இடைமறித்து தாக்கும் இந்திய ஏவுகணைச் சோதனை வெற்றி

பலாசூர்:

 

            எதிரி ஏவுகணையை இடைமறித்துத் தாக்கும் திறன்வாய்ந்த, உள்நாட்டிலேயே வடிவமைக்கப்பட்ட அதிநவீன வான்வழி பாதுகாப்பு ஏவுகணை  வெற்றிகரமாக பரிசோதிக்கப்பட்டது. ஒரிசா கடற்கரைக்கு அப்பால் வீலர் தீவுப் பகுதியில் இந்த பரிசோதனை நடந்தது. முதலில் சந்திப்பூர் ஏவுதளத்திலிருந்து காலை 10 மணியளவில் பிருத்வி ஏவுகணை நடமாடும் வாகனம் மூலம் ஏவப்பட்டது. இதைத்தொடர்ந்து வீலர் தீவில் நிலைநிறுத்தப்பட்டிருந்த வான்வழி பாதுகாப்பு (ஏஏடி) ஏவுகணை, சிலநிமிடங்களில் ராடார்கள் மூலமாக சிக்னல்களைப் பெற்று பிருத்வி ஏவுகணையை நடுவானில் இடைமறித்து தாக்கியதாக பாதுகாப்புத்துறை வட்டாரங்கள் தெரிவித்தன.

Read more »

வரும் கல்வியாண்டு முதல் 4 ஆண்டு பி.எட். படிப்பு அறிமுகம்

             தமிழகத்தில் வரும் கல்வியாண்டு முதல் 4 ஆண்டு பி.எட். படிப்பு அறிமுகப்படுத்தப்படும் என தமிழ்நாடு ஆசிரியர் கல்வி பல்கலைக்கழக துணைவேந்தர் பத்மநாபன் கூறினார். தமிழ்நாட்டில் ஆசிரியர் கல்வி பல்கலைக்கழகத்தின் மூலம் வரும் கல்வியாண்டில் இருந்து 4 ஆண்டு பி.எட். பட்டப் படிப்பு அறிமுகப்படுத்தப்பட உள்ளது. இது பி.ஏ, பி.எட் அல்லது பி.எஸ்.சி., பி.எட் என வழங்கப்படும்.  3 ஆண்டு படித்தவுடன் பி.ஏ. அல்லது பி.எஸ்.சி. பட்டம் மட்டும் கொடுக்க முடியாது. 4 ஆண்டும் கல்வியியல் பாடங்கள் இடம்பெறும் வகையில் இப்படிப்பு உருவாக்கப்பட்டுள்ளது. இந்த 4 ஆண்டு பி.எட் வந்தாலும், ஒரு ஆண்டு பி.எட். படிப்பும் தொடரும் என்றார் அவர்.

Read more »

ஆங்கில ஆசிரியர் தேர்வு பட்டியல் இன்று வெளியீடு

            அரசு பள்ளிகளுக்கான ஆங்கில ஆசிரியர்களின் தேர்வு பட்டியல் இன்று வெளியிடப்படுகிறது. 

           அரசு பள்ளிகளில் தமிழ், ஆங்கிலம், கணிதம் என அனைத்து பாடங்களிலும் சுமார் 6,300 காலிப் பணியிடங்கள் உள்ளன. இவற்றை நிரப்புவதற்கான பணிகள் ஆசிரியர் தேர்வு வாரியத்தின் மூலம் நடைபெற்று வருகிறது. ஆங்கிலத்தைத் தவிர மற்ற பாடங்களுக்கான ஆசிரியர்களின் தேர்வு பட்டியல்கள் படிப்படியாக அண்மையில் வெளியிடப்பட்டன. தொடக்கப் பள்ளி, உயர் நிலைப் பள்ளிகளுக்கான ஆங்கில ஆசிரியர்களின் தேர்வு பட்டியல் இன்று வெளியிடப்படுகிறது. அதன்படி, தொடக்கப் பள்ளிகளில் 1,303 ஆங்கில ஆசிரியர்கள், உயர்நிலைப் பள்ளிகளில் 322 ஆங்கில ஆசிரியர்கள் என 1,625 பேர் தேர்வு செய்யப்பட்டுள்ளனர்.

Read more »