அண்ணாகிராமம் ஒன்றியத்திற்கு வறட்சி நிதி கிடைக்கவில்லை : ஒன்றிய கூட்டத்தில் வருத்தம்

பண்ருட்டி : 

          அண்ணாகிராமத்திற்கு மட்டும் வறட்சி நிதி கிடைக்கவில்லை என ஒன்றிய கவுன்சிலர் கூட்டத்தில் துணை சேர்மன் பேசினார்.
 

              அண்ணாகிராமம் ஊராட்சி ஒன்றிய கவுன்சிலர்களின் இயல்புகூட்டம்  நடந்தது. சேர்மன் கவுரி தலைமை தாங்கினார்.  பி.டி.ஓ.,க்கள் தமிழரசி, மனோகரன், ஒன்றிய துணை சேர்மன் சம்மந்தம் முன்னிலை வகித்தனர். 

கூட்டத்தில் நடந்த விவாதம் வருமாறு:

அன்பழகன் (அ.தி.மு.க.,): 

             ஒவ்வொரு ஊராட்சிக்கும் அமரர் ஊர்தி வண்டி வழங்குவது கிடப்பில் உள்ளது.
 

பி.டி.ஓ., மனோகரன்: 

             42 ஊராட்சிக்கும் வண்டி வாங்குவதற்கு ஒப்பந்தபுள்ளி கோரப்பட்டுள்ளது. முடிந்தவுடன் அனுமதி பெற்று வாங் கப்படும்.
 

வீரமணி (அ.தி.மு.க.,): 

            பூண்டி ஏரிப் பகுதியில் இருந்து கள்ளிப் பட்டு குச்சிப்பாளையம் வரையிலான சாலை குண்டும் குழியுமாக உள்ளது. இந்த சாலை சீரமைக்கப்படாமல் அப்படியே உள்ளது.
 

துணை சேர்மன் சம்மந்தம்: 

              மாவட்டத்தில் எல்லா ஒன்றியத்திற்கும் வறட்சி நிதி உள்ளது. ஆனால் அண்ணாகிராம ஒன்றியத்திற்கு மட்டும்  நிதி கிடைக்கவில்லை. கூட்ட அரங்கில் மைக் வசதி ஏற்படுத்தித்  தரவேண்டும்.
 

சிவகாமி (அ.தி.மு.க.,): 

            ஏ.பி.குப்பம் பகுதியில் குடிநீர் போர் வெல் இல்லாமல் குடிநீருக்கு பொதுமக்கள் அல்லாடி வருகின்றனர்.
 

பி.டி.ஓ., தமிழரசி: 

                 போர்வெல் போட பணிகள் துவங்கப்பட உள்ளது. இவ்வாறு கூட்டத்தில் கவுன்சிலர்கள் விவாதம் நடந்தது. கூட்டத்தில் வேளாண்மை அலுவலர் சந்திராசு, தோட்டக்கலை உதவி அலுவலர் ராமசந்திரன் உள்ளிட் டோர் பங்கேற்றனர்.

Read more »

பண்ருட்டி அருகே கோஷ்டி மோதல்: 19 பேர் மீது வழக்கு

பண்ருட்டி : 

             கோஷ்டி மோதலில் 19 பேர் மீது போலீசார் வழக்குப் பதிந்து இருவரை கைது செய்தனர்.
 

                  பண்ருட்டி அடுத்த ப.புதூர் பகுதியைச் சேர்ந் தவர் செல்வம். இவரிடம் அதே பகுதியைச் சேர்ந்த சஞ்சய்காந்தி கடந்த 10 நாட் களுக்கு முன் மினி வேன் வாடகைக்கு எடுத்துச் சென்றார். அதற்கான பணத்தை நேற்று முன்தினம் செல்வத்திடம் கொடுக்கும் போது வாடகை அதிகமாக இருப்பதாக கூறினார். இதனால் இருவருக்கும் வாக்குவாதம் ஏற்பட்டது. அப்போது அங்கு வந்த லட்சுமணன், செல்வத் திற்கு  ஆதரவாக பேசியதால்  இருதரப்பினரும் தாக்கிக் கொண்டனர். இதில் லட்சுமணன், சிவபெருமான் உட்பட 6 பேர் படுகாயமடைந்தனர். குறித்து இரு தரப்பினர் கொடுத்த புகாரின் பேரில் 19 பேர் மீது வழக்குப் பதிந்து சஞ்சய்காந்தி (33) தவபாலன் (33) ஆகியோரை கைது செய்தனர்.

Read more »

கடலூர் மத்திய சிறையில் கைதியிடம் சிம் கார்டு பறிமுதல்

கடலூர் : 

 

           கடலூர் மத்திய சிறையில், நெய்வேலி கோர்ட்டிற்கு சென்று திரும்பிய கைதியிடமிருந்து இரண்டு சிம் கார்டுகளை, சிறை போலீசார் கைப்பற்றினர்.

              நெய்வேலி அடுத்த தென்புதூர் வானதிராயபுரத்தைச் சேர்ந்தவர் ஆறுமுகம். இவரது மகன் ஆனந் தன்(28). இவர், கடந்த சில மாதங்களுக்கு முன், நெய்வேலி டவுன்ஷிப் பகுதியில் கொலை மிரட்டல் வழக்கில் கைது செய்யப்பட்டு, கடலூர் மத்திய சிறையில் விசாரணை கைதியாக அடைக்கப்பட்டுள்ளார். நேற்று முன்தினம் வழக்கு விசாரணைக்காக ஆனந்தனை, கடலூர் மத்திய சிறையிலிருந்து போலீசார் நெய்வேலி கோர்ட்டிற்கு அழைத்துச் சென்றனர். விசாரணை முடித்து ஆனந்தனை இரவு மீண்டும் சிறையில் ஒப்படைத்தனர்.
 

              அப்போது, சிறை நுழைவாயிலிலிருந்த சிறைத் துறை போலீசார், ஆனந்தனை சோதனை செய்தபோது அவர் மறைத்து வைத்திருந்த இரண்டு சிம் கார்டுகளை கைப்பற்றினர். இது குறித்து கடலூர் மத்திய சிறை அலுவலர் வேணுகோபால் (பொறுப்பு) கொடுத்த புகாரின் பேரில், கடலூர் முதுநகர் போலீசார் வழக்கு பதிந்து விசாரணை நடத்தி வருகின்றனர்.

Read more »