மாவட்டமே வெள்ளக்காடானது. மேலும், ஒரு லட்சம் ஏக்கரில் நடவு செய்திருந்த நெற்பயிர்கள் மழைநீரில் மூழ்கின. இந்நிலையில் கடலூர் அரகே மையம் கொண்ட நீலம் புயல் காரணமாக மாவட்டத்தில் சூறைக்காற்று வீசியது. மாலை 5 மணிவரை திடீர், திடீரென வீசிய காற்றினால் வாழைத் தோட்டங்கள் சேதத்திற்குள்ளாகின.

               மாவட்டத்தில் 78 ஆயிரம் ஏக்கரில் நெல் நடவு செய்யப்பட்டுள்ளது. இதில் தொடர் மழைக் காரணமாக 10 ஆயிரம் ஏக்கர் நெற்பயிர்கள் மழைநீரில் மூழ்கியுள்ளன. தற்போது மழை நின்று விட்டதால், வயலில் சூழ்ந்த மழை நீர் வடியத் துவங்கியுள்ளது. மழை நீர் வடிந்த பிறகேசேத மதிப்பு தெரிய வரும். அதேப்போன்று மாவட்டத்தில் 10 ஆயிரம் ஏக்கரில் வாழை பயிரிடப்பட்டிருந்தது. அதில் கடந்த செப்டம்பர் மாதம் வீசிய சூறைக்காற்றில் 300 ஏக்கர் வாழைத் தோட்டம் சேதமடைந்தது. அதனைத் தொடர்ந்து 8,000 ஆயிரம் ஏக்கர் வாழை அறுவடை செய்யப்பட்டது. தீபாவளி பண்டிகைக்கு அறுவை செய்ய தயாராக இருந்த 1,500 ஆயிரம் ஏக்கர் வாழையில், நேற்று முன்தினம் வீசிய நீலம் பயலில் 500 ஏக்கர் வாழைகள் சேதமடைந்தன என்றனர்.

Read more »

வியாழன், அக்டோபர் 18, 2012

கடலூரில் 108 ஆம்புலன்ஸ் பணிக்கு ஆட்கள் தேர்வு

கடலூர்:


    இலவச ஆம்புலன்ஸ் பிரிவில் மருத்துவ உதவியாளர் மற்றும் டிரைவர் பணிக்கான நேர்காணல் முகாம் வரும் 19ம் தேதி கடலூரில் நடக்கிறது.

இதுகுறித்து 108 ஆம்புலன்ஸ் சேவை மாவட்ட ஒருங்கிணைப்பாளர் ஜெயக்குமார் விடுத்துள்ள செய்திக்குறிப்பு: 


      தமிழகத்தில் இயங்கி வரும் 108 இலவச ஆம்புலன்ஸ் சேவை பிரிவில் டிரைவர் மற்றும் மருத்துவ உதவியாளர் பணிக்கான நேர்காணல் வரும் 19ம் தேதி கடலூரில் நடக்கிறது.

         ஓட்டுனர் பணிக்கு 10ம் வகுப்பு படித்தவராகவும், 25 முதல் 35 வயதிற்கு உட்பட்டவராகவும், 162.5 செ.மீ., உயரமுடையவராகவும், இலகுரக வாகன ஓட்டுனர் உரிமம் எடுத்து ஐந்தாண்டு அனுபவம் பெற்றவராக இருக்க வேண்டும். மருத்துவ உதவியாளர் பணிக்கு ஆண், பெண் இருபாலரும் விண்ணப்பிக்கலாம். பி.எஸ்சி., நர்சிங், விலங்கியல், தாவரவியல், பயோ கெமிஸ்ட்ரி, மைக்ரோ பயாலஜி, உயிரியல் , லைப் சயின்ஸ் அல்லது ஜி.என்.எம்., - ஏ.என். எம்., - டி.என்.ஏ., - டி.எம். எல்.டி., - டி.பார்ம் முடித்தவராகவம், 19 முதல் 30 வயதிற்கு உட்பட்டவராக இருக்க வேண்டும்.


         மேற்கண்ட தகுதியும், விருப்பமும் உள்ளவர்கள் தங்களது கல்வி மற்றும் பிற சான்றிதழ்களுடன் வரும் 19ம் தேதி கடலூர், பீச் ரோட்டில் உள்ள ரோட்டரி அரங்கில் நடைபெறும் நேர்காணலில் பங்கேற்கலாம். டிரைவர் பணிக்கு எழுத்துத் தேர்வு, தொழில்நுட்பத் தேர்வு, மனிதவளத் துறை நேர்காணல், கண் பார்வை சோதனை மற்றும் சாலை விதிகளுக்கான தேர்வு நடைபெறும். தேர்வு பெறுபவர்களுக்கு எட்டு நாட்களுக்கு பயிற்சி வகுப்பு நடத்தப்படும். மருத்துவ உதவியாளர் பணிக்கு எழுத்துத் தேர்வு, உடற்கூறியல், முதலுதவி, அடிப்படை செவிலியர் பணி தொடர்பான மருத்துவ நேர்முகம், மனிதவளத் துறையின் நேர்முகத் தேர்வு நடைபெறும். தேர்வு செய்யப்படுபவர்களுக்கு 45 நாட்களுக்கு சிறப்பு பயிற்சி அளிக்கப்படும்.

  இதுகுறித்து மேலும் விவரம் வேண்டுவோர் 044-28888060 என்ற தொலைபேசி எண்ணில் காலை 10 மணி முதல் மாலை 6 மணி வரை தொடர்பு கொள்ளலாம்.



Read more »

புதன், அக்டோபர் 10, 2012

கடலூர் அண்ணா விளையாட்டரங்கில் ராணுவ தேர்வில் பங்கேற்கவுள்ள இளைஞர்களுக்கு பயிற்சி

கடலூர்:

நெய்வேலியில் வரும் நவம்பர் மாதம் நடைபெறவுள்ள ராணுவத்திற்கு ஆள் சேர்க்கும் முகாமில் பங்கேற்கவுள்ள மாவட்ட இளைஞர்களுக்கு கடலூர் அண்ணா விளையாட்டரங்கில் பயிற்சி அளிக்கப்பட உள்ளது.

இதுகுறித்து மாவட்ட விளையாட்டு அலுவலர் திருமுகம் விடுத்துள்ள செய்திக்குறிப்பு:


        இந்திய ராணுவத்திற்கான ஆட்கள் தேர்வு முகாம் வரும் நவம்பர் 18ம் தேதி முதல் 23ம் தேதி வரை நெய்வேலி, பாரதி விளையாட்டரங்கில் நடக்கிறது. இந்த முகாமில் சிப்பாய், நர்சிங் உதவியாளர், எழுத்தர் மற்றும் தொழில் நுட்பப் பிரிவுகளுக்கு ஆட்கள் தேர்வு செய்யப்பட உள்ளனர். 10ம் வகுப்பு மற்றும் பிளஸ் 2 தேர்வு பெற்ற மற்றும் பதினேழரை வயதிலிருந்து 23 வயதிற்கு உட்பட்டவர்கள் இந்த முகாமில் பங்கேற்கலாம். இந்த முகாமில் கடலூர் மாவட்டத்தைச் சேர்ந்த இளைஞர்களுக்கு வாய்ப்பை ஏற்படுத்திக் கொடுக்கும் பொருட்டு கலெக்டர் சிறப்பு பயிற்சி முகாம் நடத்த உத்தரவிட்டுள்ளார். அதன் படி நெய்வேலியில் நடைபெறவுள்ள ராணுவ ஆள் தேர்வு முகாமில் பங்கேற்க விருப்பம் மற்றும் தகுதியுள்ள இளைஞர்களுக்கு கடலூரில் உள்ள அண்ணா விளையாட்டு அரங்கில் பயிற்சி அளிக்கப்பட உள்ளது.

          அதேப்போன்று எழுத்து தேர்விற்கான பயிற்சி முகாம் மாவட்ட வேலை வாய்ப்பு அலுவலகத்தில் அளிக்கப்பட உள்ளது.ராணுவ ஆள் தேர்வு முகாமில் பங்கேற்க விருப்பம் உள்ள மாணவர்கள், சிறப்பு பயிற்சி முகாமில் பங்கேற்க வரும் 15ம் தேதி மாலை 4 மணிக்கு கடலூர் அண்ணா விளையாட்டரங்கில் ஆஜராகி பெயரை பதிவு செய்துக் கொள்ள வேண்டும். இவ்வாறு செய்திக்குறிப்பில் மாவட்ட விளையாட்டு அலுவலர் கூறியுள்ளார். .

Read more »

புதன், அக்டோபர் 03, 2012

கடலூர் மாவட்டத்தில் இலவச சட்ட மையம் விரைவில் துவக்கம்

கடலூர்:


      தேசிய சட்டப்பணிகள் ஆணைக்குழு இந்தியா முழுவதும் ஊராட்சிகளில் இலவச சட்ட ஆலோசனை மையங்கள் திறக்க உத்தரவிட்டுள்ளது. இதன் ஒரு பகுதியாக தமிழகத்தில் உள்ள அனைத்து மாவட்டங்களிலும் உள்ள ஊராட்சிகளில் இலவச சட்ட ஆலோசனை மையங்கள் திறக்கப்பட்டு வருகிறது. கடலூர் மாவட்டத்தில் இம்மையங்கள் விரைவில் துவங்குவதற்கான நடவடிக்கையை மாவட்ட சட்டப்பணிகள் ஆணைக்குழு மேற்கொண்டுள்ளது. இம்மையத்தில் பட்டதாரிகள், ஆசிரியர்கள், தொண்டு நிறுவனத்தினர் பணியாற்ற வாய்ப்பு ஏற்படுத்தப்பட்டுள்ளது.

            மாவட்ட அளவில் 100 பேரும், வட்ட அளவில் 50 பேரும் இலவச சட்ட பணிகள் ஆலோசனை மையத்தில் கிராம மக்களுக்கான சட்ட ஆலோசனைகள் வழங்க வழிகாணப்பட்டுள்ளது. இதற்காக வாரந்தோறும் 3 நாட்கள் ஒவ்வொரு ஊராட்சியிலும் 3 மணி நேரம் ஆலோசகர்கள் மக்களுக்கு தேவையான சட்ட ஆலோசனைகள் குறித்து எடுத்துரைக்க பணியாற்றுவர். இதற்காக சம்பளமும் வழங்கப்படவுள்ளது. கிராம இலவச சட்ட ஆலோசனை மையத்தில் திருமண சட்டம், குழந்தை திருமண சட்டம், குடும்ப நல நீதிமன்ற சட்டம், வரதட்சணை கொடுமை சட்டம், உள்ளூர் சட்ட- ஒழுங்கு சட்டம், பெண் கொடுமை தடுப்பு சட்டம், வருவாய் துறை சட்டம், தொழிலாளர் நல சட்டம், முத்திரை தாள் சட்டம் உள்ளிட்ட 29 சட்டப்பிரிவுகள் குறித்து ஆலோசனைகள் வழங்க வழிகாணப்பட்டுள்ளது.

           வழக்கு தொடர விரும்பு பவர்களுக்கு இம்மையங்கள் வட்ட, மாவட்ட அளவிலான நீதிமன்றத்தில் உள்ள இலவச சட்ட மையத்தின் மூலம் நடவடிக்கை மேற்கொள்ள வழிகாட்டும். இது போன்று மாவட்டத்தில் உள்ள 52 காவல் நிலையங்களில் குழந்தைகள் சம்மந்தப்பட்ட வழக்கு தொடர்பாக ஒவ் வொரு காவல் நிலையத்தி லும் ஒரு சிறப்பு அதிகாரி நியமிக்கப்படவுள்ளார்.  கடலூரில் உயர்நீதிமன்ற நீதிபதி ஜெய்சந்திரன் ஊராட்சிகளில் இலவச சட்ட ஆலோசனை மையத்தில் பணியாற்றுவது மற்றும் காவல் நிலையங்களில் குழந்தைகள் பாதுகாப்பு மற்றும் பராமரிப்பு மேற்கொள்ளவது தொடர்பாக பணியாற்றவுள்ளவர்களுக்கான பயிற்சியை துவக்கி வைத்தார். மாவட்ட முதன்மை நீதிபதி உத்திராபதி மற்றும் பயிற்சியாளர்கள் வழக்கறிஞர்கள் அருணாச்சலம், பாலதண்டாயுத பாணி, கிருஷ்ணமூர்த்தி, சிவக்குமார், வனராஜ், சந்திர சேகரன், ராஜசேகர், அமுதவள்ளி, ஜானகிராமன், ஆண்டாள், காவல்துறையினர் உள்ளிட்ட பலர் கலந்துகொண்டனர்.

