பண்ருட்டி அரசு பொறியியல் கல்லூரியில் பொறியியல் படிப்புக்கான விண்ணப்பங்கள் விற்பனை

பண்ருட்டி

பண்ருட்டி அரசு பொறியியல் கல்லூரியில் பொறியியல் படிப்புக்கான விண்ணப்பங்கள் மே 11-ம் தேதி முதல் விற்பனை செய்யப்படவுள்ளன. தமிழ்நாடு பொறியியல் சேர்க்கைக்கான விண்ணப்பங்கள் பண்ருட்டி கும்பகோணம் சாலையில் உள்ள அரசுப் பொறியியல் கல்லூரியில் காலை 9.30 மணி முதல் மாலை 5.30 மணி வரையில் விற்பனை செய்யப்படவுள்ளது.

விண்ணப்பத்தின் விலை பொதுப் பிரிவினருக்கு ரூ.500-ம், தாழ்த்தப்பட்ட மற்றும் பழங்குடியினருக்கு ரூ.250-ம், தாழ்த்தப்ட்ட, பழங்குடியினர் ஜாதிச் சான்று சமர்ப்பிக்க வேண்டும்.பூர்த்தி செய்த விண்ணப்பங்களை மே 31-ம் தேதிக்குள் சென்னை அண்ணா பல்கலைக்கழகத்தில் சமர்ப்பிக்க வேண்டும்

.மேலும் தகவலுக்கு 04142-241000 என்ற எண்ணை தொடர்பு கொள்ள வேண்டும் என கல்லூரி முதல்வர் செந்தில்குமார் தெரிவித்துள்ளார்.

Read more »

பண்ருட்டி அண்ணா அரசு பொறியியல் கல்லூரியில் தகவல் முனையம் துவக்கம்

பண்ருட்டி : 

         பண்ருட்டி அண்ணா பொறியியல் கல்லூரியில் தகவல் முனையம் துவங்கப்பட்டது. பண்ருட்டி அடுத்த பனிக்கன்குப்பத்தில் உள்ள அரசு அண்ணா பொறியியல் கல்லூரியில் தகவல் முனையம், சமுதாயக் கல்லூரி துவக்கம், என் பெயர் மரம், விருப்ப மன்றம், விளையாட்டு விழா ஆகிய ஐம்பெரும் விழா நடந்தது.
 

            திருச்சி அண்ணா தொழில்நுட்ப பல்கலைக்கழக தேர்வுத்துறை கட்டுப்பாட்டு அலுவலர் மதன்குமார் தலைமை தாங்கினார். கல்லூரி புலமுதல்வர் செந்தில்குமார் வரவேற்றார். தனி அலுவலர் வெங்கடேசன் முன்னிலை வகித்தார். 

அண்ணா தொழில்நுட்ப பல்கலைக்கழக பதிவாளர் ராஜா தகவல் முனையத்தை துவக்கி வைத்து பேசுகையில், 

              "இணைய தள வசதிகளுடன் தகவல் முனையம் பொதுமக்கள் தேவைக்காக பல்கலைகழகம் துவக்கியுள்ளது. விண்ணப்பங்கள் பெறவும், பூர்த்தி செய்வது உள்ளிட்டவைகள் தகவல்கள் பெற்றுக்கொள்ளலாம்' என்றார்.

Read more »