தானே புயலால் பாதிக்கப்பட்ட கடலூர் மாவட்ட பெண்களுக்கு தொழில் உதவி

        கடலூர் மாவட்டத்தில் தானே புயலால் பாதிக்கப்பட்ட 900 பெண்களுக்கு வாழ்வாதாரத்தை மேம்படுத்தும் வகையில் 1 லட்சம் டாலர் நன்கொடை வழங்கவிருப்பதாக வால்மார்ட் நிறுவனம் அறிவித் துள்ளது.

       இந்த நன்கொடை மூலமாக வால்மார்ட் பவுண்டேசன் மற்றும் கேர், கடலூர் பகுதியில் முந்திரி செயல்முறையில் ஈடுபட்டுள்ள விவசாயிகளின் வாழ்வாதாரத்தை மீட்பதற்கும், நீடித்திருக்கும் முந்திரி சாகுபடி நடைமுறை கள் மேம்படுத்தப்படும். மேலும் பாதிக்கப்பட்ட முந்திரி செயல்முறை கட்டமைப்பினை மீள்ப்படுத்தி, அதன் மூலம் நீடித்திருக்கக் கூடிய வாழ்வாதாரத்தை மீட்பதற்கு எண் ணியுள்ளன. குப்பைகளை அகற்றுதல், முந்திரி மரம் நடுவ தற்காக நிலத்தை தயார்படுத்துதல், சிறு விவசாயிகளுக்கு உதவுதல் ஆகிய பணிகளும் இதில் அடங்கும்.

 இதுகுறித்து வால்மார்ட நிறுவனத்தின் நிருவாக இயக்குநர் ராஜ் ஜெயின்அளித்த பேட்டி

         கடலூர் மிகப் பெரிய அளவில் முந்திரி விவசாயம் மற்றும் செயல்முறை நடவடிக்கைகளை கொண்டுள்ளது. தானே புயலால் கடலூர் பெரிதளவில் பாதிக்கப் பட்டுள்ளது. சுமார் 47 உயிர்களை பலி வாங்கியதுடன், 735 கிராமங்களில் சுமார் 5 லட்சம் மக்கள் பாதிக்கப் பட்டுள்ளனர். இந்த திட்டத்தின் மூலம் முந்திரி பயிரிடு பவர்கள் மற்றும் அறுவடைக்குப் பிந்தைய பணியாளர் களின் திறனை மீண்டும் உருவாக்க முடிவு செய்துள் ளோம். சுமார் 900 பெண்கள் உள்பட 3600 பேர் இதன் மூலம் பயனடைய உள்ளனர் என்று தெரிவித்துள்ளார்.

Read more »

தானே புயல் : கடலோர் மாவட்டத்திற்கு 60 லட்சம் முந்திரி கன்றுகள் தேவை

விருத்தாசலம்:

 

            புயலால் பாதிக்கப்பட்ட பகுதிகளில் 60 லட்சம் மரக்கன்றுகள் தேவை என வேளாண்மை பல்கலைக்கழகத் துணைவேந்தர் தெரிவித்தார்.  விருத்தாசலம் வேளாண்மை அறிவியல் நிலையத்தில் முந்திரி, பலா, நெல் உள்ளிட்ட பயிர்கள் பாதிப்பு சேத மதிப்பை அறியவும், புதிய நடவு குறித்தும் ஆலோசனைக் கூட்டம் நடைபெற்றது. டில்லி வேளாண் விரிவாக்க பொது துணை இயக்குநர் கோகடே தலைமை வகித்தார். விருத்தாசலம் வேளாண்மை அறிவியல் நிலையத் தலைவர் சுப்பிரமணியன் வரவேற்றார். 

