தமிழகம் முழுவதும் 61 அரசு கலைக்கல்லூரிகளில் முதல்வர்கள் இல்லாததால் மாணவர் சேர்க்கை பாதிப்பு

                   தமிழ்நாட்டில் 62 அரசு கலை மற்றும் அறிவியல் கல்லூரிகள் உள்ளன. 7 அரசு கல்வியியல் கல்லூரிகளும் செயல்பட்டு வருகின்றன. இவற்றில் 61 அரசு கலை மற்றும் அறிவியல் கல்லூரிகளில் முதல்வர்கள் இல்லாமல் செயல்படுகிறது.

             கடந்த ஏப்ரல் மாதத்திற்கு முன்பாக 40 முதல்வர் பணியிடங்கள் காலியாக இருந்தன. மே மாதம்இறுதியில் 21 முதல்வர்கள் ஓய்வு பெற்றனர். இதனால் இவற்றின் எண்ணிக்கை 61 ஆக உயர்ந்தது. ஒரே ஒரு அரசு கல்லூரியில் மட்டும்தான் முதல்வர் உள்ளார்.  இதேபோல கல்லூரி கல்வி இயக்குனர் பணியிடம், இணை இயக்குனர் பணியிடம் இரண்டும் காலியாக இருக்கின்றன. 7 கல்வியியல் கல்லூரியிலும் முதல்வர்கள் பணி இடங்கள் காலியாக உள்ளன.   இதுதவிர மண்டல கல்லூரி கல்வி இயக்குனர் பணியிடங்கள் காலியாக இருப்பது தெரியவந்துள்ளது.

               6 மண்டல கல்லூரி கல்வி இயக்குனர் பதவிகளில் 4 இயக்குனர் பணியிடங்கள் காலியாக கிடக்கின்றன. உயல் கல்வி துறையில் உள்ள அரசு கலைக் கல்லூரி களில் முதல்வர்கள் இல்லாததால் மாணவர்கள் சேர்க்கை பாதிக்கப்படுகிறது.  ஒவ்வொரு கல்லூரிகளில் பணியாற்றும் சீனியர்கள் முதல்வர்கள் பொறுப்பை கவனித்து வருகிறார்கள். தற்போது அனைத்து அரசு கலைக் கல்லூரிகளில் மாணவர்கள் சேர்க்கை நடந்து வருகிறது. குறைந்த அளவில் உள்ள இடங்களுக்கு ஆயிரக்கணக்கான மாணவ- மாணவிகள் விண்ணப்பித்துள்ளனர்.

            பி.ஏ.ஆங்கிலம், பி.காம்., பி.எஸ்.சி. பட்டப்படிப்புகளில் சேர மாணவர்கள் அதிக ஆர்வம் காட்டி வரும் வேளையில் அரசு கலைக் கல்லூரிகளில் முதல்வர்கள் இல்லாமல் இருப்பதால் சேர்க்கை பணி பாதிக்கிறது. 

 

 

 

 

 

 

 

1 1

Read more »

விருத்தாசலத்தில் நடிகர் விஜய் பிறந்த நாளில் பிறக்கும் குழந்தைகளுக்கு தங்க மோதிரம்

விருத்தாசலம்:
 

          விருத்தாசலத்தில், விஜய் மக்கள் இயக்கத்தின் நகர இளைஞரணி ஆலோசனை கூட்டம் இளைஞரணி தலைவர் பாபு கணேஷ் தலைமையில் நடைபெற்றது. பொருளாளர் கார்த்திக் அனைவரையும் வரவேற்றார்.

            கூட்டத்தில் நிர்வாகிகள் சத்தியராஜ், அப்துல்அஜிம், வேலய்யன், ஈஸ்வர், சையத் மூசா, போக்கிரி, வாசு, அன்சர்அலி, சக்திவேல் உள்பட பலர் கலந்து கொண்டனர்.

கூட்டத்தில் நிறைவேற்றப்பட்ட தீர்மானங்கள் விவரம் வருமாறு:-   

           மக்கள் இயக்க நிறுவனர் எஸ்.ஏ. சந்திரசேகர், மாநில நிர்வாகி புஸ்சி ஆனந்த் ஆகியோர் வழி காட்டுதலுடன் சமூக பணி ஆற்றுவது.  நடிகர் விஜய்யின் பிறந்த நாளான ஜூன் 22-ந்தேதி ரத்ததானம் வழங்குவதும், ஏழை- எளிய மாணவ- மாணவிகளுக்கு இலவச நோட்டு புத்தகங்கள் வழங்குவதும்,  மேலும் விஜய் பிறந்த நாள் அன்று பிறக்கும் குழந்தைகளுக்கு தங்க மோதிரம் பரிசாக வழங்குவதும் என்பது உள்ளிட்ட பல்வேறு தீர்மானங்கள் நிறைவேற்றப்பட்டன. 

