கடலூர், டிச. 10:
சிதம்பரம் நடராஜர் கோயிலில் வியாழக்கிழமை மேலும் 5 இடங்களில், பக்தர்கள் காணிக்கை செலுத்தும் உண்டியல்கள் வைக்கப்பட்டன.
சிதம்பரம் நடராஜர் கோயில் நிர்வாகத்தை இந்து சமய அறநிலையத் துறை ஏற்றதைத் தொடர்ந்து அறநிலையத்துறை சார்பில் உண்டியல்கள் வைக்கப்பட்டு வருகின்றன. ஏற்கெனவே 4 இடங்களில் உண்டியல்கள் வைக்கப்பட்டு உள்ளன. தற்போது மேலும் 5 உண்டியல்கள் வைக்கப்பட்டு உள்ளன. கோயில் உள்பிரகாரம் கிழக்கு வாயில் 21-ம் படி அருகிலும், உள்பிரகாரம் கிழக்கு வாயில் சிற்றம்பல மேடை அருகிலும், மேற்கு வாயில் உள்பிரகாரம், தாயுமானவர் சன்னிதி அருகிலும், தட்சிணாமூர்த்தி சன்னிதி அருகிலும் இந்த உண்டியல்கள் வைக்கப்பட்டு உள்ளன.
0 கருத்துகள்:
கருத்துரையிடுக