Read more »

கந்தசாமி நாயுடு கல்லூரியில் அடிப்படை வசதிகளை செய்து தரக் கோரி ஆர்ப்பாட்டம்

கடலூர்:


              கடலூர் கே.என்.சி. மகளிர் கல்லூரியில் அடிப்படை வசதிகளை செய்து தரக் கோரி இந்திய மாணவர் சங்கம் சார்பில், பேரணி மற்றும் ஆர்ப்பாட்டம் திங்கள்கிழமை நடைபெற்றது.
          கே.என்.சி. மகளிர் கல்லூரியில் 1500-க்கும் மேற்பட்ட மாணவியர்கள் பயில்கின்றனர். அரசு உதவிப் பெறும் இக்கல்லுரியில் போதிய அடிப்படை வசதிகள் இல்லை. அடிப்படை வசதிகளை பச்சையப்பன் அறக்கட்டளை நிர்வாகமும் செய்யவில்லை. பலமுறை கோரிக்கை விடுத்தும் அரசும் கண்டு கொள்ளவில்லை என மாணவியர்கள் குற்றம்சாட்டுகின்றனர். கல்வி உதவித்தொகையை ஆண்டு தொடக்கத்திலேயே வழங்க வேண்டும். கல்லூரி ஆய்வுக்கூடத்துக்கு போதுமான உபகரணங்கள் வழங்க வேண்டும். விலையில்லா மடிக்கணினி ஆண்டின் தொடக்கத்திலேயே அனைத்து மாணவிகளுக்கும் வழங்க வேண்டும்.

           இலவச பஸ் பாஸ் வழங்க வேண்டும். காலியாக உள்ள பேராசிரியர் பணியிடங்களை நிரப்ப வேண்டும் என்பன உள்ளிட்ட பல்வேறு கோரிக்கைகளை வலியுறுத்தி திங்கள்கிழமை மாணவியர்கள் வகுப்புகளைப் புறக்கணித்து கல்லூரியிலிருந்து புறப்பட்டு ஊர்வலமாக ஆட்சியர் அலுவலகம் சென்றடைந்து அங்கு ஆர்ப்பாட்டத்தில் ஈடுபட்டனர். ஆர்ப்பாட்டத்துக்கு, மாணவர் சங்க நகரத் தலைவர் எம்.ராம்குமார் தலைமை வகித்தார். மாவட்டச் செயலர் டி.அரசன், நகரச் செயலர் இளங்கோவன், துணைச் செயலர் எஸ்.மாணிக்கம், வாலிபர் சங்க மாவட்டத் தலைவர் ஆர்.அமர்நாத், கல்லூரித் தலைவர் கே.ஆர்த்தி, செயலர் எஸ்.செல்வபிரியா, துணைச் செயலர்கள் எம்.வினோதினி, ராஜலட்சுமி, புவனா உள்ளிட்டோர் ஆர்ப்பாட்டத்தில் பங்கேற்றனர். பின்னர் மாணவர் சங்கத்தினர் மற்றும் மாணவியர்கள், மாவட்ட ஆட்சியர் ராஜேந்திர ரத்னூவை சந்தித்து மனு அளித்தனர். அரசு உதவிப் பெறும் கல்லூரியாக இருப்பதால் அடிப்படை வசதிகளை ஆராய்வதற்கு தனியே குழு அமைத்து நடவடிக்கை மேற்கொள்வதாக ஆட்சியர் உறுதியளித்தார்.



Read more »

ஞாயிறு, செப்டம்பர் 30, 2012

கிருஷ்ணசாமி மகளிர் கலை மற்றும் மேலாண்மையில் கல்லூரியில் கருத்தரங்கம்

கடலூர்:

      கடலூர் கிருஷ்ணசாமி மகளிர் கலை மற்றும் மேலாண்மையில் கல்லூரியில் கணிதத் துறை சார்பில் கல்லூரிகளுக்கு இடையேயான கருத்தரங்கம் அண்மையில் நடந்தது. கல்லூரி தாளாளர் கே.ராஜேந்திரன் தலைமை வகித்தார். கல்லூரி கணிதத் துறை தலைவர் எம்.ரேணுகா வரவேற்றார். முதல்வர் டாக்டர் எஸ்.ரமாராணி தொடக்க உரையாற்றினார். அண்ணா பல்கலைக்கழகத் திருச்சி மண்டல பேராசிரியர் விஜயபாலாஜி கணிதத்தின் பயன்பாடு குறித்து பேசினார்.  இதில், கல்லூரி மாணவிகள் பங்கேற்ற கட்டுரை வாசிப்பு போட்டி, கணித மேதை ராமாநுஜம் தொடர்பான ஆண்டை மையப்படுத்தும் நிகழ்வுகள், வினாடி வினா போட்டிகள் நடத்தப்பட்டு வெற்றி பெற்ற மாணவிகளுக்குப் பரிசுகள் வழங்கப்பட்டது.



Read more »

புதன், செப்டம்பர் 26, 2012

மண்டல அளவிலான கபடி போட்டியில் கடலூர் கிருஷ்ணசாமி கல்லூரி மாணவர்கள் வெற்றி

கடலூர்:

மண்டல அளவிலான கபடி போட்டியில் கடலூர் கிருஷ்ணசாமி கல்லூரி மாணவர்கள் வெற்றி  பெற்றனர். நாகப்பட்டினம் மற்றும் புதுச்சேரி மண்டல தொழில் நுட்பக்  கல்லூரிகளுக்கு இடையேயான கபடி போட்டி, நாகப்பட்டினம் ஹாஜி ஷேக் இஸ்மாயில்  பாலிடெக்னிக் கல்லூரி வளாகத்தில் நடந்தது. இதில் 16 பாலிடெக்னிக் கல்லூரிகள் பங்கேற்றன. போட்டியில் கடலூர் கிருஷ்ணசாமி நினைவு பாலிடெக்னிக் கல்லூரி முதல் இடத்தை பெற்றது. வெற்றி பெற்ற விளையாட்டு வீரர்களை கல்லூரி தாளாளர் டாக்டர் ராஜேந்திரன், முதல்வர் சுந்தரமூர்த்தி, துணை முதல்வர் வாசுதேவன்,  உடற்கல்வி இயக்குனர் அருணகிரி பாராட்டினர்.

.

Read more »

திங்கள், செப்டம்பர் 24, 2012

கடலூர் மாவட்டத்தில் மின்னணு தபால் மற்றும் கோப்பு விவரங்கள் பதிவு முறை துவக்கம்

கடலூர்:


            கடலூர் மாவட்டத்தில் மின்னணு தபால் மற்றும் கோப்பு விவரங்கள் பதிவு முறை துவங்கப்பட்டுள்ளது.

தமிழக அரசு மின்னணு மேலாண்மை திட்டத்தின் கீழ் பல்வேறு நடவடிக்கைகளை அரசு துறைகளில் ஏற்படுத்தி வருகிறது. வெளிப்படையான துரிதமான முறைகளில் அரசின் சேவைகள் பொது மக்களுக்கு உரிய நேரத்தில் கிடைக்க வேண்டும் என்ற நோக்கத்தில் கம்ப்யூட்டர் சார்ந்த தொழில் நுட்பத்தினை தேசிய தகவலியல் மூலம் மாவட்டங்களில் செயல்படுத்தி வருகிறது. கடலூர் மாவட்டத்தில் கலெக்டர் அறிவுறுத்தலின்படி மின்னணு தபால் மற்றும் கோப்பு விவரங்கள் பதிவு முறை துவங்கப்பட்டுள்ளது. முதல் கட்டமாக இணையதள வசதியுடன் இருக்கும் கம்ப்யூட்டர் வாயிலாக கலெக்டருக்கு அனுப்பப்படும் அனைத்து தபால் மூலம் வந்த விவரங்களை பதியப் பெற்று உரிய பிரிவுகளுக்கு அனுப்பி பதில் விவரங்கள் பதிவு செய்யும் இச்சேவையை கலெக்டர் ராஜேந்திர ரத்னு தொடங்கி வைத்தார்.

              இதற்கென தேசிய தகவல் மையம் தயாரித்துள்ள இணைய வழியில் இயங்கக்கூடிய மென்பொருளை கலெக்டர் அலுவலகத்தில் உள்ள தேசிய தகவலியல் மையத்தில் இயங்கும் வண்ணம் ஏற்பாடு செய்யப்பட்டுள்ளது. தற்போது கலெக்டர் அவர்களுக்கு வரும் தபால்களை தபால் பிரிவில் உள்ள ஊழியர் தினமும் தனது கம்ப்யூட்டரில் பதிவு செய்து உரிய பிரிவுகளுக்கு அனுப்புவார்.அந்தந்த பிரிவு அலுவலர்கள் அவருக்குரிய தபால்களை கம்ப்யூட்டர் மூலம் பார்த்து உரிய பதிலை அளித்து தனது மின்னணு பதிவேட்டிலும் அனைத்து தபால்களையும் பதிவு செய்து கொள்வர். இந்த முறையில் பதிவு செய்யும் தபால்களின் விவரங்கள் பதில் அளித்த தகவல்கள் எந்தெந்த பிரிவுகளில் தபால்கள் நிலுவையில் உள்ளது என்ற புள்ளி விவரங்களை இந்த மென்பொருள் மூலம் உடனுக்குடன் எடுத்துக் கொள்ளலாம்.மேலும் உயர் அதிகாரிகள் இந்த விவரங்களை பரிசீலித்து உரிய நடவடிக்கை எடுக்க மிகவும் பயனுள்ளதாக இருக்கும்.



Read more »

விருத்தாசலம் கொளஞ்சியப்பர் அரசு கல்லூரி என்.எஸ். எஸ்.சார்பில் செஞ்சுருள் சங்க துவக்க விழா

விருத்தாசலம்:


   விருத்தாசலம் கொளஞ்சியப்பர் அரசு கல்லூரி என்.எஸ். எஸ்., சார்பில் நடந்த செஞ்சுருள் சங்க துவக்க விழா மற்றும் எய்ட்ஸ் விழிப்புணர்வு கருத்தரங்கம் நடந்தது. முதல்வர் (பொறுப்பு) சுப்ரமணியன் தலைமை தாங்கினார். என்.எஸ்.எஸ்., திட்ட அலுவலர் சிவக்குமார் வரவேற்றார். மாவட்ட செஞ்சுருள் சங்க மேலாளர் கதிரவன் எல்.சி.டி., புரொஜக்டர் மூலம் செஞ்சுருள் சங்க செயல்பாடு மற்றும் எய்ட்ஸ் நோய் குறித்து விளக்கமளித்தார். பேராசிரியர்கள் முத்தழகன், சிவக்குமார், துரைராசு, ஒருங்கிணைப்பாளர் பேராசிரியர் ராஜசேகர் உட்பட மாணவ, மாணவிகள் பலர் பங்கேற்றனர்.திட்ட அலுவலர் பாலசங்கு நன்றி கூறினார்.

Read more »

செவ்வாய், செப்டம்பர் 18, 2012

பெரியார் கலைக் கல்லூரியில் தந்தைப் பெரியாரின் 134-வது பிறந்த தினம் கொண்டாட்டம்


 கடலூர் பெரியார் கலைக் கல்லூரியில் தந்தைப் பெரியாரின் 134-வது பிறந்த தினத்தில் ( 17/09/2012)  கல்லூரியில் அமைந்துள்ள தந்தைப் பெரியார் சிலைக்கு மாலை அணிவித்து மரியாதை செலுத்தப்பட்டது. 




Read more »

சனி, செப்டம்பர் 15, 2012

கடலூர் மாவட்டத்தில் புத்தாண்டு முதல் பிளாஸ்டிக் பொருட்களை விற்பனை செய்வோர் மற்றும் பயன்படுத்துவோருக்கு அபராதம்

கடலூர்:


    கடலூர் மாவட்டத்தில் புத்தாண்டு முதல் பிளாஸ்டிக் பொருட்களை விற்பனை செய்வோர் மற்றும் பயன்படுத்துவோருக்கு அபராதம் விதிக்கப்படும் என கலெக்டர் எச்சரித்துள்ளார்.

