பண்ருட்டி அரசு பொறியியல் கல்லூரியில் பொறியியல் படிப்புக்கான விண்ணப்பங்கள் விற்பனை

பண்ருட்டி

பண்ருட்டி அரசு பொறியியல் கல்லூரியில் பொறியியல் படிப்புக்கான விண்ணப்பங்கள் மே 11-ம் தேதி முதல் விற்பனை செய்யப்படவுள்ளன. தமிழ்நாடு பொறியியல் சேர்க்கைக்கான விண்ணப்பங்கள் பண்ருட்டி கும்பகோணம் சாலையில் உள்ள அரசுப் பொறியியல் கல்லூரியில் காலை 9.30 மணி முதல் மாலை 5.30 மணி வரையில் விற்பனை செய்யப்படவுள்ளது.

விண்ணப்பத்தின் விலை பொதுப் பிரிவினருக்கு ரூ.500-ம், தாழ்த்தப்பட்ட மற்றும் பழங்குடியினருக்கு ரூ.250-ம், தாழ்த்தப்ட்ட, பழங்குடியினர் ஜாதிச் சான்று சமர்ப்பிக்க வேண்டும்.பூர்த்தி செய்த விண்ணப்பங்களை மே 31-ம் தேதிக்குள் சென்னை அண்ணா பல்கலைக்கழகத்தில் சமர்ப்பிக்க வேண்டும்

.மேலும் தகவலுக்கு 04142-241000 என்ற எண்ணை தொடர்பு கொள்ள வேண்டும் என கல்லூரி முதல்வர் செந்தில்குமார் தெரிவித்துள்ளார்.

Read more »

இலவசப் பொறியியல் படிப்பு

சிதம்பரம்:

               பிளஸ் 1, பிளஸ் 2 மாணவர்களுக்கு மடிக்கணினி வழங்கும் திட்டத்துக்கு பதிலாக, தமிழகத்தில் மிகப்பெரிய வியாபாரப் பொருளாக மாற்றப்பட்டுவிட்ட கல்வியான பொறியியல் கல்வி உள்ளிட்ட அனைத்து கல்வி நிலைகளையும் முற்றிலும் இலவசமாக வழங்கி தமிழக முதல்வர் வரலாற்றுச் சாதனை படைக்க வேண்டும் என தமிழ்நாடு அரசு மேல்நிலைப் பள்ளி முதுகலை ஆசிரியர்கள் சங்கம் தீர்மானம் நிறைவேற்றியுள்ளது.

                சிதம்பரம் அரசு மகளிர் மேல்நிலைப் பள்ளியில் அச்சங்கத்தின் மாநில பொதுக் குழுக் கூட்டம் சனிக்கிழமை நடைபெற்றது. மாநிலத் தலைவர் ப.சங்கரநாராயணன் தலைமை வகித்தார். கடலூர் மாவட்டத் தலைவர் வேல்முருகன் வரவேற்றார். பொதுச் செயலர் ராஜா, பொருளர் கொளஞ்சியப்பன், அமைப்புச் செயலர் சக்திவேல், தலைமை நிலையச் செயலர் சேகர் ஆகியோர் முன்னிலை வகித்தனர்.

                      மாவட்ட பொறுப்பாளர்கள் குமார், ராமநாதன் (சென்னை), யுவரிஸ்குமார் (காஞ்சி), வெங்கடேசன் (அரியலூர்), லட்சுமிகாந்தன், காளிமுத்து (புதுக்கோட்டை), ஸ்டீபன், ஜீவா (திருச்சி), சுந்தரராஜன், மணிகண்டன் ஜோசப் (தஞ்சை), ஆடியபாதம் (நாகை), விஜயகுமார் (திருவாரூர்), சரவணன், திராவிடமணி (திருவண்ணாமலை), சேகர் (உதகை), சித்தன், ரங்கசாமி (ஈரோடு), சந்திரசேகர் (திருவள்ளூர்) உள்ளிட்டோர் பேசினர்.

