அடுத்த அண்டு முதல் ரேஷன் கார்டுகளுக்கு பதிலாக ஸ்மார்ட் கார்டுகள்

             ""தற்போதுள்ள ரேஷன் கார்டுகளுக்குப் பதிலாக, 2012-13ம் ஆண்டில், மின்னணு ரேஷன் கார்டுகள் (ஸ்மார்ட் கார்டுகள்) வழங்கப்படும்'' என்று, முதல்வர் ஜெயலலிதா தெரிவித்தார் 

உணவு மற்றும் கூட்டுறவுத் துறைக்கான மானியத்தின் மீது, சட்டசபையில்  நடந்த விவாதம்:

கிருஷ்ணசாமி - புதிய தமிழகம் : 

               ஒருபக்கம் போலி ரேஷன் கார்டுகள் உள்ளன. மற்றொரு பக்கம், ஏராளமானோர், கார்டுகள் கிடைக்காமல் உள்ளனர். இப்பிரச்னைக்கு தீர்வு காண வேண்டும். ரேஷன் கார்டுகள், சென்னையில் அச்சிட்டு வழங்கப்படுவதால், அவை கிடைக்க தாமதமாகிறது. இதற்குப் பதிலாக, அந்தந்த வட்டார அளவிலேயே ரேஷன் கார்டுகளை அச்சிட்டுக் கொடுக்க வேண்டும்.

அமைச்சர் புத்திசந்திரன்: 

               அனைத்து வட்ட வழங்கல் அலுவலக அளவில், ரேஷன் கார்டுகள் அச்சிடப்படுகின்றன.முதல்வர் ஜெயலலிதா: ரேஷன் கார்டுகள் பற்றி, உணவுத் துறைக்கான கொள்கை விளக்கக் குறிப்பில் தெரிவிக்கப்பட்டுள்ளது. அதன்படி, தற்போது நடப்பில் உள்ள குடும்ப அட்டைகளின் செல்லத்தக்க காலம், இந்த ஆண்டு டிசம்பர் 31ம் தேதிய்டன் முடிகிறது.தற்போது குடும்ப அட்டைகள் வழங்கும் முறையில், ஒரே நபர் ஒன்றுக்கு மேற்பட்ட இடங்களில் பெயரைப் பதிவு செய்தால், அதைக் கண்டுபிடிக்க வழிவகை இல்லை.

              இதனால், ஒன்றுக்கு மேற்பட்ட இடங்களில், குடும்ப அட்டைகளில் ஒரே நபர் பெயர் இடம் பெறும் நிலைய்ம், போலி குடும்ப அட்டைகள் வழங்கப்படும் நிலைய்ம் உள்ளது. மேலும், நியாய விலைக் கடைகளுக்கு பொருள் பெற வராத குடும்ப அட்டைகளுக்கும், கடைப் பணியாளர்கள் போலி பட்டியலிடும் நிலை உள்ளது.இப்பிரச்னையைக் களைய, தற்போது நடப்பிலுள்ள குடும்ப அட்டைகளுக்குப் பதிலாக, உடற்கூறு பதிவு முறையில், மின்னணு குடும்ப அட்டைகள் வழங்க உத்தேசிக்கப்பட்டுள்ளது. இந்தத் தகவல் தொகுப்பில், ஒன்றுக்கும் மேற்பட்ட பதிவுகளை நீக்கும் முறை உள்ளதால், ஒரே நபர் ஒன்றுக்கும் மேற்பட்ட குடும்ப அட்டைகளில் பதிவு செய்ய்ம் நிலை மற்றும் போலி குடும்ப அட்டைகள் வழங்குதல் போன்றவை களையப்படும்.மேலும், ரேஷன் கடைகளுக்கு பொருட்கள் பெற வரும் குடும்ப அட்டைகளுக்கு மட்டுமே பட்டியலிட முடிய்ம். போலி பட்டியலிடுவது களையப்படும். எனவே, தற்போது நடப்பிலுள்ள குடும்ப அட்டைகளுக்குப் பதிலாக, மின்னணு குடும்ப அட்டைகள் (ஸ்மார்ட் கார்டு) வரும் 2012-13ம் ஆண்டில் வழங்க உத்தேசிக்கப்பட்டுள் ளது. 

Read more »

பழைய ரேஷன் கார்டு: மேலும் 6 மாதங்களுக்கு நீட்டிப்பு

             தற்போது புழக்கத்தில் உள்ள ரேஷன் கார்டுகள், வரும் ஆண்டு ஜூன் மாதத்துடன் காலாவதியாவதால், அவற்றை மேலும் ஆறு மாதங்களுக்கு நீட்டிக்க அரசு உத்தரவிட்டுள்ளது.

             ரேஷன் கார்டுகள், ஐந்து ஆண்டுகளுக்கு ஒரு முறை புதுப்பிக்கப்பட்டு பொதுமக்களுக்கு வழங்கப்படுகின்றன. இதன்படி, ஏற்கனவே, 2005ல் வழங்கப்பட்ட ரேஷன் கார்டுகள், கடந்தாண்டு டிசம்பருடன் காலாவதியாகின. இந்நிலையில், மத்திய அரசு, அனைவருக்கும் பிரத்யேக அடையாள எண் வழங்கும் பணியை துவக்க உள்ளதாலும், தமிழகத்தில் போலி ரேஷன் கார்டுகளை கண்டறிந்து ரத்து செய்யும் பணி நடந்ததாலும், புதிய ரேஷன் கார்டுகள் அச்சடிக்கும் பணி நிறுத்தி வைக்கப்பட்டது.ஏற்கனவே புழக்கத்தில் உள்ள ரேஷன் கார்டுகளில், உள்தாள்களை ஒட்டி, வரும் 2011, ஜூன் வரை செல்லத்தக்க வகையில் மாற்றம் செய்யப்பட்டது.

