கடலூர் மாவட்ட செய்திகள்

கடலூர் மாவட்ட செய்திகள் தளத்திற்கு உங்களை வரவேற்கிறோம்! தினசரி செய்தித்தாள்களில் வந்த கடலூர் மாவட்ட செய்திகள் (தொகுத்து வழங்குவது முன்னாள் மாணவர்கள், தாவரவியல் துறை 2004-2007, பெரியார் கலைக் கல்லூரி - கடலூர் மாவட்டம், தமிழ்நாடு, இந்தியா)

வியாழன், நவம்பர் 26, 2009

வீட்டுவசதி பணியாளர் உண்ணாவிரதம்

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

கட லூர், நவ.25:

தமிழ்நாடு வட்டக் கூட்டுறவு வீட்டுவசதி சங்கங்களின் பணியாளர் யூனியனைச் சேர்ந்த ஊழியர்கள் கடலூரில் புதன்கிழமை உண்ணாவிரதம் இருந்தனர். பிரதம கூட்டுறவு வீட்டு வசதிச் சங்கங்களைக் காப்பாற்ற தமிழகத்தின் வீட்டுவசதித் தேவைகளை நிறைவேற்ற, கடன் வழங்க நிதி ஆதாரங்களை ஏற்படுத்த வேண்டும். மத்திய மாநில அரசுகளின் வீட்டு வசதித் திட்டங்களை கூட்டுறவு வீட்டுவசதிச் சங்கங்கள் மூலம் செயல்படுத்த வேண்டும். பணியாளர்களின் நிர்வாகச் செலவுகளுக்கு அரசு நிர்வாக மானியம் வழங்க வேண்டும். கடன் தள்ளுபடி அறிவிப்பால், ஏற்பட்ட இழப்பை, சம்பந்தப்பட்ட பிரதம சங்கங்களுக்கு வழங்க வேண்டும், பிரதச் சங்க்ப பணியாளர்களை அரசுப் பணியாளர்களாக அறிவிக்க வேண்டும் என்பன உள்ளிட்ட 10 அம்சக் கோரிக்கைளை வலியுறுத்தி இந்த உண்ணாவிரதம் நடந்தது. மாவட்ட ஆட்சியர் அலுவலகம் முன் நடந்த இந்த உண்ணாவிரதத்துக்கு சங்கத்தின் மாநில இணைப் பொதுச் செயலாளர் ஆர்.ராகவேந்திரன் தலைமை தாங்கினார். மண்டலத் தலைவர் ஏ.கிருஷ்ணமூர்த்தி வரவேற்றார். உண்ணாவிரதத்தை அரசுப் பணியாளர் சங்க மாநிலத் தலைவர் கு.பாலசுப்பிரமணியன் தொடங்கி வைத்துப் பேசினார். கடலூர் தொழிற்சங்கக் கூட்டமைப்பின் தலைவர் ச.சிவராமன் உண்ணாவிரதத்தை முடித்து வைத்துப் பேசினார். ஜி.மீனாட்சிசுந்தரம் நன்றி கூறினார்.

ஆக்கிரமிப்பில் இருந்த முருகர் கோயில் அகற்றம்

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

பண் ருட்டி, நவ.25:

ஓடை புறம்போக்கு இடத்தில் கட்டப்பட்டிருந்த முருகன் கோயிலை வருவாய்த் துறையினர் போலீஸôர் பாதுகாப்புடன் புதன்கிழமை அகற்றினர்.