Read more »

பொறியியல் படிப்பு கலந்தாய்வு: கல்லூரிகளின் காலி இடங்களை அறிய

2011-2011 பொறியியல் படிப்பு கலந்தாய்வு: கல்லூரிகளின் காலி இடங்களை அறிய கீழ்காணும் இணைப்பை பார்க்கவும்

http://www.annauniv.edu/tnea2011/

Read more »

பி.காம். படிப்புக்கு அதிகரிக்கும் வரவேற்பு

               பி.காம். படிப்புக்கு மாணவர்களிடையே அதிக வரவேற்பு எழுந்துள்ள நிலையில், பிளஸ்-2 தொழிற்பிரிவு (ஒக்கேஷனல்) மாணவர்களுக்கு அந்தப் பிரிவில் இடம் தர சில கல்லூரிகள் மறுப்பதாக புகார்கள் எழுந்துள்ளன.  

              பிளஸ்-2-வில் அதிக அளவிலான மாணவர்கள் முக்கியப் பாடங்களில் 200-க்கு 200 மற்றும் கூடுதல் மதிப்பெண்களை பெற்றிருக்கும் காரணத்தால், மருத்துவம் மற்றும் பொறியியல் படிப்புகளில் சேர்வதற்கான கட்-ஆஃப் மதிப்பெண்ணில் இம்முறை கடும் போட்டி ஏற்பட்டுள்ளது.  இதன் காரணமாக கலை அறிவியல் கல்லூரிகளுக்குப் படையெடுக்கும் மாணவர்களின் எண்ணிக்கை இம்முறை பன்மடங்கு அதிகரித்துள்ளது. 

                சென்னை நுங்கம்பாக்கத்தில் உள்ள அரசு உதவி பெறும் மகளிர் கல்லூரியில் கலை அறிவியல் படிப்புகளில் மொத்தம் 2 ஆயிரம் இடங்கள் மட்டுமே உள்ளன. ஆனால், இந்தக் கல்லூரிக்கு இப்போது 10 ஆயிரம் பேர் விண்ணப்பித்துள்ளனர். இதுபோல் அதே பகுதியில் உள்ள மற்ற கல்லூரிகளிலும், விண்ணப்பித்தவர்களின் எண்ணிக்கை கடந்த ஆண்டுகளைவிட பன்மடங்கு உயர்ந்துள்ளது.  இந்த கல்லூரிகளில் கலை, அறிவியல் படிப்புகளைக் காட்டிலும், உடனடியாக வேலைவாய்ப்பு கிடைக்கக் கூடிய பி.காம். பட்டப் படிப்புக்கே மாணவ, மாணவிகளிடையே வரவேற்பு அதிகரித்துள்ளது.  

                இதை பயன்படுத்திக் கொண்டு, சில கல்லூரிகள் அரசு உதவி பெறும் திட்டத்தின் கீழ் வரும் சில படிப்புகளையும், சுயநிதி படிப்புகளாக மாற்றி லாபம் சம்பாதித்து வருகின்றன. இது ஒரு புறம் இருக்க, பிளஸ்-2-வில் தொழில் பிரிவு படித்த மாணவர்களுக்கு, சில கல்லூரிகள் பி.காம். படிப்பில் இடம் தர மறுப்பதாகவும் புகார்கள் எழுந்துள்ளன.  அமைந்தகரையைச் சேர்ந்த காயத்ரி என்ற மாணவி, பிளஸ்-2-வில் தொழில் பிரிவில் படித்துள்ளார். 1200-க்கு 930 மதிப்பெண் பெற்ற இவர், நுங்கம்பாக்கத்தில் உள்ள அரசு உதவி பெறும் கல்லூரி ஒன்றில், பி.காம். படிப்பில் சேர விரும்பி விண்ணப்பம் கோரியுள்ளார். ஆனால், கல்லூரி நிர்வாகிகள் பிளஸ்-2 தொழில் பிரிவுக்கு பி.காம். பிரிவில் இடம் கிடைக்காது. எனவே, வேறு பிரிவை தேர்வு செய்யுமாறு கூறியுள்ளனர்.  

