பிறக்கும் குழந்தைக்கு மருத்துவ சிகிச்சை திட்டம் 1 வாரத்தில் தொடக்கம்: எம்.ஆர்.கே. பன்னீர் செல்வம்

சிதம்பரம்:
 

             கடலூர் மாவட்டம் சிதம்பரம் நகராட்சியில் தமிழக அரசின் இலவச கலர் டி.வி. வழங்கும் விழா மற்றும் டாக்டர் முத்துலட்சுமி ரெட்டி மகப்பேறு நிதி உதவி வழங்கும் விழா சிதம்பரம் தெற்கு வீதி வி.எஸ்.டி.டிரஸ்ட் மண்டபத்தில் நடந்தது. விழாவில் சிதம்பரம் நகராட்சி ஆணையாளர் (பொறுப்பு) மாரியப்பன் வரவேற்று பேசினார்.

                 நகராட்சி தலைவர் பவுஜியாபேகம் தலைமை தாங்கினார்.கீரப்பாளையம் ஒன்றியக் குழு தலைவர் செந்தில் குமார் முன்னிலை வகித்தார். விழாவில் சிறப்பு விருந்தினராக தமிழக மக்கள் நல்வாழ்வு துறை அமைச்சர் எம்.ஆர்.கே.பன்னீர்செல்வம் கலந்து கொண்டு 15 ஆயிரத்து 854 பேருக்கு இலவச கலர் டி.வி.யையும், 904 பேருக்கு மகப்பேறு உதவி திட்டத்தையும் வழங்கி பேசினார்.

அப்போது தமிழக மக்கள் நல்வாழ்வு துறை அமைச்சர் எம்.ஆர்.கே.பன்னீர்செல்வம்  கூறியது:-

            கடலூரில் பாதாள சாக்கடை திட்டம் 160 கிலோ மீட்டர் தூரம் அமைப்பதற்கான வேலை நடந்து வந்தது. இந்த திட்டம் நிறைவேற 4 ஆண்டுகள் ஆகும். இந்த திட்டம் சற்று காலதாமதம் ஏற்பட்டதும் கம்யூனிஸ்டு கட்சிகள் எதிர் கட்சிகளோடு சேர்ந்து போராட்டம் நடத்தி அரசியல் ஆக்கி விட்டார்கள்.

              அதேபோல் சிதம்பரத்திலும் இந்த திட்டம் செயல்படுத்திட 4 ஆண்டுகள் ஆகும்.அதேபோல் இங்கும் பிரச்சினை ஏற்பட்டு விடக்கூடாது என்பதற்காக இந்த திட்டத்தை தற்காலிகமாக நிறுத்தி வைத்துள்ளோம். கலைஞர் மீண்டும் 6-வது முறையாக முதல்-அமைச்சராக பொறுப்பேற்ற பிறகு இந்த திட்டம் செயல்படுத்தப்படும். தமிழகத்தில் 1 ரூபாய்க்கு ஒரு கிலோ அரிசி, கர்ப்பிணி பெண்களுக்கு உதவி தொகை, இலவச டி.வி. , கியாஸ் அடுப்பு, பள்ளி மாணவர்களுக்கு முட்டை போன்ற பல்வேறு திட்டங்களை செய்து வருகிறோம்.இதை மார்க்சிஸ்ட் கம்யூனிஸ்டு கட்சியின் சிதம்பரம் நகராட்சி தலைவி நினைத்து பார்க்க வேண்டும்.நாங்கள் என்ன தவறு செய்தோம் என்பதை நகராட்சி தலைவர் கூற வேண்டும்.

                 கலைஞர் மீண்டும் 6-வது முறையாக முதல்-அமைச்சராக பொறுப்பேற்ற பிறகு இந்த திட்டம் செயல்படுத்தப்படும்.தமிழகத்தில் 1 ரூபாய்க்கு ஒரு கிலோ அரிசி, கர்ப்பிணி பெண்களுக்கு உதவி தொகை, இலவச டி.வி. , கியாஸ் அடுப்பு, பள்ளி மாணவர்களுக்கு முட்டை போன்ற பல்வேறு திட்டங்களை செய்து வருகிறோம். இதை மார்க்சிஸ்ட் கம்யூனிஸ்டு கட்சியின் சிதம்பரம் நகராட்சி தலைவி நினைத்து பார்க்க வேண்டும்.நாங்கள் என்ன தவறு செய்தோம் என்பதை நகராட்சி தலைவர் கூற வேண்டும். தமிழகத்தில் பல நல்ல திட்டங்கள் செயல் படுத்தப் பட்டு வருகிறது.பிறக்கும் குழந்தைகளுக்கு 1 வயது வரை ரூ.1 லட்சம் செலவில் இலவச மருத்துவ சிகிச்சை அளிக்கும் திட்டத்தை இன்னும் 1 வாரத்தில் தமிழக முதல்-அமைச்சர் கருணாநிதி தொடங்கி வைக்க உள்ளார்.