பண்ருட்டி வட்டம் மேலிருப்பு கிராமத்தில் உள்ள ஓடை புறம்போக்கு இடத்தில் அக்கிராமத்தைச் சேர்ந்தவர்கள் குடிசை அமைத்து அதில் வேல் நட்டு கடந்த மூன்று ஆண்டுகளாக வழிபட்டு வருகின்றனர். இந்நிலையில் அதே கிராமத்தைச் சேர்ந்த பட்டாபிராமன், தனது நிலத்துக்கு செல்லும் வழியில் கோயில் ஆக்கிரமித்து கட்டப்பட்டுள்ளதாகவும், அதனால் நிலத்துக்கு சென்று வர முடியவில்லை எனவும், எனவே வழியில் ஆக்கிரமித்து கட்டப்பட்டுள்ள கோயிலை அகற்ற வேண்டும் என வழக்கு தொடுத்திருந்தார். இந்த வழக்கை விசாரித்த மாவட்ட நீதிபதி ஆக்கிரமிப்பை அகற்ற வருவாய்த் துறையினருக்கு உத்தரவிட்டார். இதற்கு கிராம மக்கள் எதிப்பு தெரிவித்ததால் பரபரப்பு ஏற்பட்டது. இதைத் தொடர்ந்து பண்ருட்டி வட்டாட்சியர் ஆர்.பாபு, துணை வட்டார வளர்ச்சி அலுவலர் மனோகரன் ஆகியோர் கிராம மக்களிடம் சமரசம் பேசி வேறு இடத்தில் கோயில் கட்டிக் கொள்ளும்படி கூறியதை தொடர்ந்து, போலீஸôர் பாதுகாப்புடன் ஆக்கிரமிப்பில் இருந்த கோயிலை அப்புறப்படுத்தினர்.

சைவ சித்தாந்த வகுப்பில் சேர விரும்புவோர் கவனத்துக்கு

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

சிதம்பரம், நவ. 25:

சிதம்பரம் ராமகிருஷ்ணா வித்யாசாலா மேல்நிலைப் பள்ளியில் பேராசிரியர் தா.ம.வெள்ளைவாரணத்தை தலைவராகக் கொண்டு இயங்கி வரும் திருவாவடுதுறை ஆதீன சைவ சித்தாந்த நேர்முக பயிற்சி மையத்தில் 2010-11-ம் ஆண்டுக்கான சைவ சித்தாந்த வகுப்பில் மாணவர் சேர்க்கை தொடங்க உள்ளது. இவ்வகுப்பில் சேர விரும்புபவர்கள் தொடர்பு கொள்ள வேண்டிய முகவரி: சீனுஅருணாசலம், அமைப்பாளர், 16- சின்னகடைத் தெரு, சிதம்பரம்-608 001. தொலைபேசி எண்: 04144 231166. சாதி, மத, தேச வேறுபாடின்றி அனைவரும் இந்த பயிற்சி பெறலாம். இந்த பயிற்சிக்கு எவ்வித கல்வித் தகுதியோ, வயது வரம்போ கிடையாது. 2 ஆண்டு பயிற்சி கட்டணம் ரூ.1200. ஒவ்வொரு மையத்திலும் மாதம் ஏதாவது ஒரு ஞாயிற்றுக்கிழமை காலை 10 மணி முதல் மாலை 5 மணி வரை வகுப்பு நடைபெறும். ஜனவரி முதல் டிசம்பர் வரை 2 ஆண்டுகளில் 24 வகுப்புகளில் பயிற்சிகள் அளிக்கப்படும்.

3370 பக்கங்களுடைய 39 தலைப்புகள் அடங்கிய நூல்கள் மையத்தின் சார்பில் மாணவர்களுக்கு வழங்கப்படும். மையம் அமைக்க விரும்புவர்கள் தொடர்பு கொள்ள வேண்டிய முகவரி: கு.வைத்தியநாதன், இயக்குநர், சைவ சித்தாந்த நேர்முக பயிற்சி மையம், திருவிடைமருதூர். தொலைபேசி எண்: 0435-2460746.

பட்டா மாற்றம் முகாம் நடைபெறும் இடங்கள்

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

சிதம் பரம், நவ.25:

சிதம்பரம் வட்டம் சேத்தியாத்தோப்பு குறுவட்டத்தில் பட்டா மாற்றம் முகாம் 24-11-2009 முதல் 30-11-2009 வரை நடைபெற உள்ளது.