 

 

 

 

Read more »

ராசிபுரத்தில் நெய்வேலி மாணவி தற்கொலை: அனைத்து கட்சி சார்பில் கண்டன ஆர்ப்பாட்டம்

             ராசிபுரம், ம.தி.மு.க நகர செயலாளர் ஜோதிபாசு தலைமையில் கூடிய அனைத்து கட்சி கூட்டத்தில், இந்திய கம்யூனிஸ்ட் கட்சியின் நகர செயலாளர் மணிமாறன், மார்சிஸ்ட் கம்யூனிஸ்ட் கட்சியின் பிரதேச செயலாளர் கந்தசாமி, பா.ம.க மாநில மாணவரணி செயலாளர் நல்வினை விஸ்வராஜ், மனிதநேய மக்கள் கட்சி மாவட்ட தலைவர் ராஜாமுகமது உட்பட சமுக ஆர்வலர்கள் பலரும் கலந்து கொண்டார்கள்.

              ராசிபுரம் அரசு போக்குவரத்து கழக பணிமனை அருகில் இருக்கும் எஸ்.ஆர்.வி ஹை டெக் பள்ளியில் +2 படித்துக் கொண்டிருந்த 17 வயதான மாணவி ரபிதுல் அச்சாரியா (கடலூர் மாவட்டம் நெய்வேலியைச் சேர்ந்த முகமது அலி ஜின்னா மகள்) கடந்த 13.06.2011 அன்று மர்மமான முறையில் தற்கொலை செய்து கொண்டதற்கும் வருத்தம் தெரிவிக்கப்பட்டது. அவரது குடும்பத்தருக்கு இரங்கல் தெரிவிக்கப்பட்டது.

              மாணவியின் தற்கொலைக்கு என்ன காரணம் என்பது பற்றி நீதி விசாரணை வேண்டும் என்று வலியுறுத்தப்பட்டது. விசாரணையில், காவல்துறை அதிகாரிகள் மட்டுமில்லாமல், மனித உரிமை அமைப்பினர், வழக்குரைஞர்கள் மற்றும் சமுக ஆர்வலர்களும் கலந்து கொள்ள அனுமதிக்க வேண்டும் என வலியுருத்தப்பட்டது. மாணவி, என்ன காரணத்தால், தற்கொலை செய்துகொண்டார் என்பதை கண்டுபிடித்து, விசாரணை அறிக்கை மூலமாக பொதுமக்களுக்கு தெரியப்படுத்தவேண்டும் என்று தமிழக அரசை கேட்டுக்கொண்டனர்.

                 தமிழக பள்ளியில் தொடர்ந்து நடந்து வரும் மாணவ , மாணவவியரின் தற்கொலைகள், பள்ளியிலிருந்தும், விடுதியிலிருந்தும் மாணவ மாணவியர்கள் பாதியில் ஓடிப்போவது போன்ற சம்பவங்கள் நிகழாமல் தடுக்க தமிழக அரசும், கல்வித்துறையும் இணைந்து திட்டமிடவேண்டும் என்பதையும் வழியுறுத்தியும். மாணவியின் தற்கொலைக்கு காரணமான, அல்லது தற்கொலைக்கு தள்ளிவிட்டவர்கள் மீது கடுமையான நடவடிக்கை எடுக்கவேண்டும் என வலியுறுத்தி வரும், 20 தேதி மாலை நான்கு மணிக்கு ராசிபுரம் பழைய பேருந்து நிலையம் அருகில், அனைத்து கட்சி சார்பில்  கண்டன ஆர்ப்பாட்டம் நடத்துவது என்று முடிவு செய்யப்பட்து. அந்த கண்டன கூட்டத்தில், தற்கொலை செய்துகொண்ட மாணவியின் தந்தையார் முகமது அலி ஜின்னாவும் கலந்துகொள்கிறார்.

 

கடலூர் மாவட்ட செய்திகள்

Read more »