      சர்வதேச கடற்கரை சுத்தம் செய்யும் தினம் நாளை கடைபிடிக்கப்படுவதால், மாவட்ட நிர்வாகம் சார்பில் நேற்று முதல் வரும் 19ம் தேதிவரை சர்வதேச கடற்கரை சுத்தம் செய்யும் தினம் கடைபிடிக்கப்படுகிறது. அதனையொட்டி கடலூர் சில்வர் பீச்சை சுத்தம் செய்யும் பணியை ஊராக தொழில்துறை மற்றும் சத்துணவு துறை அமைச்சர் சம்பத் துவக்கி வைத்தார். கே.என்.சி., மற்றும் அரசு கல்லூரி, நகராட்சி மேல்நிலைப் பள்ளி மாணவர்கள் பங்கேற்றனர்.

கலெக்டர் ராஜேந்திர ரத்னு கூறுகையில்,

            சர்வதேச கடற்கரை சுத்தம் செய்யும் தினம் நமது மாவட்டத்தில் ஒருவாரம் கடைபிடிக்கப்படுகிறது. சில்வர் பீச்சில் சேகரித்த குப்பைகள் 16 வகையாக பிரித்தெடுத்துள்ளனர். கடற்கரை பகுதியில் பிளாஸ்டிக் பொருட்கள் வராதவாறு கண்காணிக்கப்படும். ஒருவாரத்திற்கு கடற்கரையொட்டியுள்ள ஊராட்சி, பேரூராட்சி, நகராட்சிகளில் குப்பைகளை அகற்ற நடவடிக்கை எடுக்கப்பட்டுள்ளது. மாவட்டத்தில் கடந்த மூன்று மாதத்தில் 27 ஆயிரம கிலோ பிளாஸ்டிக்பொருட்கள் அகற்றப்பட்டுள்ளது .மாவட்டத்தில் இதுவரை 70 சதவீதம் பிளாஸ்டிக் பொருட்கள் உபயோகம் தடுக்கப்பட்டுள்ளது. முற்றிலும் குறைப்பதற்கு வரும் ஜனவரி முதல் தேதியிலிருந்து பிளாஸ்டிக் பொருட்களை விற்போர் மற்றும் பயன்படுத்துவோருக்கு அபராதம் விதிக்கப்படும் என்றார்.

            நிகழ்ச்சியில் நகராட்சி கமிஷனர் விஜயக்குமார், இன்ஜினியர் ரவி, நகராட்சி தலைவர் சுப்ரமணியன், துணைச் சேர்மன் குமார்,அ.தி.மு.க.,ஒன்றிய செயலர் பழனிசாமி உள்ளிட்டோர் உடனிருந்தனர். தொடர்ந்து ஓருங்கிணைந்த நகர்புற வளர்ச்சி குழுமம் 2011-12 திட்டத்தின் கீழ் 29.50 லட்சம் செலவில் இரண்டு டம்பர் பிளேசர் லாரியும், 9.60 லட்சம் செலவில் 16 டம்பர் பிளேசர் பின்களை என மொத்தம் 39.10 லட்சம் செலவில் புதிதாக வாங்கப்பட்டது



Read more »

கந்தசாமி நாயுடு மகளிர் கல்லூரியில் இரண்டு நாள் இலவச இருதய பரிசோதனை முகாம்

கடலூர்:

           கடலூர் கந்தசாமி நாயுடு மகளிர் கல்லூரியில் இரண்டு நாள் இலவச இருதய பரிசோதனை முகாம் இன்று துவங்குகிறது.

 கல்லூரி முதல்வர் மல்லிகாசந்திரன் கூறுகையில்,

            கல்லூரி என்.எஸ்.எஸ்., மாணவிகள் கிராமங்களில் முகாமிட்டு சமூக சேவையாற்றி வருகின்றனர். அதன் ஒரு கட்டமாக சென்னை அப்பல்லோ மருத்துவமனையுடன் இணைந்து பொதுமக்களுக்கான இலவச இருதய பரிசோதனை முகாம் இன்றும், நாளையும் கல்லூரி வளாகத்தில் நடக்கிறது.காலை 9 மணிக்கு துவங்கும் முகாமில் 45 வயதிற்கு மேற்பட்ட ஆண், பெண் இருபாலருக்கும் எடை, உயரம், ரத்த அழுத்தம், ரத்த பரிசோதனை, சர்க்கரை, ஈ.சி.ஜி.,எக்கோ சோதனைகள் செய்யப்படும். நாளை மாலை 5 மணிக்கு நடைபெறும் நிறைவு விழாவில்அமைச்சர் சம்பத் முகாமை முடித்து வைக்கிறார் என்றார்.

 


Read more »

வெள்ளி, செப்டம்பர் 14, 2012

கடலூர் புனித வளனார் அறிவியல் மற்றும் கலை கல்லூரி மாணவர்கள் 100 பேர் ரத்ததானம்

கடலூர், :


    கடலூரில் கல்லூரி நாட்டு நலப்பணித் திட்ட மாணவர் மாணவியர் 100 பேர் ரத்ததானம் செய்தனர்.

         கடலூர் புனித வளனார் அறிவியல் மற்றும் கலை கல்லூரி மற்றும் அன்னை தெரசா நிறுவனம் ஆகியன இணைந்து ரத்ததான முகாமை நடத்தியது. கல்லூரி செயலர் முனை வர் ரட்சகர் அடிகளார் முகாமினை தொடக்கி வைத்தார். கல்லூரி நாட்டு நலப்பணித் திட்ட மாணவர் மாணவிகள் 100 பேர் ரத்ததானம் செய்தனர். இந்நிகழ்ச்சியில் ரத்த வங்கி பொறுப்பு அலுவலர் சண்முககனி, அன்னைதெரசா சேவை இயக்கத் தலைவர் அகஸ்டின் பிரபாகரன், கல்லூரி நாட்டு நலப்பணித் திட்ட அலுவலர்கள் சந்தானராஜ், அன்னம்மாள் ஆகியோர் முன்னிலை வகித்தனர். முதல்வர் சின்னப்பன், துணை முதல்வர் அருமைசெல்வம், ஒய்.ஆர்.சி திட்ட ஒருங்கிணைப்பாளர் கிறிஸ்டிபேர்னன், வேலை வாய்ப்பு அலுவலர் எட்வின் மற்றும் அனைத்து துறை பேராசிரியர்கள் கலந்து கொண் டனர். மாணவர்களோடு சேர்ந்த பேராசிரியர் எட்வினும் ரத்ததானம் செய்தார்.



Read more »

சி.முட்லூர் அரசு கலைக் கல்லூரியில் வேதியியல் கருத்தரங்கம் துவக்கம்

கிள்ளை:

          சிதம்பரம் அருகே அரசு கலைக் கல்லூரியில் வேதியியல் துறை சார்பில் இரண்டு நாட்கள் கருத்தரங்கம் நேற்று துவங்கியது.கல்லூரி முதல்வர் வாசுதேவன் தலைமை தாங்கினார். வேதியியல் துறைத் தலைவர் வணங்காமுடி வரவேற்றார். நேற்று நடந்த முதல்நாள் கருத்தரங்கை மனோன்மணியன் சுந்தரனார் பல்கலைக்கழக முன்னாள் துணைவேந்தர் சபாபதிமோகன் துவக்கி வைத்தார். அண்ணாமலைப் பல்கலைக்கழக பேராசிரியர் சுவாமிநாதன் வேதியியல் ஆராய்ச்சித்துறையில் மாணவர்களின் பங்களிப்பு பற்றி விரிவாக எடுத்து கூறினார்.

            கருத்தரங்கம் புத்தகத்தை தமிழ்நாடு கல்வியியல் பல்கலைக்கழக முன்னாள் துணைவேந்தர் பத்பநாபன் வெளியிட்டார். கருத்தரங்கில் பேராசிரியர்கள் சேகர், சாந்தி, பழனிவேல், தேவநாதன், சண்முகன், பிரபா, சுகிலா, டார்லின்குயின், பாபுஜான், மணிவர்மன் உட்பட பலர் பங்கேற்றனர்.பேராசிரியர் ராஜ்குமார் நன்றி கூறினார். இன்று ஆய்வு கட்டுரை சமர்பித்தல் மற்றும் சிறப்பு சொற்பொழிவு நடக்கிறது.


Read more »

வியாழன், செப்டம்பர் 13, 2012

கடலூர் மண்டலத்தில் 14 புதிய வழித்தடங்களில் 26 புதிய பேருந்துகள் இயக்கம்

கடலூர்:


         தமிழ்நாடு அரசு போக்குவரத்துக் கழக கடலூர் மண்டலத்தில் 26 புதிய பஸ்களில் 14 புதிய வழித்தடங்களில் இயக்கப்படுகிறது. தமிழ்நாடு அரசு போக்குவரத்துக் கழகங்களில் 1000 புதிய பஸ்கள், 379 வழித்தடங்களில் விடப்பட்டது. இதனை சென்னையில் தலைமைச் செயலகத்தில் முதல்வர் ஜெயலலிதா வீடியோ கான்பரன்ஸ் மூலம் இயக்கி வைத்தார். இதைத் தொடர்ந்து கடலூர் பணிமனையில் 26 புதிய பஸ்கள் நேற்று இயக்கப்பட்டது.

           புதிய பஸ் இயக்க பூஜைக்கு கடலூர் மண்டல பொது மேலாளர் பூபதி தலைமை தாங்கினார். கடலூர் நகர மன்ற தலைவர் சுப்ரமணியன், அ.தி.மு.க., தொழிற்சங்க மாவட்டச் செயலர் பாலகிருஷ்ணன், பணிமனை செயலர்கள் சுகுமார், பாலசுப்ரமணியன், பணிமனை தலைவர்கள், கிளை மேலாளர்கள் கணபதி, மணிவண்ணன் உட்பட பலர் பங்கேற்றனர்.

விருத்தாசலம் - காட்டுமன்னார்கோவில்,
சிதம்பரம் - ஆண்டிமடம்,
சிதம்பரம் - வடலூர்,
சிதம்பரம் - வாத்தியார்பள்ளி,
பண்ருட்டி - திருச்சி,
பண்ருட்டி - களமருதூர்,
விருத்தாசலம் - கும்பகோணம்,
முள்ளுக்குறிச்சி - சென்னை

 உட்பட 14 புதிய வழித்தடங்களுக்கு புதிய பஸ்கள் இயக்கப்பட்டன.



Read more »

செவ்வாய், செப்டம்பர் 11, 2012

பண்ருட்டி அரசு அண்ணா பொறியியல் கல்லூரியில் முதலாமாண்டு மாணவர்களின் அறிமுகக் கூட்டம்

பண்ருட்டி:



பண்ருட்டி அரசு அண்ணா பொறியியல்  கல்லூரியில் முதலாமாண்டு மாணவர்களின் அறிமுகக் கூட்டம் நேற்று கல்லூரி வளாகத்தில் நடந்தது. கல்லூரி புலமுதல்வர் செந்தில்குமார் தலைமை தாங்கினார். கட்டடவியல் பேராசிரியர் சுரேஷ்குமார்முன்னிலை வகித்தார். டாக்டர்  சீனுவாசன் வரவேற்றார். இதில் கட்டடவியல், இயந்திரவியல், கணிபொறி, மின்னியல், மின் அணுவியல் துறை முதலாமாண்டு 360 மாணவ, மாணவிகள் மற்றும் பெற்றோர்கள் பங்கேற்றனர்.

விழாவில் சென்னை அண்ணா பல்கலைக்கழக இயந்திரவியல் துறை பேராசிரியர் சீனுவாசன் பேசுகையில்,


அண்ணா பல்கலைக் கழகத்தில் கிண்டி  உள்ளிட்ட மற்ற கல்லூரி வளாகத்தை போல பண்ருட்டி வளாகம் அனைத்து வசதிகளும்  பெற்றவை. இங்கு ஒவ்வொரு மாதமும் வகுப்பு குழு கூட்டம் நடத்தப்படுகிறது.  இதில் மாணவர்கள் தங்களது குறைகளை கூறி பிரச்னைக்குத் தீர்வு காணலாம். அண்ணா பல்கலைக் கழகத்தில் ராகிங் இல்லை. முதலாம் ஆண்டு மாணவர்கள் பயமின்றி  படிக்கலாம். குறைகள் இருந்தால் நிவர்த்தி செய்யலாம். அரசு கல்லூரி  மாணவர்களுக்காக உதவிகள், ஸ்காலர்ஷிப் வழங்கி வருவதை மாணவர்கள் அனைவரும்  அறிய வேண்டும். மொபைல்போன் கல்லூரி வளாகத்தில் பேசுவது தடை  செய்யப்பட்டுள்ளது. பள்ளியில் தங்களது பிள்ளைகள் படிப்பதை கவனித்தது  போல் பெற்றோர்கள் கல்லூரி படிப்பில் எப்படி படிக்கின்றனர் என அறிந்து பெற்றோர்கள் அடிக்கடி அறிவுரை வழங்க வேண்டும் என்றார். ஆங்கிலத்துறை  பேராசிரியர் வேல்முருகன் நன்றி கூறினார்.



