விருத்தாசலம் கொளஞ்சியப்பர் அரசு கல்லூரி என்.எஸ். எஸ்.சார்பில் செஞ்சுருள் சங்க துவக்க விழா

விருத்தாசலம்:

   விருத்தாசலம் கொளஞ்சியப்பர் அரசு கல்லூரி என்.எஸ். எஸ்., சார்பில் நடந்த செஞ்சுருள் சங்க துவக்க விழா மற்றும் எய்ட்ஸ் விழிப்புணர்வு கருத்தரங்கம் நடந்தது. முதல்வர் (பொறுப்பு) சுப்ரமணியன் தலைமை தாங்கினார். என்.எஸ்.எஸ்., திட்ட அலுவலர் சிவக்குமார் வரவேற்றார். மாவட்ட செஞ்சுருள் சங்க மேலாளர் கதிரவன் எல்.சி.டி., புரொஜக்டர் மூலம் செஞ்சுருள் சங்க செயல்பாடு மற்றும் எய்ட்ஸ் நோய் குறித்து விளக்கமளித்தார். பேராசிரியர்கள் முத்தழகன், சிவக்குமார், துரைராசு, ஒருங்கிணைப்பாளர் பேராசிரியர் ராஜசேகர் உட்பட மாணவ, மாணவிகள் பலர் பங்கேற்றனர்.திட்ட அலுவலர் பாலசங்கு நன்றி கூறினார்.

Read more »

கடலூர் பாடலேசுவரர் தொழில்நுட்பக் கல்லூரியில் எ ய்ட்ஸ் நோய் பற்றிய கலந்துரையாடல் நிகழ்ச்சி

கடலூர் : 

 

         கடலூர் பாடலேசுவரர் தொழில்நுட்பக் கல்லூரியில் செஞ்சுருள் சங்கம் சார்பில் எய்ட்ஸ் பற்றிய கலந்துரையாடல் நிகழ்ச்சி நடந்தது. கல்லூரி நிறுவனத் தலைவர் முத்து தலைமை தாங்கினார். முதல்வர் ரமேஷ் பாபு வரவேற்றார். மாவட்ட எய்ட்ஸ் கட்டுப்பாடு திட்ட மேலாளர் கலைமதி முன்னிலை வகித்தார். செஞ்சுருள் சங்க மாவட்ட மேலாளர் கதிரவன், கல்லூரி துணை முதல்வர் ராஜ்குமார், நிர்வாக அதிகாரி டைட்டஸ் டேவிட் ஆகியோர் பேசினர். செந்தில்முருகன், ரவி, சண்முகம் ஆகியோர் மாணவர்களுடன் கலந்துரையாடி சந்தேகங்களுக்கு விளக்கம் அளித்தனர்.

 

 

 

 

 

 

Read more »

கடலூர் மாவட்டத்தில் எச்.ஐ.வி.யால் 3 ஆயிரத்து 796 நபர்கள் பாதிக்கப்பட்டுள்ளனர்

               உலக எய்ட்ஸ் தினம் நேற்று கடைபிடிக்கப்பட்டது.   இதையட்டி கடலூரில் நேற்று நடந்த விழிப்புணர்வு நிகழ்ச்சிக்கு கலெக்டர் அமுதவல்லி தலைமை தாங்கினார்.

           அப்போது, அவர் எச்.ஐ.வி.யால் பாதிக்கப்பட்ட 36 குழந்தைகளுக்கு கல்வி உதவித்தொகையாக ஒரு லட்சத்து 69 ஆயிரம் ரூபாயை வழங்கி பேசினார்.

       கடலூர் மாவட்டத்தில் எச்.ஐ.வி.யால் 3 ஆயிரத்து 796 நபர்கள் பாதிக்கப்பட்டுள்ளனர் என்று கண்டறியப்பட்டுள்ளது. எச்.ஐ.வி.யால் பாதிக்கப்பட்டவர்களிடம் அன்பாக நடந்து கொள்ள வேண்டும். எச்.ஐ.வி. பரவக் கூடிய விதங்கள் குறித்து பொதுமக்களிடம் விழிப்புணர்வு ஏற்படுத்தப்பட வேண்டும்.ரத்தப்பரிசோதனை செய்த பிறகே ரத்த தானம் செய்ய வேண்டும். இவ்வாறு கலெக்டர் அமுதவல்லி பேசினார்.

