ஆங்கிலத்தில் இருந்து தமிழில் இலக்கணத்துடன் மொழிப்பெயர்க்கும் மென்பொருள்: கோவை அமிர்தா பல்கலை ஆராய்ச்சிக் குழுவினர் உருவாக்கியுள்ளனர்

           ஆங்கிலத்தில் இருந்து தமிழில் இலக்கணத்துடன் மொழிப்பெயர்க்கும் "சாப்ட்வேர்' உருவாக்கியுள்ளனர் கோவை, அமிர்தா பல்கலை ஆராய்ச்சிக் குழுவினர்.

             சர்வதேச அளவில் ஆங்கில மொழிக்கு "மவுசு' அதிகம் என்பதால், கட்டாயமாக கற்க வேண்டியுள்ளது. ஆங்கிலத்தை அந்தந்த மாநில மொழிகளில் மொழிப்பெயர்க்கும் கம்ப்யூட்டர் சாப்ட்வேர் இருந்தாலும், முழுமையான பயன் கிடைப்பதில்லை. இந்நிலையில், தமிழ் மொழி இலக்கணத்துடன், செயல், பால்விகுதி, காலத்துக்கேற்ப மொழிப்பெயர்ப்பு செய்யும் தொழில்நுட்பத்தை உருவாக்கியுள்ளனர், கோவை அமிர்தா பல்கலை கணிப்பொறியியல் மற்றும் செய்வலை அமைப்பியல் மேம்பாட்டு மையத்தினர் (சென்).

மொழிபெயர்ப்பு சாப்ட்வேர் குறித்து, "சென்' குழுவைச் சேர்ந்த சோமன், தனலட்சுமி, ஆனந்தகுமார், மணிகண்டன் ஆகியோர் கூறியது: 

             கம்ப்யூட்டர் துறையின் அபரிமிதமான வளர்ச்சி காரணமாக, உலகின் பல்வேறு நாடுகளில் இயற்கை மொழிகளை கம்ப்யூட்டருக்குள் புகுத்தும் முயற்சி நடக்கிறது. அந்தந்த நாட்டு மொழிகளில் பலரும் வெற்றி பெற்றுள்ளனர். தமிழ் இயற்கை மொழி ஆய்வில் 2007ல் இருந்து ஈடுபட்டுள்ளோம். கம்ப்யூட்டர் மொழிப்பெயர்ப்புக்கு தேவையான மொழியியல் கருவி, துவக்கநிலை மொழிப்பெயர்பு சாதனம் தற்போது கண்டுபிடிக்கப்பட்டுள்ளது. ஆங்கிலத்தில் இருந்து தமிழில் மொழிப்பெயர்க்கலாம். தமிழ் சொல்வகை அடையாளப்படுத்தி, தொடர் பகுப்பான், உருபனியல் பகுப்பாய்வி போன்ற சாப்ட்வேர் மூலம் ஆங்கில சொற்றொடர்கள், வார்த்தை, பால்விகுதி, காலம் போன்றவற்றின் அடிப்படையில் தமிழில் மொழிப்பெயர்க்கப்படுகிறது. எந்த வினைச்சொல்லாக இருந்தாலும், எப்போது, எந்த பால் விகுதியை குறிக்கும் என கணித்து மொழிபெயர்க்கப்படும்.

                          வார்த்தைகளில் குறில், நெடில், வினை, மாத்திரை போன்ற அடிப்படை இலக்கணத்தையும் அடையாளம் காட்டும். எனவே, ஆங்கிலம் தெரியாத மாணவர்கள் உட்பட பலரும் இந்த சாப்ட்வேரை பயன்படுத்தி எளிதாக தமிழில் மொழிப்பெயர்க்கலாம். ஆசிரியர்கள் உதவியின்றி இலக்கணத்தை கூட கற்க முடியும். இந்த தொழில்நுட்பத்தை மேலும் மேம்படுத்தும் முயற்சியில் ஈடுபட்டுள்ளோம். இந்தி மொழியிலும் சாப்ட்வேர் உருவாக்கப்பட்டுள்ளது; அடுத்தடுத்து பிற முக்கிய மொழிகளிலும் மொழிபெயர்க்கும் சாப்ட்வேர் உருவாக்கப்படும். ஆங்கிலத்தில் உள்ள சிறந்த புத்தகங்களை கூட அந்தந்த மொழிகளில் எளிதாக மொழிப்பெயர்த்து பயனடையலாம். இவ்வாறு, அவர்கள் தெரிவித்தனர்.