Read more »

ஞாயிறு, செப்டம்பர் 09, 2012

ராகவேந்திரா கல்வியியல் கல்லூரியில் ஆசிரியர் தின விழா மற்றும் பி.எட்., வகுப்புகள் துவக்க விழா

கிள்ளை:


கிள்ளை அருகே ராகவேந்திரா கல்வியியல் கல்லூரியில் ஆசிரியர் தின விழா மற்றும் பி.எட்., வகுப்புகள் துவக்க விழா நடந்தது. கல்லூரி தாளாளர் மணிமேகலை கோவிந்தராஜன் தலைமையேற்றுகுத்துவிளக்கேற்றி துவக்கி வைத்தார். ஆலோசகர் இளங்கோ முன்னிலை வகித்தார். செயலர் பாபு வரவேற்றார். ரங்காச்சாரி பேசினார். டாக்டர் ராதாகிருஷ்ணனின் வாழ்க்கை வரலாறு படங்களாக மாணவர்களுக்கு திரையிட்டு காட்டப்பட்டது.விழாவில் ஆசிரிய பயிற்சி நிறுவன முதல்வர் ஜெயபால், துணை முதல்வர் பன்னீர்செல்வம், நடனசபேசன் உள்ளிட்டோர் பங்கேற்றனர்.அறிவுக்கடல் நன்றி கூறினார்.

Read more »

சனி, செப்டம்பர் 08, 2012

மஞ்சக்குப்பம் மைதானத்தில் கிரவுன் சர்க்கஸ் துவக்க விழா

கடலூர்:

     கடலூர், மஞ்சக்குப்பம் மைதானத்தில் கிரவுன் சர்க்கஸ் துவக்க விழா நேற்று  நடந்தது. நகராட்சி சேர்மன் சுப்ரமணியன் திறந்து வைத்தார். விழாவில் கவுன்சிலர்கள் உட்பட பலர் பங்கேற்றனர். சர்க்கசில் ஆப்பிரிக்கா, மணிப்பூர்,
மங்கோலியா கலைஞர்களின் ஜிம்னாஸ்டிக், ரிங் டான்ஸ், இரும்பு கூண்டுக்குள்  இருசக்கர வாகனம் ஓட்டுவது, ஸ்கை வாக், பயர் டான்ஸ், ஆப்பிரிக்கா காட்டு  நடனம், பார் விளையாட்டு, கூர்மையான நான்கு கம்பி மீது படுப்பது,  அந்தரத்தில் கம்பி மீது தலைகீழாக தொங்குவது உள்பட 28 வகையான சாகசங்கள் இடம் பெற்றுள்ளன. கலைஞர்கள், குதிரை, ஒட்டகங்களின் அணிவகுப்பு, ஜோக்கர்களின்  நகைச்சுவை உள்ளிட்ட நிகழ்ச்சியும்இடம் பெற்றுள்ளன. அக்டோபர் 10ம் தேதி,  வரை நடைபெறும் சர்க்கஸ் தினமும் மதியம் 1 மணி, மாலை 4, இரவு 7 மணி என  மூன்று காட்சிகள் நடக்கிறது. கட்டணம் 50, 100, 150 ரூபாய் ஆகும். 150  ரூபாய் டிக்கெட் மட்டும் காலை 9 மணி முதல் மாலை 6 மணி வரை முன்பதிவு செய்யப்படுகிறது.

இதுகுறித்து சர்க்கஸ் மேலாளர் சந்திரன் கூறுகையில்,


சர்க்கசில் ஆப்பிரிக்க கலைஞர்கள் பங்கேற்பது இதுவே முதன் முறையாகும். பார்வையாளர்களை மெய்சிலிர்க்க வைக்கும் வகையில் கலைஞர்களின் சாகச நிகழ்ச்சிகள் இடம் பெற்றுள்ளன என்றார்.

.

Read more »

புதன், செப்டம்பர் 05, 2012

கடலூர் மாவட்டத்தில் 11 பேர் நல்லாசிரியர் விருதுக்கு தேர்வு

கடலூர்:

கடலூர் மாவட்டத்தில் 11 பேர் நல்லாசிரியர் விருதுக்கு தேர்வு செய்யப்பட்டுள்ளனர்.ஆண்டு தோறும் சிறந்த ஆசிரியர்களை தேர்வு செய்து முன்னாள் ஜனாதிபதி டாக்டர் ராதாகிருஷ்ணன் விருது (நல்லாசிரியர்) வழங்கி கவுரவிக்கப்படுவது வழக்கம். தமிழக அரசு சார்பில் 2011-2012ம் ஆண்டிற்கான நல்லாசிரியர் விருதுக்கு கடலூர் மாவட்டத்திலிருந்து தொடக்கக் கல்வித்துறையில் 13 பேரும், உயர்நிலை மற்றும் மேல்நிலைக் கல்வியில் 15 பேரும் பரிந்துரை செய்யப்பட்டனர்.

அவர்களில் தேர்வு பெற்றவர்கள் விவரம்:

சிதம்பரம், ராணி சீதையாட்சி மேல்நிலைப்பள்ளி தலைமை ஆசிரியர் தர்பாரண்யன், கடலூர் செயின்ட் ஆன்ஸ் பள்ளி முதல்வர் எர்மின் இக்னிஷியஸ், தர்மநல்லூர் ஆதிதிராவிட நலப் பள்ளி தலைமை ஆசிரியர் கிருஷ்ணமூர்த்தி,  வேப்பூர் அரசு மேல்நிலைப்  பள்ளி தலைமை ஆசிரியை ராஜகுமாரி, நெய்வேலி ஜவகர் மெட்ரிக் மேல்நிலைப்பள்ளி முதல்வர் ராமச்சந்திரன் ஆகியோர் தேர்வு செய்யப்பட்டுள்ளனர்.

தொடக்கக் கல்வித்துறையில் குறிஞ்சிப்படி அடுத்த பொட்டவெளி, வள்ளலார் உதவி பெறும்  துவக்கப்பள்ளி தலைமை ஆசிரியர் நாகராஜன், கரைமேடு நடுநிலைப் பள்ளி தலைமை  ஆசிரியர் குணசேகரன், கீழக்கொல்லை உதவி பெறும் தொடக்கப்பள்ளி ஆசிரியை  தேவிகா, வீனங்கேணி ஊராட்சி நடுநிலைப் பள்ளி ஆசிரியை இருதயமேரி, சிதம்பரம்  ராமகிருஷ்ணா உதவி பெறும் தொடக்கப் பள்ளி ஆசிரியர் அருள்பிரகாசம், குமராட்சி ஒன்றியம் மா.புளியங்குடி பள்ளி ஆசிரியர் கணேசன் ஆகியோர் நல்லாசிரியர்  விருதிற்கு தேர்வு செய்யப்பட்டுள்ளனர். தேர்வு பெற்ற இவர்களுக்கு இன்று சென்னையில் நடைபெறும் விழாவில் நல்லாசிரியர் விருது வழங்கப்படுகிறது.


Read more »

புதன், ஆகஸ்ட் 29, 2012

பல்கலைக்கழகங்களுக்கு இடையேயான அகில இந்திய ஹாக்கி போட்டி

கடலூர் :


     திருவள்ளுவர் பல்கலைக்கழக ஹாக்கி அணிக்கான தேர்வுப் போட்டி நேற்று கடலூரில் நடந்தது.

         பல்கலைக்கழகங்களுக்கு இடையேயான அகில இந்திய ஹாக்கி போட்டி வரும் நவம்பர் மாதம் திருச்சி பாரதிதாசன் பல்கலைக் கழகம் நடத்துகிறது. இப்போட்டியில் பங்கேற்க திருவள்ளுவர் பல்கலைக்கழக அணிக்கான தேர்வுப் போட்டி நேற்று கடலூர் அண்ணா விளையாட்டரங்கில் நடந்தது.

           கடலூர் மற்றும் வேலூர் மண்டலங்களைச் சேர்ந்த கடலூர், விருத்தாசலம், விழுப்புரம், திருவண்ணாமலை அரசு கல்லூரிகள், நெய்வேலி ஜவகர், கடலூர் செயின்ட் ஜோசப், குடியாத்தம் கே.எம்.சி., வேலூர் ஊரீஸ், திருவண்ணாமலை சன் கலைக்கல்லூரி, திருவண்ணாமலை சண்முகா கல்லூரி, மேல்விசாகம் அப்துல் லக்கீம், திருப்பத்தூர் சேக்ரட் ஹார்ட் ஆகிய 12 கல்லூரிகள் பங்கேற்றன.போட்டியை கடலூர் செயின்ட் ஜோசப் கல்லூரி செயலர் ரட்சகர் துவக்கி வைத்தார். திருவள்ளுவர் பல்கலைக்கழக உடற்கல்வி இயக்குனர் அமுல்தாஸ் முன்னிலையில் போட்டிகள் நடந்தன. ஏற்பாடுகளை கடலூர் செயின்ட் ஜோசப் கல்லூரி உடற்கல்வி இயக்குனர் ராஜமாணிக்கம் செய்திருந்தார்.






Read more »

செவ்வாய், ஆகஸ்ட் 28, 2012

சி.முட்லூர் அரசு கல்லூரி மாணவர்கள் அடிப்படை வசதிகள் கோரி வகுப்பு புறக்கணிப்பு

சி.முட்லூர்  :

          சி.முட்லூர் அரசு கல்லூரி மாணவர்கள் அடிப்படை வசதிகள் கோரி நேற்று வகுப்பு புறக்கணிப்பு செய்தனர். சிதம்பரம் அடுத்த சி.முட்லூர் அரசு கல்லூரியில் 1000க்கும் மேற்பட்ட மாணவ, மாணவிகள் படிக்கின்றனர். கல்லூரிக்கு போதிய ஆசிரியர்கள், குடிநீர், சாலை, கழிவறை உள்ளிட்ட அடிப்படை வசதிகள் கேட்டு கல்லூரி மாணவர்கள் நிர்வாகத்திற்கு கோரிக்கை வைத்து வந்தனர். இதனை கல்லூரி நிர்வாகம் கண்டு கொள்ளவில்லை. இந்நிலையில் நேற்று அடிப்படை வசதிகள் கோரி அனைத்து மாணவ, மாணவிகளும் வகுப்பிற்குச் செல்லாமல் புறக்கணிப்பு செய்து கல்லூரி முன்பு கோஷம் எழுப்பினர்.



Read more »

தேசிய துப்பாக்கி சுடும் போட்டிக்கு கடலூர் மாவட்ட ஆயுதப்படை போலீசார் தேர்வு

கடலூர் :


        ஒடிசாவில் நடைபெறவுள்ள தேசிய துப்பாக்கி சுடும் போட்டிக்கு கடலூர் மாவட்ட ஆயுதப்படை போலீசார் தேர்வு பெற்றுள்ளனர்.

        சென்னையில் மாநில அளவிலான துப்பாக்கி சுடும் போட்டி நடந்தது. அதில் கடலூர் மாவட்ட ஆயுதப்படை சப் இன்ஸ்பெக்டர் அன்பழகன், போலீசார்கள் மணிகண்ட பிரபு, சுதாகர் ஆகியோர் பங்கேற்றனர்.அவர்களில் மணிகண்ட பிரபு 100 அடி பிரிவில் தங்கப்பதக்கமும், சுதாகர் 300 அடி பிரிவில் வெண்கலமும், சப் இன்ஸ்பெக்டர் அன்பழகன் 350 அடி பிரிவில் நான்காம் இடத்தையும் பிடித்தனர். இவர்கள் அடுத்த மாதம் ஒடிசா மாநிலத்தில் நடைபெறவுள்ள தேசிய அளவிலான துப்பாக்கி சுடும் போட்டிக்கு தேர்வு பெற்றுள்ளனர்.மாநில அளவிலான போட்டியில் வெற்றி பெற்று தேசிய போட்டிக்கு தகுதி பெற்ற போலீஸ்காரர்கள் மணிகண்ட பிரபு, சுதாகர், சப் இன்ஸ்பெக்டர் அன்பழகன் ஆகியோரை எஸ்.பி., பகலவன் பாராட்டி நினைவுப் பரிசு வழங்கினார்.