                    ஏழை மக்களுக்கு பயன்படுகிற திட்டத்தை கலைஞர் அரசு செய்கிறது. கலைஞர் ஆட்சியில் ஒவ்வொரு குடும்பமும் பயன் பெற்று வருகிறார்கள். கடந்த 23 ஆண்டு கால அ.தி.மு.க.ஆட்சியில் என்ன திட்டங்கள் வழங்கப்பட்டு உள்ளது.இதையெல்லாம் தேர்தல் நேரத்தில் மக்கள் சிந்திக்க வேண்டும். இவ்வாறு அமைச்சர் எம்.ஆர்.கே. பன்னீர் செல்வம் கூறினார். 

 

Read more »

திட்டக்குடி அருகே இலவச "டிவி" வழங்கும் விழா ஊராட்சி தலைவர் புறக்கணிப்பு

திட்டக்குடி : 

                  திட்டக்குடி அருகே இலவச கலர் "டிவி' வழங்கும் விழாவை ஊராட்சி தலைவர் புறக்கணித்தார். திட்டக்குடி அடுத்த போத்திரமங்கலம் ஊராட்சியில் இலவச கலர் "டிவி' வழங்கும் விழா நடந்தது. 

                கூடுதல் துணை தாசில்தார் திருநாவுக்கரசு தலைமை தாங்கினார். பா.ம.க., ஒன்றிய செயலாளர் திருமாறன், சப் இன்ஸ்பெக்டர் கள் பெருமாள், பழனி முன்னிலை வகித்தனர். தி.மு.க., கிளை செயலாளர் ஜெயராமன் வரவேற்றார். கிளை செயலாளர் தனவேல், வார்டு கவுன்சிலர்கள் சங்கர், பிச்சை, அருந்தவம், தங்கராசு, சீனுவாசன் உட்பட பலர் பங்கேற்றனர்.தேர்தல் தனி தாசில்தார் ஜெயராமன் 1,314 பயனாளிகளுக்கு இலவச "டிவி' வழங்கி பேசினார். முன்னதாக ஊராட்சி தலைவர் விழாவில் பங்கேற்க வேண்டுமென துணை தாசில்தார்கள் வேண்டுகோள் விடுத்தனர். ஆனால் விழா முடிவு வரை ஊராட்சி தலைவர் கலந்து கொள்ளாமல் புறக்கணித்தார்.

Read more »

கடலூர் நகரவாசிகளுக்கு கலர் டி.வி. கிடைக்குமா?

கடலூர்:

           தமிழகம் முழுவதும் ரேஷன் அட்டை உள்ள அனைவருக்கும், இலவச கலர் டிவிக்கள் வழங்கப்பட்டு வருகின்றன.

             இந்த நிதி ஆண்டு இறுதிக்குள் அனைவருக்கும் இலவச கலர் டிவிக்கள் வழங்கப்பட்டு விடும் என்று அறிவிக்கப்பட்டு உள்ளது. கடலூர் மாவட்டத்தைப் பொருத்தவரை, கடலூர், நெல்லிக்குப்பம், பண்ருட்டி, விருத்தாலம், சிதம்பரம் ஆகிய 5 நகராட்சிப் பகுதிகள் தவிர, கிராமப் புறங்களிலும் பேரூராட்சிப் பகுதிகளிலும், 90 சதவீதம் மக்களுக்கு, இலவச கலர் டிவிக்கள் வழங்கப்பட்டு விட்டன. ஆனால் நகரப் பகுதிகளுக்கு மட்டும் இன்னமும் வழங்கப்படவில்லை. 