 

இதில், தமிழ்நாடு வேளாண்மை பல்கலைக்கழகத் துணைவேந்தர் முருகேசபூபதி தெரிவித்தது:  

 

            புயலால் கடலூர் மாவட்டத்தில் முந்திரி, பலா, தென்னை உள்ளிட்ட மரங்கள் பலத்த சேதமடைந்துள்ளது. இவைகளைக் கணக்கெடுக்கும் பணி நடைபெறுகிறது. இதன்பிறகு விவசாயிகள் குறுகிய ரக பயிர் விளைவிப்பது குறித்து ஆய்வு செய்யப்படும். முந்திரி விவசாயம் 30 ஆயிரம் ஹெக்டேர் பாதிக்கப்பட்டுள்ளது. இந்நிலையில் மீண்டும் முந்திரி கன்றுகளை நடவு செய்ய 60 லட்சம் கன்றுகள் தேவை. இதற்குக் குறுகிய கால பயிரான வி.ஆர்.ஐ. 3 ரக முந்திரி கன்றுகளை விருத்தாசலம் ஆராய்ச்சி நிலையத்தில் உற்பத்தி செய்வது குறித்து விஞ்ஞானிகளுடம் ஆலோசிக்கப்பட்டு வருகிறது. மேலும், 1 லட்சம் பலா கன்றுகளை பாலூர் ஆராய்ச்சி நிலையத்தில் உற்பத்தி செய்வது குறித்தும் கலந்தாலோசிக்கப்பட்டு வருகிறது என்றார்.  பேராசிரியர் கலைச்செல்வன், ஜெயராஜ், ஸ்ரீராம் உள்ளிட்டோர் கலந்து கொண்டனர்.

 

 

 

 

 

 

 

 

Read more »

தானே புயல் : நவீன பயிர் சாகு படி முறையை எதிர் பார்க்கும் கடலூர் மாவட்ட மக்கள்

 

                 தானே புயல் பாதித்த கடலூர் மாவட்டத்தில், பலா, முந்திரி உள்ளிட்ட பல ஆண்டு ஆயுட்காலம் கொண்ட மரங்கள் வேரோடு சாய்ந்தும், கருகியும் விட்டதால், மரம் அறுக்கும் பணிகளுக்கு ஆள் கிடைக்காத நிலை உள்ளன. கோடரி மற்றும் மரம் அறுக்கும் வாள் விற்பனையும் சூடுபிடித்துள்ளன. "தானே"  புயல் பாதித்த கடலூர், விழுப்புரம் மற்றும் நாகை மாவட்டங்களில், விவசாயிகளுக்குச் ‌செல்ல முடியாத துயரம் ஏற்பட்டுள்ளது. 25 ஆண்டுகளுக்கு மேல் வளர்க்கப்பட்ட பலா, முந்திரி ஆகிய மரங்கள், புயல் காற்றிற்கு தாக்குப்பிடிக்க முடியாமல், இலைகள் உதிர்ந்து கருகி நிற்கின்றன.

           தென்னை மரங்கள் தலை துண்டாகிய நிலையிலும், குலைகளுடனும் சாய்ந்தும், விவசாயிகளுக்கு பெரும் நஷ்டத்தை ஏற்படுத்தியுள்ளன. பல தோப்புகளில், தென்னை மரங்களிலிருந்து விழுந்து கிடக்கும் அரைகுறை விளைச்சல் தேங்காய்களை , போவோர், வருவோரல்லாம் பொறுக்கி செல்கின்றனர். தற்போது, சின்னாபின்னமாகக் கிடக்கும் மரங்களை அப்புறப்படுத்த வேண்டியது விவசாயிகளின் பெரும் பணியாக உள்ளது. மரத்தை விட அறுப்பு கூலி அதிகம்.