Read more »

விருத்தாசலம் கொளஞ்சியப்பர் கல்லூரியில் முனைவர் பட்டத்துக்குரிய நேர்முக பொது வாய்மொழித் தேர்வு

விருத்தாசலம் :

       விருத்தாசலம் அரசு கல்லூரியில் நேர்முக பொது வாய்மொழித் தேர்வு நடந்தது. விருத்தாசலம் கொளஞ்சியப்பர் அரசு கல்லூரியில் முனைவர் பட்டத்துக்குரிய நேர்முக பொது வாய்மொழித் தேர்வு, தமிழ் முதுகலை மற்றும் ஆராய்ச்சித்துறை வளாகத்தில் நடந்தது. சிதம்பரம், அண்ணாமலைப் பல்கலைக்கழக தமிழ்த்துறை இணைப் பேராசிரியர் செல்வகுமாரன் தேர்வாளராகவும், திருவெண்ணெய்நல்லூர் திருவள்ளுவர் பல்கலைக்கழக கலை மற்றும் அறிவியல் கல்லூரி முதல்வர் டாக்டர் தங்கதுரை நெறியாளராகவும் இருந்தனர். இதில், விழுப்புரம் மாவட்ட நரிக்குறவர்களின் வாழ்வியல் சிந்தனைகள் என்ற தலைப்பில் நடந்த நேர்முக பொது வாய்மொழித் தேர்வில் தமிழ்த்துறை பேராசிரியர் ரவிச்சந்திரன் பங்கேற்று, கல்லூரி விரிவுரையாளர்கள், மாணவ, மாணவிகளின் கேள்விகளுக்கு விளக்கமளித்தார்.







Read more »

திங்கள், ஆகஸ்ட் 27, 2012

திருவள்ளுவர் கலை அறிவியல் கல்லூரியில் வணிகவியல் துறை மாணவர்களுக்கு இலவச பாடநூல் வழங்கும் விழா

குறிஞ்சிப்பாடி :


குறிஞ்சிப்பாடி திருவள்ளுவர் கலை அறிவியல் கல்லூரியில் வணிகவியல் துறை மாணவர்களுக்கு இலவச பாடநூல் வழங்கும் விழா நடந்தது.

நிர்வாக அதிகாரி முத்துகுமரன் தலைமை தாங்கினார். வணிகவியல் மற்றும் வணிக நிர்வாகத்துறை தலைவர் சிவசங்கரன் வரவேற்றார். நிர்வாக குழுத் தலைவர் சட்டநாதன், முதல்வர் முத்துகருப்பன், தேசிய தரநிர்ணயக்குழு ஒருங்கினைப்பாளர் தண்டபாணி முன்னிலை வகித்தனர். ஜோதிமணி பழனி, பேராசிரியர் கலியமூர்த்தி எழுதிய வணிக பொருளியல் பாட புத்தகத்தை பி.காம்., இரண்டாமாண்டு மாணவர்களுக்கு நகைக்கடை உரிமையாளர் பழனி பாபு, பேராசிரியர் கலியமூர்த்தி ஆகியோர் இலவசமாக வழங்கிப் பேசினர்.ஆங்கில துறைத் தலைவர் வசந்தி டேனியல், வேலை வாய்ப்புக் குழு உறுப்பினர் நிர்மலா உட்பட பலர் பங்கேற்றனர்.
 





Read more »

சனி, ஆகஸ்ட் 25, 2012

ஆலப்பாக்கம் அருகே எல்.கே.ஜி. மாணவி கார் மோதி உயிர் இழப்பு

கடலூர்:

       கடலூர்  மாவட்டம் ஆலப்பாக்கம் அருகே பள்ளிக்குச் செல்ல தயாராக நின்றுக்கொண்டிருந்த எல்.கே.ஜி. மாணவி கார் மோதி உயிரிழந்த சம்பவம், பெற்றோரிடையே பெரும் சோகத்தை ஏற்படுத்தியுள்ளது. 


       கடலூர் மாவட்டம் புதுச்சத்திரம் அருகே உள்ள ஆலப்பாக்கத்தை சேர்ந்தவர் செந்தில் (விவசாயி). இவரது மகள் செவ்விழி (வயது 4). பரங்கிப்பேட்டை அருகே மடவாபள்ளத்தில் உள்ள தனியார் பள்ளியில் எல்.கே.ஜி. படித்து வந்தாள். தினமும் வேனில் பள்ளிக்கு சென்று வந்தாள்.  24.08.2012 காலை 8 மணிக்கு பள்ளிக்கு செல்வதற்காக ஆலப்பாக்கத்தில் பள்ளி வேனுக்காக தனது தாயாருடன் காத்திருந்தாள். அப்போது அந்த வழியாக கடலூரில் இருந்து சிதம்பரம் நோக்கி வந்த ஒரு கார் நிலை தடுமாறி தாறுமாறாக ரோட்டில் ஓடியது. அதைப்பார்த்து மாணவ- மாணவிகள் அலறி அடித்து ஓடினார்கள். ஆனால் மாணவி செவ்விழி மீது அந்த கார் மோதியது. இதில் படுகாயம் அடைந்த அந்த சிறுமி, கடலூர் அரசு மருத்துவமனைக்கு கொண்டு செல்லும் வழியிலேயே பரிதாபமாக உயிரிழந்தார். விபத்தை ஏற்படுத்திய காரின் டிரைவர் போலீசில் சரண் அடைந்துள்ளார். கடலூர் புதுச்சத்திரம் போலீசார் வழக்குப் பதிவு செய்து விசாரணை நடத்தி வருகின்றனர்.

          செவ்விழி இறந்த தகவல் அறிந்து உறவினர்கள் மருத்துவமனையில் குவிந்தனர். இந்த சம்பவம் அங்கு பெரும் சோகத்தை ஏற்படுத்தியது. சமீப காலமாக பள்ளி குழந்தைகள் அடுத்தடுத்து விபத்தில் உயிரிழந்து வரும் சம்பவம் தொடர்கதையாகி வருகிறது.






Read more »

கானூரில் மாணவர்களுக்கு இலவச மடிக்கணினி வழங்கும் விழா

சேத்தியாத்தோப்பு:


சேத்தியாத்தோப்பு அடுத்த கானூரில் மாணவர்களுக்கு இலவச  மடிக்கணினி வழங்கும் விழா நடந்தது.அரசு உயர்நிலைப்பள்ளியில் நடந்த  விழாவிற்கு விருத்தாசலம் கல்வி மாவட்ட அலுவலர்சுப்ரமணியன் தலைமை  தாங்கினார். ஊராட்சி தலைவர் தில்லைராஜன், பெற்றோர் ஆசிரியர் சங்கத் தலைவர் பாலசுந்தரம், மாவட்ட ஊராட்சிக்குழு உறுப்பினர் கருப்பன், ஒன்றிய சேர்மன் ஜெயபாலன் முன்னிலை வகித்தனர். தலைமையாசிரியர் குணசீலன் வரவேற்றார்.காட்டுமன்னார்கோவில் எம்.எல்.ஏ., முருகுமாறன், மாணவர்களுக்கு அரசின் இலவச  மடிக்கணினிகளை வழங்கிப் பேசினார். பேரூராட்சி சேர்மன் எம்.ஜி.ஆர். தாசன்,  ஆசிரியர்கள், மாணவர்கள் பங்கேற்றனர்.
.

Read more »

செவ்வாய், ஆகஸ்ட் 21, 2012

அகில இந்திய அளவிலான போட்டிகளில் பங்கேற்ற கடலூர் மாணவிகளுக்கு .25 ஆயிரம் ஊக்கத் தொகை

கடலூர்:


        அகில இந்திய அளவிலான போட்டிகளில் பங்கேற்ற கடலூர் தூய வளனார் கல்லூரி கால்பந்தாட்ட மாணவிகள் மற்றும் கபாடி வீரருக்கு ரூ.25 ஆயிரம் ஊக்கத் தொகை பெற்றனர். கடலூர் நகரில் தூய வளனார் அறிவியல் மற்றும் கலை கல்லூரி இயங்கி வருகிறது. இக்கல்லூரியில் பயிலும் கால்பந்தாட்ட மாணவிகள், கபாடி வீரர்கள் இந்திய அளவிலான போட்டிகளில் பங்கேற்றனர்.

        சென்னை ஜவகர்லால் நேரு விளையாட்டு அரங்கில் அகில இந்திய அளவில் விளையாடிய விளையாட்டு வீரர்களுக்கு ஊக்கத் தொகை வழங்கும் விழா அண்மையில் நடந்தது. இவ்விழாவில், கடலூர் தூய வளனார் கால்பந்தாட்ட மாணவிகள் கே.தேன்மொழி, ஆர்.கண்ணாத்தாள், ஆர்.பத்மாவதி, எஸ்.சரண்யா, கே.இந்துமதி, வி.வினிதா, டி.சூர்யா, பி.மகாலட்சுமி, எஸ்.பிரதீபா ஆகியோருக்கும், கபாடி வீரர் எஸ்.மணிகண்டனுக்கும் தமிழ்நாடு விளையாட்டு மேம்பாட்டு ஆணையம் செயலர் ஜி.ஏ.ராஜ்குமார், ரூ.25 ஆயிரம் ஊக்கத் தொகைக்கான காசோலை மற்றும் கேடயத்தை வழங்கினார். கல்லூரி முதல்வர் முனைவர் இ.இரட்சகர், திருவள்ளுவர் பல்கலைக்கழக உடற்கல்வி இயக்குநர் முனைவர் அ.அமுல்தாஸ் ஆகியோர் முன்னிலையில் பரிசு வழங்கப்பட்டது. மாணவர்களுக்கு பயிற்சி அளித்த கல்லூரி உடற்கல்வி இயக்குநர் ஆர்.இராஜமாணிக்கம், எஸ்.மாரியப்பன் ஆகியோரை கல்லூரி செயலர் பாராட்டினார்.





 

Read more »

திங்கள், ஆகஸ்ட் 20, 2012

"இக்னைட் 2012' போட்டி: பள்ளி மாணவர்களுக்கு அழைப்பு

கடலூர்:

தேசிய புத்தாக்கத் திறன் நிறுவனம் நடத்தும் தொழில் நுட்ப யோசனைகளுக்கான போட்டியில் பங்கேற்க விருப்பம் உள்ள பள்ளி மாணவர்கள் தங்கள் படைப்புகளை வரும் 31ம் தேதிக்குள் அனுப்ப வேண்டும்.

கலெக்டர் விடுத்துள்ள செய்திக்குறிப்பு:


மத்திய அரசின் அறிவியல் மற்றும் தொழில் நுட்பத் துறையின் கீழ் தன்னாட்சியுடன் செயல்படும் அகமதாபாத் தேசிய புத்தாக்கத் திறன் நிறுவனம், பள்ளி மாணவர்களின் சுயமான தொழில் நுட்ப யோசனைகளுக்கான போட்டியை நடத்துகிறது.


இப்போட்டியில் பங்கேற்க விரும்பும் பிளஸ் 2 வரை படிக்கும் பள்ளி மாணவர்கள் தங்கள் படைப்புகளை வரும் 31ம் தேதிக்குள்

தேசிய புத்தாக்க நிறுவனம்,
 ஸ்டேட்டி லைட் காம்ப்ளக்ஸ்,
அகமதாபாத்-380 015.
குஜராத் மாநிலம்

      என்ற முகவரிக்குஅனுப்பி வைக்க வேண்டும். விண்ணப்பத்தில் வயது, பயிலும் வகுப்பு, பள்ளியின் பெயர் மற்றும் முகவரி, வீட்டு முகவரி, தொலைபேசி எண் போன்ற விவரங்களை குறிப்பிட வேண்டும். போட்டி முடிவுகள் முன்னாள் ஜனாதிபதி அப்துல்கலாம் பிறந்த நாளான அக்டோபர் 15ம் தேதி வெளியிடப்படும். விருதுகள் பின்னர் வழங்கப்படும். இவ்வாறு செய்திக்குறிப்பில் கூறப்பட்டுள்ளது.




