உங்கள் கருத்துக்களை இங்கே

இன்றைய செய்திகள்:

கடலூர் மாவட்ட செய்திகள்




வெள்ளி, அக்டோபர் 15, 2010

கடலூர் மாவட்டத்தில் பள்ளிகளுக்கு பராமரிப்பு மானியம் ரூ 17 லட்சம்

சிதம்பரம்:

                        அனைவருக்கும் கல்வி இயக்கம் சார்பில் குமராட்சி வட்டார வள மையம் மூலம் 2010-11-ம் கல்வியாண்டுக்கு குமராட்சி ஒன்றியத்திற்குட்பட்ட பள்ளிகளுக்கு பராமரிப்பு மானியத் தொகை வழங்கப்பட்டுள்ளது என வட்டார வள மைய மேற்பார்வையாளர் தெரிவித்துள்ளார்.

                    86 தொடக்கப் பள்ளிகளுக்கு பள்ளி மானியம் ரூ 5ஆயிரம் வீதமும், 31 நடுநிலைப்பள்ளிகளுக்குரூ 12ஆயிரம் வீதமும், 19 அரசினர் உயர் மற்றும் மேல்நிலைப் பள்ளிகளுக்கு ரூ 7 ஆயிரம் வீதமும், ஆக மொத்தம் ரூ 9 லட்சத்து 35 ஆயிரம், பள்ளிகளுக்கு மானியமாக வழங்கப்பட்டுள்ளது.மேலும் 46 தொடக்கப் பள்ளிகளுக்கு பள்ளி பரமாரிப்பு மானியம் ரூ 5ஆயிரம் வீதமும், 55 நடுநிலை, உயர் மற்றும் மேல்நிலைப் பள்ளிகளுக்கு ரூ 10ஆயிரம் வீதமும், ஆக மொத்தம் ரூ 7 லட்சத்து 80 ஆயிரம் வழங்கப்பட்டுள்ளது.மேலும் சிறப்பு கிராமக் கல்விக் குழு நாள் கொண்டாட 136 பள்ளிகளுக்கு ரூ 300 வீதம், ரூ 40 ஆயிரத்து 800 வழங்கப்பட்டுள்ளது.

                        குமராட்சி ஒன்றியத்தில் மட்டும் பள்ளி மானியம், பள்ளி பராமரிப்பு மானியம் உள்ளிட்டவைக்கு மொத்தமாக ரூ 17 லட்சத்து 55 ஆயிரத்து 800 வழங்கப்பட்டுள்ளது.

Read more »

கடலூர் மாவட்டத்தில் மாற்றுத் திறனாளிகளுக்கு தொழிற்பயிற்சி: தொண்டு நிறுவனங்களுக்கு அழைப்பு

கடலூர்:

                மாற்றுத் திறனாளிகளுக்கு தொழில் பயிற்சி அளிக்க தகுதி உள்ள தொண்டு நிறுவனங்கள் விண்ணப்பிக்கலாம் என்று மாவட்ட ஆட்சியர் பெ.சீதாராமன் அறிவித்து உள்ளார்.

கடலூர் மாவட்ட ஆட்சியர் புதன்கிழமை வெளியிட்ட செய்திக் குறிப்பு:

                    மாற்றுத் திறனாளிகளுக்கு தங்கும் விடுதியுடன் கூடிய தொழிற்பயிற்சி மையம் நடத்துவதற்கு, தொண்டு நிறுவனங்களிடம் இருந்து விண்ணப்பங்கள் வரவேற்கப்படுகின்றன. தேர்வு செய்யப்படும் தொண்டு நிறுவனங்களின் பயிற்சி மையத்தில் 25 மாற்றுத் திறனாளிகளுக்கு உணவு, உறைவிடம், பயிற்சி இலவசமாக அளிக்கப்படும். விண்ணப்பிக்கும் தொண்டு நிறுவனங்கள், ஊனமுற்றோர் சட்டம் 1995 பிரிவு 52ன் கீழ் புதுப்பிக்கப்பட்டு இருக்க வேண்டும். 

                   பயிற்சியில் சேரும் மாற்றுத் திறனாளிகள் 16 முதல் 30 வயதுக்கு உள்பட்டவர்களாக இருப்பர். தகுதி உள்ள தொண்டு நிறுவனங்கள் மாற்றுத் திறனாளிகள் நல அலுவலரிடம் விண்ணப்பப் படிவங்களைப் பெற்று சமர்ப்பிக்குமாறு கேட்டுக்கொள்ளப்படுகிறார்கள் என்றும் செய்திக் குறிப்பு தெரிவிக்கிறது.

Read more »

கடலூரில் ஆய்வுக் கட்டுரை சமர்ப்பித்த பெரியார் கலைக் கல்லூரி மாணவர்களுக்குப் பாராட்டு

கடலூர்:

                  ஆய்வுக் கட்டுரை சமர்ப்பித்த கடலூர் அரசுக் கல்லூரி மாணவர்கள், புதன்கிழமை கல்லூரியில் நடந்த நிகழ்ச்சியில் பாராட்டப்பட்டனர்.

                  பொள்ளாச்சி எம்.ஜி.எம். கல்லூரியில், தமிழக வரலாற்றுப் பேரவை 17-வது ஆண்டுக் கூட்டம் அண்மையில் நடைபெற்றது. இக்கூட்டத்தில் கடலூர் பெரியார் அரசு கலைக் கல்லூரி வரலாற்றுத் துறை 3-ம் ஆண்டு மாணவர்கள், ஆய்வுக் கட்டுரைகளை சமர்ப்பித்தனர். திருநாவலூர் திருத்தொண்டீஸ்வரர் கோயில் சிற்பக்கலை, திருப்பாப்புலியூர் பாடலீஸ்வரர் கோயில்- வரலாற்றுப் பார்வை, திருவந்திபுரம் தேவநாதசாமி கோயில் கல்வெட்டுகள், வள்ளலாரின் வாழ்க்கை, நெய்வேலி பழுப்பு நிலக்கரி நிறுவனம்- சுற்றுச்சூழல் பாதுகாப்புடன் வளர்ச்சி ஆகிய தலைப்புகளில் மாணவர்கள் ஆய்வுக் கட்டுரைகளைச் சமர்ப்பித்தனர். கூட்டத்தின்போது இந்த ஆய்வுக் கட்டுரைகள் வெகுவாகப் பாராட்டப்பட்டன. 

                        கல்லூரி வரலாற்றுத் துறை தலைவர் காந்திமதியின் வழிகாட்டுதல்படி, அத்துறை பேராசிரியர்கள் விஜயலட்சுமி, நா.சேதுராமன் ஆகியோர், மாணவர்களைத் தயார் செய்து, பொள்ளாச்சி வரலாற்றுப் பேரவை கூட்டத்துக்கு அழைத்துச் சென்று இருந்தனர். ஆய்வுக் கட்டுரைகளை சமர்ப்பித்த மாணவர்கள் மற்றும் அவர்களுக்கு வழிகாட்டிய பேராசிரியர்களை கல்லூரியில் புதன்கிழமை நடந்த நிகழ்ச்சியில், முதல்வர் ரங்கநாதன் பாராட்டி சான்றிதழ்களை வழங்கினார்.

Read more »

நண்பர்களோடு பகிர்ந்து கொள்ள

Country wise Vistior