            கடலூர் மாவட்டத்தில் 5 கட்டமாக, 666 கிராம ஊராட்சிகளிலும் 6 பேரூராட்சிகளிலும் இதுவரை 4,50,005 இலவச கலர் டிவிக்கள் வழங்கப்பட்டு உள்ளன. மீதமுள்ள கிராம ஊராட்சிகள் மற்றும் பேரூராட்சிகளில் 26,217 கலர் டிவிக்கள் விரைவில் வழங்கப்படும் என்று, மக்கள் நல்வாழ்வுத் துறை அமைச்சர் எம்.ஆர்.கே.பன்னீர்செல்வம் அரசு விழா ஒன்றில் அண்மையில் தெரிவித்தார். ஆனால் நகராட்சி பகுதிகளில் எப்போது வழங்கப்படும் என்று அமைச்சரும் இதுவரை அறிவிக்கவில்லை, மாவட்ட நிர்வாகம் சார்பிலும் எந்த அறிவிப்பும் வெளிவரவில்லை.

            கிராமப் புறங்களில் ரேஷன் அட்டை வைத்து இருக்கும் அனைவருக்கும் இலவச கலர் டிவிக்கள் வழங்கப்பட்டன. ஆனால் இதேபோல் நகராட்சிப் பகுதிகளிலும் ரேஷன் அட்டை வைத்து இருக்கும் அனைவருக்கும், இலவச கலர் டிவிக்கள் கிடைக்குமா என்பது கேள்விக் குறியாக உள்ளது. கிராமப் புறங்களைப்போல் அல்லாமல், நகர்ப்புறங்களில் வறுமைக் கோட்டுக்குக் கீழ் உள்ளவர்களுக்கு மட்டும், இலவச கலர் டிவிக்கள் வழங்கப்படும் என்று பரவலாகப் பேசப்பட்டு வருகிறது. 

              இதுகுறித்து ஐயம் எழுந்ததன் காரணமாக, கடலூர் நகராட்சி உறுப்பினர்கள் அனைவரும், நகரப் பகுதிகளிலும் ரேஷன் அட்டை வைத்து இருக்கும் அனைவருக்கும் கலர் டிவிக்களை வழங்க வேண்டும் என்ற கோரிக்கையை, சில மாதங்களுக்குமுன் மாவட்ட ஆட்சியரைச் சந்தித்துத் தெரிவித்தனர். வறுமைக் கோட்டுக்குக் கீழ் உள்ளவர்களுக்கு மட்டும் என்ற வரம்பை கடைப்பிடித்தால், கடலூர் மாவட்ட நகரப் பகுதிகளில் ரேஷன் அட்டை உள்ளவர்களில் சுமார் 30 சதவீதம் பேருக்கு மட்டுமே இலவச கலர் டிவிக்கள் கிடைக்க வாய்ப்பு உள்ளது. 

இதுகுறித்து கடலூர் நகராட்சி உறுப்பினர் சர்தார் வெள்ளிக்கிழமை கூறுகையில், 

            நகராட்சிப் பகுதிகளில் வறுமைக் கோட்டுக்குக் கீழ் உள்ளவர்களுக்கு மட்டும் இலவச கலர் டிவிக்கள் வழங்குவது என்று முடிவு எடுத்தால், கடலூரில் சுமார் 5 ஆயிரம் பேருக்கு மட்டுமே கலர் டிவிக்கள் கிடைக்கும். எனவே மாவட்ட ஆட்சியரைச் சந்தித்து, கிராமப் புறங்களைப்போல், ரேஷன் அட்டை உள்ள அனைவருக்கும் கலர் டிவிக்களை வழங்க வேண்டும் என்று வலியுறுத்தினோம். மேலும் இது தொடர்பாக பட்டியல் ஒன்றையும் தயாரித்து கடலூர் நகராட்சி அணையரிடம் அளித்து இருக்கிறோம் என்றார்.

இதுகுறித்து நகராட்சித் தலைவர் து.தங்கராசு கூறுகையில், 

              ரேஷன் அட்டை உள்ள அனைவருக்கும் கலர் டிவிக்கள் வழங்க வேண்டும் என்று கேட்டு இருக்கிறோம். ஆனால் அரசு என்ன முடிவு எடுத்து இருக்கிறது என்று தெரியவில்லை. எனினும் தேர்தல் அறிவிப்புக்குப் முன்னர், நகராட்சிப் பகுதிகளில் கலர் டிவிக்கள் வழங்கப்பட்டுவிடும் என்று நம்புகிறேன் என்றார்.

Read more »

நெய்வேலிவாசிகளுக்கு மறுக்கப்படும் அரசின் கலர் டி.வி

நெய்வேலி:

 

             நெய்வேலி பழுப்பு நிலக்கரி நிறுவன ஊழியர்களுக்கும் அவர்களைச் சார்ந்து வாழ்பவர்களுக்கும் தமிழக அரசால் வழங்கப்படும் இலவச கலர் டி.வி. உள்ளிட்ட அனைத்து நலத்திட்ட உதவிகளும் மறுக்கப்படுவதால் அவர்கள் விரக்தியில் உள்ளனர்.