             இந்த நிகழ்ச்சியில் செய்தி மக்கள் தொடர்பு அதிகாரி முத்தையா மற்றும் அதிகாரிகள் கலந்து கொண்டனர்.    

Read more »

எய்ட்ஸ் நோய் பற்றிய விளக்கங்கள்

 

 

 

 

நாளை 01.12.2011..உலக எய்ட்ஸ் தினம்

எய்ட்ஸ் நோய் ஒரு விளக்கம் :

        எய்ட்ஸ் என்பது பல நோய்களின் ஒரு கூட்டுத் தொகுப்பாகும். அது ஒரு உயிர்க்கொல்லி நோய், நோய் ஏற்பட்டுவிட்டால் குணப்படுத்த சிகிச்சை ஒன்றும் கிடையாது. ஆனால் ஏ.ஆர்.டி. கூட்டு மருந்து சிகிச்சை மூலம் வாழ்நாளை நீட்டிக்க செய்யலாம். எனவே எய்ட்ஸ் நோயினைப் பற்றிய விவரங்களை அனைவரும் தெளிவாக புரிந்துகொள்ள வேண்டியது மிக மிக அவசியம்.

எய்ட்ஸ் என்ற சொல்லின் பொருள் :

Acquired - A ஒரு மனிதனிடமிருந்து மற்றொருவர் பெற்றுகொள்வது

Immune - I உடலின் எதிர்ப்பு சக்தி

Deficiency - D குறைத்துவிடுதல்

Syndrome - S பல நோய்களின் கூட்டுத் தொகுப்பு

            இந்நோய் முதன் முதலில் 1981 ஆம் ஆண்டு கண்டுபிடிக்கப்பட்டது. வட அமெரிக்கா, தென் அமெரிக்கா, ஐரோப்பா, ஆப்பிரிக்கா, ஆசியா ஆகிய கண்டங்களில் வெகு வேகமாக பரவி வருகிறது. 1986 ஆம் ஆண்டு நம் நாட்டில் சென்னையில் எய்ட்ஸ் நோய் அறிகுறி உள்ளவர்கள் இருப்பதை அறிந்து நமக்கெல்லாம் அதிர்ச்சியும், அச்சமும் ஏற்பட்டது. நம் நாட்டில் இதுவரை பல லட்சம் பேர் இந்நோயால் பாதிக்கப்பட்டுள்ளனர். அவர்களின் மிக அதிகமானவர்கள் மகாராஷ்டிரா மாநிலத்திலும் தமிழ்நாட்டிலும் உள்ளனர்.

எய்ட்ஸ் நோய் வருவது எப்படி ?

                  எய்ட்ஸ் நோய் வருவது காரணமாக இருக்கும் கிருமியின் பெயர் எச்.ஐ.வி. இக்கிருமி மனித உடலில் புகுந்து விட்டால் அந்த உடல் இயல்பாக பெற்றிருக்கும் நோய் எதிர்ப்பு சக்தியை முழுமையாக அழித்துவிடுகிறது. இதனால் நோய் எதிர்ப்பு ஆற்றல் இல்லாத காரணத்தால் காசநோய், புற்றுநோய், மூளைக்காய்ச்சல், கட்டுப்படாத வயிற்றுப்போக்கு போன்ற பல நோய்களுக்கு உட்பட்டு மனிதன் மரணத்திற்கு தள்ளப்படுகிறான்.

எய்ட்ஸ் நோயின் அறிகுறிகள் :

                 உடல் எடை மிக வேகமாக குறைதல், ஒரு மாதத்திற்கு மேலாக காய்ச்சல், ஒரு மாதத்திற்கு மேல் நீடிக்கும் இருமல், ஒரு மாதத்திற்குமேல் தொடர்ந்து வயிற்றுப்போக்கு, உடல் அரிப்புடன் கூடிய தோல்வியாதி ஆகியவை ஆகும். இத்தொற்றுநோயை அறிய இரத்தப்பரிசோதனை செய்வதே சிறந்த வழியாகும்.

எய்ட்ஸ் நோய் பரவும் விதம் :

             எய்ட்ஸ் நோய்க்கான கிருமி, உடலில் உள்ள இரத்தம், ஆண் விந்து, பெண் உறுப்பு திரவம் மற்றும் இந்நோயினால் பாதித்த தாயின் தாய்ப்பால் ஆகிய இடங்களில் அதிகமாக வாழ்கிறது. எனவே இந்நோய் கீழ்க்கண்ட விதங்களில் பரவுகிறது.