பொதுமக்கள் இம்முகாமில் பங்கேற்று பயனடையுமாறு வட்டாட்சியர் கோ.தன்வந்தகிருஷ்ணன் தெரிவித்துள்ளார். கிராமங்களின் பெயர் மற்றும் அதன் பொறுப்பாளர்கள் பெயர் விவரம் பின்வருமாறு:

சேத்தியாத்தோப்பு, நெல்லிக்கொல்லை, துறிஞ்சிக்கொல்லை- குறுவட்ட அளவர் ஆர்.ஜெயச்சந்திரன் (செல்: 9865370412) பின்னலூர், வடதலைக்குளம்- குறுவட்ட அளவர் ஏ.எஸ்.சேகர் (9944009722) அம்பாபுரம், பு.கொளக்குடி, பிரசன்னபுரம், உளுத்தூர்- குறுவட்ட அளவர் ஆர்.அன்பழகன் (9500521283) , உடையூர், வண்டுராயன்பட்டு, அழிச்சிக்குடி- குறுவட்ட அளவர் அ.கலிகிருஷ்ணன் (9500369323) எறும்பூர், வளையாமாதேவி, பெரியநற்குணம் - குறுவட்ட அளவர் த.கண்ணன் (9442736653) வத்தராயன்தெத்து, தென்தலைக்குளம்- குறுவட்ட அளவர் ச.மணி (9976270482) அகரஆலம்பாடி, பு.ஆதனூர், வீரமுடையான்நத்தம். ஆணைவாரி- குறுவட்ட அளவர் கே.சுந்தரமூர்த்தி (9698046854) சீயப்பாடி, மிராளூர், மஞ்சக்கொல்லை, கிளாவடிநத்தம்- சார் ஆய்வாளர் ஜி.குணசேகரன் (9629248515).

முதலை கடித்து இளைஞர் சாவு

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

சிதம்பரம், நவ.25:

சிதம்பரம் அருகே முதலை கடித்து மேலும் ஒருவர் இறந்தார்.

சிதம்பரம் அருகே இளநாங்கூர், வேளக்குடி, துரைப்பாடி ஆகிய பகுதிகளில் 3 முதலைகள் பிடிக்கப்பட்டன. வேளக்குடி கிராமத்தில் முதலைக் கடித்து சாவித்திரி (45) கடந்த வாரம் இறந்தார். இந் நிலையில் சிதம்பரம் குமராட்சி வடக்குத்தெருவைச் சேர்ந்த சுரேஷ் (36) என்பவர் செவ்வாய்க்கிழமை மாலை கான்சாகீப் வாய்க்காலில் மீன் பிடிக்கச் சென்றார். அப்போது வாய்க்காலில் முதலை கடித்து சுரேஷ் இறந்தார்.

20 பள்ளி வேன்கள் மீது வழக்கு

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

சிதம் பரம், நவ.25:

சிதம்பரம், புவனகிரி பகுதிகளில் அதிகமான மாணவர்களை ஏற்றிச் சென்ற 20-க்கும் மேற்பட்ட பள்ளி வேன்கள் மீது வழக்குப் பதிவு செய்யப்பட்டுள்ளது.சிதம்பரத்தை அடுத்த பெரியப்பட்டு அருகே திங்கள்கிழமை 47 மாணவர்களை ஏற்றிச் சென்ற தனியார் பள்ளி வேன் கவிழ்ந்து மாணவர் ஒருவர் உயிரிழந்தார்.27 பேர் படுகாயம் அடைந்தனர். இவ் விபத்தை தொடர்ந்து சிதம்பரம் கோட்டாட்சியர் ஜி.ராமலிங்கம், வட்டாட்சியர் கோ.தன்வந்தகிருஷ்ணன், இன்ஸ்பெக்டர் அறிவானந்தம் ஆகியோர் சிதம்பரம், புவனகிரி பகுதியில் தனியார் பள்ளி வேன்களை நிறுத்தி தணிக்கையில் ஈடுபட்டனர்.அப்போது போதிய ஆவணங்கள் இல்லாமலும், அளவுக்கு அதிகமாக மாணவர்களை ஏற்றிச் சென்ற 20 வாகனங்கள் மீது வழக்குப் பதிவு செய்யப்பட்டது. மேலும் பள்ளி வாகனங்கள் தொடர்ந்து சோதனை செய்யப்படும் என கோட்டாட்சியர் ஜி.ராமலிங்கம் தெரிவித்தார்.