Read more »

சனி, ஆகஸ்ட் 18, 2012

வண்டிப்பாளையம் அரசு மேல்நிலைப் பள்ளியில் மாணவர்களிடம் செல்போன் பறிமுதல்:

கடலூர்:


வண்டிப்பாளையம் அரசு மேல் நிலைப்பள்ளியில் அலைபேசிகளை பறிமுதல் செய்ததால் ஆத்திரமடைந்த மாணவர்கள் மின் விளக்குகளை உடைத்து சேதப்படுத்தினர். கடலூர், வண்டிப்பாளையத்தில் உள்ள அரசு மேல்நிலைப் பள்ளியில் 595 மாணவ, மாணவியர் படிக்கின்றனர். மாணவர்கள் பள்ளிக்கு அலைபேசி கொண்டு வருவதை தடுக்கவும்,மாணவர்களின் நடவடிக்கையை கண்டறிந்து அவர்கள் மீது நடவடிக்கை எடுக்கவும் தலைமையாசிரியர் தலைமையில் 10 பேர் கொண்ட ஓழுங்கு நடவடிக்கை குழு அமைக்கப்பட்டது. இத்தகவலை தலைமையாசிரியர் சுந்தரமூர்த்தி
      
          நேற்று காலை இறை வணக்கத்தின் போது அறிவித்தார்.அதனைத் தொடர்ந்து ஒழுங்கு  நடவடிக்கை குழுவினர், மாணவர்கள் அலைபேசி வைத்துள்ளார்களா என சோதனை செய்து இரண்டு மாணவர்களிடம் அலைபேசிகளை பறிமுதல் செய்தனர். சற்று நேரத்தில் மாணவர்கள் சிலர் பள்ளி வளாகத்தில் இருந்த இரண்டு சோடியம் விளக்குகளை  கல்வீசி உடைத்தனர். உதவி தலைமையாசிரியர் கோமதி கொடுத்த தகவலின் பேரில், முதுநகர் சப் இன்ஸ்பெக்டர் உதயகுமார் மற்றும் போலீசார் பள்ளியில் விசாரணை  நடத்தினர்.

அப்போது ஆசிரியர்கள் கூறுகையில்,


மாணவர்கள் தொடர்ந்து அராஜகப் போக்கில் ஈடுபட்டு வருகின்றனர். கண்டிக்கும் ஆசிரியர்களுக்கு மிரட்டல்  விடுக்கின்றனர். வகுப்பறையில் உள்ள கரும்பலகையில் கட்சி பெயர், கட்சி  தலைவர்களின் பெயர்களை எழுதி வைக்கின்றனர் என புகார் கூறினர். மாணவர்களோ, ஆசிரியர்கள் வகுப்புகளுக்கு சரியாக வருவதில்லை, பாடம் நடத்துவதில்லை என்றனர்.


சரியும் மாணவர் சதவீதம்

வண்டிப்பாளையம் அரசு மேல்நிலைப் பள்ளியில் நான்கு  ஆண்டிற்கு முன் 1000க்கும் மேற்பட்ட மாணவ, மாணவியர் படித்தனர். மாணவர்களில் ஒரு தரப்பினர் தொடர்ந்து ஒழுங்கீன செயல்களில் ஈடுபட்டதால் பல மாணவர்கள் வேறு பள்ளிக்கு மாறிவிட்டனர். இதனால் தற்போது இப்பள்ளியில் மாணவ, மாணவிகளின் எண்ணிக்கை 595 ஆக குறைந்துள்ளது. கல்வித்துறை அதிகாரிகள் இப்பள்ளி மீது தனிக்கவனம் செலுத்தி அவ்வப்போது ஆய்வு மேற்கொண்டு நடவடிக்கை  எடுக்க முன் வர வேண்டும்.

...

Read more »

செவ்வாய், ஆகஸ்ட் 14, 2012

கடலூரில் டி.என்.பி.எஸ்.சி. குரூப்-2 வினாத்தாள் வெளியானது: ஆர்.டி.ஓ. விசாரணைக்கு மாவட்ட ஆட்சியர் உத்தரவு

கடலூர்:

  டி.என்.பி.எஸ்.சி. குரூப்-2 எழுத்துத் தேர்வு வினாத்தாள் கடலூரில் வெளியானது குறித்து அதிகாரிகள் விசாரணை நடத்தி வருகின்றனர். இது குறித்து ஆர்.டி.ஓ. விசாரணைக்கு உத்தரவிடப்பட்டுள்ளதாக மாவட்ட ஆட்சியர் ராஜேந்திர ரத்னூ தெரிவித்தார். தமிழ்நாடு அரசுப் பணியாளர் தேர்வாணையம் மூலம் டி.என்.பி.எஸ்.சி. குரூப்-2 எழுத்து தேர்வு ஞாயிற்றுக்கிழமை நடந்தது. தமிழகத்தில் சுமார் 4 லட்சத்துக்கும் அதிகமானோர் இத்தேர்வை எழுதினர்.

          ஈரோடு, தருமபுரி ஆகிய பகுதிகளில் கேள்வித்தாள் வெளியானதால் பரபரப்பு ஏற்பட்டது. இதேபோல் கடலூரிலும் கேள்வித்தாள் வெளியானதால் பரபரப்பு ஏற்பட்டது. கடலூர் மாவட்டத்தில் கடலூர், சிதம்பரம், விருத்தாசலம், நெய்வேலி ஆகிய பகுதியில் 49 தேர்வு மையங்களில் 29 ஆயிரத்து 52 பேர் தேர்வு எழுதினர்.


       கடலூர் புனித வளனார் கல்லூரி தேர்வு மையத்தில், நெல்லிக்குப்பம் வாழப்பட்டு கம்பன் நகரைச் சேர்ந்த ராஜாகண்ணு என்பவர் தேர்வு எழுதினார்.
 தேர்வு எழுதி முடிந்ததும் வெளியே வந்த அவர் ஆட்சியர் அலுவலகம் எதிரே மஞ்சக்குப்பம் மைதானத்தின் வழியாக நடந்து வந்துகொண்டிருந்தார். அப்போது டி.என்.பி.எஸ்.சி. குரூப் தேர்வில் வழங்கப்பட்ட வினாத்தாள் போன்று கையால் எழுதப்பட்ட 15 பக்கங்கள் கொண்ட ஜெராக்ஸ் நகல் கிடந்ததை பார்த்து எடுத்தார். அதில் அனைத்து கேள்விகளுக்கும் உரிய பதில்கள் சரியாக குறிப்பிட்டிருந்ததை பார்த்து அதிர்ச்சியடைந்தார்.


இதுகுறித்து ராஜாகண்ணு கூறியது:


       எம்.காம். பட்டதாரியான நான் டி.என்.பி.எஸ்.சி. தேர்வை 2-வது முறையாக எழுதுகிறேன். மஞ்சக்குப்பம் மைதானத்தில் விடைகள் அடங்கிய வினாத்தாளை கண்டெடுத்தேன். இதை வைத்து தேர்வு எழுதியவர்கள் எளிதில் தேர்ச்சிப் பெற்று வேலைக்குச் சென்று விடுவார்கள். ஆனால் என்னைபோன்று கஷ்டப்பட்டு படித்து தேர்வு எழுதியவர்களுக்கு அரசு வேலை கிடைக்காமல் போய்விடும். முறைகேடு நடந்துள்ள இந்த தேர்வை உடனடியாக ரத்து செய்ய வேண்டும் என்றார்.


         கடலூரில் கேள்வித்தாள் வெளியானது குறித்து அதிகாரிகள் விசாரணை நடத்தி வருகின்றனர். இதுகுறித்து ஆர்.டி.ஓ. விசாரணைக்கு உத்தரவிடப்பட்டுள்ளது, விசாரணை முடிந்தால்தான் உண்மை நிலை தெரியும் என்றார் ஆட்சியர் ராஜேந்திர ரத்னூ.








Read more »

சிறுபாக்கம் ஆண்டவர் கோவிலில் அழிந்துவரும் கோவில் சுடுமண் சிற்பங்கள்

சிறுபாக்கம்:


     பழமை வாய்ந்த கோவில்களில் சுடுமண் சிற்பங்கள் பராமரிப்பின்றி அழிந்துவரும் அவலம் ஏற்பட்டுள்ளது.தமிழகத்தின் பிரதான கோவில்களில் பண்டை காலத்தில் கிராமத்தினையொட்டி ஆண்டவர், ஐயனார், எல்லையம்மன், கருப்பையா, மதுரைவீரன் உள்ளிட்ட பழமை வாய்ந்த கோவில்கள் இயற்கை சூழலுடன் திறந்த வெளியில் அமைக்கப்பட்டுள்ளன.

           இங்கு கிராம மக்கள் தை முதல் சித்திரை மாதம் வரை ஒவ்வொரு ஆண்டும் ஊரணி பொங்கலிட்டு திருத்தேர்விழா நடத்துவார்கள். முக்கிய விழாக்கள் நடைபெற்றால்தான் கிராமப்புறங்களில் போதிய மழை பெய்து வேளாண்மையில் அதிக மகசூலை பெறவும், கிராமம் அமைதியாக இருக்கவும் முடியும் என்ற நம்பிக்கை உண்டு. கிராமப்புற திறந்த வெளி கோவில்களில் குலதெய்வமாகவும் மக்கள் வழிபட்டு வருகின்றனர். குடும்பத்தில் அமைதி நிலவிடவும், பிள்ளை பேறு அடையவும் வேண்டுதல் வைத்து அவை நிறைவேறியவுடன் சுடுமண்ணால் அமைக்கப்பட்ட குதிரைகள், யானைகள் அமைத்து கிடா பூஜையுடன் நேர்த்திக் கடன் செய்து வருகின்றனர். இதுபோன்ற கோவில்களில் கம்பீரமாக அலங்கரித்த சுடுமண் சிற்பங்கள் அண்மைக் காலமாக சிதைந்தும், உடைந்தும் காணப்படுகின்றன. மே லும் சுடுமண் சிற்பங்கள் வைத்து வழிபடுவதும் குறைந்து வருகிறது.


     சிறுபாக்கம் ஆண்டவர் கோவிலில் ஏராளமான சுடுமண் சிற்பங்கள் அமைக்கப்பட்டிருந்தன. இக்கோவிலில் சேலம், ஈரோடு, ராசிபுரம், கள்ளக்குறிச்சி உள்ளிட்ட பல்வேறு இடங்களைச் சேர்ந்த மக்கள் இன்னமும் குலதெய்வமாக வழிபட்டு வருகின்றனர்.  ஆனால் ஆரம்ப காலங்களில் இருந்தது போன்று பெரிய மற்றும் சிறிய அளவிலான சுடுமண் சிற்பங்கள் வைத்து வழிபடுவது குறைந்து விட்டது. பழமை வாய்ந்த சுடுமண் சிற்பங்கள் முற்றிலும் அழிந்து விடாமல்தொல்லியல்துறை பாதுகாக்க நடவடிக்கை எடுக்க வேண்டும்.

.

Read more »

நெல்லிக்குப்பம் நகராட்சியில் பிட்டர் பணியிடம் காலி

நெல்லிக்குப்பம்:


நெல்லிக்குப்பம் நகராட்சியில் பிட்டர் பணியிடம் காலியாக உள்ளதால் உடைந்த குடிநீர் குழாயை சீரமைக்க ஆள் இல்லாமல் நோய் பரவும் அபாயம் உள்ளது.

நெல்லிக்குப்பம் நகராட்சியில் பணியாற்றிய பிட்டர் இளங்கோ இரண்டு மாதத்துக்கு முன் பணி ஓய்வு பெற்றார். அவருக்கு பதிலாக வேறு யாரும் இதுவரை நியமிக்கப்படவில்லை.நகரம் முழுவதும் உள்ள குடிநீர் பகிர்மான குழாய்களை பராமரிக்க தனியாருக்கு டெண்டர் விட்டனர். நடப்பு ஆண்டு அந்த டெண்டரும் விட வில்லை. கடந்த ஒரு வாரமாக 10வது வார்டு கந்தசாமி தெருவில் குடிநீர் குழாய் உடைந்து தண்ணீர் வெளியேறி குளம்போல தேங்கி நிற்கிறது.கழிவுநீர் குடிநீருடன் கலக்கும் அபாயம் உள்ளதால் நோய் பரவும் சூழல் உள்ளது. நோய்  பரவும் முன் உடைந்த குடிநீர் குழாயை சீரமைக்க நடவடிக்கை எடுக்க வேண்டும்.நகராட்சியில் குடிநீர் குழாய்கள் உடைந்தால்  ஆட்கள் இல்லாத நிலை உள்ளது. மக்களின் அடிப்படை தே வையான குடிநீர்   குழாய்களை பராமரிக்க ஆட்கள் நியமிப்பதில் கவனம் செலுத்த வே ண்டும்.



.