இதுகுறித்து, சேத்தங்குப்பம் பகுதியைச் சேர்ந்த, முந்திரி விவசாயி ராமமூர்த்தி கூறியது:

             ஒரு மரத்திலிருந்து, குறைந்தது நான்கு மூட்டை முந்திரி விற்பனை. ஒவ்வொரு மூட்டையிலும், 4,800 ரூபாய்மதிப்பு கொண்ட, 80 கிலோ முந்திரி இருக்கும். இந்த அடிப்படையில், ஒரு மரத்திற்கு ஆண்டுக்கு குறைந்தது, 20 ஆயிரம் ரூபாய்க்கு முந்திரி கிடைக்கும். தற்‌போது, எங்கள் மாவட்டத்தில் மட்டும், பல லட்சம் முந்திரி மரங்கள் காற்றில் நாசமாகிவிட்டன. பல கோடி ரூபாய் மதிப்பில் விவசாயிகளுக்கு இழப்பு ஏற்பட்டுள்ளன. மரங்களை அறுத்து அப்புறப்படுத்த பல நாட்களாகும். மரம் அறுக்க ஆட்கள் கிடைப்பதில்லை. ஒரு தொழிலாளிக்கு, 400 ரூபாய் கூலி கொடுக்க வேண்டியுள்ளது. ஆனால், அவர் ஒரு நாள், 400 ரூபாய் கூலி கொடுத்து வெட்டப்படும் மரம், 150 ரூபாய்க்கு தான் விற்பனையாகிறது. இதனால், பலர் மரங்களை அறுக்காமல் அப்படியே விட்டு வைத்துள்ளனர்.இவ்வாறு, ராமமூர்த்தி கூறினார்.

கோடரி விற்பனை அதிகம்:

              மரங்களை அறுக்கும் பணி தீவிரமாக உள்ளதால், புயல் பாதித்த மாவட்ட சந்தைகளில், மரம் அறுக்கும் கோடரி மற்றும் வாள் விற்பனை சூடுபிடித்துள்ளன. ஆங்காங்கே, வட மாநிலத்தவர் முகாமிட்டு திடீர் கோடரி கடைகளை பரப்பியுள்ளனர். நான்கு கிலோ எடை கொண்ட ஒரு கோடரி, 600 ரூபாய்க்கும், வாள் ஒன்று, 250 ரூபாய்க்கும் விற்கப்படுகின்றன. இவற்றை விவசாயிகள் திரளாக வாங்கிச் செல்கின்றனர்.

அரச மரக்கன்று தருமா?

 

             பாலைவனமாகிப்போன, முந்திரி காட்டுப்பகுதி நிலத்தை மீண்டும் பண்படுத்தி, அவற்றில் விதை போட்டு வளர்க்க பல காலம் பிடிக்கும். எனவே, அரசின் தோட்டக்கலை மற்றும் விவசாயத் துறை சிறப்பு திட்டமிட்டு, முந்திரி கன்றுகள் வளர்த்து கொடுக்க வேண்டிய நிலை உள்ளன. அரசின் சிறப்பு திட்டமின்றி, இந்தப் பகுதியில், பலா, முந்திரி விவசாயம் இனி, தழைக்க வழியில்லை என்பதே, விவசாயிகளின் கருத்து

 

 

 

 

Read more »

தானே புயல் : கடலூர் மாவட்டத்தில் பணப்பயிர்கள் 80 சதவீதம் சேதம்

கடலூர் :

            கடலூர் மாவட்டத்தின் பிரதான பணப்பயிர்களான முந்திரி, கரும்பு பயிர்கள் "தானே' புயலால், 80 சதவீதம் சேதமடைந்துள்ளதால், விவசாயிகள் கடுமையாக பாதிக்கப்பட்டுள்ளனர்.

          கடலூர் மாவட்டம் குறிஞ்சிப்பாடி, பண்ருட்டி, விருத்தாசலம் தாலுகாக்களில், தோட்டக்கலை பயிர்களான முந்திரி, ஒரு லட்சத்து 20 ஆயிரம் ஏக்கரிலும், பலா மரங்கள், 3,000 ஏக்கரிலும் பயிரிடப்பட்டுள்ளன. பண்ருட்டி பகுதியிலிருந்து முந்திரிகள் வெளிநாடு, வெளி மாநிலங்களுக்கு ஏற்றுமதி செய்யப்படும். ஆண்டுதோறும் முந்திரிகள் தை மாதத்தில் பூ வைத்து, சித்திரை மாதம் முதல் அறுவடை செய்யப்படும். 