கடலூரில் 28, 29-ல் மாநில மேசைப்பந்து போட்டி

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

கடலூர், நவ. 25:

இம்மாதம் 28, 29 தேதிகளில் கடலூரில் மாநில அளவிலான மேசைப் பந்து போட்டி நடைபெறும் என்று மாவட்ட ஆட்சியர் பெ.சீதாராமன் அறிவித்தார்.

2009-10-ம் ஆண்டில் பள்ளிகளுக்கு இடையேயான விளையாட்டுப் போட்டிகளின் மாநில அளவிலான மேசைப்பந்து போட்டிகள் 28, 29 தேதிகளில் கடலூரில் நடைபெற இருக்கிறது. கடலூர் அண்ணா விளையாட்டு அரங்கத்தில் இந்தப் போட்டிகள் நடைபெறும். இதில் தமிழகத்தின் அனைத்து மாவட்டங்களில் இருந்தும், 300 பேர் கலந்து கொள்கிறார்கள். போட்டிகளில் வெற்றி பெறும் மாணவ, மாணவியருக்கு தொடர்ந்து பயிற்சி முகாம் நடத்தப்படும். அவர்கள் தேசிய அளவிலான போட்டியில் பங்கேற்க அழைத்துச் செல்லப்படுவர் என்று ஆட்சியரின் செய்திக் குறிப்பு தெரிவிக்கிறது.

கடலூர் மீனவர்கள் மீது இந்திய ரோந்துப் படை தாக்குதல்

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

கடலூர், நவ. 25:

கடலூரில் இருந்து மீன்பிடிக்கச் சென்ற மீனவர்கள் இந்திய கடலோர பாதுகாப்பு ரோந்துப் படையினரால் தாக்கப்பட்டதாக புகார் எழுந்துள்ளது.