இதுகுறித்து சென்னையில் உள்ள அரசு உதவி பெறும் கல்லூரி வணிகப் பிரிவு பேராசிரியர் ரவி கூறியது: 

              அரசு ஆணையின்படி, பிளஸ்-2 தொழில் பிரிவு மாணவர்களுக்கு, பி.காம். படிப்பில் 20 சதவீத இடத்தை ஒதுக்க வேண்டும். ஒவ்வொரு ஆண்டும் இந்த ஆணையை தமிழக அரசு பிறப்பித்து வருகிறது.  இம்முறை தமிழகத்தில் ஆட்சி மாற்றம் ஏற்பட்டுள்ளதால், இந்த ஆணையை பிறப்பிக்க தாமதமாகலாம். இருந்தபோதும், 2010-11 கல்வியாண்டில் பிறப்பிக்கப்பட்ட ஆணையையே கல்லூரிகள் பின்பற்ற வேண்டும்.  ஆனால், கல்லூரிகள் அரசு உத்தரவை மதிப்பதே இல்லை. லாபம் சம்பாதிப்பதை மட்டுமே குறிக்கோளாகக் கொண்டுள்ளன.  சில அரசு கல்லூரிகளும், தங்களுடைய தேர்ச்சி விகிதத்தை உயர்த்திக் காட்ட வேண்டும் என்பதற்காக, தொழிற்பிரிவு மாணவர்களை பி.காம். படிப்பில் சேர்த்துக்கொள்ள மறுத்து வருகின்றன. பல்கலைக்கழகமும் இதைக் கண்டுகொள்ளாமல் உள்ளது. எனவே, மாணவர் சேர்க்கை நடைமுறைகள் முடிவதற்குள், உத்தரவை தீவிரமாக அமல்படுத்த அரசு நடவடிக்கை எடுக்க வேண்டும்.

Read more »

.52 கோடி மதிப்பில் கட்டடங்கள் திறப்பு

பரங்கிப்பேட்டை : 

                பரங்கிப்பேட்டையில் 1.52 கோடி ரூபாய் மதிப் பில் கட்டப்பட்டுள்ள புதிய கட்டடங்கள், படகு குழாம், நூலக ட்டடங்களை இன்று (6ம் தேதி) துணை முதல்வர் ஸ்டாலின் திறந்து வைக்கிறார்.
 

                        பரங்கிப்பேட்டை பேரூராட்சி பகுதிகளில் 70 லட்சம் ரூபாய் மதிப்பில் திடக்கழிவு மேலாண்மை திட்டம், 50 லட்சம் மதிப்பில் சுற்றுலா வளர்ச்சி மையத்தில் படகு குழாம், குடில்கள், உணவு விடுதி மற்றும் குழந்தைகள் பூங்கா, 20 லட்சம் மதிப்பில் பரங்கிப்பேட்டை பேரூராட்சிக்கு புதிய அலவலக கட்டடம் அடிக்கல் நாட்டுதல், 7 லட்சம் ரூபாய் மதிப்பில் வாரசந்தை, நாளங்காடி, 4 லட் சத்து 43 ஆயிரம் ரூபாய் மதிப்பில் நூலக கட்டடம் உள்ளிட்டவைகளை காட்டுமன்னார்கோவிலில் உள்ள எம்.ஆர்.கே., பொறியியல் கல்லூரி வளாகத்தில் நடக்கும் அரசு விழாவில் அமைச்சர் பன்னீர்செல்வம் தலைமையில் துணை முதல்வர் ஸ்டாலின் திறந்து வைக்கிறார்.விழாவில் பேரூராட்சி சேர்மன் முகமது யூனுஸ், துணைத் தலைவர் செழியன் மற்றும் கவுன்சிலர்கள் பங்கேற்கின்றனர்.

Read more »