 

           கடலூர் மாவட்டத்தின் மையப் பகுதியில் சுமார் 25 சதுர கிலோமீட்டர் பரப்பளவு கொண்ட நெய்வேலியில் 20 ஆயிரம் என்எல்சி ஊழியர்களின் குடும்பத்தினரும், 10 ஆயிரத்துக்கும் மேற்பட்ட ஒப்பந்தத் தொழிலாளர்களின் குடும்பத்தினரும், அவர்களைச் சார்ந்து வாழும் 30 ஆயிரத்துக்கும் மேற்பட்டோரும் உள்ளனர். நெய்வேலி நகரத்தின் மின்சாரம், குடிநீர், சுகாதாரம், சாலை வசதி உள்ளிட்ட அனைத்து அடிப்படை வசதிகளையும் என்எல்சி நிர்வாகமே செய்து வருகிறது.

 

            இந்நிலையில் கடந்த சட்டப்பேரவைத் தேர்தல் வரை குறிஞ்சிப்பாடி தொகுதியில் அங்கம் வகித்த நெய்வேலி நகரம், தற்போது தொகுதி மறு சீரமைப்பு காரணமாக புதிய நெய்வேலி தொகுதியாக உருவெடுத்துள்ளது. என்எல்சியின் சுற்றுப்புற மேம்பாட்டு நிதி மூலமாக அருகில் 10 கி.மீ. தொலைவுக்குள் உள்ள கிராமங்களின் சாலை வசதி, பள்ளிக் கட்டடம், நூலகம், பாலம், ஆழ்துளைக் கிணறு அமைப்பது, மேல்நிலை நீர்த் தேக்கத் தொட்டி போன்ற பணிகளை செய்து கொடுக்கப்படுவதால், மாவட்ட நிர்வாகத்தின் பணியையும் என்எல்சி நிர்வாகம் செய்து வருகிறது. இதுமட்டுமல்லாமல் என்எல்சியில் உற்பத்தியாகும் மின்சாரத்தில் (2,490 மெகாவாட்) சரி பாதி தமிழகத்துக்கு மிகக் குறைந்த விலையில் வழங்கப்படுகிறது. மேலும் நெய்வேலியில் உள்ள 3 காவல் நிலையங்களுக்கும் வாகன வசதி, இலவச மின்சாரம், |40 லட்சம் செலவில் மோட்டார் வாகன ஆய்வாளர் அலுவலகம் என பல சலுகைகளையும் என்எல்சி செய்து கொடுத்துள்ளது.

 

             ந்நிலையில் பல கோணங்களிலும் தமிழக அரசுக்கு துணையாக விளங்கும் என்எல்சி நிறுவனத்தின் ஊழியர்கள் அரசின் நலத்திட்ட உதவிகோரி மாவட்ட நிர்வாகத்தை அணுகினால், "நலத்திட்ட உதவிகள் நெய்வேலிக்கு இல்லை' என்று கூறி திருப்பி அனுப்பிவிடுகின்றனர். வாக்களிக்கும் எங்களுக்கு நலத்திட்ட உதவிகளை மாவட்ட நிர்வாகம் வழங்க மறுப்பது எந்த வகையில் நியாயம் என கேள்வி எழுப்புகின்றனர் என்எல்சி ஊழியர்கள்.

 

ஆட்சியர் விளக்கம்: 

 

              தற்போது கிராம பஞ்சாயத்து, ஊராட்சி, பேரூராட்சி பகுதிகளில் வசிக்கும் மக்களுக்கு கலர் டி.வி. வழங்கியிருக்கிறோம். அடுத்து நகராட்சிப் பகுதிகளுக்கு வழங்கும் போது நெய்வேலி டவுன்ஷிப் பகுதிக்கும் வழங்கப்படும் என ஆட்சியர் சீதாராமன் தெரிவித்தார். ஆனால், கடலூர் மாவட்டத்தில் சிதம்பரம், பண்ருட்டி, விருத்தாசலம் நகராட்சிப் பகுதிகளில் இலவச கேஸ் அடுப்பு மற்றும் இலவச கலர் டி.வி. ஏற்கெனவே வழங்கப்பட்டுவிட்டது என்பது குறிப்பிடத்தக்கது.

