பிளஸ் 2 தேர்வு முடிவுகளை அறிவதற்கான இணையதளங்களின் முகவரிகள்

பன்னிரெண்டாம் வகுப்பு தேர்வு முடிவுகளை அறிவதற்கான இணையதளங்களின் முகவரிகள்

                                          

http://www.pallikalvi.in/

http://tnresults.nic.in/

http//dge1.tn.nic.in  

http://dge2.tn.nic.in 

http://www.collegesintamilnadu.com   

http://www.dinamalar.com   

http://www.maalaimalar.com   

http://www.patashala.com  

http://www.randominfotech.com

http://www.webulagam.com 

http://www.squarebrothers.com  

http://results.sify.com  

http://results.tamilnadueducation.net/ 

http://www.madrastimes.com  

http://www.galatta.com 

http://tamil.webdunia.com/

                                     

Read more »

நான்கு ஆண்டு பி.எட். படிப்பு: அமைச்சர் க. பொன்முடி

         நான்கு ஆண்டு பி.எட். படிப்பை தமிழகத்தில் அமல்படுத்துவது குறித்து  பரிசீலித்து வருவதாக உயர்கல்வித் துறை அமைச்சர் க. பொன்முடி தெரிவித்தார்.சட்டப் பேரவையில் புதன்கிழமை நடைபெற்ற கேள்வி நேரத்தின் போது அரசு ஆசிரியர் பயிற்சிப் பள்ளி தொடங்குவது குறித்து கேள்வி எழுப்பப்பட்டது. அப்போது, ""காங்கிரஸ் உறுப்பினர் பீட்டர் அல்போன்ஸ் துணைக் கேள்வி எழுப்பினார். 

 

            "கல்வியைப் பெறுவது அடிப்படை உரிமை' என்ற சட்டத்தை மத்திய அரசு நிறைவேற்றும் போது, 8 லட்சம் ஆசிரியர்கள் தேவை என்றும், இதனால் ஆசிரியர்களுக்கு பற்றாக்குறை ஏற்படும் எனவும் தெரிகிறது. தமிழகத்தில் ஆசிரியர் பற்றாக்குறையைச் சமாளிக்க அரசு எத்தகைய முயற்சி எடுத்து வருகிறது'' என்றார்.

 

இதற்கு பள்ளிக் கல்வித் துறை அமைச்சர் தங்கம் தென்னரசு அளித்த பதில்:

 

             தமிழகத்தில் அரசு மற்றும் தனியார் ஆசிரியர் பயிற்சி பள்ளிகளின் எண்ணிக்கை 756 ஆக உள்ளது. இந்தப் பள்ளிகளில் படித்து ஆண்டுதோறும் வெளியேறும் மாணவர்களின் எண்ணிக்கை ஒரு லட்சத்து 13 ஆயிரமாக உள்ளது. அவர்கள் வேலைவாய்ப்பு அலுவலகத்தில் பதிவு செய்து வருகின்றனர். தமிழகத்தில் ஆசிரியர் பட்டப் படிப்பு முடித்தவர்கள் அதிகளவு உள்ளனர். நடுநிலைப் பள்ளிகளில் கூட பி.எட். படிப்பு முடித்தவர்கள் நியமிக்கப்பட்டு வருகின்றனர். எனவே, கல்வியைப் பெறுவதற்கான உரிமை என்ற சட்டம் அமலாகும் போது, தமிழகத்தில் தேவையான அளவுக்கு அதிகமாகவே ஆசிரியர்கள் இருப்பார்கள் என்றார்.அப்போது, குறுக்கிட்ட உயர்கல்வித் துறை அமைச்சர் க.பொன்முடி, ""இப்போது பட்டப்படிப்பு முடித்ததும் ஓராண்டு பி.எட். படிப்பு நடைமுறையில் உள்ளது. இதனுடன், பிளஸ் டூ படிப்புக்குப் பிறகு நான்கு ஆண்டு பி.எட். படிப்பை அமல்படுத்துவது குறித்து ஆலோசிக்கப்பட்டு வருகிறது'' என்றார்.

