விருத்தாசலம் கொளஞ்சியப்பர் கல்லூரியில் மாணவர் சேர்க்கைக்கான கவுன்சிலிங் 27ம் தேதி துவக்கம்

விருத்தாசலம் : 

            விருத்தாசலம் கொளஞ்சியப்பர் அரசு கல்லூரியில் மாணவர் சேர்க்கைக்கான கலந்தாய்வு வரும் 27ம் தேதி துவங்குகிறது.

இது குறித்து கல்லூரி முதல்வர் செந்தமிழ்ச்செல்வி விடுத்துள்ள செய்திக்குறிப்பு: 

           விருத்தாசலம் அரசு கல்லூரியில் இளங்கலை பிரிவுகளுக்கு விண்ணப்பித்துள்ள மாணவ, மாணவிகள் சேர்க்கைக்கான கலந்தாய்வு வரும் 27ம் தேதி துவங்குகிறது. அதன்படி 27ம் தேதி சிறப்பு பிரிவில் மாற்றுத் திறனாளிகள், விளையாட்டு வீரர்கள், முன்னாள் ராணுவத்தினரின் பிள்ளைகள், இலங்கை தமிழர்கள் ஆகிய மாணவ, மாணவிகளுக்கான சேர்க்கை கலந்தாய்வு நடக்கிறது. 

            வரும் 28ம் தேதி பி.ஏ., ஆங்கிலம், 29ம் தேதி பி.எஸ்சி., கணிதம் மற்றும் கணினி அறிவியல் பாடத்திற்கும், 30ம் தேதி பி.எஸ்சி., இயற்பியல், வேதியியல், விலங்கியல் பாடத்திற்கும், ஜூலை 4ம் தேதி பி.ஏ., தமிழ், பி.காம்., வணிகவியல், பி.ஏ., வரலாறு பாடத்திற்கும் கலந்தாய்வு நடக்கிறது. மாணவர்கள் 9 மணிக்கு வரவேண்டும்.