கடலூர், டிச.15:
சட்டப்பேரவை மதிப்பீட்டுக் குழு இம்மாதம் 21-ம் தேதி கடலூர் வரும் என்று மாவட்ட ஆட்சியர் ப.சீதாராமன் செவ்வாய்க்கிழமை அறிவித்தார்.
இது குறித்து ஆட்சியர் வெளியிட்ட செய்திக் குறிப்பு:
குத்தாலம் க.அன்பழகன் தலைமையிலான தமிழ்நாடு சட்டப்பேரவை மதிப்பீட்டுக் குழு 21-ம் தேதி கடலூர் மாவட்டத்துக்கு வருகை தந்து, ஆய்வுகளை மேற்கொள்ள இருக்கிறது. இதிóல் நிதி அமைச்சர் க.அன்பழகன், பொதுக் கணக்குக் குழுத் தலைவர் க.சிவராஜ், பொது நிறுவனங்கள் குழுத் தலைவர் டி.யசோதா உள்ளிட்டோர் உறுப்பினர்களக உள்ளனர்.
இக்குழு கடலூர், பண்ருட்டி, நெல்லிக்குப்பம் பகுதிகளில் உணவு மற்றும் நுகர்வோர் பாதுகாப்பு, ஆரம்ப சுகாதார நிலையங்கள், அரசு மருத்துவமனைகள், மருந்தகங்கள், தொடக்கப் பள்ளிகள், நடுநிலைப் பள்ளிகள், உயர்நிலைப் பள்ளிகள், மேல்நிலைப் பள்ளிகள், மாவட்ட நிர்வாகம், வருவாய்த்துறை, வளர்ச்சிப் பணிகள் ஆகிய பணிகள் குறித்து ஆய்வு மேற்கொள்ளும். அன்று மாலை கடலூர் மாவட்ட ஆட்சியர் அலுவலகத்தில் உள்ள கூட்ட அரங்கில் மாவட்ட ஆட்சியர் மற்றும் மாவட்ட அளவிலான அலுவலர்கள் ஆய்வுக் கூட்டம் நடைபெறும்.
0 கருத்துகள்:
கருத்துரையிடுக