1. உடல் உறவு கொள்ளும் இருவரில் யாரேனும் ஒருவர் எய்ட்ஸ் வைரஸால் பாதிக்கப்பட்டிருக்கும்போது "வஞ்சகம் வாழ்வை கெடுக்கும்"
2. எய்ட்ஸ் வைரஉள்ளவருக்கு பயன்படுத்தப்பட்ட ஊசி மருந்து, ஊசி குழல் சரியாக சுத்தம் செய்யப்படாமல் மற்றவருக்கு பயன்படுத்தும்போது
3. இக்கிருமி உள்ளவர் இரத்தத்தை பிறருக்கு செலுத்தும்போது
4. இவ்வைரஉள்ள தாயிடமிருந்து கருவில் உள்ள குழந்தைக்கு எய்ட்ஸ் ஏற்பட்டுவிட்டால் இன்று அதற்கான சிகிச்சை கிடையாது / மருந்து கிடையாது.

              மேலும் எய்ட்ஸ் வராமல் தடுக்க தடுப்பூசி கிடையாது. எனவே ஒவ்வொருவரும் பொறுப்புணர்ச்சியுடன் நடந்து, எய்ட்நோயிலிருந்து தங்களையும் பாதுகாத்து, பிறருக்கும் பாதுகாப்பு வழிமுறைகளையும் எடுத்துச் சொல்லி எய்ட்மனித சமுதாயத்திற்கு தந்துள்ள சவாலை எதிர்கொள்ளவேண்டும்.

நோய் தொற்றக்கூடிய அபாயமுள்ளவர்கள் :

1. பால்வினை நோய்க்கு ஆளானவர்கள்
2. பிறப்பு உறுப்பில் புண்களை உடையவர்கள்,
3. பல்வேறு நபர்களோடு உடலுறவு கொள்பவர்கள், 
4. பாதுகாப்பற்ற முறையில் உடலுறவு கொள்பவர்கள், 
5. போதை பொருட்களை உபயோகிப்பவர்கள்

எய்ட்ஸ் நோய் வராமல் தடுப்பது எப்படி ?

1. ஒருவனுக்கு ஒருத்தி என்ற சித்தாந்தத்தில் வாழ்வது, 2. தகாத உடலுறவு கொள்வதை தவிர்ப்பது, 3. தொற்று நீக்கம் செய்யப்பட்ட ஊசி மற்றும் ஊசி குழல்களை பயன்படுத்துதல், 4. இரத்த தானம் பெறும்போது எய்ட்ஸ் பரிசோதனை செய்யப்பட்ட இரத்தத்தை தானமாக பெறுவது

எய்ட்ஸ் நோய் எதனால் பரவாது ?

1. எச்.ஐ.வி.பாதித்த நபருடன் கை குலுக்குவதால், 
2. காற்று, நீர் போன்றவற்றால்,
3. கொசு மூலம், 
4. இந்நோய் உள்ளவர்களுடன் சேர்ந்து விளையாடுவதால்

ஒருங்கிணைந்த ஆற்றுப்படுத்துதல் மற்றும் பரிசோதனை மையம் :

நம் மாநிலத்தில் உள்ள அனைத்து அரசு மருத்துவமனைகளிலும், ஆரம்ப சுகாதார நிலையங்களிலும் மற்றும் தனியார் மருத்துவமனைகளிலும் இம்மையங்கள் செயல்பட்டு வருகின்றன. இங்கு ஆற்றுப்படுத்துதலும், இரத்தப்பரிசோதனையும் இலவசமாக செய்யப்படுகிறது. ஆலோசனை விவரங்களும், பரிசோதனை முடிவுகளும் இரகசியமாக பாதுகாக்கப்படும். பரிசோதனை முடிவில் எச்.ஐ.வி. உள்ளவர்கள் என்று தெரியவந்தால் ஆற்றுப்படுத்துதலும், அவர்கள் தொடர் சிகிச்சைக்கும் பரிந்துரைக்கப்படுவார்கள்.

எச்.ஐ.வி.உள்ள கர்ப்பிணிப் பெண் எச்.ஐ.வி.இல்லாத குழந்தையைப் பெற முடியுமா? முடியும்.

