கடலூர், டிச.12:
மார்க்சிஸ்ட் கம்யூனிஸ்ட் கட்சி கடலூர் வண்டிப்பாளையம் கிளை சார்பில் வண்டிப்பாளையம் கடைத் தெருவில் சனிக்கிழமை ஆர்ப்பாட்டம் நடந்தது.
நகரில் பாதாளச் சாக்கடைத் திட்டப் பணிகள் முடிவுற்ற பகுதிகளில் சாலைகள் அமைக்க வேண்டும், கைத்தறி நெசவுத் தொழிலாளர்களுக்கு 33 சதவீதம் கூலி உயர்வு வழங்க வேண்டும் என்பன உள்ளிட்ட பல கோரிக்கைகளுக்காக இப் போராட்டம் நடந்தது. கிளைச் செயலாளர் பி.முருகேசன் தலைமை தாங்கினார். மாவட்ட செயற்குழு உறுப்பினர் வாலண்டீனா, ஒன்றியச் செயலாளர் மாதவன், நகரச் செயலாளர் சுப்புராயன் உள்ளிட்டோர் கலந்து கொண்டனர்.