             தற்போது பெய்த மழையில் அதிகளவிலான விளைச்சலை எதிர்பார்த்து விவசாயிகள் முந்திரி மரத்திற்கு உரம் வைத்து பராமரித்தனர். இந்நிலையில், நேற்று முன்தினம் வீசிய "தானே' புயலின் ருத்ர தாண்டவத்திற்கு மாவட்டம் முழுவதும் 80 சதவீதம் முந்திரி மரங்கள் முறிந்து விழுந்தும், வேரோடும் சாய்ந்தன. அதேபோல் பண்ருட்டி பலா பழமும் மிகவும் பிரசித்தி பெற்றது. புயலில் 80 சதவீத பலா மரங்கள் முறிந்து விழுந்தும், வேரோடும் சாய்ந்தன. இதனால், இந்தாண்டு முந்திரி, பலா விளைச்சல் கடுமையாக பாதித்துள்ளதால் விவசாயிகள் கடும் சோகத்தில் ஆழ்ந்துள்ளனர்.

Read more »

கடலூர் மாவட்ட முந்திரி விவசாயிகள் கவனத்துக்கு

கடலூர்:

         முந்திரி மரங்கள் பிரேசில் நாட்டின் வடகிழக்குப் பகுதியைப் பூர்வீகமாகக் கொண்டது. இந்தியா, வியத்நாம், நைஜீரியா, பிரேசில், இந்தோனேஷியா ஆகிய நாடுகளில் அதிகம் பயிரிடப்படுகிறது. 

            தமிழ்நாட்டில் கடலூர், புதுக்கோட்டை, விழுப்புரம், மாவட்டகளில் முந்திரி மரங்கள் அதிகம் பயிடப்பட்டுள்ளன. கடலூர் மாவட்டத்தில் 80 ஆயிரம் ஏக்கரில் முந்திரி சாகுபடி செய்யப்பட்டு உள்ளது. பண்ருட்டி வட்டத்தில் மட்டும் 50 ஆயிரம் ஏக்கரில் முந்திரி மரங்கள் உள்ளன. பண்ருட்டிப் பகுதியில் உற்பத்தியாகும் முந்திரிக் கொட்டைகள் பதப்படுத்தப்பட்டு வெளிநாடுகளுக்கு அனுப்பப்படுகிறது. வெளிநாடுகளில் இருந்தும் முந்திரிக் கொட்டைகள் இறக்குமதி செய்யப்பட்டு, உடைத்து பதப்படுத்தியும் வெளி நாடுகளுக்கு ஏற்றுமதி செய்யப்படுகிறது. 

             எனவே கடலூர் மாவட்டத்தில் முந்திரி விவசாயம் தனித் தன்மை வாய்ந்ததாகக் கருதப் படுகிறது. முந்திரி மரங்கள் தென்மேற்கு மற்றும் வடகிழக்கு பருவ மழையின் போது, இடை உழவு செய்வதன் மூலம், மழைநீரை உள்ளிழுத்து மண்ணின் ஈரப்பதத்தை நீண்ட நாள் பாதுகாக்கிறது. இதனால் முந்திரி மகசூல் திறன் அதிகரிக்கிறது என்றும் வேளாண் துறை அறிவிக்கிறது. முந்திரித் தோப்புகளுக்குள் ஆங்காங்கே காணப்படும் காட்டுச்செடிகள், முள்புதர்களை நீக்குவதன் மூலம், முந்திரி மரங்களுக்கு அளிக்கப்படும் சத்தி மற்றும் நீர் தேவை, போட்டியின்றி முந்திரி மரங்களுக்கு மட்டுமே கிடைக்கும். 