Read more »

கணவனால் கைவிடப்பட்ட பெண்கள் ரேஷன் அட்டை பெறுவது எப்படி?

              கணவனால் கைவிடப்பட்ட பெண்கள் ரேஷன் அட்டை பெறுவது எப்படி என்பது குறித்து உணவுத் துறை அமைச்சர் எ.வ.வேலு விளக்கம் அளித்தார். 

 

சட்டப் பேரவையில் புதன்கிழமை கேள்வி நேரத்தின் போது திமுக உறுப்பினர் இரா.ராஜேந்திரன் எழுப்பிய கேள்விக்கு அவர் அளித்த பதில்:

 

                 கணவனால் கைவிடப்பட்ட பெண்கள் என்று ஒருபகுதியும், கணவனால் முறையாக விவகாரத்துச் செய்யப்பட்ட பெண்கள் என இரண்டு வகைப் பிரிவினருக்கும் ரேஷன் அட்டை வழங்க பரிசீலிக்கப்பட்டது. அதில், கணவனால் கைவிடப்பட்ட பெண்களின் கணவர் குடும்பம் எந்த முகவரியில் வசிக்கிறார் என்ற முகவரியுடன் விண்ணப்பிக்க வேண்டும்.அந்த முகவரிக்குச் சென்று விவரங்களை அறிந்து அதன்மூலமாக நீக்கல் சான்றுகள் துறையின் சார்பாகவே பெறப்படும். அதன்பின்பு, கணவனால் கைவிடப்பட்ட பெண்கள் தனியாக இருந்தால் தனி அட்டையாகவும், குடும்பத்தோடு பெற்றோர்களுடன் இருந்தால் அந்த அட்டையிலே இணைத்து ரேஷன் அட்டைகள் வழங்கப்படுகிறது. விவாகரத்து செய்திருக்கின்ற பெண்களுக்கு நீதிமன்றத்தின் மூலமாகப் பெறப்பட்ட உத்தரவு நீக்கல் சான்றாகக் கருதப்படும். அதையே வைத்து அந்தக் குடும்ப அட்டைகள் வழங்கப்பட்டு வருகின்றன.தமிழகம் முழுவதும் இதுவரை 991 திருநங்கைகளுக்கு ரேஷன் அட்டைகள் வழங்கப்பட்டு இருக்கின்றன. அடுத்த 10 தினங்களில் மேலும் 16 பேருக்கு வழங்கப்பட உள்ளன. 9 பேருக்கு பரிசீலனையில் உள்ளது.காதல் திருமணம்: காதல் மற்றும் கலப்புத் திருமணங்கள் புரிந்தோருக்கு சம்பந்தப்பட்ட குடும்பங்களில் இருந்து நீக்கல் சான்று பெறுவதில் சிரமம் ஏற்பட வாய்ப்புண்டு. அப்படிப்பட்டவர்களுக்கு விதிகள் தளர்த்தப்பட்டு பெற்றோர் ரேஷன் அட்டையின் நகல் அல்லது ரேஷன் அட்டை எண், அங்காடிக் குறியீட்டு எண், பெற்றோர் பெயர்,ரேஷன் அட்டையின் முகவரி, பெற்றோர்கள் குடியிருக்கின்ற முகவரி, திருமணப் பதிவுச் சான்று அளிக்க வேண்டும். இவற்றை விண்ணப்பத்துடன் இணைத்துத் தர வேண்டும். விண்ணப்பதாரர்களுக்கு அவர்கள் தங்குகிற இடங்களுக்குச் சென்று விசாரணை செய்யப்பட்டு உரியவர்களுக்கு 60 நாளில் அட்டை வழங்கப்படும் என்றார் எ.வ.வேலு.

Read more »