Read more »

சனி, ஆகஸ்ட் 11, 2012

தொழுதூர் டாக்டர் நாவலர் நெடுஞ்செழியன் பொறியியல் கல்லூரியில் ஆளுமைத் திறன் பயிற்

திட்டக்குடி:


தொழுதூர் டாக்டர் நாவலர் நெடுஞ்செழியன் பொறியியல் கல்லூரியில் இறுதியாண்டு மாணவர்களுக்கு ஆர்வத்திறன் மற்றும் ஆளுமைத்திறன் மேம்பாட்டு  பயிற்சி நடந்தது. கல்லூரி தாளாளர் கிருஷ்ணசாமி தலைமை தாங்கி பயிற்சி முகாமினை துவக்கி வைத்தார். கல்லூரி முதல்வர் பழனிச்சாமி வரவேற்றார்.  முகாமில் லேம்ப்ஸ் இன்ஸ்டியூட் ஆப் லாங்வேஜ் லேர்னிங் நிறுவனத்தின்  பயிற்சியாளர்கள் மாணிக்கம், டேவிட் ஜெயக்குமார், சண்முகம் மற்றும்  சிவசங்கர் பயிற்சியளித்தனர். கல்லூரி செயலர் ராஜபிரதாபன் சிறப்புரை  ஆற்றினார்.  ஏற்பாடுகளை கல்லூரி வேலைவாய்ப்பு அலுவலர் சரவணன் செய்திருந்தார். துணை முதல்வர் செல்வராஜ் நன்றி கூறினார்.



Read more »

வெள்ளி, ஆகஸ்ட் 10, 2012

2013 ஜனவரி மாதத்திற்குள் கடலூர் மாவட்டத்தை பூஜ்யக் கழிவு மாவட்டமாக மாற்ற கடலூர் மாவட்ட ஆட்சியர் வேண்டுகோள்

கடலூர், :


        பிளாஸ்டிக் கொடிகளுக்கு பதிலாக துணிக்கொடிகளை பயன் படுத்துமாறு அனைத்து அரசியல் கட்சிகளுக்கும் கடலூர் மாவட்ட ஆட்சியர் ராஜேந்திர ரத்னூ வேண்டுகோள் விடுத்துள்ளார். கடலூர் மாவட்டத்தில் ஒருமுறை பயன்படுத்தப்படும் பிளாஸ்டிக் பொருட்களை முற்றிலும் தடை செய்ய மாவட்ட நிர்வாகம் பல்வேறு நடவடிக்கைகளை மேற்கொண்டு வருகிறது. அதன் ஒரு பகுதியாக கடலூர் மாவட்ட ஆட்சியர் அலுவலகத்தில் அனைத்து அரசியல் கட்சி கூட்டம் நடந்தது. இக்கூட்டத்தில் பல்வேறு அரசியல் கட்சி நிர்வாகிகள் கலந்து கொண்டனர்.

 கூட்டத்தில் ஆட்சியர்ராஜேந்திர ரத்னூ தலைமை தாங்கி பேசுகையில்


         ‘சமுதாயத்திற்கு முன்னோடியாக இருக்கும் அரசியல் கட்சியினர் வரும் காலங்களில் கொடி தோரணங்கள் போன்றவற்றை துணிகளில் வடிவமைக்க வேண்டும். அதன் காரணமாக சுற்றுச்சூழல் மேம்படுத்தப்படும். துணிக்கொடிகளை திரும்பவும் பயன்படுத்தலாம். அதை போல பிளக்ஸ் போர்டுகளையும் குறிப்பிடப்பட்ட இடங்களில் மட்டுமே அமைக்க வேண்டும். 2013 ஜனவரி மாதத்திற்குள் கடலூர் மாவட்டத்தை பூஜ்யக் கழிவு மாவட்டமாக மாற்ற அனைத்து கட்சியினரும் ஒத்துழைப்பு அளிக்க வேண்டும்’ என்றார்.

Read more »

அண்ணாமலை பல்கலைக்கழக முன்னாள் மாணவர்கள் சந்திப்புக் கூட்டம்

சிதம்பரம் :


             அண்ணாமலை பல்கலைக்கழக முன்னாள் மாணவர்கள் சந்திப்புக் கூட்டம் சிதம்பரத்தில் நடந்தது. அண்ணாமலை பல்கலைக் கழக மின்னியல் துறையில் 2003-2007ம் ஆண்டு பயின்ற மாணவர்களின் சந்திப்பு கூட்டம்சிதம்பரத்தில் கடந்த 5ம் தேதிநடந்தது. இதில் வெளிமாநில மாணவர்கள் உட்பட 50க்கும் மேற்பட்டோர் பங்கேற்றனர்.கடவுள் வாழ்த்துடன் துவங்கிய விழாவில் மாணவர்கள் தங்கள் கல்லூரி நினைவுகளை பகிர்ந்து கொண்டனர். தங்களுடன் பயின்று இறந்த மாணவர்களுக்காக அஞ்சலி செலுத்தினர். பல்கலைக் கழக மாணவர்களின் சாதனை பேட்டி, குறுஞ்சித்திரங்கள் ஒளிபரப்பப்பட்டன. ஆடல் பாடல் நிகழ்ச்சியும் நடந்தது.ஏற்பாடுகளை இன்ஜினியர் வில்வசபேசன், விஜயகாந்த், சபரி, செந்தில்ராஜா, முருகன், வினோத், முருகானந்தன், சரத்பாபு ஆகியோர் செய்திருந்தனர்.


Read more »

புதன், ஆகஸ்ட் 08, 2012

மாவட்டத்தில் ஐ.ஏ.எஸ்., ஐ.பி.எஸ்., முதல் நிலைத் தேர்வில் பங்கேற்பவர்களுக்கு விண்ணப்பங்கள்

கடலூர் :
 
கடலூர் மாவட்டத்தில் ஐ.ஏ.எஸ்., ஐ.பி.எஸ்., முதல் நிலைத் தேர்வில் பங்கேற்பவர்களுக்கு விண்ணப்பங்கள் வழங்கப்படுகிறது.


இது குறித்து கலெக்டர் விடுத்துள்ள செய்திக்குறிப்பு:


வரும் 2013ம் ஆண்டு அகில இந்திய குடிமைப்பணிகள் தேர்வுப் பயிற்சி மையத்தில் ஐ.ஏ.எஸ்., ஐ.பி.எஸ்., முதல் நிலை தேர்வு பயிற்சி மாணவர்களை தேர்வு  செய்வதற்காக வரும் அக்டோபர் 7ம் தேதி நுழைவுத் தேர்வு நடக்கிறது. அகில இந்திய குடிமைப்பணிகள் தேர்வு பயிற்சி மையத்தின் சார்பாக நுழைவுத் தேர்வுக்கான விண்ணப்பங்கள் கடலூரில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தில் இலவசமாக வழங்கப்பட்டு வரும் செப்டம்பர் 4ம் தேதி வரைவிண்ணப்பங்கள் வழங்கப்படும்.  பூர்த்தி செய்த விண்ணப்பங்களை வரும் செப்டம்பர் 4ம் தேதி மாலை.5.45 மணிக்குள் கிடைக்குமாறு அனுப்பி வைக்க வேண்டும். ஆதிதிராவிடர், பழங்குடியினர், பிற்படுத்தப்பட்டோர், மிக பிற்படுத்தப்பட்டோர், சீர்மரபினர் மற்றும் இதர பிரிவினர் எழுத்து மூலமாக மனுவை பெற்றுக் கொள்ளலாம். இதற்கு குறைந்த பட்ச கல்வி தகுதி, பி.ஏ.,பி.எஸ்சி., பி.காம்., மற்றும் தொழிற்பட்டப்படிப்பான பி.இ., எம்.பி.பி.எஸ்., பி.டி.எஸ்., பி.வி.எஸ்சி., பி.எஸ்சி., (விவசாயம்), அங்கீகரிக்கப்பட்டபட்டப்படிப்புகள் படித்து  முடித்தவராக இருக்க வேண்டும். விண்ணப்பதாரர்களின் கல்வி, வயது, இருப் பிடம்ஆகிய சான்றிதழ்களுடன் நகல்களை சரிபார்த்த பின்னர் விண்ணப்பங்கள் வழங்கப்படும். விண்ணப்பதாரர்கள் 21 வயதிற்கு மேற்பட்டவராகவும், பொது பிரிவினர் 30  வயதிற்குள்ளாகவும், இதர பிற்படுத்தப்பட்ட பிரிவினர் 33 வயதிற்கு மிகாமலும், ஆதிதிராவிடர் மற்றும் பழங்குடியினர் 35 வயதிற்கு மிகாமல் இருக்க வேண்டும். இந்த பயிற்சி மையத்தில்தமிழ்நாட்டை சேர்ந்த மாணவர்களுக்கு மட்டுமே பயிற்சி வழங்கப்படும். இவ்வாறு அந்த செய்திக் குறிப்பில் கூறப்பட்டுள்ளது.

Read more »

STATE BANK OF INDIA - Requirement (2012)


STATE BANK OF INDIA - Requirement (2012)


Recruitment to Clerical Cadre in Associate Banks of SBI


Advt No. CRPD/ABCL/2012-13/01 dated 25-07-2012

(Written Examination on 07.10.2012 and 14.10.2012)



◦On-line Registration of Application : 30.07.2012 to 13.08.2012

◦Payment of Fees – Offline (at SBI Branches) : 01.08.2012 to 17.08.2012

◦Payment of Fees – Online : 30.07.2012 to 13.08.2012




 NOTIFICATION

http://www.statebankofindia.com/webfiles/uploads/files/1343129241717_SBI_ABCL_ADVT_ENGLISH.pdf


APPLY ONLINE


http://ibpsreg.sifyitest.com/sbiclkjul12



Read more »

செவ்வாய், ஆகஸ்ட் 07, 2012

சிதம்பரம் சட்டப்பேரவை உறுப்பினர் கே.பாலகிருஷ்ணனின் ஓராண்டுப் பணிகள் குறித்த நூல் வெளியீட்டு விழா

சிதம்பரம்:

 சிதம்பரம் சட்டப்பேரவை உறுப்பினர் கே.பாலகிருஷ்ணனின் ஓராண்டுப் பணிகள் குறித்த நூல் வெளியீட்டு விழா வடக்குமெயின்ரோடு பைசல் மஹாலில் ஆகஸ்ட் 8-ம் தேதி வியாழக்கிழமை நடைபெறுகிறது. மார்க்சிஸ்ட் கம்யூனிஸ்ட் கட்சி மாநிலக் குழு உறுப்பினர் மூசா தலைமை வகிக்கிறார். நகரச் செயலர் ஆர்.ராமச்சந்திரன் வரவேற்கிறார். மாவட்டச் செயலர் டி.ஆறுமுகம், மாநிலக் குழு உறுப்பினர் பி.ஜான்சிராணி, மாவட்ட செயற்குழு உறுப்பினர் எஸ்.ஜி.ரமேஷ்பாபு, சி.வெங்கசடேசன், ஒன்றியச் செயலர்கள் பி.மாசிலாமணி, (குமராட்சி), ஆர்.சதானந்தம் (புவனகிரி) உள்ளிட்டோர் வாழ்த்துரையாற்றுகின்றனர். மத்தியக் குழு உறுப்பினர் கே.பாலகிருஷ்ணன் எம்எல்ஏ நிறைவு உரையாற்றுகிறார். அண்ணாமலைநகர் பேரூராட்சிச் செயலர் எஸ்.ராஜா நன்றி கூறுகிறார். விழா ஏற்பாடுகளை தொகுதி பொறுப்பாளர் பி.கற்பனைச்செல்வம் செய்துள்ளார்.








Read more »

வியாழன், ஆகஸ்ட் 02, 2012

Dell employees volunteered their time toward the disaster relief work in the Cuddalore district


         Dell has committed another $2.4 million as a part of its Corporate Social Responsibility (CSR) programme. Over the last few years, Dell has funded $6.5 million in CSR related activities. As a part of this initiative, Dell Learning in India which is funded by Dell works with more than 13 NGOs to equip them with digital learning resources such as desktops or laptops through Dell Learning centres in 390 Indian schools.

 Adding to its sustainability initiatives in India, Dell recently launched a free laptop battery recycling programme across India to increase the awareness of e-waste disposal among consumers. Besides, Dell's employees like other technology companies based out of India have done their bit of CSR work. According to Dell, as of January 2012, close to 13,000 Dell employees in India contributed more than 52,500 hours of volunteering work. Dell's goal was to double the participation or get at least 50 per cent of the workforce to volunteer over the previous year and the goal was accomplished, with 57 per cent engaged in community service.