               முந்திரி மரத்தின் அடியில் விழுந்து கிடக்கும், காய்ந்த சருகுகளை நன்றாகக் கொத்தி, மண்ணோடு மண்ணாக ஆக்கி, மரங்களைச் சுத்தமாகப் பராமரிப்பதன் முலம் முக்கிய உரச்சத்து முந்திரி மரங்களுக்குக் கிடைப்பதோடு, பூச்சி, பூஞ்சாணம் தாக்குதலும் குறையும். முந்திரி சாகுபடி செய்துள்ள விவசாயிகள், வருகிற வடகிழக்குப் பருவ மழையினை நன்கு பயன்படுத்திக் கொள்ளும் வகையில், முந்திரியில் இடைஉழவு செய்வதுடன் ஆங்காங்கே உள்ள புதர்களையும் நீக்குமாறு, வேளாண்துறை ஆலோசனை தெரிவித்துள்ளது. 

               மேலும் மரங்களின் ஆழப்பகுதியில் இருந்து, ஒரு மீட்டர் தள்ளி, ஒரு அடி ஆழம் அகலம் குழியெடுத்து, அதில் பரிந்துரைக்கப்பட்ட 50 கிராம் தொழு உரம், ஏக்கருக்கு 500 கிராம் தழைச் சத்து, 200 கிராம் மணிச் சத்து, 300 கிராம் சாம்பல் சத்து, ஆகியவற்றை இட்டு மூடிவிடவும். இதனால் மகசூலை அதிகரிக்க முடியும் என்றும் வேளாண் துறை ஆலோசனை தெரிவித்து உள்ளது.

Read more »

கடலூர் மாவட்டத்தில் முந்திரி மரங்களில் தேயிலை கொசு தாக்குதல்

கடலூர்: 

              கடலூர் மாவட்டத்தில் முந்திரி மரங்கள் தேயிலை கொசு என்ற பூச்சித் தாக்குதலுக்கு உள்ளாகி இருக்கின்றன. இதனால் ஏற்பட்டுள்ள மகசூல் பாதிப்பு விவசாயிகளை பெரிதும் கவலையில் ஆழ்த்தி வருகிறது.  தமிழகத்தில் கடலூர், பெரம்பலூர், அரியலூர், புதுக்கோட்டை, கன்னியாகுமரி மாவட்டங்களில் முந்திரி மரங்கள் அதிகளவில் உள்ளன. அதிலும் கடலூர் மாவட்டத்தில் தான் அதிகம். கடலூர் மாவட்டத்தில் 80 ஆயிரம் ஏக்கரில் முந்திரி பயிரிடப்பட்டுள்ளன. 

              பண்ருட்டி வட்டத்தில் மட்டும் 50 ஆயிரம் ஏக்கரில் முந்திரி மரங்கள் உள்ளன. ஆண்டுக்கு சுமார் ரூ. 100 கோடிக்கும் அதிகமாக முந்திரிக் கொட்டைகள் கடலூர் மாவட்ட விவசாயிகளிடம் இருந்து கொள்முதல் செய்யப்படுகின்றன.  இந்த ஆண்டு ஏப்ரல் மாதத்தில் முந்திரிக் கொட்டை சீசன் தொடங்கி இருக்கிறது. ஆனால் விவசாயிகளை பெரிதும் ஏமாற்றும் விதத்தில் மகசூல் அமைந்துள்ளது. டிசம்பரில் பெய்த வடகிழக்குப் பருவ மழை காரணமாக, ஈரப்பதம் நீடித்ததால் முந்திரி மரங்கள் பூப்பதில், ஒரு மாதம் காலதாமதம் ஏற்பட்டது.  

             கடந்த 5 ஆண்டுகளில் இல்லாத அளவுக்கு, இந்த ஆண்டு ஏப்ரலில் வெயிலின் கடுமை அதிகமாக இருப்பதால், முந்திரி மரங்கள் பாதிப்புக்கு உள்ளாகின்றன. கடும் வெயில் காரணமாக முந்திரிப் பூக்கள் பெருமளவு கருகியுள்ளன. மேலும் தேயிலை கொசு என்ற பூச்சித் தாக்குதலும், இந்த ஆண்டு அதிக அளவில் இருப்பதாக விவசாயிகள் தெரிவிக்கின்றனர்.  