              கர்ப்பிணிப் பெண் பிரசவ வலி ஏற்பட்டவுடன் நெவிரப்பின் என்ற மாத்திரை கொடுப்பதாலும், குழந்தை பிறந்தவுடன் குழந்தை எடைக்கு தகுந்தாற்போல் ஒரு கிலோவிற்கு 2.மி.கி. நெவிரப்பின் மருந்து கொடுப்பதாலும் தாயிடமிருந்து குழந்தைக்கு எச்.ஐ.வி.பரவுவதை தடுக்க முடியும். இந்த வசதி அனைத்து அரசு மருத்துவனைகளிலும், ஆரம்ப சுகாதார நிலையங்களிலும் உள்ளது. இங்கு இவர்களுக்கு எச்.ஐ.வி.இல்லாத குழந்தையை பெற்றெடுக்க ஆலோசனையும், மருத்துவமும் இலவசமாக வழங்கப்படுகிறது. எனவே மக்கள் அனைவரும் இந்நோய் பற்றி உணர்ந்து விழிப்புணர்வோடு செயல்படவேண்டும். 

 

தமிழக அரசின் எய்ட்ஸ் நோய் தடுப்பு பற்றிய இணையத்தளம்

http://tansacs.in/

 

இந்திய அரசின் எய்ட்ஸ் நோய் தடுப்பு பற்றிய இணையத்தளம்

 

http://www.nacoonline.org/NACO

 

 

 

 

 

 

 

 

 

Read more »

காசநோயுடன் எய்ட்சையும் குணப்படுத்தும் 'டிரான்சிட்மைசின்' புதிய மருந்து: மத்திய காசநோய் ஆராய்ச்சி மையம் கண்டுபிடிப்பு

     
               காசநோயுடன் எய்ட்சையும் சேர்த்து குணப்படுத்தும் `டிரான்சிட்மைசின்' என்ற புதிய மருந்தை சென்னையில் உள்ள மத்திய காசநோய் ஆராய்ச்சி மையம் கண்டுபிடித்துள்ளது.

இதுகுறித்து மத்திய காசநோய் ஆராய்ச்சி மையத்தின் இயக்குனர் (பொறுப்பு) டாக்டர் அலயம்மா தாமஸ், பாக்டீரியாலஜி துறையின் தலைவர் டாக்டர் வனஜா குமார் ஆகியோர் நேற்று பேட்டி அளித்தனர்.

            "மனித இனம் தொடங்கிய காலத்தில் இருந்தே டி.பி. எனப்படும் காசநோயும் இருந்து வருகிறது. ஆரம்ப காலத்தில் காசநோய்க்கு மருந்து இல்லாததால் மொத்தம் மொத்தமாக பலர் உயிரிழந்தனர். 1940-களில்தான் இதற்கு மருந்து கண்டுபிடிக்கப்பட்டது. ஸ்ட்ரெப்டோமைசீன்தான் முதல் மருந்து ஆகும். அதைத்தொடர்ந்து, கடந்த 50 ஆண்டு காலமாக பி.ஏ.எஸ், ஐசனோசைன், ரியம்பசைன் என அடுத்தடுத்து புதிய மருந்துகள் கண்டுபிடிக்கப்பட்டன. இந்த மருந்துகளை அதிகளவில் கொடுத்தால்தான் நோய் குணமாகும் என்ற நிலை இருந்தது. நாட்கள் செல்லச்செல்ல காசநோய் கிருமியும் இந்த மருந்துகளுக்கு எதிர்ப்பு காட்ட ஆரம்பித்தது. காசநோய்க்கு நீண்ட காலமாக புதிய மருந்துகள் ஏதும் கண்டுபிடிக்கப்படாமல் இருந்து வந்தது.

              இந்த நிலையில், புதிய மருந்தை கண்டுபிடிக்க எங்கள் ஆராய்ச்சி மையம், மத்திய அறிவியல் மற்றும் தொழில்நுட்பத்துறையின் நிதி உதவியுடன் 2007-ம் ஆண்டு ஆய்வில் இறங்கியது.  இந்த ஆராய்ச்சியில் எங்களுடன் சேலம் பெரியார் பல்கலைக்கழக பேராசிரியர் ஆர்.பாலகுருநாதன், சென்னை ஐ.ஐ.டி. பேராசிரியர் முகேஷ் டோப்லே ஆகியோரும் இணைந்து செயல்பட்டார்கள். ராமேசுவரம் கடல்பகுதியில் உள்ள பவளப்பாறைகளில் இருந்து எடுக்கப்பட்ட ஸ்டெரப்டோமைசீஸ் என்ற நுண்ணுயிரியை தேர்வு செய்து ஆய்வு செய்தோம்.

