விருத்தாசலம் கொளஞ்சியப்பர் கல்லூரி தமிழ்த்துறை மாணவர் தங்கப் பதக்கம்

 விருத்தாசலம் ; 

             விருத்தாசலம் கொளஞ்சியப்பர் கல்லூரியில் தங்க பதக்கம் வென்ற மாணவரை கல்லூரி முதல்வர் சான்றிதழ் வழங்கி பாராட்டினார். 

             விருத்தாசலம் கொளஞ்சியப்பர் அரசு கல்லூரி தமிழ்த்துறை மாணவர் விஜயகுமார். இவர் திருவள்ளுவர் பல்கலைக் கழக அளவில் கடந்த கல்வியாண்டில் நடந்த எம்.ஏ., தேர்வில் முதல் மதிப்பெண் பெற்று தங்கப் பதக்கம் பெற்றார். அவருக்கு கல்லூரி முதல்வர் மனோன்மணி சான்றிதழ் வழங்கி பாராட்டினார். தமிழ்த்துறை பேராசிரியர்கள் முத்தழகன், தண்டபாணி, சிவக்குமார், கருணாநிதி, உடற்கல்வி இயக்குனர் கவாஸ்கர் உடனிருந்தனர். மாணவன் விஜயகுமார் பி.ஏ., தேர்தவிலும் தங்கப் பதக்கம் வென்றது குறிப்பிடதக்கது.