Read more »

புவனகிரி பேரூராட்சிக்கு5,394 "டிவி'க்கள் தயார்

புவனகிரி: 

             புவனகிரி பேரூராட்சி பகுதியில் வழங்குவதற்கு 5,394 இலவச "டிவி'க்கள் தயாராக வைக்கப்பட்டுள்ளது. புவனகிரி பேரூராட்சி பகுதிக்குட்பட்ட 18 வார்டுகளுக்கு வழங்குவதற்காக 5,394 இலவச கலர் "டிவி'க்கள் லாரிகளில் கொண்டு வரப்பட்டு வைக்கப்பட்டுள்ளது. புவனகிரி அரசு பெண்கள் மற்றும் ஆண்கள் மேல்நிலைப் பள்ளிகளில் தலா 1,560ம், ஆதிவராகநத்தம் நடுநிலைப் பள்ளியில் 1,140 மற்றும் ஈஸ்வரன் கோவில் நடுநிலைப் பள்ளியில் 1,134ம் அந்தந்த பகுதி வி.ஏ.ஓ.,க்கள் முன்னிலையில் பாதுகாப்பாக வைக்கப்பட் டுள்ளது.

Read more »

தி.மு.க., ஆட்சிக்கு தொடர்ந்து ஆதரவு தாருங்கள்: அமைச்சர் பன்னீர்செல்வம் வேண்டுகோள்

காட்டுமன்னார்கோவில் :

               தமிழக முதல்வர் மருத்துவ காப்பீடு திட்டத்தில் இதுவரை 36,667பேர் காப்பாற்றப்பட்டுள்ளனர் என அமைச்சர் பன்னீர்செல்வம் பேசினார். குமராட்சி அடுத்த திருநாரையூர் கிராமத்தில் அரசு இலவச "டிவி' வழங் கும் விழா நடந்தது. டி.ஆர்.ஒ., நடராஜன் தலைமை தாங்கினார். ஊராட்சி தலைவர் சோழன் வரவேற்றார். குமராட்சி சேர்மன் மாமல் லன், ஆர்.டி.ஓ., ரங்கராஜ் முன்னிலை வகித்தனர். விழாவில் 854 பயனாளிகளுக்கு இலவச "டிவி' வழங்கிய அமைச்சர் பன்னீர்செல்வம் பேசியதாவது:கடந்த ஐந்து ஆண்டுகளில் திருநாரையூர் ஊராட் சியில் 58 லட்சத்து 90 ஆயிரம் செலவில் சாலை உள் ளிட்ட பல்வேறு நலத் திட்ட பணிகள் நடந்துள் ளது. நாடு சுதந்திரம் பெற்ற பிறகு முதல் முறையாக மக்களுக்கு நேரிடையாக சென்று திட்டங்களை கொடுப்பது தி.மு.க., அரசு மட்டுமே.

             மாநிலம் முழுவதும் 18 லட்சத்து 86 ஆயிரம் கர்ப் பிணி பெண்களுக்கு உதவித்தொகை வழங்கப் பட்டுள்ளது. வெள்ளத்தால் குடிசை பகுதிகள் பாதிப்பதை தவிர்த்திட குடிசை வீடுகளை கான்கிரீட் வீடாக மாற்றும் திட்டத்தை திருச்சியில் மார்ச் 3ல் கருணாநிதி தொடங்கி வைக்கிறார். முதற்கட்டமாக 3.5 லட்சம் வீடுகள் கட்ட முடிவு செய்யப்பட் டுள்ளது. குடிசைகள் அதிகம் உள்ள கடலூர், விழுப்புரம் மாவட்டங்கள் இதனால் அதிகம் பயன் பெறும். கருணாநிதியின் இந்த மக்கள் திட் டங்கள் ஜெ., ஆட்சிக்கு வந்தால் இருக்காது. எனவே தி.மு.க., ஆட் சிக்கு தொடர்ந்து ஆதரவு அளிக்க வேண்டும். மருத்துவ காப்பீடு திட்டத்தில் இதுவரை 121கோடியே 17 லட்சம் செலவிடப்பட்டுள்ளது. 36,667 பேரின் உயிர்கள் காப்பாற்றப்பட்டுள்ளன என பேசினார்.விழாவில் தாசில்தார் வீரபாண்டியன், பி.டி.ஓ., க்கள் ஆண்டவர், பாலசுப்ரமணியன், கவுன்சிலர்கள் ராஜேந்திரன், தனலட்சுமி பங்கேற்றனர். ரகுராமன் நன்றி கூறினார்.

Read more »