கடலூரை அடுத்த தாழங்குடா மீனவர் காலனியைச் சேர்ந்த மீனவர்கள் சுமார் 100 பேர் 20 படகுகளில் வங்கக் கடலில் செவ்வாய்க்கிழமை மீன்பிடிக்கச சென்றனர். 12 கடல் மைல் தூரத்தில் உள்ள பாறை பகுதியில் வஞ்சரம் மீன் கிடைப்பதால் அங்கு அவர்கள் மீன்பிடித்துக் கொண்டு இருந்தனர். காலை 10 மணி அளவில் இந்தியக் கடலோரக் காவல் படையினர் 3 ரோந்துப் படகுகளில் அங்கு வந்தனர். அவர்கள் மீனவர்களைப் பார்த்து படகுகள் பதிவு செய்யப்பட்டு உள்ளனவா? மீன்பிடிக்க உரிமம் பெற்று இருக்கிறீர்களா? 12 கடல் மைலுக்கு அப்பால் வரக்கூடாது என்று கூறி மிரட்டினராம். கடலோரக் காவல் படை சிப்பாய்கள் வைத்து இருந்த, கிரிக்கெட் மட்டை போன்ற கட்டைகளால் மீனவர்களை அடித்து விரட்டினராம். இதில் 10 படகுகளில் இருந்த தாழங்குடா மீனவர்கள் சீனுவாசன், கோதண்டம், மனோகர், ஞானசேகர், அமிர்தலிங்கம், முருகன், அறிவழகன், சுரேஷ், ஆறுமுகம், புண்ணியக்கோடி, செல்வகுமார், சேகர், மாரி, ஆறுமுகம், அருள்தாஸ்,. செந்தில், சக்தி உள்ளிட்ட 50-க்கும் மேற்பட்டவர்கள் தாக்கப்பட்டு உள்காயம் அடைந்தனர். உடனடியாக 20 படகுகளில் இருந்தவர்களும் அங்கு இருந்து தப்பி ஓடிக் கரை சேர்ந்தனர் என்றும் தாழங்குடா மீனவர்கள் தெரிவித்தனர். புதன்கிழமையும் தாழங்குடா மீனவர்கள் 10 படகுகளில் பாறைப் பகுதிக்கு மீன் பிடிக்கச் சென்று இருந்தனர். அவர்களையும் ரோந்துப் படையினர் விரட்டத் தொடங்கினர். மீனவர்கள் அங்கு இருந்து தப்பி ஓடிக் கரை சேர்ந்தனர்,.இச்சம்பவம் மீனவர்கள் மத்தியில் கடும் கொந்தளிப்பை ஏற்படுத்தி இருப்பதாக தாழங்குடா மீனவர்கள் குழு உறுப்பினர் பிச்சாண்டி தெரிவித்தார். இதுபற்றி காவல் துறையில் புகார் தெரிவிக்க விரும்பவிóலலை. காரணம் அவர்கள் நடவடிக்கை எடுப்பார்கள் என்ற நம்பிக்கை இல்லை. எனவே அனைத்து மீனவர் கிராமங்களுக்கும் தகவல் கொடுத்து இருக்கிறோம். அனைத்து கிராமப் பஞ்சாயத்துகளும் வியாழக்கிழமை கூடி முடிவு எடுக்கும் என்றார். பிச் சாண்டி: மீனவர் ஒழுங்குமுறைச் சட்டத்தை மத்திய அரசு கொண்டு வர இருக்கிறது. இதில் 12 கடல் மைலுக்கு அப்பால் மீன்பிடிக்கச் செல்லக் கூடாது, மீறிச் சென்றால் ரூ.9 லட்சம் வரை அபராதம் விதிக்கப்டும், அனைத்து மீனவர்களும் லைசென்ஸ் பெற்று இருக்க வேண்டும், படகுகள் அனைத்தும் பதிவு செய்யப்பட வேண்டும். மீனவர்கள் மீது அதிகாரிகள் எடுக்கும் நடவடிக்கைகள்பற்றி யாரும் கேள்வி எழுப்ப முடியாது என்றும், அச்சட்டத்தில் குறிப்பிடப்பட்டு இருக்கிறது.. அதன் அடிப்படையில் இந்தச் சட்டம் நிறைவேற்றப்பட்டு நடைமுறைக்கு வரும் முன்பாகவே, கடலோரக் காவல் படையினர் சட்டத்தை பயன்படுத்தத் தொடங்கி விட்டனரோ என்ற சந்தேகம் மீனவர்கள் மத்தியிóல் எழுந்துள்ளது. இது குறித்து தமிழ்நாடு மீனவர் பேரவை கடலூர் மாவட்டத் தலைவர் சுப்புராயன் கூறுகையில், கடலில் அமைதியாக மீன்பிடித்துக் கொண்டு இருந்த நமது மீனவர்கள் தாக்கப்பட்டது கண்டனத்துக்கு உரியது. தீவிரவாதிகளை கண்காணிக்கிறோம் என்ற பெயரில், மீனவர்களையே தாக்குவது வேதனை அளிக்கிறது. அடையாள அட்டை கேட்கிறார்கள். இல்லை என்றால் மீனவளத் துறைதான் அதற்குப் பொறுப்பு. 35 சதவீதம் மீனவர்களுக்குத்தான் இதுவரை அடையாள அடை வழங்கி இருக்கிறார்கள் என்றார்.

மணல் லாரிகளால் போக்குவரத்து பாதிப்பு

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

பண்ருட்டி, நவ. 25:

மணல் ஏற்றி வந்த லாரிகள் தென்பெண்ணை ஆற்றுப் பாலத்தில் அணிவகுத்து நின்றதால் , சென்னை-கும்பகோணம் சாலையில் புதன்கிழமை போக்குவரத்து நெரிசல் ஏற்பட்ட து.