பூச்சிக் கொல்லி மருந்துகள்: 

              பூச்சித் தாக்குதலில் இருந்து முந்திரி மகசூலை காப்பாற்ற என்டோசல்ஃபான், ரோகர் போன்ற மருந்துகளை, 15 நாளுக்கு ஒருமுறை அடிக்க வேண்டும் என்று, வேளாண் துறை பரிந்துரை செய்துள்ளது. 

             அதன்படி விவசாயிகள் இந்த பூச்சிக் கொல்லி மருந்துகளைத் தெளித்துள்ளனர். எனினும் பாதிப்பைக் கட்டுப்படுத்த முடியவில்லை என்று விவசாயிகள் கவலை தெரிவிக்கிறார்கள். 

 இதுகுறித்து பெத்தாங்குப்பம் விவசாயி பழனிச்சாமி கூறுகையில், 

              3 ஏக்கரில் முந்திரி பயிரிட்டுள்ளேன். கடந்த ஆண்டு ஏக்கருக்கு 5 மூட்டை (400 கிலோ) முந்திரிக் கொட்டைகள் கிடைத்தன. இந்த ஆண்டு உரம், பூச்சிக் கொல்லி மருந்துகள் என ஏக்கருக்கு ரூ. 30 ஆயிரம் வரை செலவு செய்துவிட்டேன். ரூ. 9 ஆயிரம் செலவு செய்து 3 முறை மருந்து அடித்து விட்டேன். தேயிலை கொசு என்ற பூச்சியும் கட்டுப்படவில்லை. வெயிலின் கடுமையும் அதிகமாக உள்ளது.  இதுவரை மொத்தம் ஒரு மூட்டை முந்திரிக் கொட்டைதான் கிடைத்து இருக்கிறது. தற்போது முந்திரிக் கொட்டை மூட்டைக்கு ரூ. 7,500 வரை விலை கிடைக்கிறது.  ஆனால் முந்திரிக் கொட்டை விளைச்சல் பாதிப்பு, விவசாயிகளை கண்கலங்கச் செய்துள்ளது. ஒரு வாரத்துக்குள் கோடை மழை பெய்தால், பூச்சித் தாக்குதல் சரியாகும் என்று எதிர்பார்க்கிறேன் என்றார். 

 வேளாண் அதிகாரி விளக்கம்: 

இதுகுறித்து வேளாண் தோட்டக்கலைத் துறை உதவி இயக்குநர் ராமலிங்கம் கூறியது

              இந்த ஆண்டு டிசம்பர் மழை காரணமாக முந்திரி மரங்கள் பூப்பதில் காலதாமதம் ஏற்பட்டது. வெயிலின் கடுமை அதிகமாக இருப்பதன் காரணமாக, காலம் தாழ்ந்து உற்பத்தியான பூக்கள், கருகத் தொடங்கி விட்டன. தேயிலை கொசு தாக்குதலும் காணப்படுகின்றன. வேளாண் துறை பரிந்துரையின் பேரில் இதற்கான பூச்சிக் கொல்லி மருந்துகளை, 90 சதவீதம் விவசாயிகள் தெளித்து இருக்கிறார்கள்.  எனினும் பூச்சித் தாக்குதல் கட்டுக்குள் வரவில்லை என்று விவசாயிகள் தெரிவிக்கிறார்கள். தற்போது கோடை மழை பெய்வதற்கான சாத்தியக் கூறுகள் அதிகம் காணப்படுகிறது. 

          ஒரு மழை பெய்தால் போதும் நிலைமை சீராகும். புதிய பூக்கள் உற்பத்தியாகி, மகசூலை வழக்கம்போல் அதிகரிக்கச் செய்யும் என்று எதிர்பார்க்கப்படுகிறது. மழைதான் விவசாயிகளுக்குக் கைகொடுக்க வேண்டும் என்றார்.   

Read more »