                    அதற்குள், குடும்பத்தில் உள்ளவர்கள் பற்றிய அனைத்து விவரங்களையும் பதிவு செய்து புதிய ரேஷன் கார்டுகளை அச்சடித்து வழங்க திட்டமிடப்பட்டு இருந்தது.இந்நிலையில், வரும் ஆண்டில் பொதுத் தேர்தல் நடக்க உள்ளதாலும், தற்போது தேசிய அளவில் மக்கள் தொகை கணக்கெடுப்பு பணி நடந்து வருவதாலும், ரேஷன் கார்டு வைத்துள்ளவர்களின் குடும்ப விவரங்களை சேகரித்து புதிய கார்டு அச்சடிக்கும் பணியில் கவனம் செலுத்துவது இயலாத காரியம் என, அரசு முடிவு செய்துள்ளது.

              இதனால், வரும் 2011, டிசம்பர் 31ம் தேதி வரை, தற்போது புழக்கத்தில் உள்ள ரேஷன் கார்டுகள் செல்லத்தக்கவை என உத்தரவு பிறப்பிக்கப்பட்டுள்ளது. அதற்கு ஏற்ப, புழக்கத்தில் உள்ள ரேஷன் கார்டுகளில் உள்தாள்களை ஒட்டவும், தேவையான பதிவேடுகளை அச்சடிக்கவும் அனுமதி அளித்து, உணவுத் துறை உத்தரவு பிறப்பித்துள்ளது.

Read more »

"பயோமெட்ரிக்" ரேஷன் கார்டு திட்டம்

                கைரேகைகள் மற்றும் விழித்திரை பதிவுகளுடன் தயாரிக்கவுள்ள, "பயோ மெட்ரிக்' ரேஷன் கார்டுகளை வழங்க ஆகும் செலவில் பாதியை, தமிழக அரசுக்கு வழங்க மத்திய அரசு சம்மதித்துள்ளது. 

             தமிழகத்தில் 5 ஆண்டுகளுக்கு செல்லத்தக்க வகையில் வழங்கப்பட்ட ரேஷன் கார்டுகள், கடந்த ஆண்டு டிசம்பருடன் காலாவதியாகின. இந்நிலையில், புதிய கார்டுகளை வழங்குவதில் தாமதம் ஏற்படுமென்பதால், அடுத்த ஆண்டு மே மாதம் வரை, இதே கார்டுகளில் பேப்பர் மட்டும் இணைக்கப்பட்டு, காலம் நீட்டிக்கப்பட்டது.              

             இதற்கிடையே போலி கார்டுகளை கண்டறிய, 100 சதவீத தணிக்கை செய்யப்பட்டது. இந்நிலையில், புதிய கார்டுகளை வழங்கும் போது, அதில் குடும்ப தலைவரின் புகைப்படம் மட்டுமன்றி, அனைத்து விவரங்களையும் இடம் பெறச் செய்ய முடிவு செய்யப்பட்டுள்ளது. இதற்காக, குடும்ப உறுப்பினர்களின் 10 விரல் ரேகைகள், கண் விழித்திரை போன்ற விவரங்கள் பதிவு செய்யப்படவுள்ளன. இவை அனைத்தும்  புதிய ரேஷன் கார்டுகளில் இடம் பெற்றிருக்கும். எனவே, ஒருவரது விவரங்கள் இன்னொரு ரேஷன் கார்டில் இடம் பெற முடியாது. அவ்வாறு வெவ்வேறு இடங்களில் ரேஷன் கார்டுகள் பெறுவோரை எளிதில் அடையாளம் கண்டு நீக்கி விடலாம்.

             புதிய ரேஷன் கார்டில் இடம் பெறும் இந்த பதிவுகளை, மத்திய அரசு தயாரிக்கவுள்ள, அனைத்து குடிமகன்களுக்கும் பிரத்யேக அடையாள எண் வழங்கும் திட்டத்துக்கும் பயன்படுத்த முடியும். இது தவிர, தற்போது மேற்கொள்ளப்பட்டு வரும் மக்கள் தொகை கணக்கெடுப்பிலும் இந்த விவரங்களை இடம் பெற செய்ய முடியும். இந்த "பயோ மெட்ரிக்' ரேஷன் கார்டுகளை தயாரிப்பதற்கு 300 கோடி ரூபாய் செலவாகுமென தமிழக அரசு மதிப்பிட்டுள்ளது. 

                 இந்த விவரங்களை மத்திய அரசின் மக்கள் தொகை கணக்கெடுப்புக்கும், பிரத்யேக அடையாள எண் வழங்கும் திட்டத்துக்கும் பயன்படுத்தவுள்ளதால், இதற்கு ஆகும் செலவில் பாதியை மத்திய அரசு வழங்க வேண்டுமென, தமிழக அரசு கோரி இருந்தது. "மத்திய சென்சஸ் கமிஷனர்' அலுவலகத்துக்கு விவரங்களை வழங்கவுள்ளதை கருத்தில் கொண்டு, "பயோ மெட்ரிக் ரேஷன் கார்டு' திட்டத்துக்கு ஆகும் செலவில் பாதியை மத்திய அரசு ஏற்குமென, மத்திய அமைச்சர் சிதம்பரம், முதல்வருக்கு கடந்த மாதம் கடிதம் எழுதியுள்ளார்.  இது பற்றிய இறுதி முடிவுக்கு முதல்வர் ஒப்புதல் அளித்ததும், மத்திய அரசுடன் இதற்கான உடன்பாடு செய்யப்படவுள்ளது.

Read more »