பண் ருட்டி வட்டம் கண்டரக்கோட்டையில் உள்ள தென் பெண்ணை ஆற்றில் புலவனூர் பகுதியில் மணல் குவாரி நடைபெற்று வருகிறது. குவாரியில் மணல் ஏற்ற வரும் லாரிகள் ஆற்றுக்குள் சென்று மணல் ஏற்றி வர பாதை வசதி செய்யவில்லை. இதனால் மணல் ஏற்ற வந்த லாரிகள் சென்னை-கும்பகோணம் தேசிய நெடுஞ்சாலையில் உள்ள கண்டரக்கோட்டை தென் பெண்ணை ஆற்றுப் பாலத்தில் அணிவகுத்து நின்றது.நாள் ஒன்றுக்கு நூற்றுக்கணக்கான வாகனங்கள் சென்று வரும் முக்கியத்துவம் வாழ்ந்த சென்னை-கும்பகோணம் தேசிய நெடுஞ்சாலையில் அமைந்துள்ள தென்பெண்ணை ஆற்றுப் பாலத்தில் மணல் லாரிகள், அணிவகுத்து நின்றதால் மேற்கண்ட சாலையில் போக்குவரத்து தடைபட்டது.இதனால் பள்ளி, கல்லூரி செல்லும் மாணவர்களும்,வேலைக்கு செல்பவர்களும், நெடுந்தூரம் செல்லும் பயணிகளும் பெரிதும் பாதிப்படைந்தனர்.

தேசிய பத்திரிகை தின போட்டி பரிசளிப்பு

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

சிதம்பரம், நவ. 25:

சிதம்பரம் அண்ணாமலைப் பல்கலைக்கழக நாட்டு நலப் பணித் திட்டம் சார்பில் தேசிய பத்திரிகை தினத்தை முன்னிட்டு மாணவர்களுக்கு சிறப்பு பேச்சுப் போட்டி நடத்தப்பட்டது.

இப் போட்டியில் வெற்றி பெற்ற மாணவர்களுக்கு பரிசளிப்பு விழா செவ்வாய்க்கிழமை நடைபெற்றது.துணைவேந்தர் டாக்டர் எம்.ராமநாதன், வெற்றி பெற்ற மாணவ, மாணவியர்களுக்கு பரிசுகளை வழங்கிப் பாராட்டினார். இவ்விழாவில் தமிழ் மற்றும் மொழியியல் துறைத் தலைவர் பழ.முத்துவீரப்பன் தலைமை வகித்தார். நூலகத்துறை தலைவர் எம்.நாகராஜன், சமூகவியல் துறைத் தலைவர் டி.செல்வராஜ், தோட்டக்கலைத்துறை தலைவர் கே.மணிவண்ணன் உள்ளிட்டோர் வாழ்த்துரையாற்றினர்.இதற்கான ஏற்பாடுகளை திட்ட ஒருங்கிணைப்பாளர் டி.ஆர்.ஜெயராஜ் செய்திருந்தார். மக்கள் தொடர்பு அதிகாரி எஸ்.செல்வம் உள்ளிட்டோர் விழாவில் பங்கேற்றனர்.

ஓய்வூதியர்கள் குறைகேட்கும் கூட்டம்

நேரம் வியாழன், நவம்பர் 26, 2009

இடுகையிட்டது கடலூர் ரா.கார்த்திகேயன்

கடலூர், நவ.25:

கடலூர் மாவட்ட ஓய்வூதியர்கள் குறைகேட்கும் கூட்டம், செவ்வாய்க்கிழமை நடந்தது.கூட்டத்துக்கு மாவட்ட ஆட்சியர் பெ.சீதாராமன் தலைமை வகித்தார்.

கூட் டத்தில் பழைய மனுக்கள் 43 ஆய்வுக்கு எடுத்துக் கொள்ளப்பட்டன. அவற்றில் 10 மனுக்களுக்குத் தீர்வு காணப்பட்டது. புதிதாக 26 மனுக்கள் பெறப்பட்டன.சென்னை, ஓய்வூதியர்கள் இயக்குநர் அலுவலக துணை இயக்குநர் என்.ராமசாமி, கடலூர் மாவட்ட வருவாய் அலுவலர் எஸ்.நடராஜன் மற்றும் பல்வேறு துறை அலுவலர்கள் கலந்து கொண்டனர். ஓய்வூதியர்கள் சங்கப் பிரதிநிதிகளும் பங்கேற்றனர்.

இதற்கு குழுசேர்: இடுகைகள் (Atom)