 விபரங்களுக்கு 

http://www.amrita.edu/

http://www.amrita.edu/campuses/cbr/index.php

 AMRITA VISHWA VIDYAPEETHAM( UNIVERSITY )
  Ettimadai (P.O.)
  Coimbatore - 641 105
  Tamilnadu, India 

  Ph : 0422-2685000

  Fax: 422-2656274

Read more »

மைக்ரோசாஃப்ட் ஆபீஸ் 365 அறிமுகம்

          மைக்ரோசாஃப்ட் நிறுவனம் மைக்ரோசாஃப்ட் ஆபீஸ் 365 எனும் புதிய சாஃப்ட்வேரை அறிமுகப்படுத்தியுள்ளது. 

              சிறு, நடுத்தர, பெரிய வணிக நிறுவனங்கள் அனைத்தும் விரும்பும் வகையில் மாற்றி அமைத்துக் கொள்ளக்கூடிய வகையில் பலவகை பயன்களை உள்ளடக்கிய அடுத்த தலைமுறைக்கான பப்ளிக் பீட்டா இது என்பது குறிப்பிடத்தக்கது.  கடந்த ஆண்டில் மைக்ரோசாஃப்ட் ஆபிஸ் 365 அறிமுகப்படுத்தப்பட்டது. புதுப்பிக்கப்பட்ட தகவல்களை உள்ளடக்கிய கிளவுட் சேவைகளை இணைத்துக் கொண்டுள்ள மைக்ரோசாஃப்ட்ஆபிஸ், ஷேர் பாயிண்ட் ஆன்லைன், எக்ஸ்சேஞ்ச் ஆன்லைன், லிங்க் ஆன்லைன் ஆகிய அனைத்தையும் ஒருங்கிணைத்து தற்போது வணிகர்களின் பயன்பாட்டுக்காக விரிவுபடுத்தி கொண்டுவந்துள்ளது. 

               ஆபிஸ் 365 பப்ளிக் பீட்டாவினை இந்தியாவில் உள்ள லட்சக்கணக்கான மக்களும் உலகின் பல்வேறு பகுதியில் உள்ளவர்களும் இணையதளத்தின் வாயிலாகப் பயன்படுத்திக் கொள்ளும் வசதி ஏற்படுத்தப்பட்டுள்ளது. 25-க்கும் குறைந்த அளவுக்குப் பணியாளர்களைக் கொண்ட நிறுவனங்கள் வரையறுக்கப்பட்ட பீட்டா தொகுப்பினை பயன்படுத்துவதற்கு உலக அளவில் 70 விழுக்காட்டுக்கும் மேலான நிறுவனங்கள் ஒப்பந்தம் செய்துள்ளன.  தொடக்கத்திலேயே மிகப் பெரிய வரவேற்பைப் பெற்ற ஆபிஸ் 365 சாஃப்ட்வேர் சிறிய வணிக நிறுவனங்களுக்கு மிகவும் பொருத்தமான தொழில்நுட்பம் என்பதை நிரூபித்துள்ளது. 

               சிறிய வணிகங்களுக்குத் தேவையான அனைத்து கூறுகளையும் உள்ளடக்கிய தொழில்நுட்பத்தினை சீரிய முறையிலான தொடர்புக்கு வழிவகுக்கும் முறையில் மிகுந்த பாதுகாப்புடனும், தகவல் தொழில்நுட்ப நிர்வாகத்திற்கு உதவும் வகையிலும் தயாரித்துள்ளது. மைக்ரோசாஃப்ட் ஆபிஸ் 365 என்ற பீட்டா வாய்ப்பினை வணிக நிறுவனங்கள் பயன்படுத்தி அதன் பயனை பெறலாம் என்று நிறுவனத்தின் வணிகப் பிரிவு இயக்குநர் சஞ்சய் மன்சந்தா தெரிவித்தார். 

இணையதள முகவரி: 

www.microsoft.com/India/Cloud

http://www.microsoft.com/en/in/default.aspx 

 

Read more »