கடலூர் மாவட்டத்தில் மாவட்ட ஊராட்சி கவுன்சிலர் பதவி: 29ல் 27 அ.தி.மு.க.வெற்றி

கடலூர் :

          கடலூர் மாவட்டத்தில் மொத்தமுள்ள 29 மாவட்ட ஊராட்சி கவுன்சிலர் பதவிக்கான தேர்தலில் 27 இடங்களை அ.தி.மு.க., வும், பா.ம.க., ம.தி.மு.க., தலா ஒரு இடங்களையும் பிடித்துள்ளன. 

வார்டு வாரியாக வெற்றி பெற்ற வேட்பாளர்கள் மற்றும் பெற்ற ஓட்டு விவரம்: 

அ.தி.மு.க.,: 

1-அழகாநத்தம் 14,645, 

2-மல்லிகா 16,798, 

3-தேவநாதன் 12,225,

4-லோகநாயகி 12,928, 

5-கந்தன் 15,474, 

6-தேவநாதன் 10,976, 

7-பூங்கொடி 7,503,

8-மாலா 10,211, 

9-பத்மபிரியா 16,492, 

10-உமாதேவி 10,694, 

11-கண்ணப்பன் 12,542, 

12-கலியமூர்த்தி 11,246,

 13-குமார் 13,939, 

14-ரவி 10,427, 

15- ராமதாசு 8,471, 

16-தங்கராசன் 11,318, 

17-முருகேசன் 13,789,

18-தென்னரசி 13, 118,

19-எழிலரசன் 17,740, 

20-பிரபாகரன் 10,536,

21-கருப்பன் 11,174 

22-ராஜேஸ்வரி 7,059, 

23-சங்கர் 5,829, 

24-சிங்காரவேலு 7,342, 

25-செல்வரங்கம் 8,148, 

27-உமா 6,883, 

28-ரேணுகா 10,544,
 

பா.ம.க.,:  26-கருணாகரன், 8,676; 

ம.தி.மு.க.,: 29-கந்தசாமி 7,959 

ஓட்டுகள் பெற்று வெற்றி பெற்றனர். 

Read more »

மங்களூர் ஒன்றியத்தில் வெற்றி பெற்ற 66 ஊராட்சித் தலைவர்கள்

திட்டக்குடி :

           மங்களூர் ஒன்றியத்திலுள்ள 66 ஊராட்சிகளுக்கான தலைவர்கள் தேர்ந்தெடுக்கப்பட்டனர். மங்களூர் ஊராட்சி ஒன்றியத்திலுள்ள 66 ஊராட்சி தலைவர்களுக்கான தேர்தல் முடிந்து தலைவர்கள் தேர்ந்தெடுக்கப்பட்டனர்.

          இதில் கீழ்ஒரத்தூர், ஆக்கனூர், நிதிநத்தம், நாவலூர் ஊராட்சிகளுக்கு தலைவர்கள் போட்டியின்றி தேர்ந்தெடுக்கப்பட்டனர். மங்களூர் ஒன்றியத்தில் உள்ள ஊராட்சிகளில் கழுதூர் ஊராட்சி தலைவராக தேர்ந்தெடுக்கப்பட்ட செல்வி ஆயிரத்து 783 ஓட்டுகள் பெற்று ஆயிரத்து 184 ஓட்டுகள் வித்தியாசத்தில் நல்லூர் ஒன்றியத்தில் மிக அதிக ஓட்டு வித்தியாசத்தில் வெற்றி பெற்றார். புலிவலம் ஊராட்சி தலைவராக தேர்ந்தெடுக்கப்பட்ட கருணாநிதி 3 ஓட்டுகள் அதிகம் பெற்று நல்லூர் ஒன்றியத்தில் மிக குறைந்த ஓட்டுகள் வித்தியாசத்தில் வெற்றி பெற்றார். 

Read more »

நெய்வேலி ஜவகர் பள்ளி மாணவ, மாணவிகள் சார்பில் சர்வதேச தொழுநோய் மையத்திற்கு 4 லட்சத்து 80 ஆயிரம் ரூபாய் நிதி திரட்டினர்

நெய்வேலி :

           நெய்வேலி ஜவகர் பள்ளி மாணவ, மாணவிகள் சார்பில் சர்வதேச தொழுநோய் மையத்திற்கு 4 லட்சத்து 80 ஆயிரம் ரூபாய் வழங்கப்பட்டது. கடந்த 137 ஆண்டுகளாக தொழுநோயாளிகளுக்கு சேவை செய்து வரும் 'லெப்ரஸி மிஷன் இன்டர்நேஷனல்' எனும் சர்வதேச தொழுநோய் தொண்டு மையம் பள்ளி மாணவர்களுக்கு சமூக சேவையில் வாய்ப்பளிக்கும் வகையில்'ஓர் உயிரை காப்பாற்று' என்ற திட்டத்தை அறிமுகப்படுத்தியது.
 

          இத்திட்டத்தின் மூலம் தொழுநோயாளிகளுக்கு உதவும் வகையில், நெய்வேலி ஜவகர் மெட்ரிக் மேல்நிலைப் பள்ளி முதல்வர் ராமச்சந்திரன் ஊக்கமளித்ததன் காரணமாக இப் பள்ளி மாணவ, மாணவிகள் தொண்டு நிறுவனத்திற்காக 4 லட்சத்து 80 ஆயிரம் ரூபாய் நிதி திரட்டினர். நெய்வேலியில் நடந்த நிகழ்ச்சியில் என்.எல்.சி., சேர்மன் அன்சாரி, மாணவர்கள் திரட்டிய நிதிக்கான காசோலையை தொழுநோய் தொண்டு மைய மேலாளர் பிராங்க்ளின் மில்டனிடம் வழங்கினார். நிகழ்ச்சியில் நெய்வேலி ஜவகர் கல்விக் கழக தலைமை நிர்வாகிகள் ராமலிங்கம், கமலநயணன், மோகன், ஜார்ஜ் ஜேக்கப், ஜவகர் பள்ளி முதல்வர் ராமச்சந்திரன் பங்கேற்றனர்.

Read more »