                4 ஆண்டு கால ஆய்வின் பயனாக அந்த நுண்ணுயிரியில் இருந்து டிரான்சிட்மைசீன் என்ற மருந்தை கண்டுபிடித்தோம். இந்த மருந்து, காசநோய் கிருமியை கட்டுப்படுத்தும் ஆற்றல் கொண்டது. அதோடு எய்ட்ஸ் நோயையும் குணமாக்கும் சக்தி படைத்தது. உலகிலேயே காசநோயையும் எய்ட்சையும் ஒரேநேரத்தில் கட்டுப்படுத்தக்கூடிய முதல் நோய்க்கொல்லி மருந்து இதுவாகத்தான் இருக்கும். இந்த மருந்து விஷம் குறைந்தது. குறைந்த பக்கவிளைவுகளை ஏற்படுத்தக்கூடியது. அதேநேரத்தில் மருந்து வீரியத்துடன் செயல்படும். நோய் வராமல் முன்கூட்டியே தடுக்கவும் இதை பயன்படுத்தலாம்.

                 தற்போது ஆய்வு பணி முடிவடைந்துள்ளது. அடுத்த கட்டமாக மருத்துவ பரிசோதனைக்குப் பிறகு முதலில் மிருகங்களுக்கு கொடுத்து சோதித்துப் பார்க்க வேண்டும். அதைத்தொடர்ந்து, மனிதர்களுக்கு 3 நிலைகளில் பரிசோதனை செய்ய வேண்டும். அனைத்தும் வெற்றிகரமாக அமைந்த பிறகே இந்த மருந்து பயன்பாட்டுக்கு வரும். இதற்கு குறைந்தபட்சம் 10 ஆண்டுகள் ஆகலாம். மருந்து தயாரிப்புக்கு நிதிதான் மிகப்பெரிய பிரச்சினையாக உள்ளது. சுமார் 300 கோடி அளவுக்கு நிதி உதவி கிடைத்தால் போதும். உடனடியாக பணிகளை தொடங்கிவிடலாம். இதுதொடர்பாக தனியார் மருந்து தயாரிப்பு நிறுவனங்களின் உதவியை நாடவும் திட்டமிட்டுள்ளோம்’’ என்று கூறினார்கள்.

Read more »

கடலூர் மாவட்டத்தில் 437 பேருக்கு எய்ட்ஸ் தாக்குதல்: கலெக்டர் தகவல்

கடலூர் : 

                  கடலூர் மாவட்டத் தில் எச்.ஐ.வி., - எய்ட்ஸ் குறித்த விழிப்புணர்வு ஏற்படுத்தும் வகையில் தில்லுதுர பிரசார வாகன கலைக்குழு பயணம் நேற்று கடலூர் அரசு மருத்துவமனையில் இருந்து துவங்கியது.

                   நிகழ்ச்சிக்கு நலப்பணிகள் இணை இயக்குனர் ஜெயவீரக்குமார் தலைமை தாங்கினார். எய்ட்ஸ் கட்டுப்பாட்டு மைய மாவட்ட திட்ட மேலாளர் கலைமதி வரவேற்றார். வாகன பிரசார விழிப்புணர்வு கலைக் குழு பயணத்தை கலெக்டர் சீத்தாராமன் துவக்கி வைத்தார்.

பின்னர் கலெக்டர் சீத்தாராமன் கூறியதாவது: 

                        மாவட்டத்தில் எச்.ஐ. வி., எய்ட்ஸ் விழிப்புணர்வு பிரசாரம் துவங்கப்பட்டுள்ளது. இக்குழுவினர் அனைத்து பகுதிகளிலும் எய்ட்ஸ் குறித்து விழிப்புணர்வு ஏற்படுத்த உள்ளனர். கடந்தாண்டு மாவட் டத்தில் எச்.ஐ.வி., எய்ட்ஸ் பரிசோதனை செய்த 48 ஆயிரத்து 967 பேரில் 437 பேருக்கு எச்.ஐ.வி., எய்ட்ஸ் பாதிப்பு உள்ளது கண்டறியப்பட்டுள்ளது. இவர் கள் ஆலோசனை மையங்களில் இலவச பரிசோதனை மற்றும் ஆலோசனை பெற்று பயன்பெற வேண்டும் என்றார்.

Share
|

Read more »