கடலூர், டிச. 10:
திட்டக்குடி அருகே ஒரே நாளில் 3 இடங்களில் நடந்த கொள்ளைச் சம்பவங்களில் ரூ. 2 லட்சம் மதிப்புள்ள செல்போன்கள், கம்ப்யூட்டர், ரொக்கப் பணம் களவு போய்விட்டன.
ராமநத்தம் தேசிய நெடுஞ்சாலையில் அலங்காரப் பொருள்கள் விற்பனை செயயும் கடை வைத்திருப்பவர் அருள். பூட்டி இருந்த அவரது கடையை செவ்வாய்க்கிழமை இரவு திருடர்கள் உடைத்து, அங்கிருந்த ரூ. 1.5 லட்சம் மதிப்புள்ள 32 செல்போன்களைத் திருடிச் சென்றுவிட்டனர். ராமநத்தம் அருகே ஒரங்கூர் உயர்நிலைப் பள்ளியில் அதே தினத்தில் பூட்டை உடைத்து கம்ப்யூட்டர் திருட்டு போய்விட்டது. ராமநத்தம் பிரதானச் சாலையில் வசிக்கும் மூதாட்டி கமலம்மாள் வீட்டில் திருடர்கள் நுழைந்து ரொக்கப் பணம் ரூ. 12 ஆயிரத்தைத் திருடிச் சென்றுவிட்டனர். ராமநத்தம் போலீஸôர் வழக்குப் பதிவுசெய்து விசாரணை மேற்கொண்டு உள்ளனர்.
0 கருத்துகள்:
கருத்துரையிடுக