C          ontributing towards the cause of disaster relief, Dell announced a funding of Rs.23 lakhs towards rebuilding homes and providing rehabilitation to those affected by a cyclone in South India. Dell partnered with Habitat for Humanity, a global nonprofit organisation dedicated to the elimination of poverty housing to aid in the process. In addition, Dell employees volunteered their time toward the disaster relief work in the Cuddalore district of Tamil Nadu which benefited nearly 5000 families in the affected region.

         Also, earlier this year, Dell awarded a health grant to the Cancer Institute (WIA) in Chennai, to support the research on MRD (Minimal Residual Disease) for the treatment of Pediatric Leukemia patients in India. The grant is expected to directly benefit at least 500 children with Acute Leukemia and increase MRD research to significantly improve the treatment of Leukemia patients in India.

Read more »

கடலூர் அரசு பள்ளிகளில் செல்போனுக்கு தடை

கடலூர் :
    கடலூர் அரசு பள்ளிகளில் செல்போன் வைத்திருக்கிறார்களா? என்று மாணவிகளிடம் ஆசிரியர்கள் திடீரென சோதனை நடத்தினர்.


    தமிழகம் முழுவதும் பள்ளியில் மாணவ, மாணவிகள் செல்போன் பயன்படுத்துவதை தடுக்க நடவடிக்கை எடுக்க வேண்டும் என்று பள்ளி கல்வி இயக்குனரகம் தெரிவித்துள்ளது. இதனால் மாணவ, மாணவிகளிடம் திடீரென சோதனை நடத்த வேண்டும் என்று ஆசிரியர்களுக்கு உத்தரவிடப்பட்டுள்ளது. இந்தநிலையில் நேற்று கடலூரில் உள்ள முதுநகர் அரசு பெண்கள் மேல்நிலைப்பள்ளி, கடலூர் திருப்பாதிரிப்புலியூர் உள்ள அரசு பெண்கள் மேல்நிலைபள்ளியில் ஆசிரியர்கள் மாணவிகள் கொண்டு வந்த பையை சோதனை செய்தனர். இந்த சோதனை அந்தந்த பள்ளி தலைமை ஆசிரியர்களின் முன்னிலையில் நடந்தது. முதுநகரில் தலைமை ஆசிரியர் சம்பந்தம், திருப்பாதிரிப்புலியூரில் நாகராஜன் ஆகியோரின் மேற்பார்வையில் வகுப்பு ஆசிரியர்கள் மாணவிகளின் பையில் செல்போன் உள்ளதா? என சோதனை மேற்கொண்டனர்.



இதுகுறித்து முதன்மை கல்வி அதிகாரி ஜோசப் அந்தோணிராஜ் கூறியது:-


      தமிழக அரசின் 261 அரசாணைப்படி பள்ளி வளாகத்தில் மாணவர்கள் செல்போன் பயன்படுத்துவது முற்றிலும் தடை செய்யப்படுகிறது. இது கண்டிப்பாக நடைமுறைப்படுத்த வேண்டும் என்று அரசு எதிர்பார்க்கிறது. அனைத்து வகை பள்ளிகளுக்கு இது பொருந்தும். இந்த அரசாணை முதலில் 2007-ல் வந்தது. அதன் பின் 16.2.2012 பள்ளி கல்வி இயக்குனரகம் உத்தரவு மூலம் இந்த தடை அமலுக்கு வந்துள்ளது. இந்த தடையை மீறி செல்போன் பயன்படுத்தும் மாணவர்களின் செல்போனை பறிமுதல் செய்யவும் உத்தரவு பிறப்பிக்கப்பட்டுள்ளது. பறிமுதல் செய்த பிறகு சம்பந்தப்பட்ட மாணவரின் பெற்றோருக்கு தகவல் தெரிவிக்கப்படும். ஏனென்றால் சில மாணவர்கள் செல்போன் வைத்திருப்பது அவர்களின் பெற்றோருக்கே தெரியாது. மாணவர்களின் பெற்றோர்களும் இதற்கு முழு ஒத்துழைப்பு தர வேண்டும். மேலும் மாவட்ட முதன்மை கல்வி அலுவலர், மெட்ரிக் கல்வி அலுவலர், மற்றும் இதர அலுவலர்கள் பள்ளிகளை ஆய்வு செய்யும் போது செல்போன் தடைபற்றிய விழிப்புணர்வை ஏற்படுத்த வேண்டுமென அரசு உத்தரவு பிறப்பித்துள்ளது. இந்த சோதனை அனைத்து பள்ளிகளிலும் படிப்படியாக நடைபெறும். இவ்வாறு அவர் கூறினார்




Read more »

ஆடிப்பெருக்கையொட்டி தலைமை தபால் நிலையத்தில் சிறப்பு தள்ளுபடியில் தங்க நாணயம் விற்பனை

கடலூர் :


ஆடிப்பெருக்கையொட்டி இன்று கடலூர் தலைமை தபால் நிலையத்தில் 6.5 சதவீதம் சிறப்பு தள்ளுபடியுடன் தங்க நாணயம் விற்பனை செய்யப்படுகிறது.

இது குறித்து கடலூர் கோட்ட அஞ்சலக கண்காணிப்பாளர் நடராஜன் விடுத்துள்ள செய்திக்குறிப்பு:


ரிலையன்ஸ் நிறுவனத்துடன் தபால் துறை இணைந்து தங்கக் காசுகள் விற்பனையை தபால் அலுவலகங்கள் மூலம், திருச்சி மண்டல தபால் நிலையங்களில் நடத்தி வருகிறது. இன்று ஆடிப்பெருக்கை முன்னிட்டு, 6.5 சதவீதம் வரை சிறப்பு தள்ளுபடியுடன் தங்க நாணயங்களை விற்பனை செய்யப்படஉள்ளது. வாடிக்கையாளர்கள் இந்த சேவையை பயன்படுத்தி அதிக பலன் அடையுமாறு கேட்டுக் கொள்கிறோம். இந்த நாணயங்கள் அரை கிராம், 1, 2, 5, 8 மற்றும் 20, 50 கிராம்களில் 99.9 சதவீதம் தூயத் தன்மையுடன் வழங்கப்படுகிறது. இந்த நாணயங்களுக்கு உலக கவுன்சில் தரச் சான்றிதழ் உள்ளது.


        வாடிக்கையாளர்கள் இந்த சேவையை பயன்படுத்தி பயன் அடையுமாறு கேட்டுக் கொள்கிறோம்.இவ்வாறு செய்திக்குறிப்பில் கூறப்பட்டுள்ளது.




Read more »

கீழமூங்கிலடி ராகவேந்திரா கலை மற்றும் அறிவியல் கல்லூரியில் பாரதி செம்மொழி மன்ற துவக்க விழா

சிதம்பரம் :


      சிதம்பரம் அருகே கீழமூங்கிலடி ராகவேந்திரா கலை மற்றும் அறிவியல் கல்லூரியில் பாரதி செம்மொழி மன்ற துவக்க விழா நடந்தது.

     கல்லூரி முதல்வர் சிவக்குமார் தலைமை தாங்கினார்.அறக்கட்டளை தலைவர் மணிமேகலை, நிர்வாக செயலர் பாபு, ஆங்கிலப்புல முனைவர் அப்துல் ரஹீம், துணை முதல்வர் பன்னீர்செல்வம் முன்னிலை வகித்தனர். பேராசிரியர் அண்ணா துரை வரவேற்றார். இணை பேராசிரியர் இந்திராகாந்தி தொகுத்து வழங்கினார். மாநில கல்வி தணிக்கை மற்றும் தரக்குறியீட்டு மன்ற உறுப்பினர் இளங்கோ திருக்குறள் காட்டும் ஒழுக்கம் என்ற பொருளில் கருத்துரை வழங்கினார். தமிழ்த்துறை தலைவர் சந்திரசேகர் காப்பியங்கள் உணர்த்தும் வாழ்க்கை நெறிகள் எனும் தலைப்பில் பேசினார். கல்லூரி மாணவர்கள், அனைத்து துறை பேராசிரியர்கள், இணை பேராசிரியர்கள் உட்பட பலர் பங்கேற்றனர். சிவகாமசுந்தரி நன்றி கூறினார்.






Read more »

செவ்வாய், ஜூலை 31, 2012

கீழமூங்கிலடி ராகவேந்திரா கலை அறிவியல் கல்லூரியின் நிறுவன தர உறுதி செய் மன்றக் கூட்டம்

சிதம்பரம் :

கீழமூங்கிலடி ராகவேந்திரா கல்லூரியின் நிறுவன தர உறுதி செய் மன்றக் கூட்டம் கல்லூரியின் நூலக அரங்கில் நடந்தது. கல்லூரி முதல்வர் சிவக்குமார் தலைமை தாங்கினார். முன்னாள் ஆலோசகர் கனகசபை  முன்னிலை வகித்தார். ஒருங்கிணைப்பாளர் நர்மதை வரவேற்றார். கல்லூரி நிறுவனத் தலைவர் மணிமேகலை குத்துவிளக்கேற்றி துவக்கி வைத்தார். செயலர் பாபு  வாழ்த்திப் பேசினார். கற்றல் கோட்பாடுகள், கற்பித்தல் நெறிமுறைகள் பற்றி துறைத் தலைவர்கள்  கருத்துரை வழங்கினர். தமிழ்நாடு கல்வி தணிக்கை மற்றும் தரக்குறியீட்டு மன்ற உறுப்பினர் பேராசிரியர் இளங்கோ துறை வாரியான முன்னேற்றம் குறித்து  பேசினார்.




Read more »

சனி, ஜூலை 28, 2012

மங்களூர் மற்றும் நல்லூர் ஒன்றியங்களுக்கு நடப்பு ஆண்டில் 341 பசுமைவீடுகள் ஒதுக்கீடு

சிறுபாக்கம்:


            மங்களூர் மற்றும் நல்லூர் ஒன்றியங்களுக்கு நடப்பு ஆண்டில் 341 பசுமைவீடுகள் ஒதுக்கீடு செய்து உத்தரவிடப்பட்டுள்ளது

    .மங்களூர் ஒன்றியத்தில் 66 ஊராட்சிகளில் 23 ஊராட்சிகளுக்கு நடப்பாண்டில் முதல்வரின் பசுமை வீடுகள் 163 வீடுகள் கட்ட ஒதுக்கீடு செய்யப்பட்டுள்ளது. கீழ்ஒரத்தூர் 5, அடரி 5, மாங்குளம் 10, சிறுபாக்கம் 10, வடபாதி 15, ஒரங்கூர் 10, வினாயகனந்தல் 5, கழுதூர் 5.ம.புடையூர் 5, கொரக் கவாடி 5, ஆலத்தூர் 10, தொழுதூர் 5, ராமநத்தம் 8, ஆலம்பாடி 10, ஈ.கீரனூர் 5, சிறுமுளை 5, போத்திரமங்கலம் 5, ஆவினங்குடி 5, வள்ளிமதுரம் 10, அரங்கூர் 5, ஆவட்டி 5, எஸ்.புதூர் 10, தச்சூர் 5 ஆகிய 163 வீடுகள் ஒதுக்கப்பட்டுள்ளது.

நல்லூர் ஒன்றியம்:


64 ஊராட்சிகளில் 20 ஊராட்சிகளுக்கு 178 வீடுகள் ஒதுக்கீடு செய்யப்பட்டுள்ளது.அதன்படி நகர் 13, பெரியநெசலூர் 5, வேப்பூர் 5, ஆதியூர் 5, நல்லூர் 5, பிஞ்சனூர் 5, சாத்தியம் 5, வலசை 13, ஆதமங்கலம் 13, இறையூர் 5, கொசப்பள்ளம் 5, குருக்கத்தஞ்சேரி 13, துறையூர் 5.வெண்கரும்பூர் 5, அருகேரி 13, கோனூர் 13, கொத்தட்டை 5, நரசிங்கமங்கலம் 13, வடகரை 16, தொளார் 16 ஆகிய ஊராட்சிகளுக்கு மொத்தம் 178முதல்வரின் பசுமைவீடுகள் ஒதுக்கி உத்தரவிடப்பட்டுள்ளது.


       ஒவ்வொரு வீடுகளும் தலா ஒரு லட்சத்து 80 ஆயிரம் ரூபாய் செலவில் சோலார் வசதியுடன் கட்டப்படும். இதற்கான பயனாளிகள் கிராம சபைக் கூட்டத்தில் தேர்வு செய்யப்படுவார்கள்.

Read more »

நண்பர்களோடு பகிர்ந்து கொள்ள

Country wise Vistior